Lirik Lagu Kaasih Indung

"Indung lembur panineungan

Wasilah medal munggaran
Alam nyanggap papasangan
Tangtu nu jadi ukuran
Ngampar lemah jajalanan...

Lampah hirup dilakonan

Kaasih indung marengan
Samping jangkung gelung jucung
Awak rengkung disebakeun...
Sesa umur dianterkeun....

Ngaguru ku kabodoan
ikhlas eusi kapinteran
ciduh metu jajampean
ajeg lampah dilakonan

Lemah ngamparkeun kaheman

Nungtun lakuning kamelang
Panas ajaran ti berang
Ngaguru kapoek peuting

Susuci ku cai ibun

Pahing getih pahang tulang
Ayun ambing ayun ambing
Ajeg nangtung hirup nanjung..

Lampah hirup dilakonan

Kaasih indung marengan
Samping jangkung gelung jucung
Awak rengkung disebakeun
Sesa umur dianterkeun

Samping kebat gogoleran

Endah rema gugupayan
Sapanjang indung marengan
Ajeg lampah kamulyaan...

Lemah ngamparkeun kaheman

Nungtun lakuning kamelang
Panas ajaran ti berang
Ngaguru kapoek peuting
Susuci ku cai ibun
Pahing getih pahang tulang
Ayun ambing ayun ambing
Ajeg nangtung hirup nanjung..."