OREMUS

BANAL NA ORAS PARA SA BOKASYON

Pandaigdigang Araw ng Panalangin para sa mga Bokasyon
PAGTATANGHAL SA BANAL NA SAKRAMENTO
Itatanghal ng pari ang Banal na Sakramento, ilalapag ang Ostensorio sa altar at iinsensuhan
ng pari samantalang inaawit ang sumusunod na awitin:

1
PAANYAYA SA PAGSAMBA
Paring Tagapagdiwang:

Mga kapatid, tayo nang magbigay dangal kay Hesus,

ang Mabuting Pastol ng tanan, na laging pumapatnubay
sa mga kabilang sa nililingap niyang kawan:
Purihin at ipagdangal
si Hesus na Poong mahal:
na sa atin ay humirang
nang kawan ay paglingkuran.
Butihing Pastol ng tanan.
R: Ang Pastol nating butihi’y
sariling buhay ang hain
upang tayo ay buhayin
at patuloy na akayin
sa ligayang walang maliw.
Ilang sandali ng katahimikan.

Paring Tagapagdiwang:

Mga kapatid, tayo ngayon ay magpuri kay Hesus,

ang Mabuting Pastol, ang siyang sa atin ay humihirang
upang Diyos at Kanyang bayan ay paglingkuran:
Purihin at ipagdangal
si Hesus na Poong mahal:
na sa atin ay humirang
nang kawan ay paglingkuran.
Butihing Pastol ng tanan.
R: Ang Pastol nating butihi’y
sariling buhay ang hain
upang tayo ay buhayin
at patuloy na akayin
sa ligayang walang maliw.
Ilang sandali ng katahimikan.

2
Paring Tagapagdiwang:

Mga kapatid, halina’t sa Mabuting Pastol,

pagpupuri at pasasalamat ay ihandog
at buong giliw sa Kanyang dumulog –
mga banal na lingkod, sa Kanyang Simbahan ay ipagkaloob:
Purihin at ipagdangal
si Hesus na Poong mahal:
na sa atin ay humirang
nang kawan ay paglingkuran.
Butihing Pastol ng tanan.
R: Ang Pastol nating butihi’y
sariling buhay ang hain
upang tayo ay buhayin
at patuloy na akayin
sa ligayang walang maliw.

Magkakaroon ng ilang sandali ng katahimikan bilang tanda ng maringal na pagsamba.

Ang Tagapagdiwang o ang diyakono o sinumang angkop na tagapaglingkod ay makapagbibigay

ng maikling paliwanag tungkol sa buod ng ipinagdiriwang.

Paring Tagapagdiwang:

Mga minamahal na kapatid, tayo ngayon ay natitipon sa harap ng

Kabanal-banalang Sakramento bilang isang sambayanan na
nagpupuri at nagpapasalamat sa Diyos. Sa pagdiriwang ng banal na
oras na ito, inaalala natin si Hesus bilang Mabuting Pastol. Ang
ganitong paglalarawan kay Hesus ay nagpapaalala sa atin ng
kanyang walang-hanggang pag-ibig, pagmamalasakit, at pag-aalay
ng sarili alang-alang sa atin.
Kaya sa ating pagdulog ngayon para sa mga bokasyon, hilingin
natin na maitulad natin ang ating mga sarili sa katangian ng
Mabuting Pastol at nawa ang mga “pastol ng mga kaluluwa” ay
maging katulad ni Hesus na handang magbigay ng sarili para sa
kawan.
3
PANALANGING PAMBUNGAD
Pagkaraan ng maringal na panalangin, ang lahat ay tatayo. Ang paring tagapagdiwang ay
magtutungo sa kaniyang upuan at pangungunahan ang sambayanan sa panalangin.

Manalangin tayo.
Ama naming makapangyarihan,
akayin mo kami upang kami’y mapabilang
sa mga maliligayang kapiling mo sa kalangitan
upang sa pagsunod namin bilang abang kawan
kami’y makarating sa sinapit ng pastol na idinangal
na siyang namamagitan
kasama ng Espirito Santo magpasawalang hanggan.
R. Amen.

Mauupo ang lahat.

4
 PAGPAPAHAYAG NG SALITA NG DIYOS

UNANG PAGBASA Jeremias 23, 1-4

Pagbasa mula sa aklat ni propeta Jeremias

Parurusahan ng Panginoon ang mga namumunong walang

malasakit sa kanilang mga nasasakupan at pinababayaang ang mga ito’y
mangalat at mamatay. Ito ang sabi ng Panginoon, ang Diyos ng Israel,
tungkol sa mga tagapanguna ng kanyang bayan: Pinapangalat ninyo at
pinabayaan ang aking kawan. Hindi ninyo sila binantayan kaya’t kayo’y
parurusahan ko dahil sa inyong ginawang ito. Ako na ang magtitipon sa
nalabi sa aking mga tupa mula sa lahat ng lupaing pinagtapunan ko sa
kanila. Ibabalik ko sila sa kanilang tinubuang lupa, at sila’y muling
darami. Hihirang ako ng mga pastol na magmamalasakit at mangangalaga
sa kanila. Hindi na sila muli pang daranas ng takot at agam-agam, at wala
nang maliligaw kahit isa. Akong Panginoon ang may sabi nito.”

Ang Salita ng Diyos.

R. Salamat sa Diyos.

5
SALMONG TUGUNAN (22, 1-3a. 3b-4. 5. 6.)

R. Pastol ko’y Panginoong D’yos, hindi ako magdarahop.

Panginoo’y aking Pastol, hindi ako magkukulang.
Ako’y pinahihimlay sa mainam na pastulan,
at inaakay niya ako sa tahimik na batisan,
binibigyan niya ako niyong bagong kalakasan.
R. Pastol ko’y Panginoong D’yos, hindi ako magdarahop.
At sang-ayon sa pangako na kaniyang binitiwan
sa matuwid na landasi’y doon ako inaakay.
Kahit na ang daang iyo’y tumatahak sa karimlan,
hindi ako matatakot pagkat ika’y kaagapay;
ang tungkod mo at pamalo ang gabay ko at sanggalang.
R. Pastol ko’y Panginoong D’yos, hindi ako magdarahop.
Sa harapan ng lingkod mo, ikaw ay may handang dulang,
ito’y iyong ginagawang nakikita ng kaaway;
nalulugod ka sa akin na ulo ko ay langisan
at pati na ang kalis ko ay iyong pinaaapaw.
R. Pastol ko’y Panginoong D’yos, hindi ako magdarahop.
Tunay na ang pag-ibig mo at ang iyong kabutihan,
sasaaki’t tataglayin habang ako’y nabubuhay;
doon ako sa templo mo lalagi at mananahan.
R. Pastol ko’y Panginoong D’yos, hindi ako magdarahop.

KATAHIMIKAN
Magkakaroon ng saglit ng katahimikan upang pagnilayan at namnamin ang Salita ng Diyos.

6
AWIT-PAMBUNGAD SA MABUTING BALITA Juan 10, 27
Aleluya! Aleluya!
Ang tinig ko’y pakikinggan
ng kabilang sa ‘king kawan,
ako’y kanilang susundan.
Aleluya! Aleluya!

MABUTING BALITA Marcos 6, 30-34

Nahabag siya sa kanila sapagkat para silang mga tupang walang pastol.

✠ Ang Mabuting Balita ng Panginoon ayon kay San Marcos

Noong panahong iyon, bumalik kay Hesus ang mga apostol at

iniulat ang lahat ng kanilang naisagawa at naituro. Napakaraming taong
dumarating at umaalis, anupat hindi na makuhang kumain ni Hesus at ng
kanyang mga alagad. Kaya’t sinabi niya sa mga ito, “Magtungo kayo sa
isang ilang na pook upang malayo sa karamihan at makapagpahinga kayo
nang kaunti.” Umalis silang lulan ng bangka, at nagpunta nga sa isang
ilang na dako.

Ngunit maraming nakakita sa kanilang pag-alis at nakilala sila.

Kaya’t mula sa lahat ng bayan, ang mga tao’y patakbong tumungo sa
dakong pupuntahan nina Hesus at nauna pang dumating doon kaysa
kanila. Paglunsad ni Hesus, nakita niya ang napakaraming tao; nahabag
siya sa kanila sapagkat para silang mga tupang walang pastol. At sila’y
tinuruan niya ng maraming bagay.

Ang Mabuting Balita ng Panginoon.

R. Pinupuri ka naming, Panginoong Hesukristo.

7
PAGNINILAY
Ang Paring Tagapagdiwang ay maaring magbigay ng pagninilay patungkol sa mga pagbasa.
Maaaring gamitin ang mensahe ng Kanyang Kabanalan Papa Francisco para sa2021
Pandaigdigang Araw ng mga Bokasyon (“San Jose: Ang Pangarap ng Bokasyon,” isinulat noong
ika-25 ng Abril 2021).
Pagkaraan ay magkakaroon ng ilang sandali ng katahimikan.

KATAHIMIKAN
Magkakaroon ng saglit ng katahimikan upang pagnilayan at namnamin ang Salita ng Diyos.
Maaaring gumamit ng anumang naaangkop na awitin.

LITANYA NG PANGINOONG HESUKRISTO,

ANG MABUTING PASTOL
Pagkaraan ay pamumunuan ng Paring Tagapagdiwang ang Litanya ng Panginoong Hesukristo,
Pari at Handog. Ang lahat ay magsisiluhod.

Pari: Sa harap ni Hesus sa Banal na Sakramento, buong puso nating

ipahayag ang ating pananalig at buong kababaang-loob
tayong dumulog para sa mga banal na bokasyon.
Tagapagdaloy: Magsiluhod po ang lahat.
Pari: Panginoon, kaawaan mo kami.
Bayan: Panginoon, kaawaan mo kami.
Pari: Kristo, kaawaan mo kami.
Bayan: Kristo, kaawaan mo kami.
Pari: Panginoon, kaawaan mo kami.
Bayan: Panginoon, kaawaan mo kami.
Pari: Kristo, dinggin mo kami.
Bayan: Kristo, dinggin mo kami.
Pari: Kristo, dinggin mo ang aming panalangin.
Bayan: Kristo, dinggin mo ang aming panalangin.
Pari: Diyos Ama sa langit,
Bayan: kaawaan mo kami.

8
Pari: Diyos Anak na tumubos sa sanlibutan,
Bayan: kaawaan mo kami.
Pari: Diyos Espiritu Santo,
Bayan: kaawaan mo kami.
Pari: Banal na Santatlo, iisang Diyos,
Bayan: kaawaan mo kami.
Sa mga sumusunod na pagluhog ng parangal, ang itutugon ng sambayanan ay “Kaawaan mo kami.”

Hesus, ang Mabuting Pastol,

Hesus, walang hanggang Pastol,
Hesus, matapat at maawaing Pastol,
Hesus, banal at dakilang Pastol,
Hesus, ganap na Mabuting Pastol, nag-aalab sa pagkalinga sa mga
kaluluwa,
Hesus, ganap na Mabuting Pastol magpakailanman,
O Mabuting Pastol, iniaalay ang Kanyang buhay para sa mga tupa,
O Mabuting Pastol, nakikilala ang Kanyang mga tupa,
O Mabuting Pastol, pinapanumbalik ang aming kalakasan,
O Mabuting Pastol, hahanapin ang nawawalang tupa hanggang sa ito’y
matagpuan,
O Mabuting Pastol, inililigtas ang Kanyang kawan mula sa mga asong-
gubat,
O Mabuting Pastol, pinapatnubayan sa tamang daan ang kawan,
O Mabuting Pastol, dinidinig ang panaghoy ng kawan,
O Mabuting Pastol, kabutiha’t pag-ibig sa kawan ay ‘di magkukulang,
O Mabuting Pastol, buhay magpakailanman upang kami ay ipag-adya,
O Mabuting Pastol ng aming ipinahahayag na pananampalataya,
O Mabuting Pastol, nag-aalab sa pagkalinga sa mga kaluluwa,
O Mabuting Pastol, nagkaloob sa amin ng panibagong buhay,
O Mabuting Pastol, nagmahal sa amin at hinugasan kami sa kasalanan sa
pamamagitan ng kanyang sariling Dugo,
O Mabuting Pastol, maamo at mababang-loob
Sa mga sumusunod na pagluhog ng parangal, ang itutugon ng sambayanan ay “Iligtas mo ang iyong
kawan.”

9
Sa gitna ng mga asong-gubat,
Sa mga mababangis na asong-gubat na nakadamit-tupa
Sa mga huwad na pastol,
Sa madilim na libis ng kamatayan,
Mula sa kasalanan,
Mula sa kahalayan ng isip at katawan,
Mula sa pagkamakasarili,
Mula sa mga kasalanang sumisira sa mga pamilya,
Mula sa hindi kalugod-lugod na pangangasiwa sa iyong Simbahan,
Mula sa pag-ibig sa mundo at mga pang-aakit nito,
Mula sa hindi karapat-dapat na pagdiriwang ng iyong mga misteryo,
Sa pamamagitan ng iyong walang hanggang pagkapastol,
Sa pamamagitan ng banal na pagpapahid sa iyo ng Ama na nagtanghal sa
iyo na maging pastol,
Sa pamamagitan ng iyong maka-pastol na Espiritu,
Sa pamamagitan ng iyong paglilingkod na nagbigay-parangal sa Ama,
Sa pamamagitan ng madugong pag-aalay ng iyong sarili,
Sa pamamagitan ng sakripisyong sinasariwa sa araw-araw,
Sa pamamagitan ng iyong kapangyarihan na ginagamit sa paglilingkod,
Sa mga sumusunod na pagluhog ng parangal, ang itutugon ng sambayanan ay “Dinggin mo ang iyong
kawan.”

Nawa’y panatilihin mo ang Banal na Orden sa Pagpapari,

Nawa’y pagkalooban mo ang iyong kawan ng mga pastol ayon sa iyong
puso,
Nawa’y pagkalooban sila ng espiritu ng iyong pagkapastol,
Nawa’y ang labi ng iyong pari ay maging tabernakulo ng iyong banal na
kaalaman,
Nawa’y paramihin mo ang mga nagkakaloob ng iyong mga banal na
misteryo,
Nawa’y pagkalooban mo sila ng katapatan sa pagtupad sa iyong kalooban,
Nawa’y pagkalooban mo sila ng kabanalan sa kanilang paglilingkod,
kagalingan sa kanilang mga gawain, at pananatili sa
pananalangin,
Nawa’y sa pamamagitan nila ay maipangalat ang pagsamba sa Banal na
Sakramento sa lahat ng dako ng daigdig,
Nawa’y manatiling tapat ang mga nag-aalay sa Iyo ng kanilang buong
pagkatao bilang mga relihiyoso at relihiyosa,
Nawa’y tunay silang magbigay ng maningning na halimbawa sa harap
ng sakit at pangamba,
Nawa’y humirang ka pa ng mga lalaki at babaeng handang maghandog sa
iyo ng kanilang buong sarili bilang mga pari, relihiyoso, at
relihiyosa,
Nawa’y bigyang awa ang mga kabataan upang maging bukas at handa sa
pagsunod sa iyong panawagan,
Nawa’y tulutan ang bawat tahanan na maging punlaan ng bokasyon ng
paglilingkod sa iyo at sa iyong simbahan,
Nawa’y tanggapin mo sa iyong kaharian ang mga lingkod mong
pumanaw na,
Pari: Kordero ng Diyos, na nag-aalis ng mga kasalanan ng
sanlibutan,
Bayan: Ipag-adya mo kami.
Pari: Kordero ng Diyos, na nag-aalis ng mga kasalanan ng
sanlibutan,
Bayan: Dinggin mo kami.
Pari: Kordero ng Diyos, na nag-aalis ng mga kasalanan ng
sanlibutan,
Bayan: Kaawaan mo kami.
Pari: Hesus, Mabuting Pastol, dinggin mo kami.
Bayan: Hesus, Mabuting Pastol, dinggin mo kami.
Pari: Hesus, Mabuting Pastol, kalugdan mo kami.
Bayan: Hesus, Mabuting Pastol, kalugdan mo kami.

AMA NAMIN
Paaanyayahan ng paring tagapagdiwang ang sambayanan sa pag-awit ng Ama namin.

Pari: Ang Panginoon ang Mabuting Pastol na nakakikilala sa mga

kabilang sa kanyang kawan sa kani-kanilang pangalan. Ialay
natin ang ating mga panalangin sa Diyos na taglay ang
pagtitiwala sa kanyang pag-ibig sa atin:
11
Ilalahad ng pari ang kanyang mga kamay at ipahahayag niya kaisa ng lahat:

Ama namin, sumasalangit ka.

Sambahin ang ngalan mo.
Mapasaamin ang kaharian mo.
Sundin ang loob mo
dito sa lupa para nang sa langit.
Bigyan mo kami ngayon
ng aming kakanin sa araw-araw.
At patawarin mo kami sa aming mga sala
para nang pagpapatawad namin
sa nagkakasala sa amin.
At huwag mo kaming ipahintulot sa tukso.
At iadya mo kami sa lahat ng masama.

PANGWAKAS NA PANALANGIN
Pari: Manalangin tayo.
O Diyos na makapangyarihan,
manunubos at pastol ng mga kaluluwa,
akayin mo kami sa landas ng kabanalan
upang makarating sa kaligayahang makalangit
at kami ay hatian ng iyong maluwalhating tagumpay
sa pamamagitan ni Hesukristo
kasama ng Espiritu Santo magpasawalang hanggan.
Bayan: Amen.

KATAHIMIKAN
Magkakaroon ng ilang sandali ng katahimikan bilang tanda ng maringal na pagsamba. Kung
mamarapatin, maaaring iprusisyon ang Banal na Sakramento sa loob ng simbahan.

12
 MARINGAL NA PAGBABASBAS
Ang lahat ay magsisiluhod. Ang paring tagapagdiwang ay luluhod sa harap ng Banal na
Sakramento, iinsensuhan ito habang inaawit ang sumusunod:

V. Panem de caelo praestitisti eis. Alleluia.

R. Omne delectamentum in se habentem. Alleluia.
Oremus:
Deus, qui nobis sub sacramento mirabili,
passionis tuae memoriam reliquisti:
tribue, quaesumus,
ita nos corporis et sanguinis
tui sacra mysteria venerari,
ut redemptionis tuae fructum
in nobis iugiter sentiamus.
Qui vivis et regnas in saecula saeculorum.
R. Amen.

13
Igagawad ng paring tagapagdiwang ang pagbabasbas gamit and Banal na Sakramento.
Pagkaraan ay luluhod muli at pangungunahan ang pagsambit ng mga pagpupuri..

Purihin ang Diyos.

Purihin ang Kanyang Santong Ngalan.
Purihin si Hesukristo, Diyos na totoo, at tao namang totoo.
Purihin ang Ngalan ni Hesus.
Purihin ang Kanyang kabanal-banalang Puso.
Purihin ang Kanyang kamahal-mahalang Dugo.
Purihin si Hesukristo sa Santisimo Sakramento sa Altar.
Purihin ang Espiritu Santo, ang Mang-aaliw.
Purihin ang Dakilang Ina ng Diyos, si Maria Santisima.
Purihin ang banal at kalinis-linisang Paglilihi sa kanya.
Purihin ang maluwalhating Pag-akyat sa Langit
kay Santa Mariang Birhen.
Purihin ang ngalan ni Maria, Birhen at Ina.
Purihin si San Jose, ang kanyang kalinis-linisang esposo.
Purihin ang Diyos sa Kanyang mga Anghel at mga Banal.
Amen.

Habang ginaganap ang reposisyon, ang sambayanan ay nakaluhod habang inaawit ang
sumusunod:

14
Pagkaraan, aawitin ang Salve Regina bilang pagpaparangal at pagdulog sa panalangin ng
Mahal na Birhen.

Magtutungo ang paring tagapagdiwang sa kanyang upuan upang ganapin ang paghahayo.

15
 PAGHAYO
Sa puntong ito, maaaring magbigay ang pari ng ilang pahayag.
Pagkaraan, ang paghahayo ay gaganapin sa pamamagitan ng mga sumusunod na salaysay:

“Dahil kay Kristo, tayo rin ay naging pag-aari ng Diyos na siyang

nagsagawa ng lahat ng bagay ayon sa layunin ng kanyang kalooban.”
(Efeso 1:11-12)
Patuloy nating hilingin sa Diyos na liwanagan Niya ang ating mga puso’t
isipan upang matanto natin ang Kanyang kalooban. Gayundin, tayo nawa
ay magkamit ng lakas ng loob at pagpupunyagi upang tupdin ang
bokasyong sa atin ay inilaan.
Humayo tayong taglay ang pag-ibig ni Kristo, ang Mabuting Pastol!

R. Salamat sa Diyos.
Tahimik na lilisanin ng Paring Tagapagdiwang ang dambana.

16