Thuhma

Kum 2010 Kohhran Ni Pawimawh Prigramme tichhuah a lo ni leh ta a. Kan Kohhran

hun pawimawhte hi tha taka hman zel I tum ang u. Tualchhung Secretary ten
ngaihvena Kohhran Committee ten hun hman dan tur tha taka ruahman thin nise.
Fellowship ni pawimawhte pawh tha taka hman anih theih nan mawhphurtu ten
ngaihven theuh nise a tha hle ang.

Kan Kohhran ni pawimawh to bul leh chanchinte chipchiar taka ziak vek sen a ni lo
va, chipchiar zawka hre duhte tan BCM Handbook-ah hmuh theih a ni e.

10th January 2010 Sd/- General Secretary

Baptist church Of Mizoram

Contents

Ni Pawimawh
1. Phar Pual Pathianni
2. Christian Hospital Ni
 3. Education Sunday
4. Missionary thlen champha
5. Martarte Ni
6. Harhna thlen champha
7. K.N.P Day
8. Buhfaitham Pathianni
9. BKHP Day
10. BMP Day
11. BWA Day
12. Isua Van Lawnni
13. Kristian Chhungkaw Ni
14. Penticost Ni
15. T.K.P Ramthim Ni
16. Relief Sunday
17. Missionary Sunday
18. T.K.P Day
19. Thlaithar Hlan Ni
20. Theological Education Sunday
21. NEICC Ni.
22. BWA Hmeichhe Tawngtai Ni
23. Khawvel Sunday School Ni.
24. Rualbanlote Ni
25. Bible Sunday
26. Mission Buhthar hlanni.

BCM NI PAWIMAWHTE 2010

NI PAWIMAWHTE THLA NI
Office Hawn Ni January 5
Thawktute Inhlan Thar Ni. -do- 6
S.S. Pawl Siamrem Ni -do- 10
Missionary Day -do- 11
Assembly Executive Committee -do- 20-22
M.B.K.H.P. Rorel (Rahsiveng, Lunglei) -do- 28
Phar Pual Pathianni -do- 31*
Kristian Hospital Ni February 21
Education Sunday -do- 28
Missionary Thlen Champha March 08
Assembly (Bazar, Lawngtlai ) -do- 10-14
M.T.K.P. Inkhawmpui (Aizawl) -do- 18-21
Martar-te Ni -do- 28
Tumkau Pathianni -do- 28
Good Friday April 02
Easter Sunday -do- 04
Harhna Thlen Champha -do- 04
K.N.P. Day -do- 23
Buhfaitham Pathianni -do- 25
B.K.H.P. Day May 02
B.M.P. Day -do- 04
Baptist World Alliance Day -do- 09*
Isua van lawn ni -do- 13
Kristian Chhungkaw Ni -do- 16
Penticost Ni -do- 23
T.K.P. Ramthim Ni -do- 29
Relief Sunday June 20
Sunday School kum chanve exam Ni -do- 27
Missionary Sunday July 04
T.K.P. Day -do- 30
Thlai thar hlan Ni August 01
Kohhran Upa Exam Ni -do- 06
Mission & Evangelism Committee -do- 11-12
Theological Education Sunday -do- 15
Service Department Committee -do- 18
Central Committee -do- 29
Assembly Executive Committee -do- 25-26
BEIRUAL September 1-30
N.E.I.C.C. Ni October` 17*
A.B.C. Inkhawmpui -do- 29-31
B.W.A. Hmeichhe tawngtai Ni November 02
Khawvel Sunday School Ni -do- 07
Service Department Committee -do- 24-25
Rualbanlote Ni -do- 28
Mission & Evangelism Committee December 1-2
Bible Sunday -do- 05*
Sunday School Exam Ni -do- 05
Central Committee -do- 8-9
Mission Buhthar hlan Ni -do- 12
Krismas Ni -do- 25

MISSIONARY DAY PROGRAMME 2010

A hun : 11th Jan. 2010

Thupui : “ A thlawnin in hmu a, a thlawnin pe ang che.” Mt. 10:8(b)
Thuziak chhiar chhuah tur: MIZORAM-A PIONEER MISSIONARY TE

Pu Buanga (J.H. Lorrain) leh Sap upa (F.W. Savidge) te chu Arthington aborigines
Mission tirhin Jan 11, 1894 khan Sairang an rawn thleng a. Hemi ni hi kan rama
Chanchin Tha thlenni chu a lo ni ta ani. Kum 1994 kha Mizorama Chanchin Tha
thlen kum za na niin Gospel Centenary pawh rampum huapin ropui taka lawm a
nih kha, Kum 1994 atang khan BCM leh Presbyterian Kohhrante ngenna ngai
pawimawhin State Sawrkar pawhin chhuti ni (Public holiday) ah a lo puang ta
nghe nghe a ni.

Heng Mizoram a Pioneer Missionary te hi Aizawl ah kum li (4) zet an thawh

hnuin Abor Hills (Arunachal Pradesh) ah an kal leh a, chumi hnuin BMS tirhin
1903 khan Tlabungah lo lutin Lunglei (Serkawn) ah hmun khuarin rawngbawlna
an nei a, Mizoram Baptist Kohhran min hringtu an lo ni ta a ni. Mizorama Pioneer
Missionary te hi an hlu hle mai. Mizo te zirna bul min tansak a, hawrawp
A,AW,B, min siam saka, mizote tan zirna lungphum pawimawh ber min phum
saktu te an ni.

Aizawla kum li an awm chhung khan Kristian an siam a, Sunday School training
ringtute tan an buatsaih a. An hna hi Welsh Mission in an rawn chhunzawm ta a.
Mizorama Presbyterian Kohhran dintute an lo ni ta a ni. Heng Pioneer Missionary
te pahnih Pu Buanga leh Sap Upa ten Aizawla kum li chhung rawng an lo bawlna
hi BMS (Baptist Missionary Society) ten an thawhna (Service) an pawmsak
avangin Mizorama Missionary thawk hmasa ber te chu Baptist Missionary an ni ta
a ni. (Interview with Rev. Dr. C.L. Hminga on 3rd Feb, 2009).

Mizoram hi Kristian Missionary te rawngbawlna hlawhtlinna hmun ber ani a,

tunah hian Baptist Kohhran te, Presbyterian leh Kohhran dang te pawh ringlo mi te
zinga nasa taka Chanchin Tha hriltu kan lo ni ta ani. Kan Pioneer Missionary te
rawngbawlna avangin Pathian hnenah lawmthu sawi ila, Mizorama Kohhrante
hian Missionary rilru kan put zel theih nan vawiin ni hi infuihthar ni atan i hmang
ang u.

Thupui hmang hian Thuchah sawi nisela, inkhawm bak programme nei thei te chuan
Zaikhawmna leh Mission lam hawia inpawlhona hun atan hman nise.

Sd/- AGS i/c Mission

Phar Pual Pathian Ni

January 31, 2010
(January 31, Pathian Ni hi Phar Pual Pathian ni a ni a, BCM-ah chuan Special Sunday a
ni. Kuminah chuan Kohhran NI Pawimawh Programme bu a chhuah tlai deuh avangin
programme Baptist Today-ah kan rawn tarlang a ni.)

Zing Inkhawm Order of Service

Thupui : ‘Pharte an lo thianghlim ta’ Matthaia 11:5

Bible chhiar & Tawngtai:- Meeting Chairman.

Thupuan:- Kohhran Secretary
Special Item:- Zaipawl/Group zai an awm theih chuan (TLM Promoter te emaw Unit
awmna hmunah emaw chuan zai emaw thildang remchang apiang phar te lamhawi
tarlanna tilang thei se).
Thuziak chhiar:- Kohhran Committee in a chhiar tur ruat se (Thuziak hi TLM Office
atangin Kohhran tinah pek chhuah tur a la ni ang).

Hla:- Kristian Hla Bu no 260 (Engvanginnge mipuite chu hmanhmawh takin an lo

kalkhawm).
Thilpek lakkhawm tur a ni ang.
(He thawhlawm hi Phar te puala pek tur anih avangin kan pek thin aia tam pe thei turin
Chairmanin mipui ngen thei se a lawmawm hle ang).
Thilpek hlantu:- Chairmanin sawm se (A theih chuan TLM Promoter emaw TLM Unit
hruaitu lamte atangin emaw sawm awm mi an awm chuan sawm ni se). Thilpek hlan pah
hian a hnuaia tawngtaina points te hi Pathian hnenah thlen ni se:-
1. TLM rawngbawlna in hma a lo sawn zel theih nan leh kahwvel pumpui leh South Asia
(India) a TLM a thawktu zawng zawng te tan.
2. Hospital 18 leh Centre dangte tan, Phar enkawl mek ten Lal Isua an lo hmuha an lo
neih theih nan (W. Bengala Bankura Vocational Training Centre ah pawh Phar zirlai 187
zet zingah mi 57 chauh Kristian an la ni, tawngtaipui an ngai hle).
3. TLM NE Region Promotional Secretary leh a thawhpuite bakah TLM Mizoram
Committee, Chapter (10), Unit (engemaw zat) leh Promoter te tan.
Thuchah:- Preaching List pangngai ang lo deuhvin Kohhran hruaitute zingah heti lam
(Phar Mission lam) tui mi an awm chuan ruat bik ni thei se. Thupui atang hian thuchah
sawi ni bawk se:-
= Lal Isuan khawvela rawngbawlna a tan hma kha chuan chanhai leh riangvai ten
chanvo an nei lo tluk a ni, khawngaihtu leh hmangaihtu an nei lo. Chuvang chuan chung
mi te chu a ngaih pawimawh an ni. (Mt 4:18).
= Phar te lek phei chu mi duh loh, huat leh thinhrik an ni a, an chan chu daipawn a
ni. (Lev 13: 45,46).
= Mi zawng zawng in angkhat veka entu, chanhai leh riangvaite khawngaiha
hmangaihtu Lal Isua a lo lan meuh chuan mi thinhrik leh ten a ten ve lo va, mi duh loh
leh ensan a ensan ve lo va, pharte pawh a bana a deka a tithianghlim ta hial a ni. (Lk
5:12,13).
= Heng Phar tanpui ngai em em. Hmangaihtu leh khawngaihtu nei lo te hi Lal
Isuan a khawngaih anga kan khawngaih ve a, an taksa leh thlarau chhanchhuah hi keini
Lal Isua hnung zuitute mawhphurhna a ni. Kan Pathian duhdan pawh a ni. (Is 58:6,7)
Hla:- KHB no 506 (A mak mang e, van Lalber chuan)
Tawpna:- Malsawmna/Lalpa tawngtai

Rev. Lalzarliana
Promotional Secretary
The Leprosy Mission.
------------------------------------

HOSPITAL SUNDAY HMAN DAN TUR

21st February 2010

1. He mi ni hian Pathianni zing inkhawm chu Hospital pual inkhawm-ah hman ni se

2. Kohhran tinah puipa (Office bearer) ten hun hman tum hram ni se.
3. Headquarters-a a rem chang thei ang apiang hun hmang turin Tualchhung Kohhrann
sawm theih a ni ang.
4. Hospital Sunday thuchah hi Secretary in chhiarchhuah ni se
5. Sermon-ah Tihdam rawngbawlna lam sawi ni se
6. Programme kimchang (Hla thlan, Tawngtai, Bible chhiar, Secretary thupuan leh thil
tul dangte.) chu hun changtu/Tualchhung Kohhran Programme committee kutah awm
se
 HOSPITAL SUNDAY THUCHAH
Mizoram Baptist Kohhran (BCM) in tih dam rawng kan bawl na hi kum 80 vel zet
a lo ni ve ta
Mizoram chhim lamah chuan tihdam rawngbawlna hna tantu kan ni a, Sorkarin
hma a lak tan hma hauh kum 1923 atang tawh khan tihdam rawngbawl hna kan
Missionary ten an lo tan tawh a, tunah chuan Serkawnah khum 100 awmna Hospital
pangngai tak leh Lawngtlai-ah khum 22 awmna hospital te deuh zawk kan nei a,
Hospital pahnih nei Kohhran awmchhun kan ni ve a ni.
Nurse zirna pawh hi Mizoramah chuan a bul tantu kan ni a, kum 1919 khan
Missionary sapte’n nurse training hna hi an lo tan tawh a, tunah chuan kumtin zirlai 20
zel la tharin kum 3 course GNM (nurse) zirna kan nei a, Pathianin rem a tih chuan
Nursing college hial pawh neih chhoh zel kan in beisei a ni.
Nauhnuchham enkawlna hi rambuai hnu 5th July 1966 atang khan mimal
thahnemhngai kut atangin BCM in la chhawngin he hna pawimawh tak hi kan lo
enkawl chho ve leh ta bawk a, he nauhnuchham enkawl hna hi Medical department in a
tir te atangin vawiin ni thleng hian a la enkawl zel a, hna hautak deuh mai, mi inpe zo
leh Pathian hmangaihna atang chauhva thawh theih hna a ni a thawktu inpe zo tak takte
Pathianin min la pe zel a, a lawm awm hle, tunaah hian naupang kum thum hnuai lam
50 thleng enkawl theihna building thar tha tak kan luah mek a, enkawl lai 20 atanga 30
vel kan nei ve reng a ni.
Rawngbawlna kakpui pakhat kan neih belh leh mek chu Medical Laboratory
Technician (MLT)train na kan neih belh ve leh ta, kum hnih chhung chu he hna hi
BHSS nen tangkawpin kan lo thawk ve ta a, kum tin zirlai pawl sawm passed chin 20
vel zel la-in kum hnih course MLT (class XII MLT) hi kan kalpui ve mek bawk a, a
batch hmasa ber chuan kum 2009 March thla khan final an exam a, an passed tha ve hle
a first division ah 8, second division ah 7 laiin an passed a ni.
BCM hian Pathian ram a lo zauva, a lo ngheh a, a lo lanfiah deuh deuh theih nan
kawng hrang hrangin rawng kan bawl tih kan hria a, Pathian ram a lan fiah theih nan
Medical leh Service Department dangte hmang hian hna kan thawk a ni. Tihdam
rawngbawl hna hi Kan Lal Isua rawngbawlna chhunzawm hna a nih avangin
Kohhranten kan ngai pawimawh em em a, Mizorama chanchintha rawn thlentu BMS
missionary te pawhin Medical leh Education hna hi an rawngbawlna ki pui ber a ni reng
a ni.
Tunlai khawvelah hian Medical hna hi eizawn nan te, sumdawn nan te, hausak
nante miin an thawk thin tih kan hria, BCM erawh chuan Isua Krista rilru pu a Pathian
hmangaihna tarlan na tura he hna hi thawk kan ni.
Medical department a hna peng hrang hrang thawktu ten hlawh hmuhna mai nilova
Pathian hmangaihna tarlang thei tura hmangaihna tak tak nen rawng kan bawl theih nan
Kohhran mipui ten min tawngtai pui kan ngai nasa hle a, mi te duh dan leh beisei dan
kan phak loh chang a tam hle tih kan hria, tawngtai leh thil pek a he rawngbawlna ah
hian lo tang zel turin Kohhran mipuite kan ngen che u a ni.

Dr.Lalramzauva
Medical Superintendent
 EDUCATION SUNDAY

28th February 2010

BCM Education Department hmingin Kohhranhote chibai ka buk a che u. Institution mal
hming ni lovin zirna pual Sunday kan hmang ta a. Mission lamah nen BCM hian
education hmangin nasa takin rawng kan bawl a, heta kan insen hi a sang fawr nalh awm
e. AICS, Nursing School – zirna lam tho va kan sen belh tel ila chuan kan hman ral
zawng zawng zatve aiin a sang hial mai thei a ni.

Baptist Church of Mizoram in zirna school kan neih leh enkawl mek chu :

I. Mission hnuaiah :
1. High School - 10
2. Middle School - 8
3. Primary School - 43
4. A vaia belhkhawm - 61
5. Zirlai 5000 chuang kan nei.

II. General hnuaiah :

1. College - 1
2. Higher Secondary school - 1
3. High school - 1
4. Middle school - 2
5. Primary school - 3
6. Bial/Kohhran School kan tanpui thin - 10
7. A vaia belhkhawm - 18
8. Zirlai 2000 chuang kan nei.

Education hmanga rawng kan bawl chhan :

1. Isua Krista hnena zirlaite hruai
2. Zirna tha (Quality Education) pek.
3. Pathian rawngbawl tura zirlaite buatsaih.
4. Mahni intodelh tura zirlaite buatsaih.
5. Ram leh hnam hmasawnna turin.
6. Kohhran hmasawn leh nghehna turin.
7. Pathian ring lote pawhin an pawm theih avangin.

Mission enkawl sikula thawkte chu Evangelist Teacher tiin kan vuah a, Mission enkawl
ni lo-ah te pawh kan missionary te, Probationary Pastor rawih laite pawh dah an ni.

Hmathar (new project) lakte :

Chanchin kimchang report sen rual ni lo va, hma thar kan lak kawng hnih chauh erawh
sawi ila.

1.HATIM :
BCM chuan kan ramah Kristian college hmasa ber kan din a, ‘Higher & Technical
Institute, Mizoram’ kan ti a. Hetah hian courses pahnih Bachelor of Computer
Application (BCA) leh Bachelor of Commerce (B.Com: Hons & General) kan nei. Tunah
hian Bachelor of Social Works (B.SW) hawng turin hma kan la mek. Kan college hi
collge tha tak ani a, hetianga kan kal zel chuan Pathian ram dinna tak tak ani ngei ang.
Results ah cent per cent passed; Third class aiin Second & First-a pass an tam a;
distinction-te pawh kan nei a ni. Daily devotion; prayer leh worship service ah te –
Theological college tam tak aiin kan titha in kan ti tak zawk bawk. A tul angin
councelling class neih thin a ni a, Saptawnga tawngna hmun a ni bawk. A dintirh kum
atangin college fai ber lawmman dawn a ni. College building a la te a, residential a ni a,
quality maintain a tul bawk si a, zirlai kan la nei tam thei lo a ni. Session tharah kan belh
chhah deuh theih kan in beiseii, kal beiseite chuan ngaihven hma mai tur a ni e.

2. CENTRAL BOARD ZAWM THU :

BCM Rorelna sang ber Assembly in a rel ti hlawhtling turin Baptist Higher Secondary
School chu Central Board (ICSE) zawm tura kalpui tan a ni a, pawl sang lamah MBSE
kalsan a ni chuang lo vang. Academic Year thar atanagin pre-school atanga class VI chu
Board thar zawm rem chang tura kalpui a ni dawn a, text bu leh zir dan kalphung thar
hman ani ang. Class room, Library etc, standard tak zel a tul avangin Oct. 2009 atangin
ngawrh taka inbuatsaih ani Zirtirtu lam insiamrem leh mi thar lakte,
orientation/training/camp te pawh neiin hma lak ani. He system thar hian zirtitute rim
taka thawk turin a phut a, sikul neitute pawh hlawh tha tawk pe ngei turin a phut tlat
bawk a ni. Board duh dan leh BCM rorel ang hi tihpuitlin theih ngei pawh beiseiin tum
tlat ila, kan puitlin theih chuan zirna tha tak zet a tling dawn a ni. Pioneer Missionary ten
quality education min din sak, thui tak kan lo hlauh tawh dintharlehna(re-capture) a nih
tir ngei kan beisei a ni.

Tichuan heng thu hmang hian Pathian hmaah i tawngtai fo ang u :

1. Lawmthu sawi - Education hmanga Lalpan rawng min bawltir avangin

Ring thar Pathianin min pek belh thin avangin.
Sawrkar in min tanpuina avangin.
Thawktu leh zirlai tha tak tak Lalpan min pek avangin.

2. Thawktute tan - Inpumkhatna leh thawhhona tha tak a awm theih nan
Hriselna tha leh mahni hnaa tuina an neih theih nan.
BCM thil tum target ah an hman tlat theihna turin.
Neitu rilru leh inpekna chuailo an neih rengna turin.

3. Rorel member - Pathian atanga chhuak finna hmanga ro rel turin.

Dikna leh taima taka ro an rel theihna turin.
Kohhran, ram leh hnam mamawh anga hma la turin.
 Management tha nei tur leh hmasawn zel turin.

He thu buatsaih lai hian duhthusamin kan inpeih lo deuh va, Lunglei leh Aizawl
khawpuia kan Kohhran engemaw zat chu Sunday zing hun dila education a kan thawh
dan kimchang zawk report pek leh thuchah sawi nghal kan duh hle. Education
Department lam min sawm duhte in awm chuan kan inpeih a, a hnauai hming ziak
hnenah hma deuhva hriattir nisela.

Rev. H.Sangchema
AGS i/c Education

----------------------------------------

MISSIONARY THLEN CHAMPHA

8th March 2010

Thupui : “Thiltha chanchin lawmawm thlentute ke chu a va mawi em!”

Missionary thlen champha hi programme chipchiarin siam a nil ova. Tualchhung

Kohhran inkhawm programme siam thei te chuan a chunga Thupui tarlan hmang hian
Pathian thuchah sawi nise. Programme kimchang chu Tualchhung Kohhran Committee in
emaw Tualchhung M&E in siam nise. Inkhawm hruaituin a hnuaia thuziak hi
chhiarchhuah nise.
BMS Missionary te Mizoram-ah

Mizorama Missionary hnathawk hmasa ber Sap Upa (Rev FW. Savidge) leh Pu Buanga
(Rev JH.Lorrain) te kha Mizoram hmar lama kum 4 zet an thawh hnua, hmun dang Abor
hnam, tuna Arunachal Adi ho zinga an thawh leh hnu khan Baptist Missionary Society
(BMS) tirhin Mizoram chhim lamah an lo chhuak leh a. Kum 1903 March ni 8-ah
Tlabung an lo thleng a, hemi ni hi kan Kohhran Asssembly chuan ni pawimawh ah a lo
puang ta ani.
Kan Missionary te hi Zofate tan an hlu hle mai. Heng mi te hi 11 Jan, 1894-a Sairang
atanga Aizawl a lut chho ta te kha an ni a. Aizawl a kum 4 chhung rawng an bawl khan
Zofate tan zirna Lungphum min phumsak a, A,AW,B, min siamsak a ni. A bul lama kan
sawi ang khan heng Pioneer Missionary pahnih te hi 8th March, 1903 khan Tlabung ah lo
thlengin Mizoram chhim lamah rawngbawlna an lo tan ve leh ta a. Lunglei (Serkawn) ah
inbengbelin Mizoram Baptist Kohhran phuntute an lo nit a ani. Kan Missionary hmasa te
avangin lawmthu sawi ila, Baptist Kohhran hi Missionary Kohhran kan nih zel theih nan
chhungkaw tin leh member tin ten tan i la thar zel ang u.

Rev.F.Sangvela
AGS i/c Mission
 MARTARTE NI

28th March 2010

Thupui- “Thih thlengin rinawmin lo awm rawh” Thupuan 2:10b

Chawhma Inkhawm

ORDER OF SERVICE
1. Call to Worship: - Chairman
(Bible chhiar, hla sak tur thlan - Pathian Thu chhiar
leh tawngtaina- Chairman) - Hla sakhona
- Pathian hnena inkhawm hlanna tawngtai
2. Kohhran hriattur pawimawh puan - Kohhran Secretary
3. Thilpek lakkhawm & Hla sakhona - KHB No:146(A hmangaihna fakin i zai ang..)
4. Thawhlawm hlanna tawngtai - Chairman-in thawhlawm hlantu tur sawm se.
5. Bible Chhhiar -
1) BKHP hruaitute atangin - Thupuan 2:8 – 11.
2) BMP hruaitute atangin - Tirhkohte Thiltih 6: 8-10 & 15.
6. Zaipawl - KNP
7. Tawngtai rual: Thupui-
1) Mizoramah harsatna tawk lova Lal Isua kan rinna kan la puanchhuah theih
avanga lawmthusawina
2) Krista rinna avanga martarte avanga lawmthu sawina
3) Krista rinna avanga tihduhdah tuar mektute tan
4) Krista rinna avanga tuar tur leh chan (hloh) tur awm apiang tuar ngama kan chan
ngam ve theih nan Thlarau Thianghlim tanpui dil nise
5) India ramah sakhaw thurin avanga intihduhdahna a lo reh theih nan
8. Zaipawl - Kohhran/TKP (Zaipawl an awm loh chuan
mipuiin hla KHB. No.529 (Lal Imanuela
ram..) sakho nise.
9. Thuchah - Thuhriltu
10. Hla sakhona - KHB.No.461(Khita van hmun nuamah…)
11. Tawpna - Lalpa tawngtaina/Malsawmna
Notes: 1. Inkhawm programme-ah hian item a tam deuh avangin, chairman nei ngai
lo kohhran pawhin neih ni se la- Chanvo hrang hrang changtute hi ko se
2. Kohhran Zaipawl member-te hi TKP member an nih deuh ber avangin, Zaipawl
hi TKP chanpualah ngaih a ni.
 THUHRILTU TANPUINA
(A chunga Bible chang tarlante bakah chhiar belh duh a neih chuan chhiar belh se la)
Martar awmzia- Mahni sakhaw vawn leh thurin phatsan duh loh avanga nunna
chantute hi martar tih an ni. Greek tawng ‘martus’ tih atanga lak chhawn a ni a, a awmzia
chu ‘thuhretu’ (witness) tihna a ni a, thuhretu satliah mai ni lo, thihchilh ngam khawpa
mahni thuhriat din nghehpuitute sawina a ni. Thupuan 2: 10b-a kan hmuh angin, ringtute
chu Lal Isua’n kan rinna avanga thihthlenga rinawm turin thu min pe a. ‘Thih thlengin
rinawmin lo awm rawh’ tih hi ‘i thih ni thlengin rinawmin lo awm rawh’ tihna a ni mai lo
va, ‘thihphah hial khawpin rinawmin lo awm rawh’ tihna a ni.Thuthlung Thara martar
hmasa ber chu Setephana a ni. Setephana chanchin (T.T. bung 6 & 7) atangin martar
awmzia leh martar-nain a ken thil pawimawh tak tak zir tur kan nei a, chungte chu i lo
zirho teh ang u-
1. Rinna-in a khat (T.T. 6:5). Thuthlung Kohhran ding tira Upa thlan hmasak ber
7-te zinga mi a ni. Bible-ah hian Setephana hi ‘rinaa khat’ tia sawi awm chhun a ni hial
awm e. Abrahama chu Pathian rinna kawnga entawn tlak a ni. Setephana hi ‘Thuthlung
Thar Abrahama’ tia koh hial tlak a ni awm e. Lal Isua chanchin a hriat chian avangin a
rinna a phat duh lo va a thih phah ta hial a ni.
2. Lal Isua a hre chiang: Rom 10:17 ah chuan ‘rinna chu hriatna avangin a lo
awm thin a, tin, hriatna chu Krista thu avangin a lo awm’ tih thu kan hmu a. Setephana’n
heti taka Lal Isua a rin nghehna chhan hi a hriat chian vang a ni. A hriat chianzia chu T.T
bung 7 thu-a a thusawiah hian a lang a ni. A tawpah phei chuan Lal Isua ngei pawh
Pathian ding lama ding a hmu a (v.56), a thlarau pawh Lal Isua hnenah kawltirin a thi ta a
ni (v.59).
3. Thlarau Thianghlimin a khat (T.T. 6:5): Rinnaa a khah avangin Thlarau
Thianghlimin a khat a, hnialtu tam takin an hnial rawn pawhin ‘a finna leh a sawipuitu
Thlarau chu an letthla thei lo tih a ni (6:8-10). ‘Pathian Thute chu Pathian Thlarau vek lo
chuan tuman an hre lo’ (1 Kor. 2:11b) tih angin, Thalrau Thianghlimin a chenchilh tlat
avangin a thu hriatah a chiang a, hnial hneh chi a ni lo.
4. Ngilneihna leh thiltihtheihnain a khat (TT 6:8): Thalrau Thianghlima a khah
avangin, a nunzia chu ngilneihnain a khat a, thiltihtheihnain a khat bawk a, Lal Isua chu
chawimawi a awm theih nan leh a ram a zau theihna turin thilmak leh chhinchhiahna
ropui tak a ti thin. Amah leh a thiante rawngbawlna avangin pathian Thu chu a darh a, an
rawngbawlna area- Jerusalem-ah ringtu an pun belh nasa em em a, puithiam tamtak pawh
an hmin a ni.
5. Martar thisen chu kohhran chi (seed) a ni: Hetiang mi ropui leh Lalpa tana mi
rinawm hi Setana tan chuan sezawl chhuah ngawt chi ni hek lo, Juda-te leh an
thurualpuite hmangin nasa takin a bei a. Upa atana an thlan rualpui dang zawngte aiin
beihna a tawk nasa a, a tawpah chuan anchhe dawngte thihna chikhat- lunga den hlumin a
lo awm ta a, thih thlenga rinawmin a rinna chu a thihpui ta hial a ni. Setephana martar-na
avang hian ringtute chu Jerusalem atangin Judai ram leh Samari ram khaw tinah an darh
ta a, Chanchin Tha an hril zel a, ringtu an lo pung ta zel a ni.
Setephana chanchin atang hian hengte hi i lo hre thar leh ang u-
1) Lal Isua chanchin kan hriat chianna hian amah rin nghehnaah min hruai thin.
2) Lal Isua chanchin hre chiang tur hian kan ngaihvena kan zir chian belh zel a tul
a ni.
3) Thalrauva khahna hi Lal Isua chanchin hriatna leh rin ngamna atangin a lo awm
thin a, Thlarauva khahna chuan Lal Isua tuarpuina kawngah min hruai thin.
4) Duhthlanna avangin martar ngawt theih a ni lo va, a ruat bikte chanvo a ni.
5) Martarna hi Pathian ropuina leh a ram zauna tur hmanrua a nih avangin thi kher
lovin, martar ngam nunin Lal Isua tan a nun theih a, chu chu nungchunga
martar dan a ni. Thihna tuara martarte leh nungchunga martarte hian lawmman
inang kan dawng ang.
6) Taksaa tihduhdahna leh sawisakna tuar kher lo pawhin, nungchunga martar
turin Lal Isua tan channa leh tuarna kawng a zawh theih a ni.
7) Lal Isua tana rinawmte hian lawmman- Nunna lallukhum kan dawng dawn a ni.
Thih thlengin Lal Isua tan i rinawm ang u- AMEN.

Rev.C.Ngurhnema
Coordinator, Pastoral.

==============
 EASTER SUNDAY & HARHNA THLEN CHAMPHA

April 4, 2009 Chawhma Inkhawm Programme

Easter Sunday hi Special Sunday ni mahse programme hranpa siam lovin

Tualchhung Kohhran tinin tha kan tih anga hman thin a ni a. Harhna Thlen champha
pawh hi ni (tahrik) bik nei a nih avangin, Sunday-ah a thleng fo lo va, a pualin inkhawm
programme siam a hlawh khat hle. Kuminah hian heng hun pawimawh pahnihte hi
Sunday thuhmunah an thlen rual avangin ringtute tana ni ropui ber leh khawvel pum
huapa serh (observe) thin Easter Sunday pual zawk hian a hnuaia mi ang hian inkhawm
programme buatsaih a ni a, Harhna lam tarlan a ni ta lo.

THUPUI- THAWHLEHNA THILTIHTEIHNA

ORDER OF SERVICE

1. Call to Worship - Chairman

1) Bible chhiar -
2) Hla - KHB. No. 232. (Thlanah a lo awm ta..)
3) Tawngtaina
2. Thupuan - Kohhran Secretary
3. Thilpek lakkhawmna &
Hla sakho - KHB. No. 67. (Mi thianghlimte u, en teh u)
4. Thawhlawm hlanna tawngtai - Tawngtai tur ruat ni se.
5. Zaipawl - Kohhran/TKP
6. Bible chhiar :
1) BMP hruaitute atangin - Matt. 28:1- 10
2) BKHP hruaitute atangin - 1 Kor. 15: 20 – 23.
7. Zaipawl - KNP
8. Tawngtairual: Thupui-
1) Khawvel chhandamna siam tura Lal Isua inpekna avanga lawmthusawina
2) Thihna hneha a thawh lehna avanga lawmthusawina
3) Sual leh thihna hnehna min siamsak avanga lawmthusawina
4) Thawhlehna thiltihtheihna kan hman chhuah theih nan
5) Lal Isua chhandamna la chang lotute dilsakna
9. Sermon - Thuhriltu
10. Hla - KHB. No. 180.(Ka Chhandamtu’n ka aia thih..)
11. Tawpna - Lalpa Tawngtaina/Malsawmna
Note: Item chi hrang hrang a tam avangin, inkhawm hruaitu (Leader) nei ngai
lote pawhin inruat ni se. Hla thlansate hi thuhriltu ina thlak danglam thei ang.
 THAWHLEHNA ROPUI LEH DANGLAM
(Biak Ina chhiar tur a ni hran lo va, Thuhriltu ngaihtuahna tanpuitu atan leh a
chhiar duhtute chhiar atan Lal Isua thawhlehna chungchang (highlights of Jesus’
Resurrection) tar lanna mai a ni e)
Lal Isua thihna hneha a thawh lehna hi khawvel history-a thil thlengte zingah thil
ropui ber leh thil lawmawm ber a ni. Amaherawhchu a tho leh ngei a ni tih finfiahna
tamtak a awm laiin, a thawhleh ni atanga vawiin thleng hian awih duh lotu tam tak an la
awm. Apostol-te khan Lal Isua thawhleh thu hi sawi awihawm tulah an dah loh avangin,
a thawh leh dan chipchiar an sawi ngai lo va, a thawh leh ngei thu leh a thawhlehna
avanga amah ringtute chanvo ropui takte chu thupui berah an neih mai a ni. Tirhkoh
Paula chuan ‘mitthi zing ata ropui taka kaihthawh a nihna chuan Pathian Fapa a nihzia a
tilang chiang a’ [Rom 1:4 (lehlin thar)] a ti mai a. Tirhkoh Petera pawhin, ‘mitthi zing ata
Isua Krista thawhlehna avangin beiseina nung hmu turin min hring leh a (1Pet.1:3) a ti
bawk.
Lal Isua Thawhleh dan:
Bible-ah mitthi tho leh chanchin a awm nual mai. Zarephath hmeithai fapa thi
tawh Zawlnei Elija-in a kaihthawh te (1Lalte 17:17-24), Sunem nu fapa thi tawh zawlnei
Elisa-in a tih dam te (2Lalte 4:18-37) Jaira fanu thi tawh Lal Isuan a kaihthawh te
(Mt.9:18-26 etc), Lazara Lal Isuan a kaihthawh thu (Jn.11) te leh Tirhkohte’n mitthi an
kaihthawh thute kan hmu. Heng mi zawng zawngte thawhleh dan hi kan thupuia
‘thawhlehna’ kan tih nen hian a inang lo. Thih theihlohna neiin an nung leh lo va,
mihring nunphung pangngaiin an thi leh ngeiin a rinawm.
Lal Isua thawhleh dan danglam em emna chu thihnain a hneh tawh loh nunna neia
a thawhlehna hi a ni. Paula chuan, ‘Krista chu mitthi zing ata kaihthawhin a awm a, a thi
leh dawn tawh lo tih kan hre si a, thihna chuan ama chungah thu a nei tawh lo’ (Rom 6:9)
a ti a, chu ngei chu Lal Isua thawhleh dan chu a ni. Thihna hneha a thawh leh hma zawng
khan mihring zingah chutiang nun neia tho leh an awm lo. Chuvangin, Paula vekin,
‘Krista chu mitthi zing ata kaihthawh a ni tak zet a ni, mitthite thawh hmahruaitu a ni...
Adama-ah mi zawng zawng an thi ang khan, Kristaah mi zawng zawng tihnun leh an ni
dawn. Amaherawhchu, mahni hun theuhvah a ni ang. Thawh hmahruaitu Krista chu a tho
hmasa a, a dawtah, a lo kal leh hunah, ama mite’ a ti a ni [1Kor. 15:20- 23 (lehlin thar)].
Thuthlung Hlui hunah Israel fate chuan an buh leh thlai thar hmasate chu Pathian hnenah
then thianghlimah an hlan phawt a, chumi hnu-ah a dangte chu an lo thianghlim ve ta a,
an an ei ve chauh thin (Lev. 23:9-14). Chutiang chiah chuan, Lal Isua chu thawhlehna
kawngah hmahruaitu a lo ni a, amah ringtu zawng zawngte chu amah avangin kan tho leh
ve dawn a ni. Kan Mizo hla siamtu pawhin-
‘...Thihnate leh ramhuaite ka ngam ngei ang,
Isua thawh angin ka tho leh ang’
Hla ka sa ang,
Kumkhuain ka chawimawi ang’ a lo ti a ni.
He nunhlun neia thawhlehna, khawvel history-a la awm ngai lo leh tuma tihtheih
loh kan Lal Isuan a kal tlang hi kan chanvo a nih ve avangin a ropuiin a lawmawm em em
a ni. Amah chu fak leh chawimawiin awm zel rawh se!
 THUHRILTU TANPUINA
Thuhriltu-in a chunga Bible chang tar lante tlawhchhanin hetiang hian sermon
point a siam theih ang-
Lal Isua tawhlehna thiltihtheihna (the power of Jesus ressurrection) chuan
1. Thihna hnehin ringtute tan thawhlehna min siamsak a, thih hlauhna bawi ata
min chhuah a ni (c.f. Heb. 2: 15)
2. Hmalam hun atan beiseina nung leh lawmawm min siamsak a ni.
3. Sual hnehna min pe a ni.(c.f. Rom 6: 12-14)
4. Tholeh nun neitu kan nih angin nun thianghlimin kan nung tur a ni.

Rev.C.Ngurhnema
Coordinator, Pastoral.

--------------------------------------------------
 K.N.P DAY

23 April 2010

Ni 23 April 2010 hi KNP Day a ni a. Naupang Sikul kal lai leh First Terminal Exam neih
lai a nih thin avangin Hqrs atanga Programme siam thiam harsa kan ti a. Nilenga hlim taka
hun hmang theite kan awm chuan duh thusam a ni. Hun hmangtheite kan awm takin a
kaihruaina ang chauhin a hnuaia mi hi kan siam a ni.

1. Thupui atan, ‘Pathian thu leh Hlaa Naupangte nun cher ngheh’ KNP Dinchhan
zinga mi thlan a ni.
2. KNP ten Hlarem, Solo leh Special Item dang kan theih apiang tih ve ni se.
3. Chawhnu lamah KNP ten a theih anga hlunga Fellowship hun hman ni se.
Programme pawh mahni remchan dan anga siam mai tur a ni.
4. Inkhawm Thawhlawm chu Unit sum atan hman nise.

Note: Thusawitu tur leh hun hmang tur dangte chu KNP Committee-in tha an tih angin
ruat ni se.

Lalbiakthanga.
Promoter KNP.
Baptist Church of Mizoram.

------------------------------------------------------------
 BUHFAITHAM PATHIAN NI
25th.APRIL-2010

THUPUI : “Rawngbawlna” 1 Chronicle 29:14

Tanna :Chairman

Bible Chhiar :Lk 6:37-38 , 11 Kor 9: 6-9

Hlasak :

Thupuan :Tualchhung Kohhran Secretary

Thuchhiar :Hqrs atanga siam chhiarchhuah ni se

.
Hlasak :Thilpek lakkhawm & Hlanna

Report :Tualchhung Buhfaitham dinhmun i/c Buhfaitham Secy.

Zaipawl :Kohhran /KNP/Group

Thuchah :Tualchhung Kohhran in thuchah sawitutur a ruat ang.

Hlasak :

Tawpna :

BUHFAITHAM RAWNGBAWLNA

A hmasa berin Kohhran member zawng zawngte kan Lalpa Isua Krista hmingin
chibai ka buk a che u . Vawiin hi BCM Assembly chuan Special Sunday “ Bufaitham
Pathian ni” atan a lo ruat a. Buhfaitham hi Pathian ram tana thilpek rawngbawlnaa ki
pawimawh tak pakhat a ni.Buhfaitham chungchangah hian sawi tur tam tak a awm a.
Vawiinah hian thil thenkhat chauh, Kohhran hoten kan hriat thar leh atan lo tarlang ta ila.

1. A lo chhuah dan leh tan kum: Kan hriat fo tawh thin angin, 1908 ah khan Khasi nu
pakhat, Joel Gathphoh chuan rawngbawlna pawimawh tak a ni tih hriain bul a lo tan a. A
Chaw chhum apiangin Buhfai, a chhum tur atang khan vei khat lekin a tham thin a .
Chaw kham loh phah si lovin, a lo tlingkhawm chu rawngbawlna atan a tangkai tak a lo
ni ta a. Midang pawh-in an lo ti ve ta zel a. Chu thu chu hriaiin Mizoram Baptist
Kohhran ah pawh Kum 1915 atang khan mi thahnem ngaiten an lo tham tan ve
a(Kohhran ni pawimawh Prog 2009 ah khan BCM in Buhfai kan tham tan kum kha 1916
ti a ziak a ni a, 1915 tih zawk tur a ni e). Kum 1920 ah phei chuan Hmeichhe Tirhkohte
hlawh atana hman theih turin BCM Head Quarter-ah a lo lut khawm hial tawh a ni.
2.A Hmanna:
A tirah chuan eng atang nge an hman tih hriat chian a ni lova. Pathian ram rawngbawl
nan Kohhran sum puiah hman ni ber-in a lang. Kum 1920 atangin Hmeichhe Tirkkohte
hlawh atan hman a ni a. Hmeichhe Tirkkoh rawih an nih loh khan thawhlawmpuiah a lut
leh a. 1947 ah Nursery School din a ni a, chuta zirtirtute hlawh atan chuan hman a ni leh
a. Kum 1968 ah BCM in Mizoram pawn-ah Missionary a tirchhuak tan a. Chumi atan
chuan Assembly rorel chuan sum hnar nghet neih tul a ti a. Tichuan kum 1973 ah chuan
avaiin ZBM (Mission) rawngbawlna atan a lo dah ta a. Vawiin thleng hian Pathian ram
rawngbawlna tangkai tak a lo ni ta zel a ni. Tunah chuan Assembly budget/ target
chhungah khung tel a ni ta a. Chuvangin Chhungkaw tinten Buhfaithamah hian tan kan
lak theuh chuan Assembly target pawh awlsam takin kan tlinin, kan khum theih hial ang
tih a rinawm a ni.

3.BKHP kuta a awm dan:

Buhfaitham rawngbawlna hi tun hma chuan Kohhranin a buaipui a. Kum 1973 atangin
Buhfaitham hi kan Kohhran Assembly chuan BKHP mawhphurhna atan a pe a (Kohhran
ni pawimawh Prog 2009 ah khan BKHP kuta dah hi kum 1965 tia ziak a ni a, tihsual palh
a ni e). Mahse hun rei tak chu pawisa lam thleng a mawhphurhna BKHP hian a chang vek
lova. Kum 1982 atang chuan mawhphurhna zawng zawng, pawisa lam thlengin(a rate
siam) Assembly chuan BKHP kutah a pe ta a ni.Heng pawisa hi a vaiin ZBM (Mission)
ah theh luh vek a ni. BKHP Account ah chhiar tel a ni lo.(Source: Mizoram Baptist
Kohhran Chanchin pawimawh lawrkhawm Part 1, Page 211)
Buhfaitham rawngbawlna a hmasawn duhna a lo lian chho zel a. Thamdanah pawh
thahnem ngaihna avangin tih dan hrang hrang a lo awm zel a. Buhfai tham lova Pawisa
pek maite a lo tam ta viau mai a. Hemi avang hian kum 2001 a MBKHP rorel chuan a
thama tham ngei in zirtir thar leh ni se,a ti a.Executive Committee chuan a umzuia,
“Buhfai ngei tham ni sela, BCM chhungkaw tinin Buhfaitham Bel/ Bur neih theuh ni se.
Tham tam /pek tam duh dan chu mimal leh Pathian in kar- ni se. A petu thinlunga a
thawh dan ni se” tiin a lo rel ta a. Hei hi BKHP /Chhungkaw tinin ngaihpawimawh theuh
ni se a lawmawm hle ang.
Tin,Kum 2002 MBKHP rorel Champhaia neih ah chuan BUhfaitham khawnna bu hi
rampumah in ang tlanga neih ni se tiin a rel leh a. Tichuan FOD ah thlen a ni a,FOD
Committee chuan Buhfaitham khawnna bu a siam a. Chawlh kar tina khawn turin a
buatsaih a. He Lehkhabu hi Kohhranin a lei a nga BKHP (A khawntu tur) te hnenah an
mamawh zat ang chu pe thin tura tih a ni a. Hei hi Tualchhung Kohhran leh BKHP ten
ngaihpawimawh theuh ni se a lawmawm hle ang.BCM office ah lei tur a awm reng e.

4.Buhfaitham Bela bel:

Buhfaitham rawngbawlnaah hma kan sawn zel theihna tur leh chhungkaw tinten kan
ngaihpawimawh theihna turin dt 6.July,1973 a MBKHP Executive Committee chuan
Buhfaitham bela bel tur hi buatsaih ni se tiin a lo rel a.Buhfaitham bela bel tur chu Press
ah an chhuttir a. Buhfaitham bel tia hawrawppuia ziakin an lo buatsaih a.
Chhungkawtinte hman theih turin an lo ti a ni. Tun thlengin chhunzawm zel a ni a,
amaherawh chu a thu tidanglam deuh in LALPA PUAL BUHFAITHAM tiha ziakin
‘Pathian chuan hlim taka petu a ni a hmangaih ni’, tiin a lo buatsaih ta a,. Hei hi a duh
apiangte hman theih turin Organiser, MBKHP kutah a awm a ni.

5. Buhfaitham dan chi hrang hrang:

i) Chawchhum apianga thamziah: Buhfaitham pawimawhna hmuchhuaktu chuan ,
“Chawchhum apiangin chhum tur ngei atang khan vei khat lek tham ila” a ti a, a tham ta
nghal a. Chutiang chuan chhungkaw hrang hrangin kan tham a. Chu chu a rate siam angin
hralh a ni thin.
ii) Nova suah leh tam zawk pek zel duhna:Pathian ram tana hmasawn duhna a lo awm
chho zel a. Chawchhum apianga vei khat tham mai duh tawk lovin, Lal Isua, chhungkaw
puipa ber pualin pava khat, Buhfaitham belah an dah a, an tham belh leh bawk a.
Thenkhat chuan chutianga an tih hnuah , “ Tukin chu Missionary ka thleng dawn”, an ti
a,” Pava khat / hnihte an dah leh a: tam tak an tham thin. Thenkhatin Buh an thlei
apiangin an tham bawk. Tihdan chi hrang hrangin an ti a, Buhfaithamin a pun phah hle a
ni.Chutianga ti thinte chuan tisa leh thlarauvah hlawkna an seng thin a ni.
iii) Chaw chhumdawna tham lo:Mi thebkhat chuan chawchhum apianga tham lovin a
khawntute kal liam ve leh Buhfaitham nih duh ve siin, Buhfaitham Bel /Bur a lo
chhungkhat nghal maite pawh an awm.Tin,thenkhat chu a khawntute lo kala mahni phal
tawk Buhfai lo suah maite pawh an awm bawk.
iv) Pawisa a pe: Thenkhat chuan chawchhum dawn apianga tham lovin kar khat
thlakhata ka tham zat ti a a pawisa a lo pe maite an awm. Tin thenkhat chuan ,”Buhfaia
tham ai chuan a hlawk zawk” tia mahni phaltawk pawisa lo pe ta mai pawh an awm
bawk.
Buhfaitham chungchangah hian pawisa -a pek leh Buhfai ngei tham tih thuah hian
sawi tur tam tak a awm anga. A enkawltu BKHP te duhdanah chuan Buhfaitham Bel /
Bur neih ngeia chawchhum apianga Pathian pawlna nena Buhfaitham zel hi a ni a. Atam
lama thahnem ngaite tan chuan Buhfai pawh,pawisa pawh a pek belh zel theih a ni. Zing
leh tlaia chawchhum apianga Kristian chhungkua ten Buhfaitham ‘LALPA PUAL’ ti a
kan han dah sang sang hi Setan’an a thik hle niin a rinawm.Kawng chi hrang hrangin min
ti thuanawp thin niin a lang. Zing leh tlaia chawchhum dawn apianga Lalpa pual
Buhfaitham Bela dah a, amah kan hriat thar zelna hi ringtute tan a va hlu em ! i thahthlam
lovang u.
6.A Thama tham kher a hlawkna:
i)Mirethei tan a hlu:Buhfaitham lova a khawntute lo kal apianga Kg 1 emaw Kg 2 lo
suah chu harsa tak a ni. Tin,pawisaa lo peh pawh pek tam a har. A chang phei chuan
pawisa neih loh laite pawh a awm thei. Chawchhum apianga tham erawh chuan pek tur
neih loh lai a awm lo. Mirethei tan a hlu a, mi hausa tan pawh chawchhum apianga
Pathian hriatna hi a hlu em em a ni.
ii)Buhfai neihna a ni: Buhfaitham thinte chu an hek lova an hlep zawk a ni. Kohhran
thenkhatah chuan Buhfaitham hi dah khawm kher lovin a rate an siam nagin a khawntute
hriatpuiin, mahni Buhfaitham kha an tlan mai thin a. Tham lova pawisa pe mai thin chuan
engmah a hmukir lova. I buhfai ngei mai i tham chuan Pathian ram tan pawisa i pe
chhuak a, Buhfai a thlawna neih ang a lo ni reng mei, a va hlawk em.
iii)Fate hnena Chituhna tha tak a ni: Tunlai hun-ah hian nu leh pate tan Chi tha tuh a
harsawt hle mai.Kohhrana hruaitu tam tak pawh kan buai em em lai hian kan fate nunah
eng chi tha nge kan tuh le? Nu leh paten, he rawngbawlna hi kan ngaihpawimawh chuan
kan faten an ngaipawimawh lo thei lovang tih a rinawm a ni.Kan fate hnenah Pathian ram
thilpek Lalpa pual chi tha kan tuh tihna a lo ni ang.
iv)Missionary a kal ve na a ni: Chhungkaw tam tak chu Missionary hna thawk turin
mahni ngei kan kal chhuak thei lova. Mahse inchhungkhur atangin Buhfaitham hmang
hian Missionary ah kan kal thei a ni. Chhungkaw rawngbawlna pawimawh tak a ni.
v)Lalpa pual a ni: Kan in chhungah thil tam tak kan nei a. Chungte chu neitu bik kan
awm thliah a, kan in tawm thilte pawh a awm bawk.Chung thil tam tak chu kan
mamawha hman atan Pathian min pekte an ni. Ama pual ve tur kan in chhungkhurah
enge kan dah / neih kan tih chuan BUHFAITHAM BEL / BUR chiah hi a ni. Chuchu in
inchhungah, in fate leh midang pawhin an hmuh ve tur a awm em? Kan inchhungah
Lalpa Pual a awm lo a nih chuan siam ve thuai i tum ang u.Buhfaitham hi Lalpa puala
kan serh hran a ni.

7. Buhfaithama BCM dinhmun: BCM Hqrs a record kan hmuh theih tantirh atanga tun
hun thlenga kan dinhmun tarlang ila:-
Kum 1920 -1921 -Rs 243/-.ana 6. pai 9 Kum 1921-1932-Record hmuh tur a awm lo.
Kum 1942-1943 -Rs 461/-ana 12.pai 11 Kum 1952- 1953 -Rs 1397: 61
Kum 1964- 1965 -Rs 19,382 .37 Kum 1974- 1975 -Rs 4,05,416. 87
Kum 1984- 1985 -Rs 41,27,309. 60 Kum 1994- 1995 _Rs 29,72,802. 34
Kum 2004- 2005 -Rs 1,08,58,486 .20 Kum 2008- 2009 -Rs 1,65,47,543
(Source:Compendium The Baptist Church of Mizoram)

Kristian chhungkaw rawngbawlna pawimawh tak Buhfaithamah hian hnungtawlh

lova kan kal zel hi a lawmawm a,.Chhungkawtinten mahni thlen chin atang theuhvin hma
i sawn zel ang u tiin kan in ngen nawn leh a ni e. Divida chuan Pathian hnen atanga
malsawmna a dawn nasat zia a hmuhin lawm thu a sawi a, “Thil zawng zawng hi i hnen
atanga chhuak a ni a, i ta chu kan rawn pe leh mai che a ni si a”. ( 1 Chro 29:14) a ti a.
Keini pawhin Pathian hnen atanga ei leh in tur kan neih chhung chuan Lalpa tana Pek tur
kan nei dawn lawm ni?

Upa C.Remmawii
President, MBKHP
 BKHP DAY

2nd. MAY. 2010

THUPUI : “Christian Chhungkua” Joshua 24:15

Tanna :Chairman

Bible Chhiar & Tawngtai :Chairman :

Hlasak :

Thupuan :Tualchhung Kohhran / Unit BKHP Secretary

Special Items :Zaipawl / Group / Solo

Hlasak :Thilpek lakkhawm

Tawngtai rual :
Tawngtai thupui
1)Lawmthusawina 2)Thilpek hlanna
3)MBKHP,Bial,Unit BKHP hruaitute leh BKHP member zawng zawngte tan.
4)Missionary zawng zawng tan
5)Chhawmdawlna In leh Drop-in-Centre a thawktute leh enkawllai-te tan

BKHP Din chhan leh Thiltum sawirualna

Thuchah :
Hlasak :

Tawpna :

Note: BKHP Day hi Pathianni a nih avangin Unit tinin mahni remchan angin Programme
hi hman nise. Tualchhung Kohhranah dil ni bawk se.

B.Singpari
Organiser, MBKHP
---------------------------------------------
 BMP DAY PROGRAMME.

A hun : 4th. May 2010.

Detailed Programme:

1. Thupui : Chhungkua a Pa mawhphurhna

2. Chairman : Unit in ruat se
3. Hla sakhona : Chairman in thlang se
4. Tawngtai :
5. Group zai : Unit in ruat se
6. Debate Thupui : Chhungkua ah Pa kan pawio mawh zawk .
7. Hlasakhona : Thawhlawm lakkhawm nise
8. Thuchah tawi : Unit in ruat se (Thuchah hi 10 min. vel sawi nise.)
9. Tawngtai rual : BMP member-ten inhlan tharna neih nise.
10. Hlasakhona : Unit in hla thlangtu ruat nise.
11. Malsawmna:

Hriat turte:

1. BMP Day celebration hi dt. 4.May 2009 6:30pm – 8:30 pm –ah hman tur a ni.
BMP Unit tinten hlung tak leh ropui taka hman tum theuh nise.
2. BMP Day-ah hian member-ten mahni remchan ang ang thehkhawma lilam
nise. Pawisa tlingkhawm hi BMP hminga Mission relief atan hman tur a ni.
Thawhlawm chu FOD-ah theh luh tur a ni.
3. Debate programme hi hman tum theuh nise. Unit BMP-ten tha an tih angin
lawmman pawh buatsaih sak nise.
4. Programme hi a tul angin Unit BMP-ten siam belh theih a ni.

Rev.R.Lalrintluanga
Organiser, MTKP
------------------------------------------
 BAPTIST WORLD ALLIANCE (BWA) DAY (9 May)

Thupui : “Lalpa pakhat, Rinna hmunkhat, Baptisma hmunkhat” Eph. 4:5

Kumin BWA Day-ah hian programme chipchiarin siam a ni lova. Thuchah sawituin
Thupui tarlan hmang hian Thusawi nise. Hei hi BWA thupui ni reng ani. Inkhawmnaah
tawngtairual neih nise. BWA Hruaitute tan tawngtai sak ila, hemi ni a thawhlawm hi
BWA pual a ni. A hnuaia BWA chanchin ziak hi Kohhran Secretary in emaw, thuchah
sawitu in emaw chhiar chhuah nise.

BWA chanchin tawi:

BWA ah hian khawvel ram hrang hrang 200 zet atangin member 211 zet kan awm a.
Member maktaduai 110 zet awmna pawl lian tak ani. Keini BCM hi kum 1978 atang
khan member kan ni ve a ni. Khawvel pumpui hi Region parukah thenin keini hi Asia
Pacific Baptist Federation ah kan awm a, a dangte chu – European Baptist Federation, All
African Baptist Fellowship, North American Baptist Fellowship, Union of Baptist in
Latin America leh Caribbean Baptist Fellowship te an ni. Rawngbawlna peng hrang
pariat zet ah inthenin khawvelah nasa takin hna a thawk a ni. BWA rawngbawl dan
langsar zual te :
1) Baptist mite inunauna siam
2) Chanchintha hril
3) Mihring dikna humhalh
4) Tanpui ngaite tanpui.
5) A ram mite Kohhran hruaitu buatsaih
6) Thalai te leh Hmeichhiate rawngbawlna tih chak.
7) Chi inthliarna do
8) Khawvela retheihna tibo tura hmalak.
BWA rorelna sang ber chu General Council a ni a, kum tinin neih thin ani a. Inkhawmpui
lian Congress kum nga danah neih ani thin a. Kumin hi Congress neih kum ani a, 28 July
– 1st August hian Honolulu, Hawai ah neih tur a ni. BWA khawmpui ah h ian a remchan
dan angin kan hotute pawh an kal ve thin ani. He khawvela Kristian inzawmkhawm pawl
ropui taka tel ve kan ni hi i lawm ang u.

Rev.B.Lalramhluna
For General Secretay
---------------------------------
 ISUA VAN LAWN NI
13th. May, 2010.

Kum 2008 Assembly chuan “Isua van lawn ni” hi kohhran ni pawimawhah dah nise,
tiin a rel a. Kumin hi kum thum kan hmanna tur a lo ni ta. Pathianni a nih loh avangin
programme siam a inthlahrunawm hle a, mahse tualchhung kohhran thenkhat hmang duh
kan awm thei. Isua vana a lawn ni hi Pathianni ni kher lo mahse, hlimna ni atan i hmang
theuh ang u. Thihna hneha a thawhleh ni atanga ni 40-naah vanah a lawn a, Pathian ding
lamah thuin, chatuan Puithiam nihna a chang zel a. Krista leh kohhran, ringtu mimal
inkar siamthar lehna niah hmang ila. Thlarau Thianghlim pek tiam chu a then theih nan
vanah hruai chhoh a ni a, van thilte kan hriat theih nan leh thlarau lam, van malsawmna
kan dawn zel theih nan Pa ding lamah a han thu ta a ni. Tin, vana hruai chhohva a awm hi
a tawpna tur a ni mai lo, a lo kal leh dawn a ni.
A ni tak hman leh hman loh thuah tualchhung kohhran thu thu a ni. Tin, a ni taka
hmang duh tan a hnuaia mi ang hian programme siam a ni. A ni tak hmang ve lo tan hemi
ni dawt chiah Pathianniah hian tualchhung kohhranin tha a tih chuan zing leh zan thupui
siam hi sawi mai nise.
Chawhma Inkhawm:
Hruaitu : Tualchhung Kohhran ruat.
1. Call to worship : Hruaituin siam se.
2. Bible Reading : Luka 24:51-52.
3. Thawngtai : Hruaitu/Chairman.
4. Thupuan : Tualchhung Kohhran Secy.
5. Hla : (Hruaituin thlang se)
6. Tawngtai rual : 1) Thihna hneha tholeh Isua avanga lawmthu sawina.
2) Thlarau Thianghlim min pek avanga lawmthu sawina.
3) A tana inhlan thar lehna.
7. Thuchah : Tualchhung Kohhran ruat
8. Thupui : Isua vanah hruai chhohvin a awm ta.
- Chatuan Pathian Nung a nihzia tihlan a ni.
- Thihna hnehtu a nihzia tarlan a ni ta.
- Ringtute hnena Thlarau leiha awm tur hmatheh chu a ni.
- Lawm chungin a rawng i bawl ang.
9. Hla : (Hruaitu or Thusawituin thlang se.)
10. Tawpna : Malsawmna/ Lalpa Tawngtaina

Zan lam Inkhawm

Hruaitu : Tualchhung Kohhran ruat.
1. Call to worship : Hruaituin siam se.
2. Hla : Hruaituin thlang se.
3. Tawngtai rual : 1) Kohhran hruaitute tan.
2) Krista avanga tuartute tan.
3) Thlarau thianghlim tihharhna kan chan theih nan.
4. Thuchah : Tualchhung Kohhran ruat
 5. Thupui : Isua Pathian dinglamah. (T T 7:55-56)
- Chatuan Puithiam hna thawk turin.
- Van thilte tihlan a nih theihna turin.
- Engkim chunga ro a rel theih nan.
- Chibai i buk ang u.
6. Hla : Thusawituin thlang se.
7. Tawpna : Malsawmna/Lalpa Tawngtai

Rev.Pc.Liandula
For General Secretary
--------------------------------------------------

KRISTIAN CHHUNGKAW NI
16th May 2010

Thupui : “Khawvel eng in ni e” Mt. 5:14

Tualchhung Kohhran dinhmun a inanloh avangin Kristian Chhungkaw Ni programme

hman dan tur hi Kohhran Committee in tha thei ber tura ruat angin siam nise. Thupui
hmang hian Pathianni chawhma leh zan thuchah sawi tur ani.

Kan Kohhran hian kum 1948 atangin Kristian Chhungkaw Ni hi kan hmang tan a, kum
2003 Assembly chuan hemi Pathianni huap hian Kristian chhungkaw chawlhkar bial
siamin zirtur te a buatsaih ta ani. Kristian chhungkaw Ni leh chawlhkar kan hman hi
chhungkuaa Pathian pawlna (Chhungkaw Maicham) tha tak nei thei tura Kohhran mi
chhungkaw tinten tan kan lak nan leh infuihthar nan hman tum ila. Lal Isuan Khawvel
eng in ni, min tih hi a taka nunpui a, kan ram leh khawtlang nun te a lo lan mawi deuh
deuh theih nan tan chhngkaw tin ten khawvel eng ni thei turin tan i la thar ang u.
(Chhungkaw chawlhkar neia a bu hman turte siam anih avangin thil tam tak dah a nit a
lo)
Rev.Lalbiaksanga
For General Secretary

--------------------------------------------
 PENTECOST NI
23rd May 2009
Penticost ni hian programme hranpa buatsaih a ni ngai lo va. Tualchhung
Kohhran tinin tha kan tih dan angin kan hmang thin a. Service Departments Committee
chuan kumin atang chuan inang tlanga kan hman theih nan, programme buatsaih ni se tiin
a rel a. Chuvangin, kumin atang chuan programme siam a ni thin tawh dawn a ni.
PENTICOST NI.
A hming awmzia leh a lo awm tan dan:
Judate kut pawimawh tak ‘Chawlhkar kut’ chu Greek tawngin ‘Pentecost’ tiin
sawi a ni. Pathian malsawmna an dawn buh thar lawmna a nih avangin ‘Pawl kut’ an ti
bawk (Lev. 23:15, Exodus 34:22, Deut. 16: 9-10). Thuthlung Hlui hun atangin Kalhlen
Kut dawna Sabath ni hmasa ber atanga chhiara ni 50-naah he kut hi an lawm thin avangin
Greek tawngin ‘penticost’ tih a ni a, chu chu ‘sawmngana’ tihna a ni. He ni hi Lal Isua
thawhleh ni atanga chhuta ni sawmnga-naah a thleng ve chiah bawk a ni.
A pawimawhna:
He kut hian Judahote tan leh Kristiante tan pawimawhna tak a nei a-
1) He kut ni hi Judaho chuan Pathianin Mosia hnena Dan thu a pek ni kha niin an
ngai.
2) Babulon sal tanna atanga an chhuah hnuah Rom ram awp chhung hmun hrang
hranga awm Judate tan Jerusalem-a Pathian be tura an kal khawm thinna kut a ni. Hei
vang hian kum zabi khatna chhungin khawvel hmun hrang hranga Judate suihkhawmtu
leh an chanchin (history) hriat thar leh thinna pawimawh tak a ni. An ngai pawimawhin
an hlut em em a ni.
3) Kristiante tan he khawvela min chenchilh tura Thlarau Thianghlim a lo thlenna
ni a nih avangin a hluin a pawimawh em em a, ‘Thlarau Thianghlim Thlen Ni’ tia sawi a ni
bawk thin.
4) Thuthlung Thar Kohhran lo piantanna (birthday) ah ngaih a nih avangin a
pawimawh hle a ni.
5) Kohhran lo thang chho zelah hun eng emaw chen chu he ni ruai nen an hmang
thin a, Baptisma channa ni atan an ruat thin. Hemi nia baptisma chang zote’n kawrfual
var an hak thin avangin, Whitsunday (Sunday var) tiin an vuah phah ta a ni. Anglican
Kohhran chuan Penticost ni hi Whitsunday tiin an la vuah zui zel a ni.
Khawvel history-a thil thleng pawimawh tam tak zingah hian Lal Isua pianna te,
A thihna leh Thawhlehna leh Thlarau Thianghlim khawvela a lo thlenna aia pawimawh
an awm lo. Bible-ah Penticost ni hma lama Pathian Thlarauvin mimal a luah khah thu leh
a tlukpui kan hmu nual- Josefa (Gen. 41:38), Bezalela (Exodus 35:30-31), Isarael Upa
70-te (Num.11:25), Lal Saula (1Sam.10:10-11), Baptistu Johana (Lk. 1:15), Elizabeti
(Lk. 1:41), Zakaria (Lk. 1:67), Lal Isua (Lk.4:1) leh a dangte. Heng mite chunga Thlarau
Thianghlim thlen dan leh an khah dan chu hun eng emaw chhung atan leh eng hna bik
emaw thawh nan a ni thin. Penticost nia Thlarau Thianghlim lo thleng hi chu ‘kumkhua
atan’ a ni a, an khah dan pawh an inpek dana zirin bituk chin a awm tawh lo.
 A lo thlen dan:
Penticost nia Thlarau Thianghlim lo thlengin thlipui ri ang maia thawm a rawn nei
leh mei anga a inlar hian hian awmze thuk tak a nei awm e. Thlarau, thli, leh thaw
(breathe) te hi Hebrai tawngin ‘ruach’ tih a ni a. (Ezek.37:9,14) Thuthlung Hlui hunah
Pathian chu meiin a inlar thin (Exodus 3:2. 13:21-22). Baptistu Johana chuan, ‘Ani chuan
Thlarau Thianghlim leh meiin a baptist ang che u’ a lo ti bawk (Matt. 3:11). Penticost
niah hian Thlarau Thianghlim chu tisa taksa neiin khawvelah a lo kal lo va, thlipui tleh
anga ri nasa tak nena lo thlengin mihring mitin a hmuh theih turin meiin a rawn inlar ta a
ni.
THUPUI- THLARAU THIANGHLIM LEH A HNATHAWH
ORDER OF SERVICE

1. Call to Worship - Chairman

1) Bible chhiar
2) Hla - KHB. No. 307. (Thlarau Thianghlim rawn tir..)
3) Tawngtaina
2. Thupuan - Kohhran Secretary

3. Thilpek lakkhawm & Hla sakho - KHB.No.508.Hring nun kan zin kawngah hian)
4. Thawhlawm hlanna tawngtai - Tawngtai tur ruat ni se.
5. Zaipawl - KNP
6. Bible chhiar :
1) BMP hruaitute atangin - Ezek. 36:24-27.
2) BKHP hruaitute atangin - Tirhkohte Thiltih 2: 1-11.
7. Zaipawl - Kohhran/TKP
8. Tawngtairual: Thupui-
1) Thlarau Thianghlim kan hnena a awm avanga lawmthusawina
2) Thlarau Thianghlim kan tihlungngaih thin leh kan tihvui thin avanga
thuphachawina
3) Thlarau Thainghlim tihharhna kan chan theih nana dilna
9. Sermon - Thuhriltu
10. Hla - KHB. No.308.(Aw Thlarau Thianghlim lo kal la)
11. Tawpna - Lalpa Tawngtaina/Malsawmna
Note:
1. Item chi hrang hrang a tam avangin, inkhawm hruaitu (Leader) nei ngai lote
pawhin inruat ni se. Hla thlansate hi thuhriltu in duh zawk a neih a thlak
danglam thei ang.
2. A chunga Penticost ni chungchang thuziak khi mipui zinga chhiar chhuah ngei tur
atana ziak a ni lem lo. Thuhriltu tanpuitu ni sela, Programme siamtuten tha an tih
chuan chhiar chhuah pawh a pawi lo vang.
3. Thuhriltu chu Sermon point siam turin zalennapek a ni a, hetiang pawh hian siam
theih a ni ang-
1) Thlarau Thianghlim chu min chenchilhtu Pathian a ni.
2) Thutak- Lal Isua hnenah leh A thua min hruai luttu a ni
3) Lal Isua min chawimawitirtu a ni. etc.
Rev.C.Ngurhnema
Coordinator, Pastoral.

=====================

TKP RAMTHIM NI PROGRAMME

29th May 2010.

INKHAWM PROGRAMME.

THUPUI : Hrehawm mi tuar pui rawh. II Tim 2 : 3

CHAIRMAN : Unit-in ruat se
THUPUAN : Secretary, Unit TKP
ZAIHONA : Thawhlawm lakkhawm nise
Solo/Group/Zaipawl : Unit-in ruat se
THUCHAH : Unit-in ruat se
TAWNGTAIHONA : Missionary te pualin tawngtai nise.
ZAIHONA : Unit in thlangtu ruat se.
TAWPNA : Senior Adviser

Hriatturte :
1) Thawhlawm hi Bial TKP kal tlangin MTKP-ah thehluh tur a ni.
2) Mahni Unit remchan angin Missionary te puala tawngtaina neih
nise.
3) Skit/Drama chu Unit TKP ten tha an tihchuan neih tum nise.
4) Unit TKP ;in thana tih angin programme an tidanglam thei ang.

Rev.R.Lalrintluanga
Organiser, MTKP
-------------------------
 RELIEF SUNDAY 2010
20 th June 2010

THUPUI: TUARNA LO THLENG THEI LAKA LO INVEN LAWK HI PATHIAN

THU A NI EM?

(Thusawituin a chunga tarlan Thupui hmang hian Sermon inbuatsaih nise. Tin,
Fellowship organisations, BMP, BKHP, TKP leh KNP lam pawh in hemi ni fellowship-
ah a chunga Thupui lam hawi hian inpawl hona neih nise).

Bible chang thlan chhuate: Genesis 40:29-36, Deuteronomy 30:19, Thufing 22:3,
Mathaia 25: 1-13, 1 Timothea 5:8, Mathaia 7:24-27 Hebrai 11:7.

(Thu chhiar chhuah tur)

“Chutichuan tupawh thiltha tih tur hriaa ti si lo chu a tan sual ani”. Jakoba 4:17.

Tunlai khawvelah chhiatna rapthlak tak tak, mihring siam chawp leh Khuarel avangin
chhiatna a thleng thina. Chu vang chuan Pathianin duh taka a siamte nunna hlu tak ti
chhiain hrehawm tam tak a thlen thin. Chhiatna lo thleng thin hi kawng hnih lian deuh
deuhin a then theih a Thlarau lam leh Taksa lam chhiatna kan ti mai ang chu. Kumin
Relief Sunday-ah hi chuan Taksa lama tuarna leh chhiatna lo thleng thinte lak a lo inven
lawk hi Pathian remruat-na atel anih leh ni loh lam hi Pathian thu atangin ngun takin
Kohhran ho ten i bih thin ang u.

Pathian siam khawvelah hian hlimna leh lawmna tam tak a awm tel laiin hrehawmna leh
harsatna tam tak awm tel tho mai a. Bible a tuarna leh chhiatna kan hmuh tam tak hi chu
mihring inbuatsaih lawkna that tawk loh vang ani a. Thenkhat erawh chu khuarel
chhiatna Pathianin a mite kaltlang a a hrilh lawk lo thleng dik ta te an ni bawk. Chu
vangin chhiatna rapthlak leh Tuarna lo thleng thinte thlir lawk thiam a chu mi laka kan
him zawk theihna tura hma lak hi Pathian ringtute rinna tih lanna kawng pawimawh tak
pakhat ani awm e.

Zankhat thil thuah kangmei avangin kum tam tak hah taka kan lo din In-te a kangral a,
ram leilung leh huanthlai leh ramngaw min chawmtute an chhia a. Thli, Tuilian leh
leimin avangin kan tuar bawk a. Tin, Leilung pianzia hrim hrimah kan ram hi Lirnghing
nasa tak awm theihna hmunah chhut chhuah ani bawk a. Chu vangin chhiatna chi hrang
hrang lo thleng theite laka kan tuarnep zawk theihna tur leh kan pumpelh hial theihna
atan a lo inven lawk hi Pathianin mihringa a dah chhia leh tha hriatna hmanga Ringtuten
kan tih tur ani tlat ani. Josefa chuan Tampui mitthi lo thleng tur atan Pathian rawn chung
a theih tawp a chhuah thute, Tui lian laka himna tura Nova leh a chhungte him tak dante
leh Lungpui chunga In sak leh Tiau dupa in sak chung chang tehkhin thu atang te hian
chhiatna lo thleng thei laka inven lawk hlutzia te, Pathian mite tih dante leh an him tak
dante i zir thin ang u.
A chunga kan han tarlan bak pawh hi Bible-ah hetiang lam tarlanna tam tak kan hmu ani.
Chuvangin Ringtu mimal tin ten midangte min tihsak turah ngai lovin keimahni theuhvin
tuarna chi hrang hrang lo thleng thei laka kan him zawk theihna tura Tawngtai leh thiltih
a in buatsaih lawk hi Ringtu te tih awm tak, thil tha, keimahni leh midangte tana
Malsawmna thlentu nih theihna kawng pawimawh tak ani tih i hre thar leh ang u, tiin,
Pathian hmingin kan in chah nawn leh ani e.

Chhiatna lo thleng thei laka kan him zawkna a tana step pawimawh pathumte:

1. Pathian hnena hriatthiamna leh venhimna dila Tawngtai.

2. Chhiatna lo thleng thei leh kan him zawk theihna atana tih dan tha, mahniin
zir thiama, kan khawsakpui leh thenawm khawvengte hriattir.
3. Chhiatna tuarte a taka tanpui

MS Dawngliana
Director, R & D
--------------------------------------------

MISSIONARY SUNDAY
4th July 2010

Thupui : Thupek Ropui (Mt. 28:19-20; Mk 16:15; T.T. 1:8)

Pathian hruainain BCM hi Mizorama Kohhran te zingah hnam dangte hnena chanchintha
hril hmasa ber tu kan ni a, kum 1939 khan Bru leh Chakma te zinga thawk turin
Missionary kan lo ruai tawh a. Kum 1966 Mizoram buai kum tak khan Mission
Department siamin Mizoram pawnah Missionary puitling kan tirchhuak tan a. Kan Field
hmasa ber ni ta Rabha hnam zingah kan thawk tan a, tunah chuan mahni inenkawlin an lo
awm thei ta hial a ni. Pathian hruainain Mizoram pawna India ram leh Foreign thlengin
Mission Field pakua zet ah rawng kan lo bawl ve ta a ni.

Kumin a kan Missionary Sunday hi a tha thei ang berin hman tum theuh nise. Tualchhung
Kohhran in programme kimchang siam theuh nise. Thupui tarlan Bible changte hmang
khan chawhma leh zan lam inkhawmah thuchah puanchhuah tur ani. Inpawlhona nei thei
te chuan Mission lam hawiin hun hman nise. Hemi ni a Mission Department report leh
thuchah Baptist Today-a mite pawh thuchah leh inpawlhonaah hman tangkai nise.

Mission Department
-------------------------
 59th -TKP DAY PROGRAMME
30th July 2010.

ZAN LAM INKHAWM PROGRAMME

THUPUI : . Thianghlimna
CHAIRMAN : Unit-in ruat se
THUPUAN : Secretary, TKP Unit
ZAIHONA : Thawhlawm lakkhawm nghal nise
TKP dinchhan leh thutiam sawirual: Chairman in kaihruai se.
INHLANTHARNA : Tawngtai rual neih nise.
SOLO/GROUP : Unit-in ruat se
THUCHAH : Thuchah sawi tur Unit-in ruat se
ZAIHONA : Unit in thlangtu ruat se
TAWPNA : Senior Adviser

Hriatturte :
1) Zingkarah Social Service neih nise. Chhun lama hun hmang thei kan awm
chuan Unit TKP ten Programme ruahman nise.
2) Thawhlawm hi Bial TKP kaltlangin MTKP ah thehluh nise.
3) Skit/Drama hi Unit ten tha an tih chuan neih tum nise.
4) Zaipawl hi awm tura beisei a ni.
5) Thawhlawm hmanna tur chu hun remchang ah ngaihtuah nise tih a ni.
6) Unit TKP in tha an tih angin programme an tidanglam thei ang.

Organiser, MTKP
------------------------------------
 THLAI THAR HLAN NI
1st August, 2010

Mizoram Baptist Kohhran hian “Thlai Thar Hlan Ni” hi kan hman tanna a rei ta hle.
A hun erawh chu tihdanglam a awm zeuh zeuh thin a. Tun hnuah erawh chuan August
thla Pathianni hmasa ber hi hman a ni thin. Kan lo, leipui leh chuktuah huana thlai
Pathian malsawmna avanga kan chante i hlan leh ang u. Amah avanga kan thlaite hi thar
thei kan nih i hre nawn leh teh ang. Tin, thlai thar hlan tur nei ve lote pawhin he ni hi
ngaipawimawh ila, kan thinlungah i hrureh mai lovang u. Kan thilpekte hi Pathianin a
ram tihzau nan a la hman duh chhung chu hlim takin i pe zel mai ang u.
Kum dangah programme siam a ni ngai meuh lova, mahse kumin atan chuan hetiang
hian kan han siam a, Thusawitu leh hruaitu erawh chu Tualchhung Kohhran Preaching
Programme pangngai rin/hman nghal mai nise. Chhun lam Inpawlhona siam a ni lo. Tin,
programme hi tualchhung kohhranin tha a tih angin siam rem theih a ni ang.

Chawhma Inkhawm
1) Call to Worship : Hruaituin siam mai sela.
2) Hla : “Amah chu malsawmna hnar a ni”.
3) Bible chhiar leh tawngtai : Chairman-in thlang sela.
4) Thupuan : Kohhran Secretary.
5) Hla (Thlawhlawm lakkhawm): Hruaituin thlang se.
6) Tawngtai rual :1) Kan nunna leh thlaite enkawl a, kan thilpek pawm a, a
ram tana a la hman zel duh avangin lawmthu sawi ila.
2) Kan kut hnathawhte malsawma a awm zel theih nan.
3) Thilpeka hma kan sawn zel theih nan.
4) Kan thawhlawm hlan bawk ila.
7) Zaipawl(an awm theih chuan) : Kohhran Zaipawl.
8) Thuchah : Thuhriltu
9) Thupui : “Thilpek - Pathian ram dinna hmanrua”.
10) Hla : Thuhriltuin thlang se.
11) Tawpna : Malsawmna/Lalpa tawngtaina.

Zan lam Inkhawm

1) Call to Worship : Hruaituin siam nise.

2) Bible chhiar leh tawngtai : Hruaitu
3) Hla (Thlawhlawm lakkhawm): Hruaituin thlang sela.
4 Thawhlawm hlanna : Tualchhung Kohhran Treasurer.
5) Zaipawl(an awm theih chuan) : Kohhran zaipawl
6) Thuchah : Thuhriltu.
7) Thupui : “Thilpek - Chawimawina leh fakna”.
8) Hla : Hruaituin thlang sela.
9) Tawpna : Lalpa Tawngtaina.
 THEOLOGICAL EDUCATION SUNDAY
15th August 2010

Thupui: Nangma thu thu ni zawk rawh se” Matt 6:10, 26:39, Luka 1:38

Hun hman dan tur tlangpui:

1. Inkhawm hruaituin dingin mipuite chibai bukna leh lawmna thu a sawi ang.
2. Kohhran Secretary thupuanna
3. Inkhawm hruaituin Bible chhiarin tawngtaina hun a hmang ang.
4. Hla sak hona: KHB No.3” Lalpa chu chawimawi r’u, Pathian chaka chu”
5. Theological Education Report ( Kohhranah thawn a ni ang)
6. Zaipawl: Kohhran/Mimal etc.
7. Hla sakhona: KHB No. 187 “Isua Kros mak tak chungah khan” (thawhlawm
lakkhawm nise)
8. Thawhlawm hlan (BKHP Hruiatu zing ami ruat nise)
9. Tawngtai Rualna: Thupui turte-
1) Kan Kohhranin Theological College kan neih mek AICS tan, Zirtirtu leh
zirlaite tan leh In sak mek tan.
2) Kan Kohhran atang a M.Th leh D.Th zirlai India ram hmun hrang hranga
mite tan.
3) India rama Pathian thu zirna hmun zawng zawng tan, Pathian
duhzawnga Pathan thu zirna an kalpui zel theih nan.
4) Kan Kohhran member zing atangin Pathian thu zir tur an lo chhuah zel
theih nan.
10. Bible chhiarna: Hetah hian chhiartu tur mi pahnih in ruat nise, pakhat chu TKP
member atangin nise, a dang chu Intermediate zirlai zing ami nise. Thu sawitu
changthlan chhiar chhuah sak tur a ni ang.
11. Thuchah:
12. Hla sakhona: (Thusawituin thlang se.
13. Lalpa tawngtas.

Note: 1. AICS zirtirtu leh zirlaiten Kohhran thenkhat chu tlawh leh tura beisei a ni a,
an tlawh turte chu anmahni leh Kohhrante inberem mai sela. AICS Team an kalnaah
chuan Kohhrante nena an inbiakrem dan ang zelin zing leh zan programme hi an kuta
awm tura ngaih a ni.
2. Heng bak hi belh duh chuan belh theih a ni.
3. He programme hi Pathianni zinga hman tura ruahman a ni a, zan lam progreamme
chu tualchhung kohhran kuta dah a ni.
 NEICC NI
17th Oct 2010

Thupui : “Pathian awmna tura remkhawm” Eph. 2:32

NEICC Pathianni hun hman dan tur programme chipchiar siam ani lova. Thupui hmang
hian hun neituin thuchah sawi nise. Tawngtairualna hun hman nisela. NEICC hruaitute
tan, Union Christian College tan leh NEICC member Kohhran hrang hrangte tan Pathian
awmpuina dil nise. India hmarchhak Kohhran te kan lo chak zel theih nan tawngtai nise.
A hnuaia thuziak hi thuchah sawitu in chhiarchhuah tur ani

NEICC Chanchin tlangpui

November ni 23, 1939 khan Shillong-ah Assam Christian Council din ani a, kum 1962 ah
chuan North East India Christian Council (NEICC) tiin a hming thlak a lo nit a a, tun
thlengin a la put a reng a. BCM hi a din tantirh atangin tun thlengin member a la ni ta zel
a ni.
NEICC Thil tum :
1. India hmarchhak a Kohhran inpumkhatna tinzawna thawhhona.
2. La Isua Krista Chanchin Tha hrilna te, tihdam rawngbawlna leh Kristian Thuziak
thehdarhna kawnga hmalaknaa thawhhona tha siam.
3. Kristian ngaihdan vantlang zinga tlangzarh a, khawtlang leh nitin harsatna danga
a tul anga hmachhawn.
4. A member te a tul anga thurawn pek leh an beisei ang zela anmahni emaw an
aiawh a a tul anga din.
5. Kohhran inpumkhatna hawizawnga National Council of Churches in India leh
Christian Council dangte nena hmalak.
6. Kristianna ah hian Kohhran hi a laipui ani tih tilang tura hmalak.
7. Hemi Council huam chhunga sawrkar hnena member te aiawh leh Kristianna
thatna tura a tul anga palai.

NEICC PROJECT :
Union Christian College, Barapani, Meghalaya, hi NEICC project lian ber kan ti thei ang.
He College hi kum 1952 khan din a ni a, a hlawhtling hle a, tunah hian zirlai 400 chuang
leh thawktu 50 vel an awm ani. Mizote pawh kan intir nasa hle.
NEICC ah hian member pangngai 35 leh Associate member 12 an awm a. President ni lai
chu Rev. Ngul Khan Pau a ni a, Secretary chu Rev. N. Sandywell Phawa a ni.
…………..

BWA HMEICHHE TAWNGTAI RUAL NI

1st Nov. 2010 (Thawhtanni)

BWA Hmeichhe tawngtai rual ni hi kum tin November Thawhtan ni hmasa berah hman
thin a ni a, kuminah hian Thawhtanni a ni. Khawmualpui hrang hrang ten Programme hi
an in siam chhawk thin a. Tawngtai ni hian thawhlawm lakkhawm a ni thin. Hei hi BWA
Women’s Department ah thawn thin a ni. BWA Women,s Department atanga
Programme an rawn thawn hunah Unit BKHP –te hnenah thawn chhuah a ni ang.
 KHAWVEL SUNDAY SCHOOL NI PROGRAMME 2010

A Hun : November 7, 2010

Thupui : “Pathian Thu Dik taka Pawm leh Hman”

Chawhma Inkhawm:

Hruaitu : Tualchhung Kohhran Committee-in a ruat apiang.

Thusawitu : Tualchhung Kohhran Committee-in a ruat apiang.

1. Tanna : Hruaitu
2. Thu ziak chhiar: Hruaitu
3. Hla :
4. Thu puan : Kohhran Secretary
5. Hla : Thawhlawm lakkhawm
6. Tawngtai rual :

(a) Pathian hnena thawhlawm hlan.

(b) Pathianin Sunday School min pek avanga lawmthu sawi.
(c) Sunday School Zirtirtu zawng zawngte tan- Zirtir kawnga thahnemngaihna
leh tihtak zetna nena an zirtir theih nan.
(d) Sunday School hlutna hre lo leh ngaihsak lote an lo harh chhuah theih nan.

7. Zaipawl : Zirtirtu/ Intermediate/ etc. A remchang thei apiang.

8. THUCHAH : “Pathian thu dik taka pawm leh hman”.

(1) Nun kawng dik hre turin. Sam 119:105.
(2) Kan thil zir leh hriatin rinna min pe. Rom. 10:17.
(3) Pathian thu dik hre turin zir ngun a ngai. Thuf. 2:3-6.
9. Hla sak :

10. Malsawmna/ Lalpa tawngtaina.

 KUM 2010 KHAWVEL SUNDAY SCHOOL NI THUCHAH
( NOVEMBER 7, 2010)
Rev.Lalthangliana Hnamte
Director, C.Edn. Dept.

Kumin Khawvel Sunday School Ni-ah hian Kohhran hoten Sunday School min pek avanga
Pathian hnena lawmthu sawiin kan dinhmun thlir thar leh nan i hmang ang u
1. Sunday School kan lo neih dan: Khawvel Sunday School hmasa ber hi 1780
July thlaa England ram, Gloucester khuaa Robert Raikes-a din a ni a. India ramah
William Carey-a leh a thianten Serampore-ah 1800-ah khan an din a. Mizoramah
March 1, 1896-ah Pu Buanga leh Sapupa-ten Aizawl-ah an din a. Mizoram chhim
lam Sethlun-ah 1902 khan Tv.Thankunga (Tirhkoh leh Pastor lo ni ta)- hova din a
ni. 1939-ah India Sunday School Union kan zawm atangin Khawvel Sunday
School Ni hi kan lo hmang tan ve ta a ni. India Sunday School Union atang hian
Christian Education Evangelical Fellowship of India (CEEFI) kan zawm leh a.
2009 atangin All India Sunday School Association (AISSA) kan lo zawm leh ta
mek a ni.
2. Sunday School pawimawhna: Sunday School kan neih tirh atanga vawiin
thlenga kan chhuiin a pawimawhzia heti hian khaikhawm ila:-
(a) Mizo mimirte ziak leh chhiar thiamna min pe.
(b) Krista hnena mite hruaina (Evangelism Centre) a ni.
(c) Kohhran member Venna (Ralven buk) a ni.
(d) Mumal (systematic) taka Pathian thu zirna a ni.
(e) Rawngbawlna leh rawngbawltu chherna hmun a ni.
(f) Kohhrana member-te phuar khawmtu a ni.
(g) Lal Isua (Zirtirtu Ropui) rawngbawlna chhunzawmna a ni.

3. BCM dinhmun: Kum 2009 Assembly report atangin Pastor Bial 65 ( Special
Sunday School tel lovin) –ah Kohhran member 126,915 kan awm a, kum 4 chin
chunglam member 110,632 kan ni a. Sunday School Hming ziak 78,194 kan ni a,
chu chu 70.68% a ni. 75% tal hming ziak nihtir kan tum a ni. Sunday School tha
tehna point 6 lai kan nei a. A tum ber chu BCM Member Sunday School kai kan
lo tam deuh deuh theihna atana Hmalakna kawng Sialtu leh tichaktu atan a ni.
Intih siakna leh lawmman dawn ngawr ngawr hi Goal a ni lo va, Sunday School
kai tura mite khalh (Drive)-na hmanrua pawimawh tak erawh chu a ni tih hria ila.

4. Thuchah: Kohhran puitlinna leh nghehna hi Sunday School neih that leh that
lovah a innghat thuk em em a. Ramthima Kohhran dingte zingah pawh Sunday
School din tha leh ngai pawimawh chu an nghetin an puitling bik zela hriat a ni.
Ringtu mimal nunah pawh a dik tho mai. Kan ramah Camping/Crusade-a
piangthar emaw harh thar emaw zingah pawh Sunday School ngai pawimawh zui
apiang an tlo deuh zelin kan hria. A tlangpuiin naupang lam an tha deuh zel a.
Nula, Tlangval, Nu leh Pa lamah Sunday School kai lo kan tam ber zawkin a lang.
Sunday School hi kan ram nun siamtu pawimawh tak a nihzia kan hria a,
chuvangin Sunday School hmang hian kan ram siamthat i tum tlat ang u. Kumina
kan thupui pawh: “Pathian Thu dik taka pawm leh hman,” tih a ni. Kumin
2010 kumtawp hi tha taka zial zo turin leh 2011 kum bul atanga kumin aia kawng
hrang hranga hma sawn tumin i inbuatsaih theuh ang u.
 KHAWVEL SUNDAY SCHOOL NI PROGRAMME 2010

7th November, 2010

Thupui : “Pathian Thu Dik taka Pawm leh Hman”

Chawhma Inkhawm:

Hruaitu : Tualchhung Kohhran Committee-in a ruat apiang.

Thusawitu : Tualchhung Kohhran Committee-in a ruat apiang.

1. Tanna : Hruaitu
2. Thu ziak chhiar: Hruaitu
3. Hla :
4. Thu puan : Kohhran Secretary
5. Hla : Thawhlawm lakkhawm
6. Tawngtai rual :

(a) Pathian hnena thawhlawm hlan.

(b) Pathianin Sunday School min pek avanga lawmthu sawi.
(c) Sunday School Zirtirtu zawng zawngte tan- Zirtir kawnga thahnemngaihna
leh tihtak zetna nena an zirtir theih nan.
(d) Sunday School hlutna hre lo leh ngaihsak lote an lo harh chhuah theih
nan.

7. Zaipawl : Zirtirtu/ Intermediate/ etc. A remchang thei apiang.

8. THUCHAH : “Pathian thu dik taka pawm leh hman”.

(1) Nun kawng dik hre turin. Sam 119:105.
(2) Kan thil zir leh hriatin rinna min pe. Rom. 10:17.
(3) Pathian thu dik hre turin zir ngun a ngai. Thuf. 2:3-6.
9. Hla sak :

10. Malsawmna/ Lalpa tawngtaina.

 ZAN INKHAWM

Hruaitu : Tualchhung Kohhran Committee-in a ruat apiang.

Thusawitu : Tualchhung Kohhran Committee-in a ruat apiang.

1. Tanna : Hruaitu
2. Hla sak :
3. Tawngtai : Hruaitu
4. Thu puan : (Puan tur a awm chuan)
5. Hla sak : (Thawhlawm lakkhawm)
6. Tawngtai rual :

(a) Thawhlawm hlanna.

(b) India ram leh Khawvel hmun hrang hrangah Sunday School nei lo leh kai
lo mi tam takte tan.
(c) Naupang vanduai, rethei, enkawlna tha dawng lo, piantirh atanga
HIV/AIDS vei khawngaihthlakte tan.
(d) Tihduhdahna hnuaia ringtu tam tak Pathian thu zirna hun tha nei ve lote
tan, a bik takin Orissa State etc.

7. THUCHAH : “ Pathian thu dik taka pawm leh hman”

(1) Zirtirna him leh tlo a pawimawh (Tita 2: 1)
(2) Kohhran Thurin dik leh tha a pawimawh.(Heb.23-25)
(3) Sunday School hi Kohhran ralven bûk a ni.
8. Hla sak :

9. Malsawmna/ Lalpa tawngtaina.

Note:
1. Chhun lam Programme siam a ni lova. Tualchhung Kohhran emaw
Tualchhung Sunday School Committee-in emaw tha an tih anga
hman/hman loh mai nise.
2. Tualchhung Kohhran kalphung mil tura her rem kawngah programme hi
tihdanglam theih a ni ang.
3. Bible chhiar tur leh Hla sak turte hi Hruaitu leh thusawitute kuta dah a ni.
 RUALBANLOTE NI
28th November 2010

RUALBANLO PUAL SUNDAY HMAN DAN TUR

1. He mi ni hian Pathianni zing inkhawm chu Rualbanlote pual inkhawm-ah hman ni se

2. Kohhran tinah puipa (Office bearer) ten hun hman tum hram ni se
3. Headquarters atangin a rem chang thei ang apiang hun hmang tura tual chhung
Kohhranah sawm ni se.
4. Rualbanlo Sunday thuchah hi Secretary in chhiarchhuah ni se
5. Sermon-ah Rualbanlote chhawmdawlna lam sawi ni se
6. Proramme kimchang (Hla thlan, Tawngtai, Bible chhiar, Secretary thupuan leh thil tul
dangte.) chu hun changtu/Tualchhung Kohhran Programme committee kutah awm se

RUALBANLO PUAL SUNDAY THUCHAH

Mithiamte chhut dan chuan Khawvel mihring za zela panga hi Rualbanlo an ni a, rual
banlohna hi rilru lam chauh te, taksa leh pianphung chauhva rual banlohna te a pahniha rilru
lam leh pianphung a rualbanlohna te a awm thei a ni.
Rualbanlohna chhan hrang hrang a awm a, nu in nau a pai lai atanga fello awm thei atang
te, pian tirh lai thil awmdan leh naupan laia natna vei atang te, ei tha tlakchhamna avangte, leh
mizovin kan sawi thin angin, Piansualin tlai lua a nei lo, an lo tih angin, accident chi hrang
hrang avangin rualbanlohna a awm thei a ni.
Mizoten rual banlote kan hmuh dan leh kan ngaihdan hi a tha vak lova, kan inzir a tul hle.
Hnam changkang apiangin rualbanlote enkawl an thiam a, rualbanlote hi rilru lama banlo an
nih chuan finna zirtir theih an ni a, mi pangngai angin an zir chak lo a nih pawhin anmahni rau
rauvah hma an sawn thei a, an thiamna zir theih ang ang kha anmahni inenkawl nan leh thil
tangkai thawh chhuah ve nan an hmang thei a ni. Mizo hian mi ang manglo te kan bawl khawlo
fova, mi pangngai a chhuah theih te pawh chhungkua leh khawtlangin kan en dan leh kan
enkawl dan avangin mi ang lovah kan chhuah fo niin a lang.
Mi pangngai chen zan lote pawh enkawl thiam chuan mi pangngai ang maia chhuah theih
leh mi an chen lohna laite pawh sawi tham loh leh pawi tham lovin a chhuah theih a, chu chu
anmahni tan leh chhungkaw tan, hnam pumpui tan a tha em em a ni, tih hria ila.
Pianphunga rual banlo pawh a tul ang zela zirtir leh hmanrua nena thuamin an
rualbanlohna lang lo hial in tanpui theih an ni. Khawvelah hian rualbanlo ni si mi ropui tak tak
an lo chhuak fo tawh a, mitdel, zaithiam leh hla phuah thiam, vawiin ni thlenga hla ropui ber
ber phuahtute, mitdel , khawvel khawmualpui zawng zawnga tlangsang berte lawn chhuak vek
thei khawpa chak te, bengngawng, scientist ropui takte, fu ke kim lo, mi pangngai –in an tih
theih loh thil ti thei tam tak sawi tur an awm a ni.
Lal Isua khan khawvela rawng a bawl lai khan rualbanlote a khawngaihin a ti dam thin a,
Mathaia 10:27, 9:32-34, 15:29-31 te, Marka 7:31-35 te kan en chuan Lal Isuan mitdel, kebai,
piangsual tinreng te, zeng te, Ramhuai man (Rilru buai) a tihdam thu te kan hmu a ni. Keini
pawhin kan zinga awm rualbanlote hi kan enkawl that a pawimawh a, Kan Lalpa thupek pawh
a ni tih i hre thar leh ang u.
 Khawvel ram changkangte chuan rualbanlote tan inzirna te, School hranpa leh infiamna
anmahni pual bikte siamin zin veivahna ah pawh a thlawna chuan theihna te, an tana
remchanna chi hrang hrang an siam sak thin a, kan ram pawhin hetiang lamah hian hma kan
sawn ve hret hret a, chak zawk a hma kan lak zel pawh a tul hle a ni.
Kan Hospital, Christian Hospital Serkawn pawh Sorkarin rualbanlote enkawlna, District
Disability Rehabilitation Centre (DDRC) atan min ruat a, Falkawn a centenary building hnuai
ah hma lakna tan mek a ni a, rualbanlote kan tanpui theih tur te dap khawm a an tana thil tul
ngaihtuahsak te in bul kan tan mek a, thil thui tak la ti thei rih lo mah ila hma sawn ve zel kan
tum a ni.
………………….

BIBLE SUNDAY
5th December, 2010

Kohhran thenkhatah Bible Sunday Programme hi tumhnih hun hmang duh te kan awm thin
avangin kumin pawh hian Thupui pahnih siam a ni a. Tum khat chauh hmangte tan thupui
duh zawk zawk thlan mai tur a ni e.

Thupui pakhatna: Pathian thu- Nunna kawnga hruaitu:

(a) Kan nun kawng khawnvar leh eng a ni. ( Sam 119:105)
(b) Nunna chaw min hrilh ( John 6:35).
(c) Kawng, Thu tak, Nunna leh Thawhlehna min kawhhmuhtu
( John. 11:25; 14:6)
Thupui pahnihna : Pathian thu- Ram leh Hnam Tan:
(a) Ram Roreltute tan a ni. (Amoosa 5:24)
(b) Ram leh Hnam damna kawng min kawhhmuh
(II Chro. 7:12-14)
Note:

1. Hemi nia Bible Society puala thawhlawm kan lakkhawmte hi a zat fel
taka chhinchhiahin Tualchhung Bible Society Committee (Collector-te)
hnenah emaw Branch Treasurer hnenah emaw pek nghal mai tur a ni e.

2. BSI thuchaah hi India rama BSI President leh General Secretary-ten an

rawn buatsaih thin a, a remchang hmasa berah rawn thawn a ni ang.

MISSION BUHTHAR HLANNI

12nd December 2010
Mission Buhthar hlan ni hi 1984 atang khan tan a ni a. BCM ian Mission rawngbawlnaa
hma kan sawn theihna atana tih a ni a. Tunah chuan thlawhma siama buhthar hlan tur nei
kan tam tawh lo mai thei a. Buh thar kher lo pawh thlai leh thil dang kan neih ang angte
Pathian ram zauna atan i hlan zel ang u.

Mission Buhthar hlanni hi programme chipchiarin siam a ni lo va. Hemi ni chawhma leh
zan lam nkhawmna hun neituten thupui hmang hian mission rawngbawlna lama hma kan
sawn theihna tur lam thu sawi nise. Kohhran member zawng zawngte missionary ni turin
kan kal chhuak vek theilo tih a chiang a. Missionary-a kal theite chu mi tlemte an ni.
Missionary-te thawhtir theitu kan ni a, a tirtu kan ni. Hetah hian mawhphurhna sang tak
kan nei a, awmhmunah nghet taka a hrui lo chelhin Pathian malsawmna kan dawn
atangin thil pek te, an tana tawngtaia tan lo lakte kan ti thei a ni. Hetiang zawnga
Kohhran ten hma kan sawn zel theihna tura infuih thar nise.

Mission Department.