Taon 37 Blg.
22 Dakilang Kapistahan ng Pagkahari ng Panginoong
Hesukristo sa Sanlibutan (A) — Puti
Umasa Ako
Pero
Nasaan Ka?
P. Ramil Tapang, SSP
I pinagdiriwang natin ngayon
ang Dakilang Kapistahan ng
Pagkahari ng Panginoong He-
sukristo sa Sanlibutan. Ang
pagdiriwang na ito ay itinakda
ni Papa Pio XI noong 1925 bi-
lang tugon sa mga kaisipan at
gawaing unti-unting sumisira sa
relasyon ng tao sa Diyos.
Maraming nagdarasal ngayon
sa Diyos na, sana, magkaroon
siya ng pera, posisyon, at papuri.
Marami ang humihingi ng mga
ito upang, ‘di-umano, tumulong
sa simbahan, umagapay sa mga
nasa laylayan, at mapalaganap
ang Mabuting Balita. Ngunit sa
oras na magkaroon na ng mga
ito, ano na ang nangyayari?
Nakalimot na. Nasaan na ang
pagbibigay-tulong sa simbahan?
Nasaan na ang pag-agapay sa
mga nasa laylayan? Nasaan na
ang pagbabahagi ng Salita ng
Diyos? Ang iba pa nga’y mas
masahol pa: “Ngayong mapera
na ako, mabibili ko na kahit ang
buo mong pagkatao! Ngayong
may posisyon na ako, yumuko
ka sa akin! Ngayong pinapalak-
pakan na ako, uutuin na kita!
Ako ang hari, salita ko’y hindi
mababali!” Nakakatakot! Ang
Nobyembre 26, 2023
“pag-asa,” nauwi sa “paasa.”
Ang kapistahan ng Kris-
tong Hari ay isang paanyaya
sa ating huwag mapako sa pa-
giging “paasa”—sa huwad na
pangako ng pera, posisyon, at
palakpak. Sa katunayan, wala
naman talagang masama sa mga
ito. Ngunit, sana, gamitin tala-
ga natin ito sa paglilingkod sa
kapwa at sa pamumuhay nang
may pananagutan. Ang pagiging
tunay na alagad ay lubusang
pagsasapuso at pagsasadiwa
ng pagka-Diyos at pagkatao ni
Hesus sa ating buhay: naha-
hawakan, naaamoy, naririnig,
nararamdaman dapat si Hesus
sa ating pag-iral. Si Hesus ang
pinipili sa tuwina ng isang tunay
na alagad, hindi ang mundo.
Ang isang tunay na alagad, hindi
lang basta “nakikisawsaw” sa
aral ni Hesus. Bagkus, siya’y
“bumababad” sa pagmamahal.
Siya’y nagiging tunay na alagad.
Siya’y nagiging tunay na “pag-
asa.”
Gusto mong makita si Hesus?
Huwag mo siyang hanapin sa
gintong trono at matatayog na
palasyo. Nananahan siya sa mga
pinaka payak at pinaka hamak,
sa mga nasa laylayan ng lipu-
nan. Sabi nga niya, “Sinasabi ko
sa inyo: nang gawin ninyo ito
sa pinakahamak sa mga kapatid
kong ito, ito’y sa akin ninyo gi-
nawa” (Mateo 25:40).
Kapatid, marami ang
nabubuhay ngayon sa kultura
ng pagiging “Walang Pakia-
lam”—walang pakialam sa na-
gugutom, nauuhaw, inaapi, at
pinagsasamantalahan! Sabi ni
Albert Einstein, “Ang mundo ay
hindi magtatapos dahil sa mga
gumagawa ng masama, kundi
dahil sa mga taong walang pa-
kialam at kontento sa panonood
na lang.”
Hinahamon tayo ngayon ng
ating Kristong Hari. “Maging
daan kayo ng pag-asa! Huwag
kayong paasa!” Huwag tayong
manood o makisawsaw lang.
Mabuhay nang may panana-
gutan. Makialam nang may
pagmamahal. Bumabad sa pag-
mamahal ni Kristo at ibahagi ito
upang buong pagtitiwala rin nat-
ing masabi katulad ni San Pablo,
“Hindi na ako ang nabubuhay
ngayon kundi si Kristo na ang
nabubuhay sa akin” (Gal 2:20).
 PASIMULA
Antipona sa Pagpasok
(Pahayag 5:12; 1–6)
(Basahin kung walang pambungad na
awit)
Ang Korderong inialay ay ma­rapat
na paghandugan ng kadakilaa’t
dangal, pagkilala’t pagpupugay,
siya’y Haring walang hanggan.
Pagbati
(Gawin dito ang tanda ng krus)
P—Sumainyo ang Panginoon.
B—At sumaiyo rin.
Paunang Salita
(Maaaring gamitin ang mga ito o ka-
halintulad na mga pahayag)
P—Ipinagdiriwang natin ngayon
ang huling Linggo sa kalendaryo
ng Simbahan. Sa pagtatapos
natin sa isa na namang taon ng
pagsamba, marapat lamang na
ipagdiwang natin ang Dakilang
Kapistahan ng Pagkahari ng
Panginoong Hesukristo sa
Sanlibutan. Sa pama­m agitan
ni Hesus na siyang dahilan
ng lahat, naihango ang buong
sangkatauhan tungo sa kaligtasan.
Pagsisisi
P—Mga kapatid, aminin natin ang
ating mga kasalanan upang tayo’y
maging marapat sa pagdiriwang ng
banal na paghahaing nagdudulot
ng kapatawaran ng Maykapal.
(Tumahimik)
P—Panginoon, kami’y nagkasala
sa iyo.
B—Panginoon, kaawaan mo kami.
P—Kaya naman, Panginoon,
ipakita mo na ang pag-ibig mong
wagas.
B—Kami ay lingapin at sa
kahirapan ay iyong iligtas.
P—Kaawaan tayo ng makapang­
yarihang Diyos, patawarin tayo
sa ating mga kasalanan, at
patnubayan tayo sa buhay na
walang hanggan.
B—Amen.
Gloria
B—Papuri sa Diyos sa kaitaasan
at sa lupa’y kapayapaan sa mga
taong kina­lulugdan niya. Pinupuri
ka namin, dinarangal ka namin,
sina­samba ka namin, ipinagbu­
bunyi ka namin, pina­sa­salamatan
ka namin dahil sa dakila mong
angking ka­pu­rihan. Panginoon
Diyos, Hari ng langit, Diyos Amang
makapang­yarihan sa lahat. Pangi­
noong Hesukristo, Bugtong na
Anak, Pangi­noong Diyos, Kordero
ng Diyos, Anak ng Ama. Ikaw na
nag-aalis ng mga kasalanan ng
sanlibutan, maawa ka sa amin.
Ikaw na nag-aalis ng mga ka­sala­
nan ng sanlibu­tan, tanggapin mo
ang a­ming kahili­ngan. Ikaw na na­
luluklok sa kanan ng Ama, maawa
ka sa amin. Sapagkat ikaw lamang
ang banal, ikaw lamang ang Pangi­
no­on, ikaw lamang, O Hesukristo,
ang Ka­taas-taasan, kasama ng
Espiritu Santo sa kadakilaan ng
Diyos Ama. Amen.
Pambungad na Panalangin
P—Manalangin tayo. (Tumahimik)
Ama naming makapang­yari­
han, sa iyong Anak na pinaka­
ma­mahal at Hari ng sanlibutan
niloob mong pag-isahin ang
tanan. Idulot mong ang tanang
kinapal na pina­laya sa kaalipinan
ay makapag­lingkod sa iyong
kadakilaan at makapagpuri sa
iyo nang walang humpay sa
pamamagitan ni Hesukristo ka­
sama ng Espiritu Santo magpa­
sawalang hanggan.
B—Amen.
PAGPAPAHAYAG NG
SALITA NG DIYOS
Unang Pagbasa
(Ez 34:11–12, 15–17) (Umupo)
Nang mabigong mapaglingkuran
ng mga hari ng Israel ang kanyang
bayan, ibinigay ng Diyos ang sarili
bilang pastol at hari na nangangalaga
sa kanyang kawan.
Pagbasa mula sa aklat ni pro­peta
Ezekiel
ITO ANG ipinasasabi ng Pangi­
noong Diyos: “Ako mismo ang
mag­hahanap at mag-aalaga sa
aking mga tupa. Kung paanong
hina­­­­hanap ng pastol ang tupa
niyang nawawala, gayon ko
haha­n apin ang aking tupa.
Kukunin ko sila saan­m an
sila itinapon noong panahon
ng kanilang kasamaan. Ako
mismo ang magpapastol sa
kanila at hahanap ng kanilang
pahingahan. Hahanapin ko ang
nawa­wala, ibabalik ang nalalayo,
hihilutin ang napilay, palalakasin
ang mahihina, at babantayan ang
malulusog at malalakas. Ibibigay
ko sa kanila ang kailangan nilang
pagkain.
“Sa inyo, aking kawan, ito ang
sinasabi ko na inyong Diyos na
Panginoon: Ako ang magiging
hukom ninyo. Pagbubukurin ko
ang mabubuti’t masasama, ang
mga tupa at ang mga kambing.”
—Ang Salita ng Diyos.
B—Salamat sa Diyos.
Salmong Tugunan (Slm 22)
T—Pastol ko’y Panginoong Di­yos,
hindi ako magdarahop.
1. Panginoo’y aking Pastol, hindi
ako magkukulang./ Ako’y pina­hi­
him­lay sa mainam na pastulan. (T)
2. At inaakay niya ako sa tahimik
na batisan,/ binibigyan niya ako
niyong bagong kalakasan./ At
sang-ayon sa pangako na kan­
yang binitiwan/ sa matuwid na
lan­dasi’y doon ako inaakay. (T)
3. Sa harapan ng lingkod mo,
ikaw ay may handang dulang,/
ito’y iyong ginagawang nakikita
ng ka­away;/ nalulugod ka sa akin
na ulo ko ay langisan/ at pati na
ang kalis ko ay iyong pinaaapaw./
Tunay na ang pag-ibig mo at ang
iyong kabu­tihan,/ sasaaki’t tatag­
layin habang ako’y nabubu­hay;/
doon ako sa templo mo lalagi at
mananahan. (T)
Ikalawang Pagbasa
(1 Cor 15:20–26, 28)
Sa kanyang muling pagkabuhay,
kinilala si Hesus bilang Hari ng
sanlibutan, ang Panginoon sa lahat
ng panahon.
Pagbasa sa unang sulat ni Apostol
San Pablo sa mga taga-Corinto
MGA KAPATID, si Kristo’y mu­
ling binuhay bilang katibayan
na muling bubuhayin ang mga
patay. Kung paanong dumating
ang ka­ma­tayan sa pamamagitan
ng isang tao, gayon din naman,
duma­ting din ang muling pagka­
buhay sa pama­ma­gitan ng isang
tao. Sapagkat kung paanong
mama­matay ang lahat dahil sa
kanilang kaugnayan kay Adan,
gayon din naman, mabu­buhay ang
lahat dahil sa kanilang kaugnayan
kay Kristo, ngunit ang bawat isa
sa kanya-kanyang takdang pana­
hon: si Kristo ang pinakauna sa
lahat; pagkatapos, ang mga kay
Kristo sa panahon ng pag­parito
niya. At darating ang wakas,
pagkatapos malupig ni Kristo ang
lahat ng kaharian, pamahalaan,
at kapangyarihan; at ibibigay niya
sa Diyos at Ama ang paghahari.
Sapagkat si Kristo’y dapat mag­
hari hanggang sa malupig niya at
lubusang mapasuko ang kanyang
mga kaaway. Ang kahuli-hulihang
kaaway na kanyang pasusukuin
ay ang kamatayan. At kapag ang
lahat ay nasa ilalim na ng kapang­
yarihan ni Kristo, ang Anak naman
ang pa­iilalim sa kapang­yarihan
ng Diyos na naglagay ng lahat ng
bagay sa ilalim ng kapangyarihan
niya. Sa gayon, lubusang magha­
hari ang Diyos sa kalahat-lahatan.
—Ang Salita ng Diyos.
B—Salamat sa Diyos.
Aleluya (Mc 11:9–10) (Tumayo)
B—Aleluya! Aleluya! Pagpalain
ang dumarating sa ngalan ng
Poon natin, paghahari’y kan­yang
angkin. Aleluya! Aleluya!
Mabuting Balita (Mt 25:31–46)
P—Ang Mabuting Balita ng Pangi­
noon ayon kay San Mateo
B—Papuri sa iyo, Panginoon.
NOONG panahong iyon, sinabi
ni Hesus sa kanyang mga alagad:
“Darating ang Anak ng Tao bilang
Hari, kasama ang lahat ng anghel,
at luluklok sa kanyang maringal
na trono. Sa panahong iyon, mati­
tipon sa harapan niya ang lahat ng
tao. Sila’y pagbubukud-bukurin
niya, tulad ng ginagawa ng pastol
sa mga tupa at mga kambing.
Ilalagay niya sa kan­yang kanan
ang mga tupa, at sa kaliwa ang
mga kambing. At sasabihin ng
Hari sa mga nasa kanan, “Hali­
kayo, mga pinagpala ng aking
Ama! Pumasok na kayo at mani­
rahan sa kahariang inihanda para
sa inyo mula pa nang likhain ang
sanlibutan. Sapagkat ako’y nagu­
gutom at inyong pinakain, nau­
haw at inyong pinainom. Ako’y
isang dayuhan at inyong pina­
tuloy. Ako’y walang maisuot at
inyong pina­ramtan, nagkasakit at
inyong dinalaw; ako’y nabilanggo
at inyong pinuntahan.’ Sasagot
ang mga matuwid, ‘Panginoon,
kailan po namin kayo nakitang
nagutom at a­ming pinakain, o
nauhaw at aming pinainom?
Kailan po kayo naging dayuhan at
aming pinatuloy, o kaya’y walang
maisuot at aming pina­ramtan? At
kailan po namin kayo nakitang
may sakit o nasa bilang­guan at
aming dinalaw?’ Sasa­bihin ng
Hari, ‘Sinasabi ko sa inyo: nang
gawin ninyo ito sa pinakahamak
sa mga kapatid kong ito, ito ay
sa akin ninyo ginawa.’
“At sasabihin naman niya sa
mga nasa kaliwa, ‘Lumayo kayo
sa akin, mga sinumpa! Kayo’y
pasa­­apoy na di mamamatay, na
inihanda para sa diyablo at sa
kanyang mga kampon. Sapagkat
ako’y nagutom at hindi ninyo
pinakain, nauhaw at hindi ninyo
pinainom. Ako’y naging isang
dayuhan at hindi ninyo pinatuloy;
ako’y nawalan ng maisuot at hindi
ninyo pinaramtan. Ako’y may
sakit at nasa bilangguan at hindi
ninyo dinalaw.’ At sasagot din
sila, ‘Panginoon, kailan po namin
kayo nakitang nagutom, nauhaw,
naging dayuhan, nawalan ng
maisuot, may sakit o nasa bilang­
guan, at hindi namin kayo pinag­
lingkuran?’ At sasabihin sa kanila
ng Hari: ‘Sinasabi ko sa inyo:
nang pagkaitan ninyo ng tulong
ang pinakahamak sa mga ito, ako
ang inyong pinagkaitan.’ Itataboy
ang mga ito sa kaparu­s ahang
walang hanggan, ngunit ang mga
matuwid ay tatanggap ng buhay
na walang hanggan.”
— Ang Mabuting Balita ng Pa­
nginoon.
B—Pinupuri ka namin, Pangi­
noong Hesukristo.
Homiliya (Umupo)
Pagpahayag
ng Pananampalataya (Tumayo)
B—Sumasampalataya ako sa Diyos
Amang makapangyarihan sa lahat,
na may gawa ng langit at lupa.
Suma­s ampalataya ako kay
Hesukristo, iisang Anak ng Diyos,
Pa­nginoon nating lahat, nagkata­
wang-tao siya lalang ng Espiritu
Santo, ipina­nganak ni Santa Mariang
Birhen. Pinag­pakasakit ni Poncio
Pilato, ipinako sa krus, nama­­tay,
inilibing. Nanaog sa kina­roroonan
ng mga yumao, nang may ikatlong
araw na­buhay na mag-uli. Umak­yat
sa langit. Nalu­luklok sa kanan ng
Diyos Amang maka­pang­yarihan sa
lahat. Doon mag­mu­mu­lang paririto
at huhu­kom sa nanga­bubuhay at
nanga­matay na tao.
Sumasampalataya naman ako sa
Diyos Espiritu Santo, sa banal na
Simbahang Katolika, sa kasama­han
ng mga banal, sa kapatawaran ng
mga kasalanan, sa pagkabuhay na
muli ng nangamatay na tao at sa
buhay na walang hanggan. Amen.
Panalangin ng Bayan
P—Manalangin tayo sa Ama
upang matularan natin si Hesus,
ang Hari ng sanlibutan, sa
kanyang paglilingkod sa lahat
ng tao nang walang itinatanggi.
Sa bawat kahilingan, ating itugon:
T—O Hari ng sanlibutan, dinggin
mo ang iyong bayan.
L—Maging masigla nawa ang mga
pastol ng Simbahan upang buong
galak nilang sundan si Kristong
Hari at Mabuting Pastol, na siyang
nangangalaga sa mga mahi­­hina,
naghahanap sa mga na­wawala, at
nagbubuklod sa kanyang kawan.
Manalangin tayo: (T)
L—Iwaksi nawa ng mga
namumuno sa pamahalaan at
pamayanan ang mga personal
na interes at kasakiman upang
makita nila si Kristo sa mga aba,
naaapi, at mga nalululong sa
droga at iba pang masamang
bisyo. Manalangin tayo: (T)
L—Magkaroon nawa ng
kapayapaan sa pagitan ng mga
bansa at i­tagu­yod ng mga ito
ang pagkakaisa at pagtutulungan.
Mana­langin tayo: (T)
L—Magbigay nawa ng tulong at
pagkalinga ang bawat pamayanan
ang mga nagdurusa dahil sa sakit,
emosyonal man o pisikal; mga
nagugutom at mga biktima ng
karahasan. Manala­ngin tayo: (T)
L—Patulu­yin mo ang lahat ng
mga yumao sa kaharian mo, O
Diyos, kung saan makikibahagi
sila sa iyong kaluwalhatian
magpakailanman. Manalangin
tayo: (T)
L—Sa ilang sandali ng katahi-
mikan, itaas natin sa Diyos ang
ating pansariling kahilingan,
gayundin ang iba pang mga
pangangailangan ng ating
pamayanan. (Tumahimik) Mana-
langin tayo: (T)
P—Dinggin mo ang aming mga
panalangin, Dakilang Ama, upang
mamuhay kami bilang mga tapat
mong tagasunod na nagpapa­
ha­yag ng inyong Anak bilang
nag-iisang Pangi­noon at Hari sa
pamamagitan ng pagli­ling­­kod
namin sa aming kapwa.
Hinihiling namin ito sa
pamamagitan ni Hesukristong
aming Panginoon.
B—Amen.
PAGDIRIWANG NG
HULING HAPUnan
Paghahain ng Alay(Tumayo)
P—Manalangin kayo...
B—Tanggapin nawa ng Pangi­
noon itong paghahain sa iyong
mga kamay sa kapurihan niya
at kara­ngalan sa ating kapaki­
nabangan at sa buong Samba­yan
niyang banal.
Panalangin ukol sa mga Alay
P—Ama naming Lumikha, sa
pag­­ha­hain namin ng mga alay
sa ika­pagkakasundo ng sangka­
tau­han iniluluhog naming ang
iyong Anak nawa’y magbigay
ng mga kaloob na pagkakaisa
at kapaya­paan sa pama­­magitan
niya ka­sama ng Esp­i­ritu Santo
magpa­sawalang hanggan.
B—Amen.
Prepasyo (Kristong Hari)
P—Sumainyo ang Panginoon.
B—At sumaiyo rin.
P—Itaas sa Diyos ang inyong
puso at diwa.
B—Itinaas na namin sa Pangi­
noon.
P—Pasalamatan natin ang
Panginoong ating Diyos.
B—Marapat na siya ay pasala­
matan.
P—Ama naming makapangyari­
han, tunay ngang marapat na ikaw
ay aming pasalamatan.
Hini­rang mong tagapaghain ng
tanan ang iyong Anak na Pangi­
noon ng sanlibutan. Pinadaloy mo
sa kanya ang langis ng kasi­yahan
tanda ng paghirang mong pagmag­
pakailan­m an. Sa pagha­h aing
ginam­panan niya sa krus siya ang
dalisay na tagapag­buk­lod, siya ang
gumanap sa aming pagkatubos,
siya ang sumakop sa sansinukob.
Ang kanyang pagha­haring lagi sa
lahat ay siyang lubusang nagla­
lahad ng iyong kadakilaang
matapat upang buhay mo’y sa
lahat maigawad. Sa paghahari
niya, lahat ay hinahatian sa iyong
kaganda­hang-loob at kabanalan,
sa iyong dangal at kapayapaan.
Kaya kaisa ng mga anghel na
nag­sisiawit ng papuri sa iyo nang
wa­lang humpay sa kalangitan
kami’y nagbubunyi sa iyong
kadakilaan:
B—Santo, Santo, Santo...
(Lumuhod)
Pagbubunyi (Tumayo)
B—Sa krus mo at pagkabuhay
kami’y natubos mong tunay.
Poong Hesus naming mahal,
iligtas mo kaming tanan ngayon
at magpa­kailanman.
PAKIKINABANG
Ama Namin
B—Ama namin...
P—Hinihiling naming...
B—Sapagkat iyo ang kaharian at
ang kapangyarihan at ang kapu­­
rihan magpakailanman! Amen.
Pagbati ng Kapayapaan
Paanyaya sa Pakikinabang
(Lumuhod)
P—Ito ang Kordero ng Diyos. Ito
ang nag-aalis ng mga kasalanan
ng sanlibutan. Mapalad ang mga
inaanyayahan sa kanyang piging.
B — Pa n g i n o o n , h i n d i a k o
karapat-dapat na magpatuloy
sa iyo ngunit sa isang salita mo
lamang ay gagaling na ako.
Antipona sa Komunyon
(Slm 29:10–11)
Maghahari kailanman ang
Panginoon sa tanan. Pagpa­pala’y
ibibigay ng Poon sa kan­yang bayan
upang tana’y matiwasay.
Panalangin Pagkapakinabang
P—Manalangin tayo. (Tumahimik)
Ama naming mapagmahal,
kaming pinapakinabang mo sa
pagkaing nagbibigay-buhay ay
nagsusumamong kaisa niyang
makapamuhay sa kaharian sa
la­ngit magpakailanman pakunda­
ngan sa karangalang sundin ang
mga kautusan ng Haring si Kristo
sa sanlibutan sa pamamagitan
niya kasama ng Espiritu Santo
magpasawalang hanggan.
B—Amen.
PAGTATAPOS
P—Sumainyo ang Panginoon.
B—At sumaiyo rin.
Panalangin sa Sambayanan
P—Magsiyuko kayo samantalang
iginagawad ang pagbabasbas.
(Tumahimik)
Ama naming mapagpala,
nililingap mo at dinadalisay
ang iyong mga anak. Itaguyod
mo ng iyong kanang kamay
ang iyong sambayanan upang
makasapit sa iyong inilaang
buhay sa pamamagitan ni
Hesukristo kasama ng Espiritu
Santo magpasawalang hanggan.
B—Amen.
P—At pagpalain kayo ng maka­
pangyarihang Diyos, Ama at
Anak (†) at Espiritu Santo.
B—Amen.
Pangwakas
P—Humayo kayo at paglingku­
ran si Kristong ating Hari sa
pamamagitan ng pagma­mahal
sa inyong kapwa.
B—Salamat sa Diyos.