Shagun Laika - (1).

DeHugawng Kachin Tsawra hkungga let, Hkau Brang Hugawng hpe- Tut kabu gara awng dang, ngwi pyaw hkamja nga lu u gangu , kyu hpyi myit dum let- laika hte mahkret shakram dat n-ngai law. Bum Chyangau a Sumroi laika ni yawng hkra hpe aput apai nnga ai sha jai lang asung jashawn ya ai majaw, na chying wa kabu chyeju dum nngai. Hkau myit su a Hugawng Kachin Blog hpe mung- anhte Hugawng Bu ni yawng hkra a malai grai kabu arawng la Yungnu sharawt taw nga nngai. Hugawng Kachin Tut awng dang lu u ga. Hugawng KachinTut grin nga u ga. Bum Chyangau mung lam amyu myu a majaw kade n-kam ai Maigan e sa nga ra mat ai raitim- tinang a Myu sha ni a lam ni hpe chyu sha shani shana myit sawn sumru taw nga n- ngai. Anhte a Bu, anhte a Ga de na W-P myu sha saidaw sai chyen ni hpe sat, nat, roi rip taw nga ai Myen Gwisi Gwi chyit n-dai ni hpe maroi nni, masin nsi dik la nngai. Dai majaw- an Hkau, an Nau ni Media ngu ai Lak nak kaba hte matut nna Arum jaw, Shakrip jaw tik tik she di ga. Myen ni mung hti kajawng, mu kajawng na matu Myen laika hte mung ka shakut taw nga nngai. Bum Chyangau a Sumroi Laika hkrang ni hta shut shai, ra kadawn ai lam ni nga ang yang shading sharai , byeng lajang nna jai lang ya na hpe mung tsawra hkungga let hpyi lajin dat mayu nngai. Matut nna lakawn, Ta hkindun la na hpe mung myit kam nngai. I hteng Hugawng bu ni matut nna shakut shaja sa mat wa ga le i? N-htoi- April-(9), 2013.

Myu sha lam yan hta, Myitmang hkrum kahkyin zinlum letBum Chyangau.