Those hearts are few,

Whose dreams come true...

by Amateur
 Preface
The superb responses from your side... just make me lift my feet
above the ground to reach the sky and touch the stars. My last book “Rajj
meets Mutthu” received surprising responses. I thank you all for that.
My constant endeavours are just to make you all smile through my books,
which my last book did well. My first two books nearly had same ingredient
but after my third book, I realised that the subject needs to be change from
book to book, and I did so.
Here I present you my fourth direct from heart book “ Those
hearts are few... whose dreams
comes true”. The theme of this story gestures you to move ahead
in your life, but never forget the forces which propelled you to reach the
position where you are today. The story was written with music in
background from the album ENIGMA ++, “The CHILD in
US...” The music is really very inspiring, I suggest you all to listen to
it whenever you get a chance.
I hope you all enjoy the story and get the essence of the same.
Wishing you all a very happy reading...

Amateur
This story is dedicated to all those young hearts...
whose dreams are as innocent as they are...
 Aaj rajj khus tha... kyunki aaj ki subah
khubsoorat thi. Woh thandi thandi hawaa usey pyaari lag
rahi thi. Nikalte hue suraj ko dekhne ki khwaish liye aaj
woh park me taalaab ke kinaare pahochaa. Wahaa ek
bench par apni bag rakhkar taalaab me gote maar rahi
batako ko bade pyaar se woh dekhne lagaa. Un batako
ko dekhne me kahin subah ki us pehli kiran ko nihaarne
ka woh maukaa hath se nikal naa jaaye, is liye woh baar
baar apni nazare door un imaaraton ke piche daudhaata
rahaa. Woh paani ki kal kal aur batako ki aawaazein
usey mann hi mann bahot khus kar rahi thi.
Aakhir woh pal aa hi gayaa...us pehli kiran ko
usne apni aakhon me kaid kar hi liyaa... jaise jaise sooraj
upar ki taraf aane lagaa, rajj bench se uth khadaa hokar
usey aur phir pyaar se nihaar ne lagaa. Us pal ne
vaataavaran me chaaron aur ek ajeeb si khushi bikhor di
thi. Rajj ko aisaa lag rahaa tha maano chaaro aur se
khusiyaa uske dil me pravesh kar rahi ho... aur ek tarang
si uske sharir me daud padi. Ek kampan si usey mehsus
hui. Woh kuch pal ke liye sunn ho gaya. Is pal ko
mehsus karne ke liye hi aaj jaldi se uth kar woh apni

1
cycle par township me nikal pada tha. Aakhir usey us
shaanti, us khushi , us prakrutik anand ki praapti hui.
Usne in nazaaron ko jee bhar kar apni aakhon me
kaid kar liyaa... aur phir apni aakhen bandh kar ek chain
ki aah bharne lagaa. Jab apni aakhen kholkar woh apni
bench par baitha, tab apne paas kisiko baithe hone kaa
usey ehsaas hua. Usne apni nazaar apne bagal me
daali.... aur ek maasum si muskuraahat bikhorti ek choti
si bacchi ko paaya. Do choti banaye, mathe par nazar
naa lagne ke liye kaajal lagaye, apni gudiyaa ko haathon
me padke woh rajj ki aur dekh rahi thi. Uski maasum si
muskuraahat bhari shakal dekh kar, rajj ko aur bhi anand
mehsus hua. Woh apne chehre se apni muskuraahat ko
nikalte rok naa paayaa.
Us maasum si ladki ne rajj se bade hi pyaari si
aawaaz me puchaa...”bhaiyaa aap khade khade hi so
gaye, bahot neend aa rahi hai naa. Mummy ne bahot
jaldi utha diyaa naa aapko?”
Rajj apni hasin rok naa paayaa aur zor zor se hasne
lagaa.....

2
Haste haste usne us bacchii ki taraf dekha aur
puchaa...”aapkaa naam kyaa hai?”
Us pyaari si bacchi ne badi maasumiat se jawaab diyaa
“mera naam divya hai...” ” aur yeh munni hai” apni us
gudiyaa ki taraf ungli dikhaate hue usne kahaa.
“Accha to divya.... aap school jaati hai ??” rajj ne bade
pyaar se divyaa se puchaa.
“haa... main school jaati hu”
“kaunse standard me padhti hai aap divyaa???” rajj ne
phir puchaa
“3rd standard....” divya ne bade garv ke saath jawaab
diyaa
“Aur aapki yeh munni kaunse standard me padhti
hai???” rajj ko mazaak sujhaa.
“munni????....ahhh.... munni toh school jaati hi nahi
hai,...kyaa bhaiyaa aap bhi kaisi baat karte hai... kyaa
doll kabhi school jaati hai???”
Aur us maasum se jawaab par rajj hass padaa.
3
Divya ne rajj ke hath ko pakad kar usey dhire se hilaate
hue puchaa” accha bhaiyaa ...yeh bataao... aap khade
khade so kyun rahe they”
Rajj ne haste haste jawaab diyaa..”main so nahi rahaa
tha divya... main to is nature ko enjoy kar rahaa tha”
“aise sokar koi nature ko enjoy kartaa hai kyaa???”
divyaa ne phir puchaa.
“haa...”
Divya ne nakchade andaaz me puchaa...”accha batao
kaise”
“aahhhh.... divyaa ab main tumhe kaise samjau.... tum
nahi samjhogi”
“main bahot samajhdar hu... batao mujhe kaise enjoy
karte hai aise sokar nature ko???” sisakti hui hasi main
divyaa boli.
“divyaa jab tum badi ho jaogi naa...tab khud ba khud
samajh jaogi”
“Apko nature enjoy karna accha lagta hai bhaiyaa???”
4
“aahhh....haa....bahot accha lagta hai. Jaanti ho divya,
jab main chota tha tab maine bahot se sapne dekhe
they.... unmese ek sapna yeh tha”
Divyaa ne utsukta se puchaa” kaunsa??’
“yahi ki main aisi hi kisi sunder si jagah par rahu....
jahaa aisi bahot saari birds ho... lake ho... subah ki har
pehli kiran ko sabse pehle main dekhu...aisi hari bhari
ghaas ho...itni sundar township ho..etc etc.... aur dekho
aaj mera yeh sapna sach ho gaya..isiliye main bahot
khus hu”
“kyaa sach me aapka yeh sapna tha ????”
“haaa”
“tab toh accha hai ki aapkaa sapna sach ho gaya... aap
bahot lucky ho...”divya ne dhire dhire apni pyaari si
aawaaz me kahaa.
Divya taalaab ki taraf dekhte hue... apne aap se dhimi
aawaaz me kehne lagi “ kitnaa accha ho agar sabke
sapne aapki tarah sach ho jaaye... phir kitnaa mazzaa
aayegaa naa”
5
Rajj ne divya ke kandhe par hath rakhkar kaha “divya....
sapne sach hote hai... sabke sapne sach hote hai... agar
koi sacche dil se sapna dekhe toh sapne sach zaroor hote
hai.....”
Rajj ki yeh baat sun kar... divyaa ke sharir me ek
kampan si uthi jo rajj ne bahot hi acche se mehsoos ki.
Rajj ko badaa ajeeb lagaa.... magar woh chup
rahaa...usne ussey kuch nahi puchaa.
Divya ne apni nazar taalab se hataakar... rajj ki taraf ki...
aur bade confusion me usne rajj se puchaa..”bhaiyaa
maine yeh baat TV par, filmo me bhi kabhi suni hai...ki
agar sacche dil se chaaho to sab milta hai.... magar yeh
sacche dil se chaahna kyaa hota hai bhaiya?”
“ahhh....sacche dil se ......ahhhh....ammmm....” rajj kuch
jawaab na de paayaa.
Divya ne phir puchaa “batao na bhaiyaa.... pleasezzzzz”
“ahh...divya main ab tumhe kaise samjau...sacche dil se
matlab....ahhhhh...ammm...uummmm”

6
Divya aas bhari nazaron se rajj ki taraf dekhti rahi....
Rajj ne koshish ki , ki woh uske sawaal ko taal de....
magar uski sawaalo bhari pyaari si nazaron ne usey koi
accha jawaab sochne par majboor kar diyaa...
Kuch der sochne ke baad rajj ne divya ki taraf apne aap
ko saamne rakhte hue kahaa...”thik hai... main tumhe
samjhataa hu.... ki dil se sapne dekhna ...yaa dil se
chaahna kyaa hota hai....”
“chalo main tumhe ek kahaani sunaataa hu.... shayad is
kahaani se tum is baat ko samajh jao”
“kahaaniiiiiiii.... !!!!!!!!ha sunao naa bhaiyaa....mujhe
kahaani sunna accha lagtaa hai........
Kyaa yeh kahaani Raja aur Raani ki hai ????”
Rajj ne jawaab dete hue kahaa...”ahhh... nahi...yeh
kahaani ek rajkumar ki hai... aur uske ek sapne ki hai”
Divya jaldi se taiyaar ho gayi... usne apni gudiyaa ko
acche se pakad liyaa...aur rajj ki taraf muh karke baith

7
gayi... kisi bacche ko itni utsuktaa se apne ko sunte hue
usne pehli baar dekhaa tha.
Rajj ne ek lambi si saas lekar saas phir chhodte hue
kahaani ki shuruat ki.....

“bahot saal pehle... chandannagar ke.... chandan mahel

me ek rajkumar kaa janm hua... us rajkumar ka naam
CHANDAN tha.
Chandan bahot sunder tha... tumhari tarah.”
Divya...khilkhilakar has padi....
“chandanmahel ke Tabele me kai ghode they.... aur un
ghodo ki sawaari karne ke liye kai acche ghudsawaar
bhi.
Chandan haste khelte 4 saal kaa hua....
Ek din...jab chandan apne papa ke saath chandan nagar
ke bich se pasaar hoti ek nadi ke kinaare gayaa tab usne
wahaa bahot bheed dekhi... usey pata nahi chala ki woh
bheed kis chiz ki hai...
8
Usne apne papa se puchaa ki yeh bheed kaisi hai... tab
usey pataa chalaa ki....wahaa ek bahot hi khatarnaakh
khel khelaa jaa rahaa tha....
Khel kuch aisa tha...
Chandannagar ke thik bich se pasaar hoti nadi....
ROHINADI.....
ROHINADI desh ki sabse chhaudi nadi thi...aur
sabse gehri bhi... yahaa har 7 saal bade bade ghudsawaar
aate aur apne ghodo se ROHINADI ke is kinare se us
kinare chalaang lagaate.
Magar aaj tak koi us nadi ko apne ghodo ki chalaang se
paar nahi kar paaye . Kai ghudsawaar ki jaan bhi is khel
me chali gayi thi.
Jab chandan ne is khel ke baare me jaana... tab uske
maasum se mann me us ROHINADI ko paar karne ki ek
tivra iccha jaag uthi.
Kuch mahino tak Usey sote jaagte... khelte ...khaate...
har waqt wahi khayaal aata..
Dhire dhire Rajkumar bada hone lagaa... aur us sapne ko
dheere dheere bhul gayaa.
9
Mahel ke tabele me ghode aur ghodi ke jode ne ek
ghode ko janm diyaa...
Chandan ne jab yeh khabar suni, tab woh 14 saal ka
tha... usi waqt usne tay kar liyaa ki ROHINADI
pratiyogita me, woh isi ghode kaa istamaal karegaa...
Chandan us ghode par mehnet karne lagaa... jaise jaise
woh ghoda bada hua... woh usey roz daudaane
lagaa...aur chalaange bhi marwaane lagaa...
Sapna phir dhundhala ho gayaa... Rajkumar apni zindagi
me mast rehne lagaa... aish aur aaraam se jeetaa rahaa...
Ghoda phir apni saadharan si zindagi jeene lagaa....
Chandan ab ek 21 varsh ka yuvaa ban chukaa tha... woh
aur bhi sunder ban gaya tha.
Ek din jab chandan ghoomte phirte...hue ROHINADI ke
paas pahochaa to wahaa us khel ki taiyaariyaa chal rahi
thi... doosre hi din woh khel hone waala tha....
Chandan ko apne bachpan ka woh sapna phir yaad
aayaa.... chandan woh sapna puri tarah se bhulaa nahi

10
tha..kyunki chandan ne woh sapna dimaag se nahi dil se
dekhaa tha....sacche dil se...
Woh jaldi se apne mahel pahochaa.... aur apne ghode ko
tabele se bahaar nikaal kar... ghudsawaari ko nikal
gayaa.
Doosre din, nadi kinaare sabhi log jamaa ho gaye. Ek ke
baad ek ghudsawaar koshish karte rahe... magar koi
rohinadi paar naa kar sakaa....is baar bahot se
ghudsawaar ghayal hue aur kuch ki Nadi me doob kar
maut ho gayi.
Ab koi ghudsawaar baaki naa tha jisne koshish naa ki
ho.... khel samaapt karne ki ghoshnaa hone hi waali thi
ki... wahaa Rajkumar chandan aa pahochaa.... sabhi
Rajkumar chandan ko dekh sar jhuka kar unkaa aadar
karne lage... sabhi jaante they ki... yeh muskil hai... bade
bade ghudsawaar jo roz ghode daudate hai...woh naa kar
paaye to... rajkumar chandan jo kabhi kabaar
ghudsawaari karte they...woh kaise bhalaa karte.
Rajkumar chandan ne ghoshnaa ki, ki main is
pratiyogitaa me bhaag lunga. Rajkumar ke vazir ne
11
rajkumar ko dhire se aakar kahaa ki...Rajkumar aap yeh
nahi kar paayenge.... yeh muskil hai...agar aap naa kar
paaye to ... aapki izzat mitti me mil jaayegi..... aap
hamare rajkumar hai...aapki izzat mitti me
milna...hamari izzat mitti me milna hai....aur is khel me
jaan haani kaa bhi darr hai. Rajkumar hum aapki jaan ko
jokhim me nahi daal sakte.
Kripa kar rajkumar aap is me bhaag naa le...
Rajkumar ne apne ghode ke kadam kuch pichaa hataa
bhi liye.... magar utne me unhe apne ander se ek aawaaz
aai...”mere sapne ko is tarah mat todo” “mera sapna pura
karo chandan”
Chandan ke badan me ek bijli si daud padi...aur usne
apne ghode ki lagaam ko kash ke pakad liyaa...
Sabhi ki haazari me...usne ghoshnaa ki... main yeh
pratiyogita me hissa lunga...
Sabhi jagah sannataa chaa gaya... aur rajkumar chandan
ne apne ghode ki daud shuru ki.... hawaa ko chirte hue...
tezi se ghode ki taap ko vaatavaran me bharte

12
hue...rajkumar chandan...ROHINADI ke kinaare ki taraf
badhte gaye....
Kinaara bas kuch hi dur thaa..... aur rajkumar ne ghode
ki lagaam ko upar ki taraf khichte hue...ghode ko
uchalne ka sanket diyaa... aur rajkumar hawaa me apne
ghode ke saath...uski pith par puri tarah se aage ki taraf
lete hue aage tairte jaa rahe the....
Sabhi logo ki nazaar hawaa me rajkumar aur unke ghode
ke saath us kinaare se upar ki taraf hatne lagi... logo ki
nazaron ne aur rajkumar ne ek bada mohak sa santulan
banaa rakhaa tha.... har taraf sannaata...
Aur aakhir me rajkumar zameen ki taraf aane lage...
sabhi utsuk they yeh dekhne ko...ki ghode ke pair
zameen par girte hai...yaa paani me.
Dur us kinaare logo...ko dhul udti hui dikhaai dene
lagi... jo sanket thi...ki rajkumar ROHINADI ke us
kinaare utare hai....
Sabhi log...rajkumar chandan ki waah waah karne
lage....unke naam ke naare lagaane lage...

13
Wahaa rajkumar chandan... zameen par utare hi they... ki
unhe apne ander se ek bacche ke hasne ki aawaaz sunaai
dene lagi... woh aawaaz thi... us chote se rajkumar
chandan ki... jisne yeh sapna dekhaa tha...jo aaj yuvaa
chandan ne puraa kiyaa...
Rajkumar apne ander ke us bacche ke saath hasne
lagaa.... woh bahot khush tha... khush tha...ki usne aaj us
chote rajkumar ko woh khushi di...jiskaa intezaar woh
itne barso se kar rahaa tha...”

Toh yeh thi... Rajkumar chandan ki kahaani... kuch

samajh me aai yaa nahi....???
“Thodi thodi.......” divya ne apne haathon se ishaara
karte hue kahaa.
“Thik hai... main samjhaata hu...

14
Rajkumar ne sacche dil se apne bachpan me ek sapna
dekhaa tha... sacche dil se dekha gayaa uskaa sapna woh
kuch samay baad bhul toh gayaa...magar woh sapna
uske dilse nahi gayaa..uske dimaag ke ek aise hisse me
woh jaa basaa jo usey hameshaa himmat detaa rahaa...
Rajkumar us sapne ko bhul gayaa magar woh chota
rajkumar jisne yeh sapna dekhaa tha, woh hamesha uske
mann me rahaa... aur waqt aane par usne usey yaad bhi
dilaaya aur himmat bhi di.”
“Har chota baccha jab koi sapna dekhta hai...woh sacche
dil se hi hota hai... tumhara dekha gaya har sapna abhi
sacche dil se hi hoga....”
“Samjhiiii....” divya ke sar par tappi marte hue rajj ne
kahaa...
“main samajh gayi....
Magar mere sapno ko... sacche dil se dekhe gaye sapno
ko... shaayad woh badi waali divya sach na kar paaye.”
Divya ne badi bhaari aawaaz me taalab ki ore dekhte hue
kahaa.

15
Rajj ne choakte hue puchaa “aisa kyun bol rahi ho
divyaa...”
Sisakte hue...dhimi aawaaz me divyaa ne ek bahot badaa
raaz kholaa...”bhaiyaa.... doctors kehte hai mere dil me
ek hole hai... chotaa sa hole...”
“main jaise jaise badi houngi... waise waise yeh hole
bada hota jaaegaa... aur ek din... meraa dil hi nahi
rahegaa... aur agar dil hi nahi hogaa to sapne kaise hogaa
bhaiyaa....???”
Rajj is baat ko sunkar ... stabd reh gayaa... woh kuch bol
naa paayaa...
Isse pehle ki woh kuch kehtaa...piche se ek chote ladke
ki aawaaz aai...”didiiii.... chalo jaldi ghar chalo.... “
Jab rajj ne piche mudh kar dekhaa toh ek aurat ek bacche
ke saath khadi thi... shaayad woh divyaa ki mummy aur
woh ladka divyaa ka chota bhai tha...
Us aurat ne rajj ki taraf dekhkar ek halki si muskuraahat
di....jiske jawaab me rajj thik se muskuraa bhi naa sakaa

16
Jab rajj ne phir nazar divyaa ki taraf ki...tab tak woh uth
kar chalne lagi thi....
Rajj usey kuch keh bhi nahi paayaa... uske muh se koi
aawaaz tak nikal nahi paa rahi thi.
Woh apni gili aakhon ki dhundhali nazaron se divyaa ki
taraf dekhta raha...
Divyaa ne piche mudh kar dekhaa...aur kahaa....”bye
bhaiyaa... kahaani acchi thi.......Rajkumar Chandan
lucky tha......”
Rajj se rahaa nahi gayaa.... usne apni nazaren fher li...
apni aakhon se bahete aasuo ko woh rok naa paaya...
bench ke us kinaare ki ore woh dekhtaa rahaa jahaan
kuch der pehle divya baithi thi...
|
|
|
|

17
|
|
|
|
|
|
Sach hai ki sapne sach hote hai... magar bahot kam log
hote hai jo apne sapne ko sach hota dekh sakte hai. Aaj
hum sab us Chandan ki tarah hai, jinke ander woh chota
sa baccha aaj bhi hai, jisne bachpan me kai sapne
sajaaye they, jo hume aaj bhi ander se aawaaz detaa hai
aur kehta hai ki “mat bhulo apne aaj ke matlabi sapno ke
bich mere un maasum sapno ko. Mat bhulo ki main hi
himmat hu tumhaari, tumhe aaj tak me laane ki. Mat
bhulo ki tumne mujhe waada kiyaa tha, ki badaa ho
jaane par main tumhaare har sapne ko sach karunga. Mat
bhulo mujhe... main aaj bhi tumhaare ander hu...”

18
We all are lucky that we are not among the group to
which divya belongs; we all have grown up, to fulfil
those dreams of that sweet little true heart of a child
within us. Divya was unlucky, for she cannot have
dreams for the elder divya to make it come true. But we
are among the lucky ones. Divya ko, badi divya kabhi
nahi mil paayegi, magar hamaare us chote se bachpan ko
aaj badi jawaani mili hai....
Hamaare ander kaa woh bacchaa aaj hasna chaahta hai...
barso un sapno ke sach hone kaa intezaar woh khatm
karna chaahta hai... uski aas bhari nazar aaj aap par hai...
uski bholi aakhon me woh ummeed aapke liye hai...
Kehte hai bacche bhagwaan kaa roop hote hai... baccho
ko khus karna bhagwaan ko khus karna hota hai... hum
sabko yeh maukaa aaj milaa hai... kisi aur bacche ko aap
khus kar paaye naa kar paaye, magar apne ander ke us
bacche ko aap khus zaroor kar sakte hai...
Dil par haath rakhkar ... aaj ek baar us aawaaz ko zaroor
sunnaa... jo aapse kehti hai..”main intezaar kar rahaa
hu....”

19
Mujhe yaad hai...
Jab maine apni job lagte hai... apni salary se nayi cycle
kharidi.... tab mere ander se ek aawaaz aai ...”Thank
you....”

Aur main apne ander basey us bacche ki muskuraahat ko

apne chehre par aane se rok naa sakaa....

Kyaa aap apne ander ke us bacche ko muskuraata

dekhna nahi chaahenge ...???

20
 Some day you came
And I knew you were the one
You were the rain, you were the sun
But I needed both, cause I needed you

You were the one

I was dreaming of all my life
When it is dark you are my light
But don't forget
Who's always our guide
.
It is the child in us

An extract from the song :

The Child in Us...

Album : Enigma ++

21