Simbang Gabi 2021

ANG MGA MENSAHENG ITO AY INIHANDA NG KAGAWARAN NG EDUKASYON CRISTIANA
:.
p. 1
RATIONALE
“Ang Puso ng Pasko, Nakasentro kay Cristo”
Simula nang maranasan natin ang epektong dulot ng pandemya ay nakita natin na malaki ang
suliraning kinahaharap ng mundo. Ang lahat ay hindi handa sa pangyayaring ito. Hindi katulad ng
ibang 𝑛𝑎𝑡𝑢𝑟𝑎𝑙 𝑑𝑖𝑠𝑎𝑠𝑡𝑒𝑟𝑠, ang pandemyang ito na dulot ng 𝐶𝑜𝑉𝑖𝐷-19 ay malawakan, sabay-sabay,
tuluy-tuloy, at pabagu-bago ng anyo. Bunga nito, mahigit 7.7 milyong katao na sa buong mundo
ang nakitil ang buhay, nadaragdagan pa, at maaaring magdulot pa ng mabibigat na suliranin sa
hinaharap ng mundo. Magdadalawang taon na halos ang pandemya, at sa bawat araw na lumilipas
ay patuloy ang takot at iba’t ibang suliraning kaakibat nito.
Tuwing sasapit ang Pasko, ang buong mundo ay masayang sumasalubong at nagdiriwang sa alaala
ng pagsilang ng ating Panginoong Jesus. Subalit noong nakaraang Pasko ay hindi ganoon ang
naging karanasan ng buong mundo pati ng ating Iglesya sapagkat nasa gitna tayo ng kalagayan ng
paghihigpit dahil sa lubhang mapanganib na impeksiyon ng karamdamang dala ng 𝐶𝑜𝑉𝑖𝐷-19.
Sa ganitong kalagayan ay pumapasok ang kaisipang “Ang Pasko ba ay Pasko dahil sa kasayahang
dulot nito, o ang Pasko ay Pasko dahil sa pinakapuso nito, si Cristo ang sentro? Na sa bawat Paskong
sumasapit, mahalagang marinig ang itinuturo nito - sa ating puso ay naroon si Cristo”. Anuman ang
kasapitan ng bawat araw, masaya o malungkot, si Cristo ay nagniningning sa ating puso sapagkat
Siya ang sentro ng puso ng Pasko.
Sa ating susing talata sa MATEO 2:2 ay sinabi ang ganito; Nagtanung-tanong sila, “Nasaan ang
isinilang na Hari ng mga Judio? Nakita namin ang kanyang bituin sa silangan at naparito kami upang
sambahin siya”.
The Christian life is a journey to the heart of Christmas na inilalarawan ng paglalakbay ng tatlong
pantas. Naglakbay sila sa gabay ng liwanag ng bituin sa madilim na sanlibutan patungo sa
Panginoong Jesu-Cristo. Every Christian journey is driven by a heart continuously in search of a light
in the midst of the darkness that could only be found in Jesus.
Bawat hakbang sa paglalakbay na ito ay isang matapang at matalinong hakbangin ng pusong

naghahangad ng liwanag habang siya ay dumaraan sa gitna ng kadiliman. At sa dulo nito,
nakasusumpong ng tagumpay ang bawat pusong nakasentro kay Cristo.
Sa papalapit na Pasko, napakainam na suriing mabuti ang nasaksihan ng mga pantas: “…Nakita
namin ang kanyang bituin sa silangan at naparito kami upang sambahin siya”. Sa kanilang
pagsisiyasat, napag-alaman nila na isinilang ang isang dakilang Hari at ang Kanyang bituin ay hindi
maikukubli. Sa panahong ito, makita nawa natin nang maliwanag ang maningning na sinag ng
bituin, na siyang magsisilbing gabay sa atin tungo sa isang makahulugang pagsamba nang may
pagdiriwang sa puso ng Paskong nakasentro kay Cristo!
p. 2
PAGBATI NG SUPERINTENDENTE HENERAL
Our God is truly good all the time!
Nagpapasalamat tayo sa Panginoon na sa kabila ng pandemya ay mayroon tayong mas maayos na

kalagayan ngayon upang ipagdiwang ang pagsilang ng ating Panginoong Jesu-Cristo. Sa ating
kultura, ang panahon ng kapaskuhan ay maituturing natin na siyang pinakamasayang panahon na
pinananabikan at pinakahihintay ng lahat.
Sa mga Iglesia tulad ng IEMELIF, lalong tumitingkad ang pagdiriwang ng kapaskuhan sa

pamamagitan ng pagdaraos ng siyam na gabing pananambahan na tinatawag nating “Simbang-
Gabi o Madaling-araw.” Ang tema ng IEMELIF ngayong Simbang Gabi 2021 ay “Ang Puso ng Pasko,
Nakasentro kay Cristo”. Ito ay batay sa Mateo 2:2 na ang nilalaman ay, “Nagtanung-tanong sila,
‘Nasaan ang isinilang na Hari ng mga Judio? Nakita namin ang kanyang bituin sa silangan at
naparito kami upang sambahin siya’”.
Umaasa ako na sa pamamagitan ng biyaya ng mga mensaheng ito ay higit na maging pagpapala ang
ating pagdaraos ng Simbang Gabi at ang ating pagdiriwang ng kapaskuhan. Aking kinikilala at lubos
na pinasasalamatan ang pagsusumikap ng Kagawaran ng Edukasyon Cristiana sa pangunguna ng
Ministro, Reb. Dr. Avin Guinto, sa maayos na paghahanda ng mga Mensaheng Pamasko para sa
buong Iglesia, kaya’t aking itinatagubilin sa lahat ng mga Manggagawa at Kongregasyon na atin
itong tangkilikin at gamitin.
Kaugnay nito, panatilihin natin ang paggamit ng “blended” (online at face-to-face) na

pananambahan upang maabot natin ang lahat ng mga kaanib at maging ang ating mga mahal sa
buhay na nasa iba’t ibang bansa. Gayundin sa pagsasagawa natin ng mga pamaskong gawain ay
nais kong itagubilin ang higit na pagpapanatili ng safety protocol at pagsunod sa mga alituntunin
na itinatadhana ng Inter Agency Task Force at Local Government Unit upang maiwasan ang
karamdamang dulot ng CoViD-19.
Dalangin ko ang masaganang pagpapala ng Diyos at kagalakan mula sa Panginoon ang maghari sa
inyong lahat. Isang maligayang Pasko at mapayapang bagong taon!
OBISPO NOEL M. ABIOG

Superintendente Heneral
“Loving God, Living the Gospel… for over 100 years.”

Member: National Council of Churches in the Philippines (NCCP)
Christian Conference of Asia (CCA) Asian Methodist Council (AMC)
World Methodist Council (WMC) World Council of Churches (WCC)
p. 3
UNANG GABI
Disyembre 16, 2021
PAMAGAT
“Paghihintay sa Mesias,
Kagalakang Walang Katumbas”
BATAYANG TALATA
Lucas 1:46-55
(Basahin lamang ang talataang 46-48)
At sinabi ni Maria, “Ang puso ko'y nagpupuri sa
Panginoon, at ang aking espiritu'y nagagalak sa Diyos na
aking Tagapagligtas, sapagkat nilingap niya akong
kanyang abang alipin! Mula ngayon, ang lahat ng tao'y
tatawagin akong pinagpala.”
KAISIPANG SENTRAL
Sa kabila ng ating abang kalagayan,
si Cristo ang Sandigan.
p. 4
PANIMULA:
 Ang batayang talata natin ngayon ay ang awit ni Maria na tinatawag na; ‘Magnificat
anima mea dominum’ o ‘My soul magnifies the Lord’. Ito ay tugon ng kagalakan na
binanggit niya sa talata 28 nang lumapit ang Anghel Gabriel sa kaniya at batiin siya
ng, “Magalak ka! Ikaw ay lubos na kinalulugdan ng Diyos. Sumasaiyo ang Panginoon!”.
 Ang “My soul magnifies the Lord”’ ay malalim na ekspresyon ng pagsamba sa
kagalakang dulot ng matagal na paghihintay sa pagliligtas ng Diyos na ng sandaling
iyon ay nagkaroon ng katuparan.
 Samantala, ang sinabi ng anghel sa kaniya sa talata 30 na, “Huwag kang matakot, o
noli timerae”, ay may pakahulugang “hayaang maganap sa kaniya ang banal na
kalooban ng Diyos”. Siya ay katulad ng isang sisidlang handang gamitin para sa
Kaniyang kaharian.
 Sa awit na ito, ipinakita ni Maria kung paano matatanggap ang biyaya ng Diyos at
ipinaliwanag niya kung paano laging gumagawa ang Diyos.
 Itinuturo niya sa atin na ang kahabagan ng Diyos ay laan sa lahat at ito’y nagdudulot
ng ligayang walang katumbas. Iningatan niya ito sa kaniyang puso at higit sa lahat,
nanampalataya siya.
TRANSITIONAL STATEMENT:
Ngayon ay sisikapin nating magsaya at magdiwang kasama si Maria dahil sa mga dakilang
bagay na ginawa ng Panginoon sa kaniya, sa iyo, at sa aking buhay. Idalangin natin na sa
tuwina ay maranasan ang kahabagan ng Diyos at maibahagi ang kagalakang dulot nito sa
lahat.
 Anu-ano ang mga kagalakang walang katumbas na nakamtan ni Maria sa Mesias?
 Paano natin ito personal na mararanasan?
 Bakit kailangan din itong maranasan ng ating bansa at ng sangkatauhan?
Ang awit ni Maria ay naglalaman ng mga mahahalagang katotohanan tungkol sa mga
dakilang gawa ng Diyos. Tingnan natin ang tatlong (3) mahahalagang katotohanan na
nakapaloob sa mga estropa na kaniyang isinaad:
I. TATAWAGING PINAGPALA (Be Called Blessed), tt. 46-49

At sinabi ni Maria, “Ang puso ko'y nagpupuri sa Panginoon, at ang aking
espiritu'y nagagalak sa Diyos na aking Tagapagligtas, sapagkat nilingap niya
akong kanyang abang alipin! Mula ngayon, ang lahat ng tao'y tatawagin akong
pinagpala; dahil sa mga dakilang bagay na ginawa sa akin ng
Makapangyarihan. Banal ang kanyang pangalan!”
 Ang salitang “makarios” na ginamit sa Griego sa Lumang Tipan ay resulta ng tamang

pamumuhay o katuwiran. Kung namuhay ka ng tama, ikaw ay pinagpala. Ang ibig
sabihin ng pagiging pinagpala ay nakatanggap ka tulad halimbawa ng mga
p. 5
makalupang bagay, o materyal na bagay: maaaring isang mabuting asawa, maraming

anak, masaganang pananim, kayamanan, karangalan, karunungan, mabuting
kalusugan, atbp.
 Sa Bagong Tipan, ang salitang “makarios” ay gaya ng inilalarawan sa "Ang Mapalad"
sa Mateo 5 at Lucas 6; ito ay ang maligayang kalagayan ng taong natagpuan ang
layunin at kalooban ng Diyos sa kaniyang buhay.
 Katulad ng Awit na ipinahayag ni Maria, ang pinakamagandang buhay ay
makakamtan ng mga taong may takot at umiibig sa Diyos at iniaangkop ang kaniyang
buhay ayon sa Salita ng Diyos.
 Sa Roma 4:6-8 ay nakaugnay ang pagpapalang ito sa mga taong pinatawad na ang
mga kasalanan dahil alam nilang naibalik na ang kanilang kaugnayan sa Diyos.
 Ang isa pang salitang Griego para sa pinagpala ay “eulogeo” na ang pakahulugan ay
pagsasaysay ng magagandang ulat at patotoo ng iba para sa isang tao.
 Sa 1 Pedro 3:9 ay itinuturo na pagpalain ang mga gumagawa sa atin ng masama, dahil
tinawag tayo upang tumanggap ng pagpapalang mula sa Diyos.
 Para kay Maria, inangkin niya na siya ay tatawaging pinagpala. Sa talatang 48 ay
sinabi niya ang dahilan, “sapagkat nilingap Niya akong kanyang abang alipin!”.
 Sa mga talataang 46-47 at 49, si Maria ay pinagpala bunga ng paglingap ng Diyos sa
kaniya na nagdulot upang mahayag ang:
1. pusong nagpupuri sa Panginoon
2. espiritung nagagalak sa Diyos na Tagapagligtas
3. mga dakilang gawa ng Diyos sa kaniyang buhay
II. TATANGGAP NG KAHABAGAN (Will Receive Mercy), tt.50-52

“Ang kanyang kahabagan ay para sa lahat ng salinlahing may takot sa kanya.
Ipinakita niya ang lakas ng kanyang mga bisig, nilito niya ang mga may
palalong isip. Tinanggal sa kanilang luklukan ang mga may kapangyarihan, at
itinaas ang mga nasa abang kalagayan.”
Ang KAHABAGAN NG DIYOS na natanggap ni Maria ay may tatlong kapahayagan:
1. Ito ay bagong kalagayan upang maranasan ang kabuuan ng Diyos.

Si Maria ay inilagay sa bagong kalagayan na may takot sa Diyos (tal. 50).
 Sa talata 50 ay sinabi ni Maria, “Ang kanyang kahabagan ay para sa lahat ng
salinlahing may takot sa kanya”.
 Tulad ni Maria, inilalagay tayo sa isang bagong kalagayan na kumikilala sa
Panginoon sa pamamagitan ng pagkatakot sa Kaniya kaysa pagkatakot sa ibang
bagay.
p. 6
Kawikaan 19:23, “Ang pagkatakot sa Panginoon ay patungo sa kabuhayan; at

ang nagtatangkilik noon ay tatahang may kasiyahan: hindi siya dadalawin ng
kasamaan.
2. Ito ay pagkamit sa isang bagong pananaw na nakasalig sa Tagapagligtas.

Bagama’t ang alalahanin at problema ng buhay sa lupa ay umiiral pa rin, ang
mabuhay na kalugud-lugod ay nagbibigay-kaaliwan sa kaniya na ang kahabagan ng
Diyos ay laging nakalaan.
 Si Maria ay nagkaroon ng isang bagong pananaw tungkol sa Diyos.
1. Kinilala niya ang mahabaging Diyos (tal. 50).
2. Kinilala niya ang lakas ng bisig ng Panginoon (tal. 51a).
3. Kinilala niya ang karunungan ng Diyos (tal. 51b).
Awit 9:10, “At silang nangakakaalam ng iyong pangalan ay maglalagak ng
kanilang tiwala sa iyo; sapagka't ikaw, Panginoon, ay hindi mo pinabayaan sila
na nagsisihanap sa iyo.”
3. Ito ay pag-aalis sa kadustaan at pagtataas sa abang kalagayan

Sa talatang 52 ay sinabi ni Maria na, “Tinanggal sa kanilang luklukan ang mga may
kapangyarihan, at itinaas ang mga nasa abang kalagayan.”
 Para kay Maria, ito ay isang balitang nagbibigay-galak sa kaniyang puso, sapagkat
ito ay nagbibigay-daan patungo sa isang mainam na kalagayan hindi lamang sa
kaniyang sarili kundi maging sa lipunan.
 Nang panahong iyon, sila ay nasa ilalim ng pamamahala ng Imperyong Roma na
sumisikil sa kanilang kalayaan. Ang buong Israel ay nasa mahigpit na
pamamahala ng Imperyong sumisimot sa kanilang karangyaan. Bunga nito, ang
lahat ay nagdarahop at natatakot dahil sa kasakiman at pang-aapi ng mga nasa
kapangyarihan.
 Ang salitang pinagpala ay hindi nakaugnay sa salitang “masaya” na kadalasan ay
sinasabi nang magkadugtong na, “Masaya ka dahil pinagpala ka o pinagpala ka
kaya masaya ka”.
 Ang salitang “masaya “ay nagmula sa "hap" na ang ibig sabihin ay suwerte o
sinuwerte dahil sa isang paborableng pangyayari. Ang aktuwal na konsepto ng
"masaya" o “masuwerte” ay hindi ipinahahayag ng salitang pinagpala sa wikang
Griyego na makarios.
 Kapag naalis ang konsepto ng "masaya", nagiging malinaw ang kahulugan nito na
nagpapakita na ang makarios o pinagpala ay tumutukoy sa pananampalataya kay
Cristo na nagagalak at panatag sa gitna ng mga paghihirap ng buhay dahil sa
nananahang kapuspusan ng Espiritu Santo.
 Ang kagalakan at kapanatagan sa gitna ng paghihirap ay banal na gawa ng
kahabagan ng Diyos sa tao.
p. 7
 Si Maria ay nakaranas ng kapunuan sa kaniyang buhay. Ang sanggol na si Jesus

sa kaniyang sinapupunan ay sumasagisag sa dakilang gawa ng Diyos sa kaniya.
 Ang pag-aalis sa kadustaan at pagtataas sa abang kalagayan ay resulta ng
mainam na kalagayan ng isang tao sa sandaling maranasan niya ang kahabagan
ng Diyos at dahil dito siya ay pinagpala.
III. TULONG NA SAGANA AT TAGUMPAY SA TUWINA (Help and Victory Abound), tt.
53-55
“Pinasagana niya sa mabubuting bagay ang mga kapus-palad, at pinaalis nang
walang dalang anuman ang mga mayayaman. Tinulungan niya ang Israel na
kanyang lingkod, at hindi niya kinalimutang kahabagan ito. Tulad ng kanyang
ipinangako sa ating mga ninuno, kay Abraham at sa lahi nito,
magpakailanman!”
 Mula sa mga estropa ng awit ni Maria ay makikita natin na ang napakabuting bagay
na nangyari sa kaniya ay hindi nananatiling personal na karanasan. Sa mga talataang
53-54 ay ipinakikitang ito ay extended na karanasan din ng bawat indibidwal at ng
buong bansang Israel.
 Ang pagsagana sa mabubuting bagay para sa mga kapus-palad ay isang
napakagandang pangarap na maabot ng isang bansa.
May tatlong (3) ANYO NG PAGPAPALA tayong makikita sa sinabi ni Maria:
1. Ang pagdanas ng mga kasalatan ay pinalitan ng kasaganaan.

Sinabi ni Maria sa talatang 53 na, “Pinasagana Niya sa mabubuting bagay ang mga
kapus-palad, at pinaalis nang walang dalang anuman ang mga mayayaman.”
 Noong Disyembre 1984, ilang araw bago magpasko at katatapos lang ma-release
ng pamaskong awit na "Do They Know It's Christmas?", ang musikero at
aktibistang si Harry Belafonte ay nagsimulang mag-isip tungkol sa isang
American benefit single para sa African famine relief sapagkat nang panahong
iyon, ang Africa ay dumaranas ng kalunus-lunos na taggutom. Mula sa
inspirasyon ng pamaskong awit na ito ay nabuo ang popular song na “We Are the
World” noong March 7, 1985.
 Sa isang huling monologo kasama si Fonda, binanggit niya ang isang quote mula
kay John Donne na nagsasabing, "Ang kamatayan ng sinumang tao ay
nakababawas sa akin, dahil ako ay kasangkot sa sangkatauhan" (Any man’s death
diminishes me, because I am involved in mankind). Naisip niya na sa pag-iwas sa
krisis, "Unti-unti nating pinapatay ang ating kunsensya. At iyon na siguro ang
pinakamasakit na kamatayan sa lahat."
 Ang Panginoong Jesus ang tugon sa lahat ng ating kasalatan (Juan 10:10b).
p. 8
2. Ang pagkamahabagin ng makatarungang Diyos.

Sinabi ni Maria sa talatang 54 na, “Tinulungan niya ang Israel na kanyang lingkod,
at hindi niya kinalimutang kahabagan ito.”
 Ang Diyos ay Mahabagin subalit Siya rin ay Makatarungan. Katangian na ng

Diyos ang pagiging makatarungan at pagkamahabagin na ipinakikita sa Awit
145:8–9 nang sinabi ni David na ang Diyos ay, “Mapagmahal at punô ng habag,
hindi madaling magalit, ang pag-ibig ay wagas. Siya ay mabuti at kahit kanino'y
hindi nagtatangi; sa kanyang nilikha, pagkalinga niya ay mamamalagi”.
 Ang kahabagan ay Kaniyang ipinadarama sa pamamagitan ng katarungan,
samantalang ang katarungan ay ipinahahayag sa Kaniyang kahabagan.
 Inihayag ng Diyos ang dalawang katangian ng Kaniyang karakter at ang mga ito
ay laging naroroon at nagkakaisa bilang sagisag ng Kaniyang pagmamahal sa
pagliligtas ng sangkatauhan.
 Ipinadarama ng Diyos ang Kaniyang kahabagan sa mga hindi karapat-dapat na
nagtitiwala sa Kaniya para sa kanilang kaligtasan, subalit ipinadarama rin Niya
ang Kaniyang katarungan upang maglapat ng kaparusahan at pagtutuwid.
 Sinabi ni Pablo sa aklat ng Colosas 3:5–6, “Patayin ninyo ang anumang makalupa
na nasa inyo: pakikiapid, karumihan, masamang pita, masasamang pagnanasa, at
kasakiman na ito'y pagsamba sa mga diyus-diyosan. Dahil sa mga bagay na ito ay
dumarating ang poot ng Diyos sa mga anak ng pagsuway”.
3. Ang pagpapatuloy ng mga pangako kay Abraham patungo sa atin

Talatang 55, “Tulad ng kanyang ipinangako sa ating mga ninuno, kay Abraham at sa
lahi nito, magpakailanman!”
 Ang pagbanggit ni Maria sa kaniyang mga ninuno at kay Abraham ay direktang

tumutukoy sa kaniyang koneksyon dito at ang lahat ng pribilehiyong laan na
ipinagkaloob kay Abraham ay nagpapatuloy sa kaniya dahil siya ay lehitimong
nagmula sa lahi nito (Mateo 1:1-17).
 Sa Genesis 12:2-3, sinabi ng Diyos kay Abraham, “Gagawin kitang isang malaking
bansa, ikaw ay aking pagpapalain, gagawin kong dakila ang iyong pangalan, at
ikaw ay magiging isang pagpapala. Pagpapalain ko ang magbibigay ng pagpapala
sa iyo, at susumpain ko ang mga susumpa sa iyo; at sa pamamagitan mo ang lahat
ng angkan sa lupa ay pagpapalain”.
 Dahil dito, nagpapatuloy ang pangako ng Diyos, ito ay naranasan ni Maria at
ipinagkaloob ang pribilehiyong ito upang maranasan din natin; “at sa
pamamagitan mo (sa pamamagitan ni Abraham), ang lahat ng angkan sa lupa ay
pagpapalain”. Dapat nating malaman na ikaw at ako ay bahagi ng ‘lahat ng tao sa
lupa’.
 Ang pangako ay nilagom ni Maria sa mga sumusunod:
p. 9
 Pasasaganahin Niya ang lahat sa mabubuting bagay (tal. 53)

 Pagtulong at pagmamalasakit Niya sa Kaniyang mga lingkod (tal. 54)
 Pangakong kahabagan magpakailanman (tal. 55)
PAGTATAPOS:
 Katulad ni Maria, taglay natin ang taguring pinagpala dahil sa biyaya ng kaligtasang
buhat sa Panginoong Jesus.
Efeso 2:8, “Ito ay sapagkat sa biyaya kayo naligtas sa pamamagitan ng
pananampalataya, at ito ay hindi sa inyong sarili, ito ay kaloob ng Diyos.”
 Napakaganda ring pagbulayan ang isinasaad ng Awit 33:12, “Mapalad ang bansa na ang
Dios ay ang PANGINOON. At mapalad ang mga taong pinili niya na maging kanya”.
 Ang Panginoon ay naghihintay na dumating ang Mesias sa bawat isa sa atin upang tayo
ay lubos na madulutan ng kagalakang walang katumbas;
Isaias 30:18, “At dahil dito maghihintay ang Panginoon, upang siya'y maging
mapagbiyaya sa inyo, at kaya't mabubunyi siya, na siya'y magdadalang habag sa inyo:
sapagka't ang Panginoon ay Dios ng kahatulan; mapapalad yaong lahat na
nangaghihintay sa kaniya.”
Ang paghihintay sa Mesias ay may kagalakang walang katumbas!

Purihin ang Panginoon!
p. 10
IKALAWANG GABI
Disyembre 17, 2021
PAMAGAT
“Ebanghelyo ni Cristo,
Liwanag sa Madilim na Mundo”
BATAYANG TALATA
Lucas 2:8-20
(Basahin lamang ang talataang 10-11)
Ngunit sinabi sa kanila ng anghel, “Huwag kayong
matakot! Ako'y may dalang magandang balita para sa
inyo na magdudulot ng malaking kagalakan sa lahat ng
tao. Isinilang sa inyo ngayon sa bayan ni David ang
Tagapagligtas, ang Cristong Panginoon”.
KAISIPANG SENTRAL
Sa gitna ng madilim na gabi,
nagliwanag ang mundo dahil kay Cristo.
p. 11
PANIMULA:
 Ang pamaskong awitin na “It Came Upon a Midnight Clear” ay isinulat ng isang
Amerikanong Pastor na si Reverend Edmund Hamilton Sears noong 1849. Isinulat niya
ang awiting ito sa kapanglawan noong panahon ng kaguluhan at balita ng digmaan ng
Estados Unidos sa Mexico at rebolusyon sa Europa. Ito ay mga kaguluhang nagpahirap
nang husto sa kanyang isipan. Nakipaglaban siya sa madilim na mundo na "puno ng
kasalanan at alitan" at mundong hindi "nakikinig sa mensahe ng ebanghelyo". Ang
magulong konteksto na matatagpuan sa kanta ay hango sa magulong panahon kung saan
siya nabuhay.
 Ang bawat salita sa awiting ito ay tumutugon para sa mga "nasa ilalim ng mabigat na
pasan", na himukin ang mga makikinig na pakinggang muli sa pag-awit ang mga anghel
sa kadakilaan ng pagliligtas ng Diyos sa madilim na mundo sa pamamagitan ni Cristo.
 Narito ang IEMELIF translation ng “It Came Upon the Midnight Clear”, sa Imno bilang 253,
“ISANG GABING MABITUWIN” (Maaaring awitin ng magsesermon o ipaawit sa
kongregasyon).
Isang gabing mabituwin, sa lupa’y dumating,
Balitang sa langit galing, Dios ang may pasabing
Sa lupay kapayapaan, buhat kalangitan;
Sa maralitang sabsaban, si Cristoy sumilang.
Pastores na nagbabantay ng kawan sa parang,

Ang unang binalitaan, na syang gising lamang.
Buong mundo’y nahihimbing, tulog ay malalim:
Talang anong pagkaningning ang nikat sa belen.
Kaya lahat ay magalak, Mayaman at salat,

Maging marunong at pahat, magdiwang na lahat.
Bata’t matanda’y magsikap, ang puso’y ibukas,
Si Cristo na Manliligtas, Ngayo’y inianak.
Ang pagsilang ng Mesias ay kapahayagan ng:
I. MAGANDANG BALITA SA LAHAT NG TAO (tt. 8-12)

“Sa lupain ding iyon ay may mga tagapag-alaga ng mga tupa na namamalagi sa parang.
Binabantayan nila sa gabi ang kanilang kawan. Narito, tumayo sa tabi nila ang isang
anghel ng Panginoon. Ang kaluwalhatian ng Panginoon ay nagliwanag sa palibot nila at
sila ay lubhang natakot. Sinabi sa kanila ng anghel: ‘Huwag kayong matakot. Narito,
inihahayag ko sa inyo ang ebanghelyo ng malaking kagalakan para sa lahat ng mga tao.
Ito ay sapagkat sa araw na ito sa lungsod ni David ay ipinanganak sa inyo ang isang
Tagapagligtas. Siya ang Cristo na Panginoon. Ito ang palatandaan ninyo. Inyong
p. 12
masusumpungan ang sanggol na nababalot ng mga mahabang tela at nakahiga sa isang

sabsaban.’”
 Ang unang pagpapahayag ng pagsilang ni Cristo ay ang kaluwalhatian ng Panginoon

na nagliwanag sa kadiliman ng gabi. Angkop na angkop ang oras nang Siya ay
ipanganak sapagka’t ang mundo ay nasa panahon ng espirituwal na kadiliman.
 Si Cristo ay ipinanganak upang liwanagan ang mga nasa kadiliman ng kasalanan
(Rom. 13:12-13).
 Ang kapanganakan sa gabing iyon ay tagumpay sa mga kapangyarihan ng kadiliman
(Efe. 6:12-18), sapagkat ang Magandang Balita ay kapangyarihan ng Diyos (Roma
1:16-17).
Ang Magandang Balita sa lahat ng tao ay:

a. Nagdudulot ng pag-asa sa may takot at pangamba
 Ang oras ng gabi ay isang paglalarawan ng kadiliman na ating pinagdaraanan. Sa
talata 8 ay sinasabing sa lupaing iyon ay may mga pastol ng mga tupa na nasa
parang at binabantayan nila ang kanilang kawan sa kalaliman ng gabi.
 Ano ang kahulugan ng gabi sa mga pastol hanggang sa dumating ang mga anghel?
1. Ang gabi ay panahon ng pagod at pag-aalala sa kanilang mga tupa.
2. Ang gabi ay ang pagtatapos ng isang araw ng hindi nawala ang pangamba at
takot.
3. Ang gabi ay panahon ng kawalan ng katiyakan sa kung ano ang maaaring
mangyari habang sila ay natutulog.
 Nang tumayo sa tabi nila ang isang anghel ng Panginoon, ang kaluwalhatian ng
Panginoon ay nagliwanag sa palibot nila.
 The birth of the Messiah changed that moment and turned it into a night of hope.
Nang sandaling iyon sa lungsod ni David ay ipinanganak sa kanila ang isang
Tagapagligtas. Siya ang Cristo na Panginoon (Lucas 2:11).
 The glory of the Lord shone in the darkness of the night. Nagpuri ang buong
kalangitan at binasag ang katahimikan ng kawalan at pinalitan ng malaking pag-
asa sa sanlibutan. Si Jesus ang liwanag ng sanlibutan (Juan 1:9).
 The light shines in the darkness, and the darkness has not overcome it. Dahil lamang
kay Jesus kung kaya nakikita natin ang Liwanag, nakikilala ang Liwanag, at
nakalalakad sa Liwanag (Juan 1:4-5).
b. Nagdudulot ng malaking kagalakan sa gitna ng kapighatian

 Ang salitang pighati o kapighatian ay nagmula sa salitang Latin na tribulatiōnis.
Ang pighati o kapighatian ay kasingkahulugan sa ating wika na; labis na
kalungkutan o pagdurusa sa puso, na nagpapahirap sa isang di-pinalad na nilalang
na dumaraan sa isang masaklap na pangyayari.
p. 13
 Ito ay tumutukoy sa damdamin na nakaugnay sa sakit na ginawa ng isang tao o

isang pagkabiglang dikta ng hindi maiiwasang sitwasyon na nagbunga ng
matinding paghihirap. Halimbawa: "Ang pandemya ng CoViD-19 ay nagdulot ng
kapighatian, bunga nito ang daigdig ay labis na nagdusa sa puso dahil sa
masamang epektong idinulot nito".
 May mga dumaranas ng kawalang-katarungan, mahinang kalusugan, kawalan ng
trabaho, pagdadalamhati, o iba pang dahilan ng kabalisahan. Dahil dito, unti-
unting nawawala ang kanilang kagalakan. Kahit na mga lingkod ng Diyos ay
puwedeng masiraan ng loob.
 Alam ng ating Diyos ang kalagayang ito, kung kaya isinilang si Jesus upang
magdulot ng kagalakan sa sanlibutan.
 Joy is more than just being cheerful. Para ilarawan: Nakarami ng inom ang isang
tao at tawa siya nang tawa. Pero nang wala na ang epekto ng alak, tumigil siya sa
pagtawa at muling nalungkot dahil naalaala niya ang problemado niyang buhay.
Kaya ang kaniyang pansamantalang kasiyahan ay hindi tunay na kagalakan
(Kawikaan 14:13).
 Joy is an intense emotion in the heart and must be shared. Ang kagalakan ay ang
pagiging maligaya, kaayaaya man ang sitwasyon o hindi (1 Tesalonica 1:6).
 Joy is being able to remain faithful in spite of sufferings. Ang kagalakan ay isang
kakayahan na makapanatiling tapat sa kabila ng mga pagdurusa na nararanasan
ng isang mananampalataya (Gawa 5:41).
Sa isang taon at siyam na buwang karanasan natin sa pandemyang ito ay masasabi

nating ang Magandang Balita ng pagsilang ni Jesus ay napakainam ipagdiwang. Ito ay
napakainam ipagdiwang sapagkat nagdudulot ito ng pag-asa sa kabila ng takot at
pangamba sa mapanganib na karamdamang dulot ng CoViD-19. Sa kabilang banda, ang
magandang balita ng pagsilang ni Jesus ay nagdudulot ng kagalakan sa gitna ng
kapighatian na kahit anuman ang pagdaanan nating unpleasant circumstances ay may
kagalakan natin itong mahaharap because the joy of the Lord is our strength.
 Nehemiah 8:10, Nehemiah said, “Go and enjoy choice food and sweet drinks, and
send some to those who have nothing prepared. This day is holy to our Lord. Do not
grieve, for the joy of the LORD is your strength.”
Ang pagsilang ng Mesias ay kapahayagan ng…
II. KAPAYAPAAN SA MGA TAONG KINALULUGDAN NIYA (tt.13-17)

At biglang lumitaw ang isang karamihan ng hukbo ng langit na kasama ng anghel na iyon. Sila ay
nagpupuri sa Diyos at nagsasabi: “Luwalhati sa Diyos sa kataas-taasan, sa lupa ay kapayapaan, sa mga
tao ay kaluguran. Nangyari, nang ang mga anghel ay umalis patungo sa langit, ang mga tagapag-alaga
ng tupa ay nag-usap-usap. Sinabi nila sa isa’t isa: Pumunta tayo hanggang sa Bethlehem. Tingnan natin
ang bagay na ito na nangyari, na ipinaalam sa atin ng Panginoon. Sila ay nagmadaling pumunta roon.
p. 14
Nasumpungan nila roon si Maria at si Jose, at ang sanggol na nakahiga sa sabsaban. Pagkakita nila,
kanilang ipinamalita ang salitang sinabi sa kanila patungkol sa sanggol na ito.
 Sa pag-aaral ng mga tagapagsulong ng kapayapaan ay sinabi nila na kaya hindi

nagkakaroon ng tunay na kapayapaan ang isang tao ay dahil sa ang mundong ito ay
punô ng pagdurusa at kaguluhan.
 Nagbibigay ang Diyos ng maraming mabubuting bagay, kasama ang kapayapaan sa
gitna ng mga pagdurusa na ating nararanasan. Ang pagdidisiplina at pagsaway ng
Panginoon ay nagdadala sa atin ng "kapayapaang bunga ng pagsasanay sa matuwid
na pamumuhay" (Hebreo 12:11).
 Nagkakaloob ang mga iyon ng isang panibagong pagkakataon para sa pag-asa sa
Diyos at sa pagpupuri sa Kanya (Awit 43:5).
 Tinutulungan tayo ng mga iyon para tulungang aliwin ang iba kung dumaraan sila sa
mga parehong pagsubok at kahirapan (2 Corinto 1:4), at ang bahagya at
panandaliang kapighatiang dinaranas natin ngayon ay magbubunga ng kagalakang
walang hanggan at walang katulad (2 Corinto 4:17).
 Ang kapayapaan ng isip at kapanatagan ng espiritu ay makakamtan lamang kung
may tunay tayong kapayapaan sa Diyos sa pamamagitan ng paghahandog ni Cristo
sa krus bilang kabayaran para sa ating mga kasalanan.
 Ang mga sumusubok na makatagpo ng kapayapaan sa makamundong pamamaraan
ay nabibigo sapagkat ang kapayapaan ay makakamtan sa pamamagitan ng isang
malapit na kaugnayan at ganap na pagtitiwala sa Diyos na "magbibigay ng lahat ng
ating kailangan sa pamamagitan ni Cristo Jesus" (Filipos 4:19).
 Juan 16:33, “Ang mga bagay na ito ay sinalita ko sa inyo, upang kayo'y magkaroon sa
akin ng kapayapaan. Sa sanglibutan ay mayroon kayong kapighatian: nguni't laksan
ninyo ang loob; aking dinaig ang sanglibutan.”
a. Ang kapayapaan ay matatagpuan lamang kay Jesus

 Ang Magandang Balita ng pagsilang ni Jesus ay nagbigay ng magandang larawan
sa Biblia sa pag-unlad ng kahulugan ng mga salitang shalom at eirene mula noon
hanggang sa kasalukuyan. Ipinakikita nito sa atin na ang layunin ng Diyos sa
pagtubos sa pamamagitan ni Cristo ay ang pagpapanumbalik ng nawala dahil sa
pagkahulog ng tao sa kasalanan.
 Ang salitang shalom na mula sa wikang Hebreo na kapayapaan ay ginamit upang
ilarawan ang pagiging kalmante at katahimikan ng isang tao, isang grupo, o
bansa.
 Ang salitang eirene naman ay mula sa wikang Griyego na ang ibig sabihin ay
kapayapaan na nangangahulugan ng “pagkakaisa at pagkakasundo”.
 Ngunit kung pag-aaralan nang mas malalim, ang pundasyong kahulugan ng
salitang kapayapaan ay “pagkakasundo at paglalagay sa wasto ng lahat ng bagay
na bunga ng panunumbalik ng tao sa Diyos sa pamamagitan ni Jesus”. Ibig
p. 15
sabihin nito, ang tao ay makatatagpo ng tunay na karanasan ng

kapayapaan sa sandaling siya ay manalig sa Panginoong Jesus.
 Ang Magandang Balita ay inihayag upang makatagpo tayo ng kapayapaan kay
Jesus, “Ang kapayapaan ay iniiwan ko sa inyo; ang aking kapayapaan ay
ibinibigay ko sa inyo” (Juan 14:27).
 Sa karanasan ng mga pastol, natagpuan nila ang Mesias batay sa ipinahayag sa
kanila ng anghel, kung kaya ang kanilang takot ay napalitan ng kapayapaan o
shalom ng Diyos na nagdulot sa kanila ng bagong damdamin batay sa t.15.
b. Ang mga taong kinalulugdan ay nagsusulong ng kapayapaan (tt.15-17)

“Nangyari, nang ang mga anghel ay umalis patungo sa langit, ang mga tagapag-
alaga ng tupa ay nag-usap-usap. Sinabi nila sa isa’t isa: Pumunta tayo hanggang sa
Bethlehem. Tingnan natin ang bagay na ito na nangyari, na ipinaalam sa atin ng
Panginoon. Sila ay nagmadaling pumunta roon. Nasumpungan nila roon si Maria at
si Jose, at ang sanggol na nakahiga sa sabsaban. Pagkakita nila, kanilang
ipinamalita ang salitang sinabi sa kanila patungkol sa sanggol na ito.”
 Hindi nila sinayang ang panahon na ang mabuting balita ay kanilang alamin.
Ang damdamin nilang ito ay hindi bugso ng pagkabigla kundi ng kanilang
pananabik sa balitang matagal na nilang inaasam (tal. 15).
 Ang isang napakagandang ginawa ng mga pastol na makikita natin sa talatang
17 ay ipinamalita nila ang salitang sinabi sa kanila patungkol sa sanggol.
 Ito ay napakahalagang sandali ng tinatawag na “The night when the shepherds
go on mission”, na siyang pinakapusong diwa ng Juan 3:16 – ang Diyos ay
lumabas at nagmisyon dahil sa laki ng pag-ibig sa sanlibutan.
 Katulad ng mga pastol, tayo ay may misyon, subalit mahalagang kilalanin natin
na tayo ay mga mananampalatayang sinusugo sa misyon.
 Ang misyon natin ay ikalat ang mabuting balita nang may pag-ibig sa diwa ng
kapayapaan.
 Mga Taga-Efeso 6:15, “Isuot ninyo ang sandalyas ng pagiging handa sa
pangangaral ng Magandang Balita ng kapayapaan.”
PAGTATAPOS:
 Ang pagpupuri at kasabikang dakilain ang Diyos sa tal. 18-20 ay resulta ng mabuting
balita at kapayapaan sa mga taong kinalulugdan Niya.
 Bilang mga Cristiano, ipinagdiriwang natin ang Pasko bilang kapanganakan ni Jesus –
ang ipinangakong Mesias. Naparito si Jesus upang magdala ng pag-asa, pagpapatawad
at baguhin ang puso ng mga tao, dahil ditto, ang tao ay nagkakaroon ng himala ng
pagbabago. Ito ay bunga ng Ebanghelyo ni Cristo.
 When you understand the true meaning of Christmas, it brings about a change in your
heart and outlook on life.
p. 16
 Ang kapanganakan ni Jesus ay nagdudulot ng maraming mga makabuluhang

pagbabago. Ang mga pastol ay nakaranas ng iba't ibang pagbabago. Mula sa kanilang
mga karanasan natututo tayo ng ilang mga prinsipyo sa buhay na dapat isabuhay.
Noong unang panahon, may naghari sa Persia na isang matalino at mabuting
hari. Minahal niya ang kanyang mga mamamayan. Gusto niyang malaman kung
paano sila nabubuhay. Nais niyang malaman ang tungkol sa kanilang paghihirap.
Kadalasan ay nakasuot siya ng damit ng isang nagtatrabahong tao o kaya ay pulubi,
at pumupunta sa mga tahanan ng mga dukha. Walang sinumang binisita niya ang
nag-isip na siya iyong kanilang hari.
Isang araw, binisita niya ang isang napakahirap na lalaki na nakatira sa isang
sulok. Kinain niya ang di kanais-nais na pagkain kasalo ng mahirap na iyon.
Masayahin, magiliw na mga salita ang sinabi ng lalaking mahirap na iyon sa kanya.
Tapos umalis na siya.
Kalaunan ay binisita niyang muli ang mahirap at isiniwalat ang kanyang
pagkakakilanlan sa pagsasabing, “Ako ang iyong hari!”, Akala ng hari, ang gagawin
ng lalaki, tiyak na humingi ng regalo o pabor sa kaniya, ngunit hindi nito ginawa. Sa
halip ay sinabi nito, “Iniwan mo ang iyong palasyo at ang iyong kaluwalhatian upang
dalawin ako sa madilim at mapanglaw na lugar na ito. Kinain mo ‘yung klase ng
pagkain na kinakain ko. Nagdala ka ng saya sa puso ko! Sa iba naibigay mo ang iyong
mga mayayamang regalo, ngunit sa akin. ibinigay mo ang sarili mo!".
 Ang Hari ng kaluwalhatian, ang Panginoong Jesu-Cristo, ay ibinigay ang Kanyang sarili
sa iyo at sa akin. Tinatawag Siya ng Biblia na, “the unspeakable gift!” (Source Unknown).
 Ang paglalakbay ng mga pastol patungo sa Betlehem ay direksyong patungo sa puso ng
Pasko, na kung saan ang Magandang Balita tungkol kay Cristo ay ang natatanging
paraan na makapagpapabago sa ating magulong mundo.
Ang puso ng Pasko ay si Cristo na nagliliwanag sa madilim na mundo!
p. 17
IKATLONG GABI
Disyembre 18, 2021
PAMAGAT
“Paglalakbay sa Kadiliman,
Gabay ng Diyos ay Asahan”
BATAYANG TALATA
Lucas 2:25-32
May isang tao noon sa Jerusalem na ang pangala'y Simeon, isang lalaking matuwid, may
takot sa Diyos at naghihintay sa katubusan ng Israel. Nasa kanya ang Espiritu Santo.
Ipinahayag ng Espiritu Santo sa kanya na hindi siya mamamatay hangga't hindi niya
nakikita ang Cristo na ipinangako ng Panginoon. Sa patnubay ng Espiritu, si Simeon ay
pumasok sa Templo. At nang dalhin doon nina Jose at Maria ang sanggol na si Jesus upang
tuparin ang ayon sa itinatakda ng Kautusan, kinarga ni Simeon ang sanggol. Pagkatapos,
nagpuri siya sa Diyos, “Ngayon, Panginoon, maaari na pong yumaong mapayapa ang
inyong abang alipin ayon sa inyong pangako. Yamang nakita na po ng aking mga mata
ang inyong pagliligtas, na inyong inihanda sa harapan ng lahat ng bansa. Ito po ay
liwanag na tatanglaw sa mga Hentil at magbibigay-dangal sa inyong bansang Israel”.
KAISIPANG SENTRAL
Nagpapahayag ang Espiritu Santo,
may pag-asa ang bawat tao.
p. 18
PANIMULA:
 Sa loob ng 700 taon, ang Israel ay sinakop ng mga dayuhang makapangyarihan at hindi
nila alam ang kalayaang manirahan sa kanilang sariling lupain sa ilalim ng kanilang
sariling pamamahala.
 Nang sila ay bumalik mula sa pagkatapon noong 535 BC ay mataas ang kanilang pag-
asa, ngunit ang Imperyo ng Persia, ang Imperyong Griyego, at ang Imperyo ng Roma,
ay nagdulot ng pagdurusa sa kanila.
 Bumaba ang kanilang pag-asa, at lumakas ang kanilang pag-iyak para sa ipinangakong
Mesias: ang Mesias na magtatanggol at mag-aakay sa kanila na magbabalik sa
karangalan ng kaharian ni David, ang leon na magmumula kay Juda, ang kanilang pag-
asa (Pahayag 5:5).
 Ang isa ay kailangang mag-isip kung naririnig ba siya ng Diyos o ang Mesias nga ba ay
darating pa.
 Nang matapos ang mabagsik at madugong pamamahala ni Alexander the Great sa edad
na 32, walang sinumang angkop na mamamahala sa kanyang itinatag na kaharian. Bago
mamatay ay nagtanong ang kanyang mga pinuno at sundalo kung sino ang hihiranging
kahalili niya. Sinabi niya sa kanilang lahat; “I will leave my empire to the strongest”.
 Nangako ang Diyos na magkakaroon ng isang haring ipadadala upang mamahala at
magpaabot ng mga pagpapala sa bayan ng Diyos.
 Isang hari na binigyan ng napakataas na titulo: "Makapangyarihang Diyos", "Amang
Walang Hanggan", at "Prinsipe ng Kapayapaan". Kapag dumating ang haring ito, siya
ang magiging sagisag ng kapangyarihan at presensya ng Diyos ng Israel (Isaias 9:6-7).
 Magiging dakila siya at tatawaging Anak ng Kataas-taasang Diyos. Ibibigay sa kanya ng
Panginoong Diyos ang trono ng ninuno niyang si David. Maghahari siya sa mga lahi ni
Jacob magpakailanman; ang paghahari niya ay walang katapusan (Lucas 1:32-33).
 At ang pangako sa kanyang bayan sa Isaiah 9:2, “The people who walk in darkness will
see a great light; Those who live in a dark land, the light will shine on them”, ay katulad
ng paglalakbay sa madilim na lupain, may pag-asang liwanag na darating.
Ano ang mahalagang ipinakikita ng Diyos sa kabila ng maraming paniniwala na walang
narinig na anuman sa Kanya sa loob ng mahigit na 400 taon?
I. NATUTUPAD ANG PAHAYAG NG BANAL NA ESPIRITU (tt. 25-28)

(Fulfilled revelation of the Holy Spirit)
May isang tao noon sa Jerusalem na ang pangala'y Simeon, isang lalaking matuwid, may takot sa Diyos
at naghihintay sa katubusan ng Israel. Nasa kanya ang Espiritu Santo. Ipinahayag ng Espiritu Santo sa
kanya na hindi siya mamamatay hangga't hindi niya nakikita ang Cristo na ipinangako ng Panginoon.
Sa patnubay ng Espiritu, si Simeon ay pumasok sa Templo. At nang dalhin doon nina Jose at Maria ang
sanggol na si Jesus upang tuparin ang ayon sa itinatakda ng Kautusan, kinarga ni Simeon ang sanggol.
Pagkatapos, nagpuri siya sa Diyos.
p. 19
 Ang 400 years of God’s silence o taon ng katahimikan ay tumutukoy sa panahon kung
saan hindi nakipag-usap ang Diyos sa mga Hudyo. Sinasabing ito ay sa pagitan ng
Lumang Tipan na isinaad sa Malakias 4:5-6, “Narito, isusugo ko sa inyo si Elias na
propeta bago dumating ang dakila at kakilakilabot na araw ng Panginoon. Ibabalik
niya ang puso ng mga ama sa kanilang mga anak at ang puso ng mga anak sa kanilang
mga ama, upang hindi ako pumarito at sasaktan ang lupain ng sumpa”, at nagtapos
sa pagdating ni Propeta Juan Bautista, ang maghahanda sa daraanan ng Mesias sa
Bagong Tipan. Ang 400 taong katahimikan sa panahon ng Lumang Tipan ay
nagsasara sa pangwakas na babala at nagbubukas sa bagong yugto para sa
ipinangakong pagsilang ng Mesias (Mateo 1:1-17).
 Bagama’t ang terminong “God’s silence” ay lumalabas sa pagsusuri ng mga iskolar sa
Biblia, gayunpaman, hindi ito nangangahulugan na sa panahong iyon ay walang
anumang pagkilos mula sa Diyos.
 Ang Banal na Espiritu ay gumagawa over the course of time. Ito ay nangangahulugan
na, things get better as the Holy Spirit works over the course of time.
 Nangusap Siya noon, nangungusap Siya hanggang ngayon (Hebreo 1:1-2).
Dito ay makikita natin na…

a. Nangungusap ang Banal na Espiritu sa pusong nagtitiwala.
 Una nating dapat matutuhan na ang paghihintay sa pangako ng Diyos ay katulad
ng ginawa ni Simeon; siya ay buong pusong nagtiwala sa Diyos.
 Nangangahulugan ito ng pagpapaubaya sa Diyos ng ating pagtitiwala na
darating Siya at tutuparin ang Kanyang mga pangako.
 Sa pagitan ng panahon ni Malakias at pagdating ng Mesias ay maraming hula sa
aklat ni Daniel ang natupad (Daniel 8:14). Gayunpaman, hindi nila ginamit ang
mga natupad na mga propesiya sa loob ng 400 taon na ibinigay sa kanila upang
magsaliksik sa mga Kasulatan, at hanapin ang Diyos (Awit 43-44), upang
makatiyak sila na ang sentro ng lahat ng ito ay paghahanda para sa darating na
Mesias. Sa katunayan, sila ay nagbulag-bulagan at nagbingi-bingihan hanggang
sa puntong nawalan na sila ng kakayahang isaisip ang konsepto ng paparating
na abang Mesias (Zacarias 9:9; Isaias 6:10; Juan 12:40).
 Aktibo ang Banal na Espiritu sa buhay ni Simeon dahil siya ay buong pusong
nagtiwala sa Diyos.
b. Gumagabay ang Banal na Espiritu sa pusong nagtatapat.
 Ipinakikita sa buhay ni Simeon na siya ay matuwid, may takot sa Diyos, at
naghihintay sa katubusan ng Israel (tal. 25).
 Bagama’t maiksi lamang ang naitala sa kasaysayan tungkol kay Simeon ay
nagdadala siya ng isang katotohanang – ang Diyos ay gumagabay sa sinumang
buong pusong nagtatapat, namumuhay nang matuwid, at naglalagay ng
kanyang pag-asa sa Panginoon.
p. 20
 Tayo ay nasa panahon ng panalangin, paghihintay, at taimtim na pananabik sa

presensya ng ating Panginoon. Kamusta ang ating pagtatapat?
 Katulad ni Simeon, ang Banal na Espiritu ang magpapahayag at gagabay tungo
sa pagkaunawa sa mga kalooban ng Diyos para sa atin maging sa panahon man
na tayo ay nasa pandemya.
II. NARARANASAN ANG PANGAKO NG PAGLILIGTAS (tt.29-32)

(Experiencing the Promise of Salvation)
“Ngayon, Panginoon, maaari na pong yumaong mapayapa ang inyong abang alipin ayon
sa inyong pangako. Yamang nakita na po ng aking mga mata ang inyong pagliligtas, na
inyong inihanda sa harapan ng lahat ng bansa. Ito po ay liwanag na tatanglaw sa mga
Hentil at magbibigay-dangal sa inyong bansang Israel”.
 Praise God for sending the world’s deliverer. Katulad ni Simeon, nakapapayapa ng
puso ang mabatid na ang mga pangako ng Diyos sa kanya ay natupad.
 Sa talatang 29 ay ini-express ni Simeon ang greatest praise of his life. He exalted the
Lord in the highest form of praise beyond his existence in this life.
 His vision of God's salvation was enough evidence that he had almost seen its fulfillment
(tal. 30).
 God keeps His promises. Joshua 23:14 (NIV), “Now I am about to go the way of all the
earth. You know with all your heart and soul that not one of all the good promises the
Lord your God gave you has failed. Every promise has been fulfilled; not one has
failed”.
Ano ang pagliligtas ng Diyos?

a. Ito ay pagpapadama ng Kanyang pag-ibig sa atin.
 Ang kaligtasan ng Diyos ay biyaya na nag-uumapaw sa dakilang pag-ibig at awa
Niya para sa sangkatauhan (Efeso 2:8-9).
 Ang pagtamo natin nito ay nangangahulugan na nagawang ipadama sa atin ng
Diyos ang Kanyang pag-ibig sa kabila ng ating pagiging makasalanan (Roma
5:8).
 Bunga nito, tayo ay marapat mamuhay sa pag-ibig ng Diyos.
 “Dito nahayag ang pag-ibig ng Dios sa atin, sapagka't sinugo ng Diyos ang
Kaniyang bugtong na Anak sa sanglibutan upang tayo'y mabuhay sa
pamamagitan niya” (1 Juan 4:9).
 Nang matanggap ang kaligtasan ng Diyos, dapat sundin ang Kanyang mga salita
at gawain, isagawa ang mga salita ng Diyos, sumunod sa paraan ng Diyos (Awit
119:1-3).
 Mahalin natin Diyos at ang ating kapwa (Mateo 22:37-38).
 Purihin, pasalamatan, at isaysay ang Kanyang pag-ibig sa mundo (Awit 9:1-2).
p. 21
b. Ito ay pagkilala sa katotohanan ng Diyos.

 Walang hinihingi ang Diyos upang simulan ang paglalakbay patungo sa Kanya
kundi ang kilalanin si Jesus sapagkat Siya ang katotohanan (Juan 14:6). Matapos
nating tanggapin ang katotohanang ito ay binigyan tayo ni Jesus ng buhay sa
pamamagitan ng paghahandog Niya ng Kanyang sarili upang hindi na tayo
mahadlangan ng ating kasalanan sa paglapit natin sa Diyos (Hebreo 9:11-14).
 Bunga nito, ang katotohanan kapag nahayag sa ating buhay ay nagpapalaya sa
atin (Juan 8:32) upang tayo ay hamunin na mamuhay na nakaayon dito;
“Halikayo, mga lahi ni Jacob, mamuhay tayo sa katotohanan, na ibinigay sa atin
ng Panginoon” (Isaias 2:5).
 Kinakailangan ng pagtatalaga ng sarili sa pagsunod sa Banal na Kasulatan upang
maging ganap ang pagkakilala sa Diyos. Nilikha tayo upang iukol ang ating
buhay sa paggawa ng mabuti (Efeso 2:10).
 Maging bahagi ng patuloy na pagpapahayag ng kabutihan ng Diyos.
Responsibilidad natin ang ipamuhay ang ating pananampalataya na nakikita ng
lahat sapagkat tayo ay asin at ilaw ng sanlibutan (Mateo 5:13-14), dinisenyo ng
Diyos upang magbigay ng lasa sa mundo at upang magsilbing maningning na
liwanag sa gitna ng kadiliman.
 Hindi lamang natin kailangang basahin ang Biblia, kundi dapat din nating ilapat
ito araw-araw sa ating buhay at manatili tayong tapat na sumusunod sa Kanya
(Hebreo 12). At humayo at ipangaral ang Ebanghelyo sukbit ang katotohanan
(Efeso 6:14-15).
PAGTATAPOS
 Ang mga nagsusuri sa kalagayan natin ngayon ay pawang nagsasabi na ang mundo ay
tila taong naglalakad sa kadiliman – walang kasiguruhan. At sa kanilang pag-aaral ay
tinawag nila itong VUCA World (Volatility, Uncertainty, Chaos, Agility), dahil sa epektong
dulot sa atin ng pandemya. Tunay na hindi katanggap-tanggap ang mga nangyayari sa
ating buhay, subalit kailangan tayong matutong harapin ito at buong pusong ipasa-
Diyos ang lahat. Manalig at magbulay kung ano ang mensahe sa atin ng trahedyang ito.
Manalangin, magpasalamat, at umasa na ang lahat ay ibabalik ng Diyos sa wasto.
 May awit tayo sa Imnario na nagpapahiwatig ng karanasan sa paglalakbay sa
madidilim na panahon, Imno #16 “ANG KARIMLAN NG GABIY LUMIPAS NA” (It Is
Morning in My Heart).
Ang karimlan ng gabi’y lumipas na, Sa puso ko’y umaga;
At ako’y nabubuhay na masaya, Sa puso ko’y umaga.
Umagang-umaga na sa puso ko, Hinawing lahat ang luksang anino;

May galak ang awit ko, pagkat Hari’y si Cristo, Umagang-umaga na sa puso ko.
p. 22
Awit ng ibo’y aking naririnig, Sa puso ko’y umaga,

Buhay ko ay bago nang aking batid, Sa puso ko’y umaga.
Sa puso’y lalagi ang kagalakan, Sa puso ko’y umaga,

Awit ko’y tuwa sa kabilang pampang, Sa puso ko’y umaga.
 Kahit madama nating naguguluhan tayo sa kasalukuyan nating kalagayan, nangako ang
Diyos na may pag-asa sa paglalakbaay kasama si Cristo—nangangako Siyang
tatanglawan ang ating daraanan at ituturo sa atin ang landas palabas sa kadiliman.
Sa puso ng Pasko, ang pagsilang ni Cristo ay ipinahayag ng Espiritu Santo,

may pag-asa ang bawat tao!
p. 23
IKAAPAT NA GABI
Disyembre 19, 2021
PAMAGAT
“Pagpapasakop sa Diyos,
Hayag sa Pagsunod na Lubos”
BATAYANG TALATA
Lucas 1:18-25
Sinabi ni Zacarias sa anghel, “Paano ko matitiyak na mangyayari iyan?
Ako'y matanda na at gayundin ang aking asawa.” Sumagot ang anghel, “Ako'y si
Gabriel na nakatayo sa harapan ng Diyos. Isinugo niya ako upang dalhin sa iyo ang
magandang balitang ito. Ngunit dahil sa hindi ka naniwala sa mga sinasabi kong
matutupad pagdating ng takdang panahon, ikaw ay magiging pipi. Hindi ka
makakapagsalita hanggang sa araw na maganap ang mga ito.” Samantala,
naghihintay naman kay Zacarias ang mga tao. Nagtataka sila kung bakit nagtagal
siya nang ganoon sa loob ng Templo. Paglabas niya, hindi na siya makapagsalita,
kaya't mga senyas na lamang ang ginagamit niya. Napag-isip-isip ng mga tao na
baka nakakita siya ng pangitain sa loob ng Templo. Si Zacarias ay nanatiling pipi.
Nang matapos na ang panahon ng kanyang paglilingkod ay umuwi na siya. Hindi
nga nagtagal at naglihi si Elizabeth. Hindi ito lumabas ng bahay sa loob ng limang
buwan. Sinabi ni Elizabeth, “Ngayo'y kinahabagan ako ng Panginoon. Ginawa niya
ito upang alisin ang aking kahihiyan sa harap ng mga tao!”.
KAISIPANG SENTRAL
Magpasakop sa Diyos at ipakita ang pagsunod nang lubos.
p. 24
PANIMULA:
 Si Zacarias at si Elizabeth ay mga Judiong nakatira malapit sa Jerusalem. Sumusunod
sila sa mga utos ng Diyos. Iisa ang laman ng kanilang puso – ang magkaanak. Subalit
hanggang sa pagtanda nila ay wala pa rin silang anak (Lucas 1:5–7, 13).
 Sila ay gumawa ng mga tamang pasya sa buhay. Pareho nilang pinili ang maglingkod
nang tapat sa Diyos bilang mag-asawa. Tapat na ginampanan ni Zacarias ang kanyang
mga tungkulin bilang saserdote, at sumusunod silang mag-asawa sa Kautusan ng Diyos
sa abot ng kanilang makakaya. Subalit kung nakapasyal ka sa kanilang tahanan sa Juda,
mapapansin mong may kulang. Wala silang anak. Baog si Elisabet, at matatanda na sila
(Luc. 1:5-7).
 Sa Israel, ang pagkakaroon ng anak ay napakahalaga, (1 Sam. 1:2, 6, 10; Awit 128:3, 4).
Noon, maaaring hiwalayan ng isang lalaking Israelita ang kanyang asawa kapag hindi
ito magkaanak. Ngunit pinili ni Zacarias na manatiling tapat kay Elisabet, wala siyang
ginawang paraan para hiwalayan ito.
 Pangunahin ba ang Diyos sa inyong mag-asawa?
o Kapag nahaharap tayo sa mabibigat na suliranin, inaalam ba muna natin ang mga
sinasabi sa Biblia tungkol dito? Nananalangin ba tayo tungkol dito, at pagkatapos ay
humihingi ng payo sa isang may-gulang na Cristiano? O nilulutas natin ang mga
problema ayon sa sariling paraan o sa paraan ng inyong mga magulang at mga
kaibigan?
o Palagi ba kayong nananalangin at nag-aaral ng Salita ng Diyos nang magkasama,
nagtatakda ng quiet time at masiglang sumasamba kahit tayo ay nasa kalagayan ng
pandemya?
Anu-ano ang mga mensaheng ating matututuhan na nagdadala sa atin upang makarating sa
puso ng Pasko na nakasentro kay Cristo?
I. SUBOK NA PANANAMPALATAYA SA DIYOS (tt.18-20)

(Proven faith in God)
Sinabi ni Zacarias sa anghel, “Paano ko matitiyak na mangyayari iyan? Ako'y matanda
na at gayundin ang aking asawa.” Sumagot ang anghel, “Ako'y si Gabriel na nakatayo sa
harapan ng Diyos. Isinugo niya ako upang dalhin sa iyo ang magandang balitang ito.
Ngunit dahil sa hindi ka naniwala sa mga sinasabi kong matutupad pagdating ng
takdang panahon, ikaw ay magiging pipi. Hindi ka makakapagsalita hanggang sa araw
na maganap ang mga ito”.
 Ang "Huwag kang matakot" ay tipikal na pagbati ng anghel (Lucas1:13, 2:10), dahil
ang pagtanggap ng salita mula sa Panginoon ay hindi isang bagay na nakasanayan
ng mga tao na matanggap. Laging may pagtatanong na tila humihingi ng katibayan
katulad ng sinabi ni Zacarias sa anghel na; “Paano ko matitiyak na mangyayari iyan?
Ako'y matanda na at gayundin ang aking asawa”.
p. 25
 Ang salitang "Huwag kang matakot" mula sa Panginoon ay dumating pagkatapos ng

400 taon ng lubos na katahimikan mula sa langit, biglang narinig mula sa
katahimikan habang ang isang tahimik at matuwid na pari ay naglilingkod sa loob
ng templo (Lucas 1:8-10).
 Kamangha-mangha ang bagay na sinabi ng anghel kay Zacarias, sapagkat pagkatapos
ng pinakahuling mga salita mula sa aklat ng Lumang Tipan na nagsasabi sa atin ng
higit patungkol sa mensaherong ito na darating sa harapan ng Panginoon sa
Malakias 4:5-6, ay muling ipinahayag ang dakilang bagay na ito pagkaraan ng 400
taon sa pamamagitan ng isang anghel ng Panginoon (Lucas 1:14-17).
 Ang pahayag na ito ay kamangha-manghang bagay. Gayunpaman, kapag ang mga
kamangha-manghang bagay na ipinahahayag mula sa Diyos ay may pag-aalinlangan,
kinakailangang muling tiyakin kung ang pananampalatayang ito ay subok at handa
sa lahat ng pagkakataon anuman ang ibinibigay na sitwasyon.
a. Bakit sinusubok ang pananampalataya?

 Awit 11:5a, “Sinusubok ng Panginoon ang matuwid…”
 Sa Santiago 1:3 ay sinabi ni Santiago na, “Dapat ninyong malaman na nagiging
matatag ang inyong pananampalataya sa pamamagitan ng mga pagsubok.”
 Sa Biblia ang salitang “subukin” ay may kaakibat na hamon na “pagpapatunay”,
nangangahulugan na sinusubok upang patunayan. Kapag sinusubok ng Diyos
ang Kanyang mga anak, ang layunin Niya ay upang patunayan kung tunay ang
kanilang pananampalataya kay Jesus.
 Maraming halimbawa ng mga positibong bunga ng pagsubok. Inihalintulad ng
Mang-aawit ang pagsubok sa pilak (Awit 66:10). Sinabi ni Pedro na ang ating
pananampalataya ay “lalong mahalaga kaysa ginto”, kaya naman... “kung
kailangan, ay pinalumbay kayo sa muli't muling pagsubok” (1 Pedro 1:6–7). Sa
pagsubok sa ating pananampalataya, tayo ay pinalalakas bilang mga alagad na
tunay na namumuhay ayon sa pananampalataya at hindi ayon sa kung ano ang
ating nakikita (2 Corinto 5:7).
b. Ano ang mabuting dulot ng pagsubok sa ating pananampalataya?
 Kapag nakararanas tayo ng iba't ibang pagsubok sa buhay, dapat tayong maging
katulad ng isang puno na patuloy na humuhukay palalim sa lupa upang lalong
kumapit ang kanyang ugat. Katulad din naman na dapat tayong maghukay ng
mas malalim sa Salita ng Diyos at kumapit sa Kanyang mga pangako upang ating
malampasan ang anumang bagyo ng pagsubok na dumarating sa atin.
 Ang kapanatagan nating lahat ay ang malaman na hindi ipahihintulot ng Diyos
na subukin tayo nang higit sa ating makakaya. Ang Kanyang biyaya ay sapat:
sapagka't ang Kanyang kapangyarihan ay nagiging sakdal sa ating kahinaan.
Kaya naman sinabi ni Pablo na, “Kaya nga ako'y nagagalak sa mga kahinaan, sa
mga pagkaapi, sa mga pangangailangan, sa mga pagkakausig, sa mga
p. 26
paghihinagpis, dahil kay Cristo: sapagka't pagka ako'y mahina, ako nga'y
malakas” (2 Corinto 12:9).
 1 Corinto 10:13, “Walang pagsubok na dumarating sa inyo na hindi naranasan
ng ibang tao. Ngunit maaasahan natin ang pangako ng Dios na hindi niya tayo
pababayaang subukin ng higit pa sa ating makakaya. Kaya kung dumaranas kayo
ng pagsubok, gagawa siya ng paraan para mapagtagumpayan ninyo ito.”
II. SUMUSUNOD SA PANUTO NG DIYOS (tt.21-22)

(Follows every instruction of God)
“Samantala, naghihintay naman kay Zacarias ang mga tao. Nagtataka sila kung bakit
nagtagal siya nang ganoon sa loob ng Templo. Paglabas niya, hindi na siya
makapagsalita, kaya't mga senyas na lamang ang ginagamit niya. Napag-isip-isip ng
mga tao na baka nakakita siya ng pangitain sa loob ng Templo. Si Zacarias ay nanatiling
pipi.”
 Ang isa sa mga dahilan ng pagkapipi ni Zacarias ay ang kanyang kawalan ng

pagnanasang sumunod nang buong puso sa sinasabi ng Diyos.
 Sa kanyang puso ay naroon ang katuwiran at paglilingkod sa Diyos, subalit isa sa
mga mahalagang elemento nito ay ang buong pusong pagsunod sa Diyos.
 1 Samuel 15:22, Sinabi ni Samuel, “Akala mo ba'y higit na magugustuhan ni Yahweh
ang handog at hain kaysa ang pagsunod sa kanya? Mas mabuti ang pagsunod kay
Yahweh kaysa paghahandog, at ang pakikinig ay higit sa haing taba ng tupa. “
 Ano ang panuto at bakit mahalaga itong sundin?
 Ang panuto (instruction) ay nangangahulugan ng mga tagubilin, gabay, o direksyon
sa pagsasagawa ng mga sinabi na dapat gawin.
 Ang pagsunod sa panuto ay napakahalagang maunawaan para sa isang wasto, tiyak,
at maayos na paghahanda bago gawin ang isang gawain. Sa mga panuto, kailangang
maunawaang mabuti ang tagubilin upang lubusang makasunod sa mga isinasaad
dito. Ang maayos na pagsunod dito ay isang pagpapatunay na ang nakikinig at
sumusunod ay mga taong madaling makaintindi at makaunawa.
 Ang Banal na Kasulatan ay hitik sa mga panuto, sapagkat ang mga ito ay tulong na
inilaan ng Diyos sa atin para sa tamang gabay at direksyon na patutunguhan ng ating
buhay (Kawikaan 3:5-6).
a. Bakit kailangang sumunod sa mga panuto ng Diyos?

 Ang Deuteronomio 11: 26-28 ay sumulat ng ganito: "Sumunod ka at ikaw ay
pagpapalain, sumuway at sumpain ka."
 Sa Illustrated Bible Dictionary ni Holman, isang maikling kahulugan ng
pagsunod sa panuto ay "marinig ang Salita ng Diyos at kumilos nang naaayon".
p. 27
 Sinasabi ng Diksyunaryo ng Biblia ng Eerdman, "True 'hearing,' or obedience,

involves physical hearing that inspires the listener, and belief or confidence that
also empowers the listener to act in accordance with the speaker's intentions".
 Kaya, ang pagsunod sa panuto ng Diyos ay nangangahulugang na, sa simpleng
paraan, ay marinig, magtiwala, at sumuko (submit) sa Diyos at sa Kanyang
Salita.
b. Paano makasusunod sa mga panuto ng Diyos?
Bagama’t hitik ang Banal na Kasulatan sa mga panuto ng Diyos, ang mga
sumusunod ay basic instructions lamang sa paghahanda kung paano makasusunod
sa mga panuto ng Diyos upang maging dalisay at banal sa buhay at pagkatao:
1. Magkaroon kayo ng maayos na pag-iisip (1 Pedro 3:13).
2. Maging mga masunuring anak (1 Pedro 3:14).
3. Magpakabanal sa lahat ng inyong pag-uugali (1 Pedro 3:15-16).
III. SIGURADONG PANGAKO NG DIYOS (tt.23-25)

(Ensures the hold on God's promise)
Nang matapos na ang panahon ng kanyang paglilingkod ay umuwi na siya. Hindi nga
nagtagal at naglihi si Elizabeth. Hindi ito lumabas ng bahay sa loob ng limang buwan.
Sinabi ni Elizabeth, “Ngayo'y kinahabagan ako ng Panginoon. Ginawa niya ito upang
alisin ang aking kahihiyan sa harap ng mga tao!”.
 Pagkalipas ng 400 taon, sa wakas ay natanaw na ang pagdating ng Mesias sa

pamamagitan ng pagsilang ng isang propetang maghahanda sa daraanan ng
Panginoon (Malakias 3:1 at Lucas 1:57).
 Bagama’t dumaraan sa pagsubok ang ating pananampalataya sa Diyos, kung tunay
ay makatatayo ito sa lahat ng mga pagsubok ng buhay.
 Gayundin ang pagsunod sa mga panuto ng Diyos ay nagpapakilala sa atin na tayo ay
mga tunay na anak Niya.
 Dahil dito, ang mga pangako ng Diyos ay siguradong magaganap.
 Matapos ang katuparan ng ipinangakong sanggol sa kanila ay bumalik ang tinig ni
Zacarias at muli siyang nakapagsalita. Sa Lucas 1:67-79 ay naitala ang awit ng
pagpupuri ni Zacarias. Anu-ano ang mga pangakong nakapaloob sa mga awit na ito?
a. Tinulungan niya at pinalaya ang kanyang bayan (tt.67-68).

Si Zacarias na ama ng bata ay napuspos ng Espiritu Santo, at nagpahayag ng
mensahe mula sa Diyos: “Purihin ang Panginoong Diyos ng Israel! Tinulungan niya
at pinalaya ang kanyang bayan.”
b. Nagsugo siya sa atin ng isang makapangyarihang Tagapagligtas (tt.69-70).
“Nagsugo siya sa atin ng isang makapangyarihang Tagapagligtas, mula sa angkan
ni David na kanyang lingkod. Ito'y ayon sa ipinangako niya noong una sa
pamamagitan ng kanyang mga banal na propeta…”
p. 28
c. Ililigtas Niya tayo mula sa ating mga kaaway (t.71).

“…na ililigtas niya tayo mula sa ating mga kaaway,
mula sa kamay ng lahat ng napopoot sa atin.”
d. Ipinangako niyang kahahabagan ang ating mga ninuno (tt.72-73).
“Ipinangako niyang kahahabagan ang ating mga ninuno, at aalalahanin ang
kanyang banal na tipan. Iyan ang sumpang binitiwan niya sa ating amang si
Abraham…”
e. Tayo'y makapaglingkod sa kanya nang walang takot (t.74).
“…na ililigtas niya tayo sa ating mga kaaway,
upang tayo'y makapaglingkod sa kanya nang walang takot…”
f. maging banal at matuwid sa kanyang paningin habang tayo'y nabubuhay
(t.75).
“…at maging banal at matuwid sa kanyang paningin habang tayo'y nabubuhay.”
PAGTATAPOS:
 Sina Zacarias at Elizabeth ay maraming beses nagsumamo sa Diyos sa kanilang mga
tuhod para sa isang bata, bunga nito ay inilaan nila ang kanilang mga sarili na ipasakop
sa Diyos ang lahat at hayagang sumunod sa Kanya.
 Marahil maraming mga gabing walang tulog ang ginugol nila sa pag-iyak sa Diyos na
buksan ang sinapupunan ni Elizabeth.
 Maraming beses silang umiyak sa mga bisig ng isa't isa sa kanyang pagiging baog,
iniisip kung bakit hindi sinasagot ng Diyos ang kanilang panalangin.
 Gayunpaman, ang mga pagsubok na ito ay isang malayong alaala na ngayon, sapagkat
dumating na ang panahon sa buhay nila ang isang malinaw na sagot sa kanilang mga
panalangin para sa isang anak.
 They did not just endure the way it is, but they embrace the way God wills it to be,
sapagkat nagpasakop sila, at walang sawang lumuhog sa Diyos
 Katulad nila Zacarias at Elizabeth, habang dumaraan tayo sa mga oras ng buhay-
paglilingkod, at marami tayong nararanasang mga kakulangan sa buhay, that makes us
suffer, huwag magretiro sa pagpapasakop sa Diyos.
 Suffering is good for our joy because we are forced to embrace God over and over again
by the empty passions that come from earthly work.
 Maaaring matagal ang mga iyon para kay Zacarias at Elizabeth, subalit naging hayag sa
kanila ang pagsunod sa Diyos, at sa huli ay tagumpay na ipinagkaloob sa kanila ng Diyos
ang nasa ng kanilang mga puso.
 At ngayon, hindi lamang isang anghel ang nagpakita at nagsabi kay Zacarias na, “Ang
iyong panalangin ay dininig…”, ang Panginoong Jesus mismo ang nagsabi sa atin na,
“Hindi ba't higit kayong mahalaga kaysa mga ibon?” (Mateo 6:25-34).
Sa puso ng Pasko, magpasakop sa Diyos, at sa Kanya ay hayag na sumunod!
p. 29
IKALIMANG GABI
Disyembre 20, 2021
PAMAGAT
“Pagtitiwala kay Cristo, Isaisip at Isapuso”
BATAYANG TALATA
Mateo 1: 19-24
Si Jose na magiging asawa niya ay isang matuwid na tao at ayaw nitong
malagay sa kahihiyan si Maria, kaya ipinasya niyang hiwalayan na lang si
Maria nang palihim. Habang pinag-iisipan ito ni Jose, nagpakita sa kanya sa
panaginip ang isang anghel ng Panginoon at nagsabi, “Jose, na mula sa
angkan ni David, huwag kang matakot na pakasalan si Maria dahil ang
pagbubuntis niyaʼy sa pamamagitan ng Banal na Espiritu. Manganganak siya
ng isang lalaki at papangalanan mo siyang Jesus, dahil ililigtas niya ang
kanyang bayan sa kanilang mga kasalanan.” Nangyari ang lahat ng ito upang
matupad ang sinabi ng Panginoon sa pamamagitan ng propeta, “Magbubuntis
ang isang birhen at manganganak ng isang lalaki. Tatawagin siyang
Emmanuel” (na ang ibig sabihin, “Kasama natin ang Dios”).
Nang magising si Jose, sinunod niya ang sinabi ng anghel at pinakasalan niya
si Maria.
KAISIPANG SENTRAL
Sa panahon na naguguluhan, ang Diyos ay pagtiwalaan.
p. 30
PANIMULA:
 Ang Betrothal ay halos katumbas ng kasal. Sa panahon ng pagiging magkatipan ay
walang pakikipagtalik na magaganap, sapagka’t ito ay isang pangako at itinuring na
halos kasing seryoso ng pag-aasawa at ang pagtataksil ng isang katipan ay itinuturing
bilang pangangalunya (Deut. 22:23-24).
 Sa kalagayang ito, si Jose at Maria ay itinuturing na legal na mag-asawa sa konteksto
ng bethrotal.
 Ang pagbubuntis ni Maria sa panahon ng pagpapakasal ay magbubukas sa kanya sa
paratang at mga kahihinatnan ng pagtataksil (Mt. 1:18-20).
 Ayaw ni Jose na sa anumang paraan ay madamay siya sa pangyayaring ito, kung kaya
nag-iisip siya na hiwalayan si Maria.
 Sa katotohanan, ang kalagayang ito ni Jose ay napakahirap.
 Ang kalagayan ni Jose ay lumalarawan sa bawat mahihirap na sitwasyon ng ating
buhay, pamilya, kaibigan, at iba pa.
 Si Jose ay sagisag ng ordinaryong tao – minsa’y nakapagpapasya ng mali at minsa’y
nakapag-iisip ng di tama sa sarili at kapuwa.
 Subalit hindi siya hinayaan ng Diyos sa ganoong kalagayan, sa halip ang Diyos sa
Kanyang kabutihan at karunungan ay nangusap kay Jose at inilahad ang Kanyang
dakilang plano para sa kanya at sa lahat ng tao.
 Napakaganda ng karanasang ito ni Jose sa kanyang encounter sa anghel ng Diyos – sa
kanyang pag-aalala sa kanyang mahirap na sitwasyon ay may magandang mensahe ang
Diyos.
 Sa kabilang dako ang “betrothal” o engagement sa pagitan ni Jose at Maria ay maaari
rin nating tingnan bilang “Spiritual betrothal o engagement” natin sa Diyos (2 Cor.11:2).
 Ang pagbubulay natin ngayon ay magandang panahon upang mangusap ang Diyos sa
ating personal na buhay.
 Sa ating mga pagpapasya, iniisip, sinasabi, at ginagawa, naranasan na ba nating
konsultahin ang Diyos sa Banal na Kasulatan?
 Paano natin mararating ang puso ng Pasko, ang puso na kinaroroonan ni Cristo?
I. IPAGKATIWALA SA DIYOS ANG PANAHON NG MAHIRAP NA PAGPAPASYA (t.19)

(Entrust to God the Time of Difficult Decisions)
“Si Jose na magiging asawa niya ay isang matuwid na tao at ayaw nitong malagay sa
kahihiyan si Maria, kaya ipinasya niyang hiwalayan na lang si Maria nang palihim.”
 Para sa marami ngayon, ang pinakamahalaga ay ang sarili nilang kaligayahan.

 Napakaraming tao ang ayaw dumaan sa mga mahirap na proseso ng buhay.
 Higit na gusto ng tao ang magaan at walang mabibigat na responsibilidad kaya kapag
dumating ang mga kabigatan sa buhay ay hirap at tila hindi makausad.
p. 31
 What is a decision? A decision is a choice you make about something after thinking
about it. What turned out to be a consequence, was the result of someone’s decision.
 Tumutulong ang desisyon upang maabot ang katatagan ng layunin o katangian o
determinasyon ng isang tao, at ito ay matagumpay na naaabot lamang sa paglalagay
ng ating pagtitiwala sa mga kamay ng Diyos.
What are the characteristics of a good decision?

a. A decision that attaches to the righteousness of Jesus (v.19)
 Sa ating pananampalataya, ang Diyos lamang ang may dalisay na pagiging
matuwid at makatuwiran (Deut.32:4).
 Inaasahan ng Diyos na ang mga tao ay maging makatuwiran at matuwid, subalit
hindi sila palaging namumuhay ayon sa panuntunan ng Diyos (Roma 3:10-11).
 Kaya't ipinadala ng Diyos si Jesus upang maibigay at maiparating ang tunay na
katuwiran (true and proper righteousness) sa mga sasampalataya sa Panginoong
Jesus (1 Corinto 1:30).
 Ang pagiging matuwid at makatuwiran kay Jesus (Roma 3:22-26).
 Sa ngayon, ang Espiritu Santo ang gumagawa sa mga tagasunod ni Jesus upang
mamuhay sila nang makatuwiran at matuwid (Tito 3:5).
b. A courageous decision that conforms to the will of God (vv. 20-22)
 Ang banal na kalooban ng Diyos ay inihayag Niya batay sa Kanyang mabuting
intensyon sa atin – Isang mabuting Diyos.
 Ayon sa aklat ng mga doktrina ng ating Iglesya, Ang Diyos ay kumikilos at
gumagawa kaugnay ng mga pagbabagong nagaganap sa kasaysayan.
PinaHIhintulutan Niyang maganap ang isang bagay, (1 Juan 5:14). Kahit na ang
tao ay lumabag, nananatili pa rin ang nais ng Diyos, at Siya ang may kontrol sa
lahat ng ito.
 May mga pagkakataon na ang banal na kalooban ng Diyos ay tila hindi hayag sa
mga tao, at may pagkakataon naman na hayag. Sa Deuteronomio 29:29, “May
mga bagay na mananatiling lihim at yaon ay para kay Yahweh lamang. Ngunit
ang kautusan ay nahayag sa atin at sa ating mga anak upang ating sundin.”
 Dahil dito, marapat na ang ating mga pagpapasya ay sa daan na nakaayon sa
kalooban ng Diyos (Isaias 30:21).
c. A faithful decision that is fair in the eyes of man and of God (v.24)
 Ang faithful decision ay kumikilala para sa pinakamahusay na interes ng isa para
sa iba na makikita natin sa Juan13:14-15.
 Nailalapat ang pagiging patas sa kaninuman kung ang isang tao ay
makatuwirang magpapasya na maglagay ng tiwala at pagtitiwala sa ibang tao at
humingi ng tulong o payo sa gabay ng Diyos.
 At sa huli, pinakamainam pa rin na, when you are facing difficult decision to take,
entrust it to God (Awit 119:105).
p. 32
II. IPAGKATIWALA SA DIYOS ANG PANAHON NG MAPANGLAW NA SITWASYON

(tt.21-22) (Entrust to God the Time of Gloomy Situation)
“Manganganak siya ng isang lalaki at papangalanan mo siyang Jesus, dahil ililigtas niya
ang kanyang bayan sa kanilang mga kasalanan.” Nangyari ang lahat ng ito upang
matupad ang sinabi ng Panginoon sa pamamagitan ng propeta.
 Ang pangunahing layunin ng pagsilang ni Jesus ay upang iligtas Niya ang Kanyang
bayan sa kanilang kasalanan (Mateo 1:21).
 Bakit kailangang iligtas Niya ang Kanyang bayan sa kanilang kasalanan?
 Ayon sa Isaias 43:4b ay sinabing; “sapagkat mahalaga ka sa akin; mahal kita, kaya't
pararangalan kita”.
 Ang pagsilang ni Jesus ay pagpapahayag ng Diyos ng Kanyang dakilang pag-ibig sa
atin (Juan 3:16), at ang kasagutan sa pangangailangan ng kaligtasan ay tugon upang
matupad ang paghahari ng Diyos sa ating kalagitnaan (Isaias 9:6-7).
Saan tumutukoy ang pagliligtas na gagawin ng Mesias?

a. Sa lipunang walang bakas ng pag-ibig, katapatan, at hustisya.
 Sang-ayon ang Diyos sa katarungan at alam natin na Siya ay salungat sa kawalan
ng katarungan, kahit na sa mga pinakasimpleng sitwasyon. Ayon sa Mga Awit
89:14, “Ang kaharian mo ay makatarungan, saligang matuwid ang pinagtayuan;
wagas na pag-ibig at ang katapatan, ang pamamahala mong ginagampanan.”
b. Sa lipunang naghahari ang mga gahaman, mapang-api, at mararahas.
 Hindi pinahihintulutan ng Diyos na maghari ang karahasan (Mikas 2:1-13).
 Mayroong napakagandang plano ang Diyos, sa Mikas 2:12-13, “Gayunman,
darating ang panahon na kayong mga naiwan sa Israel ay titipunin ko.
Pagsasama-samahin ko kayo, tulad ng mga tupa sa kawan. Gaya ng pastulang
puno ng mga tupa, ang inyong lupain ay mapupuno ng mga tao. Magbubukas ang
Diyos ng daan para sa kanila at palalayain sila mula sa pagkabihag.
Magtatakbuhan silang palabas sa mga pintuang lunsod at magiging malaya. Si
Yahweh mismo na kanilang hari ang sa kanila'y mangunguna”.
c. Sa lipunang hindi kumikilala at walang pananampalataya sa Diyos.
 Inililigtas tayo ng Panginoon sa mga taong hindi kumikilala at walang
pananampalataya sa Diyos: 2 Tesalonica 3:2-5, “At upang kami ay mailigtas
mula sa mga taong liko at masama sapagkat hindi lahat ng tao ay mayroong
pananampalataya. Ngunit matapat ang Panginoon na siyang magpapatatag sa
inyo at mag-iingat sa inyo mula sa masama. Nagtitiwala kami sa Panginoon
patungkol sa inyo na ang mga bagay na iniutos ko sa inyo ay inyong ginagawa at
gagawin. Patnubayan ng Panginoon ang inyong mga puso patungo sa pag-ibig sa
Diyos at patungo sa pagbabata ni Cristo.”
 Bagama’t ganito ang kalagayan ni Jose sa lipunang kanyang ginagalawan, siya
ay tahimik na tagasunod – isang napakatahimik na tao.
p. 33
 Sa Ebanghelyo na nababanggit si Jose, palagi siyang walang imik at tahimik na

sumusunod sa kalooban ng Diyos.
 Lubos ang pagtitiwala sa Diyos, kahit minsan ay mahirap ang ipinagagawa sa
kanya ng Diyos.
III. IPAGKATIWALA KAY JESUS ANG SARILI - SIYA ANG EMMANUEL (tt.23-24)
(Entrust Life to Jesus - He Is the Emmanuel)
“Magbubuntis ang isang birhen at manganganak ng isang lalaki. Tatawagin siyang
Emmanuel” (na ang ibig sabihin, “Kasama natin ang Dios”). Nang magising si Jose,
sinunod niya ang sinabi ng anghel at pinakasalan niya si Maria.
 Ang mabuting balita na hatid nito kay Jose ay ang malamang mayroong Emmanuel na
palaging kasama anuman ang sitwasyon ng buhay.
 Paano mababakas sa buhay ni Jose ang Emmanuel, “kasama natin ang Diyos”?
a. Uliran sa Pagtitimpi, “Hindi ginalaw ni Jose si Maria…” (Mateo 1:25).
Walang lalaking nagpapakasal sa isang babae upang manatiling birhen o hindi
nakikipagtalik sa kanyang asawa. Subalit, nang malaman ni Jose na itong si Maria
ay naglilihi at magsisilang ng Anak ng Diyos, si Jose ay nagpasya na hindi galawin
si Maria. Isang mataas na paggalang sa Diyos at kay Maria.
b. Matapat na asawa ni Maria
Sa panahong ito na ang mga tao ay nakikipagtalik maging sa hindi nila asawa, si
Jose ay huwaran sa pagiging isang tapat at malinis na asawa, na may malakas na
pagpipigil sa sarili. Ito ay isang pagsasakripisyo para sa sariling pangangailangan
bilang isang lalaki.
c. Masunurin sa Pamahalaan
Hindi madali para kay Jose at Maria na umalis ng Nazaret at maglakbay patungong
Betlehem dahil si Maria ay “nagdadalantao” at malapit nang manganak. Subalit
dahil ito ay ipinag-uutos ng Emperador, sila ay sumunod (Lucas 2:1-3).
PAGTATAPOS:
 Ang mabuting balita na hatid nito kay Jose ay siguradong si Jesus ay ipinanganak upang
iligtas Niya ang kanyang bayan sa kanilang mga kasalanan kasama ang anumang
sitwasyon ng buhay.
 Katulad ni Jose, masakit ang malamang ang babaeng kanyang minamahal ay nagtaksil
at sumira sa kanilang sumpaan. Minsan ang akala natin, ang mga bagay ay hindi
umaayon pabor para sa atin. Subalit mayroon palang mataas na layunin ang Diyos kung
bakit nangyayari ang mga bagay na hindi natin inaasahan.
 Ang taong nawalan ng iniibig o nasawi sa pag-ibig ay kinakikitaan din ng labis na
kalungkutan, walang taong hindi nalulungkot pagdating sa usaping pag-ibig. Kaakibat
na ng pag-ibig ang kasawian, sabi nga, di ka raw masasabing nagmamahal kung hindi
ka masasaktan.
p. 34
 Hindi rin maiiwasan ang mga sakit at karamdaman sa panahon at sitwasyong

mapanglaw sapagkat ang mundong ating ginagalawan ay mundo na puno ng kabiguan.
 Ang pagkawala o pagpanaw ng ating mahal sa buhay ay parte ng prosesong ito, walang
tao ang hindi makararanas o nakararanas ng mga sobrang kapanglawan o kalungkutan
lalo na kung ang lumisan ay ang taong pinakamahalaga sa iyo at iyong sinasandalan.
Sobrang sakit at lungkot ang iyong mararanasan na kung minsan ay umaabot pa sa
napakahabang panahon bago ka makalimot sa lahat ng sakit.
 Kaya naman, narito si Jesus upang magkaroon tayo ng buhay na ganap at kasiya-siya
(Juan 10:10).
 At kung sa kabila niyaon ay nakararamdam pa rin tayo ng mga hapdi at kalungkutan,
may isang napakagandang awitin tayo sa Imno blg. 273, na naghahayag ng ganito…
“O CRISTONG KAIBIG-IBIG”
(What a Friend We Have in Jesus)
O Cristong kaibig-ibig, umaako ng sakit,

Sa dalangiy ninanais lagi Kang makaniig.
Kaybigat ng kasalanan kung kami ang papasan;
Kung Ikaw ay kaagapay, hirap ay naiibsan.
Mahigpit ba ang pagsubok, hirap ay salimuot?

Ang puso’y hwag mangilabot, kay Jesus ay lumuhog.
May tunay bang kaibigan sa lahat ay karamay,
At tanto ang kahinaan? Tanging si Jesus lamang!
Tayo ba’y nahihirapan sa sapin-saping pasan?

Si Jesus ang Syang kanlungan, laging dadalanginan.
Ang kasama ba’y naglilo? Lapit kay Jesu Cristo!
Ligayang gantimpala mo, nakalaan sa iyo.
Sa puso ng Pasko, si Cristo, ang Emmanuel ay kasama natin,

pagtiwalaan at kilalanin!
p. 35
IKAANIM NA GABI
Disyembre 21, 2021
PAMAGAT
“Pagpapakababa ng Sarili,
Pagtataas sa Diyos na Kumandili”
BATAYANG TALATA
Juan 1: 26b-27, 29
“…ngunit nasa inyong kalagitnaan ang isang hindi ninyo
nakikilala. Dumarating siyang kasunod ko subalit hindi man
lamang ako karapat-dapat na magkalag ng tali ng kanyang
sandalyas.” Kinabukasan, nakita ni Juan si Jesus na lumalapit
sa kanya. Sinabi niya, “Tingnan ninyo, siya ang Kordero ng
Diyos na nag-aalis ng kasalanan ng sanlibutan.”
Juan 3:30
“Kinakailangang siya ang maging dakila at ako nama'y
maging mababa.”
KAISIPANG SENTRAL
Ang sarili’y ibaba sa Diyos na dakila!
p. 36
PANIMULA:
 Ayon sa kasaysayan, kapag naglalakbay ang dakilang Hari noong unang panahon sa
Biblia, ay nagsusugo siya ng isang mensahero sa unahan niya upang ipaalam sa lahat
na siya ay darating. Ito ang ginawa ni Juan para kay Jesus.
 Mula pa sa pagkabata’y kilala na ni Juan si Jesus sapagkat magpinsan ang kanilang ina.
Ngunit hindi nakilala ni Juan kung sino talaga si Jesus hanggang sa ito ay inihayag sa
kanya ng Diyos (Juan 1:33-34).
 Si Jesus ay tinawag na Kordero ng Diyos sapagkat ang mga kordero ay iniaalay para sa
mga kasalanan. Yaong mga nagkasala at nararapat mamatay ay makahihiling sa Diyos
na tanggapin ang kamatayan ng isang kordero bilang kapalit niya (Juan 1:29 at Juan
1:36).
 Si Jesus ang Kordero ng Diyos na isinugo Niya upang mamatay upang pawiin ang ating
kasalanan.
 Ayon kay Josephus—isang mananalaysay na Hentil noong unang siglo, ang mga tupa
na nasa labas sa paligid ng Betlehem na binabantayan ng mga pastol ay mga tupang di-
pangkaraniwan o ordinaryong tupa, ito ay mga korderong iaalay. Sa unang bahagi ng
tagsibol, itong mga korderong ito ay papatayin sa panahon ng Paskuwa.
 Ipinahayag ng Diyos ang kapanganakan ng Mesias sa mga pastol – mga pastol na
nagbabantay ng mga korderong mamamatay para sa mga kasalanan ng tao. Noong
nakita nila ang sanggol, naunawaan nila kung sino talaga ang sanggol na si Jesus.
Nauunawaan kaya natin kung sino talaga itong sanggol na sumilang? Nauunawaan kaya
natin sa ating puso kung ano ang binanggit ni Juan Baustista na inihayag niya nang malakas,
“Tingnan ninyo, siya ang Kordero ng Diyos na nag-aalis ng kasalanan ng sanlibutan!"?
Tingnan natin ang mga pahayag ni Juan Bautista tungkol sa Panginoong Jesus.
I. NASA INYONG KALAGITNAAN ANG ISANG HINDI NINYO NAKIKILALA (1:26b)

“…ngunit nasa inyong kalagitnaan ang isang hindi ninyo nakikilala.”
 Inihayag niya na bagama’t si Jesus ay nasa kanilang kalagitnaan ay hindi Siya

nakikilala (bagama’t kumpleto ang detalye sa aklat ng mga propeta sa lahat ng bagay
tungkol sa pagsilang ng Mesias).
 Maaari nating sabihing ang pagpapalaganap tungkol sa pagsilang ni Jesus noong
panahong iyon ay hindi ganoon kabilis kung iaasa lamang ng Diyos ang lahat sa
kanila. Kung kaya kahit ang mga hula, mga propeta, mga talaangkanan at kasaysayan
ay kinasangkapan ng Diyos upang mahayag ang pagdating ng Mesias.
 Bagama’t may galak ang balita ng pagsilang ni Jesus mula sa Diyos na parang binhi
na tumubo sa kanilang puso, dagli naman itong nalimot dahil sa mga kaabalahan ng
mundong ito. Kaya ito marahil ang dahilan kung bakit ni minsan ay hindi nila nakilala
na ang lumalaking sanggol na si Jesus ay ang Mesias.
p. 37
 Ang pagsilang ni Jesus ay once a year celebration na lamang sa diwa ng tradisyong

nakaugalian ng mundo. Kaya by tradition, tuwing sasapit ang Pasko, ay matunog ang
pangalan ni Cristo. Subalit hindi ito tumitimo sa puso ng bawat tao ngayon kumpara
sa mga unang nakatanggap ng balita ng pagsilang ni Jesus.
 Ipinaliwanag ni Jesus na ganito ang mga tao na “pagkarinig nila ng salita, pagdaka’y
nagsisitanggap na may galak,” ngunit dahil “hindi nangag-uugat sa kanilang sarili, …
[nang magkaroon] ng kapighatian o ng mga pag-uusig dahil sa salita, pagdaka’y
nangatisod sila” (Marcos 4:16–17).
 Bakit “hindi nangag-uugat sa kanilang sarili” ang mga tagapakinig? Kung minsan, ito
ang kalagayan ng mga nagpabautismo lamang dahil sa udyok ng mga tao o hindi
nalalaman ang tunay na kahulugan ng bautismo, kung bakit mahalaga ito sa buhay
pananampalataya.
 Dahil hindi nag-ugat ang Salita, maaari silang mainitan at matuyot kapag nagkaroon
ng init ng araw. Ngunit kahit yaong mga lumaki sa Simbahan—ang matatagal nang
miyembro—ay maaaring hindi pa rin nagkakaugat.
 Mga walang matibay at matatag na pananampalataya sa ebanghelyo ni Jesucristo.
Kung hindi tayo nag-ugat sa mga turo ng ebanghelyo at hindi natin ito regular na
ipinamumuhay, sinuman sa atin ay magiging sintigas ng bato ang puso sa mabatong
lupa at hindi kaaya-aya sa Diyos.
 Sinabi ni Juan na hindi niya kilala si Jesus noon (Juan 1:31). Subalit nang Siya ay
kaniyang makilala ay makailang ulit niyang ipinahayag sa madla ang kanyang
affirmation of faith sa Panginoong Jesus (Juan 1:29-34).
Paano ipinahayag ni Juan ang kaniyang pagkakilala kay Jesus? Sinabi niyang…
a. Nasa ating kalagitnaan ang Kordero ng Diyos
29Kinabukasan, nakita ni Juan si Jesus na lumalapit sa kanya. Sinabi niya, “Tingnan
ninyo, siya ang Kordero ng Diyos na nag-aalis ng kasalanan ng sanlibutan.

b. Nakahihigit sa atin, sapagkat Siya'y naroon na sa pasimula.
30Siya ang tinutukoy ko nang sabihin kong ang dumarating na kasunod ko ay higit
sa akin, sapagkat siya'y naroon na bago pa man ako ipanganak.

c. Nakita ko ang Espiritu na bumababa at nanatili sa Kanya.
32Ganito ang patotoo ni Juan: “Nakita ko ang Espiritu na bumababa na parang isang
kalapati na buhat sa langit at nanatili sa kanya.

d. Nakita ko siya, at pinapatotohanan kong Siya ang Anak ng Diyos.
34 Ngayon ay nakita ko siya, at pinapatotohanan kong siya ang Anak ng Diyos.”
 Ang isang sanggol na nakahiga sa sabsaban, isang korderong inihanda ng Diyos sa

araw ng paghahandog, ibibigay ng Anak ang kanyang buhay, isang namatay sa krus
upang pawiin ang kasalanan ng sanlibutan.
p. 38
 Siya ay humihingi ng ating pagpapakumbaba, pagkilala, at pagsuko! Hindi natin siya

pwedeng isantabi. Dapat siya ay ating tanggapin, hindi dahil di niya tayo binigyan ng
iba pang pagpipilian, kundi Siya lamang at wala ng iba pang kailangan.
 Juan 6:37, “Lalapit sa akin ang lahat ng ibinibigay sa akin ng Ama, at hinding-hindi
ko itataboy kailanman ang sinumang lumalapit sa akin.”
II. NAKITA NI JUAN SI JESUS NA LUMALAPIT SA KANYA (t.29a)

“Kinabukasan, nakita ni Juan si Jesus na lumalapit sa kanya.”
 Isang malakas na presensya ang lumalapit ngayon kay Juan, sa lakas at

kapangyarihan nito ay sinabi niya, “Tingnan ninyo, siya ang Kordero ng Diyos na
nag-aalis ng kasalanan ng sanlibutan”. Ang gayong pahayag ay bunga ng malinaw na
pagmamasid niya sa Panginoon na palapit sa kanya.
 Ang pahayag ni Juan Bautista na, “Tingnan ninyo, siya ang Kordero ng Diyos!” ay
naging daan upang sumunod kay Jesus ang Kanyang mga alagad (Juan 1:37-42).
 Si Rufus H. McDaniel, ang sumulat ng awiting “Closer to Jesus”, ay inordinahan sa
simbahang Cristiano noong 1873. Nakakita siya ng labis na kagalakan sa musika ng
simbahan. Nagsimula siyang magsulat ng mga imno noong 1880's. Isinulat niya,
"Nararamdaman ko sa aking kaluluwa na may gagawin ang Diyos sa akin sa
pagpapasigla sa karanasan ng mga kaluluwang nahihirapan. Ang pangunahing
hangarin ko ay maging isang pagpapala, kung maaari, sa aking kapwa-tao sa
pamamagitan ng mga imnong ito at sa gayon ay luwalhatiin ang Diyos sa pangalan
ng kanyang mahal na anak, 'na kung saan ako at kung sino ang aking
pinaglilingkuran.”
 Ganito ang nilalaman ng kanyang isinulat na imno na “Closer to Jesus”;
The Savior is dearer to me ev’ry day, The closer I live to Him;
And brighter His glory illumines my way, The closer I live to Him.
Closer to Him, closer to Him, I want to live closer to Jesus;

There’s no one so precious, so faithful to me, And I want to live closer to Him.
His service grows sweeter and sweeter to me, The closer I live to Him;
And more of His goodness and mercy I see, The closer I live to Him.
His love more abundantly flows thro’ my heart, The closer I live to Him;
And richer the blessings that He doth impart, The closer I live to Him. [Chorus]
I’m longing the more in His likeness to be, The closer I live to Him;
And surer I am that His face I shall see, The closer I live to Him.
p. 39
 Nang marinig ng dalawang alagad ang sinabi ni Juan ay kagya't na sumunod sila kay
Jesus. Lumingon si Jesus, at nang makita niyang sumusunod sa kanya ang mga ito,
sila'y tinanong niya, “Ano ang kailangan ninyo?” (Juan 1:37-38).
Sa karanasan ni Pedro.
a. The closer we get to Jesus, the more we see the need for more forgiveness than
simply help.
Lucas 5:8, Nang makita ito ni Simon Pedro, lumuhod siya sa harap ni Jesus habang
sinasabi, “Lumayo po kayo sa akin, Panginoon, sapagkat ako'y taong makasalanan.”
b. The closer we get to Jesus, the calmer and more peaceful we are in the storms
of life.
Mateo 14:30, “Ngunit nang mapansin niya (Pedro) na malakas ang hangin, siya'y
natakot at nagsimulang lumubog. ‘Panginoon, sagipin ninyo ako!’ sigaw niya.”
c. The closer we get to Jesus; we realize that we cannot live without Him.
Juan 6:68-69, Sumagot si Simon Pedro, “Panginoon, kanino pa po kami pupunta?
Nasa inyo ang mga salitang nagbibigay ng buhay na walang hanggan…”
d. The closer we get to Jesus the certain we are in declaring He is the God of our
lives.
Mateo 16:13-20, at Lucas 9:18-21, Sumagot si Simon Pedro, “Ikaw ang Cristo, ang
Anak ng Diyos na buháy.” Sinabi ni Jesus sa kanya, “Pinagpala ka, Simon na anak ni
Jonas!”
III. DAPAT SIYA ANG DAKILA AT AKO NAMA'Y MABABA (Juan 3:30)
“Kinakailangang siya ang maging dakila at ako nama'y maging mababa.”
Paano ipinakita ni Juan ang pagdakila kay Jesus at pagpapakababa ng kanyang sarili?
a. Si Juan at si Jesus
 Bagama’t pareho sila ni Jesus na nagmula sa Juda, ay maliwanag niyang sinabi na
hindi siya ang Cristo (Juan 1:20).
 Tuwiran niyang sinabi na “Ako ang tinig ng isang taong sumisigaw sa ilang”. Ang
tagapaghanda ng daraanan ng Panginoon (Juan1:23).
 Si Jesus ang Kordero ng Diyos na nag-aalis ng kasalanan ng sanlibutan (Juan 1:29).
Siya ang bugtong na Anak na lubos na kinalulugdan ng Diyos at may
kapangyarihang taglay mula sa Espiritu Santo (Juan 1:29-34).
 Si Juan ay sugo ng Diyos na nauna kay Jesus upang ihanda ang kanyang daraanan.
Si San Juan Bautista ay hindi ang ilaw na inakala ng karamihan, siya ay nagpatotoo
lamang tungkol sa ilaw. Siya ang isang tinig na sumisigaw sa ilang sa gayon
natupad ang nasusulat sa aklat ni Propeta Isaias: “Ito ang sabi ng isang sumisigaw
sa ilang: Ihanda ninyo ang daraanan ng Panginoon, Tuwirin ninyo ang kanyang
mga landas!” (Juan 1:19-27).
p. 40
 At nang si Jesus ay dumating sa Jordan mula sa Galilea at lumapit kay Juan upang
magpabautismo. Sinansala siya ni Juan na ang wika, “Ako po ang kailangang
bautismuhan ninyo, at kayo pa ang lumapit sa akin!” Ngunit tinugon siya ni Jesus,
“Hayaan mo itong mangyari ngayon; sapagkat ito ang nararapat nating gawin
upang matupad ang kalooban ng Diyos.”
 Sinabi niyang kinakailangang si Jesus ang maging dakila at siya nama'y maging
mababa (Juan 3:30).
b. Si Juan at ang mga Pariseo
 Si Juan [Bautista] ay isinilang na isang saserdote. Taglay niya ang Aaronic
Priesthood, at isang legal na tagapangasiwa sa Templo, at tagapagbalita tungkol
kay Cristo, at naparito upang ihanda ang daan para sa kanyang pagdating (Lucas
1:5, 13).
 Bagama’n si Juan Bautista ay isinilang na isang saserdote, kanyang iwinaksi ang
panlabas na katayuan ng saserdote. Siya ay nakatira sa disyerto ng Judea,
kumakain ng balang at pulot-pukyutan. Hindi tulad ng maraming paring Judio,
alam ni Juan Bautista ang kanyang misyon sa buhay. Malinaw niyang naunawaan
na siya ay inilaan ng Diyos para sa isang layunin.
 Ang mga Pariseo ay malinis ang panlabas ngunit ang puso ay puno ng kasakiman
(Lucas 11:39, 40). Binabalewala nila ang katarungan at pag-ibig sa Diyos (Lucas
11:42).
 Gustung-gusto ng mga Pariseo na umupo sa pinakamagagandang puwesto sa mga
sinagoga at binabati ng mga tao sa mga pamilihan (Lucas 11:43, 44).
 Nakalimutan nila ang mas mahahalagang kahilingan ng Kautusan, gaya ng
pagiging makatarungan at mapagpakumbaba sa harap ng Diyos (Mikas 6:8).
c. Si Juan at ang Templo
 Dapat si Juan ay nasa loob ng Templo at tumutupad sa mga tungkuling may
kaugnayan sa pagiging paring Judio katulad ng ginagawa ng kaniyang amang si
Zacarias.
 Subalit siya ay nasa labas ng Templo, nagbabautismo at nangangaral sa mga tao
ng pagsisisi at pagtalikod sa kasalanan.
d. Si Juan at ang mga tao sa paligid
 Si Juan [Bautista] ay larawan ng pagpapakababa dahil nung oras na iyon ang
buong akala ng mga tao ay siya na ang Mesias na sinugo ng Diyos at pwede niyang
angkinin o sabihin na siya nga ang Mesias subalit ito ay kanyang itinanggi na may
kababaang-loob.
 Sa Juan 1:19-28, nang suguin ng mga Judio sa Jerusalem ang ilang Saserdote at
Levita upang itanong kung sino siya, kanyang pinatotohanan na hindi siya ang
Mesias o propeta bagkus kanyang winika rin na hindi siya karapat-dapat
magkalag man lang ng tali ng panyapak ng susunod sa kanya.
p. 41
 Natapos ang misyon ni Juan Bautista nang mabautismuhan niya si Jesus sa ilog
Jordan dahil ang kaganapang iyon ang hudyat ng panimula ng Public Ministry ni
Jesus.
 Hindi siya si Elias o ang ibang nabuhay na propeta, buong tapang niyang sinabi sa
mga tao na siya ang inihulang propeta sa aklat ni Isaias na “Isang tinig ng taong
sumisigaw sa ilang, tagapaghanda ng daraanan ng Panginoon” (Juan 1:22-23).
 Sinabi ni Juan sa mga tao na sugo lamang siya na mauuna kay Jesus. Ang lubos na
ang kagalakan ni Juan ay, “si Jesus ay maging dakila, at siya nama’y mababa.”
PAGTATAPOS:
 Ngayong kapaskuhan, ating balikan ang tinirhan ni Jesus, tingnang mabuti ang
sabsaban. Huwag ninyong isipin na maganda ang tanawin—amuyin ang mabahong
hangin, pagmasdan ang malamig at giniginaw na mga hayop. Sila ang kumakatawan sa
pagiging aba sa Banal na Kasulatan.
 Sila ang sagisag ng kasalatan, kawalan, at kamatayan. Sila ay walang kabuluhang mga
nilalang, ngunit sila ay pinagpala ng Sanggol na sumilang, ang nagpabago sa kanilang
pangit na kapaligiran, nagbigay-kagalakan sa kanilang kalungkutan. Siya ay
ipinanganak para magbigay ng liwanag at mamatay… upang ang lahat ng
manampalataya ay magkaroon ng buhay!
Mateo 11:11, “Sinasabi ko sa iyo ang katotohanan: Kabilang sa mga ipinanganak ng
mga kababaihan ay wala pang lumitaw na higit kaysa kay Juan Bautista; gayon ma'y
ang lalong maliit sa kaharian ng langit ay lalong dakila kaysa kaniya.”
Dinadala tayo ng puso ng Pasko sa pagpapakababa,

upang ang Diyos ay gawing Dakila!
p. 42
IKAPITONG GABI
Disyembre 22, 2021
PAMAGAT
“Pangalang Makapangyarihan,
Dulot ay Kaligtasan”
BATAYANG TALATA
Isaias 9:6-7
“Sapagkat isinilang ang isang sanggol na lalaki para sa atin. Ibibigay
sa kanya ang pamamahala; at siya ay tatawaging Kahanga-hangang
Tagapayo, Makapangyarihang Diyos, Walang Hanggang Ama,
Prinsipe ng Kapayapaan. Magiging malawak ang kanyang
kapangyarihan at walang katapusang kapayapaan ang ipagkakaloob
sa trono ni David at sa kanyang kaharian. Itatatag niya ito at
pamamahalaan na may katarungan at katuwiran mula ngayon at
magpakailanman. Isasagawa ito ni Yahweh na Makapangyarihan sa
lahat.”
KAISIPANG SENTRAL
Yaring buhay ay ligtas sa kaparusahan
dahil si Jesus ang kaligtasan.
p. 43
PANIMULA:
 Ilagay sa isipan ngayon at sa lahat ng oras ang pinakamahalagang bagay sa pagsilang
ni Jesus, na si Jesus ang Cristo, ang Anak ng buhay na Diyos ay isinilang sa daigdig upang
ialay ang Kanyang buhay, para tayo ay mabuhay. Iyan ang totoo, at napakahalaga nito.
Diyan nakasalig ang ating pananampalataya.
 Suriin natin ang matataas na pangalan ni Jesus na regalo ng Diyos sa atin. Ang regalo
ay inihayag ng Diyos upang makita ng mundo, nakakamangha ang kalikasan nito,
malalim sa layunin, at hindi maarok sa pag-ibig:
 Sapagkat isinilang ang isang sanggol na lalaki para sa atin. Ibibigay sa kanya ang
pamamahala; at siya ay tatawaging Kahanga-hangang Tagapayo, Makapangyarihang
Diyos, Walang Hanggang Ama, Prinsipe ng Kapayapaan.
 Magiging malawak ang kanyang kapangyarihan at walang katapusang kapayapaan ang
ipagkakaloob sa trono ni David at sa kanyang kaharian.
 Itatatag niya ito at pamamahalaan na may katarungan at katuwiran mula ngayon at
magpakailanman.
 Kung titingnan natin, ang kaloob ng Diyos ay walang katapusan sa mga pangalang nito,
walang kapantay sa halaga nito, hindi mapag-aalinlanganan sa pagiging tunay nito, at
walang kapantay sa kapangyarihan nito.
 Walang salita sa anumang wika ang sapat na ilarawan sa kahulugan ng mga pangalan
na ibinigay ng Diyos sa lalim ng pag-ibig, sa isang taong nawawala at namamatay na
mundo.
Anu-ano ang sinasagisag ng mga pangalang ito ng Panginoon at ano ang kahalagahan nito
sa ating buhay? Sa ating mundo?
I. ANG PANGALAN NI JESUS AY NAGDUDULOT NG KAALIWAN AT KAPAYAPAAN SA

NABABAGABAG NA KALULUWA (t.6)
(The name of Jesus brings comfort and peace to the troubled soul)
“Sapagkat isinilang ang isang sanggol na lalaki para sa atin. Ibibigay sa kanya ang
pamamahala; at siya ay tatawaging Kahanga-hangang Tagapayo, Makapangyarihang
Diyos, Walang Hanggang Ama, Prinsipe ng Kapayapaan.”
 Mayroong dalawang daan at limampu't anim (256) na pangalan na ibinigay sa Banal
na Kasulatan para sa Panginoong Jesu-Cristo. He was infinitely beyond all that any
one name could express.
 Bawat isa sa pangalang isinaad ni Isaias ay sumisimbulo sa kaloob ng Diyos nang
walang kapantay sa kapangyarihang magbago ng buhay.
 Kung ano ang sinabi ng Banal na Kasulatan tungkol sa pangalan ay siyang katangian
ng nagtataglay ng pangalang ito katulad ng ibat-ibang pangalan ni Jesus.
 Tingnan natin sa liwanag ng Banal na Kasulatan kung paano nakapagdudulot ng
kaaliwan at kapayapaan ang mga pangalang ito sa nababagabag na kaluluwa.
p. 44
a. Kahanga-hangang Tagapayo
 Si Jesus lamang at wala ng ibang nararapat na magtaglay ng pangalang
Kahanga-hangang Tagapayo. Mula pagsilang hanggang sa pagkabuhay muli, ang
kanyang buong pagkatao ay katibayan na siya ay kahanga-hanga.
 Ang mga mensahe ng Kaniyang mga talinghaga, sermon, pangangaral at
pagpapagaling ay nagbigay sa mga tao ng pag-asang mabago ang kani-kanilang
mga buhay.
 Mateo 11:28-30, “Lumapit kayo sa akin, kayong lahat na nahihirapan at lubhang
nabibigatan sa inyong pasanin, at kayo'y bibigyan ko ng kapahingahan. Pasanin
ninyo ang aking pamatok at matuto kayo sa akin sapagkat ako'y maamo at may
mababang loob. Makakatagpo kayo sa akin ng kapahingahan 30 sapagkat
madaling dalhin ang aking pamatok at magaan ang pasaning ibibigay ko sa
inyo.”
b. Makapangyarihang Diyos
 Tinatawag na Makapangyarihang Diyos ang Diyos, sapagkat ginagawa Niyang
padalisayin, baguhin, at iligtas ang tao.
 Si Jesus ay tagapagligtas. Nagawa ni Jesus na mamuhay ng isang perpektong
buhay, hindi nagkasala, namatay para sa mga kasalanan ng lahat, at nabuhay na
mag-uli, at lahat ay nagkakaroon ng katuparan sa Kanyang pangalan lamang
(Juan 14:13-14).
 Ang salitang “Makapangyarihan” ay tumutukoy sa malayang kilos ng Diyos na
gawin ang lahat ng bagay ayon sa kanyang kalooban (Awit 115:3; Pah.19:6).
c. Walang Hanggang Ama
 Bilang Logos, si Jesus ay nabubuhay (exists) na bago ang nilikha (Sa pasimula ay
ang Salita…), at sa pamamagitan Niya ay nilikha ang lahat ng bagay. Dahil dito,
si Jesus ay hindi nilikha, kundi Manlilikha, tulad ng Ama. Si Jesus at ang Ama ay
pantay sa Kadiyosan. Sa Filipos 2:6 ay ganito ang sinasabi, “Na siya, bagama't
nasa anyong Diyos, ay hindi niya inaring isang bagay na nararapat panangnan
ang pagkapantay niya sa Diyos.”
d. Prinsipe ng Kapayapaan
 Ang kapayapaan ay nagsilbing paalala bilang statement ng United Nation.
 Ang mga sumusunod na taludtod na mula sa Isaias 2:4 ang mismong hinango ng
United Nation, at nakaukit sa tinatawag na Pader ni Isaias sa isang muog malapit
sa himpilan nito sa Lungsod ng New York. Sa Ingles: They shall beat their swords
into plowshares. And their spears into pruning hooks. Nation shall not lift up
sword against nation. Neither shall they learn war any more. [Pupukpukin nila
ang kanilang mga espada bilang mga sudsod. At ang kanilang mga sibat ay
naging mga kawit na pangputol. Ang bansa ay hindi magtataas ng tabak laban
sa bansa. Ni hindi na sila mag-aaral ng digmaan].
p. 45
II. ANG PAGHAHARI NI JESUS AY NAGDUDULOT NG KAPAYAPAAN AT

KAPANGYARIHAN SA MAGULONG PAMUMUHAY NG TAO (t.7a)
(The reign of Jesus brings peace and power to the chaotic life of man)
“Magiging malawak ang kanyang kapangyarihan at walang katapusang kapayapaan
ang ipagkakaloob sa trono ni David at sa kanyang kaharian.”
 The reign of Jesus is unparalleled in its power to change lives.
 Ang Panginoong Jesu-Cristo ay nagbago ng buhay ng marami. Binago rin niya ang
takbo ng kasaysayan. Ang ating kagalakan ay hindi na tulad ng dati, dahil Siya ay
pumasok na sa ating mga puso.
 Siya ang makakabuo ng ating buhay sa pamamagitan ng muling pagsama-sama ang
lahat ng mga putol na piraso nito. Siya ang nagbibigay sa atin ng tunay na layunin sa
buhay at dahilan para mabuhay.
Paano ito nagaganap?

a. Nakakita ng isang maningning na liwanag ang bayang matagal nang lumalakad
sa kadiliman; (Isaias 9:2a).
 Jesus has changed our eternal destiny. Sa Juan 5:24 ay sinabi ni Jesus na ang
dumirinig ng kaniyang salita, at sumasampalataya sa kaniya, ay may buhay na
walang hanggan, at hindi mapapasok sa paghatol, kundi lumipat na sa kabuhayan
mula sa kamatayan.
 Jesus has the power over darkness. Sa Juan 8:12, muling nagsalita sa kanila si Jesus,
“Ako ang ilaw ng sanlibutan; ang sumusunod sa akin kailanma'y hindi
mamumuhay sa kadiliman, kundi magkakaroon ng ilaw ng buhay.”
b. Sumikat na ang liwanag sa mga taong naninirahan sa lupaing balot ng dilim
(Isaias 9:2b).
 Ang tanong ay, totoo kaya ang hula ni Isaias? May liwanag bang nakikita sa ating
pamumuhay? Paano ibalik ang puso ng Pasko? Paulit-ulit nating naririnig ang hula
ni Propeta Isaias tungkol sa darating na liwanag na siya nating ipinagdiwang sa
panahon ng kapaskuhan.
 Bago magpasko ay sinusundan natin ang liwanag ng bituin ni Cristo. At palaging
natatagpuan natin ito. Subalit pagkatapos ng Pasko at tapos na rin ang pista natin
dito. Dapat tayong manatiling asin at ilaw ng sanlibutan.
 Mateo 5:13-14, “Kayo ang asin ng lupa. Ngunit kapag ang asin ay nawalan ng alat,
paano pa ito muling aalat? Wala itong kabuluhan kundi itapon na lamang at
yurakan ng mga tao. Kayo ang ilaw ng sanlibutan. Ang isang lungsod na nakatayo
sa ibabaw ng isang burol ay hindi maitatago.”
c. Pinasigla mo ang kanilang pagdiriwang, dinagdagan mo ang kanilang tuwa
(Isaias 9:3a).
 Ang pagdiriwang ng pasko taun-taon ay ginagastusan at ipinagdiriwang ng buong
sambayanan ngunit walang naiiwang marka ng pagbabago sa buhay kung kaya,
p. 46
balik tayo sa katotohanan na ang buhay natin ay malayung-malayo pa sa diwa ng

ebanghelyo.
 Sapagkat ang lahat ng nakatanggap ng balita ng pagsilang ni Jesus ay nagbigay ng
pangwalanghanggang pagpupuri at kagalakan sa kanilang buhay.
d. Nagagalak sila na parang panahon ng anihan, (Isaias 9:3b).
 Ang kagalakan sa panahon ng anihan ay isang gantimpala o biyaya na
nagpapatunay na nilikha tayo ng Diyos upang magalak (hindi mag-alak), (Galacia
5:22).
 Bunga nito, panahon ng anihan o panahon ng kasalatan, ang magalak sa Panginoon
ay katulad ng mga ngiting hindi maaalis sa ating mga labi (Filipos 4:4).
III. ANG PAMAMAHALA NI JESUS AY NAGDUDULOT NG KATARUNGAN AT

KATUWIRAN SA KAAPIHAN AT KASAMAAN NG MUNDO (t.7b)
(The rule of Jesus brings justice and righteousness to the oppression and
wickedness of the world)
“Itatatag niya ito at pamamahalaan na may katarungan at katuwiran mula ngayon at
magpakailanman. Isasagawa ito ni Yahweh na Makapangyarihan sa lahat.”
 Lahat marahil ay umay na sa tanong na: Ano ang wish mo ngayong pasko? At marami
ang sasagot ng; sana maging maayos na ang mundo, o kaya ay peace, o love sa mga
magkaaway, o kaya ay good health o good fortune.
 Ngayong may pandemya, marahil ang wish and prayer ng marami ay; sana mawala
na ang CoViD na ito.
 Lahat ng mga kahilingan at panalanging ito ay mabuti at bawat isa ay tumatanaw ng
isang magandang kalagayan sa kinabukasan.
 Si Propeta Isaias ay mayroon ding katulad na pag-asa ng sa atin: He is looking forward
to a world where justice and righteousness rule. But to achieve it, the answer does not
begin to ask; how will we achieve it? but to ask who will do it so?
a. Sapagkat binali mo ang pamatok ng kahirapan

 Kapag naalis ang isang mabigat na pasanin anong ginhawa ang naidudulot sa
ating katawan at isipan, gayundin, kapag napatawad ang ating mga pagkakasala
ang malaking ginhawa ay nakapagpapasigla at nakapagpapanariwa sa atin, at
tayo’y lalakas at makagagawa pa nang higit (Kawikaan 25:25; Gawa 3:19).
 Kung tayo’y nabibigatan at napapagod ay makalalapit tayo kay Jesus, sapagkat
ipinangako Niya ang pananariwa ng ating kaluluwa – “Pasanin ninyo ang aking
pamatok at matuto kayo mula sa akin,” sabi ni Jesus, “at masusumpungan ninyo
ang pagpapanariwa ng inyong mga kaluluwa” (Mateo 11:29).
b. at mga bigatin sa kanilang balikat ay pinasan.
 Napakarami ng kabigatan sa ating buhay, subalit isa ang katotohanang itinuturo
sa atin ng Banal na Kasulatan, sa 1 Pedro 2:24, “Sa kanyang pagkamatay sa krus,
p. 47
pinasan niya ang bigat ng ating mga kasalanan upang tayo'y mamatay sa
kasalanan at mamuhay sa katuwiran.”
 “Ang dahil at ako’y nasisiyahan, si Jesus kinuha ang pasan”, awiting
nakapagpapasigla ng damdamin.
c. Pamalo ng mga mang-aapi, iyong binali
 Tayo ay pinalaya sa pamalo ng pagkakaalipin.
 Galacia 5:1, “Malaya na tayo dahil pinalaya tayo ni Cristo. Kaya magpakatatag
kayo at huwag nang paalipin pang muli!”
 Pinalaya na tayo ng ating Panginoong Diyos mula sa mga karumihan,
pagkakasala at sa mga bagay na nagiging hadlang sa paglapit natin sa
Panginoon. Ngunit huwag nating gamitin ang kalayaang iyon para masunod ang
hilig ng laman.
 Tayo'y malaya na sa pagkakasala. Gamitin ang kalayaan mula sa kasalanan
upang paglingkuran at dakilain ang Kanyang Pangalan, kailanma'y huwag na
maaliping muli.
PAGTATAPOS:
 Sa paglalarawan ni Isaias sa sanggol na isisilang, sinabi niyang; “Siya ay kahanga-hanga sa
kaniyang pangalan.”
 Siya ay dumating na taglay ang kapangyarihan ng Ama.
 Itinatag Niya ang kaharian ng Diyos at hindi ang kaharian ng tao.
 Ang Kanyang pamamahala sa ating buhay ay nakasalig sa katarungan at katuwiran.
 Ngayong papalapit ang Pasko ay simulan nating manangan sa kapangyarihan ng Pangalan ng
ating Panginoon; Kahanga-hangang Tagapayo, Makapangyarihang Diyos, Walang Hanggang
Ama at Prinsipe ng Kapayapaan.
 Hindi tayo maliligaw ng landas sapagkat may kahanga-hangang tagapayo sa ating tabi.
 Hindi makapananaig kahit ang mga pintuan ng Hades sa ating mga buhay, sapagkat lubos at
makapangyarihan ang Diyos na ating sinasampalatayanan.
 Mayroon tayong walang hanggang Ama, na makapagkakaloob ng unlimited blessings kapag
humingi tayo sa Kaniya, (Mateo 7:7-8).
 Lalong hindi tayo iiwan ng Panginoon Jesus sa gitna ng malalaking alon at malalakas na
hampas ng hangin. Patitigilin Niya ito at papayapa ang ating mga buhay pagkat ang Shalom ay
nasa gitna ng ating bangka (Mga Hebreo 13:5-6, Mateo 8:23-27).
 Siya ang Prinsipe ng Kapayapaan na ating kailangan sa panahon ng kaguluhan at kawalan.
Ang puso ng Pasko ay nakasentro kay Cristo,

kapag ang puso ay kumilala sa Diyos ng husto at wasto!
p. 48
IKAWALONG GABI
Disyembre 23, 2021
PAMAGAT
“Paghahanap kay Cristo,
Hakbang ng Totoong Cristiano”
BATAYANG TALATA
Mateo 2:3-8
Nang mabalitaan ito ni Haring Herodes, siya'y naligalig, gayundin ang buong
Jerusalem. Kaya't tinipon niya ang lahat ng mga punong pari at mga
tagapagturo ng Kautusan at sila'y tinanong, “Saan ba isisilang ang
Cristo?” Tumugon sila, “Sa Betlehem po, sapagkat ganito ang isinulat ng
propeta: ‘At Ikaw, Bethlehem, sa lupain ng Juda, ay hindi pinakahamak sa mga
pangunahing bayan ng Juda. Sapagkat sa iyo magmumula ang isang pinuno
na mamamahala sa aking bayang Israel.’” Nang mabatid ito, palihim na
ipinatawag ni Herodes ang mga pantas at inusisa kung kailan lumitaw ang
bituin. Pagkatapos, sila ay pinapunta niya sa Betlehem na ganito ang bilin,
“Hanapin ninyong mabuti ang sanggol. Kapag natagpuan ninyo siya,
ipagbigay-alam agad ninyo sa akin upang ako man ay pumunta roon at
sumamba rin sa kanya.”
KAISIPANG SENTRAL
Sa ating buhay kay Cristo,
maging mananampalatayang totoo.
p. 49
PANIMULA:
 Tayo ay nabubuhay sa gitna ng maraming hamon. Paano tumutugon ang iglesiya sa
mga hamon sa panahong ito ng krisis? Ano ang ginagawa niya, at paano hinuhubog ang
bawat isa? (How is the church responding to challenges in this time of crisis? What does
she do, and how does she shape each one?).
 Napakaganda ng tula na kinatha ni Celemy Springs Plato (2nd Pen-Name ni Shien
Winters Socrates). Isinulat noong: Abril 24, 2012 na may pamagat na;
“Katapatan sa Paglilingkod”. Ganito ang sinasabi ng tula;
Iisa lang ang kulay ng matapat na budhi May tao mang tumitingin sa kanya o wala,
Taong tapat, ni sa kaaway di namumuhi; Di nag-iiba ang kanyang panukala at gawa;
Karapat-dapat pamarisan ang karakter, Iisa ang hangarin sa mga pagpupunyagi,
Di matitibag, parang matibay na pader! Mapapurihan ang Diyos na Maluwalhati!
Narito ang taong tapat sa paglilingkod Tunay ngang ang bawat araw ay pagsubok:
Sa paningin ng Diyos ay kalugud-lugod! Ilantad ang nasa loob: malinis kaya o bulok?
Pagnanais niyang maging tapat sa lahat Anuman ang nasa puso ay mahahayag din,
Karangalan para sa kanya ang nararapat. Sapagkat ang Diyos ay nakatingin sa atin!
Wala na siyang iba pang motibo kundi Ikaw ma’y mareklamo, tamad, o mahina,
Tungkuling maayos ang syang minimithi O kaya’y malakas, masinop, at mapayapa:
Hangad nyang maging mahusay sa gawa Malalaman sa mga asal, kilos mo’t gawi,
At patunayan ang katapatan hindi sa salita. Kung pulido o ipokrito ang tunay na ugali.
 To whom are you identified with? Are you identified with Jesus, are you connected with
Jesus?
 Tingnan natin ang tatlong representasyong hinahanap sa totoong nakaugnay kay
Cristo:
I. ANG PAGHAHANAP PARA SA TAPAT NA PINUNO (tt.3-4)

(The search for the faithful leader)
“Nang mabalitaan ito ni Haring Herodes, siya'y naligalig, gayundin ang buong
Jerusalem. Kaya't tinipon niya ang lahat ng mga punong pari at mga tagapagturo ng
Kautusan at sila'y tinanong, “Saan ba isisilang ang Cristo?”
 Nang marinig ni Herodes ang tungkol sa ipinanganak na hari ng mga Judio, siya ay
naligalig. Siya ay palaging nagbabantay laban sa mga banta sa kaniyang
pamamahala, lalo na mula sa kaniyang sariling pamilya.
 Pinaslang niya ang maraming miyembro ng pamilya na pinaghihinalaan niyang hindi
tapat sa kaniya. Ang mamroblema sa iba’t ibang bagay lalo na sa pulitika at
kapangyarihan ay talagang nakababalisa sa kaniya.
 Si Herodes ay isang Edomita at hindi isang Judio. Kinilala siya ng Roma bilang hari
sa Judea. Tinitiis ng mga Judio ang kanilang matinding pagkapoot sa kaniya
p. 50
gayunman, tinatanggap pa rin siya ng kaniyang pinamumunuan dahil sa paghanga

sa kaniyang mga building projects, gaya ng napakagandang mga pagpapahusay na
ginawa niya sa ikalawang templo.
 Ipinaaalaala sa atin ni Barclay kung gaano karahas na hari si Herodes: “Nang siya ay
lumuklok sa trono ay nagsimula siya sa pamamagitan ng paglipol sa Sanhedrin…
pinatay niya ang tatlong daang opisyal ng korte… pinatay niya ang kanyang asawang
si Mariamne, at ang kanyang ina na si Alexandra, ang kanyang panganay na anak na
si Antipater, at dalawa pang anak, sina Alexander at Aristobulus.”
 Uhaw na uhaw siya sa kapangyarihan, lulong sa sarili, walang awa, mapanupil, at
mang-aapi. Isa syang napakasamang tao.
 At dulot na rin ng ligalig na ito ay ipinapatay ni Herodes ang lahat ng sanggol sa
Betlehem at mga kalapit na lugar (Mateo 2:3, 13, 16). Kahit na ang Betlehem ang
pinakahamak at marginalized sa lahat ng lunsod at bayan ng Juda.
 Dalawa ang hari na tinutukoy sa istoryang ito —si Herodes at si Jesus. Subalit ang
tapat na pinunong karapat-dapat maghari ay hindi si Herodes kundi ang isinilang na
Mesias (Isaias 9:6a).
Ano ang katangian ng tapat na pinuno? Ayon sa teksto…

a. Ang tapat na pinuno ay may payapang kaluluwa
(The faithful leader has a peaceful soul)
 Sa Mateo 2:3, “Nang mabalitaan ito ni Haring Herodes, siya'y naligalig, gayundin
ang buong Jerusalem.”
 Ang payapang kaluluwa ayon sa paglalarawan ni Haring David sa Awit 103:2-4;
1. Pagpupuri sa Panginoon ng kaluluwa niya, at
2. Hindi niya paglimot sa lahat Niyang mabubuting gawa.
3. Na siyang nagpapatawad ng kaniyang lahat na mga kasamaan;
4. Na siyang nagpapagaling ng kaniyang lahat na mga sakit;
5. Na siyang tumutubos ng kaniyang buhay sa pagkapahamak:
6. Na siyang nagpuputong ng kagandahang-loob at malumanay na mga
kaawaan sa kaniya.
 Ang payapang kaluluwa sa paglalarawan ng Panginoong Jesus sa Mat. 11:28-29;
1. Ito ay kapahingahan kay Jesus sa pamamagitan ng paglapit sa Kaniya upang
ibigay ang hirap at mabibigat na pasanin.
2. Pagpasan sa pamatok ni Jesus, at
3. Pagkatuto ng kaamuan at pagpapakumbabang puso: na nagbubunga ng
kapahingahan ng ating mga kaluluwa.
b. Ang tapat na pinuno ay pursigido kay Cristo
(The faithful leader is steadfast in Christ)
 Sa Mateo 2:7-8, “Nang mabatid ito, palihim na ipinatawag ni Herodes ang mga
pantas at inusisa kung kailan lumitaw ang bituin. Pagkatapos, sila ay pinapunta
niya sa Betlehem na ganito ang bilin, “Hanapin ninyong mabuti ang sanggol.
p. 51
Kapag natagpuan ninyo siya, ipagbigay-alam agad ninyo sa akin upang ako man
ay pumunta roon at sumamba rin sa kanya.”
 Ang pabalat-bungang naisin ni Herodes ay nagpapakita ng huwad na
pagpupursige na hanapin at sambahin si Jesus at isuko ang kaniyang sarili rito.
 Bilang tapat na pinuno, dapat makita ang pagsusumigasig sa sarili at
pinamamahalaan na maging priority ang lahat ng bagay para kay Jesus.
 Katulad ng makikita natin sa mga pantas na may puso para sa Panginoong Jesus,
nagsisikap, at pursigido na ituloy ang paglalakbay papunta kay Jesus.
II. ANG PAGHAHANAP PARA SA TUNAY NA DISIPULO (tt.5-6)

(The search for the true disciple)
Tumugon sila, “Sa Betlehem po, sapagkat ganito ang isinulat ng propeta: ‘At Ikaw,
Betlehem, sa lupain ng Juda, ay hindi pinakahamak sa mga pangunahing bayan ng Juda.
Sapagkat sa iyo magmumula ang isang pinuno na mamamahala sa aking bayang Israel.’”
 Sa pamaskong awit ng “O Little Town of Bethlehem” ay may ganitong isinasaad;

For Christ is born of Mary, and gathered all above
While mortals sleep, the angels keep, their watch of wondering love
O morning stars together, proclaim the holy birth
And praises sing to God the King, and Peace to men on earth.
 Ang mga punong saserdote at mga eskriba dapat ang totoong pantas sa istorya. Sila
ay aral sa Banal na Kasulatan, at mga kaalamang akademia. Alam nila nang lubusan
ang kasaysayan at mga tradisyon sa Banal na Kasulatan.
 Nakapag-aral sila sa paanan ng pinakaelitistang rabbis o guro at nagmula sa mga
pinakaprestihiyosong pamilya. Dedikado at nakatalaga ang buong buhay nila sa pag-
aaral at pag-intindi sa Salita ng Diyos at malayang magtaguyod ng mga maluluhong
buhay para sa layuning yaon.
 Subalit ang masaklap ay nagmistulang malayung-malayo sa hinagap ng mga
elitistang lider ng relihiyon ng bayan na dumating na ang Tagapagligtas.
 Ang pag-aaral ng Banal na Kasulatan ang kanilang pinakamahalagang tungkulin,
siyasatin at alamin ang mga palatandaan ng pagdating ng Mesias.
 May ganitong komento si Spurgeon, “Ang bituin ay mismong bituin ni Cristo, ito rin
ang umakay sa iba. Lumipat ito sa direksyong nila, nagkaroon sila ng pagkakataon,
subalit nakalulungkot na bagay kapag ang isang mangangaral ay parang poste na
nagtuturo sa daan ngunit hindi ito sinusunod sa kanyang sariling pamumuhay.
Ganyan ang mga punong saserdote sa Jerusalem: nalaman nila kung saan
ipinanganak si Cristo, ngunit hindi sila pumunta upang sambahin siya; sila ay lubos
na walang malasakit sa kaniya at sa kaniyang kapanganakan,”
 Sa komentaryo ng paglalapat ng interpretasyon sa Mateo 2:5-6 ay may ganitong
napakahalagang katanungan: “Paano nila lubusang nalingatan ang pinaka-
tinututukan ng kanilang relihiyon, gayong lumapag naman sya sa sarili nilang
p. 52
bakuran? Paanong nangyari iyon? Ano’t nangyari yun? Bakit di yun naintindihan ng
pinaka-elitistang lider ng relihiyon ng bayang hinirang? Paanong nangyaring pinag-
aralan nila ang banal na kasulatan at pagkatapos nalingatan nila?”
 Sa aklat Jeremias 9:5-6 ay nakasulat ang ganito, “Dinadaya ng kaibigan ang kapwa
niya kaibigan, At walang nangungusap ng katotohanan. Tinuruan nila ang kanilang
dila na magsinungaling; Pinapagod ang kanilang mga sarili sa pagkakasala. Para
kang namumuhay sa gitna ng panlilinlang.”
 Nais ni Herodes, at ng mga punong saserdote at mga eskriba (mga naghaharing uri)
na manatili ang kasalukuyang sistema ng buhay, subalit ang pagsisisi at pagtalikod
sa kasamaan ang inaasahan ng Diyos na tugon sa kanilang pagkilos. Pagbabago ang
ipinahihiwatig ng pagsisisi. Nakararamdam sila ng panganib dahil sa banta ng
pagbabago kay Cristo ngunit wala silang aksyon sa bagay na ito.
Ano ang katangian ng isang Disipulo?

a. Nag-aaral ng Banal na Kasulatan upang maging tagapagturo.
1 Timoteo 3:2-3, “Ang tagapanga-siwa ay dapat na walang maipupula, iisa lang
ang asawa, mapagpigil, ginagamit nang maayos ang pag-iisip, may magandang
asal, bukas ang tahanan sa mga panauhin at makakapagturo. Siya ay hindi dapat
na manginginom ng alak, hindi palaaway, hindi gahaman sa maruming
kapakinabangan, subalit mahinahon at mapayapa at hindi maibigin sa salapi.”
b. Sumusunod sa Banal na Kasulatan upang ipamuhay ito.
2 Timoteo 1:8-10, “Alam natin na mabuti ang kautusan kapag ito ay ginamit sa
wastong paraan. Alam natin na hindi itinalaga ng Diyos ang kautusan para sa mga
matuwid kundi para sa mga hindi kumikilala sa kautusan ng Diyos, sa mga
mapanghimagsik, sa mga hindi kumikilala sa Diyos, sa mga makasalanan, sa mga
hindi banal at mga mapaglapastangan sa Diyos, para sa mga pumapatay ng
kanilang ama o ina, at para sa mga mamamatay-tao. Ito rin ay para sa mga
mapakiapid, sa mga lalaki na nagpapagamit sa kapwa lalaki, sa mga magnanakaw
ng tao, sa mga sinungaling at para sa mga bulaang saksi, para sa ano pa mang
sumasalungat sa mapagkakatiwalaang katuruan.”
c. Isinasapuso ang Banal na Kasulatan at ipininangangaral ito.
 2 Timoteo 1:5, “Ngunit ang layunin ng utos na ito ay pag-ibig na mula sa isang
pusong dalisay, isang mabuting budhi at walang pakunwaring
pananampalataya.”
 1 Tesalonica 3:1, “Sa katapus-tapusan, mga kapatid, ipanalangin ninyo kami
upang ang salita ng Panginoon ay lumaganap at luwalhatiin na tulad nang
pagluwalhati ninyo.”
III. ANG PAGHAHANAP NG SASAMBA KAY CRISTO (tt.7-8)

(The search for the worshipper of Christ)
Nang mabatid ito, palihim na ipinatawag ni Herodes ang mga pantas at inusisa kung
kailan lumitaw ang bituin. 8 Pagkatapos, sila ay pinapunta niya sa Bethlehem na ganito
p. 53
ang bilin, “Hanapin ninyong mabuti ang sanggol. Kapag natagpuan ninyo siya,
ipagbigay-alam agad ninyo sa akin upang ako man ay pumunta roon at sumamba rin sa
kanya.”
 Siguradong huwad ang sinabi ni Herodes na “upang ako man ay pumunta roon at
sumamba rin sa kanya.”
 Nang makita ng mga pantas si Jesus, nagpatirapa sila at sinamba ang bata.
Pinagkalooban din nila ito ng mamahaling regalo. Inihandog nila sa kanya ang mga
dala nilang ginto, kamanyang at mira (Mateo 2:11).
 Ito marahil ang diwa ng Juan 4:23, “Ngunit ang oras ay dumarating, at ngayon na nga,
kung saan ang mga tunay na sumasamba ay sasamba sa Ama sa espiritu at
katotohanan, sapagkat ganito ang hinahanap ng Ama na sasamba sa kanya.”
 Ang mga pantas ay matatalino sapagkat:
o Ipagtanong nila sa hari ang pagsilang ng tunay na Hari, ikinumpirma sa mga
relihiyoso ang pagsilang batay sa Kasulatan at ipaalam sa mga tao na pupunta
sila upang sambahin si Cristo.
 Sa talata 12 ay sinabi, “Nang papauwi na ang mga pantas, nakatanggap sila ng babala
sa pamamagitan ng panaginip na huwag nang bumalik kay Herodes, kaya't nag-iba
na sila ng daan pauwi.”
 Kinausap sila ng Diyos sa panaginip at pinukaw sila sa huwad na intensiyon ni
Herodes. Inaalis sa kanila ng Diyos ang: (1) sa pagdadalawang-isip, (2) sa malabo at
magulo, at (3) sa pagiging tulog.
 Sa pag-uwi ng mga pantas, nag-iba sila ng daan. Iniwasan nilang makitang muli si
Herodes. Matapos nilang makita ang batang si Jesus, nabago ang mga pantas. Di na
katulad ng dati ang kanilang pagkilos at paniniwala. Naiba ang tingin nila kay
Herodes at sa mga lider ng relihiyon, sapagkat nabaling ang kanilang atensiyon sa
Panginoon.
Ano ang bagong karunungang ibinigay sa kanila ng Diyos matapos nilang matagpuan
at sambahin si Jesus?
a. Huwag nang bumalik kay Herodes
 Si Herodes ay maaaring sumimbulo ng kabalisahan, kayabangan, pagmamataas,
pagpatay, imoralidad, sakim sa kapangyarihan at kasinungalingan ayon sa
paglalarawan sa kaniiya ng Banal na Kasulatan.
 Nakalulungkot, na ang mga ekspertong iyon ay may tamang impormasyon ngunit tila
personal na walang interes na makilala ang Mesias sa kanilang sarili.
b. Mag-iba na sila ng daan
 Dapat ay binabago natin ang ating buhay para umangkop sa Banal na Kasulatan, di
natin binabago ang mga Kasulatan para umangkop sa ating buhay.
 Ginamit ng mga paring judio at eskriba ang Banal na kasulatan upang panatilihin ang
kanilang katayuan at pusisyon ng katayugan at kapangyarihan. Ipinakita ng mga
pantas ang tunay na karunungan—sinamba nila ang hari ng mga Hudyo at nag-iba sila
p. 54
ng daan – ito ang tunay na ekspresyon ng pagsamba sa Diyos sa espiritu at

katotohanan.
c. Ibayong kagalakan sa paglalakbay
 Ganoon na lamang ang kanilang kagalakan ng marating nila at matagpuan ang sanggol
na si Jesus. Inihatid sila ng bituin Niya at hindi nasayang ang kanilang paglalakbay.
Wala silang inaksayang panahon, kaagad ay sinamba nila si Jesus (Mateo 2:10-11).
 Kung tutuusin lahat-lahat ang mga araw at oras na kanilang ginugol sa paglalakbay
upang hanapin ang Mesias ay hahangaan natin ang mga pantas sa kanilang
dedikasyon.
 Napakalayo ng kanilang nilakbay upang sambahin sa maikling oras ang Panginoon,
subalit dumating silang malakas at punung-puno ng inspirasyon upang buong galang,
buong puso at kagalakang sambahin at handugan ang Panginoon.
 Pina-iba sila ng daraanan ng Diyos, at pihadong maiiba ang landas na kanilang
tatahakin pabalik. Siguradong mas malayong daan sapagkat iiwasan nila ang mga
dating landas na kanilang tinahak noong una.
 Subalit kung ang paglalakbay patungo sa Panginoon ay nagbigay sa kanila ng
malaking determinasyong matagpuan ang Panginoon, ang paglalakbay pauwi ay
maghahatid sa kanila sa ibayong kagalakan, pagpapala, at pananabik na ipagbunyi ang
napakagandang karanasan na iyon sa Panginoon sa kanilang bayan, pamilya at mga
kaibigan.
PAGTATAPOS:
 Sa pagwawakas ay hiramin natin ang katanungan ni Herodes; “Saan ba isisilang ang Cristo?
Saan nga ba Siya masusumpungan?”
 Isinilang ang Cristo sa isang dukha at maruming kwadra. Ang hari ay matatagpuan sa abang
pasabsaban.
 Siya ay isisilang at matatagpuan sa mga pusong mapagpakumbaba, sa mga pusong tunay na
nagsasaliksik at sumusunod sa Kaniya, at sa sumasamba sa Espiritu at katotohanan, doon
natin pasimulang hanapin ang sumilang na Mesias!
Isang hakbang sa pagiging totoong Cristiano,

Makararating na sa puso ng Paskong nakasentro kay Cristo!
p. 55
IKASIYAM NA GABI
Disyembre 24, 2021
PAMAGAT
“Panawagan ng Diyos,
Pakinggan ang Manunubos”
BATAYANG TALATA
Mateo 17:5
Samantalang nagsasalita pa siya, narito, ang isang
maningning na alapaap ay lumilim sa kanila: at narito,
ang isang tinig na mula sa alapaap, na nagsasabi, “Ito
ang sinisinta kong Anak, na siya kong kinalulugdan; siya
ang inyong pakinggan”.
KAISIPANG SENTRAL
Nananawagan ang Diyos na makinig tayo sa
Kaniyang Anak na si Jesus.
p. 56
PANIMULA:
 Ang ating batayang talata ay ikalawang ulit na narinig ang tinig ng Diyos patungkol sa
Kaniyang Anak na si Jesus. Ang una ay pagkatapos na si Jesus ay mabautismuhan at ang
ikalawa ay sa pagbabagong-anyo o transfiguration (Mateo 3:17 at Mateo 17:5).
 Habang si Jesus na nagniningning sa kaluwalhatian ng langit at nakikipag-usap kina
Moses at Elias, nadama ni Pedro ang labis na pangangailangang gumawa ng isang bagay
– nais niyang gumawa ng tig-iisang kubol para sa kanila.
 Subalit inutusan ng Diyos sina Pedro, Santiago, at Juan na makinig kay Jesus.
Napakalinaw nang natanggap nilang mensahe – “makinig kay Jesus”.
 Nang magpakita sina Moises at Elias sa pagbabagong-anyo kasama si Jesus ay nagbalik
sa kanilang alaala ang mga nabasa nila mula sa kanilang kasaysayan.
 Ang “Hear oh Israel” ay salitang inilagay ng Diyos sa labi ni Moises upang sa tuwina ay
maalala nila na ang pangunahing tungkulin nila ay “pakinggan ang Diyos”.
 Sa mga Israelita, kilala ito bilang “Shema”. Ito ay salitang Hebreo para sa “pakinggan o
dinggin,”. Mula sa salitang ito ay maliwanag sa kanila ang konseptong ang tungkulin ng
Israel sa Diyos ay magsisimula sa “Shema’’ at magtatapos sa “Shema”: “Dinggin mo, O
Israel: Ang Panginoon nating Diyos, ang Panginoon ay iisa.”
 Ito ay kaagad sinundan ng; “Ibigin mo ang Panginoon mong Diyos nang buong puso mo
at nang buong kaluluwa mo at nang buong lakas” (Deuteronomio 6:4-5).
 Si Elias ay nabanggit din sa salaysay (Mateo 17:3). Si Elias, na ang kahulugan ng
pangalan ay "ang Diyos ang aking Panginoon".
 Si Elias ang matapang na propeta ng Diyos na lumaban sa mga propeta ng diyus-
diyusang si Baal sa bundok ng Carmelo (1 Hari 18:17-40).
 Ginamit siya ng Diyos upang manguna sa pagpapanibagong sigla sa pananampalataya
ng mga Israelita.
 Nilabanan niya ang masamang haring si Acab at ang mga bulaang propeta na sumisira
at naglalayo sa diwa ng “Shema”.
 Ang shema ay uri ng matamang pakikinig at pagpapasakop dito.
 Samakatuwid, ang tinig na kanilang narinig mula sa Diyos na, “Ito ang sinisinta kong
Anak, na siya kong kinalulugdan; siya ang inyong pakinggan”, ay isang tungkulin na
ibinigay sa kanila upang pakinggan at magpasakop kay Jesus sa diwa ng Shema.
 Ang pagsasabi ng "Narinig ko mula sa Diyos" ay hindi dapat gamitin bilang
pangkaraniwang pananalita. It ay mga espesyal na salita mula sa banal na Kasulatan.
 At ang pagsasabing "Wala akong narinig mula sa Diyos," ay hindi pangkaraniwang
karanasan sa buhay ng mga Cristiano, sapagkat ito ay patunay lamang na ang isang tao
ay hindi pa nagpapasakop ng lubusan sa Diyos.
 Isang Kuwento ng Hudyo.
o Sinabi ng matandang Rabbi, "Noong unang panahon may mga tao na nakakita
sa mukha ng Diyos." "Bakit wala na sila?" tanong ng isang batang estudyante.
“Kasi, sa panahon ngayon lahat ay abala, wala ng nakikinig sa Kaniya,” sagot
niya.
p. 57
 Ang hamon sa atin ngayon ng ikasiyam na mensahe mula ating tema: Ang Puso ng
Pasko, Nakasentro kay Cristo ay Panawagan ng Diyos, Pakinggan ang Manunubos.
 Paano natin makikita ang diwa ng Shema sa ating panahon?
I. MAKINIG SA KANYANG TINIG AT MAGSALIKSIK NG KANYANG SALITA, ITO AY

NANANATILING MAHALAGA GAYA NG DATI
(Listening to His voice and reading His word remains as important as ever)
 Ang Salita ng Diyos ay hindi maglalaho. Napakahalaga nito sa buhay ng tao. Ang sabi
sa Mateo 24:35; “Ang langit at ang lupa ay maglalaho, ngunit ang mga salita ko ay
mananatili magpakailanman.”
 Ang Salita ng Diyos ay ibinigay sa atin upang makilala Siya at maunawaan ang
Kanyang kalooban. Magturo tungkol sa Kanya at sa planong pagtubos sa tao sa
pamamagitan ni Cristo Jesus. Ang sabi sa Juan 20:31; “Ang mga natala rito’y sinulat
upang sumampalataya kayong si Jesus ang Mesias, ang Anak ng Diyos, at sa gayo’y
magkaroon kayo ng buhay sa pamamagitan Niya”.
 Ipinaliwanag sa Hebreo 1:2-3 ang mas malalim na pagkakakilanlan ni Jesus. Siya ay
tinukoy bilang:
a. Kasama sa paglikha: Sa pamamagitan Niya ay nilikha ang sansinukob”;
b. Tagapagmana: “Siya ang itinalaga Niyang magmay-ari ng lahat ng bagay”;
c. Ang ganap na larawan ng Diyos: “Kung ano ang Diyos ay gayon din ang Anak.”
d. Umaalalay: “Siya ang umaalalay sa sansinukob sa pamamagitan ng kaniyang
makapangyarihang salita.”
e. Manunubos: “Naglaan ng kapatawaran pagkatapos Niyang linisin tayo sa ating
mga kasalanan.”
f. Hari: “Siya’y lumuklok sa kanan ng Diyos.”
 Ang mga ito ay pangunahing katuruan na nararapat napapakinggan at nasasaliksik
ng mga Cristiano sa panahong ito.
 Mayroong takot at pangamba si Apostol Pablo hinggil sa bagay na ito, kung kaya
pinayuhan niya si Timoteo na maging alerto sa nagiging takbo ng kalakaran sa
mundo.
 2 Timoteo 4:3-5, “Sapagkat darating ang panahong hindi na sila makikinig sa
wastong katuruan; sa halip, susundin nila ang kanilang hilig. Maghahanap sila ng mga
tagapagturo na walang ituturo kundi ang ibig lamang nilang marinig. Hindi na sila
makikinig sa katotohanan, sa halip ay ibabaling ang kanilang pansin sa mga kathang-
isip. Ngunit ikaw, maging mahinahon ka sa lahat ng oras, magtiis ka sa panahon ng
kahirapan. Gampanan mo ang tungkulin ng isang mangangaral ng Magandang Balita
at tuparin mo nang lubos ang iyong paglilingkod.”
p. 58
a. Ang Salita ng Dyos ay nananatiling mahalaga.

(The Word of God remains important)
 Kaya nga maging noon pa man ay mahigpit na ang tagubilin ng Diyos sa kanila
na palaging pakinggan ang Kaniyang tinig sa pamamagitan ng mga Propeta at
mga Kasulatan upang masunod nila ang lahat ng alituntunin ng Panginoon
(Deuteronomio 6:4-9).
 Lahat tayo kasama, maging ang mga bata ay tinagubilinan ng Diyos na makinig
at magsaliksik ng Kaniyang mga Salita sapagkat mahalaga ang mga ito noon at
ngayon (Mga Kawikaan 22:6).
b. Ang pagsasaliksik ng Salita ng Diyos may mabuting bunga
 Ipinakita ng mga mananampalataya sa Berea ang pagpapahalaga nila rito:
o Sa pamamagitan ng pakikinig (by Listening). Ang mga taga-Berea ay
“wiling-wili... sa pakikinig sa mga pangaral ni Pablo,” (Gawa 17:10). Dapat
samantalahin ng mananampalataya ang lahat ng oportunidad na
makakarinig sila ng pangangaral ng Salita ng Diyos. Ibig sabihin nito’y
regular na pagdalo sa pananambahan. Maaari ring makinig sa mga gawain
ng local congregation tungkol sa pag-aaral ng Biblia.
o Sa pamamagitan ng pag-aaral nito (by Studying). Hindi nakuntento ang
mga taga-Berea sa pakikinig lamang. Sinasaliksik nila ang Kasulatan araw-
araw.
 Sa Sinagoga tuwing Sabbath pinag-aaralan ng mga taga-Berea ang mga
Kasulatan. Ngunit nang marinig nila sina Pablo at Silas, lalo nilang
pinagbuti ang kanilang pag-aaral “upang tingnan kung totoo nga ang
mga sinasabi niya.” (Gawa 17:11).
 Itinuturo ng Banal na Kasulatan na ang pagsasaliksik ng Kaniyang Salita ay
napakahalaga sa ating panahon. Ito ang ating pananggalang upang hindi tayo
madaya ng kasalanan (Efeso 6:12-17).
 Sa panahon natin ngayon ay hinihimok ang bawat isa na makinig ng mga
pagbubulay mula sa Banal na Kasulatan at basahin ang mga ito.
II. MATUTO SA KANIYANG MGA DAAN AT TUPDIN ANG KANYANG MGA UTOS, ITO
AY NANANATILING NAKAUGNAY SA NAKARAANG PAMAMARAAN NILA.
(Learning His ways and observing His commands remains connected to their old ways)
 Si Apostol Pedro, na isa sa mga naroroon, ay hindi kailanman makakalimutan ang
patotoong ito ng Ama tungkol sa Kaniyang Anak na si Jesucristo:
 2 Pedro 1:17, Nang tanggapin niya mula sa Ama ang karangalan at kaluwalhatian.
Ito'y nangyari nang marinig namin ang tinig mula sa dakilang kaluwalhatian ng
langit na nagsabing, “Ito ang minamahal kong Anak na lubos kong kinalulugdan.”
Narinig namin ito mula sa langit sapagkat kami'y kasama niya nang ito'y maganap sa
banal na bundok.
p. 59
 Maging si Juan na naroroon ay nagpatotoo rin sa Juan 12:30-32, ‘Ang tinig na ito ay
dumating hindi dahil sa akin, kundi para sa inyo’. Ito ang panahong sinabi Niya na
pagkakataong ibinigay o given opportunity sa atin para sa ating ikatitibay at
pagtuturo.
 Ang lahat ng mga patotoong ibinigay kay Cristo mula sa langit ay mga probisyong
para sa mga makasalanan. Siya, bilang Mesias, ay kinalulugdan at sinisinta ng Diyos;
kaya nga ang mga salitang ito ay dapat na laging nasa ating isipan, lalo na kapag tayo
ay lumalapit sa Diyos sa mga pagtupad natin ng tungkulin.
 Sa Lumang Tipan, paano inilarawan ang daan ng Diyos kay Solomon?
 Binuod ito sa 1 Cronica 28:9 “At ikaw naman, Solomon, anak ko…
1. kilalanin mo ang Diyos ng iyong ama at
2. paglingkuran mo Siya nang buong puso at pag-iisip, sapagkat sinisiyasat ni
Yahweh ang ating damdamin at nauunawaan ang ating binabalak at iniisip.
3. Kung lalapit ka sa Kanya, tatanggapin ka Niya.
4. Ngunit kung tatalikuran mo Siya, itatakwil ka Niya magpakailanman.”
 Sa panahon ng Bagong Tipan, bakit ipinakita ni Jesus ang Kanyang mataas na
pagpapahalaga sa pagtupad sa Kasulatan noong Siya’y nabubuhay pa sa lupa?
a. Upang bigyan tayo ng pag-asa. “Anumang nasa kasulatan noon pang una ay
nasulat sa ikatututo natin, sapagkat lumalakas ang ating loob at nagkakaroon ng
pag-asa kapag binabasa natin ang mga aral na matatagpuan dito” (Roma 15:4).
b. Upang bigyan tayo ng babala. “Nangyari ito sa kanila bilang babala sa iba, at
nasulat upang turuan tayong mga inabot ng huling panahon” (I Cor. 10:11).
c. Upang magkaroon ng katiyakan ng buhay na walang hanggan. “Isinulat ko
ito sa inyo upang malaman ninyo na kayong nananalig sa anak ng Diyos ay may
buhay na walang hanggan” (I Juan. 5:13).
Ano ang gagawin natin sa mga turo ng Tagapagligtas habang nabubuhay tayo?
III. MAHALIN ANG DIYOS AT MAMUHAY SA EBANGHELYO, ITO AY NANANATILING

KASUNDUAN NOON AT NGAYON
(Loving God and living the gospel remains a binding agreement then and now)
 Sa Mateo 22:37-3 ay sumagot si Jesus, “Ibigin mo ang Panginoon mong Diyos nang
buong puso, nang buong kaluluwa, at nang buong pag-iisip. Ito ang
pinakamahalagang utos. Ito naman ang pangalawa: Ibigin mo ang iyong kapwa gaya
ng pag-ibig mo sa iyong sarili.”
 Ang pangungusap na ito ni Jesus ay ang diwa ng “shema” sa ating panahon: dinggin
at sundin. Ito ay nagmula sa bibig ng ating Panginoon.
 Sa Juan 6:68-69 ay sumagot si Simon Pedro, “Panginoon, kanino pa po kami
pupunta? Nasa inyo ang mga salitang nagbibigay ng buhay na walang hanggan.
p. 60
Naniniwala kami at ngayo'y natitiyak namin na kayo nga ang Banal na mula sa
Diyos.”
 Ang statement na ito ni Pedro ay pagpapahayag ng; “shema” sa diwa ng lubusang
pagkilala at pagsandig niya kay Jesus, kung wala ito ay walang layunin ang buhay.
 Nananatili ang bisa ng pagkakaugnay nating ito kay Jesus (Juan 15). Dahil dito tayo
ay nasasakop ng; “shema” ng dakilang utos ni Jesus.
 Sa iba’t ibang panahon ay nagsalita ang Panginoon (Hebreo 1:1-2), kaya masasabi
nating ang diwa nito ay nagpapatuloy hanggang sa ating panahon.
PAGTATAPOS:
 Tungkol sa mga kasaysayan ng mga taong nakasaksi sa pagsilang ng Mesias, ang Pasko
ay nakita nila at naipagdiwang dahil narinig nila ang balitang ito mula sa Diyos.
 Naging bukas ang kanilang mga tainga at naghanda upang masaksihan ang dakilang
pagsilang ng Mesias. Ibinukas din nila higit sa lahat ang kanilang puso upang
salubungin nang buong galak, pananampalataya, pag-asa, at pag-ibig ang kamangha-
manghang pagsilang ng ating Panginoon.
 HINDI para tanungin ang Diyos o ang Kanyang mga pamamaraan, NGUNIT … para
magkaroon ng mas mabuting pang-unawa kung BAKIT ginawa ng Diyos ang Kanyang
ginawa tungkol sa pagsilang ng Kanyang Anak.
 Samantala, huwag nating kalilimutan ang “shema” ng Diyos na laging magpapamulat at
magbubukas ng ating puso sa tinig ng Diyos: ITO ANG SINISINTA KONG ANAK, NA SIYA
KONG KINALULUGDAN; SIYA ANG INYONG PAKINGGAN.
Ang puso ng Paskong nakasentro kay Cristo

ay dumirinig sa panawagan ng Diyos, pakinggan ang Manunubos!
Maligayang Pasko, Purihin ang Cristo!
p. 61
ARAW NG PASKO
Disyembre 25, 2021
PAMAGAT
“Ang Puso ng Pasko,
Nakasentro kay Cristo”
BATAYANG TALATA
Mateo 2:1-12
(Basahin lamang ang mga talataang 1-2)
Panahon ng paghahari ni Herodes sa Judea nang
ipanganak si Jesus sa Bethlehem. May mga pantas mula
pa sa silangan na dumating sa Jerusalem. Nagtanung-
tanong sila, “Nasaan ang ipinanganak na hari ng mga
Judio? Nakita namin sa silangan ang kanyang bituin,
kaya't naparito kami upang siya'y sambahin”.
KAISIPANG SENTRAL
Maligaya ang Pasko sa puso ng mga taong
nakatagpo kay Cristo.
p. 62
PANIMULA:
 Inihambing sa isang pusikit na kadiliman ang naganap sa kasaysayan ng Israel. Ito ay
“dilim ng pamimighati” ayon sa Isaias 1:1-31.
 Subalit sa Isaias 9:1 ay binigyang diin ng salita ng Diyos ang hulang matutupad; “Ngunit
napawi na ang dilim sa bayang matagal nang namimighati”.
 Inilagay ng Diyos sa puso ng bawat mananampalataya ang pagtanaw at paghihintay sa
ipinangakong Mesias. Dahil dito ang buong paglalarawan sa Lumang Tipan ay
pagtanaw sa pagdating ng Hari na mamamahala sa habang panahon (Isaias 9:6-7).
 Ang pagsilang ng Mesias ay pinananabikan ng mga Judio dahil alam nila kung ano ang
isinulat ni Isaias at ng iba pang mga propeta hinggil sa kaniya. Noong panahon ni Jesus,
maraming Judio ang “naghihintay” sa nalalapit na pagdating ng Mesiyas. (Lucas 3:15).
 Si Propeta Isaias ay nagsaad na ang Mesias o Cristo ay ipanganganak ng isang birhen.
Sinabi ni Mateo na, “Ang lahat ng ito ay talagang nangyari upang matupad yaong
sinalita ng Diyos sa pamamagitan ng kaniyang propeta, na nagsasabi: ‘Narito! Ang
dalaga ay magdadalang-tao at magsisilang ng isang anak na lalaki’” (Mateo 1:22, 23;
Isaias 7:14).
 Inihula rin ni Isaias na ang Cristo ay magiging inapo ni David, anupat binanggit si Jesse,
ang ama ni David. Totoo ngang nagmula si Jesus sa angkan ni David. (Mateo 1:6, 16;
Lucas 3:23, 31, 32) Kaya bago ipanganak si Jesus, sinabi ng anghel na si Gabriel kay
Maria: “Ibibigay sa kaniya ng Diyos ang trono ni David na kaniyang ama.” —Lucas 1:32,
33; Isaias 11:1-5, 10; Roma 15:12.
 Kaya sa kasaysayan ng pagsilang ng Mesias, ang susing salita at paulit-ulit na binanggit
ay ang salitang “Nakita o Natagpuan” namin ang Mesias.
 Juan 1:41, Una niyang hinanap ang kapatid niyang si Simon at sinabi niya sa kanya,
“Natagpuan na namin ang Mesiyas” (na ang katumbas ay Cristo).
 Lucas 2:8 ay nakita ng mga pastol ang kaluwalhatian ng maraming anghel sa
pagbabalita ng pagsilang ng Mesias.
 Lucas 2:26 ay Nakita ni Simeon ang Mesias, at ang pagliligtas ng Diyos.
 Lucas 2:36-38, ay Naroon din sa Templo ang isang propetang babae na ang pangalan
ay Ana. Nang oras na iyon, lumapit siya kina Jose at Maria at nagpasalamat sa Diyos.
Nagsalita rin siya tungkol sa sanggol sa lahat ng naghihintay sa pagpapalaya ng Diyos
sa Jerusalem.
 Mateo 2:2, Sabi ng mga pantas, “Nakita namin ang kanyang bituin naparito kami upang
siya’y sambahin”.
Dahil dito, ang Pasko ay nagpapakita ng mga larawan ng iba’t-ibang mukha ng mga taong
nakasaksi ng napakahalagang istorya na ito sa kasaysayan. Tingnan natin ang nilalaman ng
puso ng pasko ayon sa karanasan ng mga pantas.
p. 63
I. ANG PUSO NG PASKO…

1. Ang puso ng Pasko ay isang paghahanap kay Cristo (Mateo 2:1b).
 Di birong paglalakbay ang ginawa ng mga pantas na ito. Milya-milya ang nilakbay
ng mga Pantas mula sa Dulong Silangan patungong Gitnang Silangan upang
hanapin si Jesus.
 Si Jesus ay ipinanganak sa Betlehem, ito ay anim na milya lamang ang layo mula
sa Jerusalem. Ang lahat ng uri ng gawaing espiritwal ay doon nagaganap.
 Ang lahat ng mga pangunahing pinunong relihiyoso ng mundo ay nasa Jerusalem,
subalit walang sinuman sa kanila ang naghahanap kay Jesus noong panahon na
isinilang Siya, tanging ang mga Pantas na mula sa ibang lugar at kultura ang
naghahanap kay Jesus.
 Sa paghahanap ng mga pantas ay natagpuan nila ang Mesias.
 Totoo ang sinasabi sa Mateo 7:7-8, “Humingi kayo at kayo'y bibigyan; humanap
kayo at kayo'y makakatagpo; kumatok kayo at kayo'y pagbubuksan. Sapagkat ang
bawat humihingi ay tatanggap; ang bawat humahanap ay makakatagpo; at ang
bawat kumakatok ay pagbubuksan.”
2. Ang Puso ng Pasko ay isang pagsamba kay Cristo (Mateo 2:2).
 Ang mga pantas na ito ay may iisang layunin sa kanilang paglalakbay; makita ang
isinilang na Hari upang ito ay kanilang sambahin (Mateo 2:2, 11).
 Ang pagsamba ang pinakamataas na ekspresyon ng ating pag-iral (existence). Ito
ang pinananabikan ng ating mga espiritu, ito ay dahil sa kahabagan ng Diyos sa
atin (Roma 12:1-2).
 Ang pagsamba ay anyo ng pagpapakababa. Ang mga pantas bagama’t matatalino
ay nagpakabababa sa isang sanggol na sumilang sa sabsaban. Bakit ganito ang
katangian ng mga pantas na ito?
 Una ay sapagkat ayon sa pag-aaral, ang mga pantas na ito ay may taglay na
karunungan sa mga hula na isinasaad sa Kasulatan, ipinagpapalagay ng mga
mananaliksik na naging interesado ang mga pantas na ito sa hula tungkol sa
Mesias. Hindi lamang mga kaalaman sa astrologo sila nag-aaral, kundi sa iba’t
ibang bagay na makapagdaragdag ng kanilang kaalaman sila ay interesado.
 Katulad halimbawa ng bituin ng Panginoon na gumabay at naghatid sa kanila
patungo sa Mesias. Hindi iyon pangkaraniwang bituin.
 Ang mga Pantas ay hinanap si Jesus, para sa kanila ang pagsamba kay Jesus ay
isang bagong tuklas na karunungan. Naglakbay sila ng apat hanggang limang
buwan sa napakainit na disyerto para matagpuan si Jesus. Napakaseryoso nila sa
paghahanap sa Diyos. Handa nilang gawin ang lahat ng dapat gawin para lamang
matagpuan Siya at sambahin.
 Ganundin ang dapat nating gawin. Hindi natin maaaring hayaang mayroong
humadlang sa pagsamba natin sa Diyos. Iyon ang pinakamahalagang tagumpay na
maaaring maranasan ng isang Cristiano.
p. 64
3. Ang Puso ng Pasko ay isang ganap na pagbabago kay Cristo (Mateo 2:12).
 Sa Mateo 13:45-46 ay sinabi ni Jesus sa isang talinghaga na ang Kaharian ng Langit
ay tulad ng isang perlas na mamahalin na ipagbibili natin ang lahat ng mayroon
tayo para lamang makamtan ito. Tila ang Mga Pantas ay matagal nang naunawaan
ito bago pa man sinabi ni Jesus ang talinhaga.
 Ang karanasan ng mga pantas sa kanilang pagsamba sa Mesias ay dahilan ng
kanilang ganap na pagbabago.
 Handang talikdan ng Mga Pantas ang lahat ng mayroon sila upang sambahin si
Jesus at handa silang magsakrapisyo para sa pagbabago dahil sa ranasan ng
marubdob na pagsamba.
 Iniwanan nila ang kanilang mga komportableng pamumuhay para sa isang
mahaba at mahirap na paglalakbay sapagkat mayroon silang tamang motibo sa
paghahanap kay Jesus, tamang pagsamba sa Kaniya, na nagbunga ng ganap na
pagbababgo sa kanila.
 Nabago na ba ng tunay na pagsamba ang ating mga buhay?
Tingnan naman natin ang direksiyon ng puso ng Pasko ayon sa karanasan ng mga pantas.
II. ANG SENTRO: SI JESU-CRISTO

Ayon sa talata 2 ay nagtanung-tanong sila, “Nasaan ang ipinanganak na hari ng mga
Judio?”
1. Kapag si Jesus ang sentro walang walang takot at pangamba
 Napakalakas ng loob ng mga pantas na ito sapagkat hinahanap nila ang isinilang
na Hari ng mga Judio sa harapan ni Herodes. Sa harapan talaga ni Herodes! – isang
notorious sa kasamaan at walang kabutihan sa puso!
 Bagama’t ang takot at pangamba ay nagpapakitang tayo ay tao, dahil dito, tandaan
nating ang Panginoong Jesus ay sasaatin sa panahong maranasan ito.
 Isaias 41:10, “Ako'y sasaiyo, huwag kang matakot, ako ang iyong Diyos, hindi ka
dapat mangamba. Palalakasin kita at tutulungan, iingatan at ililigtas.”
2. Kapag si Jesus ang sentro, pag-iingat at gabay ay mararanasan
 Ang bituin ay nanguna sa kanila mula pa sa silangan hanggang tumigil sa tapat ng
kinaroroonan ni Jesus (Mateo2:9).
 Sa kanilang paglalakbay ay maaaring may mga peligrosong lugar ng mga tulisan o
kaya ay mga makamandag na ahas o alakdan sa daraanan, subalit sila ay
nakatingala sa langit habang minamasdan ang gabay at pag-iingat ng Diyos sa
pamamagitan ng bituin.
 Ang pag-iingat at gabay ng Diyos ang dahilan kung kaya sila ay nakarating sa
kanilang patutunguhan.
 Job 3:23, “Ano kaya ang dahilan at ang tao'y isinilang, kung inilihim naman ng
Diyos ang kanyang patutunguhan? “
p. 65
 Salamat sa Diyos sapagkat kahit na tayo ay nasa pandemya, pag-iingat at gabay ng

Diyos ay mararanasan.
3. Kapag si Jesus ang sentro, may ibayong kagalakan.
 Sa Mateo 2:10 ay ganoon na lamang ang kanilang kagalakan nang makita ang
bituin. Ang idinulot ng mga probisyon ng Diyos sa kanilang paglalakbay ay
ibayong kagalakan.
 Mula sa kasaysayan ng paglikha hanggang sa pagwawakas ng daigdig, ang
kagalakan ay palaging naroroon. Bagama’t may mga pighati at pakikibaka,
kamatayan at kalungkutan, gayunman ang kagalakan ay dumarating sa umaga.
 Mga Awit 30:5, “Sapagka't ang kaniyang galit ay sangdali lamang; Ang kaniyang
paglingap ay habang buhay: Pagiyak ay magtatagal ng magdamag, Nguni't
kagalakan ay dumarating sa kinaumagahan.”
 Juan 16:20, “Tinitiyak ko sa inyo na kayo’y iiyak at tatangis, ngunit ang sanlibutan
ay magagalak; maghihirap kayo, subalit ang paghihirap ninyo ay magiging
kagalakan.”
PATATAPOS:
Maraming taon na ang nakalilipas, may isang napakayamang tao na nagbahagi ng hilig sa
pagkolekta ng sining kasama ang kanyang anak. Nagkaroon sila ng hindi mabibiling na mga
gawa nina Picasso at Van Gogh na nagpapalamuti sa mga dingding ng kanilang pamilya.
Habang papalapit ang taglamig, nilamon ng digmaan ang bansa, at umalis ang binata
upang maglingkod sa kanyang bansa. Pagkatapos lamang ng ilang maikling linggo,
nakatanggap ang kanyang ama ng isang telegrama. Namatay ang kanyang anak.
Naguguluhan at nag-iisa, hinarap ng matanda ang nalalapit na kapaskuhan na may
dalamhati at lungkot. Ang kagalakan ng panahon ay naglaho sa pagkamatay ng kanyang
anak.
Noong umaga ng Pasko, isang katok sa pinto ang gumising sa nalulumbay na matanda.
Habang naglalakad siya papunta sa pintuan, ang mga obra maestra ng sining sa mga
dingding ay nagpapaalala lamang sa kanya na hindi na uuwi ang kanyang anak. Pagbukas
niya ng pinto ay sinalubong siya ng isang sundalo na may hawak na malaking package na
nagsabing, “Kaibigan ako ng anak mo. Ako ang niligtas niya nang mamatay siya. Maaari ba
akong pumasok ng ilang sandali? May ipakikita ako sa iyo.”
Nabanggit ng sundalo na isa siyang artist at saka ibinigay sa matanda ang package. Nang
buksan ng matanda ang package ay nakita niya ang portait ng kaniyang anak. Sa portrait ng
kaniyang anak ay tampok ang mukha ng binata sa kapansin-pansing detalye, bagama’t ang
mundo ay hindi kailanman magiging intresado rito. Palibhasa'y nalulungkot, isinabit ng
lalaki ang larawan sa ibabaw ng tsiminea, at isinantabi ang maraming milyun-milyong
dolyar na halaga ng ibang paintings. Nang matapos ang kanyang gawain, umupo ang
matanda sa kanyang upuan at nagpasko na pinagmamasdan ang regalong ibinigay sa kanya.
Ang pinta ng kanyang anak ay naging kanyang pinakamahalagang pag-aari, subalit hindi
kasinghalaga ng ibang piraso ng sining sa buong mundo na pinagkakaguluhan at pinag-
uusapan.
p. 66
Nang sumunod na tagsibol, namatay ang matanda. Ang mundo ng sining ay naghihintay
nang may pag-asa para sa paparating na auction. Ayon sa kalooban ng matanda, lahat ng
mga gawang sining ay isusubasta sa Araw ng Pasko, ang araw na natanggap niya ang
pinakadakilang regalo.
Dumating ang araw at ang mga kolektor ng sining mula sa buong mundo ay nagtipon
upang mag-bid sa ilan sa mga pinakakahanga-hangang painting sa mundo. Ang kanilang
pangarap ay matutupad sa pagkakaroon ng mga paintings na iginuhit ng mga sikat na pintor
ng mundo sa araw na iyon.
Nagsimula ang auction sa isang painting na wala sa listahan ng museo ng sinuman, iyon
ay ang pinta ng anak ng matanda. Humingi ng opening bid ang auctioneer, ngunit tahimik
ang lahat. “Sino ang magbubukas ng bidding na may $100?” Walang nagsalita. Sa wakas ay
may nagsabi, "Sino ang interesado sa pinta na iyan, larawan lang ito ng kanyang anak?
Lumipat tayo sa magagandang paintings."
Sagot ng auctioneer, “Hindi, kailangan muna nating ibenta ito. Ngayon, sino ang kukuha
ng anak?" Sa wakas, isang kapitbahay ng matanda ang nag-alok ng $10 dolyares. “Iyon lang
ang mayroon ako. Kilala ko ang bata, kaya gusto kong makuha ito." Sinabi ng auctioneer,
“Going once, going twice…gone.” This painting is sold!
Napuno ng kasayahan ang silid at may sumigaw, "Ngayon ay maaari na tayong mag-bid
sa tunay na kayamanan!"
Tiningnan ng auctioneer ang silid na puno ng mga tao at inihayag na tapos na ang auction.
Natigilan ang lahat. May nagsalita at nagsabi, “Anong ibig mong sabihin, tapos na? Hindi
kami pumunta rito para sa isang pinta ng anak ng isang matanda. Mayroong milyun-milyong
halaga ng sining dito! Ano ang nangyayari?"
Sagot ng auctioneer, “It’s very simple. Ayon sa kalooban ng ama, ang sinumang kunin ang
anak…makakamit ang lahat.”
 Ang mensahe ng kuwento ay pareho ngayong Pasko. Dahil sa pag-ibig ng Ama…kung
sino man ang kumukuha sa Anak ay makakamit ang lahat ng ito. Sapagka’t ang puso ng
Pasko ay nakasentro lamang kay Cristo.
 Kapatid, si Cristo ba ang sentro ng Pasko sa iyong puso? Naibigay mo na ba nang buo
ang iyong buhay sa Kaniya?
 Ngayong sasapit ang Pasko, huwag mong hayaang hindi mo madama ang puso nito,
ibukas mo ang iyong puso, ipasakop ang iyong buhay sa kaniya at araw-araw ang puso
ng Pasko ay mararanasan mo sapagkat si Cristo ang sentro nito.
 Maligaya ang Pasko ng mga pusong na kay Cristo!
Maligaya ang Pasko sa Puso ng mga taong nakatatagpo kay Cristo!
p. 67

Simbang Gabi 2021

Uploaded by

Document Information

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Simbang Gabi 2021

Uploaded by

Copyright:

Available Formats

ANG MGA MENSAHENG ITO AY INIHANDA NG KAGAWARAN NG EDUKASYON CRISTIANA

Bawat hakbang sa paglalakbay na ito ay isang matapang at matalinong hakbangin ng pusong

PAGBATI NG SUPERINTENDENTE HENERAL

Our God is truly good all the time!

Nagpapasalamat tayo sa Panginoon na sa kabila ng pandemya ay mayroon tayong mas maayos na

Sa mga Iglesia tulad ng IEMELIF, lalong tumitingkad ang pagdiriwang ng kapaskuhan sa

Kaugnay nito, panatilihin natin ang paggamit ng “blended” (online at face-to-face) na

OBISPO NOEL M. ABIOG

“Loving God, Living the Gospel… for over 100 years.”

I. TATAWAGING PINAGPALA (Be Called Blessed), tt. 46-49

 Ang salitang “makarios” na ginamit sa Griego sa Lumang Tipan ay resulta ng tamang

makalupang bagay, o materyal na bagay: maaaring isang mabuting asawa, maraming

II. TATANGGAP NG KAHABAGAN (Will Receive Mercy), tt.50-52

Ang KAHABAGAN NG DIYOS na natanggap ni Maria ay may tatlong kapahayagan:

1. Ito ay bagong kalagayan upang maranasan ang kabuuan ng Diyos.

Kawikaan 19:23, “Ang pagkatakot sa Panginoon ay patungo sa kabuhayan; at

2. Ito ay pagkamit sa isang bagong pananaw na nakasalig sa Tagapagligtas.

3. Ito ay pag-aalis sa kadustaan at pagtataas sa abang kalagayan

 Si Maria ay nakaranas ng kapunuan sa kaniyang buhay. Ang sanggol na si Jesus

May tatlong (3) ANYO NG PAGPAPALA tayong makikita sa sinabi ni Maria:

1. Ang pagdanas ng mga kasalatan ay pinalitan ng kasaganaan.

2. Ang pagkamahabagin ng makatarungang Diyos.

 Ang Diyos ay Mahabagin subalit Siya rin ay Makatarungan. Katangian na ng

3. Ang pagpapatuloy ng mga pangako kay Abraham patungo sa atin

 Ang pagbanggit ni Maria sa kaniyang mga ninuno at kay Abraham ay direktang

 Pasasaganahin Niya ang lahat sa mabubuting bagay (tal. 53)

Ang paghihintay sa Mesias ay may kagalakang walang katumbas!

Pastores na nagbabantay ng kawan sa parang,

Kaya lahat ay magalak, Mayaman at salat,

I. MAGANDANG BALITA SA LAHAT NG TAO (tt. 8-12)

masusumpungan ang sanggol na nababalot ng mga mahabang tela at nakahiga sa isang

 Ang unang pagpapahayag ng pagsilang ni Cristo ay ang kaluwalhatian ng Panginoon

Ang Magandang Balita sa lahat ng tao ay:

b. Nagdudulot ng malaking kagalakan sa gitna ng kapighatian

 Ito ay tumutukoy sa damdamin na nakaugnay sa sakit na ginawa ng isang tao o

Sa isang taon at siyam na buwang karanasan natin sa pandemyang ito ay masasabi

II. KAPAYAPAAN SA MGA TAONG KINALULUGDAN NIYA (tt.13-17)

 Sa pag-aaral ng mga tagapagsulong ng kapayapaan ay sinabi nila na kaya hindi

a. Ang kapayapaan ay matatagpuan lamang kay Jesus

sabihin nito, ang tao ay makatatagpo ng tunay na karanasan ng

b. Ang mga taong kinalulugdan ay nagsusulong ng kapayapaan (tt.15-17)

 Ang kapanganakan ni Jesus ay nagdudulot ng maraming mga makabuluhang

Ang puso ng Pasko ay si Cristo na nagliliwanag sa madilim na mundo!

I. NATUTUPAD ANG PAHAYAG NG BANAL NA ESPIRITU (tt. 25-28)

Dito ay makikita natin na…

 Tayo ay nasa panahon ng panalangin, paghihintay, at taimtim na pananabik sa

II. NARARANASAN ANG PANGAKO NG PAGLILIGTAS (tt.29-32)

Ano ang pagliligtas ng Diyos?

b. Ito ay pagkilala sa katotohanan ng Diyos.

Umagang-umaga na sa puso ko, Hinawing lahat ang luksang anino;

Awit ng ibo’y aking naririnig, Sa puso ko’y umaga,

Sa puso’y lalagi ang kagalakan, Sa puso ko’y umaga,

Sa puso ng Pasko, ang pagsilang ni Cristo ay ipinahayag ng Espiritu Santo,

I. SUBOK NA PANANAMPALATAYA SA DIYOS (tt.18-20)

 Ang salitang "Huwag kang matakot" mula sa Panginoon ay dumating pagkatapos ng

a. Bakit sinusubok ang pananampalataya?

II. SUMUSUNOD SA PANUTO NG DIYOS (tt.21-22)

 Ang isa sa mga dahilan ng pagkapipi ni Zacarias ay ang kanyang kawalan ng

a. Bakit kailangang sumunod sa mga panuto ng Diyos?

 Sinasabi ng Diksyunaryo ng Biblia ng Eerdman, "True 'hearing,' or obedience,

III. SIGURADONG PANGAKO NG DIYOS (tt.23-25)

 Pagkalipas ng 400 taon, sa wakas ay natanaw na ang pagdating ng Mesias sa

a. Tinulungan niya at pinalaya ang kanyang bayan (tt.67-68).

c. Ililigtas Niya tayo mula sa ating mga kaaway (t.71).