Atin ngayon tutunghayan ng may pagmamalaki at pagmamahal
ang pagsasalin ng susi ng karapatan sa pagggamit ng 2-story
Classroom De Leon Mercado Type Building na itinayo para sa mga batang mag-aaral ng Paaralang Elementarya ng Bagong Pag-asa Annex, Barangay Sta. Ana dito sa bayan ng Taytay, Lalawigan ng Rizal. Ipintayo ito bilang tugon sa pangangailangan ng mga kabataan upang higit na mapaunlad ang kanilang kaalaman sa larangan ng edukasyon. Naniniwala ako, na ang Gusaling ito ang magsisilbing buhay na saksi sa pagsabog ng mga karunungan para sa pag-unlad ng mga kabataang tagaTaytay. Ang tanging hiling ko sa mga mag-aaral at sa inyo mga magulang na naway inyong pangalagaan at pahalagahan ang inyong bagong paaralan. Ang De Leon Mercado Building na ito ay angkinin ninyong inyong pangalawang tahanan. Naway bigyan pa ako ng mabuting kalusugan upang ang aking pangarap na higit pang makapaglingkod sa mga kabataan ay maisakatuparan. Kaya sa bisa ng kapangyarihang iginawad sa akin bilang punong lalawigan ng Rizal ay buong lugod kong isinasalin ang susi ng karapatan sa paggamit ng bagong De Leon Mercado Type Building. Kasihan nawa tayo ng Poong Maykapal at mabuhay ang mga mag-aaral ng Paaralang Elementarya ng Bagong Pag-asa.
Sa ngalan ng 8 punongguro, at 458 na mga guro sa
Purok ng Taytay II lalong higit sa 97 mga guro dito sa Paaralang Elementarya ng Bagong Pag-asa Main at Annex, kasama ang 4660 na bilang ng mga magaaral ay malugod ko pong tinatanggap ang SUSI NG KARAPATAN sa paggamit ng DE LEON MERCADO TYPE BUILDING na siyang magiging saksi at magsisilbing tahanan ng karunungan sa mga batang mag-aaral ng Bagong Pag-asa Elementary School Annex.