Taon 37 Blg.
23 Unang Linggo ng Adbiyento (B) — Lila
Catholic Handicapped Day | National AIDS Sunday
I lang taon na rin ang nakalipas
noong magulantang ang ilang
barangay sa Tarlac dahil sa
matinding mudflow. Nangyari
ito lampas hatinggabi kung saan
marami ang nahihimbing sa
kanilang pagkakatulog. Hindi
nakaligtas maging ang ilang mga
taong gising sa mga oras na iyon
sa mabilis na pag-apaw at malakas
na agos ng putik na lumampas sa
bubong ng mga bahay. Marami
ang hindi nakapaghanda kaya
daan-daang tao ang nalibing nang
buhay. Nagdulot ito ng matinding
paghihinagpis at kapighatian sa
puso ng mga mamamayan ng Tarlac.
Marami sa kanila ang nagtatanong:
“Bakit nangyari ito sa amin?
Bakit kami pinabayaan ng Diyos?
Papaano kami makapagsisimula
muli? May pag-asa pa ba kami?”
Sa mga malalagim na
pangyayaring tulad nito, tila
naubusan ng pag-asa ang mga tao.
Tila ba natutulog ang Diyos sa mga
oras na iyon. Tila ba napabayaan
na sila.
Sa paggunita natin ng panahon
ng Adbiyento, inaanyayahan tayong
muli na maging isang tanda ng pag-
asa sa gitna ng unos at kapighatian
dulot ng mga trahedya at maging
ating pagiging mga makasalanan.
Kaakibat ng ating paghahanda sa
nalalapit na pagsilang ni Hesus ay
ang pagiging gising sa mga kapatid
PAG-ASANG HATID
NG PAKIKIISA
Obp. Mylo Hubert C. Vergara, DD
Diyosesis ng Pasig
nating lubos na nangangailangan
at pakikiisa sa kanilang pagdurusa.
Tinatawag tayong maging
handa sapagkat nais ng Diyos na
makiramdam at maging mulat tayo
sa mga nangyayari sa kapaligiran at
sa mga kapatid nating nagdurusa.
Hindi sapat ang maghintay lang.
Kailangan may kawang-gawa. Ibig
sabihin, ang pagiging gising ay
pagkukusang gumawa ng mabuti
anumang oras. Maaari nating
isiping marami pa tayong oras para
“matulog” at maging kampante
sa buhay. Dahil dito, nalilinlang
tayo ng mga pang-aakit ng mundo
na nagiging sanhi ng kasalanan at
pagkasira ng ating buhay. Ngunit
kung lagi tayong handa at may
kamalayan sa muling pagdating
ng Panginoon, alam nating dapat
mamuhay tayo ayon sa kalooban
ng Diyos. Maipakikita natin ito sa
pamamagitan ng pagkukusang-
loob na pagtulong sa mga lubos na
nangangailangan.
Kung si Hesus ang dahilan
ng ating paghahanda, nararapat
lamang na maghintay tayo nang
may makabuluhang pagkilos.
Tulad ng paghahanda natin sa
isang mahalaga at malaking
okasyon, hinihimok tayong gawin
ang lahat ng ating makakaya upang
paghandaan ang pagdating ni
Hesus at ang buong pag-ibig nating
pagtanggap sa kanya sa ating mga
Disyembre 3, 2023
puso. Alalahanin din nating sa
ating paghahanda mahalaga ang
pagdarasal at pagbabalik-loob sa
Diyos. Sa bawat pakikiisa natin sa
banal na Misa, naihahanda natin
ang ating mga sarili na harapin ang
anumang pagsubok sa buhay at
nabibiyayaan tayo ng panibagong
pag-asa at lakas. Higit sa lahat,
nagkakaroon tayo ng pagkakataong
makipagkaisa kay Hesus pati na rin
sa ating mga kapatid na kabilang sa
Kristiyanong komunidad. Ikalawa,
mangumpisal tayo. Alalahanin
natin ang ating mga pagkukulang sa
Diyos at kapwa. Buong kababaang-
loob nating pagsumikapang
humingi ng tawad sa mga paglabag
natin sa kalooban ng Diyos at
makipagkasundo tayo sa mga
taong nasaktan natin o ‘yong mga
nakasakit sa atin. Ang daan patungo
sa pakikipagkasundo ay daan tungo
sa malalim na pakikipag-isa sa
Diyos at sa kapwa. Kaya’t manatili
tayong gising at maging handa na
makiisa sa buhay ni Hesukristo at
sa ating kapwa. Sabi nga ni Santa
Teresa ng Kolkata: “Manalangin
tayong matanggap natin si Hesus
ngayong Pasko, hindi sa malamig
na sabsaban ng ating mga puso
kundi sa puso nating puno ng
pagmamahal at pagpapakumbaba,
pusong mainit sa pagmamahal para
sa bawat isa.”
 PASIMULA
Antipona sa Pagpasok (Slm 25:1–3)
(Basahin kung walang pambungad na
awit)
Sa iyo’y nananawagan akong
walang alinlangan ikaw ay
maaasahang tagapagligtas na
tunay sa aglahi ng kaaway.
Pagbabasbas ng Korona ng
Adbiyento
(Maaaring gawin ito pagkatapos ng pam-
bungad ng awit)
P—Panginoong Diyos, pinupuri
ka namin dahil sa iyong Anak
na si Hesukristo, ang Emmanuel
na pag-asa ng sangkatauhan.
Siya ang karunungang nagtuturo
at gumagabay sa amin, at
tagapagligtas ng bawat bansa.
Panginoong Diyos, mapasaamin
nawa ang iyong pagpapala sa
pagsisindi namin ng mga kandila
sa koronang ito. Maging tanda
nawa itong korona’t ilaw ng
kaligtasang tinamo ni Kristo para
sa amin. Dumating na sana siya
nang walang pagkaantala.
Siyang Panginoon naming
nabubuhay at naghahari ngayon
at magpakailanman.
(Wiwisikan ng banal na tubig ng pari o ng
ministro ang korona ng adbiyento at maaari
niyang insensohan ito.)
Pagsisindi ng Kandila
(Sisindihan ang unang kandila na kulay
biyoleta.)
P—Dakilang Ama, sa pagsisimula
ng aming paglalakbay ngayong
panahon ng Adbiyento, sinisin-
dihan namin itong kandila ng
pag-asa. Pagkalooban mo kami
ng sigasig na umasa: umasa sa
iyong presensya, umasa sa iyong
kapayapaan at umasa sa iyong
pangako.
Pagbati
(Gawin dito ang tanda ng krus)
P—Sumainyo ang Panginoon.
B—At sumaiyo rin.
Paunang Salita
(Maaaring gamitin ang mga ito o ka-
halintulad na mga pahayag)
P—Sa pagdiriwang natin
ng Unang Linggo ng Adbi­
yento, sinisimulan natin ang
panibagong taon ng Liturhiya.
Ang Adbiyento ay nanganga­
hulugan ng “pagdating”—ang
pag­dating ng Panginoong Hesus.
Ito ang gumagabay at nagha­handa
sa atin upang ipagdiwang ang
kapaskuhan na pag-alala naman
sa pagsilang ni Hesus sa piling ng
sangkatauhan. Binu­buksan din ng
Adbiyento ang ating isipan upang
paghandaan ang maluwalhating
pagbabalik ni Kristo sa katapusan
ng panahon. Maging handa nawa
tayo sa muling pagdating ng ating
Pangi­noon upang buong galak
natin siyang patuluyin sa ating
mga puso.
Pagsisisi
P—Mga kapatid, tinipon tayo
bilang mga kaanib ng angkan
ng Diyos, kaya dumulog tayo
s a m a a w a i n g Pa n g i n o o n g
nagpapatawad nang lubos.
(Tumahimik)
P—Sinugong Tagapagpagaling sa
mga nagsisisi, Panginoon, kaawaan
mo kami.
B—Panginoon, kaawaan mo kami.
P — D u m a t i n g n a Ta g a p a g -
anyayang mga makasalana’y
magsisi, Kristo, kaawaan mo kami.
B—Kristo, kaawaan mo kami.
P—Nakaluklok ka sa kanan ng
Diyos Ama para ipamagitan kami.
Panginoon, kaawaan mo kami.
B—Panginoon, kaawaan mo kami.
P—Kaawaan tayo ng maka­
pangyarihang Diyos, patawarin
tayo sa ating mga kasalanan, at
patnubayan tayo sa buhay na
walang hanggan.
B—Amen.
(Walang Gloria tuwing Adbiyento)
Pambungad na Panalangin
P—Manalangin tayo. (Tumahimik)
Ama naming makapangya­ri­
han, bigyan mo kami ng paninin­
digang tumahak sa landas ng
kabutihan. Sa pagdating ni Kristo
makasa­lubong nawa kaming may
mabuting gawa upang kapiling
niya sa gawing kanan kami ay
maka­pisan sa iyong pinaghaha­rian
sa pama­magitan niya kasama ng
Espiritu Santo magpasawalang
hanggan.
B—Amen.
PAGPAPAHAYAG NG
SALITA NG DIYOS
Unang Pagbasa (Is 63:16b–17, 19b;
64:2b–7) (Umupo)
Inihahayag ni Isaias ang marub­
dob na paghi­hintay ng Israel sa
pagdating ng Panginoon: “Buksan
mo ang langit at ika’y bumaba sa
mundong ibabaw.” Sa panahon ng
Adbi­yento, ganito rin dapat ang
ating mararamdaman.
Pagbasa mula sa aklat ni pro­peta
Isaias
IKAW lamang Panginoon, ang
aming pag-asa’t Amang aasahan;
tanging ikaw lamang yaong
nagliligtas nitong aming buhay.
Bakit ba Panginoon, kami’y
tinu­lutang maligaw ng landas, at
ang puso nami’y iyong binayaan
na maging matigas?
Balikan mo kami, iyong kaa­
waan, ang mga lingkod mo na
tanging iyo lamang.
Buksan mo ang langit at ika’y
bumaba sa mundong ibabaw, at
ang mga bundok kapag nakita
ka’y magsisipangatal.
Wala pang narinig na Diyos na
tulad mo. Wala pang nakita ang
sinumang tao; pagkat ikaw lamang
ang Diyos na tumulong sa mga
lingkod mo na buong tiwalang
nanalig sa iyo.
Iyong tinatanggap, ang nagsisi­
kap sa mabuting gawa, at ang
iyong aral at mga tuntunin ang
ginugunita.
Nagagalit ka na’y tuloy pa rin
kami sa pagkakasala, ang ginawa
nami’y talagang masama buhat
pa nang una; ang lahat sa ami’y
pawang nagkasala, ang aming
katulad kahit anong gawin ay
duming di hamak.
Ang nakakawangki ng sinapit
nami’y mga dahong lagas, sa
simoy ng hangi’y tinatangay ito
at ipinapadpad.
Wala kahit isang dumulog sa
iyo upang dumalangin, wala kahit
isang lumapit sa iyo na tulong ay
hingin; kaya naman dahil sa aming
sala’y hindi mo kami pinansin.
Gayunman, Panginoon, a­ming
nalalamang ika’y aming Ama,
kami’y parang luwad at ikaw ang
magpa­palayok.
Ikaw ang lumikha sa amin,
Panginoon, at wala nang iba.
—Ang Salita ng Diyos.
B—Salamat sa Diyos.
Salmong Tugunan (Slm 79)
T—Akitin mo, Poong Mahal, iligtas
kami’t tanglawan.
1. Pastol ng Israel, kami ay pa­
kinggan;/ mula sa trono mong may
mga kerubin,/ kami ay tulu­ngan./
Sa taglay mong lakas, kami ay
iligtas,/ at tubusin sa hirap! (T)
2. Ika’y manumbalik, O Diyos
na Dakila!/ Pagmasdan mo kami
mula sa itaas,/ at ang punong ito’y
muling pagyamanin, at iyong ilig­­
tas./ Lumapit ka sana,/ ang puno
ng ubas na itinanim mo ay iyong
iligtas,/ yaong punong iyon na
pina­lago mo’t iyong pinalakas! (T)
3. Ang lingkod mong mahal ay
iyong ingatan,/ yamang hinirang
mo ay iyong ipagsanggalang,/
iyong palakasin bilang isang
ban­sang makapangyarihan!/ At
kung magkagayon,/ magbabalik
kami’t di na magtataksil sa ’yo kai­
lanman,/ kami’y pasiglahi’t aming
pu­purihin/ ang iyong panga­lan. (T)
Ikalawang Pagbasa (1 Cor 1:3–9)
Nananawagan si San Pablo sa mga
taga-Corinto na manatiling mata­
tag sa pananalig sa Diyos hang­
gang sa pagbabalik ng Pangi­noon.
Napapanahon ang pana­wagan ni
San Pablo ngayong masaya tayong
naghihintay sa pagdating ng Pangi­
noon, ang Verbong nagkatawang-tao.
Pagbasa sa unang sulat ni Apostol
San Pablo sa mga taga-Corinto
MGA KAPATID: sumainyo nawa
ang pagpa­pala at kapayapaan
mula sa Diyos na ating Ama at
sa Panginoong Hesukristo.
Lagi akong nagpapasalamat
sa Diyos dahil sa mga pagpapala
niya sa inyo sa pamamagitan
ni Kristo Hesus. Sapagkat sa
inyong pakiki­pag-isa sa kanya,
kayo’y umunlad sa lahat ng
paraan, ma­ging sa pananalita
at kaalaman. Ang katoto­hanang
ipinangaral namin tung­kol kay
Kristo ay mali­naw na nakikita sa
inyo anupa’t hindi kayo nagku­
lang sa anumang kaloob na
espirituwal, habang hinihintay
ninyong maha­y ag ang ating
Panginoong Hesukristo.Kayo’y
aalalayan niya hanggang sa
wakas upang matagpuan kayong
walang kapintasan sa Araw ng
ating Panginoong Hesukristo.
Tapat ang Diyos na tumawag sa
inyo upang kayo’y makipag-isa sa
kanyang Anak na si Hesukristong
ating Panginoon.
—Ang Salita ng Diyos.
B—Salamat sa Diyos.
Aleluya (Slm 84:8) (Tumayo)
B—Aleluya! Aleluya! Pag-ibig mo’y
ipakita, lingapin kami tuwina, iligtas
kami sa dusa. Aleluya! Aleluya!
Mabuting Balita (Mc 13:33–37)
P—Ang Mabuting Balita ng Pangi­
noon ayon kay San Marcos
B—Papuri sa iyo, Panginoon.
NOONG panahong iyon, sinabi
ni Hesus sa kanyang mga alagad:
“Mag-ingat kayo at maging handa
sapagkat hindi ninyo alam kung
kailan ang takdang oras. Katulad
nito’y isang taong umalis upang
maglakbay sa malayong lupain:
ipinababahala ang kanyang taha­
nan sa mga alipin na binigyan ng
kanya-kanyang gawain, at inuutu­
san ang bantay-pinto na maging
laging handa sa kanyang pagda­
ting. Gayun din naman, maging
handa kayong lagi, sapagkat hindi
ninyo alam kung kailan darating
ang puno ng sambahayan—maa­
a­ring sa pagdi­lim, sa hatinggabi,
sa madaling-araw, o kaya’y sa
umaga—baka sa kanyang biglang
pagdating ay maratnan kayong
natutulog. Ang sinasabi ko sa
inyo’y sinasabi ko sa lahat: Ma­
ging handa kayo!”
— Ang Mabuting Balita ng
Panginoon.
B—Pinupuri ka namin, Pangi­
noong Hesukristo.
Homiliya (Umupo)
Pagpapahayag
ng Pananampalataya (Tumayo)
B—Sumasampalataya ako sa Diyos
Amang makapangyarihan sa lahat,
na may gawa ng langit at lupa.
Sumasampalataya ako kay
Hesukristo, iisang Anak ng Diyos,
Pangi­noon nating lahat, nagkata­
wang-tao siya lalang ng Espiritu
Santo, ipinanganak ni Santa
Mariang Birhen. Pinagpakasakit
ni Poncio Pilato, ipinako sa krus,
nama­t ay, inilibing. Nanaog sa
kina­r oroonan ng mga yumao,
nang may ikatlong araw nabuhay
na mag-uli. Umak­yat sa langit.
Nalu­luklok sa kanan ng Diyos
Amang maka­pangyarihan sa lahat.
Doon magmu­mulang paririto at
huhu­kom sa nangabubuhay at
nanga­matay na tao.
Sumasampalataya naman ako
sa Diyos Espiritu Santo, sa banal
na Simbahang Katolika, sa kasama­
han ng mga banal, sa kapatawaran
ng mga kasalanan, sa pagkabuhay
na muli ng nangamatay na tao
at sa buhay na walang hanggan.
Amen.
Panalangin ng Bayan
P—Idulog natin sa Ama na turuan
tayong maging handa sa puso at
isipan upang maging marapat
tayong tumanggap sa nalalapit
na pagdating ng kanyang bugtong
na Anak. Buong pagtitiwala nating
idalangin:
T—Ama, dinggin mo ang aming
panalangin.
L—Maging tapat nawa ang
Santo Papa, mga obispo, mga
pari at mga diyakono sa kanilang
pangangaral ng Ebanghelyo at
panatilihin silang handa sa
anumang uri na pagsubok at
pag-uusig. Mana­langin tayo: (T)
L—Gampanan nawa ng mga
namu­muno sa pamahalaan ang
kanilang tungkulin nang may
pag-ibig at katapatang katulad ng
aliping naghihintay sa pagbabalik
ng kanyang amo. Manalangin
tayo: (T)
L—Manahan nawa sa bawat
tahanan at sa puso ng mga mag-
anak ang kapayapaang dulot ng
Adbi­yento at maging tagapaghatid
din sila ng Mabuting Balita ni
Hesukristo. Mana­langin tayo: (T)
L—Tanggapin nawa ng mga dukha,
nagdurusa, at inaapi ang biyaya
ng pagkalinga ng kanilang kapwa
at makita nila ito bilang tanda ng
kabuti­hang nag­mumula sa iyo,
Diyos Ama. Manala­ngin tayo: (T)
L—Makamit nawa ng mga mina­
mahal nating yumao ang walang
hanggang kaligayahan sa piling ng
Panginoong Hesukristo sa paraiso.
Manala­ngin tayo: (T)
(Maaaring ipanalangin ang iba pang
pangangailangan ng komunidad)
P—Ama naming mapagmahal.
Patatagin mo kami sa pama­magitan
ng Espiritu Santo upang mana­tili
kaming tapat sa iyo hanggang sa
muling pagdating ng Anak mo at
aming Panginoon.
B—Amen.
PAGDIRIWANG NG
HULING HAPUnan
Paghahain ng Alay (Tumayo)
P—Manalangin tayo...
B—Tanggapin nawa ng Pangi­
noon itong paghahain sa iyong
mga kamay sa kapurihan niya
at kara­ngalan sa ating kapaki­na­­
bangan at sa buong Samba­yanan
niyang banal.
Panalangin ukol sa mga Alay
P—Ama naming Lumikha, tang­
ga­pin mo ang aming mga alay na
ikaw din ang nagbigay. Magdulot
nawa ito ng gantimpalang kalig­
tasan na ngayon pa man ay amin
nang pinakikinabangan sa pama­
magitan ni Hesukristo kasama ng
Espiritu Santo magpasawalang
hanggan.
B—Amen.
Prepasyo (Adbiyento I)
P—Sumainyo ang Panginoon.
B—At sumaiyo rin.
P—Itaas sa Diyos ang inyong puso
at diwa.
B—Itinaas na namin sa Pangi­noon.
P—Pasalamatan natin ang Pangi­
noong ating Diyos.
B—Marapat na siya ay pasala­matan.
P—Ama naming makapangyari­
han, tunay ngang marapat na ikaw
ay aming pasalamatan sa pama­
ma­gitan ni Hesukristo na aming
Pangi­noon.
Siya’y isinugo mo upang
matupad ang iyong magan­dang
balak para sa lahat. Hindi niya
ikinahiyang mamu­h ay nang
mahi­rap upang mapakisamahan
niya ka­ming matapat. Siya’y na­
ging hindi na iba sa amin upang
maitampok niya kami sa iyong pi­
ling. Sa kanyang lanta­rang mu­ling
pagdating ang paki­kisama niya’y
puspusang magni­ningning at ang
pangako niyang kapana-panabik
ay inaa­sahan naming lubos na
makaka­mit.
Kaya kaisa ng mga anghel na
nag­sisiawit ng papuri sa iyo nang
walang humpay sa kalangitan,
kami’y nagbubunyi sa iyong kada­
ki­laan:
B—Santo, Santo, Santo...
(Lumuhod)
Pagbubunyi (Tumayo)
B—Sa krus mo at pagkabuhay
kami’y natubos mong tunay.
Poong Hesus naming mahal,
iligtas mo kaming tanan ngayon
at magpakailanman.
PAKIKINABANG
Ama Namin
B—Ama namin...
P—Hinihiling naming...
B—Sapagkat iyo ang kaharian at
ang kapangyarihan at ang kapu­­
rihan magpakailanman! Amen.
Pagbati ng Kapayapaan
Paanyaya sa Pakikinabang
(Lumuhod)
P—Ito ang Kordero ng Diyos. Ito
ang nag-aalis ng mga kasalanan
ng sanlibutan. Mapalad ang mga
inaanyayahan sa kanyang piging.
B — Pa n g i n o o n , h i n d i a k o
karapat-dapat na magpatuloy
sa iyo ngunit sa isang salita mo
lamang ay gagaling na ako.
Antipona sa Komunyon
(Slm 85:12)
Tunay na pauunlarin ng Poon
ang buhay natin. Ang halamang
nakatanim sa bukid nati’t lupai’y
magbubunga’t aanihin.
Panalangin Pagkapakinabang
(Tumayo)
P—Manalangin tayo. (Tumahimik)
Ama naming mapagmahal,
mapa­k inabangan nawa namin
ang aming pinagsaluhan upang sa
aming paglalakbay dito sa lupang
papa­naw aming mapa­naligan ang
iyong pagpapalang pangmag­
pakailan­m an sa pama­m agitan
ni Hesukristo kasama ng Espiritu
Santo magpasa­wa­lang hanggan.
B—Amen.
PAGTATAPOS
P—Sumainyo ang Panginoon.
B—At sumaiyo rin.
Pagbabasbas
P—Magsiyuko tayo habang
iginagawad ang pagbabasbas.
(Tumahimik)
Ang makapangyarihang Diyos
Ama ng Bugtong na Anak na
naparito na noon at hinihintay
nating bumalik ngayon ay siya
nawang mag­p abanal sa inyo
pakun­dangan sa liwa­nag ng kan­
yang pag­dating at siya rin na­­­wang
pumuspos sa inyo sa pag­pa­pa­la
ngayon at magpa­sawa­lang hang­
gan.
B—Amen.
P—Patatagin nawa niya kayo sa
pananampalataya, paligayahin
sa pag-asa, at pakilusin sa pag-
ibig na puspos ng sigla ngayon at
magpasawalang hanggan.
B—Amen.
P—Kayong nagagalak sa
pagdating ng nagkatawang-taong
Manunubos ay puspusin nawa
niya ng gantimpalang buhay na di
matatapos kapag siya’y dumating
nang may kadakilaang lubos
magpasawalang hanggan.
B—Amen.
P—Pagpalain nawa kayo ng maka­
pangyarihang Diyos, Ama at Anak
(†) at Espiritu Santo.
B—Amen.
Pangwakas
P—Tapos na ang Misa. Humayo
kayong taglay ang kapayapaan at
kabutihang-loob ng ating Pangi­
noon.
B—Salamat sa Diyos.

SAMBUHAY MISSALETTE STAFF

Editor: Fr. Oliver Vergel O. Par, SSP Subscription Office

Managing Editor: Cl. Vinz Anthony Aurellano, SSP (ST PAULS Diffusion)
Associate Editors: Fr. Apolinar Castor, SSP
7708 St. Paul Road,
Ian Gabriel Ceblano San Antonio Village,
Fr. Rollin Flores, SSP 1203 Makati City
Fr. Joseph Javillo, SSP Tels.: (02)895-9701 to 04
DL (02)895-7222
Proofreader: Ms. Marissa Reyes-Dela Cruz Fax: (0/2)890-7131
Lay-out Artists: Cl. Melvin Dela Cruz, SSP E-mail: sambuhay@stpauls.ph
Cl. Anjon Frederick Mamunta, SSP

TO SHOP ONLINE visit: Bibles • Religious books • The Youngster • Hãlo • Sambuhay • Pandasal
www.stpauls.ph • 365 Days with the Lord • Simbahay • Religious Articles
• Altar and Church Vestments