Taon 37 Blg.
17 Paggunita sa Lahat na mga Pumanaw na Kristiyano (A) — Puti/Biyoleta Nobyembre 2, 2023
“Sa Bahay ng Aking Ama ay
Maraming Silid”
W alang araw o panahong
hindi ginugunita, inaalala,
at ipinagdarasal ng Simbahan ang
mga kaluluwa ng mga namayapang
Kristiano. Ngunit ngayong ika-2 ng
Nobyembre, espesyal ang pag-alala
natin sa kanila. Sa paggunitang ito,
ang ating PANANAMPALATAYA,
PAG-ASA at PAG-IBIG ay pinala-
lakas ng katotohanan na ang mga
pumanaw na banal at nabuhay sa
biyaya at kabanalan kay Kristo ay
nagtatamasa ng kaluwalhatian sa
langit sa piling ng Diyos.
Nakaugalian na nating mga Pili-
pino na dumalaw sa sementeryo
upang magtirik ng kandila at mag-
dasal sa puntod ng mga yumaong
mga mahal sa buhay. Ginagawa
natin ito sa paniniwalang sa pama-
magitan nito, ang kanilang kaluluwa
ay lubos na magiging payapa, ma-
linis, at karapat-dapat pumasok sa
langit at magtamasa ng kaluwalha-
tian ng Diyos kasama ng mga ang-
hel at mga banal. Nasa langit ang
sukdulang kalayaan, kaligayahan,
at kaginhawahan natin sa piling ng
Maykapal. Kaya sa ating kamata-
yan, pinagpapala tayong pumasok
sa isang pangwakas ngunit ma-
tinding paglilinis ng kasalanan sa
Msgr. Peter Cañonero
purgatoryo, upang maging handa sa
pagharap sa Diyos. Ang purgatoryo
ay isang regalo, isang biyaya, isang
awa. Ngunit ang mga kaluluwa sa
purgatoryo ay wala nang malayang
pagpapasya o kakayahang mag-
bayad-sala para sa kanilang sarili.
Umaasa sila sa atin—sa samahan
ng mga banal. Sumusulong sila sa
paglilinis dahil sa ating mga pan-
alangin at pagsasakripisyo para sa
kanila. Ito ang dahilan kung bakit
tayo nagdarasal para sa mga patay
at nag-aalay ng mga Misa para sa
ikaluluwalhati ng kanilang kalulu-
wa. Mababasa natin sa 2 Macabeo
ang tungkol sa paniniwala sa muling
pagkabuhay ng mga patay. Hindi ka-
hangalan ang paghahandog ng pan-
alangin para sa kanila sapagkat ang
lahat ng mga namamatay na nanati-
ling tapat ay may walang-hanggang
gantimpalang matatanggap mula sa
Diyos sa kabilang buhay.
Sa Ebanghelyo ni San Juan,
sinabi ng Panginoon: “Sa bahay ng
aking Ama ay maraming silid... At
paroroon ako upang ipaghanda ko
kayo ng matitirhan. Kapag naroroon
na ako at naipaghanda na kayo ng
matitirhan, babalik ako at isasama
kayo sa kinaroroonan ko.” Upang
makarating doon, manalig tayo
sa salita niya, “Ako ang daan, ang
katotohanan, at ang buhay. Walang
makapupunta sa Ama kundi sa
pamamagitan ko.” Gayunpaman,
bago tayo pumasok sa tahanang
inihanda ni Kristo, kinakailangan
munang ihanda ang ating sarili at
maging banal sa lahat ng aspekto
ng ating buhay sa lupa.
Sa sulat ni San Pablo sa mga taga-
Roma, kanyang binibigyang-diin na
dahil sa dakilang pag-ibig ng Diyos,
ipinagkaloob niya ang kanyang
Bugtong na Anak. Ipagkakaloob
din niya sa atin ang lahat ng kay
Kristo. Kayang-kaya nating mapag-
tagumpayan ang lahat maging ang
kamatayan dahil sa pag-ibig na ito
ng Diyos at walang magkapaghi-
hiwalay sa atin sa pag-ibig niya sa
pamamagitan ni Kristo. Sa araw na
ito, ang PAG-IBIG NG DIYOS ang
nagbubuklod at nag-uugnay sa ating
mga nabubuhay pa at sa mga na-
ngamatay na. Habang nabubuhay
tayo, patuloy tayong mag-aalay ng
panalangin, paglilimos, at sakripisyo
para sa ikaluluwalhati ng lahat ng
kaluluwa ng mga yumao—silang
ating mga kapatid sa iisang Ama sa
langit.
 PASIMULA
Pambungad na Antipona
(1 Tes 4:13; 1 Cor 15:22)
(Basahin kung walang pambungad na awit)
Nabuhay si Hesukristo gayun din
ang mga tao. Pinangyari niya ito
nang malapit na totoo sa Diyos
ang buong mundo.
Pagbati
(Gawin dito ang tanda ng krus)
P—Sumainyo ang Panginoon.
B—At sumaiyo rin.
Paunang Salita
(Maaaring gamitin ang mga ito o ka-
halintulad na mga pahayag)
P—Sa araw na ito ginugunita
natin ang Lahat na mga
Pumanaw na Kristiyano. Ang
ating pana­n ampalataya sa
kasamahan ng mga banal ay
nangangahulugan na ang ating
pagsasama ay hindi nagtatapos
sa kamatayan. Silang mga
nasa langit ang tagapamagitan
natin sa Panginoon. Silang
mga nililinis pa ang kaluluwa
ay naki­k inabang sa ating
mga panalangin, lalo na sa
Eukaristiya na iniaalay natin
para sa kanila. Puno ng pag-
ibig, ipanalangin natin silang
makapiling nawa ang ating
Panginoon sa kanyang kaharian.
Pagsisisi
P—Mga kapatid, tinipon tayo
bilang mga kaanib ng angkan
ng Diyos kaya dumulog tayo
sa maawaing Panginoong
nagpapatawad nang lubos.
(Tumahimik)
P—Sinugong Tagapagpagaling
sa mga nagsisisi: Panginoon,
kaawaan mo kami.
B—Panginoon, kaawaan mo kami.
P—Dumating na Tagapag-anya­
yang mga makasalana’y magsisi:
Kristo, kaawaan mo kami.
B—Kristo, kaawaan mo kami.
P—Nakaluklok ka sa kanan ng
Diyos Ama para ipamagitan
kami: Panginoon, kaawaan mo
kami.
B—Panginoon, kaawaan mo kami.
P—Kaawaan tayo ng makapang­
yarihang Diyos, patawarin tayo
sa ating mga kasalanan, at patnu­
bayan tayo sa buhay na walang
hanggan.
B—Amen.
Pambungad na Panalangin
P—Manalangin tayo. (Tumahimik)
Ama naming makapangya­
rihan, dinggin mo ang aming
mga kahilingan upang sa pagpa­
pahayag ng aming pananam­
palataya sa Anak mong
nabuhay mula sa mga patay
ang aming pag-asang manabik
sa pagkabuhay ng mga lingkod
mo ay tumibay sa pamamagitan
niya kasama ng Espiritu Santo
magpasawalang hanggan.
B—Amen.
PAGPAPAHAYAG NG
SALITA NG DIYOS
Unang Pagbasa (2 Mac 12:43–46)
(Umupo)
Naghandog si Judas ng apat na
librang pilak bilang pantubos
sa kasalanan ng mga yumao sa
paniniwalang, sa pamamagitan
nito, makakamit ng mga namatay
ang kapatawaran ng kasalanan
at ang muling pagkabuhay.
Pagbasa mula sa ikalawang aklat
ng Macabeo
NOONG mga araw na iyon,
nagpalikom si Judas, ang pinuno
ng Israel, ng mga kaloob na
umabot sa halagang apat na
librang pilak at ipinadala sa
Jerusalem upang ihandog na
pantubos sa kasalanan. Ginawa
ito ni Judas sapagkat naniniwala
siya sa muling pagkabuhay
ng mga patay. Kung hindi’y
magiging kahangalan lamang
ang ipanalangin pa ang mga
namatay na. Dahil buo ang
kanyang paniniwala na ang lahat
ng namamatay na nanatiling
sapat ay tatanggap ng dakilang
gantimpala, ginawa niya ang
paghahandog na iyon upang ang
pagkakasala ng mga namatay na
ito ay patawarin.
—Ang Salita ng Diyos.
B—Salamat sa Diyos.
Salmong Tugunan (Slm 103)
T—Panginoo’y nagmamahal at
maawain sa tanan.
1. Kay ganda ng kalooban,
mahabangin itong Diyos,/ kung
magalit ay banayad, kung umibig
nama’y lubos./ Kung siya ay
magparusa, di katumbas ng
pagsuway;/ di na tayo sinisingil
sa nagawang kasalanan. (T)
2. Kung paano nahahabag ang
ama sa anak niya/ gayun siya
nahahabag sa may takot sa
kanya./ Alam niya na alabok,
yaong ating pinagmulan,/ alam
niyang babalik din sa alabok
kung mamatay. (T)
3. Ang buhay ng mga tao’y parang
damo ang katulad./ sa parang ay
lumalago na animo ay bulak­lak;
/kapag ito’y nahanginan, nawa­
wala’t nalalagas,/ nawawala man­
din ito at hindi na namamalas. (T)
4. Ngunit ang pag-ibig ng Diyos
ay tunay na walang hanggan,/ sa
sinuman na sa kanya’y may takot
at pagmamahal;/ ang matuwid
niyang gawa ay wala ring katapu­
san. /Yaong magtatamo nito’y ang
tapat sa kanyang tipan, /at tapat na
sumusunod sa bigay na kautusan.
(T)
Ikalawang Pagbasa
(Rom 8:31b–35, 37–39)
Naniniwala si San Pablo na
walang makapaghihiwalay sa
atin sa Diyos sapagkat si Kristo
Hesus na muling nabuhay ang
namamagitan sa atin sa Diyos
Ama.
Pagbasa mula sa sulat ni Apostol
San Pablo sa mga taga-Roma
MGA KAPATID: Kung ang Diyos
ay panig sa atin, sino ang laban
sa atin? Hindi niya ipinagkait
ang sarili niyang Anak kundi
ibinibigay para sa ating lahat.
Kung naipagkaloob niya sa atin
ang kanyang Anak, hindi ba niya
ipagkakaloob sa atin ang lahat
ng bagay, kasama ng kanyang
Anak? Sino ang maghaharap ng
sakdal laban sa mga hinirang
ng Diyos, gayong ang Diyos
ang nagpapawalang-sala sa
kanila? Sino nga ang hahatol
ng kaparusahan? Si Kristo Hesus
bang nasa kanan ng Diyos?
Siya pa nga ang namatay at
muling binuhay, at ngayo’y
namamagitan para sa atin. Sino
ang makapaghihiwalay sa atin
sa pagmamahal ni Kristo? Ang
paghihirap ba, ang kapighatian,
ang pag-uusig, ang gutom, ang
kahubaran, ang panganib, o
ang tabak? Hindi! Ang lahat
ng ito’y kayang-kaya nating
pagtagumpayan sa pamamagitan
niya na nagmamahal sa atin.
Sapagkat natitiyak kong ang
kamatayan, ang buhay, ang mga
anghel, ang mga pamunuan,
ang mga bagay sa kasalukuyan,
ang mga bagay na darating,
ang mga kapangyarihan, ang
kataasan, ang kalaliman, o ang
alinmang nilalang ay hindi
makapaghihiwalay sa atin sa
pag-ibig ng Diyos—pag-ibig
na ipinadama niya sa atin sa
pamamagitan ni Kristo Hesus
na ating Panginoon.
—Ang Salita ng Diyos.
B—Salamat sa Diyos.
Aleluya (Mt 25:34) (Tumayo)
B—Aleluya! Aleluya! Halina at
inyong kamtan ang langit na
kaharian pamana ng Amang
mahal. Aleluya! Aleluya!
Mabuting Balita (Jn 14:1–6)
P—Ang Mabuting Balita ng
Panginoon ayon kay San Juan
B—Papuri sa iyo, Panginoon.
NOONG panahong iyon, sinabi
ni Hesus sa kanyang mga alagad,
“Huwag kayong mabalisa;
manalig kayo sa Diyos at manalig
din kayo sa akin. Sa bahay ng
aking Ama ay maraming silid;
kung hindi gayun, sinabi ko na
sana sa inyo. At paroroon ako
upang ipaghanda ko kayo ng
matitirhan. Kapag naroroon na
ako at naipaghanda na kayo
ng matitirhan, babalik ako at
isasama kayo sa kinaroroonan
ko. At alam na ninyo ang daan
patungo sa pupuntahan ko.”
Sinabi sa kanya ni Tomas,
“Panginoon, hindi po namin
alam kung saan kayo pupunta,
paano namin malalaman ang
daan?” Sumagot si Hesus, “Ako
ang daan, ang katotohan, at ang
buhay. Walang makapupunta sa
Ama kundi sa pamamagitan ko.”
—Ang Mabuting Balita ng
Panginoon.
B—Pinupuri ka namin,
Panginoong Hesukristo.
Homiliya (Umupo)
Pagpahayag
ng Pananampalataya (Tumayo)
B—Sumasampalataya ako sa
Diyos Amang makapangyarihan
sa lahat, na may gawa ng langit
at lupa.
Sumasampalataya ako kay
Hesukristo, iisang Anak ng
Diyos, Panginoon nating lahat.
Nagkatawang-tao siya lalang
ng Espiritu Santo, ipinanganak
ni Santa Mariang Birhen.
Pinagpakasakit ni Poncio Pilato,
ipinako sa krus, namatay, inilibing.
Nanaog sa kinaroroonan ng mga
yumao. Nang may ikatlong araw
nabuhay na mag-uli. Umakyat sa
langit. Naluluklok sa kanan ng
Diyos Amang makapangyarihan
sa lahat. Doon magmumulang
paririto at huhukom sa
nangabubuhay at nangamatay
na tao.
Sumasampalataya naman
ako sa Diyos Espiritu Santo, sa
banal na Simbahang Katolika,
sa kasamahan ng mga banal, sa
kapatawaran ng mga kasalanan,
sa pagkabuhay na muli ng
nangamatay na tao at sa buhay
na walang hanggan. Amen.
Panalangin ng Bayan
P—Idalangin natin sa ating
A m a n g m a k a p a n g ya r i h a n
ang ating mga minamahal na
pumanaw upang tanggapin
sila ng Panginoon sa kanyang
kaharian. Manalangin tayo:
T—Panginoon ng buhay, dinggin
mo kami.
L—Magpatuloy nawa ang
Simbahan sa kanyang pagpa­pa­
hayag at pagpapatotoo sa kato­
tohanan ng muling pagkabuhay
at buhay na walang hanggan na
kaloob ni Kristo. Manalangin tayo:
(T)
L—Maging tapat nawa ang mga
naglilingkod sa pamahalaan
sa kanilang pananagutan
at isaalang-alang nila ang
kapakanan ng mga mahihirap,
mga nagugutom, at mga inaapi.
Manalangin tayo: (T)
L—Makabangon nawa ang
aming bayan mula sa kahirapan,
terorismo, at krimen; magka­isa
nawa kami para sa ikauunlad
ng bayan. Manalangin tayo: (T)
L—Pagkalooban mo nawa ng
katarungan at kapayapaan
ang mga pumanaw dahil sa
karahasan at krimen at patatagin
ang kanilang mga kamag-anak
upang sila’y makabangon
at makapagsimula muli.
Manalangin tayo: (T)
P—Mapagmahal na Ama,
dinaig ng Panginoong Hesus
ang kama­tayan sa pamamagitan
ng kanyang muling pagkabuhay.
Tulungan mo kaming bumangon
mula sa aming pagdadalamhati
at kawalang-pag-asa.
Hinihiling namin ito sa
pamamagitan ni Kristo na aming
Panginoon.
B—Amen.
PAGDIRIWANG NG
HULING HAPUnan
Paghahain ng Alay (Tumayo)
P—Manalangin kayo...
B—Tanggapin nawa ng Pangi­
noon itong paghahain sa iyong
mga kamay sa kapurihan
niya at karangalan sa ating
kapakinabangan at sa buong
Sambayanan niyang banal.
Panalangin ukol sa mga Alay
(Tumayo)
P—Ama naming Lumikha,
ang aming mga alay ay iyong
kalugdan upang ang mga
pumanaw ay maiakyat sa
kaluwalhatian sa piling ng iyong
Anak na kaugnay namin ngayon
dahil sa kanyang pakikisamang
matapat bilang Tagapamagitan
kasama ng Espiritu Santo
magpasawalang hanggan.
B—Amen.
Prepasyo
(Pagyao ng mga Kristiyano I)
P—Sumainyo ang Panginoon.
B—At sumaiyo rin.
P—Itaas sa Diyos ang inyong
puso at diwa.
B—Itinaas na namin sa Pangi­noon.
P—Pasalamatan natin ang Pangi­
noong ating Diyos.
B—Marapat na siya ay pasala­
matan.
P—Ama naming makapangya­
rihan, tunay ngang marapat na
ikaw ay aming pasalamatan sa
pamamagitan ni Hesukristo na
aming Panginoon.
 Sa gabi ng kamatayan ay
pag-asang sumisilay ang muli
niyang pagkabuhay na aming
kinabukasan. Loob nami’y luma­
lakas ngayong aming natitiyak
na kamataya’y lilipas, di ito
ang aming wakas. Sa sandali
ng pagpanaw ikaw ang aming
hantu­n gan. Kaming ngayo’y
namam ­ a t ay s a ’ yo b u k a s
mabubuhay.
Kaya kaisa ng mga anghel na
nagsisiawit ng papuri sa iyo nang
walang humpay sa kalangitan,
kami’y nagbubunyi sa iyong
kadakilaan:
B—Santo, Santo, Santo...
(Lumuhod)
Pagbubunyi (Tumayo)
B—Sa krus mo at pagkabuhay
kami’y natubos mong tunay.
Poong Hesus naming mahal,
iligtas mo kaming tanan ngayon
at magpakailanman.
PAKIKINABANG
Ama Namin
B—Ama namin...
P—Hinihiling naming...
B—Sapagkat iyo ang kaharian at
ang kapangyarihan at ang kapu­
rihan magpakailanman! Amen.
Pagbati ng Kapayapaan
Paanyaya sa Pakikinabang
(Lumuhod)
P—Ito ang Kordero ng Diyos. Ito
ang nag-aalis ng mga kasalanan
ng sanlibutan. Mapalad ang mga
inaanyayahan sa kanyang piging.
B — Pa n g i n o o n , h i n d i a k o
karapat-dapat na magpatulóy
sa iyo ngunit sa isang salita mo
lamang ay gagaling na ako.
Pakikinabang (Jn 11:25–26)
Pagkabuhay ako’t buhay, nabu­
buhay na sinumang ako’y pina­
nanaligan ay di mapa­pa­naigan
ng kamatayan kailanman.
Panalangin Pagkapakinabang
(Tumayo)
P—Manalangin tayo. (Tumahimik)
Ama naming mapagmahal,
ang mga yumao nawa’y
makarating sa iyong tahanang
m a p a y a p a ’t m a n i n g n i n g
pakundangan sa ipinagdiriwang
naming pagkab ­ uhay ni
Hesukristo na naghahari kasama
ng Espiritu Santo magpa­sawalang
hanggan.
B—Amen.
PAGTATAPOS
P—Sumainyo ang Panginoon.
B—At sumaiyo rin.
Pagbabasbas
P—Magsiyuko kayo samantalang
iginagawad ang pagbabasbas.
(Tumahimik)
Ama naming mapagpala,
makaisa nawa sa kagalakan ng
mga banal sa kalangitan ang
iyong sambayanang nagdiwang
sa kanilang karangalan at
ipahintulot mong sa iyong piling
ay magkapisan sa pamamagitan
ni Hesukristo kasama ng Espiritu
Santo magpasawalang hanggan.
B—Amen.
P—At ang pagpapala ng
makapangyarihang Diyos, Ama
at Anak (†) at Espiritu Santo ay
manaog nawa at mamalagi sa
inyo magpasawalang hanggan.
B—Amen.
Pangwakas
P—Tapos na ang Misa. Humayo
kayo sa kapayapaan ni Kristo.
B—Salamat sa Diyos.

PANALANGIN SA PAGDALAW SA SEMENTERYO O PUNTOD NG YUMAO

Namumuno—Panginoong naming Diyos na walang katapusan, ang habag mo ay walang

hanggan. Lagi mong ipaalaala sa amin na maikli ang buhay at ang oras ng kamatayan ay
Iingid sa aming kabatiran. Gabayan sana ng iyong Banal na Espiritu ang mga araw namin
sa mundong ito upang Iagi naming tahakin ang daan ng kabanalan at katarungan. Kaisa ng
iyong simbahan, mapaglingkuran ka sana namin sa matinding pananampalataya, matatag na
pag-asa, at sa pag-ibig na ganap. At sa pagwawakas ng aming paglalakbay sa daigdig na ito,
akayin mo kami nang may galak patungo sa iyong kaharian, kung saan ka nabubuhay mag-
pakailanman.
B—Amen.
(Maaaring wisikan ng Banal na Tubig ang puntod.)
Namumuno—Pagkalooban mo sila ng kapayapaang walang hanggan.
B—Silayan mo sila ng liwanag na walang katapusan.
Namumuno—Mapanatag sila sa kapayapaan. B—Amen.
Namumuno—Kahabagan ng Diyos ang kanilang kaluluwa at ng lahat ng mga mananampala-
taya, at mapanatag sila sa kapayapaan. B—Amen.
(Ang lahat ay mag-aantanda ng Krus sa pagwawakas ng Namumuno.)
Namumuno—Sa kapayapaaan ng Diyos, + atin sanang matanto ang dakilang pag-ibig niya at
ng kanyang Anak na ating Panginoon Hesukristo. B—Amen.

(Maaaring isunod ang pagdarasal ng Santo Rosaryo.)