晴，翹：Merry Christmas ..

我哋係今屆歌唱比賽嘅司儀
翹：我係 4C 班李紫翹
晴：我係 4C 班歐陽樂晴
翹：又嚟到一年一度大家最期待嘅歌唱比賽決賽，由於上年疫情關係歌唱比賽
都以網上錄影嘅形式進行，而今年好好彩歌唱比賽可以以實體嘅形式進行.真係
非常感恩！
晴：係呀！今次我哋好榮幸邀請到結他班導師 Jason sir,陳嘉冰老師同埋合唱團
導師 Miss chan.做今次決賽評判.而今次決賽我哋分左獨唱組同合唱組.好啦 事不
宜遲我哋快啲開始啦！
翹：係呢我突然間好想返到細個果陣，細個嗰陣真係好開心唔使成日溫書無憂
無慮
晴：我都係咁諗呀，如果可以搭一㗎時光列車返去細個嗰陣就好啦
翹：咁不如而家就聽一聽 4B 班冼鋭亨為我哋演唱嘅逆時車站睇下可唔可以令我
哋返去細個嗰陣時啦
晴：好呀好呀！咁我地有請 4B 班冼鋭亨同學為我哋演唱逆時車站，掌聲有請！
—————————————（逆時車站）———————————————
晴：冼鋭亨同學識得自彈自唱真係好犀利呀！ 多謝冼鋭亨同學為我哋帶嚟咁好
聽嘅歌曲。係呢，你有冇睇過秋天樹上面樹葉顏色嘅變化？
翹：梗係有啦樹葉飄落嘅場景仲好浪漫添
晴：咁你喺邊度睇過啊？
翹：秋天嘅時候元朗大棠楓香林嗰邊就會經常見到樹葉飄落嘅埸景。
晴：咁不如我哋聽下 5B 班袁顥尹同學為我哋帶嚟一首充滿秋天氣息嘅歌曲楓。
————————————（楓）————————————————
翹：多謝袁顥尹同學帶嚟嘅表演。係呢你有冇體驗單戀一個人嘅感受呢？
晴:你冇呀我有喎！
翹：講嚟聽吓，我想知喎
晴：唔制喎秘密嚟㗎嘛！
翹：咁不如我哋細心聆聽同埋留意一下以下落嚟呢首歌嘅歌詞睇吓有冇講出你
嘅心聲
晴；咁依家有請 6A 班洪文森同學為我哋演唱痴心絕對
———————————（痴心絕對）————————————
翹：多謝洪文森同學！那些您很冒險的夢我陪你去瘋。（唱）
晴：嘩你唱緊啲咩啊？（擰頭）
翹：咪就係我最鍾意嘅嗰一首歌那些您很冒險的夢咯
晴：吓你唱成咁不如你請教一下，下一位參賽者啦！
翹：邊個嚟㗎我識唔識㗎？
晴：咪就係 6A 班陳穎桐同學，咁不如而家就請佢為我哋演唱那些您很冒險的夢
有請陳穎桐同學
———————————（那些你很冒險的夢）—————————————
翹：真係唱得好聽過我好多喎
晴：我都話架啦，你又唔信
翹：多謝陳穎桐同學！接下落嚟呢首歌係講述一對戀人步伐不再一致嘅時刻
晴：咦，呢句野咁熟嘅?我記得啦呢個一定係衛蘭嘅歌啦
翹：你又知道嘅！
晴：梗係啦，呢首歌嘅簡介有講到以上呢一句說話，而且我都有聽過呢首歌
翹：唉！既然俾你知道晒咁接落嚟我哋有請 6C 班陳煒莉同學為我哋帶嚟嘅歌曲
在月台上等你。有請陳煒莉同學
—————————（在月台上等你）———————————————
晴：多謝陳煒莉同學！係呢你有冇試過為左唔破壞一段友誼而隱瞞事實呢？
翹：冇啊雖然有啲嘢唔講出嚟可能係好啲但係我覺得隱瞞事實都係唔啱嘅！
晴：你講得都啱嘅，大家都互相隱瞞事實到頭來都係會搞到自己同對方都唔開
心
翹：啱呀啱呀我都覺呀
晴：不如我介紹你聽一首歌啊！我覺得呢首歌可以表達到互相隱瞞事實嘅時候
各自嘅感受
翹：係邊一首歌呀？
晴：而家就話俾你聽啦，有請 6A 班洗鋭彬同學為我哋演唱嘅你瞞我暪啦！有請
冼鋭彬同學
—————————————（你瞞我瞞）———————————————
翹：多謝冼銳彬同學嘅演出！我問你呀如果見到落雪嘅場景你會諗起啲咩呢？
晴：啊啊，我都未去過落雪嘅國家我真係諗唔到喎
翹：咁不如我介紹你聽一首歌！呢首歌大概就係講作者見到落雪嘅場景嘅時候
佢嘅回憶會喺腦袋裏面重新浮現，就好似一啲已經遺忘嘅事情無端端又出返嚟
咁
晴：咁呢首歌係咩歌嚟㗎？
翹：而家就話你知！ 事不宜遲，我哋而家就請 6C 班徐諾瑩同學為我地帶來嘅
飄雪，有請徐諾瑩同學。
——————————————（飄雪）—————————————
睛：多謝徐諾瑩同學！係呢你有冇試過喺唔開心嘅時候去吹下風散吓心咁呢？
翹：冇啊我通常唔開心都係喺屋企瞓大覺嘅
晴：我聽人哋講去吹下風散吓心會突然間諗到好多唔同嘅嘢，會諗返起之前嘅
回憶
翹：嘩你咁講搞到我突然間好期待呢首歌添
晴：咁我哋即刻就有請 6A 班左薇薇同學為我哋帶嚟走在冷風中
————————————（抽獎還節）————————————
晴：多謝左薇薇同學為我哋帶嚟嘅表演
翹：宜家就嚟到抽獎環節，首先有請我哋嘅抽獎師儀出埸

——————————————（合唱小組）——————
翹：接落嚟有請合唱小組嘅同學為我哋表演 jingle jingle jazz，分別 6C 陳煒莉，
5A 林思鈴，5C 溫睿怡，林慧萱 ,梁嘉穎，4C 李恵仙，歐陽樂晴，有請七位同學
翹：（如果抽獎師儀冇講）多謝晒合唱小組嘅同學為我哋演出，合唱小組導師
陳真怡老師 6C 陳煒莉，5A 林思鈴，5C 溫睿怡，林慧萱 ,梁嘉穎，4C 李恵仙，
歐陽樂晴
翹：獨唱環節已經圓滿結束而家將時間交返比 miss ho
—————（下半場）———————————————
翹：歡迎中二，中四，中六嚟到禮堂觀賞合唱嘅環節，啱啱聽完獨唱組嘅歌聲，
唔知大家覺得獨唱組嘅同學唱成點呢？
晴：我知道大家都十分期待合唱組同學嘅表演㗎啦事不宜遲，我哋就一齊聽吓
合唱組嘅歌聲啦！
翹：咁我哋不如快啲請出第一組嘅同學啦。
晴：有請 5A 班黃衍憌同理陳伊雅同學為我哋唱出忍。
—————————————(忍)—————————
晴：多謝兩位同學嘅演出。唔知在座咁多位知唔知個個係 Edan？你又知唔知呀
紫翹？
翹：哦,係咪嗰個鋼琴同小提琴都有八級嗰個 Mirror 成員呢我有佢張閃卡呀！！
晴：話你有佢張閃卡呀 !咁你知唔知佢係 2021 年 1 月 27 號正式推出首支個人單
曲 E 先生連環不行事件推出左一日喺 YouTube 已經有 200,000 點擊率
翹：嘩咁犀利搞到我好想聽吓呢首歌係點嘅添？
晴：咪住咪住今日我哋聽嘅係女聲版係由兩位女同學合唱 ！
翹：咁特別你搞到我好想快啲聽呢首歌啊！
晴：咁不如我哋宜家聽下由 5c 班陳紫璇同學同埋梁嘉穎同學為我哋唱出 E 先生
連環不幸事件。有請二位同學
———————————（E 先生連環不幸事件）—————————
晴：多謝兩位同學嘅演出。
翹：接落嚟就有四人男子組合出場喎，大家係咪好期待呢 ？
晴：你知唔知佢哋唱咩歌呢？俾啲提示你啦呢首歌係以中國重慶愛情天梯嘅故
事為題材寫成嘅歌曲你估唔估到係咩歌啊？
翹：我知啦我知啦係咪天梯呢？
晴：哇你好聰明喎！咁我哋依家快啲請出 4A 班周家軒，4B 班成樂，冼鋭亨，
周泓瞬同學，為我地帶嚟嘅歌曲天梯四位有請
———————————————（天梯）—————————-
翹：多謝晒四位同學咁精彩嘅演出！你有冇聽過孫燕姿嘅我懷念的呀？
晴：梗係有啦，我仲覺得個旋律好好聽㗎
翹：咁你有冇聽過合唱版呢？
晴：合唱版？咁又冇喎
翹：冇就啱啦！咁你就要聽下由 6A 班左薇薇同埋 6C 班鄭美欣同學為我地表演
我懷念的啦！有請兩位同學。
—————————————（我懷念的）—————————————
翹：多謝兩位同學！依家到咗最後一組嘅參賽者啦
晴：係喎聽講佢哋兩個今次唱嘅歌係 Rap 嚟㗎喎！前面都好似冇人唱過 rap 嘅?
搞到我突然間好期待添！
翹：我都係呀我都係呀！咁事不宜遲我哋有請 6A 吳圳騰同埋 6A 洪文森同學為
我地唱出最後一首歌曲不用去猜
——————————— （不用去猜）————————————————

————————————(抽獎環節)—————————————————
晴：嘩佢哋真係 rap 得好好聽呀（rap 出嚟）
翹：嘩咁長嘅歌詞佢哋又記到又 rap 到我哋真係甘拜下風！（rap 出嚟）
（比 good 手勢）
晴：我哋再一次比熱烈嘅掌聲感謝 8 位獨唱組嘅同學五組合唱組同學嘅精彩演
出
翹：接落嚟我哋有請三位評判退場商量比賽賽果，接住落嚟嘅時間而家就有呢
個中二中四中六級嘅抽獎環節，有請我哋嘅抽獎师儀 5c 班廖出場
晴：多謝晒結他班導師 Jason sir，郭仙林老師，就讀中文大學化學系李卓軒師兄
同埋李紫翹同學
翹：仲有你呀歐陽樂晴同學分享我哋喜愛嘅歌曲

————————————（聖誕聯歡）——要有喜劇效果！！！
晴:好啦依家到咗最後頒獎嘅環節，啲參賽者已經企曬係台上面啦！
翹：我哋而家再一次有請 Jason sir 嚟到台上，比一啲演出嘅意見俾我哋獨唱組
同埋合唱組嘅參賽同學
晴：感謝 Jason sir 嘅分享請 Jason sir 留步為我哋頒發全場最佳台風獎
翹:你哋有冇心水邊個參賽者拎獎呢
晴:得獎者係 xx 班 xxx 同學
翹:恭喜晒 xx 班 xxx 同學
睛：唔該曬 Jason sir 為我地頒獎，接落嚟有請合唱團導師 Miss chan 為我地頒發
獨唱組嘅獎項
翹:季軍係 xx 班 xxx 同學
翹:亞軍係 xx 班 xxx 同學
晴:冠軍係 xx 班 xxx 同學（戲劇效果）
翹:恭喜晒獨唱組嘅得獎同學
晴:多謝合唱團老師 Miss chan 為我地頒獎
翹:到咗最後一個奬喇，依家請出陳家冰老師為我地頒發合唱組嘅獎項
翹:季軍係 xx 班 xxx 同學
翹:亞軍係 xx 班 xxx 同學
翹:冠軍係 xx 班 xxx 同學
晴:恭喜晒以上咁多位得獎者
翹:多謝陳家冰老師為我哋頒獎
睛:最後我哋要多謝陳家冰老師，結他班導師 Jason sir 同埋合唱團導師 Miss chan
為我哋今次歌唱比賽決賽擔任評判,亦好多謝後台小組，學生會負責老師, 負責
籌備活動嘅咁多位學生會成員，參賽者同埋各位同學嘅支持
翹，晴:下年再見，多謝各位
翹:依家將時間交返比 Miss ho