Ka disa studiues që e shohin pikënisjen e realizmit politik tek historia
pasi lidhja e tij me natyrën njerëzore tregon perceptimin e njeriut për veten dhe mënyrën sesi e sheh të projektuar botën nga njeriu duke u bazuar në praktikat e tij. Për Spegele realizmi politik është shumë afër realizmit historik gjë që në fakt duket të ketë baza të forta pasi zhvillimi i realizmit politik i ka rrënjët pikërisht në eksperiencat historike njerëzore dhe me shpjegime që vetëm realizmi politik mund t’i argumentojë nëpërmjet ngjarjeve të ndryshme shumë më tepër se çdo paradigmë tjetër, gjë që na tregon se krijimi i realizmit politik vjen nga historia. Kështu Spegele shprehet se mënyra sesi vetë-interpretohen qeniet njerëzore me pikëpamje apo perceptime, karakterizon botën të cilën ata përbëjnë dhe në të cilën veprojnë, një tipar ky i paeleminueshëm i realizmit historik. Sipas Molloy një prejardhje e realizmit është bashkëbisedimi i presupozuar nga njohuri të thella historike dhe filozofike të angazhuara në studimet politike. Pavarësisht nga hershmëria e tij, realizmi u zhvillua shumë edhe gjatë shekujve XIX dhe XX, periudhë e cila sipas fakteve historike veçanërisht gjatë luftërave të zhvilluara na tregon për një përputhshmëri të ngjarjeve me shpjegimet e realizmit politik duke treguar qartë për dominimin e perceptimit politik evropian të bazuar kryesisht tek realizmi politik, këtë konstatim bën edhe Kisinger. Në këtë këndvështrim përvetësimi i Çamërisë dhe spastrimi etniko-fetar i tij nga Greqia shtrihet në një kohë, kulturë, hapësirë dhe histori të dominuar nga perceptimi realist i marrëdhënieve ndërkombëtare dhe si rrjedhojë implikimi i tij është i pashmangshëm. Pavarësisht nga përmbajtja e shpjegimeve dhe analizave sipas teorive të ndryshme, realizmi në këtë studim mbetet mjeti kryesor shpjegues. Në fakt realizmi përbën një nga teoritë më të rëndësishme dhe domethënëse për fillesat e zhvillimit të teorive politike të marrëdhënieve ndërkombëtare, aq sa ëalt shprehet se “realizmi ka gjasa të mbetet mjeti më i dobishëm në kutinë e veglave të intelektualit” Politika e jashtme shihet nga realistët si një zgjatim i politikës së brendshme. Ndikimi i politikës së brendshme në politikën e jashtme ka të ngjarë të ndryshojë me sfidat e sigurisë që rrjedhin nga mjedisi i jashtëm (dhe për këtë arsye trajtohet qëndrimi shqiptar si një faktor me rëndësi). (Realism in Foreign Policy Analysis Anders Wivel) Realizmi supozon se fuqia është (ose duhet të jetë) mjeti i fundit kryesor i veprimeve politike, si në arenën kombëtare edhe në atë ndërkombëtare. Si rrjedhojë teoria duhet të shqyrtohet ose si një parashkrim për atë çfarë mund të jetë rasti, domethënë, kombet dhe politikanët tentojnë të ndjekin pushtetin ose interesat e tyre ose si një përshkrim i gjendjes në pushtet – të cilën vetëm kombet dhe politikanët e ndjekin apo ushtrojnë pushtetin ose interesin vetjak (dhe ndoshta vetëm ata mund ta ushtrojnë në raste të caktuara). Tipari i tretë lidhet me imperializmin ushtarak grek të aneksimit të Çamërisë i cili u influencua dhe u favorizua nga kushtet anarkike gjatë luftërave ballkanike në rajon dhe u arrit si rrjedhojë e fuqisë më të madhe relative të Greqisë në një kohë kur Shqipëria nuk njihej ende nga Fuqitë e Mëdha si shtet, por edhe nga perceptimi realist i kohës si edhe prej favorizimi që vinte si rrjedhojë e ndryshimit të ekuilibrit të forcave dhe aleancave. Në këtë pjesë argumentohen arsyet e aneksimit dhe të përvetësimit të Çamërisë kryesisht nëpërmjet argumenteve të dhëna nga realistët. Tipari i katërt lidhet me përzgjedhjen e mjeteve nga Greqia kundër popullsisë çame që nga koha e aneksimit, të cilat përveç rrjedhojave negative dhe tragjike ishin në kundërshtim me vlerat e bashkësisë njerëzore të cilat promovohen nga liberalët dhe kryesisht nga teoritë politike normative. Këto mjete tregojnë se praktikat politike greke ishin të bazuara në realpolitkë. Në këtë pjesë trajtohet çështja çame ndërmjet viteve 1923-1926. Këto vite janë marrë në studim pasi vërtetojnë akoma më shumë se sjellja greke bazohej në një logjikë të interesit kombëtar grek për kohën kur zhvillohen ngjarjet apo thënë ndryshe në Realpolitikë duke pasur si qëllim përfitime territoriale dhe fuqizim gjeostrategjik, ndërkohë që ligji i luftës në vitin 1940 vjen si rrjedhojë e kësaj politike të vazhdueshme dhe jo nga bashkëpunimi me fashizmin pasi kjo logjikë do të kishte mbajtur ligjin e luftës në vazhdimësi edhe me Italinë gjë që në fakt nuk ndodhi. Për Louis Zanga ky ligj ishte anakronizëm i Luftës së Dytë Botërore dhe vendosja e marrëdhënieve ndërmjet dy vendeve në vitin 1971 tregon se ishte një ligj simbolik, dhe se Greqia nuk kishte pasur arsye të forta për mbajtjen e tij. Spastrimi etnik dhe mjetet e përdorura kundër popullsisë muslimane çame në Çamëri pas aneksimit të saj, na tregon për frikën e Greqisë ndaj kombit shqiptar dhe vërteton ekzistencën dominuese të shqiptarëve në Çamëri. Fakti që popullsia shqiptare ortodokse e cila ishte e asimiluar nuk u bë pre e masakrave dhe mjeteve spastruese greke tregon se politika greke i konsideronte të gjithë ortodoksit si grekë dhe se u trembej vetëm shqiptarëve me ndjenja të forta përkatësie kombëtare, Në përpjekje për të arsyetuar tiparin e parë realist për çështjen Çame nevojitet të studiohen dhe analizohen fillesat e pretendimeve historiko- politike greke dhe shqiptare të shoqëruara me një skicë politike të mbushur me shpjegime teorike dhe empirike sipas niveleve analitike të teorive të marrëdhënieve ndërkombëtare, të cilat do të na mundësonin të kuptonim zhvillimet e tiparit të dytë realist atë të përvetësimit të Çamërisë nga Greqia si rrjedhojë e sistemit ndërkombëtar jo vetëm anarkik, por edhe favorizues për më të fuqishmin, si edhe shpjegimit nëpërmjet niveleve të tjera të analizës të bazuara kryesisht në qasjen e teorisë realiste. Në disiplinën e marrëdhënieve ndërkombëtare jepet qartë se një nga elementet që tregon fuqinë e një shteti është territori, një tjetër element është popullsia e cila do të rritej bashkë me rritjen e territorit, në këtë pikëpamje Greqisë i duhej një territor i madh për të pasur një influencë më të madhe në Ballkan, me kosto relativisht të vogla të përvetësimit duke marrë në konsideratë që ushtria greke ishte më e përgatitur dhe më e fuqishme se forcat shqiptare. Për realizmin, teoria konsiston në konstatimin e fakteve duke u dhënë atyre kuptim përmes arsyes. Ajo hamendëson se karakteri i një politike të jashtme mund të konstatohet vetëm përmes shqyrtimit të akteve të kryera politike dhe pasojat e parashikueshme të këtyre akteve. Kështu ne mund të gjejmë se çfarë kanë bërë pushtetarë të ndryshëm dhe nga pasojat e parashikueshme të akteve të tyre, mund të hamendësojmë se cilat mund të ketë qenë objektivat e tyre. Një shtyllë drejtuese e cila e ndihmon realizmin politik të gjejë rrugën e tij në politikën ndërkombëtare është përcaktimi i konceptit të interesit në termat e pushtetit. Për këtë arsye realpolitika greke apo interesi në termat e pushtetit grek shihet tek rritja dhe forcimi i elementeve që ndikojnë në rritjen e pushtetit, siç janë: territori, popullsia, ushtria etj. Të trija këto elemente u rritën së bashku me aneksimin e territoreve shqiptare ndërkohë popullsia e cila kërcënonte për vetëvendosje nëpërmjet ruajtjes së identitetit të tyre u spastrua pavarësisht se në Çamëri shqiptarët përbënin 80 për qind të popullsisë. Për Morgenthaun-in si politika e brendshme dhe ajo ndërkombëtare është një luftë për pushtet, e modifikuar vetëm nga kushtet e ndryshme në të cilat zhvillohet konflikti Një paradigmë tjetër e cila ndihmon në kuptimin dhe shpjegimin e marrëdhënieve ndërkombëtare është konstruktivizmi. Alexander ëendt qartëson pretendimet kryesore të qasjes konstruktiviste duke prezantuar një paraqitje të botës në mënyrë strukturore dhe idealiste e cila bie ndesh me individualizmin dhe materializmin. Sipas tij konstruktivizmi është një teori kulturore e marrëdhënieve ndërkombëtare e cila supozon se përcaktuesi fondamental i marrëdhënieve ndërmjet shteteve qëndron në mënyrën sesi shtetet e shohin njëri- tjetrin. Në këtë kontekst faktori vendimtar është mënyra sesi shtetet e shohin njëri-tjetrin, si armiq, kundërshtarë apo miq. Në rastin tonë Greqia dhe Shqipëria e shihnin njëra-tjetrën si armike pasi Greqia kishte shfaqur hapur interesat e saj ekspansioniste në dëm të Shqipërisë, kështu që marrëdhëniet e tyre janë përcaktuar nga ky fakt. Megjithëkëtë konstruktivizmi ka kufizimet e veta në dhënien e shpjegimeve të mëtejshme. ëendt i sheh rolet e shteteve sipas këtij perceptimi si “kultura anarkike”. Këto kultura influencohen nga ide të përbashkëta të cilat ndahen gjerësisht brenda një vendi dhe të cilat ndihmojnë për t’i dhënë formë interesit shtetëror dhe gjenerojnë tendenca në sistemin ndërkombëtar Po aty, f. 1. Dy shtyllat kryesore të konstruktivizmit sipas tij janë: 1. Strukturat e shoqërisë njerëzore përcaktohen kryesisht nga ndarja e ideve më shumë se nga forcat materiale. 2. Identitetet dhe interesi i aktorëve ndërtohen nga këto ide të përbashkëta që ndahen dhe nuk vijnë nga natyra. Konstruktivizmi nuk jep një skicë apo skemë për të gjetur se nga vijnë mendimet sociale si rrjedhojë në fazat fillestare të një studimi ajo ka mangësitë e veta. Alexander ëendt i shikon shtetet të vetëinteresuara dhe si aktorë kyç të politikave botërore të cilat ndërtohen në mënyrë sociale. Për konstruktivistët veprimet e shteteve janë të përcaktuara jo nga anarkia por nga mënyra se si shtetet në mënyrë sociale ndërtojnë dhe më pas pranojnë imazhet e realitetit dhe më tej u përgjigjen kuptimeve që u jepen politikave të fuqisë, si pasojë kufizimet ndryshojnë në rastet konfliktuale nga ato bashkëpunuese Disa pohime të konstruktivistëve mund të pranohen në rastin e Çamërisë si për shembull koncepti i anarkisë dhe konceptet e tjera të ndërtuara në mënyrë sociale si “sovraniteti” dhe “fuqia” janë thjesht produkt i asaj çfarë shtetet bëjnë me to. Dy kritika thelbësore që i bëhen konstruktivizmit janë: Nëse ndryshimet e ideve, ndërmjet diskutimit dhe ligjërimit drejtojnë në ndryshimin e sjelljes brenda sistemit global, çfarë vlere ka lindja dhe rënia e ideve dhe ligjërimeve herë pas here? Kritika e dytë e cila është më e rëndësishme për studimin tonë, vjen nga Jack Snayder i cili shprehet se “Konstruktivistët janë të zotë në përshkrimin e ndryshimeve, por ata janë të dobët në shpjegimin e rrethanave materiale dhe institucionale për të mbështetur shfaqjen e konsensusit rreth ideve dhe vlerave të reja” ëendt shprehet se disa shtete si Shqipëria, Burma kanë ndërvepruar kaq pak me të tjerët sa janë quajtur “autike”, kjo do të thotë se sistemi ndërkombëtar nuk ndikon shumë në ndërtimin e shteteve dhe kështu prodhohet mbështetje intuitive për individualizëm. Problemi qëndron se struktura shoqërore në sistemin ndërkombëtar nuk është shumë solide gjë që duket se redukton rëndësinë e argumenteve konstruktiviste për të vërtetuar se shoqëria në tërësi krijon individin. Konstruktivizmi ashtu si edhe liberalizmi apo idetë liberale morën një vëmendje të gjerë gjatë luftërave botërore dhe veçanërisht pas tyre, ndërkohë para kësaj kohe këto paradigma nuk paraqesin një zhvillim të mirëfilltë të ideve. Neorealistët e shohin strukturën e sistemit ndërkombëtar si një shpërndarje të aftësive materiale, pasi ata e shohin subjektin e tyre nëpërmjet një lenteje materialiste në një botë anarkike që përbën edhe faktorin vendimtar të marrëdhënieve ndërkombëtare dhe pamundësinë e zgjidhjeve të problemeve. Për neorealistët problemi kryesor është sistemi anarkik dhe për këtë arsye në këtë punim trajtohen vetëm pasojat që vijnë nga anarkia botërore. Neoliberalët e shohin anarkinë si diçka që mund të menaxhohet nëse bashkohet me institucionet, pasi ata i shtojnë bazës materiale një superstrukturë institucionale e cila do ta menaxhojë. Kjo qasje e neoliberalëve krijon një problem tjetër atë të instrumentalizimit të institucioneve dhe pamundësisë së tyre për të luajtur vetëm rolet si arenë dhe aktore. Ndërkohë konstruktivistët e shohin atë si një shpërndarje të ideve, pasi ata kanë një ontologji idealiste. Sipas teoricienëve të përzgjedhjes racionale individi, si rrjedhojë edhe shteti, mundohen të maksimizojnë dobinë e tyre duke lënë pas dore çdo pjesë tjetër të qenies së tyre. Në këtë kontekst maksimizimi i dobisë së Greqisë gjatë luftërave ballkanike ishte zgjerimi i territoreve duke u munduar të përfitonte sa më shumë nga këto luftëra. Racionalizmi si qasje nuk ka ndryshuar shumë që nga shekulli XVII pavarësisht nga ndryshimet rrënjësore të njerëzimit ai ka mbajtur të bashkuar pas arsyes shoqërinë dhe botën fizike me aftësinë e mendjes së njeriut për të bashkuar shoqëritë së bashku nëpërmjet aplikimit të të njëjtave principe racionale. Megjithëse ai jep disa supozime të qëndrueshme për rastin e Çamërisë, ato janë të kufizuara pasi filozofia e racionalizmit ka mangësi të mëdha, kështu për Morgenthaun-in racionalizmi dështoi të kuptonte natyrën njerëzore, natyrën e botës sociale dhe natyrën e arsyes në vetvete. Racionalizmi nuk evidenton se natyra njerëzore ka tre dimensione: dimensionin biologjik, racional dhe shpirtëror. Duke neglizhuar impulset biologjike dhe aspiratat shpirtërore racionalizmi e keqstrukturon funksionin e arsyes sipas Morgenthau-t. Gjithashtu një filozofi e përcaktuar si një sistem i supozimeve intelektuale është statike dhe e pandryshueshme ndërkohë që njerëzimi dhe jeta janë në flukse konstante si rrjedhojë kjo qasje paraqet kufizime të mëdha në analizën e rastit tonë për nga zhvillimet që mbart periudha e studimit dhe jo vetëm. Sipas Morgenthau-t fitimtarët intelektualë nuk fitojnë në këtë mënyrë pasi dominimi i një filozofie në rrjedhën e viteve dhe vazhdimësia e saj në të ardhmen nuk determinohen nga standardet e një seminari në logjikë apo metafizikë, por nga marrëdhëniet e tij me eksperiencat jetësore të një njeriu të thjeshtë. Në këtë këndvështrim nëse njerëzit e gjykojnë një teori si të vërtetë duke u bazuar tek eksperiencat e tyre atëherë gjasat e pranueshmërisë së teorisë në fjalë janë më të mëdha se teoritë e papranuara të cilat njerëzit nuk i kuptojnë pasi i mungon eksperienca e cila mund të japë shpjegimet e pritshme. Mënyrat perceptive të paradigmave ndajnë edhe dobishmërinë e tyre për raste të caktuara kështu neorealizmi trajtohet vetëm në perceptimin e sistemit si shkaktar i çdo gjëje, falë anarkisë së tij duke mos u fokusuar tek aktorët dhe shkaqet që nxisin aktorët, ndërsa konstruktivizmi dhe teori të tjera bashkëkohore të marrëdhënieve ndërkombëtare trajtohen më tej në studim pasi pjesa më e madhe e elementeve përgjatë historisë, kryesisht për shkak të kushteve dhe perceptimit në atë kohë, gjenden në qasjen realiste. Gjithashtu realistët i kushtojnë një vëmendje të veçantë sjelljes së shteteve, pasi sipas Morgenthau-t politika e brendshme e një shteti dhe politika botërore janë dy gjëra të ndryshe, por që manifestojnë të njëjtin fenomen, atë të luftës për pushtet dhe fuqi