MGA MAGTUTUDLO UG MGA EMPLEYADO SA SAN ISIDRO ACADEMY OF TUDELA,

INCORPORATED NAGHIMO SA ILANG PANAAD SA KAUGALINGON SA PAGPANGALAGAD

TUDELA, MISAMIS OCCIDENTAL – Pormal nga gihimo sa mga magtutudlo ug empleyado sa San
Isidro Academy of Tudela, Incorporated sa ilang panaad sa pagpangalagad ug panumpa sa
pagkatinumanon isip mga Magtutudlo sa Katolikong tulunghaan.

Ang solemne nga seremonyas sa panaad gihimo sa San Isidro Magbabaul Parish Tudela
kagahapon, Agosto 30, 2020 sa may alas 9:30 ang takna sa buntag sulod sa Santos nga Misa atol
sa ika – 22 nga domingo sulod sa ordinaryong panahon. Niining seremonyas gipangunahan sa
Kura Paroko sa San Isidro Magbabaul Parish, si Rev. Fr. Lane M. Serino ug ang Principal sa San
Isidro Academy of Tudela, Incorporated nga si Ms. Honeylene Marie Gabica – Lagas. Ang maong
seremonyas sa pagpanaad, paghalad ug pagtahan sa kaugalingon puno gayud kanunay sa
kadasig ug kahulugan ilabi na gayud karong panahona diin ang kalibutan ug ang katilingban
giuhaw og mga saksi sa pagtoo nga andam kanunay nga moalagad sa Dios ug sa isigkaingon.
Pinaagi niining solemne sa pagsaad, magabag-o sa ilang pagpadayag sa Katolikong pagtoo ug
magsaad sa pag-alagad ug pagpanalipod sa pagtuo nga nadawat pinaagi sa mga Apostoles
atubangan sa ilang Kura Paroko.

Dugang pa niini, mihangyo ang Kura Paroko sa San Isidro Magbabaul ngadto sa katawhan nga i-
apil sa mga pag-ampo ang mga magtutudlo nga anaa sa mga Katolikong tulunghaan nga
lamdagan sila sa Balaang Espiritu Santo ug sila magmadasigon ug magmatinud-anon sa ilang
pagpangalagad.

Alang sa DXDD Dan-ag sa dakbayan, Aksyon 2 Roger Paul Fuentes, Ang tingog sa Simbahan.