myembro sang progresibo nga grupo sa South Cotabato ang nagtipon sa atubang sang provincial capitol sa Koronadal subong nga adlaw.
Suno kay Kilusang Magbubukid ng Pilipinas
ukon KMP Secretary General Lito Roxas, katuyuan sini nga ipakita ang pagkundenar sa ginatawag nila nga masakaer sang mga katutubo sang nakaligad nga semana sa Barangay Ned, Lake Sebu.
Ginhatagan man sang punto ni Roxas nga
gapamabalabag sila sa extension sang Martial Law sa Mindanao.
Gindugang pa sini nga luyag man nila nga
makaistorya si Governor Daisy AVance Fuentes para ipalab-ot ang ila nga pagpamabalabag sa coal mine project sa barangay Ned.
LOCAL
Ginsulod sang mga kawatan ang balay sang isa
ka negosyante sa banwa sang Tupi, banda alas 3 sang tinalikdan nga adlaw. Ginkilala ni PCI Benie Faldas, Chief of Police sang Tupi PNP, ang nasambit nga balay ang ginapanag-iyahan ni Mario Trabado nga residente sang Purok 12, Brgy Poblacion, Tupi, South Cotabato.
Suno sa imbestigasyon, nakasulod suno pa ang
mga kawatan matapos magsaka sa pader sang ila nga balay.
Diri ginguba sang mga kawatan ang kandado
sang pertihan ang mastersbed room kun sa diin nakuha nila ang kwarta nga naglab-ot sa P1,284, 000.00.
Padayon naman nga ginatun-an sang mga
otoridad ang insidente agud matumod ang posible nga mga suspek.
NATIONAL
Ginpaguwa subong sang Malacañang ang sulat ni
Pangulong Rodrigo Duterte para sa Kongreso nga nagahingyo nga mapalawig pa ang pagpatuman sang Martial Law sa bug-os nga Mindanao sa sulod sang isa ka tuig, subong man ang suspension sang privilege of writ of habeas corpus.
Sa sulat ni Pangulong Duterte nga may petsa
nga Disyembre 8 kanday House Speaker Pantaleon Alvarez kag Senate President Koko Pimentel, ginpahayag sini ang dako nga progreso sang militar nga makontrol ang rebelyon sa Mindanao, partikular na sa Marawi City kun sa diin nag-atake ang ISIS- Maute terror group nga nagresulta sa pagkapatay sa ila nga mga lider.
Nakapagkit man sa sulat ni Duterte nga sandig
sa security assessment ni AFP chief of staff Gen. Rey Leonardo Guerrero, kinahanglan masiguro nga mapulbos ang mga ISIS-inspired terror groups, iban pa nga local kag foreign terrorist groups kag mga armado nga grupo kalakip ang ila nga mga supporters, financiers kag “coddlers.”
INTERNATIONAL
Ginghingyo sang United Nations (UN) nmga
sundon sang North Korea ang mga resolusyon nga ila ginpasa agud malikawan ang anuman nga mga sanction.
Una diri, nakigsapol si UN Under-Secretary-
General for Political Affairs Jeffrey Feltman kay North Korean Foreign Minister Ri Yong Ho, agud kay-uhon ang tensyon sa pungsod natuhoy sa nuclear kag missile tests sini.
Gindusp pa ni Feltman nga diplomatic solution
lamang ang sabat sa sitwasyon, pinaagi sa serious dialogue.
SPORTS Ginpadaog sang lima nga three-points sa fourth quarter ni Jrue Holiday ang New Orleans Pelicans sa ila nga 131-124 nga kadalag-an kontra Philadelphia 76ers.
Ginpangunahan man ni Holiday ang New Orleans
sa kiya 34 points agud makalagas sa ila nga eight-point deficit sa ulihi nga bahin sang hampang.
Nagpaulan naman sang 28 points para sa Sixers
si JJ Redick, samtang si Rajon Rondo naman ang may 13 points kag 18 assists.
Ginhingalitan naman sang Pelicans ang
kakulangan sa tao sang Philadelphia para makuha ang ila 14th win sa season.
SHOWBIZ
Nagpromisa subong ang singer nga si Justin
Bieber nga magbulig ini sa mga nadalasa sang Southern California wildfire.
Sandig sa isa ka social media video sini,
ginpakigbahin niya nga indi siya bumbero apang gamiton niya ang iya nga “resources” para makabulig sa liwat nga pagluntad sang sunog sa lugar.
Gin-istorya naman suno pa sini ang pila ka
tawo nga mahimo makabulig sa ipatigayon nga fundraising.
Nagpanawagan man ini sa iya mga fans kag0
followers nga mag-donte sang mga bayo, tubig, pagkaon, kag iban pa nga produkto.