Taon 36 Blg.
63 Dakilang Kapistahan ng Tatlong Persona sa Isang Diyos (A) — Puti Hunyo 4, 2023
Basic Ecclesial Community (BEC) Sunday
A ng tanyag na katha ng
I t a l ya n o n g s i D a n t e
Alighieri, ang Divina
Commedia, ay nagwawakas
sa isang madamdaming
p a g b u b u nya g n g D i yo s .
Sa katapusan ng kanyang
matulaing paglalakbay sa
daigdig ng Inferno, Purgatorio,
a t Pa ra d i s o , n a s a k s i h a n
ni Dante ang pakikiisa ng
sangnilikha sa pagkakaisa
ng Banal na Isang-Tatlo. Ang
pagkakaisang ito ng pag-ibig
na namamalagi sa Diyos ay
nagpapahayag sa atin ng isang
katotohanan na hindi natin
maitatanggi: na sa kaibuturan
ng ating puso, ninanais din
natin na makiisa o maging
kabahagi ng pagkakaisang ito
ng Banal na Isang-Tatlo.
Sa pagbasang hango sa
Aklat ng Exodo, matatagpuan
natin ang panalangin ni Moises
sa Diyos na nagpakilala sa
kanya at nagpalaya sa bayan
ng Israel mula sa pagkaalipin:
“Patawarin na ninyo kami
at tanggapin bilang inyong
bayan!” (34:9). Isang pagluhog
ito sa Diyos na pagkaisahin
ang Israel bilang isang
bayan. Inilalatag ng Diyos
ang kanyang kundisyon:
Siya lamang ang kikilanin at
sasambahin nilang Diyos.
Ang Diyos na nagpakilala
kay Moises ay nagpakilala
din sa atin sa katauhan ng
kanyang bugtong na Anak na
si Hesukristo. Ibinigay sa atin
ng Ama ang kanyang bugtong
na Anak (Tgn, Jn 3:16) hindi
lamang sa pagkakatawang-
tao nito, kundi lalo’t-higit
sa pagpapakasakit at
pagkamatay ni Hesus sa krus.
Daan ng
Pagkakaisa
Tungo sa
Isang-Tatlo
P. David O. Reyes, Jr.
Ang Diyos na nanatiling tapat
sa kanyang bayang Israel
ay nananatiling tapat din
sa atin. Sa pamamagitan ni
Hesukristo, itinuturo niya sa
atin ang tunay na daan ng
pagkakaisa gaya ng pagiging
isa nila ni Hesus na kanyang
Anak. Ayon sa Ebanghelyo ni
Juan, inihayag ng Panginoon
ang katotohanang ito nang
sabihin niya: “Ang nakakita
sa akin ay nakakita na sa
Ama” (14:9).
Kung kaya’t sinasabi sa
atin ni San Agustin na “ang
Simbahan ay dapat pag-
isahin sa Isang-Tatlo tulad
ng isang bahay sa may-ari
nito, ng templo sa diyos nito,
ng lungsod sa tagapagtatag
nito” (Enchiridion, c. 57).
Ito ay isang pagninilay at
pagpapahayag ng kalooban
ng Diyos para sa lahat ng tao
mula pa nang lalangin niya
ang unang tao: ang makiisa
tayo sa Kanyang buhay ng
pag-ibig at kabanalan gaya
ng pagkaka-isa sa pag-ibig at
kabanalan na namamagitan sa
Ama, sa Anak, at sa Espiritu
Santo.
Ang pag-ibig na dumadaloy
sa kaibuturan ng Diyos ay
n a h a h aya g s a b i yaya n g
ibinibigay sa atin ni Kristo sa
pamamagitan ng Espiritu Santo
na siyang nananatili sa ating
piling, sa Simbahang Katolika.
Ito ang dahilan kung kaya
itinatagubilin ni Apostol San
Pablo sa pagwawakas niya sa
kanyang ikalawang sulat sa mga
Taga-Corinto: “Sikapin ninyong
maging ganap at sundin niyo
ang mga payo ko; magkaisa
kayo, at mamuhay nang payapa.
Sa gayon sasainyo ang Diyos
ng pag-ibig at kapayapaan
(13:11).”
Ang pagkakaisa ng sang-
katauhan, ang pagkakaisa
ng sambayanan, ang pagka-
kaisa ng mga Kristiyano—ang
pagkakaisa natin sa pag-
ibig at kapayapaan—isang
napakadakilang pagpapala,
isang mabigat na tungkulin at
siya ring tiyak na daan natin
tungo sa Diyos, Ama, Anak at
Espiritu Santo.

PASIMULA
Antipona sa Pagpasok
(Basahin kung walang pambungad na awit.)
Purihin ang D’yos na banal na
sa ati’y nagmamahal. Ama na
Bukal ng buhay, Anak na s’ya
nating Daan, Espiritung ating
Tanglaw.
Pagbati
(Gawin dito ang tanda ng krus.)
P—Ang pagpapala ng ating
Panginoong Hesukristo, ang
pag-ibig ng Diyos Ama, at ang
pakikipagkaisa ng Espiritu Santo
nawa’y sumainyong lahat.
B—At sumaiyo rin.
Paunang Salita
(Maaaring basahin ito o isang katulad
na pahayag)
P—Ang pag-ibig ang siyang
buklod ng ugnayan sa pagitan
ng Tatlong Persona. Anuman ang
ating gamiting imahen upang
ipaliwanag at bigyang katwiran
ang pananam­palataya sa Banal
na Santatlo, lagi itong kakikitaan
ng ugnayan o relasyon, na
pinagbubuklod at pinag-iisa ng
pag-ibig. Sapat nang banggitin
ang Ebanghelyo ngayon: “Gayun
na lamang ang pag-ibig ng Diyos
sa sanlibutan, kaya ibinigay
niya ang kanyang bugtong na
Anak…” (Jn 3:16).
M a n a l a n g i n t ayo n a s a
pamamagitan ng Eukaristiyang
ito maging matatag tayo sa pag-
ibig tulad ng Santatlo upang
makamit natin ang buhay na
payapa at naayon sa kalooban
ng Diyos Ama, Anak, at Espiritu
Santo.
Pagsisisi
P—Mga kapatid, aminin natin
ang ating mga kasalanan
upang tayo’y maging
marapat gumanap sa banal
na pagdiriwang. (Tumahimik)
B—Inaamin ko sa maka-
pangyarihang Diyos, at sa inyo,
mga kapatid, na lubha akong
nagkasala (dadagok sa dibdib) sa
isip, sa salita, sa gawa at sa aking
pagkukulang. Kaya isinasamo
ko sa Mahal na Birheng Maria,
sa lahat ng mga anghel at mga
banal at sa inyo, mga kapatid, na
ako’y ipanalangin sa Panginoong
ating Diyos.
P—Kaawaan tayo ng makapang­
yarihang Diyos, patawarin tayo
sa ating mga kasalanan, at patnu­
bayan tayo sa buhay na walang
hanggan.
B—Amen.
P—Panginoon, kaawaan mo kami.
B—Panginoon, kaawaan mo kami.
P—Kristo, kaawaan mo kami.
B—Kristo, kaawaan mo kami.
P—Panginoon, kaawaan mo kami.
B—Panginoon, kaawaan mo kami.
Gloria
Papuri sa Diyos sa kaitaasan
at sa lupa’y kapayapaan sa
mga taong kinalulugdan niya.
Pinupuri ka namin, dinarangal
ka namin, sinasamba ka namin,
ipinagbubunyi ka namin,
pinasasalamatan ka namin dahil sa
dakila mong ang­king kapurihan.
Panginoong Diyos, Hari ng langit,
Diyos Amang makapangyarihan
sa lahat. Pangi­noong Hesukristo,
Bugtong na Anak, Panginoong
Diyos, Kordero ng Diyos, Anak ng
Ama. Ikaw na nag-aalis ng mga
kasalanan ng sanlibutan, maawa
ka sa amin. Ikaw na nag-aalis ng
mga kasalanan ng sanlibutan,
tanggapin mo ang aming kahi-
lingan. Ikaw na naluluklok sa
kanan ng Ama, maawa ka sa amin.
Sapagkat ikaw lamang ang banal,
ikaw lamang ang Panginoon,
ikaw lamang, O Hesukristo, ang
Kataas-taasan, kasama ng Espiritu
Santo sa kadakilaan ng Diyos
Ama. Amen.
Pambungad na Panalangin
P—Manalangin tayo. (Tumahimik)
Ama naming makapangyari­
han, sa iyong pagsusugo sa
Salita ng Diyos na totoo at
maaasahan at sa pagbibigay
mo ng Espiritung nagpapabanal
sa sanlibutan ipina­hayag ang
iyong kahiwagaang dakila
sa sangkatauhan. Sa pana­
nampalatayang amin ngayong
ipinagdiriwang ipagkaloob
mong aming maidangal ang
Tatlong Persona sa walang
hanggang kadaki­laan at aming
sambahing lubusan ang iyong
iisang pagka-Diyos sa mahal na
kapangyarihan sa pama­magitan
ni Hesukristo kasama ng Espiritu
Santo magpa­sawalang hanggan.
B—Amen.
PAGPAPAHAYAG NG
SALITA NG DIYOS
Unang Pagbasa
(Ex 34:4b–6, 8–9) (Umupo)
Ipinahayag ng Diyos kay Moises at
sa kanyang sambayanan na siya
ay isang Diyos na maawain at
mapagmahal, ganap na mapag­pala
at nananatiling tapat.
Pagbasa mula sa aklat ng Exodo
NOONG mga araw na iyon,
tumapyas si Moises ng dalawang
bato at dinala kinaumagahan sa
Bundok ng Sinai.
Ang Panginoon ay bumaba
sa ulap, lumagay sa tabi ni
Moises at binanggit ang kanyang
pangalan: Panginoon.
Ang Panginoon ay nagdaan sa
harapan ni Moises. Sinabi niya,
“Akong Panginoon ay mapag­
mahal at maawain. Hindi ako
madaling magalit; patuloy kong
ipinadarama ang aking pag-ibig
at ako’y nananatiling tapat.”
Nanikluhod si Moises at
sumamba sa Panginoon. Sinabi
niya, “Kung talagang kinalulugdan
ninyo ako, isinasamo kong
samahan ninyo kami kahit na
matigas ang ulo ng lahing ito.
Patawarin na ninyo kami at
tanggapin bilang inyong bayan.”
—Ang Salita ng Diyos.
B—Salamat sa Diyos.
Salmong Tugunan (Dn 3)
T—Purihin at ipagdangal ang
Diyos magpakailanman.
Sr. M.C.A Parco, fsp
F ♭
B♭
           
Pu ri hinat i pag da ngalang
C Gm C7 F
4
       
Diyos mag pa kai lan man.
1. Pinupuri ka namin, Panginoon;
Diyos ng aming mga ninuno;/
karapat-dapat kang ipagda-
ngal at dakilain magpakailan-
man./ Puri­hin ang iyong banal
at maluwal­h ating pangalan,/
nararapat puri­hin at ipagdangal
magpakailan­man. (T)
2. Purihin ka sa iyong banal at
marangal na tahanan;/ lubhang
karapat-dapat kang awitan at
dakilain magpakailanman. (T)
3. Purihin ka, na nakaluklok sa
maringal mong Trono,/ karapat-
dapat kang awitan at dakilain
magpakailanman. (T)
4. Mula sa iyong luklukan
sa ibabaw ng mga kerubin,/
nakikita mo ang kalaliman, ang
daigdig ng mga patay./ Karapat-
dapat kang purihin at dakilain
magpakailan­man. (T)
5. Purihin ka sa buong sang-
kalangitan; karapat-dapat kang
awitan at dakilain magpa-
kailanman. (T)
Ikalawang Pagbasa (2 Cor 13:11–13)
Napapaloob sa buhay ng isang
Kristiyano ang biyaya, pag-ibig, at
pakikiisa. Ito ay mga pagpapala
at aninag ng pagkakaisa ng
Santatlo.
Pagbasa mula sa ikalawang sulat
ni Apostol San Pablo sa mga
taga-Corinto
MGA KAPATID, sikapin ninyong
maging ganap at sundin ninyo
ang mga payo ko; magkaisa
kayo, at mamuhay nang payapa.
Sa gayun, sasainyo ang Diyos ng
pag-ibig at kapayapaan.
Magbatian kayo bilang
magka­k apatid kay Kristo.
Kinukumusta kayo ng lahat ng
mga kapatid sa simbahan.
Nawa’y sumainyong lahat
ang pagpapala ng Panginoong
Hesukristo, ang pag-ibig ng
Diyos at ang pakikipag-isa ng
Espiritu Santo.
—Ang Salita ng Diyos.
B—Salamat sa Diyos.
Aleluya (Pag 1:8) (Tumayo)
B—Aleluya! Aleluya! Dakila ang
Amang mahal, Anak, Espiri­tung
Banal noon, ngayon, kai­lan pa
man. Aleluya! Aleluya!
Mabuting Balita (Jn 3:16–18)
P—Ang Mabuting Balita ng
Panginoon ayon kay San Juan
B—Papuri sa iyo, Panginoon.
GAYUN na lamang ang pag-ibig
ng Diyos sa sanlibutan, kaya ibi­
nigay niya ang kanyang bug­tong
na Anak, upang ang sumampa­la­
taya sa kanya ay hindi mapaha­
mak, kundi magkaroon ng buhay
na walang hanggan. Sapagkat
sinugo ng Diyos ang kanyang
Anak, hindi upang hatulang ma­
parusahan ang sanlibutan, kundi
upang iligtas ito sa pamamagitan
niya.
Hindi hinahatulang maparusa­
han ang nananampalataya sa
bugtong na Anak ng Diyos;
ngunit hinatulan nang parusahan
ang hindi nananampalataya sa
kanya.
—Ang Mabuting Balita ng
Panginoon.
B—Pinupuri ka namin, Pangi-
noong Hesukristo.
Homiliya (Umupo)
Pagpapahayag ng
Pananampalataya (Tumayo)
B—Sumasampalataya ako
sa Diyos Amang makapang-
yarihan sa lahat, na may
gawa ng langit at lupa.
S u m a s a m p a l a t aya a k o
kay Hesukristo, iisang Anak
ng Diyos, Panginoon nating
lahat. Nagkatawang-tao siya
lalang ng Espiritu Santo,
ipinanganak ni Santa Mariang
Birhen. Pinagpakasakit ni
Poncio Pilato, ipinako sa krus,
namatay, inilibing. Nanaog sa
kinaroroonan ng mga yumao.
N a n g m ay i k a t l o n g a raw
nabuhay na mag-uli. Umakyat
sa langit. Naluluklok sa kanan ng
Diyos Amang makapangyarihan
sa lahat. Doon magmumulang
paririto at huhukom sa
nangabubuhay at nangamatay
na tao.
Sumasampalataya naman
ako sa Diyos Espiritu Santo, sa
banal na Simbahang Katolika,
sa kasamahan ng mga banal, sa
kapatawaran ng mga kasalanan,
sa pagkabuhay na muli ng
nangamatay na tao, at sa buhay
na walang hanggan. Amen.
Panalangin ng Bayan
P—Labis ang pag-ibig ng Diyos
sa sanlibutan. Dumulog tayo
sa kanya upang pagkalooban
tayo ng mga biyayang ating
hinihiling. Sa bawat panalangin
ating itugon:
T—Santatlong Diyos, dinggin
mo kami.
L—Ama, isugo mo nawa sa
Simbahan ang iyong Espiritu
upang sa pamama­g itan ng
kanyang biyaya, lumago kami
sa pag-ibig sa bawat isa.
Manalangin tayo: (T)
L—Ama, pag-alabin mo ang
Espiritu Santo, ang Paraklito,
sa mga pinuno ng Simbahan at
ng pamahalaan, upang mapa-
munuan ang iyong sambayanan
nang may katapatan. Manalangin
tayo: (T)
L—Ama, tulungan mo ang mga
naliligaw ng landas, ang mga
maysakit, ang mga nalulumbay,
at ang lahat ng mga nagdurusa.
Manalangin tayo: (T)
L—Banal na Espiritu, gabayan
mo ang aming pamayanan
s a p a g ­k a k a u n a w a a n a t
pagkakaisa. Masalamin nawa
ang kapayapaang dulot mo sa
araw-araw naming pamumuhay.
Manalangin tayo: (T)
L—Ama ng lahat ng mga na­
bubuhay, makibahagi nawa sa
iyong kaluwalhatian—kasama ng
iyong Anak at ng Espiritu Santo—
ang lahat ng mga kapatid naming
yumao. Manalangin tayo: (T)
L—Sa ilang sandali ng katahi-
mikan, itaas natin sa Diyos ang
ating pansariling kahilingan,
gayundin ang iba pang mga
pangangailangan ng ating
pamayanan. (Tumahimik) Mana-
langin tayo: (T)
P—Ama, pagyamanin mo ang
iyong Salita upang tuluyang
lumago’t mabuhay sa amin
ang katotohanan, at ang iyong
Espiritu upang pabanalin kami.
Tulungan mo kaming sambahin
ka, tatlong Persona sa Isang Diyos,
sa pagpapahayag at pagsasabuhay
ng aming pananampalataya sa iyo.
Hinihiling namin ito sa pama-­
magitan ni Kristong aming
Panginoon.
B—Amen.
PAGDIRIWANG NG
HULING HAPUnan
Paghahain ng Alay (Tumayo)
P—Manalangin kayo...
B—Tanggapin nawa ng Pangi­
noon itong paghahain sa iyong
mga kamay sa kapurihan
niya at karangalan sa ating
kapaki­nabangan at sa buong
Sambayanan niyang banal.
Panalangin ukol sa mga Alay
P—Ama naming Lumikha, gawin
mong banal ang mga alay na
aming inihanda ngayong aming
sinasamba at sinasambit ang
ngalan mong dakila at pakunda­
ngan sa mga alay na ngayo’y
nasa dambana kami nawa’y
maging laging nakalaan sa
iyong adhika sa pamamagitan
ni Hesukristo kasama ng Espiritu
Santo magpa­sawalang hanggan.
B—Amen.
Prepasyo (Tatlong Persona)
P—Sumainyo ang Panginoon.
B—At sumaiyo rin.
P—Itaas sa Diyos ang inyong
puso at diwa.
B—Itinaas na namin sa Pangi­
noon.
P—Pasalamatan natin ang
Panginoong ating Diyos.
B—Marapat na siya ay pasala­
matan.
P—Ama naming makapangyari­
han tunay ngang marapat na
ikaw ay aming pasalamatan.
Kaisa ng iyong Anak at ng
Espiritu Santo ikaw ay iisang
Diyos na pinapanginoon ng mga
tao. Ang iyong Anak at Espiritu’y
di naiiba sa pagka-Diyos mo
anupa’t kahit tatlo’y iisang Diyos
na totoo. Ang kadakilaan mong
ipinahihiwatig upang aming
pana­­ligan ay siya rin naming
sinasam­palatayanan tungkol sa
iyong Anak at Espiritung Banal.
Baga­mat may tanging pag-iral
ang bawat isa iisang Diyos
pa rin ang aming sinasamba,
sa kapangya­r i­h ang taglay ay
walang pagkakaiba.
Kaya kaisa ng mga anghel
na nag­s isiawit ng papuri sa
iyo nang wa­lang humpay sa
kalangitan, kami’y nagbubunyi
sa iyong kadakilaan:
B—Santo, Santo, Santo
Panginoong Diyos ng mga
hukbo! Napupuno ang langit
at lupa ng kadakilaan mo!
Osana sa kaitaasan! Pinagpala
ang naparirito sa ngalan
n g Pa n g i n o o n ! O s a n a s a
kaitaasan!(Lumuhod)
Pagbubunyi (Tumayo)
B—Aming ipinahahayag na
namatay ang iyong Anak,
nabuhay bilang Mesiyas at
magbabalik sa wakas upang
mahayag sa lahat.
PAKIKINABANG
Ama Namin
B—Ama namin...
P—Hinihiling naming...
B—Sapagkat iyo ang kaharian at
ang kapangyarihan at ang kapu­­
rihan magpakailanman! Amen.
Pagbati ng Kapayapaan
Paanyaya sa Pakikinabang
(Lumuhod)
P—Ito ang Kordero ng Diyos. Ito
ang nag-aalis ng mga kasalanan
ng sanlibutan. Mapalad ang mga
inaanyayahan sa kanyang piging.
B—Panginoon, hindi ako ka-
rapat-dapat na magpatulóy sa
iyo ngunit sa isang salita mo
lamang ay gagaling na ako.
Antipona sa Komunyon
(Gal 4:6)
Espiritu ng D’yos Anak ang bigay
sa ating lahat ng D’yos Amang
naghahangad na tayo ay maka-
tawag ng “Ama” sa kanyang habag.
Panalangin Pagkapakinabang
(Tumayo)
P—Manalangin tayo. (Tumahimik)
Ama naming mapagmahal,
mapakinabangan nawa ng aming
buong katauhan ang pagtanggap
namin sa mga banal na pinag­
salu­han at ang aming pagsamba
nang may pananampalatayang
lubusan sa Tatlong Persona ng
iisang Diyos lamang sa pama­
magitan ni Hesukristo kasama ng
Espiritu Santo magpasawalang
hanggan.
B—Amen.
PAGTATAPOS
P—Sumainyo ang Panginoon.
B—At sumaiyo rin.
Pagbabasbas
P—Magsiyuko kayo at hingin ang
pagpapala ng Diyos. (Tumahimik)
Gawaran nawa kayo ng
pagpapala ng maawaing
Diyos upang lagi ninyong
mapahalagahan ang kanyang
karunungang nagdudulot ng
kaligtasang walang hanggan.
B—Amen.
P—Gawaran nawa ng kata-
tagan ng Diyos ang inyong
pananampalataya na nasasalig
sa kanyang pagmamahal upang
mamalagi kayong nagsisikap
gumawa ng kabutihan ngayon
at magpasawalang hanggan.
B—Amen.
P—Patnubayan nawa ng Diyos
ang inyong paglakad sa daang
hahantong sa kanya upang
inyong taluntunin ang landas ng
pag-ibig at kapayapaang walang
hanggan.
B—Amen.
P—Pagpalain kayo ng makapang-
yarihang Diyos, Ama at Anak (†)
at Espiritu Santo.
B—Amen.
Pangwakas
P—Tapos na ang Banal na Misa.
Humayo kayong taglay ang pag-
ibig upang ang Diyos ay mahalin
at paglingkuran.
B—Salamat sa Diyos.
BE A PAULINE PRIEST
OR A BROTHER
Contact us:
0962-046-5506/ 0915-842-0546