Professional Documents
Culture Documents
Day 18
Muawwizatein mei aaooz lafz chupa hai, aein waao zaal = kissi ki panah
mei aana
Muawwizatein= wo 2 cheezein jin ki waja se hum panah mei aate hain
Zindagi mei bohat mushkilaat, fitne, sheytaan hain tu 2 suratoan k o inn
ke ehmiyat ki waja se muawwezatein kehte hain;
SURAH AL-FALAQ
SURAH AN-NAAS
Fail aur Mafool ka faraq:
Muawwazatein: 2 tahaffuz/panah mei di gayii cheezein
Yaha hai muawwizatein: 2 panah dene waali sooratein
Sawaal aur panah talab karne ke liye be-misaal hain ye sooratein
Koi talab ya beemaari, dukh, pareshani, sheytaan jis se bhi Allah ki
panah mei aana chahein tu ye sooratein bohat khoobsurat hain!
Daleel: Imam Nisaayi ne Uqba bin Amir r.a se rawayat ki ke unnhoan ne
bayaan kiya; Mei Rasool Allah s.a.w ke saath jaa raha tha tu Allah ke
Nabi ne kaha; Ae Uqba, kaho. Mei ne arz kiya Allah ke Rasool, kiya
kahoon? Aap khamosh rahe, phir farmaya; Uqba, kaho. Mei ne arz
kiya Allah ke Rasool, kiya kahoon?. Aap s.a.w ne sakoont ehtyaar ki.
Mei ne dil mei kaha Ae Allah Nabi s.a.w ko meri taraf matawwaje
farymaaiye. (Nabi ne mujhe 2 baar kehne ko kaha aur mei ne nahi kaha,
tu Aap khamosh ho gaye. Aap ke dil mei mere bare mei koi bura guman
na aaye). Allah ke Nabi s.a.w ne farmaya; Ae Uqba kaho. Mei ne arz
kiya Allah ke Rasool, kiya kahoon? Phir Aap s.a.w ne farmaya; Qul
aaoozubi Rabbil falaq. Mei ne iss surat ko aakhir tak parha tu Aap ne
farmaya; Kaho. Mei ne arz kiya Ae ALLAH ke Rasool, mei kiya
kahoon?. Aap ne farmaya; Qul aaoozubi Rabbin-naas. Mei ne surat ko
akhir tak parha tu Aap s.a.w ne farmaya; Kissi sawaal karne waale ne
in aisi 2 cheezoan ke saath sawaal nahi kiya, aur kissi panaah talab
karne waale ne aisi 2 cheezoan ke saath panaah talab nahi ki.
(Tawajju ka andaaz dikh raha hai, ho sakta hai pehli dafa kaha tu unn ki
tawajju na ho)
Allah ke Nabi s.a.w pe jaadoo hua tha jo aik yahoodi Laqeeb bin Asim??
Ne apni betiyoan ke zariye kissi tarah Aap s.a.w ke baal haasil kar ke
karwaya. Unn baaloan mei girhein lagayein, zarwal naam ke kunwe ke
ander unn ko chupaa diya. Iss ka asar Allah ke Nabi s.a.w ki yaad
daasht pe ho gaya, lekin deen ke muamale mei nahi. Aap taharat ke
kuch masayeil bhoolne lage yaani ye yaad nahi rehta tha ke mei ne
gussal karna hai ya nahi. Sheytaan ka yehi pasandeeda raasta hai ke
logoan ko ganda rakhta hai taake wo deen se door rahein aur gandi
baatein unn ke diloan mei daalta hai.
Allah Tallah ne ye 2 sooratein naazil keen aur aik aik ayat ke saath aik
aik girah khulti gayii. Uss ke baad kabhie koi aisa asar ya kissi pe koi
jadoo tona hota tu Allah ne Nabi issi ke zariye ilaaj karte the.
Inn sooratoan mei Allah ki tawheed-e raboobiyat, aloohiyat, asma o
siffat hian tu sheytaan tu aik dafa Allah ka naam sunn ke door bhaag
jaata hai tu jaha itni dafa Allah ka naam aaye gaa tu wo kaise thehr
sakta hai?
Yaqeen shart hai, iss ke begair kaam nahi ho gaa!
Muawwizaat ka subah sham 3 baar parhne ka har cheez se
kifayaat karna
Daleel: Imam Bukhari, Tirmidhi, Nisaayi ne Abdullah bin Habeeb r.a se
ye rawayat naqal ki, unnhoan ne bayaan kiya ke hum aik baarish aur
shadeed tareeki waali raat mei Rasool Allah ki talaash mei nikle taake
wo hame namaz parhayein. Unnhoan ne bayaan kiya; pass mei ne
anhazrat s.a.w ko dhoond liya tu Aap ne farmaya; kaho. Mei ne kuch
na kaha, Aap ne farmaya; kaho. Mei ne kuch na kaha. Aap ne phir
farmaya; kaho. Mei ne arz kiya; mei kiya kahoon? Aap s.a.w ne
farmaya; Qul, qul huwallahu ahad aur jab tum sham karo aur subah
karo tu Qul huwallahu ahad aur muawwizatein 3 martaba parho. Aisa
karna tumhe har cheez se kifaayat kar de gaa.
is liay Allah humain paighaam deta hai kay apni identity pehchaano!
jub muslims ghairon kay kapray pehanta hai, rang dhang, bol chaal har
cheez mei tu wo humain dekh ker khush hotay hain ke hamari utran hi
pehte ho, hum se impressed ho!
Aaj humain yaqeen ho jaye kay Allah ny humain behtreen banaya hai!
Kafir kay pass zindagi ka koi maqsad nahi , is liay is he duniya may
khata peeeta hai na wo gor o fikar karta hai, na tadabbur - na uss ki
jannat na jahannum! Eat, drink, be merry!
HIGHLIGHT - ya kulu , yatamataooo , yulhihhim
Fa saufa yalamoon tu agar kal unn ko pata chal jaaye gaa aisa karne
pe tu agar aaj hum musalman iss tarah hoan ge tu hame nahi pata
chalay gaa? Pata tu chaley ga jab hum bedaar hoan ge. Hadees ka
mafhoom hai ke log so rahe hain, pata tab chaley ga jab inn ki aankh
khule gi.
Aur aankh tab khulti hai jab hum apni zuban mei kehte hain ke fulaa ki
aankh band ho gayii.
Ayah 6
kis ko keh rehay thay ? nabi s.a.w ko!
HIGHLIGHT: innaka la majnooon
aj humain kehain tu hum kyoun ghebratay hain?
Hum sub jannet kay raahi hain! aik rastay per janay walay tamaam
logon kay rastay may same milestones aatay hain. Issi tarah jannat ke
raaste mei bhi kuch milestones aate hain aik jaise, chahe wo Nooh a.s
ka ho ya Nabi s.a.w ka - sacha raasta mukhalafatoan ka hai sabar,
ilzamaat, majnoo, fanatic, bigre huey wageira wageira! agar ye
milestone na dikhein tu kuch masla hai, sahi raaste pe nahi hain!
jo log deen ke raaste mei short cuts lete hain tu bohat kuch kam ho jata
hai
Nabi s.a.w majnoo kehlaaye gaye, aaj koi kuch keh de tu khush hoan
Ayah 7
be jaa mutaalbe!
Ayah 8-9
HIGHLIGHT Ayah 9
Jab tak Allah na chahein, log iss quran ke zabar zer mei bhi tabdeeli
nahi kar sakein ge!
kisi ne baatil nazrayat ko phelaane ke liye Quran istemaal kiya tu jhat
patt khatam ho gaye
musalman iss kitaab pe amal kare tu koi isse tabdeel karne ka mutalba
nahi kare ga! Logoan ne tareekh mei sar tor koshishein kii ke kissi tarah
Quran ko duniya se badal dein.
Aik baadshah tha, uss ne itna zulm kiya, hukm diya saare Quran ke
nushay jala do. Karindoan ne yehi kiya, jaa jaa ke gharoan se aur har
jaga se quran jala diye. Aik din baadshah ko chalet huey kissi ki Quran
parhne ki awaaz aayi, gussa aaya karindoan pe ke tum sab ne mujh se
jhoot bola, tum ne kaha jala diye magar mei ne fulaa jaga awaaz suni
hai iss ki. Phir unnhoan ne kaha ke Quran ke nushay jalaane ko kaha
hai, aap ko kiya pata ke ye Quran tu iss qom ke seenoan mei hai!
Tareekh mei sab se pehle Qurra ko, hafizoan ko, deen ke muballigh
qatal kiye gaye
ke log iss kitaab ke dushman hain
Dua: Allah meri zaat, amal, soch, tor tareeqe se logoan ko Quran dikhe Ameen
Ayah 10-11
pehle majnoon, doosra yastahziyoon
na shukri ke rawayye - Nabi rahmat ban ke aata hai Allah ka deen
sikhane ke liye. Allah ke deen sikhane waale rehmat bante hian, Aalame deen, aima karam, imam masjid, hafiz, qurra hazraat ye kissi shehr
ke liye bohat bari nemat hote hain lekin log hawishoan mei hote hain tu
dushman ho jaate hain
pehle deewana mas'hoor karte hain, phir mazaaq uraate hian
ke iss se bohat se yaani mazaaq urwaane ke darr se log deen se kuch
hadd tak peeche ho jaate hain
kitni der Allah ke raaste ko chorein ge mazaaq urwane ke darr se?
Ayah 12 - HIGHLIGHT - Ayat e Tadabbur
jis tarah gosht pakte huey kisi salakh ke ander dala jaata hai, issi tarah
se quran salakhoan ki tarah ghusta aur chubhta hai kafir aur jhutlaane
waaloan ke dil mei
Quran ki mehfil mei khud ka dil check kiya karein
Dua: Allah ye Quran hamare dil ka noor ban jaaye Ameen
Ayah 13-18
Aaj kuch log sitaroan se qismat ka haal maloom karte hain jo shirk hai.
Sitaroan ko banane ke maqasad;
1) Allah Tallah iss se sheytaanoan ko bhagaate hain - 17
2) Zayyan-naha Lin-nazereen - 16- beautify kiya gaya aasmaan , raat ko
kale aasmaan pe sitaare na hoan tu kitna khauf aaye
3) Allah ne iss mei khushki aur tari ke raaste rakhe huey hain
Aap ne farmaya Iss ke ilawa jo sitaroan se qismat ka haal maloom kare,
haath dikhaaye, najoomi ke paas jaaye aur uss ki baatoan ko maan le tu
uss ne uss cheez ka inkaar kar diya jo Muhamadun Rasoolullah s.a.w le
kea aye.
40 din tak ibadat qabool nahi hoti haath ki lakeer sirf dikhaane se, ya
aisi jaga jaane se - chahe usse maneine ya nahi
Ayah 19-22
kabhie hawa, baarish, oxygen, sooraj ki roshni ka tax/bill aya ghar pe?
Duniya pe tu har har cheez ka tax lagta hai!
Aaj insaniyat ka jeena muhaal hai taxes sarr nahi uthaane dete
Allah kehte hain agar hum ne ye khazane logoan ko diye hote tu pata
nahi kiya haal ho jaata shukar hai ke paharoan aur hawaoan ke
khazane Allah hi ke haath mei hian
Ayah 23
marne pe tax nahi lekin kharche pe kaafi tax hai, jo thori qabar ki jaga
aur funeral arrangements wageira
Allah ne hamare liye kitna kuch raka
Dua: Allah hame apni qadar karna sikha de - Ameen
Ye surah Allah ki nematein dikha ke tawheed seekhaati hai, lekin log
na-shukray hote hian!
Allah zulm nahi karte kissi pe issi liye kaha;
Ayah 24
Allah ko sab pata chal raha hai, sab ke gunaah sawaab!
Ayah 25
insan ko janjhora gaya yaha tak ab aage asal dikhanyii jaa rahi hai
insaan ki;
Ayah 26
matti sarri hui, puraani ke sookhe gaare se insaan banaya gaya hai!
hama - keechar jis mei jaraseem paida hoan.
Insan ko jab banaya gaya tha tu pehle matti ko goondha gaya tha, phir
jab uss mei jaraseem yanai zindagi ke asraat paeida huey tu insan ki
shakal mei dhaala gaya.
Ayat-e Tadabbur
aaj kis baat ki akar hai mujhey?
mumkin tha insan soney se banta, jis Rabb ne paharoan ki tahoan mei
itna sona rakh diya jo abhi tak daryaaft nahi hua tu Innallaha ala kulli
shayin qadeer!
lekin agar hota tu hota kiya, kiya zameen pe sajda karta?
matti ka ban ke kitna akarta hai aur agar soney, chandi, here ka hota tu
kiya hota?
bara ban-ne ko dil chahe Allah ki baat ke muqable mei tu ye ayat yaad
kar lein!
ACTIVITY: mirror mei iss ayat ke tarjume ko likh ke laga lein urdu mei
Ayah 27-29
Allah ki shan - kamzor makhlooq ke aage itni bari makhlooq ko jhukaaya
gaya
matti ki bohat khoobiyaan hai
Allah ne insanoan ki naslein chalani thein, iss liye matti se paida kiya
matti ke wajood mei growth hai, issi liye har cheez jo matti mei jaati hai
tu aur cheezein ugti hain!
Phal ka aik bheej zameen mei jaata hai, bail ugti hai aur phir poora
darakht jo phal se bhara hota hai Allah ke hukam se!
Ayah 30-36
iman bil akhira sheytan ka bhi hai
Ayah 37-41
HIGHLIGHT - 41 - Ikhlaas ka raasta aise shakhs pe sheytaan ka bass
nahi chale gaa!
ikhlaas wo raaz hai jo farishtoan ko bhi pata nahi chalta
jis niyyat se hum koi kaam karte hain koi nahi janta Allah ke siwa
Allah ke nabi ne bataya ke sab ke saath sheytaan hai. Log heraan huey
ke Allah ke nabi aap k abhi sheytaan hai? Kaha haan lekin Allah ne uss
ko musalman kar diya hai ke wo mujhey ab burayii ki dawat nahi de
sakta!
Sab ke saath aik sheytaan aur aik farishta laga hua hai, sheytaan hame
burayi ka hukam deta hai aur farishta naiki ka Hum aik dafa farishte ki
maan lein ge tu aahista aahista farishte se dosti ho jaaye gi, phir baaqi
naikiyaan asaan ho jaati hain.
Hazrat Umer r.a se kissi ne aik moqa pe poocha ke taqwa kiya hai? Tu
kehne lage kabhie tum kisi jungle mei se jis mei dono taraf kantoan wali
shahein ho guzre ho? kaha haan , poocha kaise guzarte ho?Kehne lage
bohat daman samait ke, kaprey lapait ke, idher se udher bachte
bachaate guzarte hian. Tu kaha yehi taqwa hai!
Duniya itni haqeer aur gandi, lekin attraction!!
sheytaan ka kaam: gande ko khoobsurat karna
sabse pehle na shukri iblees ne ki, yehi karne pe insan ko maeil karta
hai!
Ayah 45-46
Allah hame inn mei kar dena - Ameen
Ayah 47-48
Baaz dafa 2 naik logoan ki bhi aapas mei nahi lagti. Tu Allah Tallah
farmaa rahe hain; Wa nazana maa fii soodoorehim.
Hadees mei aata hai ke Jannat se baahir aik nehare hayewaan hai. Allah
jab uss mei mominoan ko daalein ge tu dil dhul jayein ge. Saaf sheeshe
ke dil
Niyyat karein - Aaj apne diloan ko paak karna hai inshAllah, Bara na
shukra pan hia ke insan wo dil jis mei Allah ki muhabbat hai waha
gandagi jama rakhe.
Allah ke liye doosroan ko muaf karein. Dil saaf aur khush ho ga tu khud
mei wussat payein ge!
Allah ke Nabi ne aik moqe pe kaha ke jo shakhs idher se guzre gaa wo
jannati hai. Log soch mei parr gaye kon guzre gaa. Phir dekha aik
sahabi guzre, wazu ka paani unn ki daari se tapak raha tha. Sahabi ko
tajassus hua. Unn ke ghar gaye aur kaha kissi waja se qasam khaa
betha hoon apne ghar nahi rahoo gaa 3 din, aap meri madad karein. Uss
ne kaha shoq se rahiye . 3 din ke baad jab jaane lage tu sach bata diya
ke Allah ke nabi se aap ke bare mei suna tha tu aap ka wo amal dekhna
chah raha tha jo jannati hai. Lekin mujhe aap ke saare amal wohi
dikhein hain jo mere bhi hain. (uss mei tahajjud ka tazkara bhi tha). Tu
kehne lage bhai mere paas koi amal nahi, bus aik baat ke mei kabhie
kisi doosre momin ki koi nemat koi khoobi dekh ker dil mei hasad
mehsoos nahi karta.
Ayah 49
jo mehnat karni hai iss duniya mei hi kar lein
thori se mehnat, kitna rehna hai yaha?
Ayah 50 - Ayat e tadabbut
takraar se ye ayat
ghaffor raheem kis ke liye ALLAH swt?
jo gunah kar ke tauba kar ke palat aaye aur phir naikiyoan pe jama rahe
aur na qadri karein tu duniya o akhirat ke azaab
Ayah 51-56
shukar aur na shukri ke tanazur se qissa sunein
na shukra insan Allah se mayoos ho jaata hai, kehta hai kuch milna tu
hai nahi, yahi mauj kar loon
Ayah 57-60
Loot ki beewi peeche reh gayii!!!
Nahl - shehad ki makhi, uss ka tarze amal dikhe gaa ke faida sab ke
kaam mil ker karne mei hai! Team Work!
Ayah 1
Allah ka faisla ; hijrat ka faisla!
Makah waale sata chuke jitna satana tha, AAP s.a.w ki maut ki
tayariyaan mukammal theen, itne mojaze dekhe lekin na maane tu Allah
ka hukam aa gaya
har nabi se wada - nabi logoan mei rahe aur rawayye na shukri ke hoan
tu hijrat aur azaab ka faisla Allah swt ka
Nabi ka wajood kisi qom may rooh ke terhan hai , nabi nikal jaye tu qom
berbaad ho jati hai
Nabi ki hijrat = qom ka azaab!!!
Ayah 2
bande ko na shukri se taqwa rokta hai, Allah ki nematoan ka ehsas bhi
taqwa ki aik qism hai
phir insan gunahoan se bachta aur naikiyan karte darta hai ke haqq ada
nahi kiya
Ayah 3
haqq yaani maqsad se paida kiya
Allah ko shirk se faraq nahi parta
shirk = na shukri
Allah ka kuch nahi bigarta, nuqsan apna
Ayah4
Insan ki auqaat
Ae insan tu kis cheez se paida kiya gaya?
jis Rabb ne bolne ki taqat di, hum ussi se jhagarne lage
takabbur!!!
kabhie insan apne mohsinoan ki na shukri kar ke khair nahi paaye ga
Jo apne mohsinoan ka haq ada na karein, wo tabah o barbaad ho jaate
hain!
Ayah 5 - Ab janwaroan ki takhleeq
Poshaak = leather jackets/skin
Horaak = meat
Ayah 6
Kabhie socha ye chote janwar Allah ki chalti phirti factories hain!
aik aik cheez insaniyat ke faidake liye janwaroan mei
Sheep/bher; jism ki aik aik cheez insaniyat ko faaida de rahi hai!
Macharoan ke faaide - wabaein paida hone se rokte hain - khaas qism
ke bacteria ko kha jata hai jo otherwise hum mei beemaariyaan laata
hai!
Allah ki banayii sab cheezoan aur makhlooq mei jamaal aur kamaal aik
saath hai khoobsurat bhi aur faaida mand bhi!
Hamari banayi cheezoan mei ya tu kamal hai ya Jamaal!
Ayah 7
hamara kitna wazan uthaate hai ye gadhe, hamara masla ke hum fitrat
se door ho gaye
jo insan ki banayi duniya mei rahe ga usse insanoan se pyar ho ga, fitri
mahol mei rehne waale Allah se qareeb hote hian
Activity - open air mei so ke dekhein
Gor o Fikar ki adat dekhin, phir dekhein Allah se kitna pyaar ho gaa!
Ayah 8
bata diya aik waqt aaye ga ke kitna kuch ho ga; gaariyaan, jahaaz
wageira, Tab koi nahi aanta tha inn ke bare mei aur aaj hum nahi jaante
kal kiya kiya ban-ne wala hai - kal gadhe the, aaj gaari jahaz aur kal
hum nahi jaante kiya!!
Ayah 9
Allah hi seedhe raaste pe laata hai - lagta hai?
ird gird kitni distractions
Allah ki shaan ke sab mei se nikaal ke kitaab ki mehfil mei le aata hai
shukar karein aur dua ke jo Allah in raastoan pe laya, wo inn hi pe
chalate rakhe ameen
Ayah 10-11 - ACTIVITY: fruit chaat banate huey ya fruit kaat-te huey
ghar waaloan ko saath mila ke gor karna hai
fruits ke rang dekh ke Allah ko nahi pehchante?
duniya black and white hoti tu bore ho jaate
Allah pe gor karein har cheez mei
hame nafa mand ban-na hai - yehi shukar guzari ka aala muqaam hai
kainaat bol bol ke baa rahi hai nafe waale bano
aaj musalman manzar se hatt gaye ke kissi ke liye nafa mand nahi rahe
Ayah 12-13 - gor o fikar
khirki se baahir dekhein kitne rang nazar aate hain
aasmaan ko dekhein - kitne rang, esp jab soorajh doob raha ho
baadil urr rahe hote hain
qayamat aaye gi tu aasmaan surkh ho jaaye ga
har colour ka mood pe asar hota hai
blue = calm
green = soothing
red = emotions
skin colour = thehraao
khush ho ke kapre pehnein , shukar karein aur Allah ki raah mei aur
kaam karein
Ayah 14
sea food, pearl
shukar karna hai - sab nematein istemaal kar ke
khoob khayein, pehnein lekin shukar - Allah ko nahi bhoolna
dene waale ko bhoolein ge tu ye cheezein wabaal banti hain
Ayah 15
pahar = nails/mekhein iss zameen ki!
qayamat ke din pahar uthein ge tu zameen hil jaaye gi aur nizam talpat
ho jaaye ga
Ayah 16
Ayah 36
Apne taghootoan ko khud dhoondana hai
Ayah 37
Nabi s.a.w ke tarap ka tezkra
Log hidayat chor ke aaleeshaan zindagi bhi guzaar lein, sakoon nahi
mile gaa!
Allah farma rahe hain Nabi aap na jala karein, inn ki apni zindagi ki
maeeshat e zen he bataye ge kay yeh kis galat rastay pe hain
Cain aaj issi liye nahi hai! Maza nahi mila, na sharaab mei, na parties
mei, na kaproan mei ye miley ga tu Allah ki hidayat mei hi miley ga
aur hidayat maangne se mile gi!
Allah kehtay hain may jis ko hidyata deta ho us ko he milti hai! Allah AlHadi hai, hum qadar na karein tu wo qadar karna chor de ga.
Ayah 38 -40 aqeeda bil akhira kamzor aisoan ka!
Allah qudret wala hai pakar ke bhi deen ki taraf laa sakta hai lekin
aisa nahi kaha! Jism ke ander ka aik aik uzw khud kaam kar raha hai
Allah ke hukam se, tu berooni uzw hamare ehtyar mei aazmaaish ke liye
de diye
yeh choice ke baat hai , Allah ko us banday per piyar ata hai jo khushi
say ata hai
jo khud ko pity feel kerta howa ata hai , us ke tu shaid namaz bhe
qaboool nahi hoti, apnay dil say aye!
Allah kehte hain you are intelligent. tumhain pata hai kay tumhara kis
may faida hai, jo beshak issi raah mei hia. Aur ab agar marzi se aa gaye
ho tu qurbaniyoan ke liye tayaar raho.
Ab agay phir hijrat ki baat;
Ayah 41-42
her banda jis ko khawahish hai jannat ki, us ko mushkilaat say guzerna
peray ga
jo pressure berdasht nahi ker sakta wo precious nahi ban sakta!
hum sub carbon hain, humain pressure berdasht kerna hai tu diamond
ki tarah precious banein ge.
hidayat kay rastay may hijret sab se bara milestone hai
Aik buzurg thuk gaye tu kaha, aye dunya , may ne tujhay talaq di, mei
tujhey teen tallaqein deta hoon, tu mujhay chor day!
Agar deen ke raste mei sab hamari marzi ka ho tu deen bin nafs kiya
hai? Phir kon nahi kare gaa? Deen ka raasta saree zindagi ka phase hai,
mushkilaat ka safar!
aaj ki masjid e nabwi koi dekh ker assume nahi ker sakta kay jub barish
hoti thee tu 3 days tuk pani tapakta rehta tha hamare paas tu aisi koi
kami nahi haan na-shukri zaroor hai! Asal kaam shukar hai
Allah swt paak kertay hain mushkilat say
Munafiq pe mushkil aaye aur wo ilam se nikal jaaye tu wo Allah Tallah
islam ko aise logoan se paak kar rahe hote hian.
Sirf inspiration say kaam nahi hoga , sabar or mushkil k liye tayyar ho
jayye
kuch to azzmaish ay gi
Ashaab-e suf mei the Abu Huraira r.a bhook pyaas sab bardaasht ki
deen ke liye!!
Kuch log nabi saw k saath 23 saal say thay , woh utna na ley sakay jitna
3 saal main Hazrat Abu Huraira r.a nay le liya aur aaj Ameerul
Momeneen fil Hadees hain!
Ae Allah mujhey ilm dost bana de Ameen.
tawakkal , hijrat main sabar ki zaroorat
Aaj dora e quran ker rahay hain hum , aaj nisf tak pohchay hain , agay
bhi barhay gai , lekin asal baat hai k is k baad humara shoq or jazba
kaha jay ga
Allah nay subul as salam ki shakal main humaray liye moqa diya hai ,
pehlay say hum planning ker lein
Ayah 43-44
Kitne badqismat log jo Allah k nabi say taleem nahi letay hain
Inn ayat mei Allah ke nabi ustaad ke roop mei dikhte hain
Nabi saw k paas kitney log thay, lakhon ki basti magar chand 100 k
ashaab e suffa hi thay deen thore logoan se shuru hota hai.
1, Waldain 2,Ustaad .... in do ki jo izzat nahi keray ga , woh kabhi bhi
agay izzat nahi pa sakay ga
Nashukri nahi , ustaad o waldain hain to un ki izzat ker k shukar guzar
banein
Ayah 45-47
main Ayaat e Tadabbur
3 mukhtalif qisam k azaabon ki kaifiyat bata di; asman say , neechay
say aur kerwaton say
Kon apnay aap ko itna bara samjhta hai , Allah k azaab k agay ?
Allah hum ko haqq ki mukhalfat say bacha, nashukri say
Ayah 48-50
Itnay piyaray Rabb ko chor k logon ka mamla agay bataya ja raha hai ab
Ayah 51
Aik ho ya 1000 , Allah ka kisi bhi taarha shareek na banao , Allah wahid
hi hai
Ayah 52-55
Dukh hota hai kitna ziyaada jab mushkil ay hui ho , jaisay hi mushkil
khatam hui to Allah ko bhool gay
Mushrikeen ka amal tha yeh, sochte the bazurgh jab faut ho jata hai tu
Allah se dosti ho jaati ahi aur kaamoan mei nadad karwaate hain
naoozubillah!! Phir unn ki qabr pe charhawe charhane jaate
Kehte har nemat unn ki dein hai jink o Allah ke saath shareek karte the.
53 ... HIGHLIGHT; Wa ma bikum minnaimatim fa min Allah
54- Shirk bil tasarruf
Main topics till now ; Allah ki nashukri , waldain ki nashukri , ab agay
olaad ki na shukri
Ayah 56-60
Beti ki paidaaish , is ko bura samjhna insaan ki dil ka bukhal
Aaj bhi log beti ki paidaaish p khush nahi hotay , abort kerwa detay
hain pehlay hi
Nabi saw ka rawayya dekho k kaisa tha apni betiyon k saath
kitna pyaar tha fatima ra say
un logon ka riwaj : kay aik lerki ke shadi ho aur saas ka inteqaal ho jaye
tu sochtay kay yeh lerki manhoos hai aur maa ko kha gai , 2. phir ager
pehli baiti paida hoti tu talaaq day ker torture kertay
Sab Allah ka hai yeh soch k khashyat nahi ati kia ?
logon ki factories or business say impress hotay ho , magar Allah ki to
aik makhlooq poori factory hai
Sirf aik zaat hai jo hum say har haal main muhabbat kerta hai , Allah AL
wadood
Sachi mwahid wo jo Allah se darne waala bhi ho!
Ayah 61 - 62
HIGHLIGHT .... 62 Anna lahumunnaaar wa annahum mufratoon
Allahumma la taj'alna minhum - Aameen
Ayah 63-64
Mujhay lagti hai yeh kitab rahnuma hidayat ?
Ayah 65- Qudrat ki nishaniyaan
Sunnay walay sirf kaan say nahi dil say
Ayah 66
Ghor kerain doodh kaisay saaf shaffaaf milta hai itni gandgi main say
bacha k
khoon ki ragain bhi hai , pishaab ki nalian bhi usi main hain , gobar say
ladi hoti hai bhens , lekin doodh ! SubhanAllah safaid bilkul clean
Rabbana ma khalaqta haza batila, subhanaka faqina azabannar.
Activity: doodh kay dabbay per sticker chipka dain aisa jjumla likh ker
kay Allah yaad aa jaye
Allah itni saaf nemat detay hum ko , hum is ko ley k kitnay ganday kam
kertay hain
Ayah 67
Sharaab ka mozo pechay 3 bar guzar chuka hai
yeh pehla ishaara tha sharab k haram honay ka, aqalmand sahaba foran
samajh gay thay ke sharaab haram hone waali hai
TU Jab sharaab pee nahi sakte tu na bana sakte hain, na bech sakte
hain!
An Nahl ka aik or message; pakeezgi , safai kerna khud ki
Ayah 68-69
Kia hum ko shehaed acha lagta hai?
Hadees mei aata hai 2 cheezoan mei shifa hai, shehad aur Quran, dono
ko laazim pakro.
Honey bees main;
*Planning
*Team hoti hai , aik malka, baqi workers destination aur kaam aur
raaste set hotey hain
* Aik shahd ki makhi 50 000 miles chal k jaati hai ras lenay aik tsp
shehad banana ke liye
* Kuch makhiyan chajja banati hain mom se, kuch sanchay bana k phir
us main aik aik drop dalti hain
phir dosri team us k ooper cap laga deti hain
kuch bees thanda kerti hain us shahad ko hawa dey k
kuch bees aik boundary banati hain ta k doosray keeron say bachain
"Aik spoon honey ka itnay marahil say guzar ker milta hai "
Ayah 70 - 71
Kia tum mulazmoon ko apni aadhi jaydaad dey daytay ho ?
to Allah ki hasiyat kaisay kisi or ko detay ho?
Ayah 72
hafada = pota
Only grandmothers HIGHLIGHT . 72 ... Hafadah : )
Batil; Materialistic
Ayah 73
Islam A to Z
Shirk sheen raa kaaf
Shirk = shirakat , partner ship Mushrik kehta hai Allah tu hai lekin
saath koi doosra bhi hai, zaat mei, siffat mei, koi madadgaar hai!
Wo kaam jo sirf Allah kar sakta hai, uss ko Allah ke saath kissi doosre
ke naam pe kar dena shirk hai!
2 baree qismain , shirk e akbar , shirk e asghar
-shirk - akbar : Allah kay sath kisi ko bhe shamil karna , khulla shirk
Allah ki aboobiyat, aloohiyat aur asma o siffat mei kissi zinda, murda,
jaandaar aur be-jaan ko Allah ke barabar karna!
Shirk-e akbar ki 3 qismain :
-shirk fil ilm
Allah jo kuch janata hai , koi dosra bhe janta hai , kisi buzurb , peer ,
wali ko yeh pata chal jaye kay kon kia ker reha hai , yeh shirk e akber
hai
Allah kay baray may kisi ka yeh sochna kay may door baith ke kisi ko
pukaron ga tu wo meray samnay aa jaye ga tasawwuf.
2 . shirk fil tasaruf
sarafa say : apna hukm jaree kerna
koi yeh samjhay kay koi wali etc kay pas yeh eikhtyar hai kay wo kisi ko
mar day ya zinda kar de ya kuch day day , yah kuch rok day maslan rizq
wageira
3. shirk fil ibaadaat
jo Allah kay liay ibaadet hai wo kisi aur kay liay kerna
maslan , uskay naam ka qayaam, roza, namaz, uskay gher kay taqaf,
uskay liay qurbani , manatain , us ke chokhat kay agay duain mangna ,
sub say berh ker wahan ja ker unsay dua mangna. Hadees mei aata hai
ibadat ki behtareen qism dua hai.
-shirk e asghar : (shirk-e khafi)
shirk akber jaisay kisi ko heart ke disease ho jaye aur shirk e asgher
kaisi ko cancer ho jaye
aisa shirk jis ka bazahir shirk hona wazeh hi na ho aisa shakhs baaz
dafa galti se, baaz dafa la-ilmi se aise karta hai, baaz dafa us ko pata he
nahi chalta
1. qoli shirk, zaban say maslan gair Allah ki qasam khaa lena Daleel:
Tirmidhi 1135,
Gair Allah ki taraf nisbat rakh ke naam rakhna, maslan Abdul Uzzah,
Peeran ditta, nabi bakhsh, kaneez Fatima, Daleel: Abu Daood, Ibne Maja
Ayah 77
Allah hi humaray sub ghamm door keray ga, ussi se lau laga lein!!!
Ayah 78 Poori surah mei Allah, Allah, log phir bhi kyoun haqq ada nahi
karte?
apnay bachpan ko , paidaish ko zehan may rekhain.
kis liay diya sub? takay shuker kero Allah ka, Allah ko naraaz karne ke
liye nahi!
Ayah 79 Allah insan ke saath saath parindoan ko bhi thaam huey hai
iss kainaat ki har she ki tarah nahi samjho ge?
Ayah 80 81 - Home sweet home
Allah naimet day laikin Allah ke nafermani na kerain naimet paa ker
Allah insan ko nemat dete hian, aur insan mei nazakat aur takabbur aa
jaata hai. Sardiyoan, garmiyoan ke kapre alag alag Allah ne diye kiya
garmiyoan ke kaproan mei khud ko sahi se chupaate hian?
Sab pehnein lekin haqq ada kar ke, jaisey Allah ne hukam diya!
Nematein milti hain taake hum farma bardaar ho jayein. Ae Allah
humain muslim bana day, Ameen.
HIGHLIGHT Ayah 83 Ayat e tadabbur
Ae Allah hame aise logoan mei na karna, Ameen.
Mei nemat ko pehchaan rahi hoon Allah ki?
Unn se phir munkar tunahi hoti? Na shukri tu nahi hoti?
naimet may sub say baree naimet = Quran, isse pehchaan tu liya, inkaar
tu nahi karte iss ke ehkamaat se?
Ayah 84-88 Qayamat ke din ke muamalaat medaan e mahshar mei
shirk karne waaloan ke saath! shirk ke qismain zehan may rekhain
kia hoga us din jab aik doosre ko bura bhala kahein ge log Allahumma
La Tajalna Minhum Ameen.
Ayah 89 Allah ke Nabi s.a.w qayamat ke din medaan mei bulaaye jaa
rahe hain!
Kitni hoobiyaan hai iss kitaab ki!
Ayah 90-93
Usman bin Mozzoom iss ayat ko sun ker musalman huey the aur Umer
bin Abdul Aziz ne iss ayah ko jumma ke khutba mei shamil kiya tha Jo
musalman bhai har jumma ko namaz se pehle ye ayat sun kea ate hian,
aaj unn ke muamale kaise hian! Samajh na aaye tu baat ooper se guzar
jaati hai!
90- 3 cheezoan ka hukm aur 3 se roka gaya
yeh commitments nibhanay per hai kay waday kerkay toro nahi
92- aise ki misaal jo naikyaan kare aur zaya kar de - kehte hain Makkah
mei aik deewani aurat thi, saara din charkha kaat-ti, dhaage ban jaate
tu sham ko sab kaat deti yaani apni mehnatoan ko zaya na karo aur
khaas tor se wade kar ke toro nahi!
kuch log mehnat kerkay naiki kertay hain phir apnay he amaal say usko
khatam ker daitay hain
Ayah 94-96
Ayah 96 - Ayat e tadabur - HIGHLIGHT
Kiya kuch hai hamare paas? Maal, daulat, ghar, job, status, carrier
Allah keh rahe hian ye sab khatam ho gaa!!!
Wama endallahi baaqin = Baqiyat- us Sualehaat! Baaqi rehne waali
naikiyaan! Aur Allah swt ki marzi!
Haan ye mushkil tu hai lekin bata diya ke sabr karein aur behtareen ajar
milein ge!
Ayah 97 koi gender discrimination nahi! Shart bus ye hai ke momin
hoan!
HIGHLIGHT - fala nuhyeyannahu hayatan tayyaiba
Duniya mei pakeeza zindagi! Gandagi door, gandi mehfelein door, gandi
sochein door
Ayah 98
jub naiki kernay lagay tu shaitan rajeem se Allah ki panaah maang lo ke
jab naiki karne lagein, tab tab wo paas aaye ga.
Quran ke safar mei kasrat se taooz parha karein!
Ayah 99 -102
Puhta ho raha hai imaan?
Ayah 103 - Allah apne nabi ko tassalliyaan de rahe hain. Nabi ked or mei
log negative comments dete the haqq ko dek ker! Ye na kaha karein
kaash hum nabi ked or mei hote, abu jahal bhi tut ha tab. Asal nabi ke
muhabbat mangiye, zindagi ke har muamale mei, tareeqoan mei
sunnatoan aur zaat ki!
HIGHLIGHT- Ayah 104
Ae Allah hame maan-ne waala bana de, Ameen.
Ayah 105 107 - phir na shukri ki baat
Kufr: akhirat ke muqable mei duniya ki zindagi ko foqiyat dena! Aur na
shukri!
Ayah 108 110 HIGHLIGHT; mim badehaa
Hum kehte hain min qable ke na hijrat karein, na sabr karein,a jihaad
karein Allah hame pehle hi bakhsh de!
Ayah 111 kissi pe zarra bhar bhi zulm nahi kiya jaaye gaa!
Ayah 112 - 113- ab aik Makkah ki basti ki misaal, lekin apna shehr
zehan mei rakh ke sunein
Jis nemat ka hum shukar nahi kerain gay woh hum say chin jay gi,
kufraan-e nemat!!!
Ayah 114-117 phir shukar aur tayyab 114
Bata diya ke duniya mei sab halal sawaye 4 cheezoan ke!
Allah hame duniya ke dhokoan mei laa ker akhirat ke azaab ka shikaar
na kar de Ameen.
Ayah 118 - Yahood ke baat ...pahlay surah maida aur surah al anaam
may ziker howa inka
Ayah 119