Professional Documents
Culture Documents
Mula sa pagtatagpo ng kanilang mata ay nagsimula na ang isang mahiwagang pag- iibigan.
Tila wala nang paglagyan ang kanilang umaapaw na kaligayahan. Tila walang katapusang
pagmamahalan.
Isang hapon, nalaman ng ama ni Agat ang tungkol kay Nagong. Pinagbuhatan siya ng kamay
ng kanyang ama. Biglang dumaloy ang luha sa mga mata ni Agat at tinanong ang anyang ama,
Ama, ang umibig ay kasalanan ba? Ako baga kay Nagong di na liligaya? Inalipusta ng kanyang
ama si Nagong at hindi man lang pinagbigyan ng pagkakataon ang binata na maipahayag ang
kanyang tapat na pag- ibig para kay Agat. At kinulong ng ama ang kanyang anak sa kanilang
tahanan at mahigpit nitong binantayan mula umaga, tangahali hanggang gabi.
Paghiwalayin man si Nagong at Agat ng pagkakataon, pilit pa ring uusbong ang kanilang
pagmamahal sa isat isa. Sabi nga nila, kung ang pag- ibig ay totong tapat, handang suungin ng
lahat ang anumang humarang sa kanilang pag- iibigan kahit itoy humantong pa sa kanilang
kamatayan.
Isang gabi ay nag- isip si Nagong ng mga hakbang upang mailigtas si Agat. Hangad na
tuparin ang kanyang mga balak, siya ay tumungo sa tahanan ni Agat. Sa kanyang landas,
nakasalubong niya ang ina ni Agat. Ibinalita ng ina na nawawala si Agat sa kanilang tahanan.
Kaya biglang naghanap si Nagong sa kanilang bayan. At humingi ng tulong sa kanyang mga
kaibigan upang mas madaling mahanap ang dilag.
Muli ay nagsama silang masaya. Hawak- kamay nilang hinarap ang lahat ng unos sa buhay
kahit gaano man ito kahirap.
Ngunit, sadya nga sigurong mapagbiro ang tadhana. Si Agat ay dinapuan ng isang matinding
sakit. Hindi naglaon, hindi na nalunasan pa ang kanyang sakit at tuluyan na siyang lumisan.
Ilang araw ring pinaglamayan ang kanyang katawan sa kanilang tahanan. At ang pangyayaring
ito ang nagdulot kay Nagong ng matinding kalungkutan.
Mula nang inilibing sa Agat ay wala na siyang ibang ginawa kung hindi ang bantayan ang
puntod ng kanyang abang minamahal. Hanggang dumating ang araw na napabayaan na niya
ang kaniyang sarili at nagkasakit. Hindi rin naglaon ay tuluyan na rin siyang namaalam at
inilibing ang kanyang katawan katabi ng puntod ni Agat.
Ang pook na kanilang pinaglibingan ay naging ilog pagdaan ng panahon. Ang nasabing ilog
ay simbolo ng dalawang pusong nagmahalan ng tapat at tunay. At ito ang pinagsimulan ng
TINAGONG- DAGAT.
Hindi naman lahat ng nabanggit ng may-akda sa alamat ay totoo. Sapagkat itoy nagbibigay
representasyon lamang sa maaaring pinagmulan ng Tinagong dagat sa Lambunao, Iloilo.
Ang masasabi kong totoo sa alamat na aking nabasa ay ang pagkaroon ng ilog sa kinallibingan
ng mag-irog. Hindi naman kasi ito imposibleng mangyari. Oo, kapanipaniwala ito dahil pwede naman
itong maipaliwanag gamit ang siyensya.