Antoxana

L'Antoxana, términu deriváu de la xuntanza de

los vocablos llatinos ante (énte) y ostium Antoxana
(puerta), ye una figura tradicional de gran Llocalización
raigame n'Asturies, con una esistencia que yá se
documenta dende l'Alta Edá Media. Siempre
cumplió una función de gran sonadía nel
mundu rural, xunida dafechu a les construcciones d'esta naturaleza, que non solo vieno emplegándose
como espaciu de trabayu, depósitu de ferramientes, carga y descarga, sinón tamién como llugar de fuelga,
descansu, alderique y distraición.

La so carauterística cimera ye la de prestar serviciu, xeneralmente a la casa, pero tamién a la construcción o

construcciones que se sirven d'ella, como l'horru, la panera, la corte, el cobertizu, la tenada o llugares
asemeyaos.

A lo llargo la historia, l'antoxana amosóse como una de les figures más dinámiques del drechu
consuetudinariu asturianu, y inda anguaño esti allugamientu vese revitalizáu por dos motivos principales:
d'un llau, por un anováu interés haza la zona rural asturiana consecuencia de la tendencia a disponer d'una
segunda residencia; y d'otru, polos cambeos de zunes vacacionales que dieron llugar a la creación del
denomáu turismu rural.

Estes dos circunstancies revitalizaron l'usu de l'antoxana como llugar de fuelga, descansu, alderique y
distraición, ensin escaecer, per otru llau, que tamién xeneraron un espoxigue de los litixos xudiciales tocante
a esta figura pola mor de la irrupción de vezos urbanos discordantes colos usos y costumes del mundu rural.

El so papel nel drechu

Los más de los pleitos que cinquen cuestiones de drechu consuetudinariu asturianu tienen como exa central
l'antoxana, lo que da idea de la tradicional importancia d'esta figura n'Asturies.

Ver tamién
Andecha
Arquiteutura popular

Referencies

Enllaces esternos
(castellán) Dictame de la Comisión Especial de Drechu Consuetudinariu Asturianu (http://an
leo.jgpa.es:8080/documentos/Boletines/pdf/6B-455.pdf#)
 Control d'autoridaes Proyeutos Wikimedia · Datos: Q8200997

Sacáu de «https://ast.wikipedia.org/w/index.php?title=Antoxana&oldid=3609301»