Wat muneh bebandung sai ngisi lehot atau amanah, hal-hal sai bekhkaitan jama

pembangunan fisik khik mental, ti ucak ko bebandung amanat. Sedangko bebandung

sai ngisi cukhahan pekhasaan hati nekham, mecoh ko masalah sai tihadapi khik sai
tiguaiko debingi ngediyo (bingi sai jemoh ni tilaksanako bugawi adat), tiucakko
bebandung kediyoan. Bebandung wat sai bebentuk wewakhahan. Misalni sanak
lamon sai mucukik khik lainna.

Waktu ni ti ucakko bebandung

Bebandung tiucakko pas acakha nayuh, ngingokko khani-khani balak islam, pas
kumpul keluakhga balak, khik pas busunat, khik lainna.

Cikhi-cikhi bebandung yakdo antakha lain:

1. Biasani tiap bait tekhdikhi anjak 4 (pak) bakhis

2. Pas bait pekhtama wat muqodimah (pembukaan)
3. Ngisi lehot/amanah, nasihat-nasihat agama atau ya masyarakat
4. Khumus sajak ni a-b-a-b (sajak silang), ngedok irama/nada minor
5. Sunyin bakhis dilom bebandung yado dia isi ni/lehot sai haga ti sampaiko

Berdasarko isina, bebandung seno ngedok fungsi yakdo sebagi berikut:

1. Dilom bebandung terkandung ajaran agama islam sai berhubungan jam situasi
kehukhikan umat islam. Pengamalan ajakhan agama seno wat sai makung
sesuai jama hukum agama islam ulih terpengaruh kebiasaan atau kepercayaan
sai lain islam. Pembacaan bebandung sinji diharapko pengalaman sai kelikhu
seno dapok titinggalko atau mawat tilakuko lagi, khik pengalaman sai sesuai
dapok lebih titingkatko. Dengan demikain, pembacaan bebandung baik pakai
dikhi tenggalan ataupun pakai masyarakat dilom suatu pekhtemuan seno
berfungsi religius.
 2. Bebandung biasana dibacako khik dinyanyiko tanpa ti ikhingi jama alat musik
sebab isina bekhupa pesan-pesan religius. Pembacaan bebandung sinji juga
dapok ngeningkatko apresiasi seni masyarakat lappung pubiyan. Khasa cinta
masyarakat tekhhadap kesenian daerah khik nengisko bebandung bakal dapok
ditingkatko.
3. Puisi bebandung, baik isi maupun cakha penyampaianna bekhkaitan jama segi
kehukhikan masyarakat beragama sai lamon menyingkap kebenokhan. Ulih
sebab seno kegiatan ngebacako bebandung dapok ngebendung pengaruh
budaya asing, sai wat di era globalisasi sinji khadu ngegrogoti budaya
tradisional.

Ngebaca bebandung jama lafal khik intonasi sai tepat:

Disetiap khang, intonasi atau nyanyi sai ngikhing cawa pas ngebaca bebandung bida-
bida, bida dialek, bida muneh intonasi ni. Ajo salah sai contoh nyanyi atau intonasi ni
bebandung.