BMA AW

An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007
Vol. XVIII Issue No.09 Bangalore Mizo Association Pathianni Tin Chhuak Chanchinbu Date: 27th May 2012 Phek Khatna

Tualchhung
Pu R.L. Rinawma IRS Principal Secretary Govt of Mizoram ( BMA Patron/Sr Adviser lo ni fo tawh) chu tunlai hian IIM Bangalore ah trainning nei in a lo zin mek. Pi Ann Lalrinawmi IRS BMA Vice-President lo ni tawh pawh an chhungkua in Bangalore an lo zin a, nimin khan an haw leh ta. Pi Ann Lalrinawmi leh Pu R.L Rinawma hian Chhinlung Magazine atan Advertisement te min ngaihtuahsak a, an chungah kan lawm hle a ni. Pu H.T. Sangliana, Vice Chairman National Commission for Minorities Govt. of India, chu Provision Asia buatsaih Wheelchair Marathon hawng turin bangalore a rawn zin a. He functionah hian a mamawh tute hnenah wheelchair a sem bawk ang. Karnataka State Sorkar chuan Mizoram House atan Arkavathi layout, Hebbal ah hmun 1160012000sqft a pe ta a. BMA member inziahluh kalpui mek zel a ni a. Thahnemngai takin member I inziaklut zel ang u. Bangalore-a lo awm thar tur tan leh Bangalore kum 10/20 chuang awm te tan pawh, kumtina membership kan tihthar a tul avangin (BMA danbu in a sawi angin), a hmalamin I inziak lut zel ang u

LET US BRING BACK OUR KING

Lalsangzuala Hnamte
Mathaia 24:14 ah chuan ti hian Isuan a sawi a, Tin, he ram Chanchin Tha hi hnam zawng zawng hriattirna turin khawvel zawng zawngah hrilhin a awm ang; chu mi zawhah chuan tawpna chu a lo thleng ang. He thu hi Zirtir-ten khawvel tawp hun tur an zawh laia, Isuan a chhanna a ni. He thu hi kan ngaihtuah ve thin em? Chanchin Tha chu hnam zawng zawngte chuan an hre kim dawn tawh ang ngem le? Isuan tawpna a tih hun chu a lo thleng dawn tawh reng em le? Heng zawhna te hre reng hian tuna khawvela ringtute hmalakna dinhmun tawite in kan thlir ho dawn ani. Tih dan dang deuhvin kan thupui khi, kan thusawi khar nan kan hmang hlauh thung dawn a ni. Chhiartu, saptawng thiam zawk te lehlin chawp atan a sap tawngin kan dah mai e. Joshua Project Scale People Lists 2008-2010 leh Unreached People Groups Current Data thenkhata a lan dan chuan: 1. Khawvel Mihring Awm Zat: Kum 2000 AD ah khan khawvelah mihring maktaduai 6.669 (billion) kan cheng a, heng zinga 2.72 (billion) te chu chanchin tha la hrelo (unreached people) te an la ni. Chu chu chawhrualin 40.6% chu khawvela chanchin tha-in a la thlen ve reng reng loh te an ni. (Hei hi total individuals a global summary a ni a, nitin mi an pianga, an thi zel bawk a ni tih erawh hre tel ta ila) 2. Hnam Hlawm Awm Zat : Khawvel pumpuiah hnam hlawm (ethnic people groups) 16,296 kan cheng a, heng zinga 6,747 te chu chanchin tha la hrelo (unreached people groups) te an ni. Hei hi chawh rualin khawvel hnam zawng zawnga 41.4% chu chanchin tha la hrelo hnamte an la ni. 3. Chanchin Tha Hmasawn Dan : Kum 1974 ah khan chawhrualin khawvel mihring pali zelah pathum te chu chanchin tha hrelo an ni a, kum tlemte hnu kum 1990 atang kha chuan mi pahnih zelah pakhat chauh chanchin tha hrelo an ni tawh a ni. 4. 10/40 Window : He hming 10/40 window tih hi kum 2000 kuma Luis Bush-an a phuah (coined) a ni a, hei hi latitudes 10 leh 40 in kar, equator hmar lam Atlantic leh Pacific Ocean in kar ramte leh a mi chengte sawina a ni. A ram len zawng hi khawvel pumpui thena 35% chauh a ni na a, khawvel mihring zawng zawnga 65% te chu he rama chengte an ni thung a ni. He mi hmuna cheng khawvel mihring zawng zawnga 1.2 to 1.4 (Billion)te chuan chanchin tha dawnna hun an la nei ve lo. He 10/40 window huam chhungah hian ram (countries) 50 lai an awm a, Muslim, Hindu leh Buddist sakhuate rorelna hnuaia awm an ni. He hmun hi khawvel pumpuia rethei ber berte 90% aia tam mah chenna hmun a ni a, ei tur tha tlakchham avang leh natna hrang hrangte leh AIDS te avanga kum tin Krista nei lova mi nuaitel the meuha an thih thinna ram chu a ni.
(phek hnihna ah chunnzawmna)

Kumtina neih thin BMA League football a inelna pawh kumin hian neih leh ngei tura ruahman a ni a. Bangalore a mizo Team hlun taktak te pawh an inpuahchah tan leh ta suau suau mai le. Team thar turte pawhin tunlai hi players inzawnkhawm hun tih hriain tan an la ve mek bawk.

****************************

Vol. XVIII Issue No. 09 Bangalore Mizo Association Pathianni Tin Chhuak Chanchinbu Date: 27th May2012 Phek Hnihna
Editor Lalhruaitluanga Sailo Joint Editors Lalmuanzuala Zaithanmawii Hnamte Contributor Benjamin Rualthanzauva Dr. Lalhmingmuana Sailo Circulation Managers Diki Hnamte Hmingthana Ralte BMA AW lak man: Thla khat Rs.20 Thla thum Rs.50 Thla ruk Rs.90 Thla sawmpahnih Rs.180

(phek khatna chhunzawmna..)

Heng ram sawrkarte hi an khirh em em mai a, missionary-te tan luhpawh an harsa em em a ni. Chanchin tha la thlen lohna hnam tam berte awm khawmna a nih a vangin, thlarau lama thlirtute chuan Setan-an sawrkar thuneihna hmangin a humhalh ani an ti a, chu vang chuan Patrick Johnstone chuan the Resistant Belt tiin a vuah hial a ni. Khawvel mission agencies hrang hrangte chuan, heng ram tea chanchin tha hrilh hna chu hmachhawp pawimawh tak (main focus) ah an nei mek a ni Application : Kan sawi tak ang khian, chanchin tha la hrelo hnam tam tak an la awm a, heng mite hnena chanchin tha hril zawh hna thawk tur hian vawiin nia thalaite min challenge hle a ni. Eng pawh nise, chanchin tha hmasawnna chuan a vawrtawp a lo hnaih ta. Kum 11 kalta 2000 AD-ah khan chawh rualin khawvel pumpuia kohhran pakhat zel hian hnam hlawm 250 zel chanchin tha hrilh a ngaia, tunah chuan khawvel puma kohhran 2000 zel hian hnam pakhat chauh a hmabak ta anga chhut a ni. He ta kan sawi lan tel duh chu, keini hian he chanchin tha hril hna hi kan ngaihsaklo emaw kan ngai pawimawhlo emaw pawh a ni thei e. Mahse chawlh zai reng rel velo leh chuai lova Isua hmangaihtu mi hrat khawkhengte hmangin Isuan a thu (Matt 24:14) a rawn ti hlawh tling mek a ni tih hi. Keinin hrillo mah ila Isua-a mi thahnem ngai ten an rawn hril zo tho dawn a ni. Krista-a mi hrat khawkheng, hnungtawlh ngailo ten rinna awmphaw leh thlaurau ngunhnam nen ram an rawn la zela, a tawp an rawn thleng dawn a ni. He tah hian chanchintha hril hna hi thupek satliah ngawt ni lovin chanvo malsawnna hlu tak (privilege) a ni tih kan hre thei awm e. Krista mite thahnem ngaihna nasa tak hi a chhan sawi tur tam tak awm mahse, pakhat chauh kan thu sawi mek atana han lak chhuah ka duh chu, LALPA ISUA lo kal an nghak hlel em a ni! Isuan khawvela hnam zawng zawng ten chanchin tha chu an hre hmasa anga, ti chuan tawpna chu a lo thleng ang a tia. Krista chanchin tha hnam zawng zawngte hnena hril zawh chu Lalpa Isua lo kal lehna nen inkungkaih leh thlen tirtu pawimawh ber a nih tlat avangin Krista tan an nun an thlahlel lo. Hei hi a ni John Piper-an Krista mite fuihna thu mawi tak Let us bring back our King tih leh Let the nations be glad (Hawh u, kan Lalpa hi I ko thla tawh mai ang u, khawvel hnamte chu hlimin au rawh se) tia a lo sawi chu. Ngai teh u, ani chu chhumte nen chuan a lo kal dawn e; mit tinrengin a hmu ang a, a chhuntute ngei pawh khan; khawvela hnam zawng zawngin amah an tah bawk ang. A ni Amen. Thu puan 1:7 ********************************************************

E-mail: bmanews@gmail.com Website: www.bangaloremizo.info

Editorial
Bangalore mizote kanin pawh tlanna leh chanchin kanin hriat pawh tawnna ber BMA Aw hi tlinglo tak chungin kan enkawl chho ve zel a. A that tawk lohna te pawh sawi tur tam tak a awm ngei ang. Memberte awmna in hlat taktak te, zirlai leh hnathawhna lama buai taktakte kan ni hlawm a, hanin biak pawh mai a awlsam tawh lova. Inhmuhkhawmna te a tam tawh lovin, inhmelhriat tawna, inkawmna hun leh hmun te avang ta deuh bawk si a. Memberten theihtawp chhuahin kanin inpumkhatna leh thawh hona lam atan hian tan kan lak tak meuhmeuh a ngai tawh a ni. Mi rama cheng kan ni tih hi kan hriatreng a tul a, hlawmkhata inpawhtlang tak leh inneltlang taka kan awm hian keimahni tan bawka nawmna leh hahdamna a ni tih I hre thar leh ang u. Article emaw, thawnthu ziak duh emaw kan awm anih chuan BMA Aw editorial board te kanin hawng reng tih min lo hriatsak turin memberte kan duh a ni.

****************************
Enge an sawi? Ka chemkalna lam hi ka hai a ni, Novel ziah lamah hian ka kal daih dawn. Tv. Carey Sailo (Dr. AIT) Facebooka OT hrat ber award hi kei nge la anga Muanzualan le??? Dr Mahminga (tlangval) Thla thar hlawh lak velah ka tih tur : Ha tihfai tir leh Tarmit lei.. Nl. Mami Khawlhring

Ka tha leh mai ang!

Mizote chauh pawh ni lovin khawvel mihring reng reng hian mahni chunga natna leh thil tha lo lo thleng hi pawm harsa kan ti a, dam lohna engemaw kan neih nikhua pawhin dam leh mai tura inngaihna kan nei lian em em a, hei hi thil tha tak a nih laiin that lohna tam tak a nei thei tih hi hre tel bawk ila. "Ka tha leh mai ang" ti chung zelin rei tak doctor inentir lovin mahniin kan tuar fo thin a, thenkhatte phei chu a tawpkhawkah, a 'loh-theih-loh' tak tak hunah kan inentir chauh thin. Inentir tlai lutuk hi mahni bawk a tuartu kan ni thin tih i hria ang u. (Source : damdam77.blogspot.in)

****************************