Kali mama: Poem

Ab tum flashback me dekho…mai to bas shanti ke ghar se bhaag hi rha tha ki uske dada ji ne
achanak se gate band kar diya aur mujhe kursi par baitha kar mujhe ram bhakt hanuman ki
katha sunnana arambh kar diya.

Dada ji: To baccho, aur beta kali ab tak tumne suna ki kaisey hanuman ji ne bali ke ghamand
ko chaknachur kar diya,
Radha : Humne to suna tha par kya apne Hanuman ji ke jamn ki khana suni?? Nhi, to der mat
kijiye, turant part-1 suniye, jiska link description box me diya hai.
Ram: Ji dada Ji pir aagey sunaiye..
Dada Ji: Bali ko iss prakar dhool chatane ke baad hanuman ji, nischint theaur Sugriva ne bhi
Rahat ki saans li thi..Par ye kya………..Ek chota vanar daudta hua un sabhi ke pass aya aur
bolne lga, bali vapas aagya h..bali vapas aagya h.
Sugriva aur unke mantrigan jab us vanar ki nissandehi par aagey badhey, to unhone dekha ki
do balshaali, vajra si chaati wale ati sundar, manmohak purush apne haath me dhanu band
liye chal rhe h. Sugriva ko lga ki bali ne indono ko usey maarne ke liye bheja hai, Isliye usne
hanuman ji se anurodh kiya ki vo apna bhesh badalkar undono ka raaz jane. Hanuman ji ne
bhikshuk sanyasi ka roop dharan kiya aur un aati sundar vanvasi yodhaaon ki aur chal pdey.
Jaise hi vo unke samne Punchey , unke sharir me maano kuch hone lga.. Unhe mehsus hua ki
unki haddiyaan gal rhi h. Ve kuch soch samjh nhi paa rhe h. Parantu jaise taisey unhoney
apna hosh sambhala aur pucha, Hey MahaBalshali yoodhaayon ap log kaun h? kha ja rhe h?
Apka vesh to vanvaasiyon jaisa hai, par apke saundarya aur bal ko dekhkar devtaaon ko b
lazza aajaye. Apke indra-dhanush saaman dhanusoo ko dkhkar bhala kaun aachambhit nnhi
hoga? Apki singh si chaal se aatma-vishwas bhar bhar kar chalak rha h. AP to vishal
saamrajyo par raaj karne ke liye bney hai. Ye vanvaasiyon ka roopapko Shobha nhi deta.
Madhurta aur shakti ka ye saamanjasya muhhe ye maaney par majboor kar rha hai, ki ap koi
aasadharan log hai aur ek aasadharan yojana ke tehat yha aaye hai. Kya aap mujhe kripya
krke apne aane ka prayojan btayengey?
Yeh sun Sri Ram muskuraye aur boley: Hum apke sabhi prashno ka uttar dengey, parantu
phley ap ye btaiye ki ek fatey hue kapdo ko pehney hue bhikshuk ke gale me aisa durlabh aur
divya hero ka haar kaisey aaya? Jaise hi Hanuman ji ne yeh suna vo khusi se man hi man
jhoomney lgey, unhe turrant brahma ji ka diya hua vardaan yaad aya, ki iss haar ko iss duniya
me sivaay tumhare swami Sri Ram ke aur koi nhi dkh payega. Tat paschaat vah turant apne
asli roop me aagye aur boley: Mai Sugriva ka mantri hu. Yeh sabd boltey hi unhe ehsaas hua
ki unhone bhut badi galti kr di hai aur unhone dekha ki Bhagwaan ram ne ek kadam peechey
liya h aur unke bharata Sri laxman ji ne unke bare me btana shuru kiya.
Yeh ayodhya naresh, Dashrath Nandan Sri Ram hai, Yeh jagat mujhe inka bhai ssamjhta hai.
Par mai bas inka ek touch sevak hu. Humey 14 varsh ka vanvaas mila tha, jisme se 13 vaarsh
humne Dandkaranya ke van me bitaye. Parantu durbhagyavash, sri ram ki dharam patni sita
mata ka dust raavan ne aparhan kar liya hai. Aur hum unhi ki khoj me aaye hai. Hanuman to
man hi man apne apko Sugriva ka mntri btane ke liye kos hi rhe the ki Lakshman ji ke iss
vinamra parichay ne unhe aur bura mehsus karwa diya. Pir Hanuman Ji Sri ram aur laxman ko
Sugriva ke pass mitrata ki sandhi ke liye lekar jane lgey. Sri Ram ne laxman ji se kha ki kya
tumne hanuman ki boli par dhyaan diya???unki vaani ka saundrya adbhut hai…Veh ati
manmohak, vinamra, aur sheetalta pradaan krne wali hai. Iss prakar bolne ke liye rig,yajur
aur saam vedo ka gudh adhayaan karna ati aavashyak hai.
Hanuman ji ke vishalkaaye kandho par sawar hokar bhagwaan sri ram aur laxman rishimukh
parvat ki choti par punchey. Parantu hanuman to man hi man apni uss ek bhool ko sudharne
ke bare me soch rhe the. Jab veh sabhi Sugriva se miley to Sugriva ne unhoney bhagwaan ram
ki taraf apna haath badhaya. Jawab me Prabhu sri ram Chandra ne bhi hath milakar unki
mitrata sveekaari. Parantu Hanuman ji ne ghrana me apna sir hilaya. Unhone socha ki Sugriva
ye ku nhi samh paa rhe ki bhagwaan sri ram jo iss bhuvan mandal ke swami h, veh pujniyaa
hai, na ki ek saadharan mitra. Sugriva ne ek saal ke ped ki badi si sakha ko todkar sri ram ko
aasan graham krne ke liye pucha. Prabhu Sri Ram us shaakha k eek taraf baith gye, aur
Sugriva bina kuch sochey dusri aur. Parantu hanuman ji ne pir ghrina me apna sir hilaya aur
Sugriva ki laxman ji ke prati aasamvedan sheelta ko dekhkar man hi man dukh prakat kiya.
Bhagwaan ram ko bhi iss baat ka bura lga. Hanuman ji ne turant ek ati visist Chandan ki sakha
todkar laxman ji ko assan ke roop me prastut kiya. Jaise hi laxman ji uspar baithey hanuman ji
turant unke pass Bhoomi par baith gye, Kuki veh apne apko sri laxman ji ke pass bhi baithne
layak nhi samjhte the, to Sri ram ji ki to baat hi alag hai.
Ram bhagwaan ye dkhkar bhut prasaan hue aur Sugriva ko vinamrata ka path padhne ke liye
unhone pehley to Sugriva ko apne bhai baali se bhut Pitney diya, parantu dusri baar sri
laxman ko Sugriva ko maala pehnane ko kha. Jab Sugriva mala pehnney ke liye jhukey, to sri
ram ne unhe Sri laxman ji ke prati kiye aparadh ke liye maaf kar diya aur unhe yudh me vijay
dilaakar kiskindha ka raja bna diya.