1. Ano ang ginagampanan ng pelikula sa pagpapalaganap ng kamalayang
panlipunan? Ipaliwanag. Ang pelikula ay kilala din sa tawag na “sine”. Ito ay isang larangan na sinasakop ang mga gumagalaw na larawan bilang isang anyo ng sining. Malaki ang naiambag ng pelikula sa pagpapalaganap ng kamalayang panlipunan. Dahil dito, namumulat ang mga tao sa lahat ng sitwasyon ng ating lipunan. Ito ay may mga aral na ating matututunan na magagamit natin sa ating pamumuhay o maitututuro sa ating lipunan. 2. Bakit mahalagang maging malawak ang ating kaalaman sa paggamit ng bantas sa pagbuo ng pangungusap? Patunayan ang iyong sagot. Sa aking palagay, kailangang maging malawak ang ating kaalaman sa paggamit ng bantas sa pagbuo ng pangungusap. Ito ay mahalaga upang maintindihan natin ang mga pahayag o mga pangungusap na ating binabasa. Sa pamamagitan ng paggamit ng bantas, nagiging malinaw ang mga nais ipahayag ng isang pangungusap. At maiintindihan natin ang tamang damdamin na ipinahihiwatig sa isang pangungusap. 3. Bakit kailangan nating alamin ang paksa, layon at tono sa isang programang pantelebisyon? Mahalaga ba mga ito? Ipaliwanag. Ang paksa ng isang programang pantelebisyon tungkol sa kung ano ang pinag – uusapan sa isang programang pantelebisyon. Ito ay mahalaga upang maintindihan natin kung ano ang pinag – uusapan at upang tayo ay makabigay nag pansariling opinion para sa paksang pinag – usapan. Ang layon ng programang pantelebisyon ay tumutukoy sa kung ano ang nais ipahiwatig ng isang programa sa mga manunuod. Ito din ay mahalaga upang maunawaan natin kung bakit ipinalabas ang isang programa. Kung ano ang mensahe na gustong iparating nito sa mga manunuod. At panghuli, ang tono ng isang programang pantelebisyon. Ang tono ay tumutukoy sa damdamin o saloobin ng may akda. Ito rin ay mahalaga upang mas maayos na maipahiwatig ang mensahe ng isang programang pantelebisyon. 4. Ano ang kahalagahan ng laro sa pagpapalawak ng bokabularyo? Ipaliwanag. Ang laro ay isang mahalagang paraan upang mapalawak ang ating pansariling bokabularyo. Ang laro ay pangunahing paraan ng pag – aaral. Ito ay kadalasang ginagamit ng mga guro upang mas maintindihan ng mga mag – aaral ang nais ipahiwatig ng paksa. Sa isang laro, kailangang lahat ng kalahok ay makisalamuha sa bawat membro. Dahil dito, mas nagagamit ng mga bata o mag – aaral ang mga bokabularyo upang magkakaindihan ang bawat isa. Filipino
5. Ano ang kahalagahan ng komposisyong popular, print media, broadcast
media at video technology sa isang kamalayang panlipunan? Patunayan. Ang komposisyong popular, print media, broadcast media at video technology ay mga pangunahing paraan ng komunikasyon. Ito ay may malaking papel na ginagampanan sa pagpapalaganap ng mga impormasyon na kinakailangang maipaalam sa mga mamamayan. Ito ay mahalaga dahil ang mga ito ay makikita kahit saan mang sulok ng daigdig. Naipapahiwatig dito ang mga mahahalagang bagay na kailangang malaman ng mamamayan kagaya ng kalamidad, mga importanteng anunsyo o mga babala sa isang komunidad. 6. Bakit mahalagang bigyang-pansin ang balangkas sa pagsulat ng script ng isang kamalayang panlipunan? Ipaliwanag. Ang wastong balangkas sa pagsulat ng “script” ay nakakadagdag ng kaayosan sa pagbubuo ng isang teksto. Mahalagang bigyang – pansin ang balangkas sa pagsulat upang maging maayos ang gagawing pagsulat ng isang teksto. Mahalaga ito upang hindi magdulot ng kalituhan sa mga nagbabasa at sa mismong nagsusulat ng teksto. Mahalaga ring maiwasto ang balangkas upang maiparating ng mabuti ang gustong iparating ng isang manunulat ng kwento o teksto.