Taon 35 Blg.

19 Ika-32 Linggo ng Karaniwang Panahon (B) — Luntian Nobyembre 7, 2021

ANG
Pagtitiwalang Lubos
SA
Pangangalaga ng
Diyos
Ruel Eguia Sagario

N aipadala ako ng aking

kongregasyon sa
bulubundukin ng Digos,
Davao del Sur para sa aking
mission exposure bilang
parte ng aming programa sa
novitiate. Doon ay nakilala ko
si Wilson, panganay sa apat
na magkakapatid. Salat sa
buhay ang kanyang pamilya.
Na-stroke ang kanyang
tatay habang wala namang
mahanap na trabaho ang
kanyang nanay. Isang araw,
bumisita ako sa kanilang
tahanan. Niluto ng kanyang
ina ang natitira nilang kape at
inalok ito sa akin. Ako rin ay
kanilang pinaupo sa nag-iisa
nilang upuan habang sila ay
nakatayo at nagkuwento ng
kanilang karanasan bilang
isang mag-anak. Ibinigay nila
kung anong “meron” sila.
Ang unang pagbasa at
ang ebanghelyo ay parehong
nagtatampok ng dalawang
biyudang ibinigay ang lahat
ng “meron” sila para sa
Diyos. Sa kaisipan ng mundo,
tila bagang nagpapakita
ito ng isang bulag na
pananampalataya. Tinuturo sa
atin ng lipunan na unahin ang
sarali bago ang iba. Subalit
mayroong kabalighuang
kagalakan na dulot ang pag-
aalay ng lahat sa Diyos—may
galak ang pagkakaroon ng
“wala” sapagkat ibinahagi
n atin ito sa ka p wa . S a
ating pagbabahagi ng ating
sarili sa Diyos at sa kapwa,
tayo ay mas pinagpapala
at mas nararanasan natin
ang kaganapan ng buhay.
Subalit ang ating pagiging
mapagbigay ay nagsasalamin
lamang ng pagiging
mapagbigay ng Diyos. Nauna
na ang Diyos sa pag-aalay
ng Kanyang sarili sa atin.
Ngayong pandemia, paano
natin lubos na maibahagi
ang ating sarili sa Diyos
at sa kapwa lalung-lalo sa
naghihikahos? Kaya ba nating
ibigay ang lahat ng “meron”
tayo sa Diyos?
Mga kapatid, siyang bukas-
palad na nagbibigay sa kabila
ng pagiging “wala” ang siyang
tunay na “meron.” Sapagkat
sa ating kawalan, mas lalo
tayong nagiging bukas sa
walang hanggang pagpapala
ng Diyos.
Tumimo nawa ito sa ating
puso’t malay na lugmok
ngayon sa ka-“walaan.”
 PASIMULA
Antipona sa Pagpasok
(Slm 88:2)
(Basahin kung walang pambungad na awit.)
D’yos ko, ako’y iyong ding-
gin, pakinggan sa pagdalangin,
tulungan sa aking daing. Pan-
dinig mo ay ikiling sa pagluhog
ko’t paghiling.
Pagbati
(Gawin dito ang tanda ng krus.)
P—Sumainyo ang Panginoon.
B—At sumainyo rin.
Paunang Salita
(Maaaring gamitin ito o kahalintulad
na pahayag.)
P— Tumitingin ang Diyos sa
taong taos-pusong naghahandog
ng kanyang sarili tulad ng balo
sa ebanghelyo na nagbigay
ng lahat ng mayroon siya sa
kabila ng kanyang matinding
karukhaan. Tunay ngang wala sa
hirap o yaman ang pagbibigay
kundi ito’y nasa puso. Tulad ni
Kristo, maging mapagbigay nawa
tayo nang taos-puso na walang
hinihintay na anumang kapalit.
Pagsisisi
P—Mga kapatid, tinipon tayo bilang
mga kaanib ng angkan ng Diyos
kaya dumulog tayo sa maawaing
Panginoong nagpapatawad nang
lubos. (Tumahimik)
P—Sinugong Tagapagpagaling
sa mga nagsisisi: Panginoon,
kaawaan mo kami.
B—Panginoon, kaawaan mo kami.
P — Dumating na Tagapag-
anyayang mga makasalana’y
magsisi: Kristo, kaawaan mo kami.
B—Kristo, kaawaan mo kami.
P—Nakaluklok ka sa kanan ng
Diyos Ama para ipamagitan kami:
Panginoon, kaawaan mo kami.
B—Panginoon, kaawaan mo kami.
P—Kaawaan tayo ng makapang-
yarihang Diyos, patawarin tayo
sa ating mga kasalanan, at
patnubayan tayo sa buhay na
walang hanggan.
B—Amen.
Gloria
Papuri sa Diyos sa kaitaasan
at sa lupa’y kapayapaan sa
mga taong kinalulugdan niya.
Pinupuri ka namin, dinarangal
ka namin, sinasamba ka namin,
ipinagbubunyi ka namin,
pinasasalamatan ka namin
dahil sa dakila mong angking
kapurihan. Panginoong Diyos,
Hari ng langit, Diyos Amang
makapangyarihan sa lahat.
Panginoong Hesukristo, Bugtong
na Anak, Panginoong Diyos,
Kordero ng Diyos, Anak ng
Ama. Ikaw na nag-aalis ng mga
kasalanan ng sanlibutan, maawa
ka sa amin. Ikaw na nag-aalis ng
mga kasalanan ng sanlibutan,
tanggapin mo ang aming
kahilingan. Ikaw na naluluklok
sa kanan ng Ama, maawa ka sa
amin. Sapagkat ikaw lamang
ang banal, ikaw lamang ang
Panginoon, ikaw lamang, O
Hesukristo, ang Kataas-taasan,
kasama ng Espiritu Santo sa
kadakilaan ng Diyos Ama. Amen.
Pambungad na Panalangin
P—Manalangin tayo (Tumahimik)
Ama naming makapangyari-
han, para mo nang awang
ilayo sa amin araw-araw ang
lahat ng mga sumasalungat sa
amin at humahadlang upang
ang aming buong katauhan
ay magkaroon ng kalayaan
para kusang sundin ang iyong
kalooban, sa pamamagitan ni
Hesukristo kasama ng Espiritu
Santo magpasawalang hanggan.
B—Amen.
PAGPAPAHAYAG NG
SALITA NG DIYOS
Unang Pagbasa (1 H 17:10–16)
(Umupo)
Ibinahagi ng balo ang huling
makakain nila ng kanyang anak
sa propeta ng Diyos na si Elias.
Dahil sa taos-pusong pagbabahaging
ito sa gitna ng kanyang karukhaan,
pinagpala at ‘di naman siya
pinabayaan ng Maykapal.
Pagbasa mula sa unang aklat ng
mga Hari
NOONG mga araw na iyon,
si propeta Elias ay pumunta sa
Sarepta, at nang papasok na siya
sa pintuan ng lungsod, nakita
niya ang balo na namumulot
ng panggatong. Sinabi niya
sa babae: “Maaari po bang
makiinom?” Aalis na ang babae
upang ikuha siya ng tubig nang
pahabol niyang sabihin: “Kung
maaari, bigyan mo na rin ako
ng kaunting pagkain.”
Sumagot ang babae: “Alam
po ng Panginoon na iyong
Diyos na wala na kaming
tinapay. Mayroon po kaming
kaunting harina at kapatak na
langis. Namumulot nga ako ng
maigagatong upang lutuin iyon
at makakain man lamang kami
ng anak ko bago kami mamatay.”
Sinabi sa kanya ni Elias:
“ H u wa g k a n g m a g - a l a l a .
Humayo ka at gawin mo ang
iyong sinabi. Ngunit ipagluto
mo muna ako ng isang munting
tinapay, at pagkatapos magluto
ka ng para sa inyo. Sapagkat
ganito ang sabi ng Panginoon,
Diyos ng Israel: “Hindi ninyo
mauubos ang harina sa lalagyan
at hindi rin matutuyo yaong
langis sa tapayan hanggang hindi
sumasapit ang talagang takdang
araw na ang ula’y marapating
papatakin ng Maykapal.”
Ginawa nga ng babae ang
utos ni Elias at sila’y kumain—
si Elias at silang mag-ina. At
hindi nga naubos ang harina
sa lalagyan, at hindi natuyo
ang langis sa sisidlan, tulad
ng pangako ng Panginoon sa
pamamagitan ni Elias.
—Ang Salita ng Diyos.
B—Salamat sa Diyos.
Salmong Tugunan (Slm 145)
T—Kalul’wa ko, ‘yong purihin
ang Panginoong butihin.
E. C. Marfori
C

Dm
       
Ka lu l'wa ko, 'yong pu

Dm G
 
2
     
ri hin ang Pa ngi no
Csus

3 C
    
ong bu ti hin.
1. Ang maaasahang lagi’y Pangi-
noon,/ panig sa naaapi, ang
Diyos na hukom,/ may pagkaing
handa, sa nangagugutom. (T)
2. Pinalaya niya ang mga
nabihag;/ isinasauli, paningin
ng bulag;/ lahat ng inapi ay
itinataas,/ ang mga hinirang
niya’y nililingap. (T)
3. Isinasanggalang ang mga
dayuhang/ sa lupain nila’y
doon tumatahan;/ tumutulong
siya sa balo’t ulila,/ masamang
balangkas pinipigil niya. (T)
4. Walang hanggang Hari, ang
Diyos na Poon!/ Nabubuhay lagi
ang Diyos mo, Sion! (T)
Ikalawang Pagbasa (Heb 9:24–28)
Kaiba sa ibang mga pari, si
Hesukristo ay minsan lamang
nag-alay para sa kapatawaran ng
kasalanan sapagkat ang kanyang
inihain ay ang kanyang sarili.
Darating siyang muli sa wakas ng
panahon, hindi upang maghain
muli ng alay, kundi upang iligtas
ang lahat ng naghihintay sa kanya.
Pagbasa mula sa sulat sa mga
Hebreo
PUMASOK si Kristo, hindi sa
isang Dakong Banal na ginawa
ng tao at larawan lamang ng
tunay, kundi sa langit. At ngayo’y
nasa harapan siya ng Diyos at
namamagitan para sa atin. Ang
dakilang saserdote ng mga Judio
ay pumapasok sa Dakong Banal
taun-taon, may dalang dugo
ng mga hayop. Ngunit minsan
lamang pumasok si Kristo upang
ihandog ang kanyang sarili, at
iyo’y sapat na. Kung di gayon,
kailangan sanang siya’y paulit-
ulit na mamatay mula pa nang
matatag ang sanlibutan. Subalit
minsan lamang siya napakita,
ngayong magtatapos na ang
mga panahon, upang pawiin
ang kasalanan sa pamamagitan
ng haing kanyang inihandog.
Itinakda sa mga tao na minsan
lamang mamatay at pagkatapos
ay ang paghuhukom. Gayun
din naman, si Kristo’y minsang
inihandog bilang hain upang
pawiin ang mga kasalanan ng
mga tao. Siya’y muling darating,
hindi upang ihandog na muli
dahil sa kasalanan kundi upang
iligtas ang mga naghihintay sa
kanya.
—Ang Salita ng Diyos.
B—Salamat sa Diyos.
Aleluya (Tumayo) (Mt 5:3)
B—Aleluya! Aleluya! Mapalad
ang mga dukha na tanging
D’yos na lumikha ang pag-asa
at adhika. Aleluya! Aleluya!
Mabuting Balita (Mc 12:38–44)
P — Ang Mabuting Balita ng
Panginoon ayon kay San Marcos.
B—Papuri sa iyo, Panginoon.
NOONG panahong iyon, sinabi
ni Hesus sa kanyang pagtuturo,
“Mag-ingat kayo sa mga eskriba
na mahilig maglalakad nang
may mahabang kasuutan at
natutuwang pagpugayan sa
mga liwasan. Ang ibig nila’y
ang mga tanging luklukan sa mga
sinagoga, at ang mga upuang
pandangal sa mga piging.
Inuubos nila ang kabuhayan
ng mga babaing balo, at ang
sinasangkala’y ang pagdarasal
nang mahaba! Lalo pang bibigat
ang parusa sa kanila!”
Umupo si Hesus sa tapat ng
hulugan ng mga kaloob doon
sa templo, at pinagmasdan
ang mga taong naghuhulog ng
salapi. Maraming mayayamang
naghulog ng malalaking halaga.
Lumapit naman ang isang
babaing balo at naghulog ng
dalawang kusing na katumbas ng
isang pera. Tinawag ni Hesus ang
kanyang mga alagad at kanyang
sinabi, “Sinasabi ko sa inyo:
ang dukhang balong iyon ay
naghulog nang higit sa kanilang
lahat. Sapagkat ang iba’y nagka-
loob ng bahagi lamang ng hindi
na nila kailangan, ngunit ibinigay
ng balong ito na dukhang-dukha
ang buo niyang ikabubuhay.”
— Ang Mabuting Balita ng
Panginoon.
B—Pinupuri ka namin, Pangi-
noong Hesukristo.
Homiliya (Umupo)
Pagpapahayag
ng Pananampalataya (Tumayo)
B—Sumasampalataya ako sa Diyos
Amang makapangyarihan sa lahat,
na may gawa ng langit at lupa.
Sumasampalataya ako kay
Hesukristo, iisang Anak ng
Diyos, Panginoon nating lahat,
nagkatawang-tao siya lalang ng
Espiritu Santo, ipinanganak ni Santa
Mariang Birhen. Pinagpakasakit ni
Poncio Pilato, ipinako sa krus,
namatay, inilibing. Nanaog sa
kinaroroonan ng mga yumao,
nang may ikatlong araw nabuhay
na mag-uli. Umakyat sa langit.
Naluluklok sa kanan ng Diyos
Amang makapangyarihan sa lahat.
Doon magmumulang paririto at
huhukom sa nangabubuhay at
nangamatay na tao.
Sumasampalataya naman
ako sa Diyos Espiritu Santo, sa
banal na Simbahang Katolika,
sa kasamahan ng mga banal, sa
kapatawaran ng mga kasalanan,
sa pagkabuhay na muli ng
nangamatay na tao, at sa buhay
na walang hanggan. Amen.
Panalangin ng Bayan
P — Hangad ng Diyos, tulad
niya, na tayo’y magbahagi
nang bukal sa ating mga puso.
Dumulog tayo sa Ama nang
tayo’y mabibiyayaan ng pusong
katulad ng sa kanya. Buong
tiwala tayong manalangin:
T — Panginoong mapagpala,
dinggin mo kami.
L — Para sa mga pastol ng
Simbahan: patuloy nawa silang
maging bukas sa kanilang taos-
pusong paglilingkod upang lubos
silang makapagbigay ng kanilang
sarili sa Diyos at kapwa. Manala-
ngin tayo: (T)
L — Para sa mga pinuno sa
pamahalaan: maghangad, mag-
isip, at kumilos nawa sila ayon
sa utos ng Diyos upang maging
ganap ang kanilang pagbibigay
sa kanilang pinaglilingkuran.
Manalangin tayo: (T)
L—Para sa ating lahat na dumaranas
ng pagsubok ngayong panahon ng
pandemya: makabangon nawa
tayo sa paghihirap at pagdurusang
hatid ng salot na CoViD-19 sa
pamamagitan ng ating pagtu-
tulungan at pagbibigayan.
Manalangin tayo: (T)
L— Para sa mga Social workers
at Overseas Filipino Workers:
matamo nawa nila ang biyayang
mula sa mabuti at mapagpalang
Diyos. Manalangin tayo: (T)
L—Para sa mga nagdadalamhati
dahil sa pagpanaw ng kanilang
mga mahal sa buhay: makatagpo
nawa nila ang pagmamahal ni
Hesus sa pamamagitan ng mga
taong laging handang dumamay.
Manalangin tayo: (T)
L — Sa ilang sandali ng kata-
himikan itaas natin sa Diyos
ang ating personal na kahilingan
gayundin ang mga taong lubos
na nangangailangan ng ating
panalangin (Tumahimik). Mana-
langin tayo: (T)
P—Mapagpala naming
Ama, dinggin mo ang mga
pagsusumamo ng iyong mga
anak. Matuto nawa kaming
magbahaginan lalung-lalo na
ngayong panahon ng pandemya
nang sa gayon, madama naming
tunay na ika’y nasa aming piling,
kasama ni Hesus na iyong Anak
at aming Panginoon.
B—Amen.
PAGDIRIWANG NG
HULING HAPUNAN
Paghahain ng Alay (Tumayo)
P—Manalangin kayo...
B—Tanggapin nawa ng Pangi­
noon itong paghahain sa iyong
mga kamay sa kapurihan niya
at karangalan sa ating kapaki­
nabangan at sa buong Samba­
yanan niyang banal.
Panalangin ukol sa mga Alay
P — Ama naming Lumikha,
kalugdan mo ang paghahain
ng mga natitipon dito upang
ang aming ginaganap na pag-
aalay ng sarili ng Anak mo ay
aming pakinabangan sa kanyang
pamamagitan kasama ng Espiritu
Santo magpasawalang hanggan.
B—Amen.
Prepasyo
Karaniwang Panahon V
P—Sumainyo ang Panginoon.
B—At sumaiyo rin.
P—Itaas sa Diyos ang inyong
puso at diwa.
B—Itinaas na namin sa Pangi-
noon.
P — Pasalamatan natin ang
Panginoong ating Diyos.
B—Marapat na siya ay pasala­
matan.
P—Ama naming makapangyari-
han, tunay ngang marapat na
ikaw ay aming pasalamatan.
Ikaw ang lumikha sa tanan.
Ikaw ang nagtakdang magkaroon
ng gabi at araw, gayun din ng
tag-init at tag-ulan. Ikaw ang
humubog sa tao bilang iyong
kawangis na mapagkakatiwa-
laang mangasiwa sa daigdig.
Ikaw ngayo’y pinaglilingkuran
sa pagganap sa pananagutan ng
iyong pinagtitiwalaan sa pama-
magitan ng Anak mong mahal.
Kaya kaisa ng mga anghel na
nagsisiawit ng papuri sa iyo nang
walang humpay sa kalangitan,
kami’y nagbubunyi sa iyong
kadakilaan:
B—Santo, Santo, Santo Pangi-
noong Diyos ng mga Hukbo
napupuno ang langit at lupa
ng kadakilaan mo Osana sa
kaitaasan. Pinagpala ang napa-
ririto sa ngalan ng Panginoon
Osana sa kaitaasan! (Lumuhod)
Pagbubunyi (Tumayo)
B — Si Kristo’y namatay! Si
Kristo’y nabuhay! Si Kristo’y
babalik sa wakas ng panahon!
PAKIKINABANG
Ama Namin
B—Ama namin...
P—Hinihiling naming...
B—Sapagkat iyo ang kaharian at
ang kapangyarihan at ang kapu­
rihan magpakailanman! Amen.
Pagbati ng Kapayapaan
Paanyaya sa Pakikinabang
(Lumuhod)
P—Ito ang Kordero ng Diyos. Ito
ang nag-aalis ng mga kasalanan
ng sanlibutan. Mapalad ang mga
inaanyayahan sa kanyang piging.
B — Panginoon, hindi ako
karapat-dapat na magpatulóy
sa iyo ngunit sa isang salita mo
lamang ay gagaling na ako.
Antipona sa Komunyon
(Slm 23:1–2)
Pastol kong nagtataguyod ang
Panginoong aking D’yos di ako
maghihikahos; pagkai’y kanyang
kaloob inumin ay kanyang dulot.
Panalangin Pagkapakinabang
(Tumayo)
P—Manalangin tayo. (Tumahimik)
Ama naming mapagmahal,
tinatanaw naming utang na loob
ang banal na pakikinabang at
iniluluhog naming ang Espiritu
Santo ay mag-umapaw sa kaloo-
ban naming kanyang tinitigib
ng iyong kadakilaan upang
ang iyong kagandahang-loob
ay manatili sa amin palagian
sa pamamagitan ni Hesukristo
kasama ng Espiritu Santo magpa-
sawalang hanggan.
B—Amen.
PAGTATAPOS
P—Sumainyo ang Panginoon.
B—At sumaiyo rin.
Pagbabasbas
P—Magsiyuko kayo at hingin
ang pagpapala ng Diyos.
(Tumahimik)
Ilayo nawa kayo sa lahat ng
makapipinsala at pagpalain
nawa kayo ng bawat mabuti
at ganap na kaloob ng Diyos
ngayon at magpasawalang
hanggan.
B—Amen.
P—Pamalagiin nawa niyang
nananahan ang kanyang Salita
sa inyong kalooban at puspusin
nawa niya kayo ng kaligayahang
walang hanggan.
B—Amen.
P—Patnubayan nawa kayo ng
Diyos sa pagtahak sa kanyang
landas upang lagi ninyong
mabatid kung ano ang tama
at marapat samantalang kayo
ay naglalakbay patungo sa
kalangitan na kanyang pamana
magpasawalang hanggan.
B—Amen.
P—Pagpalain kayo ng maka-
pangyarihang Diyos, Ama at
Anak (†) at Espiritu Santo.
B—Amen.
Pangwakas
P—Naialay na natin ang Banal na
Misa. Humayo kayong taglay ang
pag-ibig upang ang Panginoon ay
mahalin at paglingkuran.
B—Salamat sa Diyos.
BE A PRIEST OR A BROTHER
OF MASS MEDIA
If you are a Grade 12 student,
a college student, or a young
professional, male, single, and
interested to become a priest or a
brother involved in the apostolate of
social communication, we invite you
to journey with us.
Visit our websites:
ssp.ph or stpauls.ph
Tel: (02) 8895-9701
DO YOU WANT TO
SUBSCRIBE TO SAMBUHAY DIGITAL
MISSALETTE?
For inquiries and orders:
Facebook:
Sambuhay Missalette
gmail:
Sambuhay@stpauls.ph (02)
Telephone no.:
8895-9701