DILI–Bispu Dioseze Dili, Dom Virgilio do Carmo da Silva, SDB hateten atu lori

dezenvolvimentunasaun TimorLestepresiza iha paz, harmonia no dialogu neebe efetivu

husi povu liliu juventude neebe sai futuru ba nasaun no igreza.
Ba dahuluk nafatin apela ba foin sae sira atu respeita malu karik akontese buat ruma iha
sosiedade nia laran ita nudar Timor oan buka malu halo dialogu hodi buka solusaun ba ita
nia problema laos ho dalan krime nian”. Dehan Dom Virgilio ba STL iha nia rezidensia
Lecidere, Kuarta (13/09/2017).

Lideransa Dioseze Dili kontinua husu ba joventude hotu katak partidus politikas hatudu ona ezemplu
neebe diak maske iha ideolojia neebe diferentes maibe oinsa atu bele garantia ba estabilidade no
unidade nasional liu husi dalan dialogu.
Dala ida tan ba jerasaun foun presija aprende barak, buka malu halo dialogu atukria estabildade no
dezenvolvimentu iha futuru atu bele moris iha paz no damen nia laran.
Eis Provinsial Indonesia no Timor (ITM) katak haree ba kestaun nee laos husi politika deit maibe
TimorLeste iha nia kultura rasik.Tanba nee, prinsipiu ida diak mak oinsa atu halo relasionamentu ida
neebe diak entre joventude sira atu labele sai inimigu ba malu.
Ita nia bei-ala sira mos husik hela ezemplu diak ida ba ita mak nahe biti boot nee dalan ida
neebe atu buka solusaun i igreja mos iha ideia neebe mak hanesan tanba ita timor nee moris
iha violensia nee kleur ona neebebuat sira nee hanoin hela ba kotuk hanoin oinsa mak atu
kria paz iha joven nia fuan” tenik Dom Virgilio.

Eis Diretor Fatumaca mos hatutan liu tan katak nudar sarani presiza tau iha hanoin katak haree ema
seluk hanesan ita an rasik. Tanba, bainhira koko atu halo buat neebe ladiak ba ema seluk, ema seluk sei
uza oportunidade nee halo fali ba ita.Tanba nee mak joven sira presija iha laran neebe hadomi malu.
Iha fatin seluk Eis deputadu Eladio Faculto katak governu presija halo kapasitasaun ka halo
investimentu ba kakutak joventude nia hodi nunee bele sai kakutak neebe bonitu no bonita hodi bele
rezolve problema TimorLeste nia iha futuru.
Ita atu hapara konflitus presija governu define politika juventude nia tanba dala barak liu
konflitus sira nee mai husi arte marsiais no konflitus domestikus sira neebe mosu dalaruma
iha festa no iha fatin seluk,” informa Eladio ba STL iha kampus Cai-Coli UNTL.

Dalabarak kontradisoens nee eziste nafatin liu-liu ba joven no grupu sira neebe mak vuneravel ka hetan
problema ba sira an rasik, liuliu governu ou estadu atu kria kondisoens no define lolos politika ba
juventude para fo espasu hodi joven sira asume responsabilidade ba futuru Timor ninia.
Eis deputadu terseiru lejislatura nee katak kuaze juventude barak mak remata ona univesidade maibe
laiha kampu de servisu. Tanba nee, governu presija iha interese neebe diak no politka diak ba joventude
hodi bele fo garantia ba juventude atu hein ba futuru lideransa nasaun.
Bainhira iha dezempregu barak iha nasaun konserteza sei iha konflitu tanba menus kampu servisu ba
joven sira, ikus mai joven sira inklina an iha grupu oi-oin hodi hamosu konflitu iha bairo ka sosiedade
nia laran.
Eis deputadu nee mos husu ba governu atu promove joventude liuhosi area saida deit. Tanba dalabarak
liu konvida ema rai liu barak mak mai okupa joventude nia pozisaun iha rai ida nee liliu iha parte
muzika, desportu, konstrusaun no sira seluk, Tanba nee presija iha dezenvolvimentu ba joventude
nunee ba iha futuru bele utiliza joventude Timor oan.
Entretantu Estudante UNTL Resi Falo, fo motivasaun ba joventude neebe involve an iha konflitus
katak ita mak jerasaun foun ba rai ida nee presija kria harmonia iha idak idak nia fuan nunee sai
hanesan sasukat ida neebe diak ba futuru nasaun ninia.
Ita tenke muda uluk sira nia konsiensia ka papel joventude tanba ita koalia kona ba
joventude laos haree ba idade maibe define juventude nee husi papel sosial katak saida mak
sira bele halo ba sosiedade liuliu halo tranformasaun,” tenik Resi Falo.

Nia hatutan, bainhira temi ona juventude nee nia papel importante tebes iha nasaun ida.Tanba
joventude nee fator importante hodi bele lori destinu nasaun nia ba iha progresu dezenvolvimentu rai
ida nee nian. Estajiadu