UNANG PAGBASA: PAGBASA MULA SA SULAT SA MGA HEBREO
NOONG SI HESUS AY NAMUMUHAY RITO SA LUPA,
SIYA’Y DUMALANGIN AT LUMULUHANG SUMAMO SA DIYOS NA MAKAPAGLILIGTAS SA KANYA SA KAMATAYAN. AT DININIG SIYA DAHIL SA LUBUSAN SIYANG NAGPAKUMBABA. BAGAMAT SIYA’Y ANAK NG DIYOS, NATUTUHAN NIYA ANG TUNAY NA KAHULUGAN NG PAGSUNOD SA PAMAMAGITAN NG PAGTITIIS. AT NANG MAGANAP NA NIYA ITO, SIYA’Y NAGING WALANG HANGGANG TAGAPAGLIGTAS NG LAHAT NG SUMUSUNOD SA KANYA. ANG SALITA NG DIYOS. SALMONG TUGUNAN: POONG D’YOS NA MAIBIGIN AKO AY IYONG SAGIPIN. SA IYO, O POON, AKO’Y LUMALAPIT UPANG INGATAN MO, NANG HINDI MALUPIG; ANG AKING DALANGING LAGING SINASAMBIT: “ILIGTAS MO AKO, O DIYOS NA MATUWID.” AKO AY PAKINGGAN, AKO AY SAGIPIN! (TUGON)
TANGING KUBLIHAN KO, AKO AY INGATAN;
TAGAPAGTANGGOL KO’T AKING KALIGTASAN. TAGAPAGTANGGOL KO AT AKING KANLUNGAN, AYON SA SABI MO, AKO’Y PATNUBAYAN. (TUGON)
O AKING PATNUBAY, AKO AY ILIGTAS,
SA PATIBONG NILA AT UMANG NA BITAG; SA MGA KAMAY MO HABILIN KO’Y BUHAY KO TAGAPAGLIGTAS KONG TAPAT AT TOTOO. (TUGON)
SUBALIT, O POON, ANG AKING TIWALA
AY NASASAIYO, DIYOS NA DAKILA! SA IYONG KALINGA, UMAASA AKO, LABAN SA KAAWAY AY IPAPAGTATANGGOL MO; AT SA UMUUSIG SA SINUMANG TAO. (TUGON)
ANG PAGPAPALA MO’Y IYONG ILALAAN
SA MGA ANAK MONG MAY TAKOT SA TAGLAY; KAGILA-GILALAS MALASIN NINUMAN ANG PAGKALINGA MO SA MGA HINIRANG NA NANGATIWALA SA’YONG PAGMAMAHAL. (TUGON) LUWA NG PAGLILIBING (kalimitang binabasa ng isang naging biyuda)
EBANGHELYO AYON KAY SAN JUAN
+ANG MABUTING BALITA NG PANGINOON AYON KAY SAN JUAN
NOONG PANAHONG IYO, NAKATAYO SA
TABI NG KRUS NI HESUS ANG KANYANG INA AT ANG KAPATID NA BABAE NITONG SI MARIA, NA ASAWA NI CLEOPAS. NAROONB DIN SI MARIA MAGDALENA. NANG MAKITA NI HESUS ANG KANYANG INA, AT ANG MINAMAHAL NIYANG ALAGAD SA TABI NITO, KANYANG SINABI, “GINANG, NARITO ANG IYONG ANAK!” AT SINABI SA ALAGAD, “ NARITO ANG IYONG INA!” MULA NOON, SIYA’Y PINATIRA NG ALAGAD NA ITO SA KANYANG BAHAY.
ANG MABUTING BALITA.
(matapos basahin ang ebanghelyo maaaring magbigay ng kaunting pagpapaliwanag o pagpapalalim ayon sa mga pagbasa.) Maaaring magpahalik kay Hesus na namatay ng ilang minuto at pagkatapos ay isasagawa ang paghahatid kay Hesus sa kanyang paglalagakang libingan.
ANG PAGHAHATID SA HULING HANTUNGAN
Hinihikayat na ang lahat ng tao ay lilisan sa loob ng simbahan para sa paghahatid kay Hesus sa kanyang huling hantungan. Isasarado ang pintuan ng simbahan at hindi bubuksan bilang simbolismo ng libingan ni Hesus noong siya’y namatay.
ANG PAGHAHATID SA MAHAL NA BIRHEN
Pagkalibing kay Hesus, inaanyayahan ang lahat na sumamasa paghahatid sa Mahal na Birhen pabalik sa kanyang tirahan. Ang lahat ng sumama ay iniimbitahang magyapak pabalik sa lugar ng paglalagakan ng imahe.