Editor : K.

Lalremruata 9862385971
Jt. Ed. : C. Lalmuanpuia 8014125196
: Lallawmkima 8575710867
News Ed. : JC Lalrammawia 9862598936
: Zairimawia 9089503902
: Zodinsanga 8014764717
Cir. Man. : All Section Asst.Secy
Manager : R.Lalchhuanliana 9862418894
YMA chu t anpui ngai t e t anpui t u a ni
CHAMPHAI VENGSANG BRANCH Y.M.A CHANCHINBU KARTIN CHHUAK ( Chawlhni a piangin ) Hall Ph. 234336
24
25.05.2014
20
Branch / Section / Tualchhung
Branch News:
Hnatlang :
Ni 21.5.2014 (Nilaini) zingkar
khan Vengsang Branch YMA Mem-
ber teHospital Road leh Pastor Veng
inkalpawhna(ThanaKawr) step tifaiin
hnatlan a ni a hnatlang thawkchhuak
te hi Member 20 vel an ni.
Light & Sound hnatlang :
Ni 21.5.2014 (Nilaini)
zingkar khan Light & Sound Sub-
Committee member te Hospital Infor-
mation Line siamin an hnatlang.
Naktuk 26.5.2014
(Thawhtan) zingkar ah Light & Sound
Sub-Committee Member zawng
zawngte hnatlang koh a ni a zing hma
takah YMA Hall ah kalkhawmphawt
tur ani.
Hma la mek:
Tunlai hian kan Vengchhung a lo
thianghlim zawk theih nan chak taka
hmalak mek a ni a. Hemi kawnga
Vengchhung mipuite tawiawmna
avangin Branch hruaituten lawmthu an
sawi in tawiawm zel turin min ngen
mawlh mawlh a ni.
Khap:
G.M. High School Campus ah Zan
lama naupang fuan khawm leh Sun-
day tlai a inkhelh khap tlat a ni a. Nu
leh pa te leh YMA Member ten kan
naute theuh i hrih hria ang u.
MHIP KOHNA
Dt. 26.5.2014(Monday) Zan hian
YMA Hall - ahVengsangBranchMHIP
Executive Committee neih tur a ni a.
Committee Member ten ngaih
pawimawh theuh tur a ni. Kohna hmu lo
palh ten heihi kohna a ngaih tur a ni e.
Secretary
MHIP Vengsang Branch
2014 YMA Kumpuan Khawtlang nun
Siamthat
The Vengsang 25
th
May 2014...
YMA kumpuan Ramleh HnamHumhalh hi a taka luhchilh lo tan pawh
a hming tal hi chu kan hre deuh theuh tawh awm e. Kum 1997 YMA General
Conference E.Lungdar ah khan rorel palaiten lungrual taka kumpuan atan kan
phar tluk atang khan Ramleh Hnamhumhalh hi YMA te chuan kan hlat thei ta lo
ani ber. Ram leh Hnam humhalh hian a huap zau thei hle mai a, kalpui thiam loh
palh pawh hlauhawmtak a ni a, fimkhur tak leh tihtak zet a kalpui chi niin a lang.
Tih tur tamtak zingah a hnuai a tarlan chauh pawh hi Branch,Group leh Sub-
Hqrs YMA tehian hneh takin kalpui i laKumpuan hi ahlawhtling hlein arinawm.
1. Ramdang leh Hnamdangte in luahtir chungchang:
Aizawl khawpui ah hian ramdang leh hnamdangmi mi inluah a khawsa
hi Mizoram a khua zawng zawng a ramdang leh hnamdangmi mi inluah aiin an
tam zawk a rinawm a. Aizawl a YMA hruaitute hian mahni Branch ah theuh in
luah tur neitute hi sumumlova mahni Mizo puite chauh luahtir turin hma la thei
i la, chenna tur ber an hmuh loh chuan Ramdang leh Hnamdangmite tan kan
ramah hian chen ngaihna a awm lovang. Inluah tur neite hian an in an luahtir
dawn lai a YMA pemlehkha phut hmasa kher hi an tam lo hlein a rinawm a,
chumai bakah Vai hnen a Inner Line Pass (ILP) lo phut pawh an khat pharhin
a lang. Heng vaiho leh ramdang mite hian Mizo in an luah ngamna aia sangin an
luah ngam zel avangin Pa rawn awm deuh deuh pawh hian khawtlang a an
tangkai leh tangkai loh lam an dawn phal ngai lo niin a lang. Kan tuikhur an ta
neih tlangpui a, mitthi leh hnatlang tlangau an hre lo tlangpui a, ration leh gas
(LPG) leh khawnvartui sem tur tlangau ah erawh an tuan a tha hle thung a,
Electoral roll ah Mizo teaiin inthun an ngaihven peih ememani.
2. Sumdawnna chungchang :
Mizoramhia ang pawhin Vai ho khuan permit dil duh chuang lovin
ramri check gate ah pawisa an pekn a receipt chu permit ah an ring nghal mai
thin niin a lang. Ti chuan an duh duhna ah an phur kual ta mai thin a ni. Dan lova
lo lut na na chu YMA ten I dap chhuak thin ang u. Tin, industry rawn din tute
lah chuan mi ram te angin a ram leilung fate an chhawr tha duh lo hle a, Subsidy
an rawn dil nghal tlut tlut mai a, hei hi an tumber pawh niin alang. Industry thli
chhia tenawmchauh min hnutchhiah a a hlawkna tel tumang chi ho chauh kan
ram a kan la lut ta mai hi in enfiah nan kan hman a tha awm e. Chuvangin
sumdawnnathilah kan Mizo pui techauh dawr hramhramthin i la, vai ho hian
vai thingpui dawrah chauh an dawr thin a, bawngsa lei pawhin an vaipui sah
bawngsa chauh an lei thin. Kan niserh Pathianni ah nise vai kelsa zuar tamzia
kan hmu thin awm e. Tunlai khawvelah chuan sumdawnna hi ram leh hnam
inchimralna(Economic assimilation) awlsamna ber a nih avangin Mizofate kan
thanharh atul tak meuh ani.
(issue leh ah chhunzawm a ni ang)
AGENTS : LalramchuanaChawngbawla Sec, NeuvaSec.: Peka, Ramhluni, Pep-a,
Lalbawiha, Rindika.Taitesena Sec.:Bawihsena, Awm awm-a, Hriatpuia,
HminghluaVanapa Sec.: Sawma, Moses-a, Pui-a,Muanawmi,Thafela,
Hmingsangi,Hriatpuii Khuangchera Sec. : Zaia,Muanpuii, Rammawii, Thanpuia
Editorial
HUN VAWN DIK
Khawthlang hovin time is money an
ti a, an nun kaihruaitu chu hun a ni tawp mai.
Hun hlutzia an chian emavangin hunawl hman
that kan tih ang pawh hi an nei ve kherin a
rinawmloh bawk. Khawthlang ramchauh ni
lovin khawvela ramchangkang develop coun-
try kan tih te, ramthang mek developing coun-
try an tih te pawh hian hun chu an hmang thiam
khawp mai. Hun hlutzia an hria a, hun chu
engkimaengkimtih mai turin hun milin engkim
an ti thin ti ila kan sawi sual awm lo ve.
Mizote pawh kan changkang ve tial
tial a, khawvel nihphung leh zeizia kan thlira
engkimmai chu a hun takah, a hmun takah
an ti thin tih pawh kan hmu thiamve tawh a.
chuvang chuan mithiam leh changkang kan
tih hote hian hunawl an nei meuh tawh lo va,
hun milin an nun an herrem tan mek a ni.
Chutihrual erawh chuan a mipui nawlpui
erawh chuan kan nihphungin a phak vek loh
avang leh kan eizawnna in a zir loh avangin
hun aiin keimahni remchanna kan dah
pawimawh chang a tam thung. Hun mila
hnathawk, hun mila eizawng, hun mila sum
lalut thin te hi kan mi ngaihsan leh kan entawn
te an nih avangin hun hman dik, hman thiam
kan zir a tul hle a, chu chu kan la tih ngei ngei
tur, kan nupui tur a la ni ve tho dawn a ni.
Vengsang hi hun vawn dik thuah kan
sang lo emema, mimal nuna hun bi dik taka
chet thiamchu sawi loh hun ruat bik leh hmun
ruat bikah pawh a hun takah kan kim mawh
hle. YMA te a bik takin hemi kawngah hian
kan inthlahdah emema, Committee tan hun
dar 7 tia member-te kan hriattir thlap hnuah
meuh pawh hruaitu kan thleng hman lo
phunga, member-te pawhin kan tan leh tak
tak chuang lovang tiin kan inthlah dul a, hun
tiam kha kan pel ngei ngei ti ila kan saiw sual
awmlo ve. Hei hi thil pawi tak, midang zah
lohna, Committee zahawmna tibo thei, mi
dang hun tha paihsakna a ni a, kan insiam
that a tul hle. Tin, hun tiam ngaihpawimawh
loh hi mi inthlahdahzia a ni a, khawtlang
roreltute ber an inthlahdah tawh chuan veng
entawn tlak leh hmasawn kan ni ngai lovang.
Kohhran a ni emaw, NGO a ni
emaw, a veng ang a hmasawn kan ngai tak
meuh meuh a, tiang renga kan kal a nih chuan
veng ropui tak kan ni ngai lovang. Hun hlutzia
ngaihtuah thar chungin hun i vawng dik hram
hram ang u.
Central YMA News:
Ni 9.5.2014 : Arunachala tlawmngaipawl pakhat Nishy Elite So-
ciety hruaitu mi 11 te chuan YMA kalphung leh hmalakna zirchiang
turin an rawn zin a, Central YMA Hall-ah Cultural Programme
hmanpui a ni a, Dinner siam sak an ni bawk. Reiek Mizo Typical
Village tlawhpui an ni a, Pu J . Lalsailova, Treasurer, Pu
Lalrochuanga Pachuau, Fin. Secretary leh Tv. Zochhuana CEC ten
an hruai.
Ni 9.5.2014 : Multi-Disciplinary Committee on Tuirial Hydro
Electric Project Meeting vawi khatna, Tuirial HEP hmuna 8.5.2014
3pm a neih ah Pu J H Vanlalhuma,Chairman Sc & Environment leh
Pu David Lalnunkima, Secretary, Sc & Environment te chu an kal
a.
Ni 10.5.2014 (Inrinni) khan Central YMA Executive Committee
meeting neih a ni a, member 44 an kal. Meeting hi Pu Lalbiakzuala,
President-in a kaihruai. CEC Meeting hian Buhchangphai ramri
buai chungchang a ngaihtuah a, Assam Police leh Forest Deptt. mi
ten Thlam an tih chhiat leh Thingzai leh Ranvulh an lak te chu an
rulh leh ngei theih nan Assam Chief Minister-ah ziaka thlen nise,
a copy hi Chief Secretary, Assam leh DC Hailakandi pek bawk
nise tih a ni. YMA Day 2014 lo thleng tur chungchang ngaihtuahin
Mizoram pawna Mizo Welfare Guwahati, Kolkata, Mumbai,
Delhi, Chennai, Bangalore, Vellore, Hyderabad, Pune leh J aipur
ah Rs. 10,000/- theuh hlan nise, Tawngtai Bethel Camping Cen-
tre, Chawnpui chu Rs. 50,000/- hu eitur pek nise tih a ni. Electric
Bill tih san chungchang sawiho a ni a, J ERC ten kan zawhna min
chhan dan a lungawi thlak loh deuh a, hemi chungchang sawiho tur
hian NGO member dangte nen sawiho nise, Health Care Scheme
mipui ten tangkai zawka kan hman theih nan Hospital zawng
zawngin Health Care Scheme an kalpui theih nan Indian Medical
Association, Mizoram Unit hnenah hma la turin thlen nise, Health
Minister sawipui ni bawk se. BSF te hnen atanga Zu man Police
kuta hlan case an siam loh chu Governor hnenah ziaka thlen nise
tih a ni. He Meeting-ah hian YMA Life Member nih dil mi 55 te
chu Life Member an nih phal sak a ni.
Lawmman la :
Champhai District Inter Badminton Tournament khelh zawh tak
ah kan veng atanga tel mi eng emaw zatin lawmman an la a kan lawmpui
tak zet ani.
Pu Lalthantluanga Tochhawng G-C Silver,Gazetted G-A
Gold(Double),
Dr. Lalramchhuanga & Dr. Lawrence Lalramenga. Ralte Gazet-
ted G-B Gold,
Zaliani & Lalrinhlui Women Gold.
Hetiang a lawmman la thei khawpa khel kan veng chhunga an
awm hi kan chhuang tak zet a ni.
CHAMPHAI VENGSANG CHANCHINBU KARTIN CHHUAK. A MAN THLAKHATAH Rs 15/
-
President : Hmingthansanga ( 9862713079) Vice Pre : R. Lalchhuanawma (9862530551)
Secretary : C. Zohmingliana ( 9862533342) Asst. Secy : J .C Lalrammawia (9862598936)
Treasurer : F. Lalthanmawia (9862506254) Fin.Secy : Zodinpuia (9862409370)
Tualchhung
Kai sang :
Pu Ngurthankima
K. Sec a mi chu Asst. Hor-
ticulture Extension Officer
atangin Horticulture Exten-
sion Officer (HEO) / Circle
Horticulture Officer (CHO)
ah a kai sanga, ti hian Gazet-
ted Officer ani bawk a, kan
lawmpui khawp mai.
Naute nei :
Pu Lalpianmawia
(Apiana) T. Sec a mite
chuan 22.5.2014 (Thurs-
day) khan a pakhatna atan
Champhai Districtl Hospital-
ah fanu duhawm tak an nei
a, kan lawmpui tak zet ani.
Lo haw :
Pi Lianmawii w/o
Pu C. LalawmpuiaVCP chu
Synod Hospital Durtlangah
hun eng emaw chen an zuk
awmhnuah damtakin an lo
haw a, in lamah an in enkawl
mek ani.
Pu K. Thangkhuma
T. Sec a mi pawh Aizawlah
a ha a zuk zai tir a, damtakin
an lo haw leh tawh e.
Champhai ai awhin kal :
Nl. Laltanpuii d/o Pi
Lalronghaki chu Miss
Mizoram thlanna Aizawla
neih turah Champhai
aiawhin a kal a, hetiang ang
mi kan venga an awmhi kan
chhuang in hlawhtlinna ropui
tak chang ngei turin
duhsakna sang ber kan hlan
a ni. Hei mai bakah hian kan
veng a mi inphal Two Broth-
ers in an sponsore bawk a
ni. A kalpui tur te hi Bethel
Veng leh Vengrhlang a mite
an ni a, 23.5.2041 (Zirtawp)
ni khan Aizawl an pan ani.
UITE RIM NAM...
- Zaia
Hmeichhe vau loh leh vau vau loh an pawng tual tual, Hmeichhe
finin tuikhur ral a kai lo, Se bo hnua se kawng khar ang etc. tihte thufing tawi
kan mizo pipute khan an lo nei thin a. Thufing huanga khung chu ni chiah lo
mah se "Naupangho kha uite rim in nam, leng rawh u" tiha uite rim nam naupang
kaihhnawih tlem in thailang teh ang.
Mizo society-ah khan hmeichhe dinhmun leh naupang dinhmun hi a
ropui lua lo kan ti thei awm e. Society-a langsar leh pawimawh ber chu mipa,
puitling chin kha an ni. Mipa rorelna, mipa enkawl leh kaihhruai chhungkua
leh khawtlang tiin mizo nun hlui kha kan chhal thei awm e.
Society-a mawhphurhna sang tak nei lo mahse pawimawh tak si te chu
Hmeichhia leh Naupang an ni a, hmeichhia hnuai hretah naupang dinhmun a
awm pawh kan ti thei ang. Naupang khan dinhmun luah chu a hmingin nei ve
mah sela society kamchhe tleuhna an ni a, Uite rim in nam, uite vawihkhum
ang mai in phi chung mai tihte kha an nitin hlawhchhuah tam ber a ni ngei ang.
Naupang kha nakinah khawtlang tana mi pawimawh an la ni dawn tih hre tho
mah se tunlai hun ang a zirna in a awm loh avangin dai hnai, khawlai leh inchhung
kha an khawvel hmanna tam ber a ni. Chuvangin chhungkua leh khawtlangah
tangkaina nei ve bawk mah se puitling hauh bur an ni a, naupang khan chhungkua
leh khawtlang inenkawlna kawngah kori an tu meuh lo. A nihna takah chuan an
ranvulh ui nen dinhmun khat ang lek chan pawh an chang kan ti thei ang.
Amaherawhchu, khang hunlaia naupangho kha rualbanlo tih em loh chu mi
pangngai, eitling, chhawrnahawm takah an chhuak vek thung niin alang.
Tunlai kan mizo society kan thlir chuan kan pipute ngaihdan letling hlauhvin
naupang dinhmun kan dah pawimawh thiam hle thung. Changkanna leh
hmasawnna sang zel avangin naupang enkawl pawimawhzia kan hre tawha, uite
rim nam thin kha top priority dinhmunah an ding ve ta thung ni pawh in alang.
Chu kan khawvel changkangna avanga ngaihdan a inthlak hlawk rual erawh chuan
kehthei dawma kan dawm, pawimawh ber dinhmun kan pek naupangte hi puitlin
lam aiin sawngnawi turin kan buatsaih ta mah mah em tih hi zawhna awm thei a
ni ta. Chhungkaw tinah remote control-tu a naupang pang an ni a, inleng pawh
zah zo lovin inlengte nen naupang duhzawng kan thlirho thup fo. Khawlai leh
inchhunga mamawh leh duh ngah ber, kan hlauhtlawn emaw tih mai tur chu uite
rim nam naupang ni lovin chhungkaw hero leh raja te an ni bawk. Hmasawnna
avanga naupang enkawl kawnga hma kan sawn viau lai hian kan society hian
naupang thunei, tleirawi duat sual, an duh apiang chhawpsak,thu tha leh an tih
theih tawk thawh tir phalh loh naupang leh tleirawl laktlak loh siam belh ngawt
lo tura tan kan lak a hun tawh hle in alang.
Uite rim nam mah an puitlina chhawr tlak an nih chuan hmanrua tha ber
ber hmanga enkawl, eitur tha ber ber dawng, an mamawh apiang kan pekte hi an
puitlingin an chhawrnahawm zawk dawn lawmmi. Naupang enkawl kawngah
hma i sawn ang u...
VENGSANG BRANCH YMA DIN TAN KUM: 13th OCTOBER 1946 YMA CHANCHINBU CHHUAH TAN KUM : 1991
Englo huang....
Ngaihdan huang
9862964940
* Kan Veng(project
veng) a zu zalen lutuk
hmala mek tute Wel-
fare, YMA, MHIP te
tang zel teh u.... Kan
veng alo nawmzel nan?
-Project veng pa
* Mahni fate Kohhran
leh khawtlang thil tih
(Hla zir, hnatlang,
khawhar in kal) a tir
chhuak thei si lo nu leh
pa te hian Kohhran leh
khawtlang thil tih kan lo
sawi sel ve thin hi chu
inenfiah deuh te ang
u....Chhungkua hi kan
zir tanna kailawn hmasa
ber a ni si a.
- Vengsang Val
* Kan veng kawt
chhuah pawimawh leh
kan hman tangkai em
em. Pastor veng leh
Hospital Road
inkalpawhna hi YMA
leh mimal thahnem
ngaihna a thenfai a
ngaita fo mai hi chu a
va mak thin em. A bul
lokah Police Station a
awmsia, an ni ho hian
zingkar hnatlang ah te
pawh han thianfai thin
se heti em em chuan a
tawp lo deuh chuan ka
van ring tak em. Tun a
chin ah chuan a bula
chengte hian hma lain
thenfai hna hi chu thawk
ve tawh se avan lawm
awm dawn tak em.
- Veng pa
* Kan vengah hian
lehkha zir sang deuh leh
hmundanga zirna
avanga awmbo hi kan
va tlem tak em, veng
hlun ve riang ruangah
chuan a va zahthlak thin
ve, zirna tih hmsawnna
tur hian tan i la sauh
sauh teh ang u.
- Zirna ngaina
Hriselna huang
HNAR THI
- Lalsiampara Sailo
Hnarah hian thisen zam tam tak a inzam tuak a, a
awmna hi hmai langsar lai, engemaw hleka chut palh awlna
hmun a lo ni bawk nen, tih thi mai hi thil awl tak a ni. Hnar thi
tam zawk hi chu ho te, harsa lo taka reh leh mai thei a nih laiin
a then chu a nasa thei hle thung. Hnar thi hi thlasik lai leh
khawro hun laiin a tam duh bik.
Hnarthi chhan :
Tam tak a awm thei, hengte hi a langsar zualte an ni :
Infection, Inhliamleh hnapkhir kheuh , Hritlang (Allergic & non-
allergic Rhinitis), Thisen sang (High blood pressure), Damdawi
thenkhat hmanin (anticoagulant, aspirin etc), Zu ngawl vei (al-
cohol abuse), Cancer leh hnara chawr/bawk awm, Pianken
thisen dik lo (inherited bleeding problem), Naupai laiin.
Hnarthi chu engtinnge kan tihreh ang?
Hnarthi tam zawk hi chu doctor pan kher ngai lovin
mahnia tihreh theih a ni, hetiangin:-
Hnar nem(soft part of nose) chin zawng huamin kutzungpui
leh zungchalin hmehpin tlat tur, i kut khan hnar kha hmai ruhah
nem bet tlat bawk ang che.
He tih lai hian kun deuh titihin awm tur a ni a, hrawk lama
thisen kal a awm chuan lem lovin chhakchhuah zel tur.
Minit nga i nem hnuah thlah la, a la thi cheu a nih chuan a
ngai angin ti nawn leh rawh.
Vur towel-a fun, hnar leh biang vel deh nana hman a tha bawk.
Hnarthi a reh hnuah muzal lovin, thu-mu chungin chawlh
hahdamrih tur.
Hnarthi nawn sek loh nan engtia inven tur nge?
Hnaphnit fimkhur tur
Hnar kheuh/hawlh loh tur
Daikal leh zunin san vak loh tur
Hahchhiau laiin ka an tur
Kunin thilrit lasuh
I lu khai lung aiasangah awmtir hramhramang che
Mei zuk loh tur
Chaw nem leh dai ei la, thil sa lam chu hnar thi hnu darker
24 chhung chu engmah in loh tur.
Thisen khangna tibuai thei damdawi (aspirin, ibuprofen,
warfarin etc) ei miah loh tur.
Hnarkaw chhung ro lutuk tur ven nan lubricating ointment
(Neosporin oint. etc) hnawih thin a tha.
Eng hunah nge Doctor pan tur?
A chunga tih tur tih anga in tih hnu pawha a reh mai theih
lohin
Hnarthi chu a chak viau a, thisen a chhuah hnem viau bawk
chuan
Damlo chu a chauh viau a, tlusawp mai tur anga a awmin
Hnarthi bakah hmai leh lu-ah hliam dang a awm a, mitvai
leh nikhaw hre lo-a an awmin.
Hnarthi bakah khawsik leh lu na a awm telin.
(source FB Hriselna Huang)
* Keni infiam mi naupan lai
atanga infiam mi tur renga
piang hi chuan tournoment a
kan vawikhat telna ah pawh
tuman min tum ngam lo. Fi-
nal chiah khel ngai a, chutah
pawh min la ngam lo em em
leh nghal a.Champion hi chu
a lo nuam a ni.
Dr. Chhuanga& Dr Lawrence-aN. Sec.
* Nupui te Final khelh en
paha naupuak chu a hahthlak
ngei mai.
- P. Vansanga N. Sec.
* Nupui han neih meuh chuan
kan thu thal mai a lawm.
- Pu Thanmawia Br.Tre
* Vengthlang tleirawl ka Bike
a han phurh zan mai hi chuan
eng dangmah ka ngai lo.
Sanglianahian min tibuai tawh
em lo ang chu.
- J erry-a T. Sec.
* Zirtawp zan zet chu Cham-
pion mahnite chauhin kan
lawm ve keuh e.
- Larina V. Sec.
* Tunlai chu ka buai thei hle,
engmah hi ka chhinchhiah thei
thlawtlo, ka tlangval lai hian
tar at hian min chhunzawm
mai ang tih pawh ka hlau
mange
- Ropuia K. Sec.
* Projec veng lamah pawh ka
chak zia leh lung mizia ka hriat
zia hi chu an la hre dawn
chauh a nih hi, Pro Fight ah
pawh tel ngei chu ka tum ve
a lawm ka Weight pui chu ka
hnehlo a nih pawn ka thut bet
tho tho ang.
- Valpuia H/o Machhani V. Sec.
* Sipai tan ka chak na ber
chu ka chhuti haw hi min
hmuaktu tur thian ka ngah
dawn em a ni.
- Lalmaa V. Sec
* Note ka kawl tawh bawka
a bak chu hma lak dan a awl
sawt tawh dawn anih hi...
- Hlima K. Sec