CHANCHINBU ENKAWLTUTE

Editor : Chanchinmawia (9615820416) Jt. Editor : Lalnunsanga Fanai (9862120903) News Ed. : K.Lalremsiama, H.Lalhmingliana, C. Zonunpuia Lalhmachhuana Fanai (9615030822) Cir. Mag. : Lalramzauva Chawngthu (8575462587) OB i/c : Branch OB

Vengthlang Branch YMA Chanchinbu Phek 2

Kum : XXII Phek 3

Vawi : 40

Tahrik Ni : 6 Khuangchawi thla (October) 2013 Phek 4

RISING DAY HMAN DAN TUR

RIL LEH DIK

LAWRKHAWM
Lusun
Pu H Lawmkima h/o Pi Vanlalveni, K-Sec chu thinna avangin Dt 29.09.2013 (Pathianni) 4:40pm khan a borala, tlaivarpui a nih hnuin Dt 30.09.2013 khan vuiliam a ni. Lusun chhungte YMA Palai Editorial Board-in kan turapui tak meuh meuh a ni.

Grassroot Hriattirna
Grassroot Football tan mai tura tarlan kha Aizawl lam atanga Jersey a lo thlen mai theih loh avangin la tan theih a ni lova. Tan hun tur chu inhriattir leh tur a ni ang.

OXYGEN CONCENTRATOR THAR

Ni 6 Khuangchawi Thla 2013:

In Report Tur
Lirthei hman dan tur leh tul dang dang avangin YMA Conference-a kal duh turte chuan Dt 12.10.2013 ral hma ngeiin Branch OB te hnenah in report tur a ni. Ruihlo a inhnamhnawih tan in report buai a ngai lovang. Tun tum conference-ah hian kan Branch chu thlenin hran nei lovin hmun remchangah inkulh tum a ni a, hemi atan hian Branch hruaituten hma an la mek zel e.

Tanpuina Hlan
Dt 30.09.2013(Thawhtanni) zingkar khan IB Veng leikhia hnatlangte thingpui lumna tura VC leh YMA hnena tanpuina lo lut hman bang Rs 60180 chu chhungkaw 10 hnenah sem a ni.Tin, Champhai Sub Headquarter YMA hmalaknaa vehbur khawn tlingkhawm pawh Dt 04.10.2013 (Zirtawpni) khan Tlangrawta Sub Hqrs YMA Office-ah chhiat tawk chhungte hnenah sem a ni bawk. Tanpuina tlingkhawm Rs 7,74,013 chu chhungkaw 12 hnenah Rs 63000 theuh hlan an ni.

Champhai North bialtu MLA Pu TT Zothansanga chuan kan Branch YMA hnenah Oxygen Concentrator min pe a. Khawl inhlanna hi Dt 4.10.2013(Zirtawpni) Zing Dar 7:00 ah YMA Runah neih a ni a. Branch OB, Adviser, Section OB leh Branch Executive thenkhatten lo dawngsawngin kan Branch member te kan lawm hle a. Tun tum bakah Pu TT Zothansanga hian Information (Tlangauna) bungrua changtlung tak kan neih theih nan MLA Fund atangin Rs 1,00,000 min lo pe tawh bawk a. Tin, Section inhlawhna min siamsakin kawng hrang hrangin min lo tanpui tawh thin a. Kan hma lawka YMA Conference kalna tur pawh min buaipui a inhuam hle a, sum lama kan pachhiatna hriaa min tanpuina turah Branch hruaitute an thlamuang hle niin thu kan dawng. Tun tumah hian Oxygen Concentrator hi Vengsang, Vengthlang North leh kan veng min pe a, hetiang bawk hian a bial chhunga YMA Branch dangte pawh pek a tum bawk a ni. Tin, MLA Fund atanga siam PHE Veng atanga Petrol Pump bul thleng kawngpui (diversion road) zau tha tak, 1.5 km vela thui chu tunah hian sial zawh a ni tep tawh bawk. Hei hi lung phaha kawngpui tha tak a siam a nih tur leh Champhai khawpui tana chak lakna kawngpui tangkai tak a la ni dawn a ni. Hetianga mahni veng chhung ngaihsaktu MLA kan nei hi kan lawm hle a ni.

Section Hnatlang
Khuangchera Section : Tun kar kalta nilaini khan vengchhung thenfai hnatlang an nei a, member 30 dawn thawkchhuakin bazar leh tlangrawt velte nasa takin an thlo/sam fai a, bawlhhlawh paihna atan Pu Lalherlianan a LPK a rawn thawhchhuak a, hetianga tlawmngai taka motor rawn thawhchhuaktu leh member hnatlang te chungah section OB-ten lawmthu an sawi tak meuh meuh a ni. Tunkar hun remchang hmasa ah Rahsi Veng tuikhur leh khurthlang kawng vel nuai leh tum a ni a, memberte lo in kau lawk turin hruaituten an ngen sa cheu a ni. Vanapa Section : Kar hmasa chhung khan tum thum hnatlangin Pi TT Zuali leh Pi Tevanin hnatlang thingpui inna tur an tumsak a. Tin, Pu Vanlalhruaia(VL-a) leh Pu Vanlalhmingsanga ten an lirthei an rawn thawhchhuak a. Heng mi inphalte leh hnatlang thawkchhuakte chungah Section hruaitute an lawm hle. Inleng Inkhelh Tunlai hian Inleng inkhelh neih tuma hmalak mek a ni a. Team tel dan a zirin buatsaih tur a nih avangin Tv. C. Zothansanga hnenah a rang lama in hriattir tur a ni e.

Branch Rising Day Pual Programme

Dt 24.09.2013(Thawhlehni) a Branch Executive Committee vawi 8-na YMA Runah neihah khan Branch Rising Day lawm dan tur rel a ni a. A programme kimchang chu Branch OB ten lo ngaihtuahse tih a ni a. Branch OB ten ngaihtuahin Section OB te nena Joint Meeting neia sawiho chi nia an hriat avangin Dt 01.10.2013(Thawhlehni) zan khawhar in lengkhawm banah Vice President Pu C Laltanpuia inah Joint Meeting hi neih a ni a. Kan Branch Rising Day, 13th October hi kumin hian Pathianni a nih avangin Dt 11.10.2013(Zirtawpni) zan leh Dt 12.10.2013(Inrinni) chhunah hman nise tih a ni a. Dt 11.10.2013(Zirtawpni) zan hian Champhai Town Hall-ah programme hlimawm tak hmanga member intihlimna hun hman nise an ti a, tin, Dt 12.10.2013 hian Thlanmual tharah hnatlang neih nise, hemi hunah hian chaw funin intihlimna chhunzawm nise an ti a. LAD Swiming Pool-ah Swiming Competiton neih nghal tur a ni bawk ang. Section leh Branch OB te an phur tlang hle.

Lawmpuina Hlan
Kan member Lalchawia leh Janet Zoremnghaki te chu Dt 03.10.2013 khan Vengthlang Presbyterian Kohhran Biak Inah Kohhran Dan Thianghlimin an innei a, Branch hmingin lawmpuina hlan an ni. Fanau maltluan chawi dun turin duhsakna kan hlan e.

Kristian nundan tha ngaihsan

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 2-NA
BRANCH HRUAITUTE President : F. Lalrinmuana 9856793450 Vice President : C. Laltanpuia 9615021656 Secretary : C. Lalthanpuia 9862657366 Asst.Secretary : H. Laltharrenga 9856782358 Treasurer : H. Lalthanmawia 9862936734 Fin. Secretary : F. Vanlalliana 9615558817

YMA Palai SEMTUTE

Vanapa Section : Lalfakmawia, Lalawmpuia, CB Lalbiakdika, Saidingliana, Vanlalchhuanga, ZD Zorinpuii, ZD Lallawmzuala, Lawmsangzela, C. Vanlalhriata, Lalruatpuia, Lalrindika Neuva Section :Vanlalzuia, Freddy-a, Vanlalruatzela, C. Lalrinthianghliama, Lalhminghlua, Lalbuatsaiha Khuangchera Section : Lalruatsanga, Henry Mawia, Omeg Lalremthanga, Lalzomuanpuia, Rotluangpuia, Malsawmsanga

BRANCH MOTTO : Sual ngam chein awm suh la, thatnain sual chu ngam zawk rawh. Rom 12:21

Branch Rising Day Puala Programme Hman Tur Tlangpui

Kan Branch Rising Day puala inrihsiakna leh intihhlimna kan hman tur chu Section OB leh Branch OB ten ngaihtuahin a hnuaia mi ang hian programme tlangpui duan a ni. 1. Section YMA member te Lengkhawm Zai intihsiakna neih nise, hla pahnih, mahni duh zawng zawng sain khuangpu leh hlahriltu a hrang zel, khawhar ina la hril ngai lo leh khuang la pu ngai lo thlan chhuah nise. 2. Section hrang hrang OB leh Branch OB Musical Dance intihsiak 3. Cheraw ( YMA Conference-a kal turte atangin) 4. Solo- Tv Zaikunga Ralte leh Tv K Lalremruata 5. Rap- Tiau Tek 6. Kan Branch huamchhunga mi hmingtha chawimawi tlakte chawimawi tur a ni a, tun tumah hian Pu C Hualrikhuma (National Awardee), Nl Lalhmingmuani Committee Officer tling thar leh Pu Davis Zoremsiama, Chess-a lawmman tam tak lo la tawh te chawimawi tur an ni bawk ang. Hemi zan hian Refreshment tuihnai tak a awm ang. Tin, Joint Metting hian he mi zan atan hian Section mawhphurhna pawh siam felin Seat rem chu Neuva leh Khuangchera Section mawhphurhna a ni ang a, a senghawi lam Vanapa leh Taitesena Section ten an tum thung ang. Tin, Banner siam nise an ti a, Decoration kutah a awm ang. Intihsiakna mai bakah hian intihlimna dang leh zaihona neiin Live music hmanga rem tur a ni a, tin, Musical Band thiam tak tak an inlan dawn bawk a ni. Dt 12.10.2013 (Inrinni) chhunah kan thlanmual thar kawng kam vela hnim samfai leh a tul dangte thawka hnatlang neih tur a ni a. Hetah hian chaw fun tur a ni a. Hnatlangah hian hna hahthlak thawh tak tak tur a awm lova, intihlimna anga kalpuiin LAD Swiming Pool-ah Swiming Competition a awm dawn a ni. Hetah hian individual leh relay race anga competition neih nise an ti a. Individual-ah hian tuihleuh dan hrang hrang (Hmaiphum, zangthal, mihur, sakhi tuihleuh, kotlang vuaa inchhek ran siak etc) a intihsiak tur a ni ang. Branch Rising Day, YMA Day, Vangpui, Harhfim Nite etc kan lo hmang tawh thin a. Heng hunah hian zu leh ruihlo ti mi ten hmun an chang ve thin a. Kan programme hlimawm taka hmang tur an tibuai fo thin a, mi pangaite tan hmun a chep thin. Tun tumah erawh chuan zu leh ruitheih thil ti mi te lo insum hram sela, YMA member pangaite tan hmun i kian teh ang.

YMA in ruihhlo do a kalpui tak tak lai khan thlawp a hlawh viau a, mahse tun khaw hnua sawiselna neuh neuh a rawn chhuak ta zel a. Kan hriatna a zau sawt vang chu a ni pakhat phawt turah han ngai thla ngawt ila. Ni e, a tirah khan ruihhlo kha tharum nen na takin kan do a, mahse a mamawh an awm chhung chuan a ruihhlo hi a rem dawn lo tih hriain ruihhlo dona pawh lang lo lama indonaah a chhuak ta zawk a nih kha. YMA khan ruihhlo do kha kalpui lo se heti tak hian ruihhlo do a tulzia ngaituahna hi mitinah hian a awm ang em tih hi ngaihtuah tham tak a ni. Ruihhlo do kawnga tharum thawh a tha lo tia sawiseltute hian a tharum lai tak hi an duh loh chu a ni ber niin a lang a, ruihhlo hmanga kan ram hrai mekte thlavang an hauh dan erawh hi chu enfiah ve deuh se a tha ngawt ang. YMA pawh kawng engkimah a fihlim e a tih theih chuang lo. YMA chu Mizo awm khawm siam a ni a, chu pawh chu bung hrang hrang, peng hrang hrangah then a ni leh bawk a. Thenkhat chuan na deuh taka do an duh laiin thenkhat chuan a nem zawnga do an duh ve thung bawk a. Heng hi khairual theih a ni lo chunga a kal na pawl ringawt kan dem hi chu a dik bik chiah em le? YMA pawhin thil kal tawh atangin tha zawka hmalak dan tur duang thiam ila a duhawm hle ang.

Tanpuina
Kar hmasa lama chhuah tawh IB Veng leikhi tuarte tanpuina kan chhuah hmaih palh kan han tarlang leh a, in mi hriatthiamna kan ngen e. 1. Pu R Zamawia 500 2. Pi WC Zorammawii 50 3. Pu V Laldinthara 100 4. Pu C Ralkapbanga 50 5. Pu Rochhinga 100 6. Pu ZD Malsawma 50 7. Pu Lalengmawia 50 8. Pu T Vanlalhruaia 50 9. Pu Zirthangpuia 50 10.Pu Jacob Zaliana 50 11.Pu Laltlanngura 50 12. Pu Jerry-a 50 13. Pu Babula 30 14. Pu Lalbiaktluanga 50 15. Pu Vanlalchhuanga 50

KAN THEN TAK

Kan Member H Lawmkima (38) Khuangchera Section

Ni 29.09.2013 (Pathianni) Dar 4:40 a chatuan ram min pansan hi kan ui tak zet che a. Khawhar chhungte Pathian awmpuina kan dilsak e.
Editorial Board 2013 YMA Palai Vengthlang Br. YMA
Kan Branch kum 67 lai Pathianin min hruai a, hmalam pan zela Kristian nun dan tha chawisanga, hunawl hmang tha a, Zofate hmasawnna ngaihtuah zel turin Vengthlang Branch YMA Dam Reng Rawh Se

Hunawl hman that

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 3-NA

YMA Palai SEMTUTE

Taitesena Section : R. Vanlalremruati, Lalbiakpuii, Ramluahpuia, R. Lalhmingliana, Lalnunkima, Lalmalsawma, Lalramnghaka, Lalramhluna, Jonathan Lalnuntluanga, Joseph Malsawmtluanga

Leader Asst Leader

YMA ADVISER
RC Zahlira ; C. Vanlalnema ; F. Lalfamkima ; Pu HS Vanlalfakzuala

:Tv Lalremruata :Tv Christopher Chawngthanmawia Secretary :Pu V Laldinthara Asst Secretary :Tv Lalramzauva Chawngthu Treasurer :Nl Helen Lalramsangi Fin.Secretary :Pu PC Lalngaihtuahkima

VANAPA SECTION

YMA Thuvawn : YMA chu tanpui ngaite tanpuitu a ni RIL LEH DIK
* * * Dinchhuah a tawngchhuah ngam hi huaisenna a ni a, thu chunga ngaihthlak poh hi huaisenna a ni tel tho. Winston Churchill Miin a thil tihsual palhte huaisen taka a pawm ngam chuan ngaihdam a theih reng a ni. Bruce Lee Huaisenna hian hnehna hlado a chham reng bik lo, a chang chuan aw zawitein nitlak dawnah, Naktukah ka tum tha leh ngat ang, a ti ve thin. - Mary Anne Ni hman that avanga zana tui taka kan mu thin ang hian i nun i hmanthat avangin thlamuang takin i thi thei a ni. - Leonardo da Vinci Thihna hi chu engmah a ni lo, mahse nep tak leh hneh a nun chu nitin a thi ang mai a ni. - Napolean Bonaparte Finna diktak chu i hriat tlem zia i hriatchianna kha a ni Socrates -

I hria em ?
-Sawmtei Pa
@ Khawvel 94% hi tui a ni, khawmual hi chu tui karah a lang ve pheuh pheuh ang chauh a ni. @ Tichuan tuipui hian khawvel pum 70% vel a luah ta a, chawhrualin a thuk zawng hu feet 12400 vel a i a. Eng hi feet 330 vel thleng chiah a lut thei a, a hnuai lam zawng chu a thim vek dawn tihna a ni. @ Tuipui hi khawvela museum lian ber leh changtlung bera ngaih a ni a, hmanlai thil chi hrang hrang a tamna ber tura ngaih a ni bawk. @ Tuipui mawng hi kan la tlawhpawh lo hle a, 5% vel chiah hi kan la hmelhriat a, tuipui mawng ai chuan sikeisen map paw h mihring hian kan nei tha zawk. @ Tlangdung se ber chu tuipuiah a awm a, a hming chu Mid-Oceanic range a ni a. Mel 35000 a thui niin alps te chu nep tak a ni ringawt! @ Mid-Oceanic Ridge hi kum 1973 khan tlawhpawh chauh a ni a. Hei hi thlaa Neil Armstrong te lawn atanga kum li hnu a ni. @ Leihnuai atanga tuiso rawn inphuh chhuak thin hi a sa khawp mai Fahrenheit 650 vela sa a ni a, lead chu a ti tuiral vek thei dawn a ni. @ Tuihnuaiah hi chuan khawmuala dan kan neih hi a letling tlangpui nia! Tuihnuaiah chuan tuikhawhthla awmna te, lui leh leilung hmelhmang dang hi a letling zawng velin a awm. @ Tuipui-a nungcha tam zawk hi chu hmuh theih loh an ni. Entir nan, tuipui tui 1mm vel in ta la, bacteria maktaduai 1 leh virus maktaduai 10 vel i in tel ang. I lo in ta palh a nih pawhin lungngnai lutuk duh suh, tuihleuhthiam ho pawhin an lem ve zeuh zeuh a, an thih phah chuang hleinem! @ Tuipui rihna hi a pui tak a ni ringawt. Titanic pawh hi beer can kan hmeh sawlh ang mai mai hian a hmet sawi thei dawn a. Hei vang hian tuipui mawng tlawh pawh hi a har a ni. A thim bawk si, tlangnel taka tl aw hpawh tur chuan a hlauhawm ve tlat

* * * * * * * *

Ka hma ah kal biksuh, ka zui lo maithei che a nia. Ka hnungah a i kal pawn hma ka hruai thei kher lovang. Ka rualin kal la ka thian ni ang che. Mahni chauh a eng hnuai a kal ai chuan thiantha nen a thimtham a kal a thlanawm zawk. Helen Keller Mahni in tihhlim dan tha ber chu midang tih hlim a ni. - Mark Twain Hlawhtlinna kawng chu ka hre miahlo na a, hlawhchhamna kawngkhat chu mi zawng zawng tih lawm tum hi a ni - Bill Cosby Mi thenkhat chu eng hunah pawh i bum thei ang, mi zawng zawng pawh bum theih chang i nei ang, mahse mi zawng zawng chu i bum thei reng hauh lovang Abraham Lincoln Mihring nunin a tum ber chu puitling ni tura beih a ni Ackerman

* *

Diane

Natawrh chhung chu rei a ni ngailo. Minute khat emaw, darkar khat emaw, kumkhat emaw chhung lek chauh a ni, a reh anga, thiltharin a rawn thlak leh mai thin. Mahse i bansan a nih vaih erawh chuan damchhungin a na ang. - Lance Armstrong.

* Sawiselbo nih hi chak ngai suh, sawiselbo te chuan hmasawn leh chuan tur an nei ngai tawh tlat lo. Ashley ML * Hlawhchham thinte chuan an chauh hunah an bansan mai thin a, Hnehna chang thinte chuan an hlawhtlin hunah chauh an bansan thin. Anonymous Ngawrh taka i beih phawt chuan, midang hneh i awlsam ani satliah mai lovang a, midang tan hneh i har ngawt ang. - Hershel Walker

* Mi chaklote chuan hlawhchhamna awmtheih dan an ngaihtuah thin a, chak turte chuan hlawhtlinna in a pek tur zawng zawngte an thlir zawk thin. Rod Gilbert * Nimin chu hunliam tawh, thil thleng zo tawh(past) mai a ni a, Naktuk pawh thil lo la thleng tur, engnge lo thleng dawn pawh kan la hriatloh (future) a ni leh mai a, Vawiin ni erawh chu i tan thilthlawn pek liau liau (gift) a ni, chutiang anih avang tak chuan Present ti a sawi thin a ni. - Master Ouguay.

Zofate hmasawnna ngaihtuah

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 4-NA

NEUVA SECTION
Leader Asst Leader Secretary Asst Secretary Treasurer Fin.Secretary :Tv Lalpekliana :Pu Lalrobula :Tv C Zorammuana :Tv Lalrammawia :Pu Biakremtluanga :Tv F Lalhruaitluanga

TAITESENA SECTION
Leader Asst Leader Secretary :Pu H Zarzoliana :Pu T Daniala :Tv Lalhmachhuana Fanai Asst Secretary :Tv Lalrinawma Treasurer :Nl H Ramengmawii Fin.Secretary :Pu H Lalrammuana

KHUANGCHERA SECTION
Leader Asst Leader Secretary Asst Secretary :Pu C Zonunpuia :Tv Lalawmpuia Sailo :Pu C Vanlalpeka :Pu Lalthangmawia Kawlni Treasurer :Nl Lalruatkimi Fin.Secretary :Pu Zohmingthanga

YMA Kumpuan : Ram Leh Hnam Humhalh

Lawrkhawm
Chawhmeh: Chawhmeh chuan chakna a pai tam tur a ni a, a tui bawk tur a ni! Chu chu chawhmeh siam dan formula tha ber a ni. Chawhmem tui tak i siam thiam a ni thei, chakna a pai tam lehzual nan a hnuaia mi hi hre ve reng reng teh. Vaimim eng ngat: A vanglai chuan vaimim hi chaw tui tak chu a ni. Chhum ila, a rim te hi a tui asin! Vaimim hi vitamin A kan hmuhna pakhat a ni a, vaimim engah hian a var aiin 7% in vitamin A a tam zawk a. Vaimimah hian hmarcha tlem han telh bawk ila a pai tawih kawngah mi a pui thei bawk. Hmarcha nen ei vak tur tihna erawh a ni lo a nia. Carrot pum chhum: Chawtani atan carrot hel hi bawlhlo pawimawh tak a ni. Carrot-ah hian cancer do thei falcarinol a awm a, kan zai lep a, kan chhum chiah hian he cancer do thei hi 25% vel tuiah a kal ral thei a. Chuvangin chhum emaw kan-a kan telh dawn a nih chuan pum chhum a chi zawk. Tin, carrot hi a hel aiin a chhum hi a hrisel zawk cheu mai. A lum hian kan taksa hian a chakna pai kha a hip tam thei zawk a ni. Purun var rawt: Purun var pawh hi chaw tha a ni, a rim a na deuh tih mai lohah chuan! Cancer do thei a awm ve bawk a, vitamin C leh antioxidants te a awm bawk a. Kan leh thil danga kan tleh dawn a nih chuan kan rawt sawm emaw kan chan sawm atanga minute 10 vela telh tur a ni. Rawt sawm hnua tihsat chiah khan cancer do thei hi a bo ve thei a, kana kan telh duh a nih chuan lo sawngbawl lawk a tha ang. Tomato tharlam ai chuan...: Tomato hrisel tak lei i duh a nih chuan bazar-ah zawng suh! A hrisel ber chu tomato sauce leh ketchup tih te hi zuk ni tlat a. A chhan chu sawngbawl tawhah hian lycopene a tam zawk a, hei hi cancer vei theihna remchang titlemtu leh lung natna titlem thei a ni a, kan tihrawl a tichak bawk. Tomato thar lamah hian a awm lo tihna erawh a ni lova, hnualsuat chuang suh, sauce leh ketchup te hi an thlan nahawm zawk e tih chauh a ni. Chocolate uk: Chocolate uk, a uk tak deuh (dark chocolate) hian kan taksa-a thlum a tihniam thei a, kan blood pressure pawh a tihniam bakah kan rihna thlengin min paihsak thei a nih chu! Hei hi zirchianna atanga an hmuh chhuah a ni a, ni khata dark chocolate 99g vel ei thin chu an hrisel zawk a ni awm e. Thei ei chungchangah hi tlem han zep tel leh lawk teh ang. Thei hi a hrisel a, ei teuh teuh tur kan ti a ni maithei. Hrisel chu an hrisel na meuh mai, mahse thei-ah hian thlum leh calorie a awm ve tih hriat tur a ni a, chuvangin ni khatah thei 2-4 vel ei hi kan ngeih tawk viau. A lo a luata ei kher a tul lo. Theiah hian vitamins, mineral leh fibre te kan hmu a. Nitina kan ei theih chuan a tluk a awm lo thung.

AK-47

J Dingnghet, tunlai chu nuam

chu a nuam a ni... zan len ngai si lo...mahse ka Patea hi ka chhun anga ka thaibawih tan riau in ka hria... - Pu Duhawma, T-Sec J Ka sam ka meta,ka khabehmul ka metfai vek bawka...ui3...ka hmel amak lutuk...ka inhai dawn lawm le...!! - Nghaka UPC Grafix JKa duhten min duh si lo,min duhtu ka duh bawk si lo,van buaitlak engtinnge ka thih dawn... - Temama, N-Sec JTunge min cho - Hruaitea, V-Sex

Inthlanpui neih hun tur puang ta : Election commission chuan state 5-a inthlanpui neih hun tur a puang ta a, Mizoramah chuan December ni 4 hian vote thlak a ni ang. Mizoram bikah hian Inthlan hriattirna hi November ni 9 ah tihchhuah a ni ang a, inthlan chuh tumte tana nomination file theih ni hnuhnung ber chu november ni 16 niin november ni 18 hian nomination thehlutte endikna neih a ni ang a, inhnuk dawk tur tan november ni 20 thleng hun hawn a ni dawn a ni. Hetihlai hian December ni 4 vek hian Gujarat leh Tamil Nadu-ah bye election neih tur a ni. Heng state 5 ah hian vote thlak thei mi vaibelchhe 11 vel an awm thu Election Commission chuan a sawi a, a vawikhat nan central awareness observer te chu vote thlak tura mipuite hnena Y M A P A LA I LU H D A N thupuang chhuak tura tih an ni bawk. S ection Feb- A prilHei bakah hian tun inthlanah hian candidate duhzawng nei lo tan tumah M arch M ay vote lohna tur 'None of the Above' tih chu EVM a telh thar nghal a ni dawn bawk. Taitesena 3230 1850 Inthlan hun tur puan a nih tak avang hian state 5 ah hian model code of conduct 370 1800 chu hman tan nghal tura ni bawk a, state 5 ah hian polling station nuai khat leh sing N euva V anapa 430 1170 5 vel a awm dawn a ni.
K huangchera

2013 A ug 1690 1120 1250 2300

June Ju ly 2730 480 4720 4750 3070

Published, Edited and Printed by Chanchinmawia for and on behalf of Vengthlang Branch YMA