Tarukaq muchkhuyñin.

Huq pachas kasqa iskay wayqikuna, hinas huq wayqinsi kasqa qhapaq, sullk’a
wayqintaksi kasqa wakcha. Wakchakaqsi mana mikhunan kaqtin, urqullata risqa pilli
pillikuq, chayllamansi ukhuriyamusqa huq wiraqucha yuraq kawallupi sillayusqa,
hinaspataq tapuykusqa -¿Imatan ruwachkanki? Nispa, -hinas payqa kutichisqa,
pillillatan pillikuchkani nispa, -pasaq thantas p’achampis kasqa. Hinas chay
Wiraquchaqa kamachisqa: Kunanmi wasiykita kutiruspa llapan kanchaykita
rawkharqamunki, wasiykita llanpharamunki, sumaqta picharuspa kay t’ikawan
ach’irunki nispa, t’ikata quykusqa.

Hinas chay waynaqa llapan chay Wiraquchaq kamachisqanta ruwasqa, hinaspataq,

huqkaq p’unchay pacha paqariytaqa llapan uywa kanchankunapi hunt’a kachkasqa
paquchakuna, llamakuna, wakakuna, owihakuna, asnukuna, kawallukuna,
kawrachakuna, Khuchikuna, wallpakuna ima, wasinpitaqsi achkha paqarillasqataq
mikhuykuna, imaymana kawsaykuna. Chayta rikuspas chay kuraq wayqinqa
phawaykusqa sullk’a wayqenman, maymantan suwakamunki chay uywakunata,
kawsaykunata nispa. Sullk’a wayqinsi nin manan suwakamunichu, qayna p’unchaymi
urqupi pillita pillikuchkaqtiy huq Wiraqucha niyamuwan kanchaykita wasiykita
allcharuspa kiy t’ikata t’akaramunki nispa, kaqta ruwaruqtiy kay rikusqayki
uywakuna paqarirapusqa nispa.

Hinas chay qhapaq wayqinqa, sullk’anta nillantaq yaw ñuqaman mañayuruway chay
thanta p’achaykita, ñuqapis rirusaq chay Wiraquchawan tupaq nispa.

Hinas sullk’anqa, llapanta thanta p’achanta mañayusqa, pilli pillinan wich’uñatapas.

Hinaspataq chaywan p’acharukuspa chay runaqa urquta wichayusqa, pillita
pillichkaaqtinsi hamullasqataq huq Wiraqucha yuraq kawallupi sillayusqa, hinas
¿imatan ruwachkanki? Nispa nillasqataq- Pillillatan pillikuchkani papay nispas
kutichikusqa, hinas chay Wiraquchaqa iskay t’ikallata ch’uqullunman t’ikayachin.
Hinas chay runaqa mana wasin ripuyta yuyaripusqachu, aswan llakhi pillita
pilliyuspa saqsata mikhuyapusqa.

Hinaspataq kaq urqupi qaqa k’uchupi puñuspa muskhukusqa: Layumamaquchas

wahasqa llapan apukunta Yaw taytakuna imallatan kay wawapaq quykunkis nispa,
chaymansi rimarimun : Apu T’aqllu, ñuqa quykusaq quri ch’uspallata nispas
ch’uspata warkuykun, Apu Yawarqutas rimarimullantaq ñuqataq quykusaq qolqe
monterallata nispas umanman churaykun qulqi montirata, apu Qutaqwasis
rimarimullantaq, ñuqapas quykusaq chuqi chapi llaqullalata nispas wasanman
qataykullantaq, apu Pallaypunchus rimarimullantaq ñuqapas quykusaq umiña rumi
husut’allata nistas chakinman churaykun, llapan
kawsayta haywarin; pacha illaritataqsi runaqa
hinaspataq alqunllantaq ch’anpa waqrayuq
mancharichispa arkaranpusqa, quri ch’uspantaraq
llaqsaqqa phawaripusqa.
apukunas imaymana qoriqulqi
kusisqa wasinman kutipusqa,
tarukata rikuspas, pasaqta
apaqarapusqa, hinas urquman

Wasinpitaqsi ichaqa wawankuna tarukaq runtuncha nispa chay alquq apaqasqanta

q’achpakuyukusqaku, ninapi q’achpaqtinku rimarimusqa q’aspa ¡ Ch’isslilikkk!
Taytaykin kaniii! Nispa.