Professional Documents
Culture Documents
Воведна активност:
Дискусија: Што е заедничко на: вртењето телефонски број, рецептот за правење торта, варењето чај, купувањето леб и сл.?
(нивното успешно извршување е всушност низа од последователни чекори)
Сè што правиме може да се запише во вид на последователни чекори или инструкции.
Учечко - поучувачка активност: Наставникот презентира пример од секојдневниот живот запишан постапно, во чекори.
Активност 1:
Телефонирање
Чекор 1: Дигни ја слушалката.
Чекор 2: Сврти го бројот.
Чекор 3: Почекај да се јави личноста.
Чекор 4: Зборувај со личноста.
Чекор 5: Спушти ја слушалката.
Активност 2
Рецепт за чоколадна торта.
Состојки: 400 г. чоколада, 3 јајца, 1 маргарин, 1 пакетче ванилин шеќер, 2 чаши шеќер, 1 чаша брашно.
Чекор 1: Стопи ги чоколадата и маргаринот.
Чекор 2: Истури го шеќерот во стопената чоколада и измешај.
Чекор 3: Истури ги јајцата и ванилата и измешај.
Чекор 4: Истури го брашното и измешај.
Чекор 5: Добиената смеса истури ја во тавче.
Чекор 6: Печи на 250 степени околу 40 минути.
Чекор 7: Се остава да се излади и се јаде.
Наставникот ги запознава учениците со поимот алгоритам.
Алгоритам претставува множество упатства за извршување операции со точно зададен редослед со цел решавање на даден
проблем.
Самостојна работа: во тетратката да напишат алгоритам за миење заби. Како илустрација на оваа задача, на крај го следиме
видео – клипот https://www.youtube.com/watch?v=Da5TOXCwLSg .
Евалвациона активност:
Водиме дискусија: кои карактеристики треба да ги има добриот алгоритам? (Алгоритмите треба да се недвомислени, јасни,
прецизни - секоја операција треба да е јасно определена, треба прецизно да е утврден редоследот на извршувањето на
операциите и треба да е разбирлив за секого, независно кој го напишал. За даден проблем може да се напишат различни
алгоритми и сите тие да бидат правилни, т.е. да даваат точно решение).
ДНЕВНО ПЛАНИРАЊЕ
Час: 30
Дата:
Наставен предмет: работа со компјутери и основи на програмирањето
Програмско подрачје: Тема 4 - поим за алгоритми и програми
Наставна содржина: Улогата на програмите во компјутерот
Тип на час: обработка
Цели: да ја објаснува преку примери примената на програмите во компјутерите и секојдневниот живот
Очекувани исходи: преку примери, објаснува каде се користат програмите и што тие работат
Место на реализација: училница
Форми на работа: заедничка работа, индивидуална работа
Наставни методи и техники: вербален – дијалошки метод, метод на усно излагање,
Наставни средства: компјутер
Следење и вреднување (методи, инструменти и индикатори): усни одговори на прашања поставени од наставник, чек листа, ја
објаснува улогата на програмите во компјутерот
ТЕК НА АКТИВНОСТИТЕ
Воведна активност:
Дискусија: Што е задача на програмите? Кои програми учениците ги користеле при работата со компјутер? Програмите му
кажуваат на компјутерот како да реши одреден проблем. Всушност, задача на програмите е да му кажат на компјутерот како
да ги прифати влезните податоци, да оперира со нив и да врати излезни податоци.
Учечко - поучувачка активност:
Се разгледува одреден тип на програма, на пр. за изработка на презентации – влез: преку наредби од тастатурата и маусот,
што работи: форматиравме области со текст и слики, излез: добиваме убава презентација. Анализираме и друг тип програма,
на пр. програма за обработка на текст: кој е влезот, што работи и што се добива на излез (влез: карактери внесени од
тастатура, што работи: форматирање на текст, излез: прикажан или испечатен уредно организиран текст).
Дали само компјутерите користат програми? Каде во секојдневниот живот се среќаваме со програми? Програмите не се
користат само во работата со компјутер, туку и во разни уреди, на пр. ТВ - уредите, музичките системи, клима уредите можат
за да се програмираат и со нив да се управува од одредено растојание. Тоа значи дека овие уреди користат програми кои се
вградени. Пример: за да може телевизорот да ги разбере влезните команди што ги испраќа корисникот преку далечинскиот
управувач мора да има вградено програма. Врз основа на добиената команда, чипот во кој е испрограмирана логиката на
телевизорот поттикнува одредена активност, т.е. поттикнува други електронски компоненти.
Евалвациона активност:
Секој ученик треба да даде пример на кој начин програмите се составен дел од нашиот живот.
ДНЕВНО ПЛАНИРАЊЕ
Час: 31
Дата:
Наставен предмет: работа со компјутери и основи на програмирањето
Програмско подрачје: Тема 4 - поим за алгоритми и програми
Наставна содржина: Програмата како низа од последователни инструкции
Тип на час: обработка
Цели: да го објаснува начинот на кој компјутерот извршува одредена програма – прецизно и недвосмислено следење и
извршување на последователните инструкции
Очекувани исходи: составува едноставен алгоритам на секојдневна човечка активност, преку кој се симулира структурата на
компјутерската програма
Место на реализација: училница
Форми на работа: заедничка работа, индивидуална работа
Наставни методи и техники: вербален – дијалошки метод, метод на усно излагање, метод на работа со компјутерска
технологија
Наставни средства: компјутер
Следење и вреднување (методи, инструменти и индикатори): усни одговори на прашања поставени од наставник, чек листа,
објаснува процес на извршување на компјутерска програма
ТЕК НА АКТИВНОСТИТЕ
Воведна активност:
Повторуваме што е алгоритам и кои карактеристики треба да ги има добриот алгоритам (Алгоритам е збир од едноставни
инструкции за извршување на одредена задача. Компјутерската програма е всушност алгоритам, преведен на компјутерски
јазик кој компјутерот го разбира. Алгоритамот треба да е недвосмислен, јасен, прецизен - секоја операција треба да е јасно
определена, треба прецизно да е утврден редоследот на извршувањето на операциите и треба да е разбирлив за секого,
независно кој го напишал. За даден проблем може да се напишат различни алгоритми и сите тие да бидат правилни, т.е. да
даваат точно решение).
Учечко - поучувачка активност:
Се гледа видеото од линкот https://www.youtube.com/watch?v=xngWoocXYCo . Се следи неговата содржина, а наставникот
објаснува какви проблеми има роботот – келнер за да ја пренесе чинијата со храна од кујната во ресторанот.
Замисли си ресторан во кој роботот е келнер. Тој има едноставен компјутерски мозок и мора да му се каже како да ја пренесе
храната од кујната во ресторанот. Најпрво процесот мора да се разбие на едноставни инструкции кои компјутерот може да ги
разбере.
Роботот – келнер програм бр. 1
1. Земи ја храната.
2. Оди од кујната во ресторанот.
3. Остави ја храната.
Во овој програм роботот ја зема храната во чинијата, поминува во ресторанот низ ѕидот и ја фрла храната на подот.
Алгоритамот не беше доволно детален.
Катастрофа!
Инструкциите не беа доволно јасни: заборавивме да му кажеме на роботот да оди низ врата. Изгледа очигледно за луѓето да
излегуваат низ врата, но компјутерите не можат да размислуваат.
Роботот – келнер програм бр. 2
1. Земи ја чинијата си храна.
2. Премести се од кујната во ресторанот со тоа што
- ќе дојдеш до вратата помеѓу кујната и ресторанот.
- ќе ја отвориш вратата.
3. Стави ја чинијата на масата во ресторанот.
Овојпат му кажавме на роботот – келнер да излезе низ вратата. Излегува низ вратата, но се сопнува од мачката од
ресторанот, паѓа и ја плеснува чинијата со храна на подот.
Сè уште не е перфектно
Роботот не знае како да избегне препреки како што е мачката. Програмот мора да му даде на роботот инструкции како
безбедно да се движи.
ТЕК НА АКТИВНОСТИТЕ
Воведна активност:
Воведната активност од овој час е всушност евалвационата активност од претходниот час.
Учечко - поучувачка активност:
Се потсетуваме на проблемот во завршниот дел од минатиот час. Ученикот треба да стигне до лавабото, но помеѓу ученикот и
лавабото се наоѓа препрека која треба да се заобиколи. Ученикот глуми робот кој прави само она што ќе му се каже.
Точното решение на овој алгоритам би бил следниот:
4 5 6
3 7
1 2 8
9
Воведна активност:
Повторуваме што се тоа алгоритми, се потсетуваме зошто алгоритмите мораат да бидат јасни и недвосмислени (бидејќи
компјутерот прави само она што ќе му се каже, тој не размислува).
Учечко - поучувачка активност:
Како самостојна работа на овој час им задавам два наставни листови од оваа тема, за да ги утврдиме знаењата од неа.
Следам дали задаваат точни вредности на променливата (оди n полиња напред, n е променливата) и други параметри (врти
лево, врти десно).
Евалвациона активност: Заеднички го решаваме третиот наставен лист, со кратка дискусија доколку имаат одредени тешкотии
при негово решавање.