ZAM Hotline 016-293 9027 ZAM Office 03-2142 6659

Email: zomiassociationmls@gmail.com

Volume 7, Issue 31
ZAM Member Card vai zaksakna: 2013 January 1st ni akipan, ZAM card tawi member khat ii ngahtheih ding hamphatna teng: (1). Deihloh pen sihna tuaka ZAM card ahinglai(valid) leh sumtang RM-500/(zanga) tawh siatvatna in, kipia ding hi. (2). UNHCR department tuamtuamah lai-at ding aom leh manngenlo (free) in, ki-atsak ding hi. (3). Nasep neilote nasep manngenlo-in, ki zonsak ding hi. (4). Damlo leh mat leh hen vaitawh kisai-in, manngenlo-in avai kipanpih dinga, ahizongin sum leh paai tawh kipanpih lo ding hi. (5).Tualo atuamtuam panpih theih omte kipanpih ding hi. (6). Member card athak bawl/ ahingsakkik(renew) te ading RM50/- (sawmnga) hita ding hi. Naupang kum 10 nuaisiah leh uham kum 60 tungsiah te ading athak bawlman/hingsakkik(renew) manding leh card anungta lai(valid) mangsak/kisiasakte adingin, RM10/(sawmkhat) hiding hi. Mimang hong kanpih un: Pa Thang Khan Pau leh Nu Cing Lam Hawm Niang te tapa Tg. Neng Khan Za Sut (21), Buansing beh Tongsial khuami hi-in, a innkuanpihte tawh thu kizak loh zawh kha 10 val bang phata-a, athei /amukha I omleh hehpihna tawh hih contact no. ah ongzasak un! Nu Hawm Niang:014-343 1407; 0112641 1520. RSC pan miscall ong piak leh bangcih ding?: RSC leh DHS zum phone: 03-2144 8105, 03-2144 7994, 03-2141 1943, 03-9222 0805 te pan hong sapa, na letma akhiat leh (or) miscall ciang ongpiak ziau ahih leh, na muh/theih phetin UN zumah zasakin huhna kingen thei hi. Miscall na muhzawh nipi kal 1 (or) kha khat bang asawt khitleh bangmah huhna kingen theinawnlo hi. ZEC Sangte Kihong Kikta Ding: ZEC sangte kihong kikta ding ahih manin ahun lapin ih naupangte sangap kim ciat ni. ZEC-Talallal (ZAM zum gei) leh ZEC-Maharajalela (ZAM zum nuai) sangte gel pen January 7-9 ni sun nai 10am3pm sang naupang sanna kinei ding hi. Kizopna ding Sia Tuang 016 913 7121 leh Hau Khai 012 367 4665. ZEC-Kota Damansara ah zong sang naupang kum 7-13 kikal sanna kinei ding hi. Hostel aom nuamte adingin kha khat RM 150 kila ding hi. Kizopna ding Sia Khamta 011 1540 3478. ZEC-Klang ah sang ki-ap thei lai tua nai aom sang nau pangte adingin. Kizopna ding Sia Sangpi 010 277 7311. 2013 kum, Zomi Nam Ni ading: Khua leh Pawlpi pan sum akipia sateng azom; 34) Teeklui Khua KipawlnaRM200, 35) Haiciin Khua Kipawlna-RM150, 36) TCBC Pawlpi-RM200, 37) Lailui Khua Kipawlna-RM100, 38) Suangzang Khua Kipawlna-RM100, 39) Lezang Khua Kipawlna-RM100, 40) Malaysia Laipian Pawlpi-RM200, 41) Tuithang Khua Kipawlan-RM100, 42) Voklak Khua Kipawlna-RM200, hiteng bangin kipia khin tahi. Apia nailo ten zong amanlang thei pen in, kipia thei ziahziah tahi.

January 06, 2013

Lasakna omding: KL-Kham Myint Ansai-ah, Zomi La sasiam Thawn Kham in ongtung ding, 2013 January 14 Monday ni sun 12:00(noon) pan Lasakna om ding hi, a ngai nuam khempeuh manpiakkullo-in, kingai thei hi. ZOMI CUP 2013 : Khentatna omsa mahbangin 2013 Zomi Cup kihel ding Team/Khua kipawlna khempeuh in ahunlap in lutman, deposit leh kimawl dingte man (photo) January 13 ni ni tak 5pm ma-in ZAM zumpi ah nongap kimciat na dingun ong zasakkik ung. Thukimna omsa mah bangin Team/ Khua hong zekai kha zenzen aom leh khentatna omsa bangin kikal suan ding hi. Lutman, deposit leh man (photo)te hong ki-ap ziahziah tahi. Zomi Cup tawh kisai telloh leh dotnop a om leh kizopna ding: Hau Suan Khai-012 367 4665. Kidophuai thu pawlkhat: 1) Mi khat bek nitak(zankim)in apualam paikhia kenh! 2) Zukham/ankham sa-in, hai otgawp kenh! 3) Lamziikpi(highway) kantan ngei peuhmah kenh! 4) UNHCR leh ZAM phone nambatte phawk tawntungin! 5) Bus sung leh mi tampi mai-ah awng lualua sa-in phone paukenh! 6) UN vai khatpeuh, zumah dong masa thei lecin! 7) Zomi nungak/tangvalten mi namdang (pau kibanglo) nungak/tangte tawh kiteng/kipi khak hetloh ding! 8) Lampi laizangah thu omlopi ding deldal sa-in, mi tawh kiho sedah in! **Akuama peuhin: Taxi na tuan ding aleh hih nambat WJP-4787 tuang ngei kei-in! Kidophuai/ lauhuai mah mah hi. Kawlgam pan RC Father 2 te onghawh: Kawlgambup RC pawlpi Siampi sinna s a n g a h Professor asemlai siapi 2,Fa ther D o m i n i c Thang Suan L a n g h (Phaiza) leh Father Robert Cin Lam Kim (Tonzang) te in, sangkhak sungin Malaysia, Kuala Lumpur khuapi aom Zomite zumpi ZAM zumah ongpha ongbanin, holimkhopna leh Palai nasemte ading deihsakna leh veinatak tawh thungetna ong neihsak manin, lungdam mahmah hi. Pasian Siampi na asem atate 2 tungah Topan ama bante ah mazan daupaina leh gualzawh matutna ong piaksak lai tahen! IOM phone nambatte: 1) Medical ph(1): 03-9235 5422, 2) Medical ph(2): 03-2144 2043, 3) Departure ph: 039235 5430, 4) Medical Sputum ph: 03-4021 4314, 5) 039235 5512, hiteng IOM tawh kisai phone nambat hi.

Tua ahih manin mi khatpeuh Khrih tawh akipawl ciangin mithak asuaka, ami lui ngeina bei-in, mithak ngeina aneita ahihi. 2 Cor. 5:17

ZOMI CUP-2013 Thu Khentatnate: Ni, kha leh kumte hong beito ziau tawh kibang hi! Zandeuh aa Zomi tangthu-ah Zomi kampau ki bang vive a tam penin ih bawlkhop Zomi Nam Ni pawipi hun sangin tu kum Zomi Nam Ni dingin hong naihzawta hi. Zomi Nam Ni pahtawina aa ih vaihawm Zomi Cup Tukpeng Kidemna pen 2013 Sen Kumthak hun sung February 11-16 ni sung teng A (4) veina ki vaihawm leuleu hi. 2010 in Team (8), 2011 in Khua (19), 2012 ciang Khua (26) in ki lawmtatna leh Zomi te-in khangno sung, mihon vaihawmkhop zong ki vaihawm khawm thei lua hi, cih ih lakkhin zo hi. 2013 ah kua Khua teng kihel ding ihiam? Kua Khua teng kiging khin? Bang ni, bang hun tengin vaihawm le'ng a beisa hunte sang' picing zawlai ding? Zomi Nam Ni pahtawina-in ih vaihawm A (4) Veina Zomi Cup 2013 tukpeng kidemna a ding kikupna masa November 12, 2012 ni-in kinei in, a nih veina kikupna December 3, 2012 ni-in ZAM zumpi ah kinei kik a, vaihawm zia a tamzaw pen 2012 bangmah hi-in a nuai a bang hi. Vekpi Thukimna Tawh A (1) Veina Kikupna Pan Khentat Thute Zomi Cup 2013 a kimawl ding khat a pian pih kam pen eipau hi-in,ei pau azang Zomi hi hamtang ding. Zomi Cup kimawl ni ding pen February 11, 2013 pan kipan ding. Zomi Cup 2013 kibawlna dingin Taman Pudu Ulu (Thangho leh Liando) tualpi mah zat dingin hoih kisa zong kingah khin hi. Zomi Cup 2013 kimawl ding Khua/Team peuhmah in a nunung pen January 13, 2013 nitak 5pm ma-in min leh maan (photo) puak kim hamtang ding. Khua/Team khat a kimawlsa mi adang Khua/Team ah kimawl kik thei nawnlo ding. Khua/Team khatah kimawl ding mimal a tampen (20) ciang ki ngah. Malaysia gam sunga omlo mundang, gamdang pan a hong pai khat a khuapihte kimawlna ah kimawl thei ding. Khuapih ahilo sungpan mi (2) ciang kisam thei hi. Tua mi (2) te ii khuate pen Zomi Cup 2013 a lutlo ahih kul hamtang hi. Khuapih ahilo khat ala Team in RM 50, nih alak leh RM 100 khia hamtang ding. Tua asap ding mite Zomi mah hi hamtang ding. Kimawl dingpa ID card (UN, Kipawlna Card) hoihtak sitphatna ki nei ding. Zomi Nam Ni pahtawina a ii vaihawm ahih mah bangin Zomi Nam Ni bawlkhopna ding sum kidong pen a khialo Khua peuhmah Zomi Cup 2013 lutsak loh ding. Zomi Cup 2013 thu le la tuamtuam tawh kisai in Media/thu kizakna ding a kiseh te lo buangin thu le la suah sak leh khah khiat theihna ding phalna omlo hi. Khuami ahilo (2) val ala peuhmah, vekpi thukimna tawh kizui in RM 300 Zomi Cup fund dingin kiliau sak ding a, Zomi Cup 2013 sung tawntung kimawl sak nawnlo ding. Akisehsa kimawl ding hun aa pailo, kimawllo Khua/Team peuhmah Zomi Cup 2013 fund dingin RM 300 kiliau sak ding. Team khempeuh min leh maan aki suangkhawm laidal khatta kipia ding aa, team nih kimawl ma simin mimal etphatna kinei den ding. Khua/Team lut ding peuh mahin Deposit sum RM 300 committee tungah ap hamtang ding aa, a team a kiat khitteh tua sum kipia kikding. Deihloh pen kimawlna sungah a kilawmlo luate Yellow Card ngah khat RM 30, Red Card ngah khat RM 60 Committee tung ah kipia sak ding. Vekpi Thukimna Tawh A (2) Veina Kikupna Pan Khentat Thute: Zomi Cup kipat pan ih zawhsiang dong match khempeuh ah referee kikawm ding. Team/Khua (1) lut manh dingin RM600 ki thukim. (A zenzenin a kicin kei aa leh deposit sungpan behlap ding.) Kimawl hun ni teng khempeuh a ziakai pen zingsang 8am in kipan ding aa, ni masa ni-in a masa match 4 kimawl khitteh

Zomi Cup 2013 Honna hun kinei ding hi; Tua munah, Team khempeuh kigualhna leh group maan (photo) kila hamtang ding. A kisehsaksa kimawl kipat hun laplo Khua khat peuhpeuh a om leh, a tampen mi 7 a cin leh kimawl sak ding aa, a cin kei leh minute 15 kingak dinga, tua a lapkei lai uh leh a langkhatte 3-0 tawh a zo-in ki ciamteh ding. A kisehsaksa Khua khat peupeuh ii kimawl kipat hun ma minute 15 sapin kimawl dingte line-up Committee tung ap ham tang ding aa, tua sung mahin kimawl dingte sitphatna kinei lai ding. Kimawl mi khatpeuh a kilaih ding ciangin, a Khua makai khat peuhin a laihding pa tawh Committee te tungah paipih ding aa, tua panin Committee te khatin referee thu neite tungah gensak ding. Jersey (kimawl puan) pen amel deih bangbang kinei thei-in, puan amel kibang pian Khua nih hong kituah leh, referee te vai hawmna tawh mee sawkin silhthuah ki vaihawm sakding. Zu khamsa aa kimawl sawm a om leh tualpi sung ki lutsak vetlo ding. Zomi Cup 2013 a kipat ni pan a tawpni dong Committee phalna lo tawh van zuakte leh khamtheih guihtheih zuak a om zen zen leh, Committee in RM1,000 kiliau sak ding aa, bek thamlo-in news ah zong kisuah ding hi. Atung aa danin thu khun palsat van zuaknate aa kipan, kham theih guihtheih vai aa buaina khat peuhpeuh a om leh, a kisap leh thu neite tung ki-ap ding; kua mah ki khasiat loh ding vekpi ki thukim. Note: Kimawl ding Team/Khua khempeuh in January 13,2013 nitak 5pm ma in kimawl dingte man (photo), lutman leh deposit ZAM zumpi ah hong pia mengmeng ta un. Tu ciang ciang kimawl ding Team/Khua alunglut 32 val khinta a, atam zaw in kimawl dingte man (photo), lutman leh deposit te pia khinta hi. Ki muhkhop kik hun ding January 14, 2012, 3:00pm kithu kim in, tua ni, 3pm lapin kimawl ding Team/Khua khempeuh pan Makai/Tangmi a tawmpen khat peuhmah kihel hamtang ding; kihel hamtang kul. Tua ni-in, vekpi vaihawm khawm in mee sawkna tawh Group khenna kinei tading! Zomi Cup 2013 vai khatpeuhpeuh kizopnading: Hau Suan Khai (012 367 4665)

Church Music Free Training: Christ Mission Fellowship (CMF), No. 21-2, Jalan Primasetapak 3, Off Jalan Genting Klang, Setapak-53300, Kuala Lumpur, Malaysia. Contact no: 016-644 3011. Atunga Biakinn ah Kigin ni sim (Every Saturday) in, Church Music free in kisin thei hi. Asin hunding: 12:00noon4:00pm dong!!! Khasim lungdamkohna & thungetna: Kha khat ii ninga (Friday)ni masa simin, aki neizel Lungdam kohna leh Thungetkhopna, tu kha ading January 04, 2013 ni-in ZAM Palai teng leh Zomi Christian Fellowship (Canaan) pawlpi kem Rev. Lian Za Huam in, Pasian Kammal; Gen. 4:6-7 na mun tung tawnin Limtakin hih/sem lecin! cih thulu tawh hanthotna leh thapiakna hong nei-in, tha kingah mahmah hi.
Zomi Genvai Kipawlna (ZSM) VaiZasakna: ZomiGenvai Kipawlna tawh Malaysia aom Zomi khempeuh I kizopkim theihnang leh haksa dongtuakte, I van kimzawh nadingin, Zomibup kongzawn uh hi. Mi-1, kum-1, RM10. Na sum khiat pen na zatkhak keileh a lungdam huai hi zawa, a zangkha-te na panpihna hipah hi. Nang zat ding cihna tawh nakhiat sangin, azang ding om ahih manin khiazaw in! Zomitekikhopna biakinn khempeuh panin kilutthei tahi. Biak inn pai manlote zong ZAM zum-ah kilutthei tahi. ZSM