SIWSÄWINAKA

Siwäwinak waljaruw t’aqxti, sañäni: wawatuq siwsäwi, chiqa siwsäwi, saräw siwsäwi,
jisk’a siwsäwi, juk’ampinaka

MÄ WAJCHHA YUQALL WAWAN

SARNAQÄWIPA

Nayra pachax kunayman t’aqhisiñanakaw utjatayna. Nuwasiñanakas ch’axwañanakas

waliw utjiritayna, ukw kipkarakiw manq’añanakas janirakw utjirikataynati, ukat mä
yuqall wawax chukiyaw jach’a markaruw sarawayxatayna. Ukanxa, uka yuqallax mä
janq’u yanqha jaqin utaparuw sart’atayna.
Janq’u jaqixa, yuqall wawarux wal t’aqhisiyiritayna, ukat qhipa maranakax yuqallax
waynaptxataynawa. janq’u jaqix chuymanixataynaw, ukhamirus usurkipstataynawa.
Ukata, waynax kumjämti jupax, jupa jak’ana t’aqhiskän uka amtayasas kutxatatayna,
ukjamarakiwa jupax jupa jak’an t’aqhiskäna, ukas amtayasaw kutxatatayna,
ukhamarak jupax jan yaqañ yäqxatänati, ukhamaw pata markat mantir waynax wali
qamiriptxatayna.

JISKHT’ANAKAR JAYSAPXAM
1.Khithis aka siwsäwinx jilpachach arsu?

2. Khithinakas aka siwsäwinx juk’ak arsupxi.

3. Khitinakats aka siwsäwix parlistu?.

4. Janq’u jaqix aka siwsäwin kuns kamachi?

5. Aka siwsäwix kuns yatichistu?

Q

SIWSÄWINAKA

QALA QAYUN AMUYT’ÄWIPA

Mä tiwulaw utjäna, thakhin sarir jaqinakarus wal jachayirïna, qala qayu khumuñ
riyatanaks sapa kutiw apaqirïna. Asnux jaqip jachir uñjasax akjam amuyt’äna: jan
jachamti, nayaw uka riyatanak apthapinïxa, ukatakisti, p’isqimpiw nayrat jinchut
lluch’intitäta, ukatx tiwulan putup punkur jaqust’iriw saräna. Thakhin sarir jaqisti,
chiqapuniw p’isqimp nayrat jinchut lakat muchintatäkaspas ukjam lluch’intatayna.
Tiwulasti, putu punk mistunisax uñxatataynawa, ¡jäkaray! ¡asnurakis jiwxataynaxä!
Putu manqhar qatatrantawä, sasa. Ukat riyatanak asnur taqiwjat chinuntas
qatatrantañatak apsunitayna. Ukañkamasti, allqamar nayranak sipsuñatak purinitayna.
Asnur chinuntasinxa, ch’amamp qatatrantañatakiw jupax chinintasirakitaynaxa.
Ukjammäkipansti, mayak asnux jaltawayxatayna, qänchs........ qänchs........ qänchs......
sasina Tiwulax jisk’a thantha wariräkaspas ukjamaw asnump qatatiyasitayna.
Ukat wal arnaqasïna: allqamari. justaskäkim … justaskäkim … sasina. Ukjamatw
asnux riyatanak kutsuyanxatayna. Amuyañsipanxa, qalakayux janiw jan amuyt’anïkiti,
kunjamtï jiwasax amuyktan uka jan ukasti, qalakayux ch’ikhirakiwa.
JISKHT’ANAKAR JAYSAPXAM
1.Khithis aka siwsäwinx jilpachach arsu?

2. Khithinakas aka siwsäwinx juk’ak arsupxi.

3. Khitinakats aka siwsäwix parlistu?.

4. Qalakayux aka siwsäwin kuns kamachi?

5. Aka siwsäwix kuns yatichistu?

KHULLU TAWAQUN SARNAQÄWIPA

Mä urux siskt waynax mä tawaquruw uñt’atayn siwa, tawaqux sinjucha sat
sutini,urunakas makhirakiw irakiptawayatyna, ukatx siskit waynax sinjuch tawaqurux
utaparuw irpasxatayna, siskitun mamapas katuqxakirakitaynawa siwa.
Ukatx mä urux siskitun mamapax ch’uq llamayuriw sinjuch tawaqurux khithatayna,
tawaqux jachach’uqkamak jayp’urux puriyxatayna.

Qhiphürux siskitun mamapaw llamayurix saratayna, ukatx yapunx janiw kuna

llamayutas uñstkataynati,sinjuchan takch’pax jaqin ch’uqip llamayunpach sasaw llkit
utar kut’anxatayna.

;_:
}

Mä qawqha urutx yuxch’a warmirux jupamp chik llamayur irpatayna, ukatx chika
ururux ch’uqi khumuntampiw utar khithanitayna, tawaqux mäkiw utar jalnuqasinx nin
phaykatasis aqallap qhuntasis allp wallxtayasitayna, tawaqux may achhix allp
juchhantasaw mallq’at qhathirasis jiwawayxatayna.

Jayp’urux siskitun mamapax wali phiñasitaw utar kut’anitayna, uka jayra warmix kuns
jichhakam utan lurpach sasa, utar mantasas allpis chuwar asnuqat mä khulluk uta taypin
jiwat ukham waytxatayna.
JISKHT’ANAKAR JAYSAPXAM
1.Khithis aka siwsäwinx jilpachach arsu?

2. Khithinakas aka siwsäwinx juk’ak arsupxi.

3. Khitinakats aka siwsäwix parlistu?.

4. Tawaqux aka siwsäwin kuns kamachi?

5. Aka siwsäwix kuns yatichistu?

 TAWAQUMPIT LIQILIQIMPITA

Qamaq Jipiña sata markanxa mä sapa wajcha tawakuw jan khitin tumpirin
jakasitayna, jupax uywanak awatxasisakiw sarnaqiritayna, ukata, mä urux utapan
awkipat taykapat amtasisin jachatayna: “Tataku, Mamaku kunatarak jaytasiwäpxista,
kunjamakirak sarnaqäxa” , sasaw jachatayna.

Ukat uka arumax liqi Liqikiw utapar wali liq liqt’asis p’iqis pallallat chupik
kayunakan muyuyanitayna. Ukataw uka tawaqux anch phiñasitayna. Uka qhipürunakas
uka liqi liqix mä aski k’ acha uñaqt’an waynaruwa tukutayna, Ukata, uka waynax
wajcha tawaqur llamp’u munasiñ chuymampiw arxayatayna.

Tawaqux wali muspharata, k’uchisitarakiw uka wayna uñjasax jikxatasitayna, Ukat mä

urux ukjam uñt’asisax wali sum aruskipasxapxatayna, ukjamat liqi liqi waynamp
tawaqumpix purapat munasipxatayna , ukat jaqichasiñ phunchhaw urux qamaq jipiñ
markachirinäkax phunchäwi wakichapxatayna.

Ukat uka urux liqi liq waynax suma thuqkas thuqkasax mayaki, kay p’akjasitayna,
uka mayakrak liqi liqiruw tukusin “phur, Liq liq…”, sas alaytuqirw tuykatawätayn
siwa. Tawaqux wali kusisiñat jachañarukiw wasität purxarakitayna.
JISKHT’ANAKAR JAYSAPXAM
1.Khithis aka siwsäwinx jilpachach arsu?

2. Khithinakas aka siwsäwinx juk’ak arsupxi.

3. Khitinakats aka siwsäwix parlistu?.

4. Liqilqix aka siwsäwin kuns kamachi?

5. Aka siwsäwix kuns yatichistu?

SUMA PANQARAN SARNAQAWÏPA

Mä qamawinx utjanwa, mä qamkir utjäwi, walja uywanakani. Jupanakasti, mä
phuchhanipxänwa, jupasti,. Suma Panqar satänwa, jupasti, sapüruw iwij awatir saräna,
ukham awatir sarkasinxa, mä waynaruw uñt’atäna, uka waymasti wali uñaqt’an
waynanwa, jupasti walpun munanxa, Suma Panqarasti, janiw jay san munkänti. Mä
urux jupanakax q’ipiq’ip anatapxatayna. Ukatsti, Mallku waynar q’ipt’añ wakt’atayna,
mayakw utaptuqir tuytawayxatayna. Utapasti, mä qarqa qullünwa jikxatasinxa.

Suma Panqarasti, wali sustxataw jan amuyun purïna, ukatsti, may sarthapisinx ukhakiw
kunturitapx ukx amuyasitayna. Suma Panqarasti, janiw atxataynat utapar kut’añxa.
kunatix jupax wali alayankataynawa, Mallkux, Suma Panqararux qhillar sunt’ayat
aychanakakw liwatayna. Pachax jank’akiw urut urutjam saraqawayxi, Suma Panqaran
janchipatx phuyunakaw jilaratayna, ukatsti, wawanakan kunaw uñjasjatayna, mä
chikatax jaqi, yaqha chikatasti, Mallku.
Mä urux lurinsuw utapar saratayna, paqaranak ch’amuri. Taykapaj uk uñjasinja
kulirataw alismukutayna. Lurinsusti, ukjam ist’asinx larusitaynawa, jupata, ukatw
satayna, “nayaw yatxa, kawkhankitix ukxa janiw jichhax yatiwkamati, panqaranakamat
sintisitamat layku”.
Ukatsti, Suma Panqaran taykapax walpun achikt’asitayna, kawkjankis wawajax
yatiyakitaya, Lurinsusti, yatiyataynawa, phuchamax qullu lumankaskiwa mallkunpiw
qamasiski.
Taykapasti, lurinsur akham sasaw satayna, aka panqaranakax jumankaniwa,
kunapachatix kunturin utapat irpaqanirapkitat ukhaxa, lurinsux mäkiw saratayna, suma
panqarakaru. Akjam sasina, utamar sarjañäni, nayaw puriyxama, utamaru.
Suma panqarasti janiw kamast’añs atkanti, Lurisuruw jiskt’asi, wawanakajarusti
qamacharakiñäni, lurinsux akham sasaw satayna; wawanakamx jiwarayawayxañäni
ukjamwa, Lurinsux q’ipiqasiniwayxatayna, Suma Panqararu. Taykapasti walja
urunakatw uñkatasitayna, suma phuchaparu, Lurinsurux walpun jallallt’atayna.

Suma panqararux mamapax umampiw jarsutayna, taqpach janchinakapa,

janchinakapansti phuyunakwa jik’iratayna, Suma panqarasti akjam sasaw satayna;
atataw, atatawa uchhuchjistawa. Mä uruw Mallkux uk yatisiñx, lurinsuruw takjir
saratayna, ukatsti thanthpinwa tukjaniwayxatayna.
JISKHT’ANAKAR JAYSAPXAM
1.Khithis aka siwsäwinx jilpachach arsu?

2. Khithinakas aka siwsäwinx juk’ak arsupxi.

3. Khitinakats aka siwsäwix parlistu?.

4. Suma panqarax aka siwsäwin kuns kamachi?

5. Aka siwsäwix kuns yatichistu?

SIWSÄWINAKA

 Imill wawan uta punkurux

janiw qunuñäkiti. Jaqiwa
parlasiri.
 Warmïpan lups qhans uñjtana.
 Imill wawapuniw mä utx
jarphxar, siwa.
 Tayna wila pitawa mä markax
sarnaqi.
 Warmiw jaqi masiparus,
uywarus, qamäwirus munasis,
khuyapayisa, chuymanpi.
 Imill wawan janiw uta
punkurux qunuñäkiti jaqiw
chachap mayt’asir, siwa.
 Imill wawan janiw taripataru
quñuñäkiti, manu patakiriw siwa.
 Chachan wamirux janiw
unch’ukiñakiti, nayraw jalstasir
siwa.