2012 Viatortar astea

MURALAK Viator Astea

Orientabideak LH 1.-5.

2012 Viatortar Astea BOKAZIOETARAKO PASTORAL

Viatortarrak Espainakoak

2012 Viatortar astea

ORIENTABIDEAK LHko 1. 5. kurtsoetarako

Hartzaileak LHko 1.-5. kurtsoetako ikasleak. Parrokiako katekesiko umeak Helburuak San Viator ezagutu eta eredutzat hartu San Viatorrekin batera otoitz egin eta otoitzaren bidez elkartu Materialak Eranskinetan: Din-A3an handitzeko murala. Itsasargian itsasteko esaldiak Azken eguneko leloa Itsasargiaren irudia. Koloreztatzeko esaldiak: 2. fitxa. San Viatorren komikia. Denbora Erlijio orduak.

SARRERA
Gure asmoa da erlijioko bi saioak erabiltzea San Viatorren irudia ikasleei hurbiltzeko eta egindako murala ikasgelako atean jartzea pasiloetatik itsasargien distira ikus dezagun. Horretarako LHko 5 urratsek itsasargia landuko dute eta LHko 6. urratsek eta DBH osoak izarren ideia landuko dute.

2012 Viatortar astea

LHko 1., 2., 3., 4. eta 5. kurtsoak

Materialak: Din-A3an handitutako murala: Atean itsatsiko den murala da. Bertan landuko diren lau esaldiak itsatsiko ditugu argi izpiak bailiran. Koloreztatzeko esaldiak: Saio bakoitzean 2 esaldi koloreztatuko dira eta itsasargian itsatsi. Otoitzak: Saio bakoitzean bi egin beharko lirateke. Koloreztatzeko esaldiak honako hauek dira: 1. saioa: San Viator ikasle Biblia irakurle eta katekista 2. saioa: San Viator laguna Zurekin distira.

2012 Viatortar astea

1. saioa Aldez aurretik saioko 2 esaldiak prestaturik eduki: San Viator ikasle eta Biblia irakurle eta katekista .

1. Lehenengo esaldia lantzen: San Viator ikasle

Aste honetan San Viatorren urtebetetzea ospatzen dugu. San hori erabiltzen dugu oso ona izateaz gain Jesusen jarraitzaile sutsua izan zelako. Hala ere, pertsona onak izaten benetan saiatuz gero, gu ere santuak izatera hel gaitezke Egun hauetan zehar gure itsasargia apainduz joango gara Viatorren alderdi onenak goraipatuz bera gure eredu izan dadin. Gaur lehenengo bi kualitateak itsatsiko ditugu. Irakurtzen dugu Viator Lyonen, Frantzian, bizi izan zen I. mendean. Familia xumean jaio zen eta etxean giro erlijiosoa bizi izan zuen. Herriko beste umeekin batera katedraleko* eskolara joan zen. Garai hartan eskolak eliza eta katedraletan zeuden. *(Katedrala elizarik handiena eta garrantzitsuena da) Pentsatzen dugu San Viator gutariko edozein ume modukoa zen. Egunero eskolara joaten zen, etxerako lanak egiten zituen, ikasten zuen, azalpenak entzuten zituen, esanekoa zen, lagun ona hau da, egunero saiatzen zen Jesusen antza izaten. *Lehenengo esaldia itsasten dugu: San Viator ikasle Otoitz egiten dugu Zenbaitetan esanekoak izaten kosta egiten zaigu, gauza kondo egiten ere ez gara saiatzen, ikaskideak ez ditugu errespetatzen, Viatorren eredua gogoratzen badugu, gero eta errazago izango zaigu gure betebeharrak betetzen. San Viator, lagun gaitzazu zure antza hartzen.

2012 Viatortar astea

2. Bigarren esaldia lantzen: Biblia irakurle eta katekista

Viatorri buruzko gauza gehiago ikasiko dugu. Irakurtzen dugu San Viator beti egon zen laguntzeko prest. Pozik zegoen besteekin bere jakituria konpartitzeaz. Irakurle ona izatera heldu zen eta horregatik, katekista zenez, Biblia* irakurri eta azaltzen zien Jesusen jarraitzaileak izan nahi zuten umeei. *(Biblia libururik garrantzitsuena da eta bertan Jesusi buruzko gauzak kontatzen dira) Pentsatzen dugu Gaur egun ere gure eskolan badago nork irakasten digun Biblia irakurtzen baita Jesus ezagutzen ere. Lehenengo jaunartzea egiteko prestatzen ari garenean berriz parrokiako katekistak izango dira Jesusen antza handiagoa izaten irakatsiko digutenak. *Bigarren esaldia itsasten dugu: Biblia irakurle eta katekista Otoitz egiten dugu Eskerrik asko, San Viator, umeekin eta nagusiekin zure denbora konpartitu zenuelako. Eskerrik asko gure inguruan dauden pertsona guztiengatik eta Jesusengandik gero eta hurbilago egoten irakasten digutenengatik.

2012 Viatortar astea

2. saioa Aldez aurretik saioko 2 esaldiak prestaturik eduki: San Viator laguna eta Zurekin distira .

3. Hirugarren esaldia lantzen: San Viator laguna

Viatorri buruzko gauza gehiago ikasiko dugu. Irakurtzen dugu Lyoneko katedralean, San Viatorrek, Justo gotzaina ezagutu zuen eta azken honek hasieratik Viatorrekiko maitasuna izan zuen. Hain zen erraza Viator maitatzea! Egun batean gizon bat elizan sartu zen. Gizon hau herriko jendearengandik ihesi zihoan. Jendeak gizona zigortu nahi zuten esaten zutelako kaletik zihoazen pertsona batzuk zauritu zituela. Gotzainak herriko jendea lasaitzen saiatu zen baina ez zuen lortu. Jendeak esan bazuen ere gizona epailearengana eramango zutela epaitua izan zedin, ez zuen bere hitza bete eta gizona hil zuten. Gotzaina oso triste sentitu zen eta basamortura joatea erabaki zuen. bakardadean egon nahi zuen eta Jainkoari otoitz egin. Viator, Justo gotzaina asko maite zuenez eta gizonarekin gertatutakoa ikus izuenez oso triste jarri zen eta Justorekin joatea erabaki zuen. Pentsatzen dugu Zenbat aldiz salatzen ditugu lagunak benetan gertatutakoa jakin gabe? Zenbat aldiz ez dugu betetzen aldez aurretik agindutakoa? Zenbat aldiz jo izan ditugu zerbait egin diguten pertsonak? Askotan ez gara konturatzen gure jarrerarekin egiten dugun minaz. Irakasleari beste ume batek egin duen gauza txar bat esan baino lehen benetan gertatutakoa oso ondo jakin behar dugu eta gure lagunen ondoan egon behar dugu. *Hirugarren esaldia itsasten dugu: San Viator laguna Otoitz egiten dugu Emaguzu Jauna, bihotz handi bat babestu, parkatu eta maitatu ahal izateko. Lagun gaitzazu, Viator, gure lagunen ondoan momentu onetan zein txarretan beti egoten.

2012 Viatortar astea

4. Laugarren esaldia lantzen: Zurekin distira

Orain istorioaren bukaera ezagutuko dugu: Irakurtzen dugu Justo gotzaina basamortura joan zenean Viator ere harekin joan zen. Ezin zuen sufritzen ari zen laguna utzi. Bere laguntza eta bere presentzia behar zituen. Ez zen gauza handirik baina nahikoa izan zen. Basamortuan urtetan egon ziren, elkarrekin, otoitzean. Horrela bizitza xumeak ematen duen bakea ezagutu zuten; adiskidetasunak ematen duen edertasuna. Pentsatzen dugu Adiskidetasuna eskaintzeko ez da gauza handirik behar. Benetako argia gure bihotzean dago eta distira egiten du besteei eskaintzen diozunean; zure maitasuna, errespetua, hurbiltasuna, poza ematean; benetako laguna zarenean. *Laugarren esaldia itsasten dugu: Zurekin distira Otoitz egiten dugu Hemen dugu itsasargia distiraz beterik. Itsasargiaren distirak bizitzan zehar gidatzen gaitu portu onera hel gaitezen. Jauna egizu Viatorren eredua gure bizitza argitzen duen itsasargia izatea eta argi hori amaigabe aizan dadila.

2012 Viatortar astea

2012 Viatortar astea