Taon 37 Blg.
34 Ika-4 Linggo ng Adbiyento (B) — Lila
Simbang Gabi | Misa de Gallo — Puti
MAHAL KO O
MAHAL AKO?
P. Ramil David Tapang, SSP
M asarap magmahal kapag
katanggap-tanggap ang
tao. Masarap magmahal kapag
alam mong susuklian ka rin
ng pagmamahal. Masarap
magmahal kapag nakakaalala.
Pero, reality check, mahirap
magmahal kapag walang
pakialam. Mahirap magmahal
kapag hindi ito binabalik.
Mahirap magmahal kapag
madaling makalimot. Ikaw,
paano ka nagmamahal?
Napapatanong ka rin ba, tulad
ng sinasabi ng kanta ni KZ
Tandingan, “Sino ang iibigin ko,
mahal ko o mahal ako?”
Tinanong ko si Criselda,
isang kaibigan, kung ano ang
mas gusto niya, “Ang mahal ko o
mahal ako?” Sagot niya, “Padre,
pagod na pagod na ako. Sinasabi
niyang mahal niya ako pero
hindi ko naman nararamdaman.
Ako lang ang nagbibigay
a t l a g i n g n a g p a p a raya .
Pagkatapos kong ibigay ang
lahat ay tinatrato niya akong
parang basahan. Pagkatapos
ko siyang pagkatiwalaan ay
niloko at sinaktan lang din ako.
Nakakapagod. Pwede bang ako
naman ang mamahalin? Pwede
bang ‘mahal ako?’”
Ang pagbabalita ni anghel
Gabriel kay Maria tungkol
sa kanyang pagiging Ina ni
Hesus ay kuwento ng “Mahal
ako.” Unang nagmahal ang
Diyos (1 Jn 4:19). Sa kabila ng
ating pagiging makasalanan,
patuloy na nagmamahal ang
Diyos. Ipinagkaloob sa atin ang
kanyang bugtong na Anak sa
tulong ng Espiritu Santo. Ang
kaganapang ito ay Kairos—ang
pagtupad ng Diyos sa kanyang
pangakong kaligtasan (Tgn. ang
Gen 3:15, Isa 7:14). Hudyat ito
ng pag-asa, hindi ng paasa.
Mahirap naman kasi talagang
umasa kung wala namang
aasahan. Sa unang Pagbasa,
makikita ang pagsasakatuparan
at pagpapatibay ng Panginoon
s a k a h a r i a n n i D av i d .
Magmumula sa ankang ito ang
Mesiyas. Siya ang maghahari at
tutubos hindi lamang sa Israel
kundi sa sansinukob (basahin
ang ikalawang Pagbasa). Ang
pagmamahal niya ay para sa
lahat (inclusive) at hindi sa iilan
lamang (exclusive).
Kakaibang magmahal ang
Diyos. Si Maria, maliban sa
kasalanan, ay kumakatawan
Disyembre 24, 2023
sa ating lahat. Ang pagpili kay
Maria ay ang pagpili rin sa
atin. Pinipili niya tayo at hindi
tatalikuran. Pinipili niya tayo at
hindi iiwanan. Pinipili niya tayo
dahil “Mahal ako” ng Diyos.
Sa kabila ng nag-aalab na
pagmamahal ng Diyos, ano ang
ating tugon? Hindi masusukat
ang pagmamahal sa mga
salitang “Amen, alleluia” at
ang pagtaas-taas ng ating mga
kamay. Mahalaga pa rin ang
paanyaya na maging nariyan,
ang presensya, lalo’t higit sa
mga nangangailangan nating
mga kapatid.
Ngayong Pasko, maging
naririyan sa mga taong walang
pumipili at tinatalikuran ng
lipunan. Sila ang mga nagugutom,
nauuhaw, dayuhan, walang
maisuot, maysakit, bilanggo,
at marami pang iba (Tgn. Mt
25:35-40). Nawa ang iniisip at
nararamdaman nating “Mahal
Ako” ng Diyos ay maging hudyat
nang “Mahal ko” sa ating kapwa.
Ngayong kapaskuhan, ihatid si
Kristo sa lahat. Amen.

PASIMULA
Antipona sa Pagpasok (Is 45:8)
(Basahin kung walang pambungad na awit)
Pumatak na waring ulan mag­
mula sa kalangitan, nawa’y umus­
bong din naman mula sa lupang
taniman ang Manunubos ng tanan.
Pagsisindi ng Kandila ng Adbiyento
(Ang pagsisindi ng kulay lila na kandila
ng Adbiyento ay maaaring gawin
pagkatapos ng pambungad na awit;
darasalin ang susunod na panalangin
o kahalintulad na mga panalangin:)
P—Ama, sa nalalapit na
pagtatapos ng paglalakbay
namin sa panahon ng Adbiyento,
sinisindihan namin ang kandila
ng pag-asa, kapayapaan, at galak.
At ngayon ay sinisindihan namin
ang kandila ng pag-ibig. Gawaran
mo kami ng lakas ng loob na
magbahagi ng pagmamahal:
pagmamahal para sa buhay at
sa sangnilikha, pagmamahal
sa mga makasalanan at mga
banal, pagmamahal sa mga
mahihirap. Taos-puso kaming
nagpapasalamat para sa pag-asa
na inihandog ng iyong Anak,
para sa kapayapaan na kanyang
ipinagkaloob, para sa kagalakan
ng iyong Espiritung ibinuhos
sa aming mga puso, at para sa
pagmamahal na nagliligtas at
naghahatid sa amin sa daan
patungo sa iyo.
Pagbati
(Gawin dito ang tanda ng krus)
P—Sumainyo ang Panginoon.
B—At sumaiyo rin.
Paunang Salita
(Maaaring gamitin ang mga ito o
kahalintulad na mga pahayag)
P—Sa huling Linggo ng
ating paghahanda para sa
Kapaskuhan, pagninilayan natin
ang pagdadalantao ng Birheng
Maria sa ating Panginoon. Dahil
sa kanyang pagiging bukas
sa mga pangako ng Diyos at
matatag na pananampalataya,
naging perpektong halimbawa
si Maria sa paghahanda sa pag­
tanggap sa Manunubos.
Pagsisisi
P—Mga kapatid, tinipon tayo
bilang mga kaanib ng angkan
ng Diyos, kaya dumulog tayo
s a m a a w a i n g Pa n g i n o o n g
nagpapatawad nang lubos.
(Tumahimik)
P—Sinugong Tagapagpagaling
sa mga nagsisisi, Panginoon,
kaawaan mo kami.
B—Panginoon, kaawaan mo kami.
P — D u m a t i n g n a Ta g a p a g -
anyayang mga makasalana’y
magsisi, Kristo, kaawaan mo kami.
B—Kristo, kaawaan mo kami.
P—Nakaluklok ka sa kanan ng
Diyos Ama para ipamagitan kami.
Panginoon, kaawaan mo kami.
B—Panginoon, kaawaan mo kami.
P—Kaawaan tayo ng maka­
pangyarihang Diyos, patawarin
tayo sa ating mga kasalanan, at
patnubayan tayo sa buhay na
walang hanggan.
(Ang Gloria ay aawitin o bibig­kasin lamang
sa pagdiriwang ng Misa de Gallo.)
Pambungad na Panalangin
P—Manalangin tayo. (Tumahimik)
Ama naming maka-
pangyarihan, kasihan mo
kami ng iyong pag­m amahal
upang kaming nakabatid sa
pagbabalita ng anghel tungkol sa
pagkakatawang-tao ng Anak mo
ay makapakinabang sa kanyang
pagpapakasakit at pagkamatay sa
krus sa pagsapit namin sa pagka­
buhay niya sa langit sa pama­
magitan niya kasama ng Espiritu
Santo magpasawalang hanggan.
B—Amen.
PAGPAPAHAYAG NG
SALITA NG DIYOS
Unang Pagbasa (2 Sam 7:1–5,
8b–12, 14a, 16) (Umupo)
Iminumungkahi ni David na magtayo
ng gusali o templo para sa Panginoon.
Subalit pinili ng Panginoon na itayo
ang kaharian ni David. At sa kanyang
angkan magmumula ang Mesiyas, ang
maghahari at tutubos sa Israel.
Pagbasa mula sa ikalawang aklat
ni Samuel
SI DAVID ay panatag nang
nakatira sa kanyang bahay.
Sa tulong ng Panginoon, hindi
na siya ginambala ng kanyang
mga kaaway. Tinawag niya si
Natan at sinabi, “Nakikita mong
nakatira ako sa tahanang sedro,
ngunit ang Kaban ng Tipan ay
sa tolda lamang.” Sumagot si
Natan, “Isagawa mo ang iyong
iniisip, sapagkat ang Panginoon
ay sumasaiyo.”
Ngunit nang gabing iyo’y
s i n a b i n g Pa n g i n o o n k ay
Natan, “Ganito ang sabihin
mo kay David: ‘Ipagtatayo mo
ba ako ng tahanan? Inalis kita
sa pagpapastol ng tupa upang
gawing pinuno ng bayang Israel.
Kasama mo ako saan mang dako
at lahat mong mga kaaway ay
aking nilipol. Gagawin kong
dakila ang iyong pangalan tulad
ng mga dakilang tao sa daigdig.
Bibigyan ko ang Israel ng kanyang
lupa at doon ko patitirahin. Wala
nang gagambala sa kanila roon;
wala nang aalipin sa kanila tulad
noong una, buhat nang maglagay
ako ng hukom nila. Magiging
payapa ka sapagkat wala nang
gagambala sa iyo. Bukod dito,
akong Panginoon ay nagsasabi
sa iyo: Patatatagin ko ang iyong
sambahayan. Pagkamatay mo, isa
sa iyong mga anak ang ipapalit ko
sa iyo. Patatatagin ko ang kanyang
kaharian. Kikilanlin ko siyang
anak at ako nama’y magiging
ama niya. Magiging matatag ang
iyong sambahayan, ang iyong
kaharia’y hindi mawawaglit sa
aking paningin at mananatili ang
iyong trono.’”
—Ang Salita ng Diyos.
B—Salamat sa Diyos
Salmong Tugunan (Slm 88)
T—Pag-ibig mong walang maliw
ay lagi kong sasambitin.
1. Pag-ibig mo, Poon, na di nag­
mamaliw/ ang sa tuwi-t’wina’y
aking aawitin;/ ang katapatan
mo’y laging sasambitin./
Yaong pag-ibig mo’y walang
katapusan,/ sintatag ng langit
ang ’yong katapatan. (T)
2. Sabi mo, Poon, ikaw ay may
tipan/ na iyong ginawa kay David
mong hirang/ at ito ang iyong
pangakong iniwan:/ “Isa sa lahi
mo’y laging maghahari,/ ang
kaharian mo ay mamamalagi.” (T)
3. Ako’y tatawaging ama niya’t
Diyos,/ tagapagsanggalang niya’t
Manunubos./ Ang aking pangako
sa kanya’y iiral/ at mananatili sa
kanya ang tipan. (T)
Ikalawang Pagbasa
(Rom 16:25–27)
Ang planong pagliligtas ng Panginoon,
na nakakubli sa mahabang panahon, ay
naihayag sa pag­dating ni Hesukristo. Ito
ay ibinunyag hindi lamang sa hinirang na
bayan kundi pati na rin sa mga pagano.
Pagbasa mula sa sulat ni Apostol
San Pablo sa mga taga-Roma
MGA KAPATID: Purihin ang
Diyos na makapagpapatibay
sa inyo sa pamamagitan ng
Mabuting Balita tungkol kay
Hesukristo na ipinangangaral ko
sa inyo. Ang Mabuting Balitang
iyan ay isang hiwaga na nalihim
sa loob ng mahabang panahon,
at sa utos ng walang hanggang
Diyos ay nahayag ngayon sa mga
Hentil upang sila’y manalig at
tumalima kay Kristo. Ang lahat
ng iyan ay ayon sa mga sulat ng
mga propeta.
Sa iisang Diyos, ang marunong
sa lahat—sa kanya iukol ang
papuri magpakailanman sa
pama­m agitan ni Jesukristo!
Amen.
—Ang Salita ng Diyos.
B—Salamat sa Diyos.
Aleluya (Lc 1:38) (Tumayo)
B—Aleluya! Aleluya! Narito
ang lingkod ng D’yos maganap
nawa nang lubos ang salita mong
kaloob. Aleluya! Aleluya!
Mabuting Balita (Lc 1:26–38)
P—Ang Mabuting Balita ng
Panginoon ayon kay San Lucas
B—Papuri sa iyo, Panginoon.
NOONG panahong iyon: Ang
anghel Gabriel ay sinugo ng
Diyos sa Nazaret, Galilea, sa
isang dalaga na ang pangala’y
Maria. Siya’y nakatakdang ikasal
kay Jose, isang lalaki buhat sa
lipi ni Haring David. Paglapit
ng anghel sa kinaroroonan ng
dalaga, binati niya ito. “Matuwa
ka! Ikaw ay kalugud-lugod sa
Diyos,” wika niya. “Sumasaiyo
ang Panginoon!” Nagulumihanan
si Maria sa gayong pangungusap,
at inisip niyang mabuti kung ano
ang kahulugan niyon. Kaya’t
sinabi sa kanya ng anghel,
“Huwag kang matakot, Maria,
sapagkat kinalulugdan ka ng
Diyos. Makinig ka! Ikaw ay mag­
lilihi at manganganak ng isang
lalaki, at siya’y tatawagin mong
Hesus. Magiging dakila siya,
at tatawaging Anak ng Kataas-
taasan. Ibibigay sa kanya ng
Panginoong Diyos ang trono
ng kanyang amang si David.
Maghahari siya sa angkan ni
Jacob magpakailanman, at ang
kanyang paghahari ay walang
hanggan.”
“Paanong mangyayari ito,
gayung ako’y dalaga?” tanong
ni Maria. Sumagot ang anghel,
“Bababa sa iyo ang Espiritu
Santo, at lililiman ka ng
kapangyarihan ng Kataas-taasan.
Kaya’t banal ang ipanganganak
mo at tatawaging Anak ng
Diyos. Natatandaan mo ang
iyong kamag-anak na si Elisabet?
Alam ng lahat na siya’y baog,
ngunit naglihi siya sa kabila ng
kanyang katandaan. At ngayo’y
ikaanim na buwan na ng kanyang
pagdadalantao—sapagkat
walang hindi mapangyayari
ang Diyos.”
Sumagot si Maria, “Ako’y
alipin ng Panginoon. Mangyari
sa akin ang iyong sinabi.” At
nilisan siya ng anghel.
—Ang Mabuting Balita ng
Panginoon.
B—Pinupuri ka namin,
Panginoong Hesukristo.
Homiliya (Umupo)
Pagpapahayag
ng Pananampalataya (Tumayo)
B—Sumasampalataya ako sa
Diyos Amang makapangyarihan
sa lahat, na may gawa ng langit
at lupa.
S u m a s a m p a l a t ay a a k o
kay Hesukristo, iisang Anak
ng Diyos, Panginoon nating
lahat. Nagka­t awang-tao siya
lalang ng Espiritu Santo,
ipinanganak ni Santa Mariang
Birhen. Pinagpakasakit ni
Poncio Pilato, ipinako sa krus,
namatay, inilibing. Nanaog
sa kinaroroonan ng mga
yumao. Nang may ikatlong
araw nabuhay na mag-uli.
Umakyat sa langit. Naluluklok
sa kanan ng Diyos Amang
makapangyarihan sa lahat.
Doon magmumulang paririto
at huhukom sa nangabubuhay
at nangamatay na tao.
Sumasampalataya naman
ako sa Diyos Espiritu Santo, sa
banal na Simbahang Katolika,
sa kasamahan ng mga banal, sa
kapatawaran ng mga kasalanan,
sa pagkabuhay na muli ng
nangamatay na tao at sa buhay
na walang hanggan. Amen.
Panalangin ng Bayan
P—Idalangin natin sa Ama
na, tulad ni Maria, maging
bukas at handa ang ating mga
puso at isipan sa nalalapit na
pagdating ni Hesukristong
ating Manunubos. Sa bawat
panalangin, ating itutugon:
T—O Diyos ng biyaya, dinggin
mo kami.
L—Katulad ng Birheng Maria,
nawa ang Santo Papa, mga
obispo, mga pari at diyakono
ay maging bukas sa pagdaloy
ng banal na Espiritu upang
magampanan nila ang
kanilang tungkuling naaayon
sa kagustuhan mo, O Diyos.
Manalangin tayo: (T)
L—Katulad ng Birheng Maria,
kilalanin nawa ng mga namumuno
sa pamahalaan ang kilos ng banal
na Espiritu upang magabayan
sila sa bawat desisyon nila sa
buhay at sa kanilang pagiging
tagapagtaguyod ng katotohanan.
Manalangin tayo: (T)
L—Para sa mga dukha at nagi­
gipit, mga nag-iisa at napaba­
bayaan, maramdaman nawa
nila ang pagkalinga mo, Ama,
sa tulong ng mga taong nagma­
malasakit. Manalangin tayo: (T)
L—Para sa mga nars, doktor, at
iba pang nangangalaga sa mga
may karamdaman, gabayan at
patatagin nawa sila ng Espiritu
sa bawat pagsubok na kanilang
kinahaharap. Manala­ngin tayo:
(T)
L—Patuluyin mo, Ama, ang
lahat ng mga pumanaw sa
kalu­walhatian ng kalangitan.
Manalangin tayo: (T)
P—Dinggin mo ang aming mga
panalangin, O Diyos Ama. Tulad
ni Maria, dulutan mo ng galak
ang aming mga puso upang
matanggap namin nang buong
sigla ang inyong dakilang Anak.
Hinihiling namin ito sa
pamamagitan ng iyong Anak
kasama ng Espiritu Santo.
B—Amen.
PAGDIRIWANG NG
HULING HAPUnan
Paghahain ng Alay (Tumayo)
P—Manalangin tayo...
B—Tanggapin nawa ng Pangi­
noon itong paghahain sa iyong
mga kamay sa kapurihan niya
at karangalan sa ating kapaki­
nabangan at sa buong Samba­
yanan niyang banal.
Panalangin ukol sa mga Alay
P—Ama naming Lumikha, ang
mga alay naming nakahain sa
iyong dambana ay pabanalin
nawa ng paglukob ng Banal na
Espiritu na pumuspos sa sina­
pupunan ng Mahal na Birheng
Maria upang mag­d alang-tao
at magsilang sa iyong Anak na
siyang namama­gitan mag­pasa­
walang hanggan.
B—Amen.
Prepasyo (Adbiyento II)
P—Sumainyo ang Panginoon.
B—At sumaiyo rin.
P—Itaas sa Diyos ang inyong puso
at diwa.
B—Itinaas na namin sa Panginoon.
P—Pasalamatan natin ang
Panginoong ating Diyos.
B—Marapat na siya ay pasala­matan.
P—Ama naming makapangyari­
han, tunay ngang marapat na
ikaw ay aming pasalamatan sa
pamamagitan ni Jesukristo na
aming Panginoon.
Ang pagsusugo mo sa kanya
ay ipinahayag ng lahat ng mga
propeta. Ang pagsilang niya’y
pina­nabikan ng Mahal na Birheng
kanyang Inang tunay sa kapang­
yarihan ng Espiritung Banal.
Ang pagdating niya’y inilahad
ni San Juan Bautista sa kanyang
pagbibinyag. Ngayong pinag­
hahandaan namin ang maligayang
araw ng kanyang pagsilang,
kami’y nananabik at nanalanging
lubos na makaharap sa kanyang
kadakilaan.
BE A PAULINE PRIEST OR A BROTHER
If you are a Grade 12 student, a college student, or a young professional, male, single, and interested
to become a priest or a brother involved in the apostolate of social communication, we invite you
Contact us: SSP VOCATION DIRECTOR
TO SHOP ONLINE visit: Bibles • Religious books • The Youngster • Hãlo • Sambuhay • Pandasal
www.stpauls.ph
Kaya kaisa ng mga anghel na
nagsisiawit ng papuri sa iyo nang
walang humpay sa kalangitan,
kami’y nagbubunyi sa iyong
kadakilaan:
B—Santo, Santo, Santo... (Lumuhod)
Pagbubunyi (Tumayo)
B—Sa krus mo at pagkabuhay
kami’y natubos mong tunay,
Poong Jesus naming mahal,
iligtas mo kaming tanan ngayon
at magpakailan man.
PAGTATAPOS
Ama Namin
B—Ama namin...
P—Hinihiling naming...
B—Sapagkat iyo ang kaharian at
ang kapangyarihan at ang kapu­
rihan magpakailanman! Amen.
Pagbati ng Kapayapaan
Paanyaya sa Pakikinabang
(Lumuhod)
P—Ito ang Kordero ng Diyos. Ito
ang nag-aalis ng mga kasalanan
ng sanlibutan. Mapalad ang mga
inaanyayahan sa kanyang piging.
B — Pa n g i n o o n , h i n d i a k o
karapat-dapat na magpatuloy
sa iyo ngunit sa isang salita mo
lamang ay gagaling na ako.
Antipona sa Komunyon (Is 7:14)
Maglilihi itong birhen at mag­
sisilang ng supling na tatawa­ging
Emmanuel, taguring ibig sabihi’y
“Ang D’yos ay suma­saatin.”
Panalangin Pagkapakinabang
(Tumayo)
P—Manalangin tayo. (Tumahimik)
Ama naming mapagmahal,
amin nang pinagsaluhan ang
piging na nagbibigay-buhay.
Habang papalapit ang dakilang
kapistahan ng Pasko, lalo nawa
kaming makinabang nang may
to journey with us.
(02) 8895-9701 | 0962-046-5506
• 365 Days with the Lord • Simbahay • Religious Articles
• Altar and Church Vestments
pananabik sa pagiging marapat
sa pagdiriwang sa pagsilang ng
Anak mo na siyang namamagitan
magpasawalang hanggan.
B—Amen.
PAKIKINABANG
P—Sumainyo ang Panginoon.
B—At sumaiyo rin.
Pagbabasbas
P—Magsiyuko tayo habang
iginagawad ang pagbabasbas.
(Tumahimik)
Ang makapangyarihang Diyos
Ama ng Bugtong na Anak na
naparito na noon at hinihintay
nating bumalik ngayon ay siya
nawang mag­p abanal sa inyo
pakun­dangan sa liwa­nag ng kan­
yang pag­dating at siya rin na­­­wang
pumuspos sa inyo sa pag­pa­pa­la
ngayon at magpa­sawa­lang hang­
gan.
B—Amen.
P—Patatagin nawa niya kayo sa
pananampalataya, paligayahin sa
pag-asa, at pakilusin sa pag-ibig
na puspos ng sigla ngayon at
magpa­sawalang hanggan.
B—Amen.
P — Kayong nagagalak sa
pagdating ng nagkatawang-taong
Manunubos ay puspusin nawa
niya ng gantimpalang buhay na di
matatapos kapag siya’y dumating
nang may kadakilaang lubos
magpasawalang hanggan.
B—Amen.
P—Pagpalain kayo ng makapang­
yarihang Diyos, Ama at Anak (†)
at Espiritu Santo.
B—Amen.
Pangwakas
P—Kasama ni Maria, humayo
k ayo a t p a g h a n d a a n a n g
pagdating ng Panginoon.
B—Salamat sa Diyos.
| 0915-842-0546