O RAHA

Cipt. Moses La Kahya

Voc. Novita Andayana

O Raha liwuku mokesa

Nokokila ne powura
We tugu nontaleamo
Karameno sea-sealo
Marintano mie mopande
Meintarano liwu tutura
O Raha liwuku mo kesa
Inano liwu Kabupaten Muna
Damiarae sepaliha
Soka poliwu hamani
Da dhumagani sepaliha
So anahi mburu maino
O Raha liwuku mokesa
Nokokila ne powura
We tugu nontaleamo
Karameno sea-sealo
We tugu nontaleamo
Karameno sea-sealo
 TONGKUNO
Cipt. Moses La Kahya
Voc. Ebet

Tongkuno liwuno bharakati

Witeno Wuna kalentehaku
Asumulimo amowanu liwuku Raha
Rampahano Raha kalembohano reaku
Tongkuno liwuno kodharati
Witeno Wuna liwunto bughou
Asumulimo amarintangi liwuku Raha
Rampahano Raha kalembohano reaku
Lahae-lahae mangkafino pogauno kamokulahi
So marintano nsaidi hende bughou
Da sumabara da kumapihi so kadadiha
So karunsaha gholeo mburu maino
Tongkuno liwuno kodharati
Witeno Wuna liwunto bughou
Asumulimo amarintangi liwuku Raha
Rampahano Raha kalembohano reaku
Lahae-lahae mangkafino pogauno kamokulahi
So marintano nsaidi hende bughou
Da sumabara da kumapihi so kadadiha
So karunsaha gholeo mburu maino
Da sumabara da kumapihi so kadadiha
So karunsaha gholeo mburu maino
 O TAMPO
Cipt. Moses La Kahya
Voc. Novita Andayana

O Tampo napabhalano
Ne watumo witeno kalentehaku
No ponogho bharakati ne Kakawasa
Sampe mate Tampo mina limpuhanea
O Tampo napabhalano
Ne watumo witeno kalentehaku
No ponogho bharakati ne Kakawasa
Sampe mate Tampo mina limpuhanea
Ihintumo bhasitie mosi-mosirahaku
Do seise mana so kaetaha no liwu nto ini
Witeno Wuna ntiarasi
Tampo miina limpuhanea
Ne watumo kalembohano reaku
 DOPOKANSILO
Cipt. Moses La Kahya
Voc. Moses La Kahya

Kapusuli fato wala

Do tei ane kamba-kamba
Pakatandahano lalo
Do powise pokansilo
Kapusuli maighono ne poraeku
A fewonoe no wondu
Alono aitu alono sanini
Fekiriku nengkolimo
Ane ae mbali manu-manu
A humoromo ne anoa
Ane ae mbali kulipopo
So saehano de mpali-mpali
Kamboi ntana sepaku kaasi
No rae angko laloku
Laloku na tumondumo kaasi
Gauku da po owa sampe mate
 KAPUSULI KADEA
Cipt. -
Voc. -

Lima taghu inodi ae ntagi

Minamo bhe suramu maino
Feki-fekiri laloku
Naefie ihintu o sumuli
Lima taghu inodi ae ntagi
Ae ntagiko sampe o sumuli
Nando a runsae kapusuli
Welo kamara ini a moisa
Koe sundu inodi
Koise tora fekalea laloku
No ndawu luuno mataku
No wara ne bhagaku
Nae fie ihintu o sumuli
Nooho kapusuli kadea
Ni runsaku we kandulua
Sadhia a wonoe
Sadhia a pake