Professional Documents
Culture Documents
Mallurang kitta
Mappadongki tupanrita.
Akkuta’nangko riguru
Anjoreng mintu.
Poko’na bissimillaya.
Bissimilla ri poko’na
Rokkong tallua
Sikkiri’ kale’bakanna.
Tunrung sikkiri’minaung
Raga—raga sambayang
Nanu jarreki
Rikaraeng tannicini
Sombaji nai’
Lanicini’jintu sallang
o…karaengku batara
Pakajarreki Tapakku
Ripanynyo’rina
Nia’ karaeng
Nisuomba takacinikang
Singara’napa alloa
Lapammumba
Manna kusangnging
Rigantengang tallasa’nu
Mateko sallang
Mangka nukana
Teamo sassa’lalangku
Sassa’lalang makontua
Lamammoterang
Nasikalijaki toba’
Boyai ri lompobattang
Sanggenna bawakaraeng
Nugappamintu
Karaeng simemangnganna
Laniama’mi linoa
Lani pilei
Lamungang lamattimboa
Rikaraeng nisombayya
Rilase’rena
Tenanggannakintu rua
(kul huallahu ahad…)
Ero’jakonjo
Kamaseang nainakke
Tujuammeng montu
Turianjo bari’na
Naikatte napasangngi
Manna tappasang
Kalamange memangtongki
Bayang-banyangku rije’ne’
Tontongangku ricarammeng
llalang mintu
tallsa’ tenammatea
b. Syair yang Bernuansa Syari’ah atau ibadah dan muamalah
Sambayang ya’bayang-bayang
Ruai nata’bayangngi
Se’re suruga
Se’rentama rinaraka
Assambayangki rilino
Pakajai amala’nu
Mateko sallang
Nanu sassala’ kelennu
Assambayangko nutanjeng
Pakajai amala’nu
Nania’ todong
Bokonnu allo riboko
Ngapa nuteassambayang
Nasambayang nubattui
Makaruana
Singara’nai tubua
Taua punassambayang
Suruga nakella-kella
Inakke ia
Pangngamaseang kutayang
Punnammentengkossambayang
Kere tareka nupake
Nani pattantu
Assami nitarimana
Sambayanna tasawea
Su’ju’na sakoroloa
Eroki toba’
Nani lumba rimatea
Ia junnu’ ia sada’
Ia nikana satinja
Ia nikana
Pannagkasi batang kale
Boyai rikalukua
Rikalongkong ta’ge’noa
Llalangmintu
Siki’dia namalla’bang
Kamaseaji A’la’ba’
Tunayyaji a’guliling
Tinggi langgaya
Nacalla paranta tau
Kupauang jakontua
Parentaya kannemae
Lalang bibangang
Punna tena pangngadakkang
Pangngadakkang nabaji
Timbangang sikamma-kamma
Baji rikatte
Namakanang ri rapanta
Pa’risi’na kamasea
Simpunna kasiasia
Manna ce’laya
Kukangkang mala’ba ngaseng
Lango-langopi alloa
Bo’dompi lekotta’bua
Lampa tasungke
Sura’na lolo bangkoa
Lolobangkomi ianu
Jappo’mi lappa’ lipa’na
Matayang guru
Manna santari tania’
Kupanaiki riballa’
Kubuntuli ripakke’bu’
Punna santari
Anneteng kitta’ kurangang
Barasanjipa kumbaung
Kittappa kumammuriang
Baca kurangang
Angngentengang sambayangku
Ronrongsai tuttintroa
Tutasselaka matanna
Nana entengang
Sambayang lima waktua
Sitaungminne lampanu
Tenamemang kjabara’nu
Manna pasannu
Pappikatunnu tania
Sangnging pasang-pasangmami
Sangnging pappikatumami
Kerepi allo
Nania batangkalennu
Napikatuiki sallang
Sibilangngang patampulo
Naku poterang
Te’ne tuju bilangnganna
Pa’ri’-ps’risi’tubalu
Pa’risangngang tusipela’
Pa’risang pole
Tusitanring tasicini
(rindu pada tunangan)
Sikatutuiko bunting
Sipaingakko matoang
Sakalakintu
Poteranna maloloa
Sikatutuiko tope
Nusisassa mole-mole
Nuranrang beru
Nuranrang sikala’leang