Taon 36 Blg.
19 Ika-32 Linggo sa Karaniwang Panahon (K) —Luntian
Ang Langit ng mga
Matatapat
G. Vince Henry Salles
“S a l a n g i t , wa l a n a n g
calculus!” Iyan ang laging
banat ko sa mga estudyante ko
kapag pinag-uusapan namin
ang langit. Palagi kasi nilang
daing sa akin tuwing klase namin
na hirap na hirap silang mag-
solve ng equations—masakit
daw sa ulo. Kaya’t ‘pag sinasabi
kong “sa langit, wala nang
calculus,” sabay-sabay silang
naghihiyawan.
Ganito rin inilarawan ng
Panginoong Hesukristo ang
langit sa Ebanghelyo ngayong
araw. Wala nang kasal sa langit.
Wala nang kasal sapagkat hindi
na kailangang magparami ng
tao dahil wala nang kamatayan
sa kabilang buhay. Nasa ibang
lebel na kasi ang pag-iral natin
sa langit, hindi na kagaya ng dito
sa lupa. Akala ng mga Saduseo
ay maiisahan nila si Hesus sa
kanilang nakatatawang tanong
tungkol sa pitong magkakapatid
na nagpakasal sa isang babae,
ngunit isa-isang namatay
na walang iniiwang supling.
Sa unang bahagi pa lang ng
Ebanghelyo, binanggit na ni
San Lucas na ang mga Saduseo
ay “hindi naniniwala na muling
bubuhayin ang mga patay”
(Lc 20:37) kaya’t wala na ring
kabuluhang sagutin ang tanong
nila dahil ginagamit lang nila ito
bilang patibong sa Panginoon.
Mahirap makipag-talo sa mga
taong sarado na ang pag-iisip.
Subalit, pasalamat na rin tayo
kay San Lucas at naitala niya ang
sagot ng Panginoon tungkol sa
muling pagkabuhay na naging
bahagi na rin ng katuruan ng
Simbahang Katolika.
Bahagi ng ating Kredo ang
mga katagang “Sumasampalataya
ako… sa pagkabuhay na mag-
uli ng nangamatay na tao.”
Sapagkat muling nabuhay si
Hesus, makaaasa tayong mga
taga-sunod niya na daranas din
ng pagkabuhay na ito. Maaari
tayong matuto sa halimbawa
ng mga martir sa Unang
Pagbasa ngayon tungkol sa
pananatiling tapat sa mga utos
ng Diyos sa gitna ng pag-uusig
at kamatayan. Tinuturuan din
tayo ng mga Macabeong martir
na pagyamanin ang ating pag-
asa sa mga pangako ng Diyos.
Tinitiyak sa atin ni San Pablo sa
Ikalawang Pagbasa na “tapat ang
Panginoon” (2 Tes 3:3) at ang
katapatan niya ang aakay sa atin
upang manatiling sumusunod sa
kalooban ng Diyos.
Nobyembre 6, 2022
Oo, wala nang calculus
sa langit. Ngunit kailangan
pa ring pagdaanan ng mga
estudyante ko ang pagsagot
sa mga pagsusulit nila upang
makakuha ng mataas na grado.
Sa pamamagitan ng pagiging
mabubuting estudyante, sila’y
mapapabanal at makakamit nila
ang langit na gantimpala. Kita
mo ‘yon? naging daan pa ang
calculus sa pagkamit ng langit!
Hindi madaling makapasok
sa langit: kailangan ito ng
araw-araw na pagpili sa Diyos.
Hinihingi nito ang pagpasan
n g k r u s a t a raw - a raw n a
pagtahak sa mga yapak ni Kristo.
Isinasaalang-alang naman ng
Diyos ang karupukan natin kaya’t
nagbibigay siya ng napakaraming
pagkakataon upang magsimula
tayo kapag tayo’y nahuhulog sa
kasalanan. Mapagpatawad ang
Diyos at nananatiling tapat.
Ituon nawa nating lagi ang
ating isip at puso sa tunguhin
nating pagkabuhay na mag-uli
sa langit sa pamamagitan ng
katapatan sa ating Panginoon at
sa pagtupad ng mga tungkuling
iniatas niya sa atin dito sa mundo.
 PASIMULA
Antipona sa Pagpasok (Slm 88:2)
(Basahin kung walang pambungad na awit)
D’yos ko, ako’y iyong dinggin,
pakinggan sa pagdalangin, tulu-
ngan sa aking daing. Pandinig
mo ay ikiling sa pagluhog ko’t
paghiling.
Pagbati
(Gawin dito ang tanda ng krus)
P—Sumainyo ang Panginoon.
B—At sumaiyo rin.
Paunang Salita
(Maaaring basahin ito o isang katulad
na pahayag)
P—Ang paniniwalang mayroong
langit at búhay na walang
hanggan ay napakahalagang
bahagi ng ating pananampalataya
bilang mga Kristiyano. Ang
walang katapusang kapa-
yapaan at kaligayahan sa
kabilang buhay ay parehong
“kaloob” at “pananagutan”
ng bawat mananampalataya.
Kinakailangang magbago
at magsisi ang mga nabuhay
sa kasalanan upang hindi
mapahamak, habang ang mga
nabuhay nang matuwid ay
mabibilang sa hanay ng mga
banal sa kaharian ng Diyos.
Pagsisisi
P—Mga kapatid, tinipon tayo
bilang mga kaanib ng angkan
ng Diyos kaya dumulog tayo
sa maawaing Panginoong
nagpapatawad nang lubos.
(Tumahimik)
P—Sinugong Tagapagpagaling
sa mga nagsisisi: Panginoon,
kaawaan mo kami.
B—Panginoon, kaawaan mo kami.
P—Dumating na Tagapag-anya­
yang mga makasalana’y magsisi:
Kristo, kaawaan mo kami.
B—Kristo, kaawaan mo kami.
P—Nakaluklok ka sa kanan ng
Diyos Ama para ipamagitan
kami: Panginoon, kaawaan mo
kami.
B—Panginoon, kaawaan mo kami.
P—Kaawaan tayo ng makapang­
yarihang Diyos, patawarin tayo
sa ating mga kasalanan, at patnu­
bayan tayo sa buhay na walang
hanggan.
B—Amen.
Gloria
Papuri sa Diyos sa kaitaasan
at sa lupa’y kapayapaan sa
mga taong kinalulugdan niya.
Pinupuri ka namin, dinarangal
ka namin, sinasamba ka namin,
i p i n a g b u b u ny i k a n a m i n ,
pinasasalamatan ka namin, dahil
sa dakila mong ang­king kapurihan.
Panginoong Diyos, Hari ng langit,
Diyos Amang makapangyarihan
sa lahat. Pangi­noong Hesukristo,
Bugtong na Anak, Panginoong
Diyos, Kordero ng Diyos, Anak ng
Ama. Ikaw na nag-aalis ng mga
kasalanan ng sanlibutan, maawa
ka sa amin. Ikaw na nag-aalis ng
mga kasalanan ng sanlibutan,
tanggapin mo ang aming
kahilingan. Ikaw na naluluklok sa
kanan ng Ama, maawa ka sa amin.
Sapagkat ikaw lamang ang banal,
ikaw lamang ang Panginoon,
ikaw lamang, O Hesukristo, ang
Kataas-taasan, kasama ng Espiritu
Santo sa kadakilaan ng Diyos
Ama. Amen.
Pambungad na Panalangin
` niyang tapang ng loob at sa
P—Manalangin tayo.(Tumahimik)
Ama naming makapang-
yarihan, para mo nang awang
ilayo sa amin araw-araw ang
lahat ng mga sumasalungat sa
amin at humahadlang upang
ang aming buong katauhan
ay magkaroon ng kalayaan
para kusang sundin ang iyong
kalooban sa pamamagitan ni
Hesukristo kasama ng Espiritu
Santo magpasawalang hanggan.
B—Amen.
PAGPAPAHAYAG NG
SALITA NG DIYOS
Unang Pagbasa
(2 Mac 7:1–2, 9–14) (Umupo)
Dahil sa pananalig nila sa muling
pagkabuhay ng mga namatay,
pitong lalaki ang nagpakatatag
sa kanilang pananampalataya
at hinarap ang pagpapahirap at
kamatayan.
Pagbasa mula sa ikalawang aklat
ng Macabeo
NOONG mga araw na iyon,
isang ina at ang kanyang pitong
anak na lalaki ang ipinahuli ng
hari. Sila’y pinahirapan para
piliting kumain ng karneng
baboy na ipinagbabawal ng
Diyos. Isa sa mga anak ang
nangahas tumayo at nagsalita,
“A n o b a a n g i nyo n g i b i g
mangyari sa pagpapahirap sa
amin? Matamis pa sa amin ang
mamatay kaysa lumabag sa mga
kautusan ng aming ninuno!”
Bago namatay, sinabi ng
ika­lawang anak nang malakas
sa hari, “Kasumpa-sumpang
halimaw! Maaari mong kunin
ang buhay namin dito sa lupa,
ngunit bubuha­yin kaming muli
ng Hari ng buong daigdig upang
hindi na muling mamatay,
sapagkat sinusunod namin ang
kanyang mga utos.”
Ganoon ding parusa ang
sinapit ng ikatlong anak.
Noong siya’y utusang ilawit ang
kanyang dila, ginawa niya ito
agad at walang atubiling iniabot
ang kanyang mga kamay. Ganito
ang sinabi niya, “Tinanggap ko
ang mga kamay na ito buhat sa
langit. Subalit mas mahalaga
para sa akin ang mga utos
ng Diyos, at umaasa akong
ibabalik niya ang mga kamay
ko.” Pati ang hari at mga tauhan
niya’y humanga sa ipinakita
pagiging handa sa pagtanggap
ng pagpaparusa nila.
Namatay din ang ikatlong
kapatid na ito. Isinunod namang
parusahan ang ikaapat sa ganito
ring malupit na pamamaraan.
Nang mamamatay na, sinabi
n i t o , “A k o ’ y m a l i g aya n g
mamamatay sa kamay ninyo
sapagkat alam kong ako’y
muling bubuhayin ng Diyos.
Ngunit ikaw, Antioco, ay walang
pag-asang mabubuhay uli.”
—Ang Salita ng Diyos.
B—Salamat sa Diyos.
Salmong Tugunan (Slm 16)
T—Paggising ko, Poong sinta, sa
piling mo’y magsasaya.
E.C. Marfori
C Em F
     
    
Pag gi sing ko, Po ong sin ta,

4 Dm G C
         
sa pi ling mo'ymag sa sa ya.
1. Dinggin mo po, Panginoon,
ang tapat kong panawagan,/
Poon, ako ay dinggin mo, sa
daing ko na tulungan;/ pagkat
ako’y táong tapat, di nandaya
kailanman,/ kaya ako’y
sumasamong dalangin ko ay
pakinggan. (T)
2. Palagi kong sinusundan ang
landas mong itinakda,/ hindi
ako lumilihis sa kanan man o
kaliwa./ Ang daing ko, Pangi-
noon, ay lagi mong dinirinig,/
kaya ako’y dumudulog at sa iyo
humihibik. (T)
3. Kung paanong sa mata mo’y
lubos ang ’yong pag-iingat,/
gayon ako ingatan mo sa lilim
ng iyong pakpak./ Yamang
ako ay matuwid, ang mukha
mo’y mamamalas/ kapag ako
ay nagising, sa piling mo’y
magagalak. (T)
Ikalawang Pagbasa
(2 Tes 2:16–3:5)
Tinitiyak ni San Pablo sa mga taga-
Tesalonica na tapat ang Panginoon
at handang mag­bigay sa kanila ng
lakas ng loob at pag-asa sa gitna ng
mga panganib.
Pagbasa mula sa ikalawang sulat
ni Apostol San Pablo sa mga
taga-Tesalonica
MGA KAPATID, aliwin nawa
kayo ng ating Panginoong Hesu­
kristo at ng ating Diyos at Ama
na umibig sa atin at sa kanyang
habag ay nagbigay sa atin ng
walang pagbabagong lakas ng
loob at matibay na pag-asa.
Bigyan nawa kayo ng matatag
na kalooban upang inyong
maipahayag at maisagawa ang
lahat ng mabuti.
Sa wakas, mga kapatid,
ipana­langin ninyo kami upang
ang salita ng Panginoon ay
mabilis na lumaganap sa lahat
ng dako at dakilain ng lahat
tulad ng ginawa ninyo. Idalangin
din ninyo na maligtas kami sa
mga buktot at masasamang
tao; sapagkat hindi lahat ay
naniniwala sa salita ng Diyos.
Ta p a t a n g Pa n g i n o o n .
Bibigyan niya kayo ng lakas
at ililigtas sa Diyablo. Dahil sa
Panginoon, malaki ang aming
pagtitiwala na ginagawa ninyo
at patuloy na gagawin ang mga
sinabi namin sa inyo.Akayin
n awa k ayo n g Pa n g i n ­ oon
tungo sa pag-ibig sa Diyos at
sa pananatili kay Kristo.
—Ang Salita ng Diyos.
B—Salamat sa Diyos.
Aleluya (Pag 1:5a, 6b) (Tumayo)
B — A l e l u ya ! A l e l u ya ! S a
yumao’y s’yang panganay si
Hesus na Poong mahal na
dapat nating idangal. Aleluya!
Aleluya!
Mabuting Balita (Lc 20:27–38)
P—Ang Mabuting Balita ng
Panginoon ayon kay San Lucas
B—Papuri sa iyo, Panginoon.
N O O N G p a n a h o n g i yo n ,
may ilang Saduseo na lumapit
kay Hesus. Ang Saduseo’y
hindi naniniwala na muling
bubuhayin ang mga patay.
“ G u r o ,” a n i l a , “ n a g l a g d a
po si Moises ng ganitong
batas para sa amin: ‘Kung
mamatay ang isang lalaki at
maiwang walang anak ang
kanyang asawa, ang kapatid
na lalaki’y dapat pakasal sa
balo upang magkaanak sila
para sa namatay.’ May pitong
magkakapatid na lalaki.
Nag-asawa ang panganay,
at namatay na walang anak.
Napakasal sa balo ang
pangalawa, at namatay. Gayon
din ang nangyari sa pangatlo
hanggang sa pampito: isa-
isang napangasawa ng babae
at pawang namatay na walang
anak. Sa kahuli-huliha’y
namatay naman ang babae.
Sa muling pagkabuhay, sino po
sa pito ang kikilalaning asawa
niya yamang napangasawa
niya silang lahat?”
Sumagot si Hesus, “Sa buhay
na ito, ang mga lalaki at mga
babae’y nag-aasawa, ngunit ang
mga lalaki’t babaing karapat-
dapat na muling buhayin para
sa kabilang buhay ay hindi
na mag-aasawa. Hindi na sila
mamamatay sapagkat matutulad
sila sa mga anghel. At sila’y
mga anak ng Diyos yamang
muli silang binuhay. Maging
si Moises ay nagpapatunay na
muling binubuhay ang mga
patay. Sapagkat sa kanyang
kasaysayan hinggil sa nagliliyab
na mababang punong-kahoy,
ang Panginoon ay tinawag
niyang ‘Diyos ni Abraham,
Diyos ni Isaac at Diyos ni
Jacob.’ Ngunit ang Diyos ay
hindi Diyos ng mga patay kundi
ng mga buhay—sa kanya’y
buhay ang lahat.” Sinabi ng
ilan sa mga eskriba, “Magaling
ang sagot ninyo, Guro!” At wala
nang nangahas na magtanong
sa kanya ng anuman.
—Ang Mabuting Balita ng
Panginoon.
B—Pinupuri ka namin,
Panginoong Hesukristo.
Homiliya (Umupo)
Pagpapahayag ng
Pananampalataya (Tumayo)
B—Sumasampalataya ako sa
Diyos Amang makapangyarihan
sa lahat, na may gawa ng langit
at lupa.
S u m a s a m p a l a t aya a k o
kay Hesukristo, iisang Anak
ng Diyos, Panginoon nating
lahat. Nagkatawang-tao siya
lalang ng Espiritu Santo,
ipinanganak ni Santa Mariang
Birhen. Pinagpakasakit ni
Poncio Pilato, ipinako sa krus,
namatay, inilibing. Nanaog sa
kinaroroonan ng mga yumao.
N a n g m ay i k a t l o n g a raw
nabuhay na mag-uli. Umakyat
sa langit. Naluluklok sa kanan ng
Diyos Amang makapangyarihan
sa lahat. Doon magmumulang
paririto at huhukom sa nanga-
bubuhay at nangamatay na tao.
Sumasampalataya naman
ako sa Diyos Espiritu Santo, sa
banal na Simbahang Katolika,
sa kasamahan ng mga banal, sa
kapatawaran ng mga kasalanan,
sa pagkabuhay na muli ng
nangamatay na tao, at sa buhay
na walang hanggan. Amen.
Panalangin ng Bayan
P—Diyos naming Ama, sa
pamamagitan ng muling
pagkabuhay ng iyong Anak,
aming napagtatanto ang
kapangyarihan ng bagong buhay
kay Kristo laban sa kasalanan
at kamatayan. Pukawin mo
pang lalo ang aming mga
puso ng iyong Espiritu. Kami’y
nagsusumamo:
T—Ama, ikaw ang aming pag-
asa ng bagong buhay.
L—Ama naming mapagmahal,
pagkalooban mo kaming iyong
Simbahan ng nagbibigay-buhay
na pagpapatotoo upang lahat ng
namumuhay pa sa kasalanan at
kamatayan ay makasumpong ng
pag-asa ng bagong buhay sa Iyo.
Manalangin tayo: (T)
L—Ama naming mapagmahal,
tulungan mo ang aming mga
pinuong nasyunal at lokal na
makita ang iyong liwanag at
pag-asa sa gitna ng tukso ng
kadilimang alok ng mundo.
Manalangin tayo: (T)
L—Ama naming mapagmahal,
tulungan mo kaming natitipon
ngayon na mapagtantong
ang aming buhay ay isang
pagkakataong makilahok
mamuhay sa diwa ng iyong
muling pagkabuhay. Manalangin
tayo: (T)
L—Ama naming mapagmahal,
yakapin mo ang aming mga
yumaong mahal sa buhay sa
kanilang pag-aantabay sa kanila
ring maluwalhating muling pag-
kabuhay. Manalangin tayo: (T)
L—Sa ilang sandali ng katahi-
mikan, ating ipanalangin ang
iba pang pangangailangan ng
ating pamayanan pati na rin ang
ating pansariling kahilingan.
(Tumahimik) Manalangin tayo: (T)
P—Mapagmahal naming Ama,
sa pamamagitan ng muling
pagkabuhay ng iyong Anak, natu-
tuto kaming maging salamin ng
iyong pakikiniig at pagliligtas.
Kami nawa’y makasalo sa
magandang buhay na alay ni
Kristo na aming Panginoon.
B—Amen.
PAGDIRIWANG NG
HULING HAPUnan
Paghahain ng Alay (Tumayo)
P—Manalangin kayo...
B—Tanggapin nawa ng Pangi­
noon itong paghahain sa iyong
mga kamay sa kapurihan
niya at karangalan sa ating
kapaki­nabangan at sa buong
Sambayanan niyang banal.
Panalangin ukol sa mga Alay
P—Ama naming Lumikha,
kalug­dan mo ang paghahain ng
mga natitipon dito upang ang
aming ginaganap na pag-aalay
ng sarili ng Anak mo ay aming
pakinabangan sa kanyang
pamam ­ agitan kasama ng
Espiritu Santo magpasawalang
hanggan.
B—Amen.
Prepasyo (Karaniwan IV)
P—Sumainyo ang Panginoon.
B—At sumaiyo rin.
P—Itaas sa Diyos ang inyong
puso at diwa.
B—Itinaas na namin sa Pangi­
noon.
P—Pasalamatan natin ang
Panginoong ating Diyos.
B—Marapat na siya ay pasala­
matan.
P—Ama naming makapangyari­
han, tunay ngang marapat na
ikaw ay aming pasalamatan sa
pamamagitan ni Hesukristo na
aming Panginoon.
S i ya ay n a g i n g k a p w a
naming maaasahan upang
may mangun ­ ang umako
s a p a n a n a ­g u t a n d a h i l
hangad mong magbago ang
kinamihasnang pagkakanya-
kanya ng sangkatauhan. Bunga
ng pagtitiis, siya ay nanaig at
ang kamatayan ay kanyang
nalupig kaya’t siya ang aming
Daan para aming masapit ang
iyong tapat at maaasahang pag-
ibig.
Kaya kaisa ng mga anghel
na nag­s i­s iawit ng papuri sa
iyo nang wa­lang humpay sa
kalangitan, ka­mi’y nagbubunyi
sa iyong kadakilaan:
B—Santo, Santo, Santo
Panginoong Diyos ng mga
hukbo! Napupuno ang langit
at lupa ng kadakilaan mo!
Osana sa kaitaasan! Pinagpala
ang naparirito sa ngalan ng
Panginoon! Osana sa Kaitaasan!
(Lumuhod)
Pagbubunyi (Tumayo)
B—Si Kristo’y namatay! Si
Kristo’y nabuhay! Si Kristo’y
babalik sa wakas ng panahon!
PAKIKINABANG
Ama Namin
B—Ama namin...
P—Hinihiling naming...
B—Sapagkat iyo ang kaharian
at ang kapangyarihan at ang
kapu­­r ihan magpakailanman!
Amen.
Pagbati ng Kapayapaan
Paanyaya sa Pakikinabang
(Lumuhod)
P—Ito ang Kordero ng Diyos. Ito
ang nag-aalis ng kasalanan ng
sanlibutan. Mapalad ang mga
inaanyayahan sa kanyang piging.
B — Pa n g i n o o n , h i n d i a k o
karapat-dapat na magpatulóy
sa iyo ngunit sa isang salita mo
lamang ay gagaling na ako.
Antipona sa Komunyon
(Slm 23:1–2)
Pastol kong nagtataguyod ang
Panginoong aking D’yos di ako
maghihikahos pagkai’y kanyang
kaloob inumin ay kanyang
dulot.
Panalangin Pagkapakinabang
(Tumayo)
P—Manalangin tayo. (Tumahimik)
Ama naming mapagmahal,
tinatanaw naming utang na loob
ang banal na pakikinabang at
iniluluhog naming ang Espiritu
Santo ay mag-umapaw sa kalo­
oban naming kanyang tinitigib
ng iyong kadakilaan upang
ang iyong kagandahang-loob
ay manatili sa amin palagian
sa pamamagitan ni Hesukristo
kasama ng Espiritu Santo
magpasawalang hanggan.
B—Amen.
PAGTATAPOS
P—Sumainyo ang Panginoon.
B—At sumaiyo rin.
Pagbabasbas
P—Magsiyuko kayo habang
iginagawad ang pagbabasbas.
(Tumahimik)
P—Ama naming mapagpala,
ang mga nakikiusap na
makapamalaging tapat sa
i y o ay m a n a t i l i n a w a n g
nananalig sa iyong pag-ibig at
nagpapalaganap nito sa kapwa-
tao sa daigdig sa pamamagitan
ni Hesukristo kasama ng Espiritu
Santo magpasawalang hanggan.
B—Amen.
P — Pa g p a l a i n k a y o n g
makapangyarihan at maha-
baging Diyos, Ama at Anak (†)
at Espiritu Santo.
B—Amen.
Pangwakas
P—Tapos na ang Banal na Misa.
Humayo kayong mapayapa.
B—Salamat sa Diyos.
BE A PAULINE PRIEST
OR BROTHER
Visit our websites:
ssp.ph or stpauls.ph