K T P

I N L E N G
KTP Durtlang Branch
1955-2011
E- mai l : kt pi nl eng@gmai l . com VOL 24 ISSUE NO. 25
19
th
.Jun, 2011
KTP Thiltumte:
Isua Krista rinna leh Amah anna
kawnga thalaite hruai.
Kohhran kutke ni tura thalaite
buatsaih.
Kohhran hnathawh tihpuitlin.
Krista Chanchintha puandarh.
Kristian Thalai Pawl : Durtlang Branch
KHAWNGAIHNAIN
A TIHDANGLAM MIT
- K. Vanlalruata
Harhna ropui leh inlarna mak tak tak chang ila, khawngaihna leh hmangaihna ka
neih si loh chuan eng nge sawt chuang ang ? - Jean Pierre De Caussade
Tum khat chu chawlhni chawhma inkhawm ban hian kan rawngbawlpui, u ang maia
ka en Dr. RL Sanghluna nen hian Biak in kawt hian kan titi a, tah chuan khawngaihna leh
hmangaihna kohhran in kan hmuh dan te leh ka tlakchham lai ni awma kan ngaih te kan
sawi dun chiam a. Nitina khawngaihna leh hmangaihna mamawh ngawih ngawih te bula che
tla a ni bawk a, sawi tur a ngah hle mai. Chu kan titi na atang chuan kei kohhrana
rawngbawltua inngai hian zawhna pahnih ka thinlunga thi thei lo vawiin ni thlenga ka la
inzawh thin a hring chhuak ta.
1. Lal Isua nun kan en hian, Lei leh Van Siamtu PATHIAN THIANGHLIM ber ni si kha
engati nge a bulah leh a kiangah khan mi hur, eiru, ramhuai pai, hnamdang, uire etc. te
kha an tlangnel em em a harsatna an neih pawha tlan na hmasaber atan Lal Isua an hmang
a, damna an hmu thin. Keini a aiawh kohhran amah Lal Isua ngei pawhin Vanram chahbi a
kawltir ngam khawpa charge a hlan thlap te hi ngati nge min pan hi an huphurh em em ?
2. Kohhranah hian rawngbawltu pawh kan tam, a tha e. Tin, Camping te kan
buatsaiha kan hlimin kan lam, a tha vek e. Mahse, engatinge kohhran kan hlim zawh poh
leh khawngaihna leh ngaihdamna buaipui, hmangaihnaa thang kristian ni lova buktu leh
rorel tu ni a inngai, midang lo teh zung zungtu, Patla keng kristian (Judgemental Christian)
hi a hrin hnem em em ? tih hi.
Hemi chungchang chhuichiang tur hian a hmalama kan lo tih thin tawh ang bawkin
hla taka awm Pathian ni lo, A live-a khawvela Pathian hmel rawn tilangtu Lal Isua nunah
bawk han chhui leh dawn ila. Tupawh mi hmu chu Pa hmu a ni Johana 14:9
Lal Isua kha misual te thian niin misual leh awm tha duh lo ho khan an thlahlelin an
ngai em em thin a, chutih rual chuan tha leh dan zawm thaa fel nia inngai te kha a bulah an
tlangnel thei tlat lawi si lo. Lal Isua thuruk man fuh chiah loh hi kan nei a ni mai lo maw?
Thufing pakhat chuan I thian kawm mi kawhhmuh la, engang mi nge i nih ka hrilh ang
che a ti a. Lal Isua chaw ei duhna hmun te a hun tam ber a khawhralna programme Bible
atanga kan han en hi chuan vawiin ni ah hian Lal Isua hi Mizoramah hian cheng ni ta se
Rangvamual leh Zodin Square velah hian a tam duh hmel ka ti.
Phak ang tawk tawka Lal Isua nun han chhui han chhui takah hian, engvangin nge
Lal Isua bulah Group pakhat (misual) te khan damna an chan thin a, group dang (mifel leh
tha zawka ngaih te) an tal buai tlatna chhan hi Chanchin Tha bu atang te hian a chiang mai
awm e. Chanchin tam tak lak chhuah tur zingah Pharisai leh misual ber (Mosia dana den
hlum tur) inchaltauhna hmun a laia Umpire anga Lal Isua a dinna thawnthu hi han en leh
Kar kalta thawhtan zan khan KTP Durtlang
Branch buatsaihin Biakin-ah Praise & Wor-
ship hlawhtling taka neih a ni. Tarlan tawh
angin T/Upa C.Lalthantluanga chu he hun
hmang tura sawm a ni a. Ani kaihruaina
hnuaiah Pathian fak leh chawimawina hun
hlimawm leh nuam tak hmanho a ni a.
Memberte pawhin an hlut hle a. Member
inkhawm pawh 170 zet an ni.
KTP PRAISE & WORSHIP
KTP, Matthaia Groupte chuan Group sumtuak
nan ni 21.June, 2011 (Thawhlehni) zan hian
lehkhabu kawm siam tur khawnkhawmin
hnatlang an nei dawn a. Member atam thei
ang ber thawkchhuak turin an inhriattir a,
hnatlanga thawkchhuak turte chu dar 7:15-
ah Nl Zairemtluangi, Mel-5 te inah
innghahkhawm tur ani. Tin, kohhran
chhungkuate pawh lehkhabu kawm tha tawh
lo siam tur nei chuan phal taka lo pe turin
min ngen a, tin, a hma lama lehkhabu an lo
siam sak tawh, siam tur dang la nei pawhin
a hnuaia phone number tarlanah hian
inhriattir theih a ni bawk
Phone - 9862614326/9862365931
LEHKHABU KAWM SIAM DAWN
KTP, Jakoba Groupte chuan Group sumtuak
nan ni 21.June, 2011 (Thawhlehni) zan vek
hian Passport thla lak hmangin hnatlang an
nei leh dawn a. Hmundang aia tlawmin, Copy
8 Rs 30 zelin an siam sak thei dawn a ni.
Group member atam thei ang ber
thawkchhuak turin an insawm a. Kohhran
chhungkuate pawhin lo dawr theuh turin min
ngen a ni.
PASSPORT SIAM HNATLANG
Information & Publicity
NGENNA
July ni 7-10, 2011 chhunga Durtlang
Kohhran-in Missionary Retreat a thlen turah
Information & Publicity Sub Committee chuan
kan kohhran atanga Missionary-a lo chhuak
tawh zawng zawngte pualin Missionary Al-
bum sem chhuah tur a siam dawn a.
Hemi atan hian Durtlang Kohhran
atanga Missionary-a lo chhuak tawh zawng
zawngte thlalak tharlam ber mamawh a ni a.
Heng thlalakte tunkar chho remchangah hian
lakkhawm ani ang. Missionary a kal
chhungten thlalak remchang lo ngaihtuah pui
tur leh, a tul anih chuan thlalak te pawh a
remchang anga min lo chah sak turin kan
inngen e.
Banglapui chhungah Zosap Missionary
> > Kristian Thalai Pawl : Durtlang Branch
DDDDDDDDD DDDDD
KTP Inleng 2011 KTP INLENG KARTIN CHHUAK VOL 24 ISSUE NO 25
Editor in Chief
C.L.Biakhlua 9856878819
Editors
C. Zoremsanga 9612297009
Samuel Ramengmawia 9862378735
Joint Editors
C. Zarzoliana 9436197307
C.Lalthanzuala 9862363844
C.Lalfakzuala 9436365052
Vanlalpeka Kawlni 9862357170
Correspondent
C. Lalthanpari 9615492737
Vanlalchhuani 9862368776
H.Hmingthansangi 9856344441
Circulation Managers
Joseph Vanlalremruata 9862360748
Lalbiakmawia 9862340399
R.Lalengkima 9612862398
Benjamin Rosangzuala 9862494499
Lalremruata 9862614326
2
KTP INKHAWM INCHHIARNA
5/Jun/2011 (Mon)
Andria 30
Jakoba 29
Johana 20
Matthaia 31
Petera 25
Philipa 32
Midang 3
Total 170
PATHIANNI (19/Jun)
Chawhma inkhawm
Tantu : Pi Lalziki, B-3
Chawhnu Leh Zan Camping follow up
Thuchah : Tv Laldinthara
PATHIANNI (19/Jun)
Masihi Sanghati
Hruaitu : Pu Mangal thapa
Tantu : Pi Rita Thapa
Thuchah : Pu Lalhmingliana
THAWHTAN ZAN (13/Jun)
Hruaitu : Tv Zairemmawia
Tantu : Pu Duhsangliana, Petera Group
Thusawitu : Tv Zoremsanga, Philipa Group
Leader
Thawhlawm
khawntu turte :Tv Lalrinchhana leh
Tv C.Lalnuntluanga
Petera Group
THAWHLEH ZAN (21/Jun)
Hruaitu : Pi Lianhnuni
Tantu : Pi Lalhnemi, Pi Hruaii Grp
Thusawitu : Pi Lalthanzari, Selesih
Special Item : Pi Veli Group
NILAI ZAN (22/Jun)
Tantu : Pu K.Lalthanliana, B-2
Thupui : Lal Isua thawhlehna
Hawngtu : Dr.Lalnuntluangi Hmar
INRINNI ZAN (25/Jun)
Tawngtai inkhawm
Tantu : Tv. Lallawmkima
Thusawitu : Pu Lalbiaktluanga
Pangpar Khawi turte
26/June
Pi Lalbiaksangi - Mual Veng
Pi Lalbiakliani - Mual Veng
Zing Tawngtai inkhawm hruaitu
20/6 - Pu Thangzaliana
21/6 - Pi Kapthangpuii
22/6 - Dr Lalrammawia
23/6 - Pi Kaptluangi
24/6 - Pu K.Lalmawia
25/6 - Pi Rothuami
26/6 - Pastor
lawk teh ang : Pharisai te leh rawngbawltu rual chuan a uire nia an ngaih pawh ni lo, a uire
lai tak (a va chiang em !) an man Mosia dana den hlum ngei ngei tur chu Lal Isua bulah an
rawn hruai a. Tun tum chu nidanga kan tih theih loh Amah kan awk bet ta tih rilru pu
chungin, Dan nge Khawngaihna ? tih hmangin an rawn kal a. Lal Isua chu a ngawi reng a
tichuan engemawni hi vaivutah an ziak te te a. In zinga sual nei lo apiangin amah chu
lungin deng hmasa rawh se ...... tichuan lung humho chu an kalbo ta vek a.Tin, Isua a tho
va, a hnenah, Hmeichhia, khawiah nge an awm tak? Tuman thiam loh an chantir na che
nge? a ti a. Tin, ani chuan, Lalpa, tuman mi chantir lo ve, a ti a. Tin, Isuan, Kei pawhin
thiam loh ka chantir lo va che; kal la, tun hnuah tisual leh tawh suh, a ti a
Helai drama hian Pathian thupui (Principle) chu a rawn hailang awm e : Pathian
hmaah chuan sual thup chi a ni lova, mahse sual inhria leh inchhir te a ngaidam thin A uire
zawk denhlum tlak khan zalenna leh damna ropui tak a chang a, fel leh tha nia inhria Pharisai
ho kha thin tawt tunin an haw ta daih zawk a nih kha. Kohhran hotupa Lal Isua khan mihur
leh misual ber te hmangaihna thinlung a nei tlat mai. Pathian mit ang hi keini Ama hnungzuitu
te leh kohhran rawngbawltu rual hian kan lo tlachham deuh a ni mai lo maw!!!
Lal Isuan misual ber te leh Mosia dan pawha denhlum phu ngawih ngawih te a lo
khawngaiha a lo puih khan, anmahnia sual awm aiin Pathianina a hmangaih ngawih ngawih
te a lo hmu thin a. Anmahniah khan mihring, Pa Pathianin a anpuia a siam, a hmangaih em
em mahse sual vanga hliam tuara an nih tur ang ni lo tih hriatna Pathian mitin a lo en thin
a, anmahniah khan Pathianin a siam chhan orginal Amah fak leh chawimawi tur mahse sual
hnathawh avanga kal peng ta te a zu hmuin, Lal Isua khan khang misual dum ber te chhungrilah
khan lunghlu leh rangkachak aia hlu zawk Pathianin a roh em em te a zuk hmu thiam zawk
thin a ni.
Keini Kohhran rawngbawltu rual te hian thil tlakchham pakhat kan nei hi a lo ni mai
lo maw? Kan vai hian Khawngaihnain (Grace) a tihdanglam mit kan lo mamawh a ni. Unau
duh tak tunah khan he mit hi i lo nei chiah lo anih pawn a neihna leh lanchianna tlangsang
ber Krossah khan han inen nawn leh ta che. He khawngaihna tihdanglam mit atang hi chuan
chawlhni zana kan kohhran biakin khat hmuka kan inkhawm te hian Pastor atanga dawhsana
Kohhran upa thu te leh tlar hnung bera inthlahrung taka rawn inkhawm ve te hi inang khat
vek kan lo ni a, kan vai hian KHAWNGAIHNA (Grace) mamawh vek kan lo ni. Kohhran hi
mifel rual kalkhawm ni lovin misual leh mahnia Pathian tilungawi thei tawh lo, mahse
khawngaihna avanga chauva chatuan nunna chang veleh kalkhawm mia kan lo ni.
Pathian khawngaihna avanga rawngbawl tura ke ka pen ve tan hnu khan tum khat
chu Pulpit lawnna programme ka nei ve ta der mai. Ka vawikhat lawnna tur te a ni bawk a,
ka va zam teh reng em. Chutia Pulpitah meuh lawna Pathian thu chah sawi ve tur ta chu tiin
kohhran upa pakhat hi thuchah tur te min neih takin tiin a malsawmna ka dil a, chuta a thu
min chah chu ka thih ni thleng pawhin ka theihnghilh ngai tawh lovang. Ruata, Pathian
khawngaihna avangin nakinah chuan a za tel, a sang tel leh a sing tel hmaah te pawh i la
ding mai thei mahse, he thu pakhat hi hre reng ang che, Khawngaihna avanga misual ber
chhandam, Vanlalruata ve mai i ni tih hi a ti
Khawngaihna (Grace) chuan sual a ngaizam nilovin, a sual titu mihringa kha a
ngaihlu zawk a ni. C.S. Lewis.
MIKHUAL THLEN BAWK
Kan hriat angin Missionary Retreat kan
thleng dawn ani a. Kohhranhote kan
inbuatsaih mek a. Hemi atana sub com-
mittee hrang hrangte pawhin chak takin
hma kan la hlawm mek a ni.
Khawpui kohhran hrang hrangin
hneh takin an lo thleng tawh thin a. Kumin-
ah phei hi chuan kumdang ang lo in
Missionaryte then an ni a. Chuvangin a
hautak dan pawh a ziaawm deuh dawn a
nih hmel.
Kohhran ropuina leh changkanna
hi Biakin leh a vel ropuina-a teh tur nise,
keini kohhran aia ropui leh changkang an
tam viauin a rinawm a. Mahse, Biakin
ropui tak nei chung emaw, a kohhran mi
chengte changkang tak emaw ni siin,
mikhual te tana ropui lem lo leh hlutawm
lem lo a awm theih ang. Chutiang bawkin,
kohhran ropui tak ni lem lo, Biakin leh a
vel chhuanawm tak ni lem lo, mahse,
khawmpui hmangtu pawn lam atanga
lokalte tana changkang leh hlutawm,
ngaihawm tak si a awm thei bawk ang.
Tuna hetiang khawmpui
pawimawh tak kan dawn turah hian pawn
lam lang thei a kan inbuatsaihna a
pawimawh em em rualin, mikhual
dawnsawn leh ngaihsak kawngahte tan kan
lak a, chulam kawnga thahnem kan ngaih
tlan phawt chuan khawmpui hmanga lokal
turte hian kan kohhran ropui zia leh
hlutbikna hi an hmuh hmaih hauh lo ang
tih hria ang u.
KTP INLENG KARTIN CHHUAK VOL 24 ISSUE NO 25
EVANGELICAL HUANG

3
> > Kristian Thalai Pawl : Durtlang Branch
KRISTIAN CHI THUM(3) TE
1. Row Boat Kristian : An awmna apianga nemkal/
chhawm ngai.
2. Sail Boat Kristian : Thli nena kal theih chang nei.
3. Steam Boat Kristian : Thli leh ruah pawisa lo,
dai zel/ kal zel mai thin.
A khawi Kristian nge ka nih mek/nih thin tih
mahni i inzawt chhin ang u.
PASTOR N. SERCHHIP_AH
Durtlang bialtu Pastor Z.D Lalhma
chhuana chu Pathianni lo awm tur ni 26
June, 2011 hian New Serchhip Pastor
bial-ah Synod Mission Board campaign
programme-in a kal dawn a. Pathianni
nileng leh zanah hun a hmang anga,
harsatna dang a awm loh chuan a tuk
ni 27 June hian a lo haw leh ang.
BIAKIN THARAH HNATLANG
Durtlang hmar lama awmte indanna tur
Biak-in hmun thar-ah ni 30 June, 2011
hian kohhran pumhuap hnatlangpui
neih a ni dawn a. Biakin tur hmunhma
laih tur anih bakah a in awm sa vuak
thiah tur ani ang. He hnatlang-ah hian
atam thei ang ber thawkchhuak turin
kohhran committee chuan a ngen a ni.
NU LEH PA NI THULH
Durtlang Kohhran Committee-in June ni
30 hmanga Durtlang Kohhran huam
chhunga Nu leh pate Ni buatsaih tura
a ruahman chu hemi huna rawngbawl
tura beisei, Rev Vanlalzuata, Sr. Execu-
tive Secretary a hman theih dawn loh
avangin a thulh leh a. Hun remchang
hmasa ber-ah buatsaih a tum a ni.
CAMP REUNION
Tunhnaia Durtlang Kohhranin Camping
a buatsaih zawh taka Camp chhuakte
pualin Camp Reunion chu nimin inrinni
nileng leh zan khan neih a ni a. He hunah
hian Camping neih zawh taka Speaker
Tv Laldinthara leh a thianten hun an
hmang a ni. Vawiin Pathianni nileng leh
zanah hian chhunzawm a ni ang.
RUALBANLOTE TANPUI
Durtlang Kohhran Committee chuan
vawiin Pathianni-a Rualbanlote Ni
pualin Durtlang kohhran huam
chhunga rualbanlo mi 27 hnenah
tanpuina thilpek Rs 500 theuh a pe.
HNATLANG KO
Dt. 24th.June, 2011 (Zirtawpni)
nileng hian Durtlang Kohhran Social
Front Committee bultumin, khawlai
dung thenfai hnatlang neih a ni dawn
a. He hnatlang hi July thla bul-a
Kohhranin North East huamchhung
Missionary Retreat kan dawn tur
inbuatsaihna a ni dawn a ni. kohhran
hoten ngaipawimawh-a thawk
chhuak theuh turin min beisei a ni.
SUNDAY SCHOOL TRAINING
Bial Committee-in a rel angin Durtlang
Pastor Bial Sunday School Secretary
chu Bialtu Pastor bial fan hun
apiangah tel ve thin tawh dawn a.
Sunday School zirtirtute ko khawmin,
Tranning aiah Sunday School
chungchang sawifiahna leh zirhona
neih tawh thin a ni ang. Vawiin
Pathianni-a Durtlang North Kohhran-
a Pastor bial fan prog ramme-ah tan
ani anga, July ni 3 hian Durtlang
Kohhran-ah neih a ni dawn a ni.
RUALBANLOTE NI
Vawiin June 19 (Pathianni) hi Mizoram Presbyterian
Kohhran-te tana ni pawimawh tak mai Rualbanlote Ni a
ni a. Zoram chhung leh pawna kohhran hrang hrangah he
ni hi thupui neiin hman a ni dawn a ni.
Rualbanlote Ni hi kum 1996 Synod Inkhawmpui
thurel bawhzuia Synod Executive Committee (SEC) 157-
na in June thla Pathianni vawi thumna chu hman turin a
rel a, heta tang hian kum tinin hman chhunzawm a ni ta a
ni. Inkhawm tum khat atan thupui siam a ni thin a,
kuminah chuan Tualchhung Kohhran remchan dan anga
Chawhnu inkhawmah emaw Zan inkhawmah emaw hman
tur a ni.
Kumin 2011 hian Rualbanlote Lal Isuan a
hmangaih tih thupui zirho ani anga, thupui innghahna
tur chu Mat. 25:34 - 40 a ni a, hetiang hian thupui
thensawm leh a ni:
1) Rualbanlote Lal Isuan a hmangaih
2) He leia Isua aiawhtute an ni
3) Anmahni hmangaih turin Kohhranhote min duh
4) Engtin nge kan chhan dawn?
SOCIAL WORKER HNARUAK
Durtlang Pastor bial chhunga thawk tur-in Social Worker
mipa pakhat lak a ni dawn a. Pathian tihmi, helam kawnga
tui leh thahnemngaimi tan dil theih a ni.
Interview hun : Dt. 30th.June, 2011 (6:30 AM)
Interviewna : Durtlang Kohhran Commitee Room
Hlawh : Rs 4000/- per month
Diltu chu Durtlang Pastor bial chhung mi ngei an
ni tur a ni a. Dilna hi ni 26.June, 2011 aia tlai lovah bial
hruaitute emaw, bialtu Pastor hnenah emaw thehluh tur
a ni e.
NAUTE NEI THAR
Kan member Pu Lalromawia leh Pi
Lalduhawmi, Mualvengte chuan ni
16.June, 2011 khan a pahnihna atan
fapa thar duhzawm zet mai, 3.400
kg a rit chu an nei thar leh ta. Kan
lawmpuiin duhsakna kan hlan e.
UPA TRAINING
June ni 16 - 30, 2011 chhung hian
Kohhran Upate pualin 14
th
Intensive Resi-
dential Pastoral Care & Counselling
Training, Synod Multipurpose Training
Centre, Mission Veng thlangah neih a ni
dawn a, training-ah hian Aizawl khawpui
chhunga Kohhran 24 atangin Kohhran
aiawh mi 1 theuh tel tura koh an ni.
GUITER THAR LEI DAWN
KTP Durtlang Branch chuan rawng
bawlna atana pawimawh leh tangkai
tur Electrict Guiter thar lei turin hma
a la mek a. Reilote-ah lei theih beisei
a ni. Tarlan tawh angin, kumin Oc-
tober thla hian Group inelna atan
Beat Contest an buatsaih dawn a.
Inbuatsaihna pawh kalpui mek a ni.
Durtlang Biakin sir tawn tawna 13 ft ve ve-a zauh hna
chu thawh tan chhoh mek a ni a. Biakin tlak lam sir
khawih hmasak a ni a. Tunah hian a ban tur phun zawh
ni tawhin, he thu kan buatsaih lai hian a chung
nghahna tur beam siam mek a ni.
INTERNET-AH INLENG
Kan chanchinbu KTP Inleng Website www.ktpinleng.tk chu a
changtlungin hma a sawn chho zel a. A buaipuitu Dr P.C.a hmalaknain Commu-
nity website angin upgrade a ni a. Tunhnai khan registration-ah buai deuh a
awm avanga harsatna awm pawh siam fel a ni ta. Website-ah hian Discussion
leh Forum pawh a tih theih tawh e. Kan pual ani tih hria-in, Internet hmang
thinte i lut chur chur teh ang u.
Tin, Facebook-ah KTPInleng group siam a ni a, member pawh kan
pung zel e. Thiante pawh suggest zel ang u. Miten holam leh uangthuanga
Facebook an hmanlaiin, memberten kan rawngbawlhona kan hmasawnna turin
a theih anga hman tangkai tum zel ila. Thu khel tham emaw, thu hlimawm
emaw, thlalak te pawh inthlahrung hauh lovin post ila, comment ngaihnawm
tak tak pawh beisei zel ang. Tin, heng facebook-a post/comment hrang hrangte
hi lachhuakin, Inleng chanchinbu-ah column siam ani anga, a remchang angin,
chhuah awm chin kan chhuah thin tawh dawn e.
9856878819 / 9862363844 / 9436197303 KTP INLENG KARTIN CHHUAK VOL 24 ISSUE NO 25
> > Kristian Thalai Pawl : Durtlang Branch
INLENG PIKSS
DDD DDDDDD DDD DDD DDD DDDDDD DDD DDD DDD DDDDDD DDD DDD DDD DDDDDD DDD DDD DDD DDDDDD DDD DDD
D
urtlang ka ngaihzual chang apianga Bruce Springsteen a hla `My hometown` ka ngaithlak
a ka mitthla hmasak ber chu KTP Inlenga ka thiante hi an ni thin. An thlaphenah an
khabe liam changin ka thu ve thin a, kan titina atang hian tawngkam thar tamtak ka
hriatbelh phah a, thuziak kawngah min fuih a, ka pawrh a, min bawl a, ka phuan a. Khawlum
sa ut ut mai, thawmhnaw pawh thlan huh vanga nikhata vawi 2/3 thlak a ngaihna, hmuar leh
tuilumna khawl (Geyser) ten hmun an chan reng reng lohna Tamil thimpui zinga ka thlenthlak
hnuah pawh min la mitak cheibawl zui zel a. Thuziak turin Phonecall, Text message leh Facebook
lam thlengin min rawn au a, min la rawn hrereng ani tih an rawn tilang thinte hi hlu ka van ti
em! Inleng buatsaih zanah zan khawtairek thlengin kan mengziah a. Zanlai pelh tawh ah
Tv.Zorema hovin Lalmama, Joe, BM-a leh Pu peka te awki tihniam chuang miah loa an han
inhnial fiam leh chumi kara Red Ribbon futbol atanga ka thianpa thar, Pu VL Ruala makpa, kan
ziaktu Pu Faka`n tleirawl ho ngaihthlak duhzawng chi Tv.Fima an lo sawipui sap sap a, Tv.
Fima`n an lo tuihnih thindante hi midangte hriata phawrh vek atan chuan a uihawm lutuk.
- C.Lalthanzuala (Vellore)
Sawilan tham...!
Khatia Rev.C.Vanlalringate Ina chanchinbu kan
buatsaih thin khan member duhawm taktak ten
min rawn tawiawm chang phei chuan mi 15 velte
hi an inchungah khan kan han inhawngbi ta mai
thin a! Kan ri luih luih a, zanlai pelh tawh lamah
Nl. Papari khaini rim nam rum rum kara kan
han nui khek uar uar a, inhnuaiah an mu ani tih
pawh ngaih tuah miahlo khan Pu Samuelate lai
lai khan an nuih zawngin an ke lianpui khan
chhuat an han khawngri ta dut dut thin aniah!
Chutah kan tuihal inhnuai step an kan chhuk ri
ruk ruk a, an an room bul lawka an fridge lianpui
kha kan han khar ri dawp dawp mai thin a,
eitur min siam sak a, min pe a, an seng leh a,
a chang phei chuan zanlaiah thingpui lumin
Machhuanite an han ri rum rum a, chutiang
hunah meuh chuan BP sang avanga luhai mem
mem chunga mu, hotupa ber Rev. Ringa leh a
fa mo chhangchhenu Pi Remi te khan Nl Seni
hnar ri thlawrh thlawrh te kha bengchheng an
tilo chu ani phawt ang a, an va tlin em! Inleng
Editorial board te tan khan Nu leh Pa an va lo
tling em! tih te hi ka hrechhuak tlaikhawhnu
hnawh leh a! Ka kalsan tak Pu Peka te ho hian
hrethiam ve tak ang maw......?
Helam-ah chuan..
Vellore hmun kan thlengthla a, thla khat pawh
kan awm hmain Liaison Officer leh Chaplain
hna chelhkawp Pu KM Vanlalpeka te chhungkuain
Mizoram lamah Nipui chawlh hmangin min
hawsan a, I kutah engkim ka dah e, Kohhran
inkhawm kaihhruai leh House a lut leh chhuak
bakah CMC lam a damlo thisen pek ngai buaipui
zawng zawng tih vek angai a, a hahthlak dawn
tih ka hria, mahse nangl o chu..... min ti pek
anih chu mawle...! Mangan changa han
biakrawn tur Nl. Machhuani te an awm tawh
silo. Pu Tetea thluak ka awt thar a. Kei, thianten
insiam peihsa veka an rawn sawm pawh a ti ti
zuah zuah chunga insiamchawp thin kha
mawngvawm ba ang maiin zing atangin zan dar
10 thleng thlengin ka phe ta char char mai a. A
chang chuan lift a chuang chungten ka
kawnghren ka hreng mawlh mawlh fo mai! (Heta
lift ka tih hi Tv. Pianga ten an hrethiamlo mai
thei a, mihring bawm tawlh chhukchho thei
ania..!) Chuta karah ka cellphone Mizorama ri
khat em em mai, thiante ta a rik sek lai pawha
rik ve ngailoh avanga chuanlam siam thin,
cellphone neih ve chin ata vawikhat mah
simcard pawh la thlak eih lo khan zahzelah
Thiante hian ka sim ka thlak emaw an ti
aniang, tunlai chu engmah ka dawng ngai lo
tiin dawt ni chiah si lo angreng deuhte kha ka
sawi thin kha ani ngai a. Hetah chuan kawlhawk
chembarh an sawi ang nawk nawk mai
hian...tring..tring a ti reng ta mai a!
Buai ti zual
A huangtau zualin Hei Kolkata airport atangin
ania, darkar 3 hnuah kan rawn thlawkchhuak
dawn a, Chennai Airport a min pick-up tu tur mo-
tor min rawn ngaihtuah sak thei em? an tih laiin
thenkhatin, Chennai ah drop kan ngai a an lo
ti bawk a, an tawnah vala lu hi a van hai thin
em!! Tv.Fima awm se, a Wagon R car thar ngei
mai khan an hruai leu piat piat mai tur! Inhlawhna
thatak ani mai dawn a ka ti fo thin. CMC lama
mizo damlote hi Cancer/ Kidney Transplant leh
Open heart surgery bakah ruh leh vun lam avanga
harsatna tawkte an ni tlangpui a, Mi an zai dawn
reng rengin thisen Unit hnih hi ngei ngeiin mamawh
ani thin. Dam lo thisen petu tur Bangalore leh
Chennai lama Mizo awmte contact-in thisen petu
tur zawn ngai deuh reng mai bakah damlo haw
turin Kolkata Mizoram House-a room an duh vanga
Kolkata L.O biak fo ngai nen. Chutih karah Ban-
galore/Chennai/Beach/ Historical place kan tlawh
duh a engtia tihtur nge? te an rawn ti chawt zel
mai bawk si nen. Kei Vellore pawh la by-heart lo hi
ka van buai thin em! Heti khawpa ka buai kara
Dr.Rinchhana`n text message a Zanin cu a vot
ltk a, korlum ka hakthuah a, blanket sinin k mu
a, muttui aw a rawn tisek phei hi chuan luhai a
ti zual!!
Chawlhna tuikam..
Hetikhawp hian buai in awm thin mahila, ka
Mizopuite, kei aia la bangbo leh chhawng ten
engkima biakrawn bera min neihta chu
lawmawm tihchang ka nei ve fo tho mai! KTP
inleng ah a tulna avangin Editorial leh Thudang
dang te kan ziak a, memberten kan chhawr leh
hman nghal theih chi lampang ziah a ngai thin
a, KTP te chu midangte pui a, midangte tana
malsawmna ni tur leh kohhran kutke ni tura
buaitsaih mek kan nih thu te kan ziak a. Ataka
hman angaihna hmun chu he hmun ngei hi alo
ni tih te ka ngaihtuah chhuak thar a. Khang thu
ka lo ziah ve thinte kha a taka hmang tura
midangte beiseilo a keimah ah hian bultan tur
alo ni zawk tih te ka hriat belh a. Chu chuan he
khawlum huam huam karah hian ka thlarau leh
taksa tan chawlhna leh hahdamna min pe fo
thin alo ni. Khang thuziak thei tura min mitak
chei a, min nawrkaltu KTP Inleng a ka
thawhpui/rawngbawlpuite kha ka tan chuan
chawlhna tuikam (Juvenilia) anlo tlingtakzet a.
Kan tih ho lai khan Pathian in anmahni hmangin
vawiin atan hian minlo buatsaih lawk zawk ani
tih hi ka chiang leh zual a. Rawngbawlna hna
ah te lua leh lian lua a awmlo a, vawiina
rawngbawlhna min chelhtir hi nakina kan tana
thatna tur leh midangte tana malsawmna kan
nih theih zawkna tur atan a Nang malsawmna
ni ang che min titu hian min thawhtir ani tih
hi ka chiang ta tawlh tawlh mai.
(E khai, kan phuan ngei mai! Kan lawm e. I thinlung phek-ah leh i ziakfung-ah Inleng kan la
leng e..! Mizo tawng pawh i lo la thiam e! Keini pawhin inleng chhut laklawh lai-a in nu
pum-na in a rawn phone tum-a i mangang hmel leh khatia zankhaw tairek-ah NU ber Hospi-
tal lama Inleng stafften thlabar eltianga kan chhawmchhoh laite kha kan ngaihtuah chhuak
a, kan nuih a za lo, kan lung a leng zawk a sin! Ed.Bd.)
GAS CHUNGCHANGA
LOCAL COUNCIL & YMA HRIATTIRNA
Gas in report zawng zawngten ni 20-22,
June, 2011 inkar, zing dar 6-8 thleng kan
in reportna-ah serial no. pawh pahin card
neih zat report tel tur a ni. Hei hi thla thar
(July) atanga hman tan nghal tur a ni ang.
Point tamna lai bik a awm avangin a
inkhairual tura siamrem a ni a. Mipuite
hriatthiamna kan ngen e.
Card hi a kawmah number ziah nghal
tur anih avangin number pawh paha ken tel
nghal bawk tur ani ang.
BIBLE QUIZ
(EXODUS bu atangin chhang rawh le)
1. Levia kha kum engzat nge a dam?
Ans : kum ***
2. Mosia hmuak tura Arona a kal khan
khawiah nge a va hmuh.
Ans : ******* ***** **
3. Midian ram puithiam mosian a beram
rual a vensak kha tunge.
Ans : *******
4. Pathian chenna biak buk sa tura mi
themthiam Lalpan a thlan kha tunge?
Ans : ********
5. Halrala thilhlanna maicham kha khawia
dah tur nge?
Ans: **** *** ******* *****
6. Chhak chhawng chhak lampanga puan
zar zar turte kha tawng engzat nge?
Ans : ***** *******
7. Tin, ani chuan , I kut khan * *** zuk
zen leh teh.
8. Arona tan eng silhfen nge an siam?
Ans : ******* ************
9. REMDIK RAWH LEH
1) TAAHLNIPA 2) TAKTES
3) KANUO 4) BAGMULAN
5) MARIARE
(Kar hmasa Quiz chhanna lut zingah chhang dik
kim kan awm lo hlauh mai. Remdik tur
dahchhuah zingah khan tih dikloh palh 2 a awm
a, mahse, chhangtuten in rawn chhang dik thung!)
B M W
A khalh thiam ta
chiah lo mahse, a
chuang thiam!