[Thu ciapteh] Col.

Khen Za Moong tawh holimna

Zomi te khantohnang vs politic (1) na ah Micro finance project vai igen tawm zom pak leeng:- Myanmar ALinn Daily December 13, 2012 na sim le uh cin, TAMA Cooperative wanzi U Kyaw San in TAMA te sum lei tawi piak nathu leh gam dang pan in priviate bank te in sum lei tawi ding thukimna thu (loans for small and medium enterprises) te ki mu hi. Mailam ah hivai kikum to zel ni. Kawlgam bank te ah ATM pan in VISA card tawh ni khat teng sawm ki thoh thei ta hi. Zomi Icon ci in eimi sung ah ka zah taak mimasa (pension/retired) Pu Col. Khen Za Moong, Rev. Dr. Kam Khaw Thang, Rev. Dr. Go Za Kham, Pi Luan Za Cing (Mrs. S.T. Hau Go) te kiang ah zahtak piak na nei in ka hawh aa Zomi te khantoh nading vai ka kikum thei uh hi. Pu Chin Sian Thang bel Zampi pai ong tung kik nailo ahihman in ki mu kei ung. "Zomi Patriotic Award" ci in ZAUS in Pu Cin Sian Thang apiak pen pu Gin Kam Lian in ong sang hi. Kawlkumpi Kitelna zum pan in, "Zomi nam omlo" ong cih ciang in, "Zomi nam min a om na" ki cing tak in evidence tawh lah theih na ding in Zomi te taangtu aki gelh na laibu te kai khawm in, a thu teng a vai hawm Tedim Association President Dr. C Thang Za Tuan zong "Zomi Patriotic Award" ki pia hi. Pu Moong tawh holim na. Pu Moong: Ci dam in kimu thei zel i hih man in nuam ing, bang vai aa ong ciah na hiam? King Mang: Sengam Kunming pan in Yangoon ah tua pan Kawlpi ah sia Pau Khai te kiang leh inn lam Tedim dong, Mandalay, Naypyitaw ah biakna vai in na ciah to ing. Tedim ah ka pu Dr. Sian Za Kham makai in khuanu khuapa te tawh thu kikup na nei ung. Zomi te sung pan mihonpi in gam dang pai masa ahi Piancit pai te phawkna in, Zogam Landmarks bawl ding, WWII lai aa 17 Division leh Japan te ong pai na Tedim Road puah phat ding leh Tedim Town Square bawl ding vai te na ki kum ung. Rgn ah zong Dr. Mangpu, sia Lain Bawi, U Nangno, Bo Lalno, pi Luan Za Cing, pu Thawnno, ZNC pan Gin Kam Lian leh Antony te, pu Ngo Cin Mang, pu On Khan Suan te tawh naki mu ung. Tun ah nang kiang pan in ngaih sut na leh taang thu tuam tuam za nuam, thei nuam aa ong hawh hi ung. Pu Moong: Piancit pai te kumza cin na bawl na ding in sialtal khat (tu lai Ks 500,000) piak ding in Bomu Khup Cin Pau (Singapore) kiang ah kagen sa hi, no na ki thuza un, hi vai na hawm thupi sa ing. Ka lai bu gelh bu 6 copy ong pia ning in tua sung ah ki ciam teh hi na sim in. Piancit thu Capt. Pau Za Gin O.B. ciam teh na pan ka kaih khop thu te, Japan gal lai in Tonzang innpi pa pu Pum Za Mang te tawh ka ki thuah na thu te, Pu Mang Tung Nung leh CNO thu te, 1955 in Gen. Ne Win tawh Tedim gam ah ka zin khop na te uh ka gelh hi. Taipe ah na pu Subedar Kham Za Nang te tawh om khawm hi ung, tua lai pan in Malaysia, Kawlgam, Tedim Muizawl dong ka ciah to uh hi. Captain ka ngah zawh Japan gawl khit in 1946 in a khuan ka ciah hi, Shwebo zuan kik ding in 1947 kum kipat lam in (Col. Dal Za Kam) leh pi Man Kaih niang te tawh ka zin khawm uh aa, Gunkhawm pan in Pinlon kikhopna nih veina pai ding Saizang ukpi Thawn Za Khup, Lumbang ukpi Hlur Hmung leh Haka ukpi Kio mang te tawh Meikthila dong ka ton uh hi. Officer Mess ah nitak annek pawi Mangkang bu te tawh ka neih khop pih uh hi. The Panglong Agreement origin copy, Pinlon Sachoh letmat thuh teng min leh athu aki cing in ka laibu ah om hi. Pinlon kikhop masa in Mualgam mite kigawm in SCOUHP (Supreme Councilof United Hill People) piang khia hi. Pinlon nihna panin Gam kigawm (pyidaungsuh - Union) piangkhia hi. 1947 kum in Galkap sung Burmanisation vai thu khat ong om hi, Col. Letya makai in thu kan ong pai uh aa, "Kawl te amau leh amau akiuk mah bang in ko Zo leh Zo ki uk zo nung, Zotat thum teng Zomi senior thum teng in uk thei dinghi " cih ka gen aa, Capt Son Kho Lian in ong thukim pih hi. Tua meeting ah Zomi bu Maj. Dal Za Kam, Maj. Hrang Thio, Maj. Lain Cin Zam, Capt. Son Kho Lain tawh ka ki hel uh hi. Sawt loin 2nd Chin Rifles pan in HQ. Burma Command ah ka piang hi. WWI ( 91914 - 1918) ong pian ciang in 1917 January kha in Piancit (France) gamah gal huh ding in Tedim gam pan in mi 1000 (Sukte leh Sihzang kigawm 500 leh Tedim mi 500) pai hi. Chin Coy, Burma Labor Corp te kamphen leh Tedim pan piancit pai teng uk ding in pu Tong Za kai tavuan kipia hi. Piancit pai ding pen asi pah ding in ki ngaihsun ahih man in innluah ding te kipaisak lo hi. Tedim ah kha thu sung Burma Military Polic ten galkap nasep sinsak hi. 1917 kum May 27 ni in Tedim pan dingkhia uh hi. Gunkhawm panin Myinyan tembaw tawh, tua pan Zangkong meileng tawh pai uh hi. Zangon pan in Calcutta, Bombay, Aden, Suez khuate nawk in Italy gam tuipi gei zui in pai uh hi, 1917 August 15 ni in Piancit gam Marseilles khua tung uh hi. Tedim mi te nasep hahkat na a zakciang in mangkang kumpipa King George V in muh dingin sam hi. Capt. E.O. Fouler makai in pu Tong Za Kai leh mi 10 te kumpipa King George V tawh kimu uh hi. Piancit pan in 1918 kum August kha sung in Tedim tung kik uh hi. Minphatna ngun ngah teng:- Pu Tong Za Kai, Pu Song Theu, Pu Pau Za Cin, Pu Vial Zen, Pu Mang Pau. te hi. 1921 ciang in kumpi te in Piancit gam aa Zomi te nasep hoih nate mangngilh loin, company khat ciat pan in Maymyo ah nasep sinsak hi. Tuateng

gawm in 4/70 Chin Rifles battalion khat ki phuan hi. King Mang: Lung dam hi ong tuah pha ung. 2010 November kong hawh lai aa nong lai bu piak, "Tedim pan Zangkong" sung ah ka pa S.B. En Za Lang zong nang makaih na nuai ah Levy galkap ahih na thu na ciamtek sak man in nuam ing. Pu Mang Tung nung in January 1948 in KSVP (Khamtung Suahtakna Vaikhawm pawlpi - Chin Hills Freedom League makai mi 22 te lak ah ka papi Pu Vial Za Thang (Keltal) zong na ki hel hi. Hih Zogam Freedom League ngimna thupi sa ing. Tun ah President Thein Sein kumpi in thu ong laih ta ci leeng a hoih lam in koi ci muh na hiam, no sep hun laipek in Sengam bang in market economy hi leh hoih ding hi ven. Pu Moong: Ko sep lai in zong a sia ki bawl lo hi. Leitung hun zui in Kawlgam zong i khan toh na ding in ki puah phat ding aki sam hi, Sen gam ah ka om hun lai in, Kawlgam zong ki niam tuan lo hi. Tu hun in ei Zomi te zong Kawlzang ah tampi ki teengta ban ah gamdang ah zong ki teeng ta ahih ciang in, i om na peuh peuh ei gam hi ci in i luah zawh na ding in ngaih sun tek ni, khang thak te in Chin State bek i gam in tuat kei un. Ko galkap sung ka om lai un Chin mi khem peuh ki thu tuak hi ung, mi dang ten i pau ong theih pih zaw uh hi. Khang thak ten han ciam un, ei citak peuh leeng mi ten ong neu et tuan lo hi. Pu Moong pen ci damin, mi pil mi ciim ahih mah bang in thu tampi ciam teh lai in lim tak in ong gen kik thei hi. A lai bu te Mang lai leh Kawl lai hi in bu guk aki gawm in A4 laimai 400 pha ding hi. Taang thu theinuam ta ding in aman pha lai bu hi. Pu Moong tawh ho lim na pan in, Zomi te khantohna'ng in:1. Cihtak na tawh han ciam in, ki thu tuak ding, thu tangpek loding thu kimang ding. 2. I ten na khua peuh ah teektang ding, i gam hi ci in luah zo ding. 3. Mi te mai ah makai in i din zawh na ding in, aki sam pilna leh siam na te neih zawh na ding in han ciam in sin ding. 4. Chin i cih ciang in Zomi khempeuh hi hang, Zomi ikicih leh zong Chin mi teng ahuam zawh ding thupi hi. Eimi kitam lohi kikhen loin ki pum khat ding thupi hi.

Zomi te khantohnang vs politic (1) na ah Micro finance project vai igen tawm zom pak leeng:- Myanmar ALinn Daily December 13, 2012 na sim le uh cin, TAMA Cooperative wanzi U Kyaw San in TAMA te sum lei tawi piak nathu leh gam dang pan in priviate bank te in sum lei tawi ding thukimna thu (loans for small and medium enterprises) te ki mu hi. Mailam ah hivai kikum to zel ni. Kawlgam bank te ah ATM pan in VISA card tawh ni khat teng sawm ki thoh thei ta hi. Zomi Icon ci in eimi sung ah ka zah taak mimasa (pension/retired) Pu Col. Khen Za Moong, Rev. Dr. Kam Khaw Thang, Rev. Dr. Go Za Kham, Pi Luan Za Cing (Mrs. S.T. Hau Go) te kiang ah zahtak piak na nei in ka hawh aa Zomi te khantoh nading vai ka kikum thei uh hi. Pu Chin Sian Thang bel Zampi pai ong tung kik nailo ahihman in ki mu kei ung. "Zomi Patriotic Award" ci in ZAUS in Pu Cin Sian Thang apiak pen pu Gin Kam Lian in ong sang hi. Kawlkumpi Kitelna zum pan in, "Zomi nam omlo" ong cih ciang in, "Zomi nam min a om na" ki cing tak in evidence tawh lah theih na ding in Zomi te taangtu aki gelh na laibu te kai khawm in, a thu teng a vai hawm Tedim Association President Dr. C Thang Za Tuan zong "Zomi Patriotic Award" ki pia hi. Pu Moong tawh holim na. Pu Moong: Ci dam in kimu thei zel i hih man in nuam ing, bang vai aa ong ciah na hiam? King Mang: Sengam Kunming pan in Yangoon ah tua pan Kawlpi ah sia Pau Khai te kiang leh inn lam Tedim dong, Mandalay, Naypyitaw ah biakna vai in na ciah to ing. Tedim ah ka pu Dr. Sian Za Kham makai in khuanu khuapa te tawh thu kikup na nei ung. Zomi te sung pan mihonpi in gam dang pai masa ahi Piancit pai te phawkna in, Zogam Landmarks bawl ding, WWII lai aa 17 Division leh Japan te ong pai na Tedim Road puah phat ding leh Tedim Town Square bawl ding vai te na ki kum ung. Rgn ah zong Dr. Mangpu, sia Lain Bawi, U Nangno, Bo Lalno, pi Luan Za Cing, pu Thawnno, ZNC pan Gin Kam Lian leh Antony te, pu Ngo Cin Mang, pu On Khan Suan te tawh naki mu ung. Tun ah nang kiang pan in ngaih sut na leh taang thu tuam tuam za nuam, thei nuam aa ong hawh hi ung. Pu Moong: Piancit pai te kumza cin na bawl na ding in sialtal khat (tu lai Ks 500,000) piak ding in Bomu Khup Cin Pau (Singapore) kiang ah kagen sa hi, no na ki thuza un, hi vai na hawm thupi sa ing. Ka lai bu gelh bu 6 copy ong pia ning in tua sung ah ki ciam teh hi na sim in. Piancit thu Capt. Pau Za Gin O.B. ciam teh na pan ka kaih khop thu te, Japan gal lai in Tonzang innpi pa pu Pum Za Mang te tawh ka ki thuah na thu te, Pu Mang Tung Nung leh CNO thu te, 1955 in Gen. Ne Win tawh Tedim gam ah ka zin khop na te uh ka gelh hi. Taipe ah na pu Subedar Kham Za Nang te tawh om khawm hi ung, tua lai pan in Malaysia, Kawlgam, Tedim Muizawl dong ka ciah to uh hi. Captain ka ngah zawh Japan gawl khit in 1946 in a khuan ka ciah hi, Shwebo zuan kik ding in 1947 kum kipat lam in (Col. Dal Za Kam) leh pi Man Kaih niang te tawh ka zin khawm uh aa, Gunkhawm pan in Pinlon kikhopna nih veina pai ding Saizang ukpi Thawn Za Khup, Lumbang ukpi Hlur Hmung leh Haka ukpi Kio mang te tawh Meikthila dong ka ton uh hi. Officer Mess ah nitak annek pawi Mangkang bu te tawh ka neih khop pih uh hi. The Panglong Agreement origin copy, Pinlon Sachoh letmat thuh teng min leh athu aki cing in ka laibu ah om hi.

Pinlon kikhop masa in Mualgam mite kigawm in SCOUHP (Supreme Councilof United Hill People) piang khia hi. Pinlon nihna panin Gam kigawm (pyidaungsuh - Union) piangkhia hi. 1947 kum in Galkap sung Burmanisation vai thu khat ong om hi, Col. Letya makai in thu kan ong pai uh aa, "Kawl te amau leh amau akiuk mah bang in ko Zo leh Zo ki uk zo nung, Zotat thum teng Zomi senior thum teng in uk thei dinghi " cih ka gen aa, Capt Son Kho Lian in ong thukim pih hi. Tua meeting ah Zomi bu Maj. Dal Za Kam, Maj. Hrang Thio, Maj. Lain Cin Zam, Capt. Son Kho Lain tawh ka ki hel uh hi. Sawt loin 2nd Chin Rifles pan in HQ. Burma Command ah ka piang hi. WWI ( 91914 - 1918) ong pian ciang in 1917 January kha in Piancit (France) gamah gal huh ding in Tedim gam pan in mi 1000 (Sukte leh Sihzang kigawm 500 leh Tedim mi 500) pai hi. Chin Coy, Burma Labor Corp te kamphen leh Tedim pan piancit pai teng uk ding in pu Tong Za kai tavuan kipia hi. Piancit pai ding pen asi pah ding in ki ngaihsun ahih man in innluah ding te kipaisak lo hi. Tedim ah kha thu sung Burma Military Polic ten galkap nasep sinsak hi. 1917 kum May 27 ni in Tedim pan dingkhia uh hi. Gunkhawm panin Myinyan tembaw tawh, tua pan Zangkong meileng tawh pai uh hi. Zangon pan in Calcutta, Bombay, Aden, Suez khuate nawk in Italy gam tuipi gei zui in pai uh hi, 1917 August 15 ni in Piancit gam Marseilles khua tung uh hi. Tedim mi te nasep hahkat na a zakciang in mangkang kumpipa King George V in muh dingin sam hi. Capt. E.O. Fouler makai in pu Tong Za Kai leh mi 10 te kumpipa King George V tawh kimu uh hi. Piancit pan in 1918 kum August kha sung in Tedim tung kik uh hi. Minphatna ngun ngah teng:- Pu Tong Za Kai, Pu Song Theu, Pu Pau Za Cin, Pu Vial Zen, Pu Mang Pau. te hi. 1921 ciang in kumpi te in Piancit gam aa Zomi te nasep hoih nate mangngilh loin, company khat ciat pan in Maymyo ah nasep sinsak hi. Tuateng gawm in 4/70 Chin Rifles battalion khat ki phuan hi. King Mang: Lung dam hi ong tuah pha ung. 2010 November kong hawh lai aa nong lai bu piak, "Tedim pan Zangkong" sung ah ka pa S.B. En Za Lang zong nang makaih na nuai ah Levy galkap ahih na thu na ciamtek sak man in nuam ing. Pu Mang Tung nung in January 1948 in KSVP (Khamtung Suahtakna Vaikhawm pawlpi - Chin Hills Freedom League makai mi 22 te lak ah ka papi Pu Vial Za Thang (Keltal) zong na ki hel hi. Hih Zogam Freedom League ngimna thupi sa ing. Tun ah President Thein Sein kumpi in thu ong laih ta ci leeng a hoih lam in koi ci muh na hiam, no sep hun laipek in Sengam bang in market economy hi leh hoih ding hi ven. Pu Moong: Ko sep lai in zong a sia ki bawl lo hi. Leitung hun zui in Kawlgam zong i khan toh na ding in ki puah phat ding aki sam hi, Sen gam ah ka om hun lai in, Kawlgam zong ki niam tuan lo hi. Tu hun in ei Zomi te zong Kawlzang ah tampi ki teengta ban ah gamdang ah zong ki teeng ta ahih ciang in, i om na peuh peuh ei gam hi ci in i luah zawh na ding in ngaih sun tek ni, khang thak te in Chin State bek i gam in tuat kei un. Ko galkap sung ka om lai un Chin mi khem peuh ki thu tuak hi ung, mi dang ten i pau ong theih pih zaw uh hi. Khang thak ten han ciam un, ei citak peuh leeng mi ten ong neu et tuan lo hi. Pu Moong pen ci damin, mi pil mi ciim ahih mah bang in thu tampi ciam teh lai in lim tak in ong gen kik thei hi. A lai bu te Mang lai leh Kawl lai hi in bu guk aki gawm in A4 laimai 400 pha ding hi. Taang thu theinuam ta ding in aman pha lai bu hi. Pu Moong tawh ho lim na pan in, Zomi te khantohna'ng in:1. Cihtak na tawh han ciam in, ki thu tuak ding, thu tangpek loding thu kimang ding. 2. I ten na khua peuh ah teektang ding, i gam hi ci in luah zo ding. 3. Mi te mai ah makai in i din zawh na ding in, aki sam pilna leh siam na te neih zawh na ding in han ciam in sin ding. 4. Chin i cih ciang in Zomi khempeuh hi hang, Zomi ikicih leh zong Chin mi teng ahuam zawh ding thupi hi. Eimi kitam lohi kikhen loin ki pum khat ding thupi hi. Topa thupha. King Mang December 31, 2012

Home

Older Post

Worldwide Zomi. Simple template. Powered by Blogger.