MC BAHASA JAWA (ACARA WALIMATUL ‘URSY)

Assalamualaikum Warohmatullohi Wabarokatuhu

(Muqoddimah)

 Almukarrom poro bapak ‘Alim ulama’, bapak kyai soho ibu nyai wabil khusus penajenengan ipun romo
kyai ………………………………… ingkang tansah kawulo ta’dzimi
 Poro pepunden poro sesepuh soho pinisepuh dusun …………………… ingkang tansah pinundi
 Shohibul hajat …………………….. ingkang tansah kawulo hurmati
 Poro pangambyong penganten (kakung atau Putri) saking tlatah ……………………. Ingkang kawulo hurmati
 Sepasang penganten kaleh panjenengan ipun kang mas ……………………… kalian nimas ayu ………………………….
Ingkang insyaallah dados keluarga ingkang sakinah mawaddah warohmah
 Ugi mboten kasupen dumateng poro rawuh lan tamu undangan ingkang insyaallah dipun mulyaaken
deneng Allah

Minangkani purwakaning atur, sumonggo kito raosaken ouji syukur wonten ngarso dalem Allah SWT,
karariasih wilasawimah barokah ingkang rumentah dumateng kulo soho panjenengan sedoyo, denen punopo
kito saget kempal manunggal wonten ing adicoro “walimatul ‘ursy” kanthi kawstanan sehat wal ‘afiyat.
Aamiin-aamiin yaa robbal ‘aalamiin
Sholawatulloh wasalamuhu almakrumah bitta’dzim, mugio tetep tansah katur kunjuk wonten ngarso
dalem junjungan kito nabiyulloh Muhammad SAW, priyantun gung ingkang tansah kito ajeng-ajeng menggah
syafa’atipun min yaumina hadza ila yaumil qiyamah. Biqoulina Allahumma sholli ‘ala sayyidina Muhammad.

Hadirin wal Hadirot rohimakumullah

Kawulo minangkani pranoto adicoro, keparengo kulo ngaturaken urut ronceneng adicoro wonten ing
wekdal dalu puniko.
1. Atur pembuko
2. Waosan ayat-ayat suci Al-Qur’an
3. Atur pasrah lan atur tinampi
4. Mauidzoh hasanah ingkang sakmeniko bade dipun wedharaken deneng panjenengan ipun romo kyai
……………………………. Saking ……………………..
5. Minongko aji pungkasaning adicoro bade katutup mawi do’a

Hadirin wal Hadirot rohimakumullah

Ningali wekdal sampun watawis (dalu, siang, sonten) Sumonggo kito wiwiti adicoro puniko kanthi
waosan ummul qur’an ing pangajab mugi-mugi adicoro wonten ing wekdal dalu puniko sageto lancar mbeto
barokah manfaat lan mboten wonten alangan setunggal punopo. Amin ya Robbal ‘alamin.
‘Ala hadzihinniyyah wa’ala kulli niyatin Sholihah…… Alfaatihah
Dungkap tumapaing adicoro ingkang angka kalih inggih puniko waosan ayat suci al-quran, ingkang
bade kawaos deneng (panjenenganipun atau sederek) …………. Dumateng (panjenenganipun atau sederek)
kawulo sumanggaaken.
Shodaqollahul ‘adzim 3x baarokallahulana walakum bisyafa’atil qur’anil ‘adzim. Aamiin3x yaa robbal ‘alamin.

Dungkap tumapaing adicoro ingkang angka tigo inggih puniko atur pasrah penganten kakung,
dumateng panjenenganipun ingkang kajibah kawulo sumanggaaken.
Dumateng panjenengan ipun ingkang kajibah minangkani, kawulo aturaken agunging panuwun.

Dungkap tumapaing adicoro selajengipun inggih puniko atur tinampi saking keluarga penganten putri,
dumateng panjenenganipun ingkang kajibah kawulo sumanggaaken.
Dumateng panjenengan ipun ingkang kajibah minangkani, kawulo aturaken agunging panuwun.

(APABILA PETUGAS MAUIDHOH DAN DOA BEDA ORANG)

Hadirin wal Hadirot rohimakumullah
Adicoro selajengipun inggih puniko mauidzhoh hasanah ingkang sakmeniko bade dipun wedharaken
deneng panjenengan ipun Romo Kyai …………………… dumateng panjenengan ipun kawulo sumanggaaken.
Dumateng panjenengan ipun Romo Kyai……………………, kawulo aturaken agunging panuwun.
Mugi-mugi nopo ingkang sampun dipun aturaken deneng panjenengan ipun ……………….. saget nambah
anteping iman, islam soho ihsan ipun kulo soho panjenengan sedoyo. Amin yarobbal ‘alamin

Hadirin wal Hadirot rohimakumullah

Adicoro selajengipun inggih puniko waosan do’a ingkang bade dipun wedharaken deneng
panjenenganipun ……………………….. Ananging sakdereng ipun waosan do’a, Kawulo minongko pranoto adicoro,
mbok bilih anggenipun kawulo matur ngirangi mungguhing trapsilaning toto krami lan kirang mahani wonten
manah penggalih panjenengan sedoyo, kawulo nyuwun pangapunten ingkang sak katah-katah ipun.

Billahi taufiq wal hidayah, waridho wal inayah

Akhiru qouly hadza, ihdinas sirotol mustaqim
Tsummasalamu’alaikum Wr. Wb
Dumateng panjenengan ipun ……………………… kawulo sumanggaaken

(APABILA PETUGAS MAUIDHOH DAN DOA SAMA)

Hadirin wal Hadirot rohimakumullah
Adicoro selajengipun inggih puniko mauidzhoh hasanah kalian waosan doa minongko paripurno
adicoro, ingkang sakmeniko bade dipun wedharaken deneng panjenengan ipun Romo Kyai ……………………
Ananging sakdereng ipun mauidhotul khasanah kalian waosan doa, Kawulo minongko pranoto adicoro, mbok
bilih anggenipun kawulo matur ngirangi mungguhing trapsilaning toto krami lan kirang mahani wonten manah
penggalih panjenengan sedoyo, kawulo nyuwun pangapunten ingkang sak katah-katah ipun.

Billahi taufiq wal hidayah, waridho wal inayah

Akhiru qouly hadza, ihdinas sirotol mustaqim
Tsummasalamu’alaikum Warohmatullohi Wabarokatuhu
Dumateng panjenengan ipun ……………………… kawulo sumanggaaken

Blitar, 5 September 2021