TEXTOS:

Eutropio
1.- Interea proelium ab utroque duce instructum est. Scipio victor recedit,
paene ipso Hannibale capto, qui primum cum multis equitibus, postremo
cum quattuor evasit. Scipio Romam rediit, ingenti gloria triumphavit atque
Africanus ex eo appellatus est.

2.- Eodem tempore Viriathus a suis interfectus est, cum quattuordecim

annis Hispanias adversus Romanos movisset. Pastor primo fuit, mox
latronum dux, postremo tantos ad bellum populos concitavit, ut assertor
contra Romanos Hispaniae putaretur.

Fedro:
1.- Aquila in sublimi quercu nidum fecerat;
feles cavernam nancta in media pepererat;
Sus nemoris cultrix fetum ad imam posuerat.
Tum fortuitum feles contubernium
fraude et scelesta evertit malitia.

nanciscor -i nanctus tr. Encontrar

2.- Peras imposuit Iuppiter nobis duas:

propriis repletam vitiis post tergum dedit,
alienis ante pectus suspendit gravem.
Hac re videre nostra mala non possumus;
alii simul delinquunt, censores sumus.