a.

Syair yang Bernuansa Aqidah

Battu lauminjo mae

Biseanna kareng Makka

Mallurang kitta

Mappadongki tupanrita.

Akkuta’nangko riguru

Santari beru angngaji

Anjoreng mintu.

Poko’na bissimillaya.

Bissimilla ri poko’na

Salawa’ tangke lompona

Rokkong tallua

Sikkiri’ kale’bakanna.

Tunrung sikkiri’minaung

Raga—raga sambayang

Nanu jarreki

Kananna anrong gurunta

Teaki lanre mannyomba

Rikaraeng tannicini

Sombaji nai’

Lanicini’jintu sallang
o…karaengku batara

Pakajarreki Tapakku

Ripanynyo’rina

Simpung paccobana lino

Nia’ singara’ mammenteng

Nia’ sassang kalengukang

Nia’ karaeng

Nisuomba takacinikang

Singara’napa alloa

Intanna bulang berua

Lapammumba

Nasangka’ bonena lino

Kadde’ linoja simata

Tenaja allo riboko

Manna kusangnging

Loni tangngapa tongi

Boya memangmi rilino

Rigantengang tallasa’nu

Mateko sallang

Nanu sassala’ kalennu

Kukana memangja nakke/talatangku kana memang

Sassa’ lalangki riolo

Mangka nukana

Teamo sassa’lalangku

Sassa’lalang makontua

Mangka naimo kutadeng

Lamammoterang

Nasikalijaki toba’

Boyai ri lompobattang

Sanggenna bawakaraeng

Nugappamintu

Karaeng simemangnganna

Laniama’mi linoa

Lani sirimi bonena

Lani pilei

Lamungang lamattimboa

Apamo sallang nakana

Rikaraeng nisombayya

Rilase’rena

Tenanggannakintu rua
(kul huallahu ahad…)

Sampabg se’re se’re tonji

Sampang rua pela’ se’re

Ero’jakonjo

Rua tallu pas’risi’nu

Punna nia kantu mange

Kamaseang nainakke

Tujuammeng montu

Turianjo bari’na

Battu pasanna anjayya

Naikatte napasangngi

Manna tappasang

Kalamange memangtongki

Bayang-banyangku rije’ne’

Tontongangku ricarammeng

llalang mintu

tallsa’ tenammatea
b. Syair yang Bernuansa Syari’ah atau ibadah dan muamalah

Sambayannu alle lipa’

Poasanu alle baju
Nutanna kanre
Bambang pepe’na naraka

Sambayang ya’bayang-bayang
Ruai nata’bayangngi
Se’re suruga
Se’rentama rinaraka

Assambayangki rilino
Pakajai amala’nu
Mateko sallang
Nanu sassala’ kelennu

Assambayangko nutanjeng
Pakajai amala’nu
Nania’ todong
Bokonnu allo riboko

Ngapa nuteassambayang
Nasambayang nubattui
Makaruana
Singara’nai tubua

Taua punassambayang
Suruga nakella-kella
Inakke ia
Pangngamaseang kutayang

Punnammentengkossambayang
Kere tareka nupake
Nani pattantu
Assami nitarimana

Sambayanna tasawea
Su’ju’na sakoroloa
Eroki toba’
Nani lumba rimatea

Sambayang lima waktua

Lima singara’ naerang
Lima cahaya
Nakimbolong singara’na
Apa lanupare’ bokong
Bokongnu mange rianja
Tena maraeng
Sambayang lima waktunu

Apa nuboya ri Makka

Nukunjungi ri Madina
Punna sambayang
Sarea’najintu rate

Kere junnu’ kere sada’

Kere nikana satinja
Kere nikana
Pannangkasi batang kale

Ia junnu’ ia sada’
Ia nikana satinja
Ia nikana
Pannagkasi batang kale

Se’re junnu’ se’re sada’

Se’re nikana satinja
Naia kija
Annangkasi batangkale.

Napasseng nalain junnu’

Lain nikana satinja
Nase’rejantu
Poko’na napassuluki

Laji baji’ niboya

Siki’dia namalla’bang
Kala loea
Manna kale tanna tutu’

Boyai rikalukua
Rikalongkong ta’ge’noa
Llalangmintu
Siki’dia namalla’bang

Anak tinromako naung

Sitinroang sumanga’nu
Mata ti’do’do
Pa’lungang manakku tommi
Anak teako malanre
Nikatuo kasi-asi
Lompoko nai’
Nanubalasaka te’ne

Amma’ teaki malanre

Akkatuo ca’di-ca’di
Lompopa sallang
Naku balasakki te’ne

Te’ne ngasengmi taua

Rayangngangku laukangku
Inakke mami
Ritangnga kamase-mase

Kamase memang ammakku

Tuna memangi menggeku
Battu inakke
Poko’na kasiasia

Kale-kalengku rimmakku (riamma)

Kulajammeng tonja pole
Inai mami
Lassambeanga kamase

Kamaseaji A’la’ba’
Tunayyaji a’guliling
Tinggi langgaya
Nacalla paranta tau

Lampapa nai’ riballa’

Kukkuta’nang pangngatorang
Antei kamma
Parentaya kannemae

Kupauang jakontua
Parentaya kannemae
Lalang bibangang
Punna tena pangngadakkang

Pangngadakkang nabaji
Timbangang sikamma-kamma
Baji rikatte
Namakanang ri rapanta

Inakke pungku lajammeng

Kupauangi ammakku
Nanngarru’ memang
Naku cini’ pa’risi’na

Pa’risi’ anteko kamma

Simping anteko kamua
Nuerokkamma
Nijuluang pa’risi’nu

Pa’risi’na kamasea
Simpunna kasiasia
Manna ce’laya
Kukangkang mala’ba ngaseng

La’bako punna lala’ba

Jai ce’la rirungkeke
Jai pakkacci
Ritompo’na lemo-lemo

Lango-langopi alloa
Bo’dompi lekotta’bua
Lampa tasungke
Sura’na lolo bangkoa

Lolobangkomi ianu
Jappo’mi lappa’ lipa’na
Matayang guru
Manna santari tania’

Kupanaiki riballa’
Kubuntuli ripakke’bu’
Punna santari
Anneteng kitta’ kurangang

Barasanjipa kumbaung
Kittappa kumammuriang
Baca kurangang
Angngentengang sambayangku

Tau tinro tea ronrong

Teambangung karo-kao
Lappassang tommi
Sijappokang pa’lunganna
(orang malas)

Ronrongsai tuttintroa
Tutasselaka matanna
Nana entengang
Sambayang lima waktua

Sitaungminne lampanu
Tenamemang kjabara’nu
Manna pasannu
Pappikatunnu tania

Sangnging pasang-pasangmami
Sangnging pappikatumami
Kerepi allo
Nania batangkalennu

Napikatuiki sallang
Sibilangngang patampulo
Naku poterang
Te’ne tuju bilangnganna

Nakana monne taua

Te’neminne kumakkelong
Pa’risi jantu
Simpunji kusaliori

Pa’ri’-ps’risi’tubalu
Pa’risangngang tusipela’
Pa’risang pole
Tusitanring tasicini
(rindu pada tunangan)

Jammeng memang mate memang

Punna mata nituruki
Mataya jintu
Biasa pa’lingu-lingu

Jai bontoeng rilangi

Jai kassi ritamparang
Jaiang pole
Tumappa’linga-lingaya

Punna nia’anging battu

Manynyalinrung rituka’nua
Teako tappa’
Tulappa’loanang jintu

Kucini’ bella nabombong

Kuseppe’ namarawanting
Battua mange
Garoppo toana mami

Punna tea tutoana

Tea tompaki nabaji
Nai laero’
Nimintuang tanningai

Sikatutuiko bunting
Sipaingakko matoang
Sakalakintu
Poteranna maloloa

Sikatutuiko tope
Nusisassa mole-mole
Nuranrang beru
Nuranrang sikala’leang