Интернет

Интернет или семрежје — јавно достапен систем на меѓусебно поврзани сметачки мрежи од целиот
свет, кои пренесуваат податоци во форма на пакети со користење на стандардното множество
протоколи означено како TCP/IP. Се состои од голем број мали и големи, домашни, деловни владини и
невладини мрежи, коишто заедно пренесуваат различни информации и услуги, како електронска
пошта, директен разговор, како и меѓусебно поврзани мрежни места (websites) и други документи од
Пајажината (Светска пајажина - World Wide Web, WWW).

Историја

Во 60-тите години на минатиот век, Агенцијата за напредни истражувачки проекти (АРПА) на

Министерството за одбрана на Соединетите држави финансираше истражување за временско
споделување на компјутерите. Пристапот до ARPANET беше проширен во 1981 година кога
Националната научна фондација (НСФ) ја финансираше мрежата за компјутерски науки (CSNET). Во
1982 година, стандардизиран е Интернет протокол пакет (TCP / IP), што дозволува ширење на
меѓусебно поврзани мрежи низ целиот свет. Пристапот до мрежата на ТЦП / ИП се прошири повторно
во 1986 година кога Националната мрежна фондација за наука (NSFNet) обезбеди пристап до супер
компјутер страници во САД за истражувачи, прво со брзина од 56 kbit / s, а подоцна и со 1,5 Mbit / s и
45 Mbit / s.

Во интернет постојат 6 домени. Нивните имиња се кратенки од англиското име за дејноста и тоа:

 - edu – за образование
 - com – за стопанство
 - gov—за управни органи и установи
 - mil – за војска
 - org—за непрофитни организации
 - net—за сметачки мрежи