GABAY SA PANALANGIN NG SANTO ROSARYO Pinagpakasakit ni Ponsio Pilato; ipinako sa krus, namatay at

ibinaon. Nanaog sa mga impiyerno; nang may ikatlong araw

Pambungad na Awit: Ang Puso Ko’y Nagpupuri nabuhay na mag-uli. Umakyat sa langit; naluluklok sa kanan
Sa ngalan ng Ama, ng Anak at ng Espiritu Santo. Amen ng Diyos Amang makapangyayari sa lahat. Doon
magmumula't pariritong huhukom sa nangabubuhay at
Panimulang Panalangin nangamatay na tao.
N: Aba Ginoong Maria, napupuno ka ng grasya, ang Sumasampalataya naman ako sa Diyos Espiritu Santo, na
Panginoong Diyos ay sumasaiyo. may Santa Iglesya Katolika; may kamsamahan ng mga
Santo, may ikawawala ng mga kasalanan; at mabubuhay na
L: Bukod kang pinagpala sa babaeng lahat, at pinagpala mag uli ang nangamatay na tao, at may buhay na walang
naman ang iyong Anak na si Hesus. hanggan.
N: Panginoon, buksan mo ang aking mga labi. Ama Namin
L: At purihin ka ng aking bibig. Ama namin, sumasa-langit Ka. Sambahin ang ngalan Mo.
Mapasa amin ang Kaharian Mo. Sundin ang loob Mo dito sa
N: Diyos ko tulungan moa ko. lupa para nang sa langit.
L: Panginoon, magmadali ka sa pagsaklolo sa akin. Bigyan Mo kami ngayon ng aming kakanin sa araw-araw. At
N: Luwalhati sa Ama, sa Anak at sa Espiritu Santo. patawarin Mo kami ng aming mga sala, para nang
pagpapatawad namin sa mg nagkakasala sa amin. At huwag
L: kapara noong una, ngayon at magpakailanman at Mo kaming ipahintulot sa tukso, at iadya Mo kami sa dilang
magpasawalang hanggan. Amen. masama.
Sumasampalataya Aba Ginoong Maria
Sumasampalataya ako sa Diyos Amang makapanyayari sa Aba Ginoong Maria, napupuno ka ng grasya, ang
lahat, na may gawa ng langit at lupa. Sumasampalataya Panginoong Diyos ay sumasaiyo, bukod kang pinagpala sa
naman ako kay Hesukristo, iisang Anak ng Diyos, babaeng lahat at pinagpala naman ang iyong Anak na si
Panginoon nating lahat. Nagkatawang-tao Siya lalang ng Hesus.
Espiritu Santo; ipinanganak ni Santa Mariang Birhen.
Santa Maria, Ina ng Diyos, ipanalangin mo kaming
makasalanan, ngayon at kung kami y mamamatay.
Luwalhati
Luwalhati sa Ama at sa Anak at sa Espiritu Santo.
Kapara nang sa una, gayon din ngayon at magpakailan pa
man sa walang hanggan. Siya nawa.
O Hesus Ko
O Hesus ko, patawarin Mo ang aming mga sala. Iligtas Mo
kami sa apoy ng impiyerno. Hanguin Mo ang mga kaluluwa
sa purgatoryo. Lalong-lalo na yaong mga walang
nakakaalaala.
Aba po Santa Mariang Reyna
Aba Po Santa Mariang Reyna, Ina ng Awa. Ikaw ang
kabuhayan at katamisan; Aba pinananaligan ka namin. Ikaw
nga ang tinatawagan namin, pinapanaw na taong anak ni
Eva. Ikaw rin ang pinagbunbuntuhang hininga namin ng
aming pagtangis dini sa lupang bayang kahapis-hapis. Ay
aba, pintakasi ka namin, ilingon mo sa amin, ipakita mo sa
amin ang iyong Anak na si Hesus. Santa Maria, Ina ng
Diyos, maawain, maalam at matamis na Birhen.
(Dasalin ang Panalangin sa Mahal na Birhen del Pilar)
PANALANGIN SA MAHAL NA BIRHEN DEL PILAR
Ama naming makapangyarihan, ipagkaloob mo sa amin ang
lakas upang alalayan kaming mga mahihina. Pakundangan
sa banal na panalangin ng mahal na birhen del pilar.
(Manahimik at idalangin ang mga biyayang nais makamtan)
Palakasin mo ang aming pananampalataya, patatagin ang
aming pag-asa, at pag-alabin ang aming pag-ibig sa
pamamagitan ni Hesukristo kasama ng Espiritu Santo
magpasawalang hanggan. Amen.
Mahal na Birhen del Pilar, aming lakas at kagalakan.
Ipanalangin mo Kami.
AWIT SA MAHAL NA BIRHEN DEL PILAR
O Birhen naming mahal, Patrona ng aming bayan
Ikaw ang kadahilanan nitong aming pagdiriwang
kaya kami’y dumudulog, dinadalangin ‘yung kupkop.
Tulungan mo kami’t. Ina ng Diyos, del Pilar (2x)
Haligi ng kaligtasan, pag-asa ng aming buhay
Huwag mo kaming pabayaan, magapi ng kasamaan
Sa aming pangangailangan, pangkaluluwa’t pangkatawan.
Tulungan mo kami’t. Ina ng Diyos, del Pilar (2x)
 MGA MISTERYO NG SANTO ROSARYO
Mga Misteryo ng Luwalhati (Tuwing Miyerkules at Linggo)
1. Ang Pagkabuhay na muli ng ating Panginoong
Hesukristo
Umagang-umaga sa araw ng Linggo, tatlong araw
matapos ang pagpapakasakit, kamatayan, at paglilibing sa
ating Panginoong Hesukristo, mayroong hiwagang
nagaganap sa sepulcuro. Siyang Panginoon ng buong
‘sangtinakpan ay nagtagumpay na. Nayanig ang buong
sangkalupaan, ang lahat ng mga anghel ay nangag-aawitan.
Ang buong kalupaan, bagama’t balot pa sa kadiliman at
nahihimbing pa sa higaan ay unti-unti nang nagigising sa
isang bagong araw kung kailan ipinagkamit tayong lahat ni
Hesukristong Panginoon natin ng tagumpay at kaligtasan.
Mabuti nga’ng pagbulay-bulayan natin sa ating mga isip at
puso ang misteryong ito ng ating pananampalataya. Binali
na ng ating Panginoon ang mga bakal rehas na nagkukulong
sa atin sa kadiliman; winasak na niya ang mga matatandang
tanikala ng kasalanan. Binuksan na niya para sa atin ang
pintuan ng kalangitan, ang makalangit na Eden na sinar’han
ng ating pagkamasuwayin. “Si Hesus ay ipinako ng mga
Hudyo sa Krus ngunit muli siyang binuhay ng Diyos sa
ikatlong araw” (Gawa 10:39-40). Si Hesus ay muling
nabuhay upang maging mga anak tayo ng Ama. Tayo na
mga tinubos sa pamamagitan ng kanyang Dugo ang lubos na
dapat magalak sa kanyang muling pagkabuhay sapagkat
nabibigyan tayo ng kasiguraduhang tayong nakiisa sa
pagkamatay ni Kristo ay makakaisa rin naman balang araw
sa kanyang maluwalhating pagkabuhay. Sa unang
misteryong ito ng Santo Rosaryo ng Mahal na Birheng
Maria, ibinabaling din ang ating atensyon sa katuwaan at
kagalakang natamo ng Mahal na Birhen noong siya’y
pagpakitaan ng kanyang Mahal na Anak. Tigib ng dalamhati
sa mga kaganapan ng mga huling araw, hindi maibulalas ang
tuwa na naramdaman ni Maria sa pagkakita sa kanyang
Anak. Sa kanyang pakikiisa sa paghihirap na ito, siya rin
naman ay nakikiisa ngayon sa kagalakang dulot ng kanyang
muling Pagkabuhay. “Nabuhay akong muli, aleluya, ako’y
laging na sa’yo, aleluya!” Naihain na ang tupang
Pampaskuwa, halina’t sambahin siya!
(Tumahimik Sandali)
Ama namin, 10 Aba Ginoong Maria, Luwalhati
Oh, Hesus Ko…
2. Maluwalhating Pag-akyat sa Langit ng ating
Panginoong Hesukristo – Matapos ang apatnapung (40)
araw na pamamalagi ng Panginoon dito sa lupa matapos ang
kanyang Pagkabuhay, siya ay “lumabas ng lungsod, itinaas
niya ang kanyang mga kamay at binasbasan ang mga alagad.
Habang binabasbasan niya sila, humiwalay siya sa kanila at
dinala siya sa langit. Sinamba naman nila Siya. Nagbalik
ang mga Apostol sa Herusalem na puspos ng galak …”
(Lucas 24:50-52) Sa maraming mga pagkakataon, ang mga
paglisan ay ating sinasamahan ng luha at hibi. Naroroon ang
dalamhati sapagkat hindi na natin makakapiling ang isang
minamahal; ngunit nakita natin na ang mga alagad ay puspos
ng galak na bumalik sa lungsod. Ipinamamalas sa atin ng
Panginoong Hesukristo na sa bawat paglisan ay mayroong
maliwanag na kinabukasang kinakaharap ang bawat isa. Sa
loob ng apatnapung araw na pagtigil ni Hesus dito sa lupa,
siya ay nagturo, nangaral, at nagpatatag ng loob ng kanyang
mga alagad upang ihanda sila sa misyon na kanyang iaaatas
sa kanila. Binuksan niya ang kanilang mga isipan upang
lubos na maunawaan ang mga Kasulatan, itinalaga nila sila
na mga saksi sa kanyang mga gawa, pagpapakasakit,
kamatayan at muling pagkabuhay. Isinugo niya sila bilang
mga tagapamalita ng Ebanghelyo upang masaklaw niya ang
lahat ng sulok ng daigdig. Kasama nito, ang Mahal na
Birheng Maria din naman ay nakikiisa sa kagalakan ng
buong kalikasan sa pagluluwalhati sa kanyang Anak at
Panginoon. Itinataas niya rin ang kanyang puso at diwa sa
kanyang Anak at nangangako siya na magsisilbing Ina rin
nating mga kaanib sa Sambayanang Kristiyanong
nagsisimula nang lumago. Sa pagbubulay-bulay natin sa
ikalawang misteryong ito ng Santo Rosario, binibigyang diin
sa atin ang dakilang kapangyarihan ni Hesukristo bilang
Diyos at Panginoon ng sangnilikha. Itaas na ang mga mata
sa Panginoong lumikha ng mga lupa at tala, ng gabi at ng
umaga. Si Hesukristo’y umakyat na sa langit, halina,
papurihan natin siya!
(Tumahimik Sandali)
Ama namin, 10 Aba Ginoong Maria, Luwalhati
Oh, Hesus ko…
3. Ang Pagpanaog ng Espiritu Santo sa Labindalawang
Apostoles at sa Mahal na Birheng Maria – “Espiritu
mo’y suguin, Poon tana’y ‘yong baguhin.” Sinasabi sa Banal
na Kasulatan na ang mga Apostol ay bumalik sa Jerusalem
at pumahik sa isang silid sa bahay na kanilang tinutuluyan
… at nagkaisa sila ng diwa at patuloy na nanalangin, kasama
… si Mariang ina ni Hesus ” (Gawa 1:12-14) Hinihintay nila
ang pagsusugo sa Espiritu Santo, ang Paraklito na
ipinangako ni Hesus sa kanila, upang magsilbing gabay at
mang-aaliw. Noong sumapit ang araw ng Pentecostes, silang
lahat ay muling magkakasama sa silid na yaon at bigla na
lamang silang nakarinig ng isang malakas na ugong mula sa
langit na parang malakas na hangin at pinuno nito ang
bahay na kanilang tinutuluyan. May nakitang parang dilang-
apoy na naghiwa-hiwalay at tumigil sa bawat isa. Napuspos
sila ng Espiritu Santo at nagsimulang magsalita sa ibang
mga wika ayon sa ipinagkaloob sa kanila… (cf. Gawa 2:1-
4). Tumayo si Pedro at nangaral sa mga tao. Sa araw na yaon
ay tatlong libo ang mga naking sa kanyang pangangaral at
sumampalataya kay Kristo. Ang malawakang pagpapahayag
sa Salita ng Diyos ay bunsod ng inspirasyon ng Espiritu na
lumukob sa kanilang lahat. Sa mga mga unang yugtong ito
ng Santa Iglesia, ipinakikita kung paanong ang mga unang
mga Obispo – ang mga Apostol – ay nagkakaisa kasama ang
Mahal na Birheng Maria sa pananalangin, pagsamba at
pamamahayag ng Ebanghelyo. Sinasalamin nito ang
kalagayan natin sa Simbahan ngayon – ang pagkakaisa ng
diwa at intensyon: ang pagpapakabanal sa pagbabahagi ng
Mabuting Balita. Hilingin natin sa Panginoon sa ikatlong
misteryong ito, na sa pangangaral ng Papa, mga Obispo, at
mga Pari, na bunsod ng pag-uudyok ng Espiritu, ang tanang
hindi pa sumasampalataya kay Kristo ay makatagpo ng
katotohanan sa kanyang Iglesia. Ang Espiritu Santo’y
pumanaog na. Halina, Espiritu Santo, tanggapin ang mga
handog naming ito.
(Tumahimik Sandali)
Ama namin, 10 Aba Ginoong Maria, Luwalhati
Oh, Hesus ko…

4. Ang Pag-aakyat sa Langit sa Mahal na Birhen – Ang
Mahal na Birheng Maria, matapos ang kanyang makalupang
buhay dito sa daigdig, ay hindi pinahintulutan ng Panginoon
na makaranas ng pagkabulok ng katawan sapagkat sa tanang
Anak ni Eba, siya ang pinaka mahusay, pinaka malinis, at
pinaka kaibigibig, kung kaya naman sa dakilang
kapangyarihan ng niya ay iniakyat ng mga koro ng mga
Angheles ang kanyang Ina sa kalangitan upang lumuklok sa
trono ng kaluwalhatian. Siya na kalinislinisan at kabanal-
banalan, bukod na pinagpala sa babaeng lahat, ay minarapat
niyang makihati sa kanyang luningning. Kung ating
susuriing mabuti ang mga banal na Ebanghelyo, ang
Panginoon ay nagbibigay ng mga pahiwatig sa atin kung
bakit gayon na lamang kadakila ang kanyang Inang si Maria
at minarapat niya itong iakyat sa langit. Sa una pa lamang,
sa pagbati ng Arkanghel Gabriel kay Maria upang ipahayag
ang pagkakatawang tao ng Anak ng Diyos, kanyang
ibinulalas: “Ave Maria!”. Kung babaliktarin ang pahayag na
iyon ng Arkanghel, ang Ave ay magiging EVA. Itinakda ng
Diyos na si Maria ang maging bagong Eva. Kung papaanong
ang pagsuway ni Eva ang nagdala ng kasalanan at
kamatayan sa daigidig, si Maria naman, ang bagong Eva,
ang nagdala ng liwanag at buhay sa ating lahat sa kanyang
pagsilang sa Diyos at Taong si Hesukristo na araw ng
Kaligtasan. Dahil sa kanyang mga dakilang karapatan,
minarapat ng Diyos na siya ay huwag mabulok sa libingan
sapagkat sa kanyang banal na sinapupunan nanirahan si
Hesus sa loob ng siyam (9) na buwan. Ipinamamalas ng ika-
apat na misteryong ito ng Santo Rosaryo ang malapit na
ugnayan ni Hesus at ng kanyang Ina. Sa buhay na ito at sa
kabila, ang kanilang mga puso’y di mapaghihiwalay.
Tinuturuan tayo nito na palagi tayong dumulog kay Maria,
ating Ina at Reyna, na hindi kailanman pinahndian ni Hesus
na kanyang Anak. Si Maria’y iniakyat sa langit, parangalan
natin siyang itinampok sa babaeng lahat!
(Tumahimik Sandali)
Ama namin, 10 Aba Ginoong Maria, Luwalhati
Oh, Hesus ko…
5. Ang Pagkokorona sa Mahal na Birhen bilang Reyna
ng Langit at Lupa – Matapos siyang iakyat sa kalangitan,
ang mga tanang koro ng mga angheles, mga propeta at
magulang nating sinauna; lahat ng mga banal at martir ay
nagkatipon tipon upang ibigay sa Mahal na Virgen ang
nararapat na pagkilala at paggalang – ang siya’y putungan
ng Korona ng luwalhati bilang reyna ng Langit at lupa, ng
mga anghel at mga tao. Siya na masunuring Anak ng Diyos
Ama, Ina ng Diyos Anak, at Esposa ng Espiritu Santo ay
nararapat lamang na parangalan ng ganitong uri ng
pagkilala. “May lumitaw na dakilang tanda sa langit: Isang
babaeng nararamtan ng araw; nasa kanyang paanan ang
buwan, at korona naman sa kanyang ulo ang labindalawang
bituin” (Apoc 12:1) Ang tagumpay na ito ng kalinis-linisang
Anak ni Eba ay tagumpay nating lahat na mga Kristiyano
laban sa matandang ahas o dragon – si Satanas, na ibinulid
na ni San Miguel Arkanghel sa kailaliman ng impiyerno sa
kapangyarihan ng Diyos. Dahil sa babaeng ito, si Maria,
tayong mga binyagan ay binigyan na ng Panginoon ng
karapatang tawagin siyang Ama. Sa Ikalimang misteryong
ito ng Luwalhati muli nating natutunghayan si Maria, ang
abang alipin ng Panginoon, na buong pusong nagbigay ng
kanyang pag sang-ayon sa plano ng Diyos, ay ginagawaran
na ng parangal na makalangit. Matapos siyang
magpasailalim sa kalooban ng Diyos, matapos niyang
arugain at kalingain ang Anak niyang si Hesus, matapos na
siya ay matapang na tumayo sa paanan ng Krus nito sa
Kalbaryo, matapos niyang magabayan ang mga Apostol sa
kanilang misyon, tapos na ang kanyang gawaing makalupa
kung kaya naman kung paapaanong ipinahayag niya sa
kanyang awit na Magnificat : “ituturing akong mapalad ng
lahat ng salinlahi, dakila ang ginawa sa akin ng
Makapangyarihan, banal ang kanyang Pangalan …
Pinatalsik niya sa luklukan ang mga makapangyarihan at
itinampok ang mga nasa abang kalagayan…” ay naganap din
naman ito sa kanya. Siya ngayon ay niluluwalhati dahilan sa
kanyang kababaang loob at tunay na pagmamahal sa Diyos.
Nawa ay sa pagtatapos ng ating pagninilay nilay sa Santo
Rosario ng Mahal na Virgen, ang ating mga puso ay
mapukaw sa lubos at buong kapakumbabaang pagsunod sa
kagustuhan ng Panginoon, ang Diyos na haring mataas. Si
Maria’y pinutungan na ng Korona ng Luwalhati, tanang mga
Kristiyano, awitan ang ang iyong Reyna ng awit ng Papuri!
Ama namin, 10 Aba Ginoong Maria, Luwalhati
O, Hesus ko…
Aba po Santa Mariang Reyna
Panalangin sa Mahal na Birhen del Pilar
Awit sa Mahal na Birhen del Pilar
PANALANGIN SA MAHAL NA BIRHEN DEL PILAR
Ama naming makapangyarihan, ipagkaloob mo sa amin ang
lakas upang alalayan kaming mga mahihina. Pakundangan
sa banal na panalangin ng mahal na birhen del pilar.
(Manahimik at idalangin ang mga biyayang nais makamtan)
Palakasin mo ang aming pananampalataya, patatagin ang
aming pag-asa, at pag-alabin ang aming pag-ibig sa
pamamagitan ni Hesukristo kasama ng Espiritu Santo
magpasawalang hanggan. Amen.
Mahal na Birhen del Pilar, aming lakas at kagalakan.
Ipanalangin mo Kami.
AWIT SA MAHAL NA BIRHEN DEL PILAR
O Birhen naming mahal, Patrona ng aming bayan
Ikaw ang kadahilanan nitong aming pagdiriwang
kaya kami’y dumudulog, dinadalangin ‘yung kupkop.
Tulungan mo kami’t. Ina ng Diyos, del Pilar (2x)
Haligi ng kaligtasan, pag-asa ng aming buhay
Huwag mo kaming pabayaan, magapi ng kasamaan
Sa aming pangangailangan, pangkaluluwa’t pangkatawan.
Tulungan mo kami’t. Ina ng Diyos, del Pilar (2x)