Professional Documents
Culture Documents
Synfocity=307 www.mizoramsynod.org
1 Ramthar Ni
August 31 (Thawhlehni) hi Ramthar Ni a ni a, Mizoram Presbyterian Kohhran tan Ni pawimawh bik a ni. A chhan chu
Mizorama Presbyterian Kohhran rawn dintu Rev. David Evan Jones (Zosaphluia) Mizorama rawngbawl tura a lo thlen ni
anih vang a ni. Kum 1972 Mizoram Synod Inkhawmpui chuan, Synod Ramthar Board-in, ‘August ni 31,
Pu Zosaphluia Mizorama a lo thlen ni hi Synod Ramthar Ni atan hman ni se’, tia a rawtna chu pawmin kum 1973 atang
khan August 31 chu Ramthar Ni atan hman tan a lo ni ta a ni.
Mizorama Chanchin tha rawn thlentu hmasa ber (Pioneer Missionary) Rev. William Williams chuan Khasi rama a thawh
laiin Syhlet lama Mizo lung in tangte hnen atanga Mizote chanchin a lo hriatin Mizorama kal duhna a nei ta a. Kum 1891
March 20 khan Aizawlah a lo kal a, Mistiri leh kut hnathawka inhlawhfate hnenah Pathian thu hrilin tract te a sem a.
Mizoram chanchin hi Welsh ramah a zu sawi a, Welsh Presbyterian Mission chuan kum
1892-ah Mizoram chu Missionary tirh luhna atan a thlang ta a. Rev. William Williams hi tirh an tum a, mahse
vanduaithlak takin a thi ta mai si a. Mi thar an dap leh a; Theological College-a an zirtir chhungin hun a lo vei hman a.
Hetih lai hian Arthington-a mi tirh Rev. F.W. Savidge (Sap Upa) leh Rev. J.H. Lorraine (Pu Buanga) te kha an lo chhuak
a, kum 1894, January 11-ah Mizoram an lo thleng a; Welsh Presbyterian Mission tirhin Rev. D.E. Jones (Zosaphluia) hi
kum 1897, August 31-ah a lo thleng ve leh ta a ni.
Mizoram Presbyterian Kohhran chuan kumin Ramthar Ni pual hian zan lam inkhawm thupui a siam a, thupuiah
‘Chanchin Tha chu ka zahpui si lo va’ (Rom 1:16 & 17) tih an hmang ang.
w Ramthar Ni (August 31) hian Synod Mission Board thawktute hetiang hian Kohhran hrang hrangah hun hmangin an
insem darh ang:
Kalchhuakte Kalna Kohhran
s Upa Lalhriata & Pu Vanlalbela - Khawruhlian Vengthar
s Upa D.P. Biakkhuma - Hualtu
s Pu Lalthuamkunga - Pehlawn
s Upa H. Ngurkhuma - Luangmual West
s Pu Saidinga Sailo - Ramhlun East
s Rev. C.M. Zalenthanga - Chhingchhip Mualpui
s Pu C. Kapthanga - Thingsul Hospital Veng
Synod Mission Board thawktute bâkah hian Missionary Training Centre (MTC), Mission Vengthlang atangin trainee-te
an zinchhuak bawk ang.
te an ni.
Synfocity=307 1
Presbyterian Bible School atanga zirchhuakte hi rawngbawlna tangkaiah an inhmang zui hlawm a, Missionary, Social
Worker, B.Th., BD zir zawm thahnem tak an awm tawh a, Synod Revival Speaker zinga a tam zawk hian an zir chhuak
tawh bawk a ni.
w Goodwill Dinner
Nimin (August 25) 8:30 p.m. khan Interserve India chuan Curry Pot, Khatla-ah Goodwill Dinner a buatsaih a, hetah hian
Synod Puipate nen inkawmhona hun neiin mi sawm bikte nen zanriah an kilho a ni.
1 Social Front
w Seminar-cum-Workshop on Sex Video and Pornography : Synod Social Front chuan vawiin (Aug. 26) chawhma
dar 11:00 atang khan Synod Conference Centre, Pi Zaii Hall-ah Sex Video chungchanga Seminar-cum-Workshop on
Sex Video and Pornography an nei a, Rev. Lalzuithanga, Executive Secretary i/c Social Front etc. in programme a
kaihruai a ni.
Seminar-a tel tur hian Aizawl khawpui chhung Kohhran aiawh pakhat theuh, Aizawl khawpui chhung Branch KTP aiawh
pakhat theuh, Social Front hnuaia Committee Member-te leh mi sawm bikte sawm an ni a, an vaiin mi 242 an tel thei a
ni.
Seminar-ah hian paper zirhona leh sawihona hun tha tak an hmang a. Paper zirhote chu :
8 Aizawl Thalaite zinga Sex hluar dan chhui chianna - Dr. Robert S. Halliday,
(Sex Video, Saruak Thlalak, Call Girl) Social Front Coordinator
Synfocity=307 2
8 Legal Implications of Sex and Pornography - C. Lalramzauva, Advocate
8 Research Paper on Pornography and Sex Video : - Laltlansangi Fanai, Master in Criminology
The present scenario
w August 27 - 30 chhung hian Ruantlang Bial huapin Ruantlang Kohhranah HIV/AIDS Seminar neih a ni dawn a,
Seminar neihpui tur hian Pu John Lalhruaitluanga, Social Front Asst. Coordinator leh Pu J. Malsawma, Social Front
Office Assistant te an kal ang.
1 Zin
w August 27 - 31 chhung hian Darlawn leh Khawruhlian Bial Upa Seminar-a tel turin Rev. Vanlalzuata, Senior
Executive Secretary, Rev. Lalchangliana, Synod Revival Director leh Nl. Lalrinfeli (Soloist) te an kal ang. August 28
(Inrinni) hian Darlawn Kohhranah Seminar neih a ni ang a, August 30 (Thawhtanni) hian Khawruhlian Kohhranah
Seminar hi neih leh a ni ang.
w Aug. 25 & 26 hian Presbyterian English School hrang hrang - Rawpuichhip, Kawrtethawveng, Mamit leh Lengpui te
tlawhin Rev. Mangchhuana Sailo, Supervisor leh Pu C. Zahmuaka, Principal (Retd.) te an kal.
1 Music
Nimin (August 25) khan Synod Music Committee chuan Synod Music School (Morning Class) September - November,
2010 Session-a seat chang tura thlanchhuahte hming an tarchhuak a, Tonic & Staff Notation zir tur hian mi 65
thlanchhuah an ni a. August 26 - 30 chhungin Synod Music School-ah Admission tih fel nghal tur a ni a, fee pek nghal
tur a ni. Hemi hun chhunga admission ti lo chu an aiah midang dah an ni ang.
1 Moderator Programme
Synod Moderator Rev. C. Chawngliana chuan tun kar tawpah hetiang hian hun a hmang ang :
w August 28 (Inrinni) Zan - College Veng Kohhran
w August 29 (Pathianni) Chawhma - Ramhlun South (Golden Jubilee programme) Kohhran
Chawhnu - Electric Vengthlang Kohhran
Zan - Aizawl Venglai Kohhran
Synfocity=307 3
Seminar on
KRISTIANTE HMACHHAWN MEK HARSATNATE
Organized by
CALVIN STUDY CENTRE
AIZAWL THEOLOGICAL COLLEGE
Date : August 28, 2010
Vanue : Khatla Presbyterian Church Hall
HUN KHATNA : SEMINAR HAWNNA
10:00 A.M. - 10:25 A.M.
Hruaitu : Rev. Prof. Roger Gaikwad
Principal, Aizawl Theological College
Inlawmna & hunserh : Hruaitu
Thupui sawi hawnna : Rev. C. Chawngliana, Synod Moderator
HUN HNIHNA : THUPUI ZIRHONA -I
Hruaitu : Rev. Prof. Vanlalchhuanawma
Thupui : Mipat Hmeichhiatna (Sex) Hman Sual Chungchang
10:30 A.M. - 10:50 A.M.
Paper 1 : Mipa leh Hmeichhe Inkara Sex Hman Sualna
Ziaktu : Rev. Lalchungnunga
10:50 A.M. - 11:10 A.M.
Paper 2 : Neih Anpui Inkara Sex Hman Sualna (Homosexuality)
Ziaktu : Rev. Dr. Lawmsanga
11:10 A.M. - 12:30 P.M.
Thupui Sawihona
Tlangkawmna : Hruaitu
12:30 P.M. - 1:00 P.M.
REFRESHMENT
HUN THUMNA : THUPUI ZIRHONA -II
Hruaitu : Rev. Dr. C. Lalhlira
Thupui : Hun Hnuhnung Chungchang
1:00 P.M. - 1:20 P.M.
Paper 3 : Hun Hnuhnung Chungchang Bible-in a Zirtir Dan
Ziaktu : Rev. Dr. K. Lallawmzuala
1:20 P.M. - 1:40 P.M.
Paper 4 : Hun Hnuhnung Chungchang Thurin Atanga Thlirna
Ziaktu : Rev. Rosiamliana Tochhawng
1:40 P.M. - 3:15 P.M.
Thupui Sawihona
Tlangkawmna : Hruaitu
3:15 P.M. - 3:30 P.M.
Vote of Thanks : Rev. Dr. Vanlalnghaka Ralte, Director, CSC
Banna : Rev. K. Lalrongheta
MSSU Hriattirna
Kumin 2010 Khawvel Sunday School Ni Zirlai Thupui zir tur chu peih fel a ni tawh a, Bial Sunday School
Secretary-ten Synod Office, MSSU Department-ah lam theih a ni.
Synfocity=307 4
BEIHRUAL CHUNGCHANG
Laldawnkimi,
Archivist, Synod office
Kum 1918 June thla atanga hman tan Beihrual chu kum 92 na a lo ni ta reng mai. He Beihrual zara
Kohhranhoten malsawmna kan dawn zozai hi a man a va tam em!
THUHMA : Kum 1894-ah Chanchintha kan dawng a, kum 1906-ah Harhna tum khatna a lo chhuak a, a tum
hnihna pawh kum 1913 ah a lo chhuak leh a, ringtu an pung hle. Mahse hun engemaw chen hnuah harhna chu a
lo reh a, Kohhran a lo nguiin a lo chaklo leh ta, rinna kawnga an la ngheh tawk loh avangin han ban leh puk puk te
a awm a, khawvel miten nuihzatin “Pathian thu awih leh aichhia chuan thal an hua a nia” an ti thin. Mahse, mi
engemawzat rinnaa mi nghet leh rinawm an awm a, phurna hloh mahse thahnemngaihna hloh lovin an thawk zel a.
Kohhrana nguina leh hnung tawlhna awm fo thin chuan nghawng nasa tak a nei ta a, thawhlawm pawhin a tuar hle.
Kum 1917-a Tirhkoh tirh chhuah mi 7 chu thawhlawmin a daih loh avangin an hlawh bi cheng 10 chu cheng 8/- a
tihhniam a ni a. Tichuan ringtute intihchak tawnna leh ringlote beihna chu hnapuia neih an duh ta a ni. ( Mizo
Kohhran Chanchin Rev. Saiaithanga phek 54-56, 58)
BEIHRUAL NEIH A NI TA: Hetih lai hian Mizoram Hmar chan pum pui hi Khasi Synod hnuaiah Presbytery
pakhat kan ni a, kum khatah vawi hnih ( March & Oct ) Inkhawmpui an nei thin a, March 15 - 18, 1918
Presbytery Inkhawmpui Aijal-a neih chuan hetiangin a rel a
“ Kristian Beihrual-na hi June, 1918 a hian lo awm tan turin kan ruat a. Thla chawhma lam chu mahni Kohhran
ho tan a, in tih chak na tur leh in tih thianghlimna leh in tih ngah lawk na atan kan hmang theuh ang a, tin, thla
chawhnu lam chu ringlo te tan a hman tur ani ang, mi hruai hram turin. Tin, Kohhran tin in an thawh-zia dan theuh
tur an ngaihtuah ang”.
(Presby. 1918 No.10, Kristian Tlangau May 1918 phek 94 )
Hetianga June 1918 ah hlawhtling taka an hman avangin October, 1918-a Champhai Hmunhmeltha khuaa
Presbytery chuan “Beihrualna hi awm leh sela kan ti tlang a, kum 1919 September a ni ang, a tih dan tur chu
hmana mi ang bawk khan a ni ang”. tiin a rel leh ta a ni ( Presby. Oct. 1918 No.11 )
Ringtuten thahnemngai taka an tawngtaina leh an beihna chu Pathianin mal a sawm a, kum 1919 ah chuan
Harhna tum thumna a lo thleng leh ta nghe nghe a nih kha.
HMAN HUN: Kum 1918 ah June , 1919 leh 1920 ah September, 1921 ah January ,1922 - 1924 ah April thlaah te
hman thina ni a, mumal taka September thla kan hman hi 1925 atangin a nih hmel e. (Presby. Oct. 1920 No.25,
Oct. 1921 No.33, Assembly 1925 Jan No. 18)
THU ZIR : Standing Com. rel angin kum 1937 atangin ram pum huap thu zir bik siam tan niin a lang, “ Kan
Kohhran kum tin Beihrual hi fel zawka kan tih theih nan Beihrual programme ram pum tan siam ila, kan subject
chu Insumna thu lam nise” (SC dt.28.6.1937 No.7). Mizoram buai avangin ram pum huap zir tur siam loh tum a
awm a, hengah hian mahni Kohhran remchan anga buatsaih leh hman a ni. Tin, Nilai zan Thupui leh Beihrual
thupui bu hrana neih a ni thin a, kum 1972 atang khan bu khata siam a ni ta. Hapta hmasa ber Ramthar hapta hi
1981 atanga hman tan a ni a, Hapta lina Kristian Chhungkaw hapta hi 1983 atanga hman tan a ni.
………………………………………………….............................................................................................................................
26th August, 2010
Mail us at -
synfo@sancharnet.in; synfo@yahoo.com
Synod Information & Publicity; Aizawl, Mizoram. India
Phone: 0389 2314648
Fax : 2316598 Website – www.mizoramsynod.org
Synfocity=307 6