GOZOZ NI SAN ISIDRO LABRADOR

Composer/Lyricist: Emmanuel Labrador Abellana

Koro:
Mahimayaon nga San Isidro Labrador
Milagroso, mahal namong patron
Ikaw ang among dangpanan sa sakit ug kalisdanan
Sa panabang mo, sa Dios kami kaloy-an

I
Natawo ka nga kabus
Sulondon sa mga pag-antos
Apan tungod sa kaayo mo
Mga grasya Iyang gibubo kanimo
II
Pobre nga magdadaro
Ang kinabuhing gipuy-an mo
Sa kakugi ug katarong
Kini gihimo, imong gihalad sa Ginoo
III
Inigbugwal mo sa yuta
Sa Ginoo ka nangliya
Kay ang langit da gitinguha mo
Sa kainit nga santos ug kalumo
IV
Ikaw gayud matinumanon
Kang Juan de Vargas nga agalon
Busa ikaw ang panig-ingnan
Sa kahimtang nga magdadaro
V
Ang pagsimba sa santos nga misa
Ug pagduaw sa Birhen Maria
Mao kini ang unahon mo
Ang pag-ampo sa di pa magtrabaho
VI
Sa agalon ka gipangita
Sa trabaho kuno mibiya
Apan sa Dios ka gitabangan
Duha ka anghel nga magdadaro iyang nakita
VII
Santa Maria de la Cabeza
Matinabangon mong asawa
Manggihatagon ka sa nga tanan
Matinud-anon ug salamin sa paghigugma
VIII
Kasiyaman ka tuig ang edad mo
Ang Dios uban kanimo
Gibuntog mo ang kadautan
Ug naangkon ang gahum ug kadungganan
IX
Ikaw ang among paglaum
Sa pagsulay ug sa kalisud
Mga hiyas mo kami tudlo-i
Sa kaluwasan, San Isidro kami tabangi