1. Okuw maksatnamalary yzygider kämilleşdirilýär. 2. Okuw kitaplary, okuw gollanmalary 8-nji synplaryň türkmen dili we edebiýat kitaplary konkurs esasynda geçirildi, täze okuw ýylyna çenli ýetişer. (çapa hödürlenenler, çapdan çykanlar). “Diktantlar ýygyndy”, “Ýeke-täk talaplar we baha ölçegleri” kitaplary taýýarlandy, mekdeplere ýetirildi. 3. Okuwçylary barha ösýän jemgyýetde öz mynasyp orunlaryny tapmaga ugrukdyrmak, okuwçylary häzirki zaman tehnologiýalardan baş çykarýan hünärmenler edip ýetişdirmek, durmuşa taýýarlamak maksady bilen 10-njy synplarda “Döwrebap tehnologiýalaryň esaslary” dersi girizildi. 4. 1-4-nji synplaryň okuw meýilnamasyna “Informatikanyň esaslary” dersi girizildi. 5-nji synpdan soň “Informatika” dersi hökünde dowam etdirilýär. 5. Zähmet dersi 1-4-nji synplarda “Durmuş zähmeti” diýlip atlandyryldy. 6. 5-11-nji synplarda okuw meýilnamasynyň “Saýlama okuwlar” bölüminde “Ugurly ders okuwlary”, “Taslama we döredijilik işi” dersleri girizildi. Saýlama okuwlarynyň sagatlary takyk, tebigy, ynsanperwerlik-durmuş bilim ugurly derslere, aýdym-saz, tans sungatyň dürli ugulary boýunça okuwçylaryň zehinini ösdürmäge, okuwçylary ders, taslama bäsleşiklerine taýýarlamaga, ylmy-gözleg işlerini alyp barmaga gökündirilmeli, saýlama okuwlara gatnaşjak okuwçylaryň sany 7-den az bolmaly däl. Saýlama okuwlaryna mugallymlar tarapyndan okuwçylaryň başarnyklaryna we isleglerine laýyklykda sentýabr aýynyň 1-ne çenli saýlanyp alynýar we mekdep müdiriniň buýrugy bilen resmileşdirilýär. Saýlama okuwlaryň dowamlylygy 45 minut bolmaly. 7. Okuw meýilnamasynda görkezilen dersleri “Türkmenistanyň medeni mirasy”, Dünýä medeniýeti” derslerini ene dili we edebiýat, taryh mugallymlaryna okatmaga rugsat berilýär. 8. Orta hünär mugallymçylyk bilimi baradaky şahadatnamalarynda 4-5nji synplar we 5-6-njy synplarda aýratyn okuw derslerini okatmaga rugsat hukugynyň bardygy görkezilen başlangyç synp mugallymlaryna şol okuw sagatlaryny okatmaga rugsat berilýär. 9. Hormatly Prezidentimiz 14-nji fewralda Türkmenistanyň jemgyýetçilik guramalarynyň işgärleri we medeniýet işgärleri bilen maslahat geçirdi. Şol maslahatda jemgyýetçilik guramalarynyň işgärleri bilen mekdep mugallymlarynyň, synp ýolbaşçylaryň ýaş nesli terbiýelemek üçin bilelikde iş alyp barmak tabşyryldy (zenanlar gurama, ýaşlar gurama, kärdeşler arkalaşygy...). 10.Halky täze maksatlara ruhlandyrmak üçin “Türkmenistan – rowaçlygyň Watany” ýylynda halkyň durmuş hal-ýagdaýyny gowulandyrmak maksady bilen ýurduň welaýatlarynda täze şäherçeleri döretmek wezipesi kesgitlendi. Şol sanda, Ahal welaýatynyň dolandyryş merkeziniň – täze şäheriň düýbi tutuldy, şu ýylyň 8-nji maýynda Balkan welaýatynyň Serdar etrabynyň çäginde Altyn asyr türkmen kölüniň sebitlerinde döwrebap önümçilik – durmuş toplumynyň düýbi tutuldy. 11.Türkmenistan 2012-nji, 2019-njy ýylda GDA (Garaşsyz döwletleriň arkalaşygy) ýolbaşçylyk edýär. 14-16-njy maýda Aşgabatda GDA girýän ýurtlaryň medeniýet işgärleriniň, ylym-bilim işgärleriniň intelgensiýasynyň 14-nji forumy geçirildi. a) Türkmenistan ýolbaşçylyk etdi; her forumda birnäçe wezipeler bellenýär. b) Medeniýet, ylym-bilim ulgamlary boýunça halkara gatnaşyklary ýola goýmakda uly ähmiýete eýe boldy. Bu foruma 500-e golaý adam gatnaşdy. 15-nji foruma çenli GDA girýän döwletleriň arasynda çagalar edebiýatyny ýaýratmak maksady bilen şol döwletleriň ählisiniň çagalar edebiýatyna degişli eserlerini 11- dile terjime etmek göz öňünde tutulýar. Çagalaryň arasynda dost-doganlyk gatnaşyklary berkitmek üçin bu örän ähmiýetlidir. 12.12-nji iýunda bellenilip geçilýän Ylymlar gününde geçirilen maslahatda Hormatly Prezidentimiz ylym bilen bilimiň arasyndaky baglanyşygy güýçlendirmek, zehinleri ýüze çykarmak maksady bilen Ylymlar akademiýasyna degişli birnäçe institutlary ýokary okuw mekdeplerine birikdirdi. Şol sanda, Oba hojalyk uniwersitetine – maldarçylyk, weteraniýe institutyny, Mary welaýatyndaky Energetika institutyna – Gün energiýasy institutyny birikdirdi. 13.Şeýle-de, Hormatly Prezidentimiz ýaşlaryň durmuşa taýýarlygyny üpjün etmek maksady bilen welaýatlaryň häkimliklerine degişli başlangyç hünär okuw mekdeplerini Bilim ministrligine bermegi tabşyrdy (öňki UPK). Ýaşlaryň orta mekdebi tamamlanlarynda iň azyndan iki hünäri ele almagy üçin 7-nji synplardan başlap hepdede bir güni başlangyç hünär okuw mekdeplerinde dürli hünärler boýunça okatmak we bilim alan hünärleri boýunça ýörite işe ýerleşmek üçin diplomlary gowşurmak göz öňünde tutulýar. Hormatly Prezidentimiz ylym-bilimiň, ylmy açyşlaryň, önümçiligiň halk hojalygy üçin zerur bolmalydygyny belledi. 14.Hormatly Prezidentimiz Ahal welaýatynyň çäginde tebigy gazdan benzin öndürýän dünýäde ýeke-täk zawody gurdurdy. Zawod Ýaponiýanyň we Koreýanyň hünärmenleriniň bilelikde gatnaşmaklarynda gurlup, bir ýylda 1million 800 müň tonna Eko-93 görnüşli benzin öndürmek göz öňünde tutulýar. Zawodda 1 müň 200-den gowrak iş orunlary açyldy (bu benziniň daşky gurşawy goramakda ähmiýeti uly). 15.Hazar deňziniň töweregi bilen gatnaşyk etmek mümkinçiligini peýdalanmak, ulag-üstaşyr geçelgesiniň mümkinçiliklerini giňeltmek maksady bilen 11-12- nji awgustda Awaza milli syýahatçylyk zolagynda 1-nji Hazar ykdysady forumy geçirildi. Hormatly Prezidentimiz adatdan daşary ýagdaýlaryň öňüni almak maksady bilen 5 döwletden ybarat bolan topary döretmegi teklip etdi. (12-nji awgustda geçirilmeginiň manysy 2006-njy ýylyň 12-nji awgustynda “Hazar deňziniň deňiz gurşawyny goramak barada konwensiýa gol çekildi (Tähran konwensiýasy). Şol bäş döwletiň arasynda 12-nji awgust “Hazar deňziniň güni” diýlip yglan edildi). 16.Hormatly Prezidentimiz işleýän raýatlaryň aýlyk haklaryny, talyp haklaryny, pensiýalary 2020-nji ýylyň ýanwar aýynyň 1-nden 10% galdyrmak barada karara gol çekdi. 17.Türkmenistanyň Prezidentiniň ýurdumyzy 2019–2025-nji ýyllarda durmuş- ykdysady taýdan ösdürmegiň maksatnamasynda “Adam maýasyny kemala getirmek we ösdürmek: ylym we bilim” ulgamlarynda birnäçe işleri amala aşyrmak göz öňünde tutulýar. 2025-nji ýyla çenli häzirki hereket edýän 1079 sany çagalar baglarynyň sanyny 1245-e ýetirmek we 1879 sany mekdebi 2094-e ýetirmek meýilleşdirilýär.