GRADE V

WASTONG PARAAN NG PAGTATANIM

ALAMIN MO

Nakapasyal ka na ba sa isang narseri? May nakita ka bang punla na nakatanim sa

kahon o sa mga itim na plastik? Ito ay isang paraan ng pagtatanim na kung tawagin
ay di tuwirang pagtatanim. Inililipat ito sa permanenteng pagtatamnan kung may
dalawa hanggang apat na dahon na ang punla. Mayroon din tayong tinatawag na
tuwirang pagtatanim at ito ay sa pamamagitan ng buto o binhi na tuwirang inihuhulog
sa butas na ginawa sa lupa upang pagtamnan. Alin man dito ang piliin mo sa paraan
ng pagtatanim ay kailangang manatiling malulusog ang mga halaman upang umani
nang maganda.

Sa modyul na ito, pag-aralan mo ang wastong pamamaraan ng pagtatanim.

DI TUWIRANG PAGTATANIM TUWIRANG PAGTATANIM

1
 PAGBALIK-ARALAN MO

Balikan muna natin ang ating natutuhang mga wastong

kagamitan at kasangkapan ng paghahalaman.

Ang sumusunod ay ilang sa mga kasangkapan sa paghahalaman. Iayos

ang mga titik upang mabuo ang pangalan ng mga kasangkapan at ibigay ang
gamit nito.

1. O L A R A S- _____________
2. L A K Y A Y A K __________
3. A LA P ____________
4. U K LO G _________________
5. O S T U L ________________

2
 PAG-ARALAN MO
Tingnan mo ang “picture tree” at pag-aralan ang nilalaman nito.
Mga Wastong Paraan ng Pagtatanim
Di tuwirang pagtatanim - paglilipat
ng punla sa tamang taniman.
Mga paraan
1. Ihanda ang kahong punlaan na may
tamang sukat. Tiyakin na may butas
ito sa ilalim upang madaluyan ng
tubig. Paghaluin ang tig-iisang
katlong bahagi ng lupa, buhangin at
humus sa loob ng kahong inihanda.
2. Ihanda ang mga buto ng halamang
itatanim. Ibabad ang mga ito nang
magdamag bago itanim at patubuin
sa kahong punlaan.
3
Tuwirang pagtatanim - ginagawa sa
pamamagitan ng paghulog kaagad ng
buto o binhi kung saang bahagi ng kama
ibig itong patubuin.
Mga paraan
1. Diligin ang inihandang lupa at
hayaang makasipsip ng sapat
na tubig.
2. Gumawa ng hanay sa
pamamagitan ng paglalagay ng
tulos sa magkabilang dulo ng
kama at pagtatali ng pisi sa
bawat tulos. Magsisilbi itong
gabay sa paggawa ng butas.
3. Takpan ang kahong punlaan habang
hindi pa lumalabas ang unang sibol.
Gumamit ng panakip tulad ng
dahon ng saging at iba pa.
4. Unti-unting ilantad ang kahong
punlaan, kapag nagsimula nang
sumibol ang mga buto.
5. Alisin ang takip kung husto na ang
tubo ng mga punla. Piliin at alisin
ang mga punlang payat at dikit-
dikit.
6. Hintaying magkaroon ng dalawa
hanggang apat na dahon ang mga
punla bago ilipat sa permanenteng
pagtatamnan.
7. Diligin ang mga punla bago angatin
at alisin sa kahong punlaan.
8. Gumamit ng dulos at angatin nang
buong ingat ang punla at ingatang
di mapinsala ang mga ugat.
9. Pungusan ng dahon ang mga punla.
Tiyakin ang pagpupungas ay hindi
gaanong malapit sa tangkay.
10. Ilipat nang buong ingat ang mga
punla sa permanenteng
pagtataniman at alagaang mabuti.
Iwasan ang paglilipat ng punla
kung matindi ang sikat ng araw.
4
3. Sa pamamagitan ng patpat
,gumawa ng butas na may
sapat na layo. Dagdagan ang
distansiya kung ang dahon ng
halamang itatanim ay
mabukadkad
- kung tag-init at ang lupa
ay buhaghag at
mabuhangin, laliman ang
butas.
- kung sa panahon ng
taglamig at ang lupang
gagamitin ay siksik,
gawing mababaw ang
butas.
4. Hugutin at alisin ang tulos at
pising ginagamit. Ihulog ang
dalawa hanggang tatlong buto
o binhi sa mga butas na
ginaw. Takpan ng lupa at
bahagyang pipiin ng kamay.
5. Diligin ang kamang taniman.
Gawin ito ng buong ingat
upang mapangalagaan ang
mga butong bagong tanim.
MGA HAKBANG NA DAPAT SUNDIN SA PAGHAHANDA NG PUNLAAN

1. Bumuo ng kahon, maaaring yari sa yero o kahoy may sukat ng 30 x 45 sentimetro

ang lapad at haba at 7.5 sentimetro ang taas.
2. Butasan ang ilalim ng kahon upang may daluyan ang sobrang tubig.
3. Lagyan ng lupa ang kahon. Ito ay pinaghalong mahusay na lupa, buhangin, at
humus. Gawing tig-isang katlong bahagi ang bawat isa.
4. Pipiin at pantayin ang lupa sa kahon.

SUBUKIN MO

Ayon sa natutunan mo sa mga wastong pamamaraan ng pagtatanim; ang tuwiran

at di-tuwiran, pag-aralan ang nakikita mong lay out ng taniman. Ipaliwanag ang
gamit nito at kung bakit kailangan ito sa paghahalaman. Isulat sa kuwadernong
sagutan.

- Sa anong paraan ng pagtatanim ito ginagamit?

5
 TANDAAN MO

Ang pagtatanim ay may dalawang pamamaraan. Ito ay ang tuluyang pagtatanim o

tuwiran at ang paglilipat ng punla o di tuwiran.

Ang tuwirang pagtatanim ay payak at madaling gawin. Ang di tuwirang

pagtatanim ay kinakailangan magpunla at ilipat ang sibol sa takdang panahon sa
kamang taniman.

ISAPUSO MO

Kung susubukan mong magtanim ng halamang ornamental sa pamamagitan ng

wastong pamamaraan ng pagtatanim, alin sa mga sumusunod na tseklist ang magagawa
mong kasiya-siya?

Mga Kagamitan Lubos na Kasiya-siya Pagbutihin pa

kasiya-siya

1. Wastong pagsunod sa mga

paraan.
2. Wastong paggamit ng
punlaan.
3. Bilis ng paggawa.
4. Kawilihan sa paggawa.

6
 GAWIN MO

Basahin ang mga dapat mong gawin at sundin ang mga pamamaraan sa
paggawa.

1. Gumawa ng kahong punlaan.

2. Ihanda ang kamang taniman
3. Pumili ng halamang ornamental na maaaring itanim sa pamamagitan ng di-
tuwirang pagtatanim.
4. Dalhin at ipatsek sa guro.

PAGTATAYA

1. Sa ginawa mong kahong punlaan, magpunla ka ng tsitsirika o sunflower at

ilipat mo sa inihanda mong kamang taniman pagdating sa tamang gulang.

2. Itanim ang napili mong halamang ornamental sa inyong bakuran. Alagaan

at ingatan para matiyak ang malusog at mabilis na paglaki

Kung nasagutan mo nang buong husay ang bahaging Pagtataya ng

modyul, binabati kita! Maaari mo nang pag-aralan ang susunod na
modyul.