Taon 33 Blg.
10 Ika-23 Linggo sa Karaniwang Panahon (K) — Luntian
Ang Pagsunod kay Hesus
A ng Shema, Israel ay isang
kautusang napakahalaga
para sa mga Hudyo. “Dinggin
mo, O Israel! Ang Panginoon
nating Diyos ay isang
Panginoon. At iyong ibigin
ang Panginoon mong Diyos
ng iyong buong puso, at ng
iyong buong kaluluwa, at ng
iyong buong lakas” (Dt 6:4-
5). Para sa mga Hudyo, ang
mga salitang ito ay dapat
isaulo—at isapuso—ng bawat
isa, dahil ito ang kanilang
pagkakakilanlan bilang bayang
hinirang ng Diyos. Isa itong utos
na nagsasabing Diyos lamang
ang karapat-dapat na mahalin
ng lubusan.
Sa ating Ebanghelyo,
sinasabi ni Hesus sa kanyang
mga tagasunod: “Ang sinumang
nagnanais na sumunod sa akin,
marapat lamang na pasanin
ang kanyang krus at sumunod
sa akin” (Lc 14:27). Marami ang
nagulat noong sabihin ito ni
Hesus sapagkat inakala nilang
siya ang inaasam-asam nilang
Mesiyas. Umaasa sila na sa
Pakibasa ang pagninilay bago o pagkatapos ng Misa upang
makibahagi ng taimtim sa Banal na Pagdiriwang.
pagbadya ni Hesus, masusupil
na ang mga Romanong
mananakop at mapasisinayaan
ang makabagong paghahari
ni Yahweh sa Israel. Ngunit
nais ni Hesus na ipamalas sa
kanyang mga tagapakinig na
ang paghahari ng Diyos ay hindi
isang pulitikal na pamamahala,
kundi pagtatagumpay ni Yahweh
sa bawat puso ng kanyang mga
mananampalataya.
Mahilig táyong manigurado
sapagkat takot táyong masaktan.
Madaling sumunod sa táong
hatid ay kaginhawaan at
siguradong may mapapala ka.
Madaling sumunod sa mga
táong makapangyarihan, may
kayamanan, at mataas na ang
narating sa buhay. Sino nga ba
ang nais sumunod sa táong tila
hindi tiyak ang patutunguhan,
sa táong krus na pasanin ang
ibinibigay?
Hindi madaling sumunod
kay Hesus. Kapag pinili nating
sumunod sa kanya, kailangang
handa táyong manindigan.
Dapat manindigan táyo na
Setyembre 8, 2019
may pag-asa pa kahit nasa
gitna ng hapis at pasakit
ng buhay. Kailangan nating
manampalataya kahit hindi natin
maiwasang itanong, “Nasaan
ang Diyos tuwing nasasaktan
ako?” Kailangan nating
manindigan sa katotohanan
kahit táyo ay patuloy na
ipinahihiya at kinukutya ng
mga gahaman at mapanlinlang.
Patuloy nawa nating piliin si
Hesus, sa kabila ng ating mga
kahinaan at kasalanan, dahil
bahagi ito ng ating buong
pusong paghahandog ng sarili
bilang kanyang mga tagasunod.
Sa katunayan, patuloy pa rin
ang kanyang paanyayang
pasánin ang krus sa mga taong
bagamat hindi karapat-dapat ay
handa namang tumanggap nito
at manindigan para sa kanya.
Kung ang mga Hudyo ay
patuloy na pinaaalalahanan ng
Shema, nawa’y ang krus naman
ang magsilbing paalala sa atin
ng dakilang pag-ibig at buong-
pusong pagbibigay ni Hesus
ng kanyang sarili para sa atin.
Huwag nawa tayong matakot
na masaktan at mabigatan.
Simulan nating yakapin ng
buong puso ang krus ni Hesus.
Ang ating pagyakap sa krus
ay simbolo ng buong-pusong
paghahandog ng sarili at
pagmamahal natin sa Diyos
upang pagdating sa dapit-
hapon ng ating buhay, si Hesus
mismo ang yayakap sa atin.
Sabi nga ni Papa Benedicto XVI:
“Ginhawa ang inaalok sa iyo ng
mundo; ngunit hindi ka nilikha
para sa ginhawa, kundi para sa
kadakilaan.”
—VinzAnthonyB.Aurellano,SSP

Pasimula
Antipona sa Pagpasok
[Slm 119:137, 124]
(Basahin kung walang pambungad na awit)
Ikaw ay tama at banal sa tapat
mong kautusan, Panginoong
aming mahal. Kami’y iyong pag-
ukulan ng lugod mo’t kasiyahan.
Pagbati
(Gawin dito ang tanda ng krus)
P - Ang pagpapala ng ating
Panginoong Hesukristo, ang
pag-ibig ng Diyos Ama, at
ang pakikipagkaisa ng Espiritu
Santo nawa’y sumainyong
lahat.
B - At sumaiyo rin.
Paunang Salita
(Maaaring basahin ito o isang katulad
na pahayag)
P - Ipinapaalala sa atin ni Hesus
na ang Ebanghelyo ay hindi
lamang isang pagpapahayag
na dapat tanggapin kundi
isang pagpapasyang
kailangang isabuhay. Kung
buo ang pag­tang­g ap natin
kay Kristo, siya ang dapat
nating unahing pagka­a ba­
lahan. Ang Mahal na Birheng
Maria nawa ang ating maging
huwaran. Ang kanyang buhay
ay isang paghahandog ng
buong sarili sa Diyos.
Pagsisisi
P - Mga kapatid, aminin natin
ang ating mga kasalanan
upang tayo’y maging marapat
na gumanap sa banal na
pagdiriwang. (Tumahimik)
P- Panginoon, kami’y
nagkasala sa iyo.
B - Panginoon, kaawaan mo kami.
P - Kaya naman, Panginoon,
ipakita mo na ang pag-ibig
mong wagas.
B - Kami ay lingapin at sa
kahirapan ay iyong iligtas.
P - Kaawaan tayo ng maka-
pang­yarihang Diyos, patawarin
tayo sa ating mga kasalanan at
patnu­bayan tayo sa buhay na
walang hanggan.
B - Amen.
Gloria
Papuri sa Diyos sa kaitaasan
at sa lupa’y kapayapaan sa
mga taong kinalulugdan niya.
Pinupuri ka namin, dinarangal
ka namin, sinasamba ka namin,
ipinagbubunyi ka namin,
pinasasalamatan ka namin,
dahil sa dakila mong ang­
king kapurihan. Panginoong
Diyos, Hari ng langit, Diyos,
Amang makapangyarihan sa
lahat. Pangi­noong Hesukristo,
Bugtong na Anak, Panginoong
Diyos, Kordero ng Diyos, Anak
ng Ama. Ikaw na nag-aalis ng
mga kasalanan ng sanlibutan,
maawa ka sa amin. Ikaw na
nag-aalis ng mga kasalanan
ng sanlibutan, tanggapin mo
ang aming kahilingan. Ikaw na
naluluklok sa kanan ng Ama,
maawa ka sa amin. Sapagkat
ikaw lamang ang banal, ikaw
lamang ang Panginoon, ikaw
lamang, O Hesukristo, ang
Kataas-taasan, kasama ng
Espiritu Santo sa kadakilaan
ng Diyos Ama. Amen.
Pambungad na Panalangin
P - Manalangin tayo. (Tumahimik)
Ama naming makapangya­
ri­han, kaming mga tinubos mo at
kinupkop ay tunghayan mo nga­
yon sa iyong kagandahang-loob
upang sa pagsampalataya sa
Anak mong si Kristo makamtan
ang kalayaan at pamana sa
piling mo sa pamamagitan
niya kasama ng Espiritu Santo
magpasawalang hanggan.
B - Amen.
Pagpapahayag ng
Salita ng Diyos
Unang Pagbasa
[Kar 9:13-18b] (Umupo)
May hangganan ang talino
ng tao, lalo na sa pagtuklas
ng kalooban at plano ng
Diyos. Samakatuwid, dapat na
manalangin ang sang­katauhan
upang maliwanagan tayo ng
karunungang handog ng Diyos.
Pagbasa mula sa aklat ng
Karunungan
“SINONG tao ang makatatarok
ng kaisipan ng Diyos? Sino ang
makaaalam sa kalooban ng
Panginoon? Kapos ang kaisipan
ng tao at marupok ang aming
mga panukala. Sapagkat ang
aming kaluluwa ay binabatak
na pababa ng aming katawang
may kamata­yan. Ang aming
katawang lupa ay pabigat sa
isipang punung-puno ng mga
panukala. Nahihirapan kami
para mahulaan man lamang
ang nilalaman ng daigdig;
nahi­hirapan din kami upang
malaman kung ano ang mga
bagay sa pali­gid namin. Sino,
kung gayon, ang makauunawa
sa mga bagay na makalangit?
Walang makaaalam ng inyong
kalooban malibang bigyan
mo siya ng iyong Karu­nungan,
at lukuban ng inyong diwang
banal mula sa kaitaasan. Sa
ganitong paraan lamang ma­
iwawasto mo ang mga tao sa
matuwid na landas.”
— Ang Salita ng Diyos.
B - Salamat sa Diyos.
Salmong Tugunan (Slm 89)
T - Poon, amin kang tahanan
noon, ngayon at kailanman.
1. Yaong taong nilikha mo’y
bumabalik sa alabok,/ sa lupa ay
nagbabalik kapag iyong iniutos./
Ang sanlibong mga taon ay para
bang isang araw,/ sa mata mo,
Panginoon, isang kisapmata
lamang;/ isang saglit sa mag­
damag na ito ay dumaraan. (T)
2. Mga tao’y pumapanaw na
para mong winawalis,/ parang
damo sa umagang tumubo sa
panaginip./ Parang damong
tumutubo, na may taglay na
bulaklak,/ kung guma­b i’y
nalalanta’t bulaklak ay nala­
lagas. (T)
3. Yamang itong buhay nami’y
maikli lang na panahon,/ itanim
sa isip namin upang kami ay
dumu­nong./ Hanggang kailan
magtitiis na magdusa, Pangi­
noon,/ kaming iyong mga lingkod
na naghihirap sa ngayon? (T)
4. Kung umaga’y ipadama yaong
wagas mong pag-ibig,/ at sa
buong buhay nami’y may galak
ang aming awit./ Panginoon
na­ming Diyos, kami sana’y pag­
palain,/ magtagumpay sana kami
sa anumang aming gawin! (T)
Ikalawang Pagbasa
(Flm 9b-10, 12-17)
Nakiusap si Pablo kay Filemon
na tanggaping muli ang alipin
nitong si Onesimo at ituring ang
utusan bilang kapatid. Katulad
nito, sinisira ng kaligtasang dulot
ni Kristo ang alitan sa pagitan ng
mga alipin at mga malaya, maya­
yaman at dukha, lalaki at babae.
Pagbasa mula sa sulat ni Apostol
San Pablo kay Filemon
PINAKAMAMAHAL KO, akong
si Pablo, sugo ni Kristo Hesus
at ngayo’y nakabilanggo dahil
sa kanya, ang nakikiusap sa
iyo tungkol kay Onesimo, na
naakit ko sa pananampalataya
saman­talang ako’y naririto sa
bilang­guan.
Pinababalik ko siya sa iyo,
at para ko nang ipinadala sa
iyo ang aking puso. Ibig ko
sanang pana­tilihin siya sa aking
piling, upang, sa halip mo,
siya ang maglingkod sa akin
habang ako’y nabibi­langgo
dahil sa Mabuting Balita. Ngunit
ayokong gawin iyon nang wala
kang pahintulot upang hindi
maging sapilitan kundi kusa ang
pagtulong mo sa akin.
Marahil, nawalay sa iyo nang
kaunting panahon si Onesimo
upang sa pagbabalik niya’y
makasama mo siya habang
pana­hon—hindi na bilang alipin
kundi isang minamahal na kapa­
tid. Mahal siya sa akin, ngunit
lalo na sa iyo—hindi lamang
bilang isang alipin kundi isang
kapatid pa sa Panginoon!
Kaya’t kung inaari mo akong
tunay na kasama, tanggapin mo
siya tulad ng pagtanggap mo
sa akin.
— Ang Salita ng Diyos.
B - Salamat sa Diyos.
Aleluya [Slm 118:135] (Tumayo)
B - Aleluya! Aleluya! Poon,
iyong pasikatin kagandahan
ng loobin ng kabutihan mo
sa ’min. Aleluya! Aleluya!
Mabuting Balita (Lc 14:25-33)
P - Ang Mabuting Balita ng
Panginoon ayon kay San Lucas
B - Papuri sa iyo, Panginoon.
NOONG panahong iyon,
sumama kay Hesus ang
napakaraming tao; humarap
siya sa kanila at kanyang sinabi,
“Hindi maaaring maging alagad
ko ang sinumang umiibig sa
kanyang ama at ina, asawa
at mga anak, mga kapatid,
at maging sa sarili niyang
buhay nang higit sa akin. Ang
sinumang hindi mag­pasan ng
sariling krus at sumunod sa
akin ay hindi ma­aaring maging
alagad ko. Kung ang isa sa
inyo’y nagbabalak magtayo ng
tore, hindi ba uupo muna siya at
tatayahin ang magugugol para
malaman kung may sapat siyang
salaping ma­i pagpapatapos
niyon? Baka ma­ilagay ang mga
pun­dasyon ngunit hindi naman
maipatapos siya’y kukutyain
ng lahat ng makakikita nito.
Sasabihin nila: ‘Nagsimulang
magtayo ang taong ito pero
hindi naipatapos.’ O sinong hari
na makikipagdigma sa kapwa
hari ang hindi muna uupo at
pag-aara­lang mabuti kung ang
sampunlibo niyang kawal ay
maisasagupa sa kalaban na may
dalawampun­libong tauhan? At
kung hindi niya kaya, malayo pa
ang kalaban ay magsusugo na
siya ng mga kina­tawan upang
maki­pagkasundo. Gayun din
naman, hindi maaaring maging
alagad ko ang sinuman, kung
hindi niya tatalikdan ang lahat
sa kanyang buhay.”
— Ang Mabuting Balita ng
Panginoon.
B - Pinupuri ka namin,
Panginoong Hesukristo.
Homiliya (Umupo)
Pagpapahayag
ng Pananampalataya (Tumayo)
B - Sumasampalataya
ako sa Diyos Amang
makapangyarihan sa lahat,
na may gawa ng langit at lupa.
Sumasampalataya ako
kay Hesukristo, iisang Anak
ng Diyos, Panginoon nating
lahat. Nagkatawang-tao siya
lalang ng Espiritu Santo,
ipinanganak ni Santa Mariang
Birhen. Pinagpakasakit ni
Poncio Pilato, ipinako sa krus,
namatay, inilibing. Nanaog
sa k inaroroonan ng mga
yumao. Nang may ikatlong
araw nabuhay na mag-uli.
Umakyat sa langit. Naluluklok
sa kanan ng Diyos Amang
makapangyarihan sa lahat.
Doon magmumulang paririto
at huhukom sa nangabubuhay
at nangamatay na tao.
Sumasampalataya naman
ako sa Diyos Espiritu Santo, sa
banal na Simbahang Katolika,
sa kasamahan ng mga banal,
s a k a p a t aw a ra n n g m g a
kasalanan, sa pagkabuhay na
muli ng nangamatay na tao, at
sa buhay na walang hanggan.
Amen.
Panalangin ng Bayan
P - Dumulog tayo sa Diyos
na bigyan niya tayo ng
lakas at pagtitiyaga upang
makapamuhay tayong may
matatag na pananampalataya
at maging tapat na tagasunod
ni Kristo. Sa bawat kahilingan
ang ating itutugon:
T - Panginoon, ikaw ang aming
lakas, dinggin mo kami.
L - Para sa mga namumuno sa
ating Simbahan: biyayaan nawa
sila ng Diyos ng kalakasan upang
patuloy silang maging gabay at
tagapagtanggol ng kawan ni
Kristo. Manalangin tayo: (T)
L - Para sa mga namumuno sa
ating pamahalaan: patuloy nawa
silang maglingkod tungo sa
ikabubuti ng lahat at ikauunlad ng
pamayanan. Manalagin tayo: (T)
L - Para sa mga nagnanais
sumunod kay Kristo: Maging
matatag nawa sila sa gitna ng
tukso at suliranin sa buhay. Lagi
nawa nilang isipin na kasama nila
ang Diyos. Manalangin tayo: (T)
L - Para sa mga kabataan:
buksan nawa nila ang kanilang
puso’t isipan upang matanto
nilang ang Diyos ang dapat
mahalin nang higit sa iba.
Manalangin tayo: (T)
L - Para sa kalikasan: Maging
mabuting tagapangalaga nawa
tayo ng kaloob na ito ng Diyos
upang maiwasan ang lubos na
nakapipinsalang kalamidad.
Manala­ngin tayo: (T)
(Maaaring gawin dito ang iba pang
panalangin ng komunidad)
P - Panginoon, ikaw ang aming
kalakasan. Dinggin mo ang
mga panalangin ng iyong
sambayanan na nagsusumikap
masundan ang iyong mga
yapak. Hinihiling namin ito sa
ngalan ni Hesukristo na aming
Pangi­noon.
B - Amen.
Pagdiriwang ng
Huling Hapunan
Paghahain ng Alay (Tumayo)
P - Manalangin kayo...
B - Tanggapin nawa ng Pangi­
noon itong paghahain sa iyong
mga kamay sa kapurihan niya
at karangalan sa ating kapaki­
nabangan at sa buong Samba­
yanan niyang banal.
Panalangin ukol sa mga Alay
P - Ama naming Lumikha,
ikaw ang gumagawa ng wagas
na kata­patan at kapayapaan.
Ipag­kaloob mong ang iyong
kadaki­laan ay aming handugan
ng iyong mina­m a­r apat na
aming maialay at nawa’y
magkaisa kami sa pakiki­nabang
sa banal na paghahaing
ngayo’y ipinagdiriwang sa
pama­m agitan ni Hesukristo
kasama ng Espiritu Santo
magpasawalang hanggan.
B - Amen
Prepasyo (Karaniwan VI)
P - Sumainyo ang Panginoon.
B - At sumaiyo rin.
P - Itaas sa Diyos ang inyong
puso at diwa.
B - Itinaas na namin sa Pangi­noon.
P - Pasalamatan natin ang
Panginoong ating Diyos.
B - Marapat na siya ay pasala­matan.
P - Ama naming makapangyari­
han, tunay ngang marapat na
ikaw ay aming pasalamatan.
Nasa iyo ang aming
buhay, pagkilos at pag-iral. Sa
pamu­mu­hay namin araw-araw
tinata­masa namin ang iyong
pagma­mahal. Sa pag-ibig mong
ipinunla sa sang­katauhan ang
Espiritu Santo’y unang aning
bigay ng Anak mong naglagak
sa amin ng katiyakang
nakalaang mabuhay kami sa
pi­ling mo kailanman.
Kaya kaisa ng mga anghel
na nagsisiawit ng papuri sa
iyo nang walang humpay sa
kalangitan, kami’y nagbubunyi
sa iyong kadakilaan:
B - Santo, Santo, Santo...(Lumuhod)
Pagbubunyi (Tumayo)
B - Si Kristo’y namatay! Si
Kristo’y nabuhay! Si Kristo’y
babalik sa wakas ng panahon!
Pakikinabang
Ama Namin
B - Ama namin...
P - Hinihiling naming...
B - Sapagkat iyo ang kaharian at
ang kapangyarihan at ang kapu­­
rihan magpakailanman! Amen.
Pagbati ng Kapayapaan
Paanyaya sa Pakikinabang
(Lumuhod)
P - Ito ang Kordero ng Diyos. Ito
ang nag-aalis ng kasalanan ng
sanlibutan. Mapalad ang mga
inaanyayahan sa kanyang piging.
B - Panginoon, hindi ako B - Amen.
karapat-dapat na magpatulóy P - Nawa’y kahabagan niya
sa iyo ngunit sa isang salita mo kayo at subaybayan ngayon
lamang ay gagaling na ako. at magpasawalang hanggan.
B - Amen.
Antipona sa Komunyon
(Slm 41:2-3) P - Lingapin nawa niya kayo
at bigyan ng kapayapaan
Kami’y usang nauuhaw sa tubig
at kaligayahan ngayon at
na nasa bukal, ika’y pinana­na­bi­ magpasawalang hanggan.
kan, Diyos naming mina­mahal,
B - Amen.
tubig kang búhay ang alay.
Pangwakas
Panalangin Pagkapakinabang
P - At pagpalain kayong
(Tumayo)
lahat ng makapangyarihan at
mapagpalang Diyos, Ama at
P - Manalangin tayo. (Tumahimik)
Anak (†) at Espiritu Santo.
Ama naming mapagmahal,
B - Amen.
kaming pinapagsalo mo sa
iyong salita at piging na banal P - Tapos na ang Misa. Humayo
ay iyong pinalalakas at iyong kayo at sikaping maging tunay
binubuhay. Pagindapatin na tagasunod ni Kristo.
mong kami’y makapaki­ B - Salamat sa Diyos.
nabang sa buhay ng iyong
Anak na para sa ami’y sarili
niya ang alay bilang aming
Tagapamagitan kasama ng
Espiritu Santo magpasawalang
hanggan.
B - Amen.
Pagtatapos
P - Sumainyo ang Panginoon.
B - At sumaiyo rin.
Pagbabasbas
P - Magsiyuko kayo habang
iginagawad ang pagbabasbas.
(Tumahimik)
P - Pagpalain nawa kayo at
ingatan ng Paginoon ngayon
at magpasawalang hanggan.