Patnubay para sa Masiglang Pakikibahagi sa Pagdiriwang ng Banal na Misa

19 Hulyo 2020 Ika-16 na Linggo sa Karaniwang Panahon Taon A

Ang Matiyagang Paghihintay

sa Paghahari ng Diyos

T ayo ay nagdiriwang ng Ikalabing-anim na Linggo sa Karani-

wang Panahon. Ang kasamaan sa daigdig ang naging sanhi
ng pag-aalinlangan ng marami kung talagang mayroong
Diyos. Ngunit ang kasamaan sa gitna ng kabutihan ay ang hamon
ng Panginoon sa atin kung makakaya nating matiyagang maghintay
para sa ganap na paghahari ng Diyos sa wakas ng panahon. Ang
pagmamadali ay likas sa tao, dahil may taning ang kanyang buhay.
Ang pagtitiyaga ay likas sa Diyos, sapagkat Siya ay walang hanggan.
Napagtitiisan Niya ang ating mga kasalanan at kamalian.
Naghihintay Siya para sa ating taos-pusong pagsisisi at lubusang pag-
babago. Mabahaginan nawa tayo ng tiyagang nag-aalab sa kalooban
ng Diyos.

B – Panginoon, kaawaan mo kami! Amang makapangyarihan sa lahat.

Pambungad
(Ipahahayag lamang kung walang
awiting nakahanda.)
Sa akin ay tumutulong ang Diyos
na Panginoon. Sa kanya ko iuukol
ang alay ko na hahantong sa ngalan
nÊyang nagtatanggol.
Pagbati
P –Ang pagpapala ng ating Pa-
nginoong Hesukristo, ang pag-ibig
ng Diyos Amang puno ng tiyaga,
at ang pakikipagkaisa ng Espiritu
Santo ay sumainyong lahat!
B – At sumaiyo rin!
Pagsisisi
P –Matiyagang hinihintay ng
Diyos ang ating pagsisisi. Para
sa ating pagmamatigas na mag-
bagong-buhay ay humingi tayo
ng tawad. (Manahimik saglit.)
P –Para sa aming kakulangan ng
pananampalataya sa iyong
dakilang awa at habag para sa
aming kahinaan, Panginoon,
kaawaan mo kami!
P – Para sa aming kawalan ng
pag-asa sa iyong matiyagang
paghihintay para sa aming
pagbabagong-buhay, Kristo,
kaawaan mo kami!
B – Kristo, kaawaan mo kami!
P –Para sa aming pagsasara ng
puso sa mga taong aming
pinaratangan ng kasamaan
at kasalanan, Panginoon,
kaawaan mo kami!
B – Panginoon, kaawaan mo kami!
P – Kaawaan tayo ng makapang-
yarihang Diyos, patawarin tayo
sa ating mga sala, at dalhin tayo
sa buhay na walang hanggan.
B – Amen!
Papuri
B – Papuri sa Diyos sa kaitaasan
at sa lupa’y kapayapaan sa mga
taong kinalulugdan niya. Pinupuri
ka namin, dinarangal ka namin,
sinasamba ka namin, ipinagbu-
bunyi ka namin, pinasasalamatan
ka namin dahil sa dakila mong
angking kapurihan. Panginoong
Diyos, Hari ng langit, Diyos
Panginoong Hesukristo, Bug-
tong na Anak, Panginoong Diyos,
Kordero ng Diyos, Anak ng Ama.
Ikaw na nag-aalis ng mga kasala-
nan ng sanlibutan, maawa ka sa
amin. Ikaw na nag-aalis ng mga
kasalanan ng sanlibutan, tangga-
pin mo ang aming kahilingan.
Ikaw na naluluklok sa kanan ng
Ama, maawa ka sa amin. Sa-
pagkat ikaw lamang ang banal,
ikaw lamang ang Panginoon,
ikaw lamang, O Hesukristo, ang
Kataas-taasan, kasama ng Espiritu
Santo sa kadakilaan ng Diyos
Ama. Amen!
Panalanging Pambungad
P –Ama naming makapangyari-
han, kalugdan mo kami at pagbig-
yan na magkamit ng kaloob mong
karagdagan upang sa maalab
naming pananalig, pag-asa at
pag-ibig kami’y mamalaging
tumatalima sa iyong kautusan
sa pamamagitan ni Hesukristo
kasama ng Espiritu Santo mag-
pasawalang hanggan.
B–Amen!

Unang Pagbasa Kar 12:13.16-19
Banayad ang Diyos sa pag-
kagalit dahil Siya ay puno ng hina-
hon at pagtitimpi. Hindi marahas
ang Kanyang pakikitungo sa mga
makasalanan. Ito rin ang nais
Niyang ipamalas natin sa ating
pakikitungo sa ating mga kapatid.
L – Pagpapahayag mula sa Aklat
ng Karunungan
Lahat ng bagay ay nasa ilalim ng
iyong pangangalaga, at walang ibang
diyos na dapat mong pagsulitan ng
iyong mga hatol.
Sa iyong lakas nagmumula ang
iyong katarungan, at maaari kang
magpakita ng habag kaninuman
sapagkat ikaw ang Panginoon ng
lahat.
Ipinamamalas mo ang iyong lakas
sa nag-aalinlangan sa iyong ganap
na kapangyarihan, at pinarurusahan
mo ang sinumang nakatatalastas
nito ngunit nangangahas na di ka
pansinin.
Walang hanggan ang kapangya-
rihan mo ngunit mahabagin ka kung
humatol. Maaari mo kaming paru-
sahan kailanmaÊt ibigin mo, ngunit
sa halip ay pinamamahalaan mo kami
nang buong hinahon at pagtitimpi.
Sa pamamagitan ng ginawa
mong iyan ay itinuro mo sa mga
taong makatarungan na dapat din
silang maging maawain. At binigyan
mo naman ng pag-asa ang iyong
bayan, sa pagkakaloob sa kanila ng
pagkakataong makapagsisi.
Ang Salita ng Diyos!
B – Salamat sa Diyos!
Salmong Tugunan Awit 85
B –Poon, ikaw ay mabuti sa lahat
ng nagsisisi!
* Mapagpatawad ka at napakabuti;
sa dumadalangin at sa nagsisisi,
ang iyong pag-ibig ay mananatili.
Pakinggan mo, Poon, ang aking
dalangin. Tulungan mo ako, akoÊy
iyong dinggin. B.
19 Hulyo 2020
* Ang lahat ng bansa na iyong
nilalang, lalapit sa iyoÊt magbibigay
galang; silaÊy magpupuri sa Âyong
kabutihan. Pagkat ikaw lamang ang
Diyos na Dakila na anumang gawin
ay kahanga-hanga! B.
* Ngunit ikaw, Poon, tunay na ma-
bait, tapat at totoo, wagas ang pag-
ibig; lubhang mahabagiÊt banayad
magalit. Ibaling sa akin ang awa moÊt
habag, iligtas mo ako at bigyan ng
lakas. B.
Ikalawang Pagbasa Ro 8:26-27
Mahirap unawain ang Diyos.
Kahit ang ating panalangin ay
kapos dahil hindi natin maaarok
ang Kanyang kalooban. Kaya
binigyan tayo ng Diyos ng handog
ng Espiritu Santong Siyang pumu-
puno sa ating kakulangan.
L – Pagpapahayag mula sa Sulat
ni Apostol San Pablo sa mga
taga-Roma
Mga kapatid:
Tinutulungan tayo ng Espiritu
sa ating kahinaan. Hindi tayo maru-
nong manalangin nang wasto, kayaÊt
ang Espiritu ang lumuluhog para
sa atin, sa paraang di-magagawa
ng pananalita. At nauunawaan ng
Diyos na nakasasaliksik sa puso
ng tao, ang ibig sabihin ng Espiritu,
sapagkat ang EspirituÊy lumuluhog
para sa mga banal, ayon sa kalooban
ng Diyos.
Ang Salita ng Diyos!
B – Salamat sa Diyos!
Aleluya Mt 11:25
B – Aleluya! Aleluya!
Papuri sa Diyos Ama pagka’t
ipinahayag n’ya Hari s’ya ng
mga aba.
Aleluya! Aleluya!
Mabuting Balita Mt 13:24-43
Ang talinghaga ng trigo at ng
damong ligaw ay ang paglala-
rawan ng Panginoon sa lagay ng
ating daigdig. Ang pamumuhay ng
mga tapat na alagad sa piling ng
mga sumasalungat sa Paghahari
ng Diyos ay kailangang tanggapin
hanggang sa wakas ng panahon.
Dapat lamang maging matatag
ang mga tapat na alagad na hindi
magapi ng kasamaan sa kanilang
paligid.
P – Ang Mabuting Balita ng Pa-
nginoon ayon kay San Mateo
B – Papuri sa iyo, Panginoon!
Noong panahong iyon, inilahad
ni Hesus ang talinghagang ito sa
mga tao. „Ang paghahari ng Diyos
ay katulad nito: may isang taong
naghasik ng mabuting binhi sa kan-
yang bukid. Isang gabi, samantalang
natutulog ang mga tao, dumating ang
kanyang mga kaaway at naghasik
ng masasamang damo sa triguhan.
Nang tumubo ang trigo at magkauhay,
lumitaw rin ang masasamang damo.
KayaÊt lumapit ang mga alipin sa puno
ng sambahayan at sinabi rito, ÂHindi
po ba mabuting binhi ang inihasik
ninyo sa inyong bukid? Bakit po may
damo ngayon?Ê Sumagot siya, ÂIsang
kaaway ang may kagagawan nito.Ê
Tinanong siya ng mga utusan, ÂBu-
bunutin po ba namin ang mga iyon?Ê
ÂHuwag,Ê sagot niya. ÂBaka
mabunot pati trigo. Hayaan na nin-
yong lumago kapwa hanggang sa
anihan. Pag-aaniÊy sasabihin ko sa
mga tagapag-ani: „Tipunin muna
ninyo ang mga damo at inyong
pagbigkis-bigkisin upang sunugin,
at ang trigoÊy inyong tipunin sa aking
kamalig.‰ Ê ‰
[ Isa na namang talinghaga ang
inilahad ni Hesus sa kanila. „Ang
paghahari ng Diyos ay katulad nito:
may isang taong nagtanim ng isang
butil ng mustasa sa kanyang bukid.
Pinakamaliit ito sa lahat ng binhi,
ngunit kapag natanim na at lumago
ay nagiging pinakamalaki sa lahat
ng puno ng gulay. ItoÊy nagiging
punongkahoy, anupat napamumu-
garan ng mga ibon ang mga sanga
nito.‰
Nagsalaysay pa siya ng ibang
talinghaga.„Ang paghahari ng Diyos
ay katulad ng lebadura na inihalo
ng isang babae sa tatlong takal na
harina, at umalsa ang buong masa.‰
Sinabi ni Hesus sa mga tao ang
lahat ng ito sa pamamagitan ng taling-
haga at wala siyang sinabi sa kanila
nang hindi gumagamit ng talinghaga.
Ginawa niya ito upang matupad ang
sinabi ng propeta: „Magsasalita ako
sa kanila sa pamamagitan ng mga
talinghaga. Ihahayag ko sa kanila ang
mga bagay na nalilihim mula nang
likhain ang sanlibutan.‰]
Pagkatapos, iniwan ni Hesus
ang mga tao at pumasok sa bahay.
Lumapit ang kanyang mga alagad at
sinabi sa kanya,„Ipaliwanag po ninyo
sa amin ang talinghaga tungkol sa
masasamang damo sa bukid.‰
Ito ang tugon ni Hesus,„Ang Anak
ng Tao ang naghahasik ng mabuting
binhi. Ang bukid ay ang sanlibutan.
Ang mga taong pinaghaharian ng
Diyos ang mabuting binhi at ang mga
taong pinaghaharian ng diyablo ang
masasamang damo. Ang kaaway na
naghasik ng mga iyon ay walang iba
kundi ang diyablo. Ang pag-aani ay
ang katapusan ng daigdig, at ang mga
anghel ang mga tagapag-ani. Kung
paanong iniipon ang mga damo at
sinusunog, gayundin ang mangyayari
sa katapusan ng daigdig. Susuguin
ng Anak ng Tao ang kanyang mga
anghel, at iipunin nila mula sa kanyang
pinaghaharian ang lahat ng nagiging
sanhi ng pagkakasala at ang lahat ng
gumagawa ng masama, at ihahagis
sa maningas na pugon. DooÊy mana-
nangis sila at magngangalit ang
kanilang ngipin. At magliliwanag
na parang araw ang mga matuwid
sa kaharian ng kanilang Ama. Ang
may pandinig ay makinig!‰
Ang Mabuting Balita ng Pa-
nginoon!
B – Pinupuri ka namin, Pangi-
noong Hesukristo!
Homiliya
Sumasampalataya
B – Sumasampalataya ako sa
Diyos Amang makapangyarihan
sa lahat, na may gawa ng langit
at lupa.
Sumasampalataya ako kay
Hesukristo, iisang Anak ng Diyos,
Panginoon nating lahat. Nagka-
tawang-tao siya lalang ng Espiritu
Santo, ipinanganak ni Santa Ma-
riang Birhen. Pinagpakasakit ni
Poncio Pilato, ipinako sa krus,
namatay, inilibing. Nanaog sa
kinaroroonan ng mga yumao.
Nang may ikatlong araw nabuhay
na mag-uli. Umakyat sa langit.
Naluluklok sa kanan ng Diyos
Amang makapangyarihan sa lahat.
Doon magmumulang paririto at
huhukom sa nangabubuhay at
nangamatay na tao.
Sumasampalataya naman
ako sa Diyos Espiritu Santo, sa
banal na Simbahang Katolika,
sa kasamahan ng mga banal, sa
kapatawaran ng mga kasalanan,
sa pagkabuhay na muli ng nanga-
matay na tao at sa buhay na walang
hanggan. Amen!
Panalangin ng Bayan
P –Hingin natin sa Diyos na
matanggap natin nang maayos
ang Kanyang Salita at mapuspos
tayo ng tiyaga sa harap ng hamon
ng kasamaan sa ating daigdig.
Ang ating tugon sa bawat kahi-
lingan ay:
B –Amang matiyaga, patatagin
Mo ang aming kalooban!
* Para sa mga namumuno sa
Simbahan, upang kanilang ma-
pamunuan ang mga alagad ng
Paghahari ng Diyos sa matiyagang
paghihintay sa pagpapalaganap
at pagwawagi ng kabutihan sa
ating daigdig, manalangin tayo
sa Panginoon! B.
* Para sa mga namumuno sa
ating bansa, lalo na sa panahong
ito ng COVID-19 Pandemic,
upang ang kanilang pagsisikap
na maiayos at gawing ligtas ang
buhay ng ating mga mamamayan
ay pagpalain ng Diyos, mana-
langin tayo sa Panginoon! B.
* Para sa lahat ng mga nagli-
lingkod sa ating mga pagamutan
at nagsisikap na sugpuin ang
pagkalat ng COVID-19 Pandemic,
at para na rin sa mga kawani ng
pamahalaang nagpapanatili ng
kaayusan sa ating lipunan, upang
palakasin ang kanilang mga loob
sa harap ng mga sumusuway sa
mga ipinatutupad na alituntunin,
manalangin tayo sa Panginoon!
B.
* Para sa ating lahat na mga
Kristiyano, upang sa taong ito
ng Ekumenismo ay ating lalong
mapalalim ang ating tiyaga sa pag-
tahak ng mahirap na landas tungo
sa panunumbalik ng pagkakaisa
sa Simbahan, manalangin tayo sa
Panginoon! B.
* Para sa ating lahat na nana-
nalangin sa linggong ito, upang
mahanap natin sa Salita ng Diyos
ang tiyaga at lakas ng loob para
salubungin ang hamon ng kasa-
maan sa ating paligid, manalangin
tayo sa Panginoon! B.
* Tahimik nating ipanalangin
ang ating mga sariling kahilingan.
(Tumigil saglit.)
Manalangin tayo! B.
P –Ama naming puno ng awa at
habag, matiyaga Mong hinihintay
ang pananaig ng kabutihan sa
daigdig. Isugo Mo sa amin ang
Iyong Espiritung Banal upang
maging matatag ang aming mga
puso sa pagtataguyod ng kabuti-
han at sa pagsugpo sa kasamaan.
Hinihiling namin ito sa pama-
magitan ng Iyong Anak na si
Hesukristong aming Panginoon.
B–Amen!
Ika-16 na Linggo sa Karaniwang Panahon (A)
P – Manalangin kayo . . .
B – Tanggapin nawa ng Pangi-
noon itong paghahain sa iyong
mga kamay sa kapurihan niya at
karangalan, sa ating kapakina-
bangan at sa buong Sambayanan
niyang banal.
Panalangin ukol sa mga Alay
P –Ama naming Lumikha, lahat
ng iyong mga paghahaing ipinag-
utos noong araw ay iyong pinagti-
bay sa isang haing hantungan ng
tanan. Tanggapin ang ginaganap
ngayon ng iyong mga lingkod at
basbasan mo ito ng kabanalang
gaya ng iyong kaloob sa mga alay
ni Abel na lubha mong ikinalugod
upang ang mga handog ng bawat
isang nagbigay para sambahin ang
banal mong ngalan ay magkamit
ng karagdagan mong kasiyahan
sa pamamagitan ni Hesukristo
kasama ng Espiritu Santo magpa-
sawalang hanggan.
B – Amen!
Prepasyo VII
P – Sumainyo ang Panginoon!
B – At sumaiyo rin!
P – Itaas sa Diyos ang inyong puso
at diwa!
B – Itinaas na namin sa Panginoon!
P – Pasalamatan natin ang Pangi-
noong ating Diyos!
B – Marapat na siya ay pasala-
matan!
P –Ama naming makapangyari-
han, tunay ngang marapat na ikaw
ay aming pasalamatan.
Kahit na ikaw ay pinagtak-
silan ng sangkatauhan, ikaw ay
patuloy pa rin sa iyong pagma-
mahal. Ikaw na ang nagpuno sa
aming pagkukulang; ikaw pa rin
ang nagsugo ng tutubos sa tanan.
Ang sugo mong Anak ay naging
di na iba sa amin bagama’t di
niya tinularan ang aming pag-
kamasuwayin. Niloob mo ito
upang iyong mamalas sa aming
pagkatao ang giliw mong Anak
at kami’y tunghayan mong may
pag-ibig na tulad ng pagtatangi
mo sa kanya nang higit sa lahat.
Ang katapatan niya sa iyong
walang maliw ay nagpanum-
balik na muli sa amin ng iyong
kasiyaha’t ng iyong pagtingin na
aming iwinaksi noong ikaw ay
aming suwayin.
 Kaya kaisa ng mga anghel na
nagsisiawit ng papuri sa iyo nang
walang humpay sa kalangitan,
kami’y nagbubunyi sa iyong
kadakilaan:
B – Santo, santo, santo . . .
Pagbubunyi
B –Sa krus mo at pagkabuhay
kami’y natubos mong tunay,
Poong Hesus naming mahal,
iligtas mo kaming tanan ngayon
at magpakailanman.
B – Ama namin . . .
P – Hinihiling namin . . .
B – Sapagkat iyo ang kaharian at
ang kapangyarihan at ang kapu-
rihan magpakailanman! Amen!
Paanyaya sa Kapayapaan
Paghahati-hati sa Tinapay
B – Kordero ng Diyos . . .
Paanyaya sa Pakikinabang
P – Ito si Hesus, ang Kordero ng
Diyos na nag-aalis ng mga kasala-
nan ng sanlibutan. Mapalad ang
mga inaanyayahan sa kanyang
piging.
B – Panginoon, hindi ako kara-
pat-dapat na magpatuloy sa iyo
ngunit sa isang salita mo lamang
ay gagaling na ako.
Antipona ng Pakikinabang
(Ipahahayag lamang kung walang
awiting nakahanda.)
Ngayon ay ginugunita PooÊy
mahabaging lubha. SumasambaÊy
sasagana sa pagkain niyang handa
sa magsabing sÊyaÊy dakila.
Panalangin Pagkapakinabang
P –Ama naming mapagmahal,
manatili kang kapiling ng iyong
sambayanan na ngayo’y pinapa-
kinabang mo sa iyong sariling
buhay at gawin mong kami’y
pasulong na makahakbang mula
sa dati naming pagkamakasalanan
patungo sa pagbabagong nagdu-
dulot ng iyong kabutihan sa pama-
magitan ni Hesukristo kasama ng
Espiritu Santo magpasawalang
hanggan.
B – Amen!
Word & Life Publications
P – Sumainyo ang Panginoon.
B – At sumaiyo rin!
P – Pagpalain kayo ng makapang-
Ang Pagpapaliwanag ng Turo ng
Ikalawang Konsilyo Vaticano hinggil sa Ekumenismo
(P. René T. Lagaya, SDB)
S a ikatlong bilang ng Uni-
tatis redintegration (Ang
Panunumbalik ng Pagka-
kaisa) ay tinatalakay ng Ika-
lawang Konsilyo Vaticano
ang iba’t ibang sangkap na
bumubuo sa Simbahang
Katolikong mahahanap din
sa ating mga napahiwalay na
kapatid, at maaaring maging
mitsa ng nilulunggating pag-
kakaisa.
UNANG KABANATA: ANG
MGA KATOLIKONG BATA-
YAN NG EKUMENISMO
3. “Sa iisa at tanging Simba-
han ng Diyos, nagkaroon na
ng mga hidwaan mula pa
noong una, at ito ay taha-
sang pinagalitan ng mga
Apostol. Sa mga sumunod
na daan-taon ay lumitaw
ang mga higit na masahol na
pagkakawatak-watak kung
saan malalaking pangkat ay
tumiwalag sa Simbahang
Katoliko – at dapat sabihing
may kamalian ang magkabi-
lang panig. Kaya nga lamang,
hindi maaaring paratangan ng
kasalanan sa hiwalayang ito
ang mga taong isinilang na sa
mga pangkat na ito at dito na
lumaki sa kanilang pananam-
palataya kay Kristo, at tinatang-
gap sila ng Simbahang Kato-
liko nang may paggalang
at pagmamahal bilang mga
kapatid. Dahil ang mga ta-
ong nananalig kay Kristo at
nabinyagan nang wasto ay
kaisa, kahit hindi ganap, ng
Simbahang Katoliko. Walang
pag-aalinlangang ang mga
yarihang Diyos: Ama, Anak,
at Espiritu Santo.
B – Amen!
P – Humayo kayo sa kapayapaan
ni Kristo!
B – Salamat sa Diyos!
kaibahan nila at ng Simba-
hang Katoliko ay may iba’t
ibang antas – maging sa turo
o kung minsan ay sa buhay,
o maging sa pagsasaayos ng
Simbahan – at ang mga ito
ay lumilikha ng maraming
balakid, na kung minsan ay
malala, para sa pagtatamo
ng ganap na pagkakaisa sa
Simbahan. Ang paggalaw
tungo sa pagkakaisa ay nag-
sisikap na mapagtagumpayan
ang mga balakid na ito. Kahit
na, totoo pa ring ang mga
pinaging ganap ng panan-
ampalataya sa binyag at
kaisa ni Kristo; dahil dito ay
may karapatan silang tawa-
ging mga Kristiyano, at tama
lamang na tanggapin sila
bilang mga kapatid ng mga
anak ng Simbahang Katoliko.
“Dapat pang idagdag na
ilan sa mahahalagang sang-
kap at handog na bumubuo
at nagpapasigla sa Simba-
han, at kung minsan ay
marami ang mga ito, ay ma-
mamalas sa labas ng Simba-
hang Katoliko: ang Banal na
Kasulatan; ang buhay ng bi-
yaya; ang pananampalataya,
pag-asa, at pag-ibig, kasama
ng ibang kaloob ng Espiri-
tung Banal. Ang lahat ng ito,
na galing kay Kristo at patun-
go sa kanya, ay kaugnay ng
iisang Simbahan ni Kristo.
“Ang ating mga napahi-
walay na kapatid ay nag-
diriwang ng maraming uri
ng pagsamba ng pananam-
palatayang Kristiyano. Sa
mga paraang naiiba batay sa
lagay ng bawat Simbahan o
pangkat, ang mga pagdiri- kung saan dapat lubusang banayad na karunungan ng
wang ng pagsambang ito ay sumanib ang mga kasama sa Diyos, alinsunod sa Kanyang
nagpapalakas ng buhay ng anumang paraan sa Bayan mga lihim na balak, hang-
biyaya, at, maaaring sabihin, ng Diyos. Sa kanyang pagla- gang sa maligaya nitong
na makapagdudulot ng pag- lakbay sa daigdig na ito, ang marating ang kaganapan ng
kakaisa ng kaligtasan. Bayang ito, kahit may mga walang hanggang kaluwal-
“Dahil dito, ang mga napa- kaanib na hindi pa rin ligtas
hatian sa makalangit na Je-
hiwalay na Simbahan at mga sa pagkakasala, ay lumalago
pangkat, kahit sa ating pani- kay Kristo at ginagabayan ng rusalem.”
niwala ay may mga pagkuku-
lang, ay hindi pinagkaitan ng
kabuluhan at kahalagahan Do you know what we believe?
sa hiwaga ng kaligtasan. Ito
ay sapagkat ang Espiritu ni
Kristo ay hindi tumitigil na THE CATECHISM
gamitin ang mga ito bilang
mga paraan tungo sa kalig- OF THE CATHOLIC CHURCH
tasan, dahil sa ang kanilang
bisa ay galing sa kaganapan
ng biyaya at katotohanang
ipinagkaloob sa Simbahang
Katoliko.”
“Kaya nga lamang, ang Its COMPENDIUM
ating mga napahiwalay na
kapatid, maging kanya-kan-
ya o sama-sama bilang pa-
ngkat o Simbahan, ay hindi
pinagpala ng pagkakaisang
hinangad ni Hesukristong
igawad sa lahat na kanyang and YOUCAT
binigyan ng bagong pagsi-
lang sa iisang katawan, at
kanyang binigyan ng bagong
buhay – isang pagkakaisang are your indispensable tools
ipinahahayag ng Banal na to know, live and share your faith, especially in the “Year of
Kasulatan at ng matandang Ecumenism, Interreligious Dialogue and the Indigenous Peo-
Kaugalian ng Simbahan. ples” (2020)
Sapagkat sa pamamagitan Discounts are available for bulk orders.
lamang ng Simbahang Kato- Order your copies now from Word & Life Center, Makati
liko, ang pangkalahatang while supply lasts!
tulong sa kaligtasan, na ang
kaganapan ng mga paraan
para maligtas ay matatag-
puan. Sa pamamagitan ng Tune in to Radio Veritas (846 kHz)
pangkat ng mga Apostol every Saturday from 5:00 to 6:00 p.m.
lamang, na pinamumunuan and feel a part of the interactive radio program
ni Pedro, ating sinasampala- that helps you discover
tayanang ipinagkaloob ng – the messages of each Sunday’s Theme and
Biblical readings, and
ating Panginoon ang mga – how they can empower your life,
biyaya ng Bagong Tipan, your family, and your community.
upang maitatag sa daigdig
ang iisang Katawan ni Kristo

Don Bosco Compound, A. Arnaiz Ave. cor. Chino Roces Ave., Makati, Metro Manila
Postal Address: P.O. Box 1820, MCPO, 1258 Makati, Metro Manila, Philippines
WORD & LIFE Tel. Nos. 8894-5401; 8894-5402; 8892-2169 • Telefax: 8894-5241 • Website: www.wordandlife.org
PUBLICATIONS • E-mail: marketing@wordandlife.org; wordandlifepublications@gmail.com • FB: Word & Life Publications
• Editorial Team: Fr. S. Putzu, Fr. R. Lagaya, C. Valmonte, V. David, J. Domingo, A. Vergara, D. Daguio
• Illustrations: A. Sarmiento, B. Cleofe • Marketing: Fr. B. Nolasco, J. Feliciano • Circulation: R. Saldua