St.Mudo : Tuan ambu st.

menan
St.Menan : Lai ambo tuan
St Mudo : Panitahan tibo kahadapan tuan
St.Menan : Manitahlah
St.Mudo : Sungguah pun tuan surang nan di sambah,mak sarapek nyo lah niniak mamak
sagaji guru sarato si alek nan bakarapatan di tangah rumah.tampek di Ambo manibokan samba jo
titah kahadapan tuan.Indak diatok di bilang gala sado nan taratok tabilang jo gala. Jo sambah sajo
ambo muliakan .Bukan toh ambo maraso malinteh jo malampaui niniak mamak karajo pokok silang
nan bapangka.sungguahpun di ambo tarabik nyo sambah,alah izin kato jo mupakaik di ambo
manibokan sambah kahadapan tuan.
St.Menan : Manitahlah tuan
St.Mudo : Artinyo sambah jo titah bauah panitahan nan kadi tibokan kahadapan tuan nan bak
kini nangko.yo bana ,caliak jauah balayangkan,pandang ampia batukiak kan.mamandang kapado
jamba nan talatak sarato galeh nan lah baisi aia. bulek nan sagiliang pipia nan satapiak,tibo nyo di
karajo pokok silang nan bapangka,jamba nan katangah minta di santap, sarato galeh nan baisi aia
minta di minum kahadapan ninik mamak sagaji guru sarato sialek nan bakarapatan di tangah rumah.
itulah buah panitahan nan tibo kahadapan Sutan Menan
St.Menan : Alah sampai buah panitahan Sutan mudo
St.Mudo : Sakiro kiro sampai Sutan menan
St.Menan : panitahan Juo tibo kahadapan Sutan Mudo
St.Mudo : Manitahlah tuan
St.Menan : Sungguah pun Sutan menan nan disambah,mak sarapek nyo lah niniak mamak
sarato guru dikarajo pokok silang nan bapangka,tampek ambo manibokan sambah jo titah. Indak
diatok dibilang gala sado nan taratok tabilang jo gala.jo sambah sajo ambo mulyakan.bukan toh
ambo raso kamalinteh jo malampaui niniak mamak sagaji guru,sungguah pun diambo tabik nyo
sambah,alah kato jo izin untuak manjawab buah panitahan sutan.
lai ko sambah tibo kahadapan sutan menan ?
St.Mudo : Manitahlah tuan
St.Menan : Artinyo sambah jo titah buah panitahan sutan sajo di amba gadang di anjuang
tinggi.ado pun samaso di hari nan cako,lah taantan dek tuan buah panitahan ka hadapan
ambo.A..nan manjadi buah panitahan tu Kini?
yo bana caliak jauah balayangkan,pandang ampia batukiak kan.mamandang kapado jamba nan
katangah sarato galeh nan baisi aia,bulek nan sagiliang pipia nan satapiak,tibo nyo di karajo pokok
silang nan bapangkok,kok jamba nan katangah minta di santap galeh nan baisi aia minta di minum
kahadapan niniak mamak sagaji guru, sarato sialek nan bakarapatan di tangah rumah,
kan baitu lalu nyo buah panitaha Sutan?
St.Mudo : yo.... lah
St.Menan : kok sapanjang buah panitahan sutan lah manuruik sapanjang adaik.tapi sungguah
pun lah manuruik sapanjang adaik,ado pulo manuruik undang,dek karano ambo lai duduak di
hadapan niniak mamak sagaji guru nan banjanjang naik batanggo turun,ambo baok kato jo
mupakaik,mananti sutan menan sakiro kiro,lai ko kamanuruik adaik sutan?
St.Mudo : lah sampai buah panitahan sutan Menan?
St.Menan : Sakiro kiro alah Sutan
St.Mudo : Artinyo sambah jo titah buah panitahan sutan sajo diamba gadang di anjuang
tinggi.Adopun samaso di hari nan cako lah taranta di ambo buah panitahan kahadapan Sutan.ba a
tibo nyo dek sutan ado pulo manuruik undang,di adaik kato baiyo di elok jalan ba amuah,dek karano
Sutan lai duduak di hadapan niniak mamak sagaji guru nan banjanjang naik batanggo turun,Sutan
baok kato jo baiyo ,rundiang jo mufakaik,mananti ambo sakiro kiro,lai ko kamanuruik adaik?
kan baitu bana lalu nyo buah panitahan Sutan?
St.Menan : Yo..lah
St.mudo : Tan kato Sutan kamambaok jo mufakai rancak bana Sutan?
baok lah jo mufakaik,sipaik mananti malah ambo
St.Menan : ambo baok jo mufakai Sutan
St.Mudo : Rancak Tuan
( Alek 1 dan Alek 2 Barundiang )

St.Menan : Sutan kayo

St.Kayo : Lai ambo st.menan
St.Menan : Panitahan tibo kahadapan tuan
St.Kayo : Manitahlah
St.Menan : Artinyo sambah jo titah bauah panitahan nan kadi tibokan kahadapan tuan nan bak
kini nangko.Karano samasao di hari nan cakoh lah tibo pulo ulak dari niniak mamak karajo pokok
silang nan bapangka kahadapan ambo.Apo nyo nan manjadi ulak tu kini.
yo bana ,caliak jauah balayangkan,pandang ampia batukiak kan.mamandang kapado jamba nan
katangah sarato galeh nan lah baisi aia.
bulek nan sagiliang pipia nan satapiak,tibo nyo di karajo pokok silang nan bapangka,jamba nan
katangah minta di santap,sarato galeh nan baisi aia minta di minum kahadapan ninik mamak sagaji
guru sarato sialek nan bakarapatan di tangah rumah.
Taranta buah panitahan kahadapan ambo lah bajawab sakiro2,ma agak i nan kabuah bari nyo,di
adaik kato bai yo di elok jalan bamuah.iko bana nan kadi pa amuah an ka hadapan Sutan Kayo
itu lah buah panitahan nan tibo kahadapan Sutan
St.Kayo : Lah sampai buah panitahan Sutan?
St.Menan : Sakiro2 sampai Sutan
St.Kayo : Artinyo sambah jo titah buah panitahan sutan sajo di amba gadang di anjuang
tinggi.adopun Samaso dihari nan cako lah tibo ulak dari niniak mamak karajo pokok silang nan
bapangka Kahadapan Sutan Menan.Apo nyo nan manjadi ulak tu kini.
yo bana ,caliak jauah balayangkan,pandang ampia batukiak kan.mamandang kapado jamba nan
katangah
galeh nan lah baisi aia.
bulek nan sagiliang pipia nan satapiak,tibo nyo di karajo pokok silang nan bapangka,jamba nan
katangah minta di santap,galeh nan baisi aia minta di minum kahadapan ninik mamak sagaji guru
sarato sialek nan bakarapatan di tangah rumah.Taranta buah panitahan kahadapan Sutan Menan lah
bajawab Sakiro2.ma agak i nan kabuah bari nyo,di adaik kato bai yo di elok jalan bamuah.iko bana
nan kadi pa amuah an ka hadapan ambo Sutan Kayo ,Kan baitu lalu nyo Buah Panitahan Sutan
Menan?
St.Menan : Yoo lah
St.Kayo : kok sapanjang buah panitahan sutan lah manuruik sapanjang adaik.tapi sungguah
pun lah manuruik sapanjang adaik,ado pulo manuruik undang,dek karano ambo lai duduak di
hadapan niniak mamak sagaji guru nan banjanjang naik batanggo turun,ambo baok kato jo
baiyo,rundian jo mupakaik,mananti sutan Menan sakiro kiro,lai ko kamanuruik adaik sutan?
St.Menan : Artinyo sambah jo titah buah panitahan sutan sajo diamba gadang di anjuang
tinggi.Adopun samaso di hari nan cako lah taranta di ambo buah panitahan kahadapan Sutan.ba a
tibo nyo dek sutan ado pulo manuruik undang,di adaik kato baiyo di elok jalan ba amuah,dek karano
sutan lai duduak di hadapan niniak mamak sagaji guru nan banjanjang naik batanggo turun,sutan
baok kato jo baiyo ,rundiang jo mufakaik,mananti ambo sakiro kiro,
lai ko kamanuruik adaik?kan baitu bana lalu nyo buah panitahan Sutan?
St.Kayo : Yoo lah
St.Menan : Tan kato Sutan kamambaok jo mufakai rancak bana Sutan?
baok lah jo mufakaik,sipaik mananti malah ambo

( Alek 2 jo Alek 1 Mambaliak an Rundiang )

St.Kayo : Tuan ambo Sutan st.Menan
St.Menan : Lai ambo Tuan
St.Kayo : Panitahan tibo Kahadapan tuan
St.Menan : Manitahlah tuan
St.Kayo : artinyo sambah jo titah nan kadikumbalikan kahadapan tuan sajo diamba gadang
dianjuang tinggi.adopun samaso di hari nan cakoh lah taranta dek tuan buah panitahan kahadapan
ambo.ba a tibo nyo di ambo,kato alah di bao jo baio,rundiang alah di bao jo mufakaik,kahadapan
niniak mamak sagaji guru,nanbajanjang naiak batanggo turun,mangko dapek lah kato sahati
kabulatan kato samufakaik,sapanjang permintaan niniak mamak karajo pokok silang nan bapangka
lah dalam adaik.insaallah lah kabalimuan dek niniak mamak sagaji guru.
tapi sungguah pun lah kabalimuan kok adolah katukuak tambah nyo bana basarahan juo kahadapan
tuan menan
itulah buah panitahan dikumbalikan kahadapan tuan menan.
St.Menan : lah sampai buah panitahan tuan?
St.Kayo : sakiro kiro sampai tuan
St.Menan : panitahan juo kumbali kahadapan tuan'
St.Kayo : Manitahlah tuan
St.Menan : artinyo sambah jo titah buah panitahan tuan sajo diamba gadang dianjuang tinggi
adopun samaso di hari nan cako lah taranta dek ambo buah panitahan kahadapan tuan.ba a tibo nyo
dek tuan,kato alah di bao jo baio,rundiang alah di bao jo mufakaik,kahadapan niniak mamak sagaji
guru,nanbajanjang naiak batanggo turun,mangko dapek lah kato sahati kabulatan kato
samufakaik,sapanjang permintaan niniak mamak karajo pokok silang nan bapangka lah dalam
adaik.insaallah lah kabalimuan dek niniak mamak sagaji guru.
tapi sungguah pun lah kabalimuan kok adolah katukuak tambah nyo bana basarahan juo kahadapan
ambo tuan Menan,kan baitu lalu nyo buah panitahan tuan?
St.Kayo : Yoo lah.
St.Menan : buah panitahan tuan lah dalam adaik tapi sungguahpun lah dalam adai ado pulo
manuruik undang,di hujan nan ba puhun dipaneh nan barasa,dek karano ambo batimbang jawek jo
asa nyo,nan bana ko alah elok kito kumbalikan tuan?
St.Kayo : artinyo sambah jo titah buah panitahan tuan sajo diamba gadang dianjuang tinggi
adopun samaso di hari nan cako lah taranta dek ambo buah panitahan kahadapan tuan.ba a tibo nyo
dek tuan,ado pulo manuruik undang.di hujan nan ba puhun dipaneh nan barasa,dek karano tuan
Menan batimbang jawek jo asa nyo,nan bana ko alah elok kito kumbalikan
kan baitu bana lalu nyo buah panitahan tuan?
St.Menan : yo lah
St.Kayo : tan kato tuan kamangkubalikan rancak bana tuan
St.Menan : ambo kumbalikan tuan?
St.Kayo : Rancak Tuan

St.Menan : St.mudo
St.Mudo : lai
St.Menan : Panitahan tibo kahadapan tuan
St.Mudo : Manitahlah
St.Menan : Sairiang balam jo barabah,barabah mandi disayak lokan,Sairiang salam jo
sambah,jo sambah juo kumbali ka st. Mudo. Di adaik duduak basamo, limbago kato dek baiyo,
sakutiko mancari paham, manati rundiang sa-mupakaik, jikok talalai jo talambok, dek karano ambo
mampaiyo mampa tidokan, manjapuik-an nan kabarino, redha jo maaf ambo mintak.
St.Mudo : pado allah.
St.Menan : tapi aratino bak undang undang kato cako, adaik dulu kato basitinah kudian kato
basicapek, lah capek sajo ambo mangumbalikan buah panitahan kapado sutan. Samaso dibari nan
cako lah ta-anta di sutan buah panitahan kapado ambo. Ba a tibono di ambo kok kabukik lah
badakian, ka lurah lah baturuni. Lah bajapuik-an kato nan ban sapanjang parmintaan karajo bapokok
silang nan bapangkalah dalam adaik, lah kaba-baro sakiro-kiro. Tapi sungguahpun lah ba-bari
sakiro=kiro, tibono di niniak mamak sagaji guru, dek lai pulo manuruik undang, luruih lah jalan ka
payokumbuah, tampak nan dari pakan baso, sungguahpun si alek nan sutan suruah, basaratoan juo
jo nan pangka. Itulah sambah tibo ka sutan mudo.
St.Mudo :lah sampai buah panitahan st. Menan
St.Menan : sakiro-kiro sampai
St.Mudo : panitahan juo tibo ka sutan
St.Menan : manitahlah
St.Mudo : arati no bak undang undangkato cako, adaiak dulu kato basitinah kudian kato
basicapek, lah capek sajo ambo manjawab buah panitahan sutan. Samaso dihari nan cako lah ta anta
diambo buah panitahan ka st.Menan. baa tibo no di St. Menan, lah abganjaa bak tinaman , lah
bajambo bak ba-siang, bak tampuruang lago anam, diambiak tigo tingga tigo, nan bilangan baitu juo,
diambiak sicerek nan barangkai, aka dipeluik si-bio-bio. Lah basuah-an aia nan janiah, lah bajapuikan
kato nan bana. Nan manjadi buah jo baridi ninik mamak sagaji guru, sapanjang parmintaan karajo
nan di pakokok silang nan bapangka tu lah dalam adaik, lah ka ba-bari sakiro-kiro. Tapimlai pulo
manuruik undang: luruih lah jalan ka payokumbuah, tampak nan dari pakan baso, sungguahpun si
alek nan sutan suruah, basaratoan juo jo nan pangka. Kan baitu bana buah panitahan sutan manan?
St.Menan : iyo bana.
St.Mudo : kok itu nan manjadi buah jo bari di sutan, kok pintak lah samo buliah. Kandak lah
samo balaku, basanang hati karajo bapokok silang nan bapangka st. Menan.
St.Menan : tan kato karajo bapokok silang nan bapangka lah basanang hati, ma agak-i
panitahan diantaro kito baduo lah elok dibari parantian st.Mudo?
St.Mudo : bilo di st.Menan lah takana, di ambo lah takiro, kok lai bana sahti paham sa-ukua jo
st.Menan kok iyo disinan tibono st.Menan
St.Menan : ilimu ba-ama-an
St.Mudo : pitua bapakai-an