Araling – Panlipunan: “Pulitika at Pananampalataya”
Tayong mga Pilipino ay siguradong magkakasundo kung tayong lahat ay mag
pagkakaisa, malaki at malalim ang ang ating suliranin patungkol sa pultika. Ang pulitika ay ginawang kasangkapan ng mga makapangyarihan at mayayamang tao para sa kanilang pansariling kapakanan. Maraming pagkakataon na hindi man lang isinaalang – alang ng mga makapangyarihan ang mga mahihirap sa ating lipunan. Dahil dito, naging sagabal pa sa pagpapatupad sa tunay na katarungang panlipunan sa mga tunay na nangangailangan. Kaya’t hindi maiiwasan na isipin na para lamang sa may mga koneksyon sa pulitika ang may kapangyarihan. Kailangang tanungin natin ang ating mga sarili kung nais ba nating manatili o maipagpatuloy ang ganitong kalagayan. Alam ko na hindi madaling mabago ang ganitong nakasanayan ng ating bansa, at ang halalan lamang ang isa sa mga paraan kung saan maari tayong mag – ambag para sa tunay na pagbabago na ating ninanais. Kailangan nating pumili ng kandidatong maka – diyos, makatao, makabayan, at makalikasan. Sila ang mga kandidatong may tunay at purong malasakit at kabutihan para sa bayan. Sila ang mga kandidatong walang ibang hinahangad kundi makapaglingkod sa bayan, maipagtanggol ang mga karapatang – pantao. Hangad nila na magkaroon ng tunay na katarungang panlipunan, pagpapatabo ng ekonomiya na hindi lamang naayon sa interes ng makapangyarihan kundi naayon din sa interes ng mga nasa laylayan ng lipunan. Layunin din ng mga kandidatong ito na mabigyan ng kapangyarihan ang taong – bayan na magdesisyon at kumilos (Human rights) para sa kanilang mga sarili. Ngayon na ang panahon upang imulat natin ang ating mga mata upang makita natin ang tunay na kulay at pag – uugali ng mga pulitiko. Ito na ang panahon na tayo ay bumoto sa kandidatong makakatulong sa atin na maiunlad ang kalagayan ng bayan. Iboto natin ang mga may tunay na malasakit sa ating bayan, sa mga mamamayan. Iboto natin ang kandidatong may puso para sa mga nasa laylayan ng lipunan. Iboto natin ang kandidatong may plataporma na makasagot at makatugon sa mga suliranin at problema ng bayan at gawing prayoridad ang mga taong pinakanangangailangan. Filipino: “Pagmamahal ng mga Magulang: Tamang Pagpapalaki”
Magandang umaga po sa inyong lahat. Ibabahagi ko po sa inyo ang aking
opinyon tungkol sa tamang pagpapalaki ng mga anak. Ang aking tatalakayin ngayon ay tungkol sa tamang pagpapalaki ng mga anak. At kung paano natin hihikayatin ang mga kabataan sa paggawa ng tamang desisyon. Ngayon, ito ay inyong basahin. Ang mga magulang ang instrumento upang ihubog at gabayan ang mga anak. Ginawa silang instrumento ng Diyos upang hindi mawala sa tamang landas ang mga anak. Ito ay responsibilidad ng mga magulang upang palakihin ang mga anak ng may pagmamahal at respeto sa kapwa. Ito ay responsibilidad rin ng ating mga magulang na tayo ay palakihin at gabayan sa mga magiging desisyon natin sa buhay. Tunay nga na tama ang pagpapalaki ng magulang sa anak kung nakabatay ito sa apat na aspeto ng buhay. Ito ay ang mga sumusunod: Espiritwal, Sosyal, Propesyonal, at Saykolohikal. Ang mga aspetong ito ang magiging gabay ng mga magulang upang mapalaki ng tama ang kanilang mga anak. Unang – una, naniniwala ako na ang relasyon sa Diyos ang isa sa mga importanteng aspeto sa tamang pagpapalaki ng mga bata. Hindi tayo mabubuhay ng mag – isa o walang kinikilalang Diyos. Datapwat, nararapat lamang na ipakilala ng mga magulang ang kanilang mga anak sa Diyos na siyang gumagabay sa atin sa mundong ito. Hindi lamang sa aspetong ito maaring nakapokus ang mga magulang. Kailangan rin ang aspetong sosyal. Hindi habang – buhay na ang mga magulang at mga anak lamang ang magkasama, kailangan rin na makihalobilo ang mga anak sa iba pang mga tao. Subalit, nararapat lamang na piliin ng mabuti ng mga anak ang mga taong kanilang pagkakatiwalaan. Sa aspetong ito, kailangang magabayan ng Mabuti at tama ang mga anak sa pagtitiwala sa ibang tao. Naniniwala akong malaki ang maitutulong ng mga magulang sa paggabay sa mga anak na gumawa ng tamang desisyon. Pangatlo, ang aspetong saykolohikal. Kung susuriin natin, isang malaking ambag rin ng mga magulang sa mga anak na tikayin na ang kanilang buhay ay may siguridad, masaya, at payapa. At pang – huli, ang aspetong propesyonal. Bilang isang magulang, ang isa sa pinaka importanteng aspeto sa pagpapalaki ng anak ay pagbibigay ng tamang edukasyon sa mga anak. Ang kaalaman na makukuha ng mga anak sa edukasyon ang magiging sandata nila upang maging tama ang mga desisyon na kanilang gagawin. Maraming Salamat po.